Валидол® - Фармак таблетки 0.06 г

Бір таблетканың құрамында белсенді зат - изовалериан қышқылының ментил эфиріндегі ментол ерітіндісі (табиғи ментол - жалбыз экстрактісі - 4,9 %) 0,06 г; қосымша заттар: ұнтақталған қант (опа), кальций стеараты. Сыртқы түрінің, иісінің, дәмінің сипаттамасы Жалпақ цилиндр пішінді, ойығы мен сызығы, өзіне тән ментол иісі бар, ақ немесе сарғыш-ақ түсті таблеткалар. Таблеткалардың беткейінде сұр теңбілдер мен қант ұнтағының қатпары болуына жол беріледі.

• ауырлығы жеңіл дәрежедегі стенокардия ұстамалары • теңіз және әуе аурулары • истерия • невроз • нитраттарды қабылдаумен байланысты бас ауыруы

Препарат орталық жүйке жүйесіне тыныштандыратын әсер береді, сондай-ақ ауыз қуысының шырышты қабығының сезімтал жүйке («суық») рецепторларын рефлекторлық тітіркендіру арқылы қалыпты рефлекторлық тамырды кеңейтетін (коронарлитикалық) әсер көрсетеді. Рецепторлар стимуляциясы ауыруға сезімталдығын төмендетуде, тамырлардың өткізгіштігін қалыпқа келтіруде және жүрек-тамыр және жүйке жүйелерінің жұмыс істеуінің басқа маңызды механизмдерін реттеуде маңызды рөл атқаратын эндорфиндердің, энкефалиндердің, динорфиндер мен басқа пептидтердің, гистаминнің, кининдердің босап шығуының индукциялануымен қатар жүреді.

Дозалау режимі Ересектер үшін бір реттік доза 1-2 таблетканы; тәуліктік – 2-4 таблетканы құрайды. Қажет болса, тәуліктік дозаны арттыруға болады. Ең жоғары тәуліктік доза – 600 мг. Енгізу әдісі мен жолы Таблеткаларды ауызда (тілдің астында) толығымен сіңірілгенше ұстау керек. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Қажет болған кезде дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну ұсынылады

• белсенді затқа немесе қосымша заттардың кез келгеніне аса жоғары сезімталдық • айқын артериялық гипотензия • жедел миокард инфарктісі • 18 жасқа дейінгі балалар мен жасөспірімдер

Төменде ұзақ уақыт қолданған кезде байқалған жағымсыз реакциялар келтірілген, олар өздігінен тез басылады. Белгісіз: - аздаған жүрек айнуы - іштегі жайсыздық - жас ағу - бас айналуы - қысқа мерзімді артериялық гипотензия - ұйқышылдық. Аллергиялық реакциялар дамуы мүмкін, оның ішінде Квинке ісінуі, есекжем, бөртпе, қышыну. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдар: бас ауыруы, жүрек айнуы, қозу, жүрек қызметінің бұзылуы, артериялық қысымның төмендеуі, орталық жүйке жүйесінің басылуы. Емі: препаратты тоқтату және симптоматикалық емдеу.

Препаратты қабылдағаннан кейін жүрек аймағындағы ауырсыну басылмаған жағдайда, жедел коронарлық синдромды жоққа шығару үшін міндетті түрде дәрігерге жүгіну қажет. Препараттың құрамында қант бар, мұны қант диабеті бар пациенттер ескеруі тиіс. Арнайы ескертулер Педиатрияда қолдану Препаратты балаларды емдеу үшін қолдану тәжірибесі жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты қабылдағаннан кейінгі алғашқы сағаттарда көлік құралдарымен жұмыс кезінде немесе жоғары зейін аударуды қажет ететін жұмыс кезінде сақ болу керек, өйткені бас айналу, ұйқышылдық және психомоторлық реакциялар жылдамдығы төмендеуі мүмкін.

Егер дәрігердің пікірінше, ана үшін күтілетін оң әсер шарана/бала үшін потенциалды қауіптен асып кетсе, препаратты жүктілік немесе бала емізу кезеңінде қолдану мүмкін болады.

Нитраттарды қабылдаудан болған бас ауыруының айқындығын азайтады. Тыныштандыратын және гипертензияға қарсы әсерлердің әлеуеттенуі басқа психотропты және гипертензияға қарсы дәрілермен, апиынды анальгетиктермен, наркозға арналған дәрілермен және алкогольмен бір мезгілде қабылдаған кезде мүмкін болады.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 15 ˚С-ден аспайтын температурада сақтау керек. Балалардың қолы жетпейтін жерде сақтау керек!