Валтеро таблетки 500 мг

Бір таблетканың құрамында белсенді зат: валацикловир гидрохлориді моногидраты 1112,00 (валацикловирге баламалы 1000 мг) қосымша заттар: микрокристалды целлюлоза, кросповидон, повидон К90, повидон К30, магний стеараты, тазартылған су, магний стеараты. қабықтың құрамы: опадрай Ақ YS-1-7003: (ГПМЦ 2910/гипромеллоза 3ср, ГПМЦ 2910/гипромеллоза 6ср, титанның қостотығы (Е171), макрогол/ПЭГ 400, полисорбат 80. Сыртқы түрінің, иісінің, дәмінің сипаттамасы Капсула пішінді, бір жағында “I” және екінші жағында “87” өрнегі, екі жағында да бөлетін сызығы бар ақ түстен ақ дерлік түске дейінгі үлбірлі қабықпен қапталған таблеткалар.

Varicella zoster (VZV) вирусы туындатқан инфекциялар - белдемелі герпес Валтеро ересек иммунокомпетентті пациенттерде белдемелі герпесті (белдемелі теміреткі) және офтальмогерпесті емдеуге арналған. Валтеро жеңіл немесе орташа иммундық тапшылығы бар ересек пациенттерде белдемелі герпесті емдеу үшін көрсетілген. Қарапайым герпес вирусы (ҚГВ) туындатқан инфекциялар Вальтеро мына кезде қолданылады ҚГВ туындатқан тері және шырышты қабық инфекцияларын емдеу және бәсеңдету үшін қолданылады, оған қоса: - иммунокомпетентті ересектер мен жасөспірімдерде, сонымен қатар иммунитеті төмендеген ересектерде алғаш анықталған генитальді герпесті емдеу - иммунокомпетентті ересектер мен жасөспірімдерде, сонымен қатар иммунитеті төмендеген ересектерде қайталанған генитальді герпесті емдеу - иммунокомпетентті ересектер мен жасөспірімдерде, сондай-ақ иммунитеті төмендеген ересектерде генитальді герпестің қайталануын бәсеңдету Иммунокомпетентті ересектер мен жасөспірімдерде, сондай-ақ иммунитеті төмен ересектерде ҚГВ көз инфекцияларының қайталануын емдеу және бәсеңдету АИТВ-инфекциясынан басқа себептер бойынша иммунизацияланған ҚГВ бар пациенттерде клиникалық зерттеулер жүргізілген жоқ. Цитомегаловирустық (ЦМВ) инфекциялар: Валтеро ересектер мен жасөспірімдерде ағзалар трансплантациясы кезінде туындайтын цитомегаловирустық инфекцияның (ЦМВ) профилактикасы үшін қолданылады.

Әсер ету механизмі Валацикловир, вирусқа қарсы препарат, ацикловирдің L-валин эфирі болып табылады. Ацикловир пурин (гуанин) нуклеозидінің аналогы болып табылады. Валацикловир адамда ацикловирге және валацикловиргидролаза деп аталатын фермент - валинге тез және толықтай дерлік айналады. Ацикловирдің in vitro 1 және 2-типті қарапайым герпес вирусына (ҚГВ) қарсы арнайы, Varicella zoster вирусына (ВЗВ), цитомегаловирусқа (ЦМВ), Эпштейн-Барр вирусына (ЭБВ) және адамдағы герпес вирусының 6-типіне қарсы арнайы тежейтін белсенділігі бар. Ацикловир вирустық ДНҚ синтезін фосфорланғаннан және белсенді түрі – ацикловир трифосфатына айналғаннан кейін бірден тежейді. Фосфорланудың алғашқы сатысы вирус-спецификалық ферменттердің белсенділігін қажет етеді. ҚГВ, ВЗВ және ЭБВ үшін осындай фермент вирустық тимидинкиназа (ТК) болып табылады, ол вируспен зақымданған жасушаларда ғана болады. Фосфорланудың ішінара селективтілігі цитомегаловируста сақталады және UL97 фосфотрансфераза генінің өнімі арқылы өтеді. Ацикловирді спецификалық вирустық ферментпен белсендіру оның селективтілігін айтарлықтай түсіндіреді. Ацикловирдің фосфорлану үдерісі жасушалық киназалармен аяқталады. Ацикловир трифосфаты вирустық ДНҚ-полимеразаны бәсекелес тежейді және нуклеозид аналогы бола отырып вирустық ДНҚ-ға тіркеледі, бұл тізбектің облигаттық үзілуіне, ДНҚ синтезінің тоқтауына әкеледі, демек, вирус репликациясының бөгелуіне әкеледі. Фармакодинамикалық әсерлері Резистенттілігі әдетте тимидинкиназаның тапшылығымен жүзеге асады, бұл қожайын организмінде вирустың шамадан тыс таралуына әкеледі. Кейде ацикловирге сезімталдықтың төмендеуі вирустық тимидинкиназа немесе ДНҚ-полимераза құрылымы бұзылған вирус штаммдарының пайда болуымен жүзеге асады. Вирустың осы түрлерінің вируленттілігі оның жабайы штаммын еске түсіреді. Ацикловир емін немесе профилактикасын алатын пациенттерде ҚГВ және ВЗВ клиникалық изоляттарын мониторингілеу ацикловирге сезімталдығы төмен вирус иммунокомпетентті қожайында өте сирек кездесетінін және иммунитеті нашар адамдарда сирек кездесетінін көрсетті, мысалы, ағзалар немесе сүйек кемігінің реципиенттері, қатерлі аурулар кезінде химиотерапия алатын пациенттер және адамның иммундық тапшылығы вирусын (АИТВ) жұқтырған адамдар. Клиникалық тиімділік және қауіпсіздік Клиникалық зерттеулер Varicella Zoster вирусы туындатқан инфекциялар Вальтеро ауырсынуды жоюды тездетеді: зостермен байланысты ауырсынуы бар пациенттердің ұзақтығы мен үлесін азайтады, оның құрамына жедел және 50 жастан асқан пациенттерде постгерпестік невралгия кіреді. Валтеро офтальмологиялық белдемелі теміреткінің асқынулар қаупін азайтады. Венаішілік ем, әдетте, иммунитеті төмен пациенттерде зостерді емдеу үшін стандартты болып саналады; алайда, шектеулі деректер кейбір иммунитеті төмен пациенттерде, соның ішінде обыр, АИТВ, аутоиммундық аурулар, лимфома, лейкемия және бағаналы жасушалар трансплантациясы бар пациенттерде VZV инфекциясын (белдемелі теміреткі) емдеуде валацикловирдің клиникалық пайдасын көрсетеді. Қарапайым герпес вирусы туындатқан инфекциялар ҚГВ көз инфекцияларында валацикловирді емдеудің қолданылатын ережелеріне сәйкес тағайындау керек. Генитальді герпесті валацикловирмен емдеу және басуды зерттеу CD4> 100 жасуша / мм3 орташа көрсеткіші бар АИТВ / ҚГВ коинфекциясы бар пациенттерде жүргізілді. 500 мг валацикловир күніне екі рет 1000 мг симптоматикалық қайталануларды басу үшін 1000 мг асып түсті, күніне бір рет екі рет қайталануды емдеу үшін 1000 мг валацикловир анықталған герпес ұзақтығы бойынша күніне бес рет 200 мг пероральді ацикловирмен салыстырылмалы болды. Валацикловир ауыр иммундық тапшылығы бар пациенттерде зерттелмеген. Терінің басқа ҚВГ инфекцияларын емдеу үшін валацикловирдің тиімділігі құжатталған. Валацикловир герпес лабиалисті (герпесті), химиотерапиядан немесе сәулемен емдеуден туындаған мукозитті, герпес гладиаторы және бетті тегістегеннен кейін ҚГВ реактивациясын емдеуде тиімді екенін көрсетті. Ацикловирмен жүргізілген тарихи тәжірибеге сүйене отырып, валацикловир ацикловир сияқты мультиформалы эритеманы, герпестік экземаны және герпестік герпесті емдеуде тиімді болып көрінеді. Валацикловир иммунокомпетентті ересектерде генитальді герпестің берілу қаупін супрессивті ем ретінде қабылдаған кезде және қауіпсіз сексуалдық тәжірибелермен бірге төмендететіні дәлелденді. Салыстырмалы жасырын, плацебо-бақыланатын зерттеу ҚГВ-2 инфекциясына дискордантты, 1484 гетеросексуалдық, иммунокомпетентті ересек жұпқа жүргізілді. Нәтижелер плацебомен салыстырғанда валацикловир үшін 75% (симптоматикалық жүре дамыған ҚГВ-2), 50% (ҚГВ-2 сероконверсиясы) және 48% (жалпы жүре дамыған ҚГВ-2) берілу қаупінің айтарлықтай төмендегенін көрсетті. Вирустың шығарылуын зерттеуге қатысатын субъектілердің арасында валацикловир плацебоға қарағанда секрецияны едәуір 73% азайтты (берілудің төмендеуі туралы қосымша ақпаратты 4.4 бөлімінен қараңыз). Цитомегаловирустық инфекция (4.4 бөлімді қараңыз) Ағзасы трансплантацияланған субъектілерде (бүйрек, жүрек) валацикловир көмегімен ЦМВ профилактикасы трансплантаттың, оппортунистік инфекциялардың және басқа да герпесвирустық инфекциялардың (ҚГВ, ВЗВ) жедел қабылдамау жиілігін төмендетеді. Тығыз ағза трансплантацияланған пациенттерді оңтайлы терапиялық емдеуді анықтау үшін валганцикловирмен салыстырғанда тікелей салыстырмалы зерттеу жоқ.

Дозалау режимі Varicella zoster (VZV) вирусы туындатқан инфекциялар - белдемелі герпес және офтальмогерпес Пациенттерге белдемелі герпесті диагностикалағаннан кейін емдеуді мүмкіндігінше тезірек бастау ұсынылады. Белдемелі бөртпе пайда болғаннан кейін 72 сағаттан астам уақыттан кейін басталған емдеу туралы деректер жоқ. Иммунокомпетентті ересектер Иммунокомпетентті пациенттер үшін доза 7 күн ішінде тәулігіне 3 рет 1000 мг құрайды (жалпы тәуліктік доза 3000 мг). Бұл дозаны креатинин клиренсіне сәйкес азайту керек (төменде Бүйрек жеткіліксіздігі бөлімін қараңыз). Иммунитеті төмен ересектер Иммунитеті төмен пациенттер үшін доза кемінде 7 күн бойы (жалпы тәуліктік доза 3000 мг) тәулігіне 3 рет 1000 мг құрайды және қатайған қабыршақтанған тері зақымданғаннан кейін 2 күн бойы. Бұл доза креатинин клиренсіне сәйкес азайтылуы тиіс (төменде Бүйрек жеткіліксіздігі бөлімін қараңыз). Иммунитеті төмен пациенттерде вирусқа қарсы емдеу қазіргі уақытта везикулалар пайда болғаннан кейін бір апта ішінде (везикулалардың пайда болуы) немесе қатайған қабыршақтанған тері толық зақымданғанға дейін кез келген уақытта пайда болатын пациенттерге ұсынылады. Ересектер мен жасөспірімдерде ҚГВ туындатқан инфекцияларды емдеу (≥12 жас) Иммунокомпетентті ересектер мен жасөспірімдер (≥12 жас) Валтеро 500 мг дозада тәулігіне 2 рет (жалпы тәуліктік доза 1000 мг) тағайындалады. Бұл дозаны креатинин клиренсіне сәйкес азайту керек (төменде Бүйрек жеткіліксіздігі бөлімін қараңыз). Қайталану жағдайында емдеу 3 немесе 5 күнге созылуы тиіс. Анағұрлым ауыр бастапқы жағдайларда емдеуді мүмкіндігінше ертерек бастау керек және оның ұзақтығы 10 күнге дейін ұзартылуы тиіс. ҚГВ қайталанған кезде продромальді кезеңде немесе аурудың алғашқы симптомдары пайда болғаннан кейін бірден Валтеро тағайындау өте орынды болып саналады. Валтеро ҚГВ қайталануының алғашқы белгілері мен симптомдары кезінде қабылдау кезінде зақымданудың дамуына жол бермейді. Лабиалді герпес (ерін қызбасы) Лабиальді герпесті (ерін қызбасын) емдеуге балама ретінде валацикловирді бір күн ішінде екі рет 2 г дозада тағайындаған тиімді. Екінші дозаны бірінші дозаны қабылдағаннан кейін шамамен 12 сағаттан кейін (бірақ 6 сағаттан кейін ғана) қабылдау керек. Бұл дозаны креатинин клиренсіне сәйкес азайту керек (төменде Бүйрек жеткіліксіздігі бөлімін қараңыз). Осындай дозалау режимін пайдаланған кезде емдеу ұзақтығы бір күннен аспауы тиіс, өйткені бұл қосымша клиникалық артықшылықтар бермейді. Емді ерін қызбасының ең ерте симптомдары (яғни, қышу, күйдіру, ашыту) пайда болған кезде бастау керек. Иммунитеті төмен ересектер Иммунитеті төмен ересектердегі ҚГВ емдеу үшін доза клиникалық жағдайдың ауырлық дәрежесін және пациенттің иммунологиялық статусын бағалағаннан кейін кемінде 5 күн ішінде тәулігіне 2 рет 1 г құрайды. Анағұрлым ауыр бастапқы жағдайларда емдеуді мүмкіндігінше ертерек бастау керек және оның ұзақтығы 10 күнге дейін ұзартылуы тиіс. Бұл дозаны креатинин клиренсіне сәйкес азайту керек (төменде Бүйрек жеткіліксіздігі бөлімін қараңыз). Ең жоғары клиникалық пайда үшін емдеуді 48 сағат ішінде бастау керек. Зақымданудың дамуын қатаң бақылау ұсынылады. Ересектер мен жасөспірімдерде қарапайым герпес вирусы (ҚГВ) инфекцияларының қайталануын басу (≥ 12 жас) Иммунокомпетентті ересектер мен жасөспірімдер (≥12 жас) Валтеро тәулігіне 1 рет 500 мг дозада тағайындалады. Өте жиі қайталанатын кейбір пациенттер (терапия болмаған кезде≥ 10 / жыл) бөлінген доза ретінде қабылданатын күнделікті 500 мг дозадан (тәулігіне 2 рет 250 мг) қосымша пайда алуы мүмкін. Бұл доза креатинин клиренсіне сәйкес азайтылуы тиіс (төменде Бүйрек жеткіліксіздігі бөлімін қараңыз). Емдеуді 6-12 айлық терапиядан кейін қайта қарау керек. Иммунитеті төмен ересектер Валтеро тәулігіне 2 рет 500 мг дозада тағайындалады. Бұл дозаны креатинин клиренсіне сәйкес азайту керек (төменде Бүйрек жеткіліксіздігі бөлімін қараңыз). Емдеуді 6-12 айлық терапиядан кейін қайта қарау керек. Ересектер мен жасөспірімдердегі цитомегаловирустық (ЦМВ) инфекцияның және аурулардың профилактикасы (≥ 12 жас) Валтероны 2 г дозада тәулігіне 4 рет, трансплантациядан кейін мүмкіндігінше ертерек тағайындау ұсынылады. Дозаны креатинин клиренсіне байланысты төмендету керек. Емдеу ұзақтығы 90 күнді құрайды, бірақ қаупі жоғары науқастарда емдеу ұзағырақ болуы мүмкін. Пациенттердің ерекше топтары Балалар 12 жасқа дейінгі балалардағы валацикловирдің тиімділігі бағаланбады. Егде жастағы пациенттер Бүйрек функциясының елеулі бұзылуын қоспағанда, дозаны түзету талап етілмейді. Су-электролиттік теңгерімді талапқа сай демеу қажет. Бауыр жеткіліксіздігі бар пациенттер Ересек пациенттерде 1 г валацикловир дозасымен жүргізілген зерттеулер бауырдың баяу және орташа айқын циррозы бар пациенттерде (бауырдың синтетикалық функциясы сақталған) валацикловир дозасын түзету талап етілмейтінін көрсетеді. Бауырдың ауыр циррозы бар ересек пациенттердегі фармакокинетикалық деректер (бауырдың синтетикалық функциясының бұзылуы және порталдық жүйе мен жалпы қантамыр арнасы арасында шунттардың болуы) валацикловир дозасын түзету қажеттілігін көрсетпейді, алайда оны осы патологияда клиникалық қолдану тәжірибесі шектеулі. Анағұрлым жоғары дозалар (тәулігіне 4 г немесе одан жоғары) үшін. 1-кесте: БҮЙРЕК ЖЕТКІЛІКСІЗДІГІ КЕЗІНДЕГІ ДОЗАНЫ ТҮЗЕТУ Емдік көрсетілімдер — Креатинин клиренсі, мл / мин — Валтеро дозасы Varicella zoster (VZV) вирусы туындатқан инфекциялар - белдемелі герпес Иммунитеті сақталған және иммундық тапшылығы бар ересектерде белдемелі герпесті (белдемелі теміреткі) емдеу — 50 және одан көп 30-дан 49-ға дейін 10-нан 29-ға дейін 10-нан кем — тәулігіне 3 рет 1 г тәулігіне 2 рет 1 г тәулігіне 1 рет 1 г тәулігіне 1 рет 500 мг Қарапайым герпес вирусы (ҚГВ) туындатқан инфекциялар Қарапайым герпес вирусы (ҚГВ) туындатқан инфекцияларды емдеу - иммунитеті сақталған ересектер мен жасөспірімдерде — 30 және одан көп 30-дан кем — тәулігіне 2 рет 500 мг тәулігіне 1 рет 500 мг иммун тапшылығы бар ересектерде — 30 және одан көп 30-дан кем — тәулігіне 2 рет 1 г тәулігіне 1 рет 1 г Иммунокомпетентті ересектер мен жасөспірімдерде еріннің герпесін емдеу (ерінге суық тию) (альтернативті 1 күндік режим) — 50 және одан көп 30-дан 49-ға дейін 10-нан 29-ға дейін 10-нан кем — 1 күн ішінде екі рет 2 г 1 күн ішінде екі рет 1 г 1 күн ішінде екі рет 500 мг 500 мг бір рет Қарапайым герпес профилактикасы (супрессия): - иммунитеті сақталған ересектер мен жасөспірімдер — 30 және одан көп 30-дан кем — тәулігіне 1 рет 500 мг b тәулігіне 1 рет 250 мг - иммунитеті төмен ересек пациенттер — 30 және одан көп 30-дан кем — тәулігіне 2 рет 500 мг тәулігіне 1 рет 500 мг Цитомегаловирустық (ЦМВ) инфекцияның профилактикасы Ересектер мен жасөспірімдерде ЦМВ инфекциясының профилактикасы — 75 және одан көп 50-ден < 75-ке дейін 25-тен < 50-ге дейін 10-нан < 25-ке дейін < 10 немесе диализ* — тәулігіне 4 рет 2 г тәулігіне 4 рет 1,5 г тәулігіне 3 рет 1,5 г тәулігіне 2 рет 1,5 г тәулігіне 1 рет 1,5 г a – Гемодиализдегі пациенттерге доза диализ күндерінде диализден кейін берілуі тиіс. b - ≥10 қайталану/ жыл тарихы бар иммунокомпетентті субъектілерде ҚГВ басу үшін ең жақсы нәтижелерді тәулігіне 2 рет 250 мг-мен алуға болады. Бүйрек жеткіліксіздігі бар пациенттер Бүйрек функциясы бұзылған пациенттерге Валтеро тағайындау кезінде сақ болу керек. Су-электролиттік теңгерімді талапқа сай демеу қажет. Бүйрек функциясы бұзылған науқастардағы Валтеро тағайындау режимі төмендегі 1-кестеге сәйкес белгіленуі тиіс. Гемодиализдегі пациенттерге гемодиализ сеансы аяқталғаннан кейін бірден Валтеро қолдану ұсынылады. Креатинин клиренсін жиі анықтау қажет, әсіресе бүйрек функциясы тез өзгеретін кезеңдерде, мысалы, трансплантациядан кейін немесе трансплантаттың үйлесіп өсуі кезінде, бұл ретте Валтеро дозасы креатинин клиренсінің көрсеткіштеріне сәйкес түзетіледі. Енгізу жолы және тәсілі Ішке қабылдау үшін. Таблеткаларды сумен ішу керек. Қабылдау уақыты көрсетілген қолдану жиілігі Көрсетілімдерге байланысты. Валтеро препаратын тамақтануға қарамастан қабылдауға болады (Қолдану жөніндегі нұсқаулар бөлімін қараңыз) Емдеу ұзақтығы Көрсетілімдерге байланысты (Қолдану жөніндегі ұсынымдар бөлімін қараңыз).

- валацикловирге, ацикловирге және препарат құрамына кіретін кез келген қосымша ингредиентке аса жоғары сезімталдық - балалар және 18 жасқа дейінгі жасөспірімдер (офтальмогерпесті қоса, белдемелі теміреткіні емдеу; иммунитеті төмендеген пациенттерде ҚГВ-ден туындаған инфекциялар қайталануының профилактикасы (супрессия); генитальді герпес жұқтыруының профилактикасы) - 12 жасқа дейінгі балалар (ЦМВ инфекцияларының профилактикасы)

Клиникалық сынақтар барысында валацикловирмен ем алатын пациенттерде кем дегенде бір жағдайда байқалатын ең көп таралған жағымсыз реакциялар (ЖР) бас ауыруы және жүрек айнуы болды. Тромбоздық тромбоцитопениялық пурпура / гемолиздік уремиялық синдром, жедел бүйрек жеткіліксіздігі және неврологиялық бұзылулар, DRESS-синдром сияқты күрделі ЖР нұсқаулықтың басқа бөлімдерінде толығырақ келтірілген. Жағымсыз әсерлері анатомиялық-физиологиялық жіктелуіне және кездесу жиілігіне байланысты төменде келтірілген. Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес) Егер сынақтарда валацикловирмен байланысы бар дәлелдемелер болса, клиникалық сынақ деректері ЖР жиілік санаттарын тағайындау үшін пайдаланылды. Постмаркетинг тәжірибесі негізінде анықталған, бірақ клиникалық сынақтарда байқалмаған ЖР үшін нүктелік бағалаудың ең консервативті мәні («үш ереже») ЖР жиілік санатын тағайындау үшін пайдаланылды. Постмаркетингтік және клиникалық сынақтарда байқалатын тәжірибелерден валацикловирмен байланысты ретінде сәйкестендірілген ЖР үшін зерттеу жиілігі ЖР жиілік санатын тағайындау үшін пайдаланылды. Клиникалық зерттеулердің қауіпсіздігі туралы мәліметтер базасы бірнеше белгілерді қамтитын клиникалық зерттеулерде валацикловир әсеріне ұшыраған 5855 субъектіге негізделген (белдемелі герпесті емдеу, генитальді герпесті бәсеңдету және герпесті емдеу). Клиникалық сынақ деректері Жүйке жүйесі тарапынан бұзылулар өте жиі- бас ауыруы Асқазан-ішек жолы тарапынан бұзылулар жиі- жүрек айнуы Тіркеуден кейінгі зерттеу деректері Қан түзу жүйесі және лимфа жүйесі тарапынан бұзылулар жиі емес - лейкопения, тромбоцитопения Лейкопенияның туындауы негізінен иммунитеті төмен пациенттерде байқалады. Иммундық жүйе тарапынан бұзылулар сирек–анафилаксия Психика және жүйке жүйесі тарапынан бұзылулар жиі– бас айналуы, жиі емес - сананың шатасуы, елестеу, ақыл-ой қабілетінің төмендеуі, тремор, қозу; сирек - атаксия, дизартрия, құрысу, энцефалопатия, коматоздық жағдай, психоздық симптомдар, сандырақ. Неврологиялық бұзылыстар, кейде ауыр, энцефалопатиямен байланысты болуы мүмкін және сананың шатасуы, қозу, құрысу, елестеу, кома. Бұл оқиғалар әдетте қайтымды және әдетте бүйрек жеткіліксіздігі бар немесе басқа да алдын-алу факторлары бар пациенттерде байқалады (4.4 бөлімді қараңыз). ЦМВ-инфекцияның профилактикасы үшін валацикловирдің жоғары дозаларын (күніне 8 г) алатын ағзасы трансплантацияланған пациенттерде неврологиялық реакциялар басқа көрсетілімдер үшін пайдаланылатын анағұрлым төмен дозалармен салыстырғанда жиі туындаған. Тыныс алу жүйесі, кеуде қуысы және көкірекорта ағзалары тарапынан бұзылулар жиі емес - ентігу Асқазан-ішек жолы тарапынан бұзылулар жиі– құсу, диарея жиі емес - іштегі жайсыздық Гепатобилиарлық жүйе тарапынан бұзылулар жиі емес - кейде гепатиттің көрінісі ретінде қарастырылатын функционалды бауыр сынамалары көрсеткіштерінің қайтымды жоғарылауы (мысалы, билирубин, бауыр ферменттері). Тері және тері асты тіндері тарапынан бұзылулар жиі- фотосезімталдық реакцияларын қоса бөртпе, қышыну; жиі емес – есекжем; сирек- ангионевроздық ісіну (Квинке ісінуі), белгісіз - эозинофилиямен және жүйелік көріністермен жүретін дәрілік реакция (DRESS-синдром) Бүйрек және несеп шығару жолының тарапынан бұзылулар жиі емес- бүйрек аумағының ауыруы, гематурия (көбінесе басқа бүйрек құбылыстарымен байланысты); сирек - бүйрек функциясының бұзылуы, жедел бүйрек жеткіліксіздігі (әсіресе егде жастағы адамдарда және бүйрек функциясы бұзылған, ұсынылғаннан асатын дозаларды алатын пациенттерде); белгісіз – бүйректің қабынуы (тубулоинтерстициалды нефрит). Бүйрек ауруы бүйрек жеткіліксіздігімен байланысты болуы мүмкін. Ацикловир кристалдарының интратубулярлық преципитациясы туралы хабарламалар да бар. Емдеу кезінде сұйықтықтың жеткілікті мөлшерде қабылдануын қамтамасыз ету керек. Тұрғындардың арнайы топтары туралы қосымша ақпарат. Иммунитеті ауыр бұзылған ересектерде, әсіресе ұзақ уақыт бойы валацикловирдің жоғары дозаларын (күн сайын 8000 мг) алатын ЖИТС өршіген сатысындағы пациенттерде бүйрек жеткіліксіздігі, микроангиопатиялық гемолиздік анемия және тромбоцитопения (кейде біріктіріп) жағдайлары байқалды. Осындай асқынулар сол сияқты аурулары бар, бірақ валацикловир қабылдамайтын пациенттерде байқалды. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары мен белгілері Жедел бүйрек жеткіліксіздігі және неврологиялық симптомдар, оның ішінде сананың шатасуы, елестеулер, қозу, сананың төмендеуі және кома валацикловирдің артық дозасын қабылдаған пациенттерде тіркелді. Жүрек айнуы мен құсу да пайда болуы мүмкін. Кездейсоқ артық дозаланудың алдын алу үшін сақтық таныту қажет. Тіркелген жағдайлардың көпшілігі бүйрек жеткіліксіздігімен және егде жастағы пациенттермен байланысты болды, олар дозаны тиісті төмендетудің болмауына байланысты қайталап артық дозаланған. Емі уытты әсер ету белгілерін анықтау үшін науқастар мұқият бақылауда болуы тиіс. Гемодиализ ацикловирдің қаннан шығарылуын едәуір күшейтеді, сондықтан симптоматикалық артық дозалану жағдайында емдеу нұсқасы ретінде қарастырылуы мүмкін.

Организмнің гидратация дәрежесі Дегидратация қаупі бар пациенттерде, әсіресе егде жастағы пациенттерде сұйықтықтың орнының талапқа сай толтырылуын қамтамасыз ету қажет. Бүйрек жеткіліксіздігінде және егде жастағы пациенттерде қолданылуы Ацикловир көбіне бүйрек арқылы шығарылады, сондықтан валацикловир дозасы бүйрек функциясының жеткіліксіздігі бар пациенттерде төмендетілуі тиіс. Егде жастағы пациенттерде бүйрек функциясының төмендеу ықтималдығы бар және осыған байланысты пациенттердің осы тобында тағайындалған дозаны түзетудің орындылығын қарастыру қажет. Егде жастағы пациенттер де, бүйрек функциясының жеткіліксіздігі бар пациенттер де неврологиялық реакциялардың даму қаупіне ұшырайды және осы әсерлердің болуына мұқият бақылануы керек. Тіркелген жағдайларда бұл реакциялар әдетте қайтымды болды және емдеуді тоқтатқаннан кейін кетіп қалады. Бауыр жеткіліксіздігінде және бауыр трансплантациясында валацикловирдің өте жоғары дозаларын қолдану Бауыр ауруы бар науқастарда валацикловирді неғұрлым жоғары дозаларда (күніне 4000 мг немесе одан да көп) қолдану туралы деректер жоқ. Бауырды ауыстырып салу кезінде валацикловирдің әсерін зерттеу бойынша нақты зерттеулер жүргізілген жоқ, сондықтан бұл пациенттерге 4000 мг-ден асатын тәуліктік дозаларды тағайындағанда сақ болу керек. Белдемелі герпесті емдеу үшін қолдану Клиникалық реакцияларға, әсіресе иммунитеті төмендеген пациенттерде мұқият мониторинг жүзеге асырылуы тиіс. Егер пероральді қабылдауға қатысты реакция жеткіліксіз деп бағаланса, онда вирусқа қарсы венаішілік ем қолдану туралы мәселені қарастыру керек. Белдемелі герпесі асқынған пациенттер, яғни висцеральді ағзалары қамтылған, таралған белдемелі теміреткімен, қозғалыс нейропатияларымен, энцефалитпен және цереброваскулярлы асқынулармен пациенттер венаішілік ем пайдалана отырып емдеуден өтуі тиіс. Оған қоса, иммунитеті әлсіреген, офтальмиялық белдемелі герпесі бар немесе ішкі ағзаларды үдеріске қамти отырып, аурудың таралу қаупі жоғары пациенттер венаішілік терапияны пайдалана отырып ем алуы тиіс. Генитальді герпесте қолданылуы Пациенттерге симптомдар болған кезде вирусқа қарсы препаратпен емдеу басталған болса да, жыныстық қатынасқа түсуден тартыну ұсынылады. Вирусқа қарсы агенттермен супрессиялық емдеу кезінде вирустың таралу жиілігі едәуір төмендейді. Дегенмен, берілу қаупі әлі де болуы мүмкін. Сондықтан валацикловирмен емдеуге қосымша ретінде қауіпсіз жыныстық қатынас та бірге ұсынылады. Офтальмиялық ҚГВ емдеу үшін қолдану Мұндай пациенттерде клиникалық реакциялардың мұқият мониторингі жүзеге асырылуы тиіс. Егер пероральді қабылдауға қатысты реакция жеткіліксіз болса, онда вирусқа қарсы венаішілік ем қолдану туралы мәселені қарастыру керек. ЦМВ инфекцияларын емдеу үшін қолдану Валацикловирдің трансплантация (~200) жүргізілген, ЦМВ (мысалы, ЦМВ-ге реакциясы позитивті донор/ЦМВ-ге реакциясы теріс реципиент немесе антитимоциттік глобулинмен индукциялық емді пайдалану кезінде) байланысты аурудың жоғарғы қаупіне ұшыраған пациенттерге тиімділігі бойынша деректер валацикловирді мұндай пациенттерді емдеу үшін потенциалды пайда валганцикловирді немесе ганцикловирді пайдаланудың потенциалды қаупінен басым болған жағдайда ғана пайдалану керектігін көрсетеді. ЦМВ профилактикасы үшін қажетті валацикловирдің жоғарғы дозасы басқа көрсетілімдердегі төменірек дозаларды қолданған жағдайларға қарағанда ОЖЖ тарапынан болатын бұзылыстарды қоса жиірек жағымсыз әсерлер туындатуы мүмкін. Пациенттерге қолданылатын дозаны тиісінше түзете отырып бүйрек функциясының өзгерістеріне мұқият мониторинг жүргізіп отыру қажет. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Валацикловир қабылдаудың автомобильді басқару және механизмдермен жұмыс істеу қабілетіне әсерін бағалау бойынша зерттеулер жүргізілген жоқ. Пациенттің автомобильді басқару және техникамен жұмыс істеу қабілетін анықтау кезінде пациенттің клиникалық жағдайын және препаратты қабылдағаннан кейін ықтимал жағымсыз реакциялардың бейінін ескеру қажет.

Жүктілік Валацикловирді қолдану туралы деректердің шектеулі көлемі және ацикловирді жүктілік кезінде пайдалану туралы деректердің орташа көлемі валацикловир әсеріне ұшыраған немесе ацикловирді пероральді немесе вена ішіне енгізу (валацикловирдің белсенді метаболиті) әсеріне ұшыраған әйелдерде жүктілік нәтижелері құжатталған жүктілік тізілімдерінен қолжетімді 111 және 1246 (тиісінше жүктіліктің бірінші триместрінде әсеріне ұшыраған 29 және 756) нәтиже және постмаркетингтік зерттеу тәжірибесі ақаулардың немесе фето / неонаталдық уыттылықтың жоқтығын көрсетеді. Жануарларға жүргізілген зерттеулер валацикловирдің репродуктивті уыттылығын көрсеткен жоқ. Валацикловирді жүктілік кезінде емдеудің ықтимал пайдасы потенциалды қауіптен асып кеткен жағдайда ғана қолдану керек. Емшек емізу Ацикловир, валацикловирдің негізгі метаболиті, емшек сүтімен шығарылады. Алайда, валацикловирдің емдік дозаларында жаңа туған нәрестелерге / емшек сүтімен қоректенетін балаларға әсер ету күтілмейді, өйткені нәресте қабылдаған доза нәрестелердің герпесін емдеуге арналған венаішілік ацикловирдің емдік дозасының 2%-нан азын құрайды. Валацикловирді бала емізетін әйелдерге сақтықпен және клиникалық көрсетілімдер болған кезде ғана тағайындау керек. Фертильділік Валацикловир пероралді жолмен енгізілген егеуқұйрықтардағы фертильділікке әсер етпеді. Ацикловирдің жоғары парентеральді дозаларында егеуқұйрықтар мен иттерде аталық без атрофиясы және асперматогенез байқалады. Валацикловирге қатысты адам фертильділігі туралы зерттеулер жүргізілген жоқ, бірақ 400-ден 1000 мг ацикловирге дейінгі 6 айлық күнделікті емдеуден кейін 20 пациентте сперматозоидтар, олардың қозғалғыштығы немесе морфологиясы өзгерген жоқ.

Валацикловирді нефроуытты медициналық дәрілермен біріктіру әсіресе бүйрек функциясы бұзылған адамдарда сақтықпен жүзеге асырылуы тиіс және бүйрек функциясының тұрақты мониторингін талап етеді. Бұл аминогликозидтермен, органоплатинді компоненттермен, йодталған контрастылы дәрілермен, метотрексатпен, пентамидинмен, фоскарнетпен, циклоспоринмен және такролимуспен бір мезгілде қабылдауға жатады. Ацикловир негізінен бүйректердің белсенді өзекшелік секрециясы арқылы несеппен бірге өзгермеген күйде шығады. 1000 мг валацикловир тағайындалғаннан кейін циметидин мен пробенецид ацикловирдің бүйрек клиренсін төмендетеді және ацикловирдің AUC белсенді бүйрек секрециясын тежеу жолымен тиісінше шамамен 25% және 45% арттырады. Валацикловирмен бірге алынған циметидин мен пробенецид ацикловирдің AUC шамамен 65% арттырды. Бір мезгілде енгізілетін, белсенді өзекшелік секрециямен бәсекелесетін немесе тежейтін басқа дәрілік заттар (мысалы, тенофовирді қоса) осы механизм бойынша ацикловир концентрациясын арттыруы мүмкін. Сол сияқты, валацикловирді енгізу бір мезгілде енгізілетін заттың плазмадағы концентрациясын арттыруы мүмкін. Валацикловирден ацикловирдің анағұрлым жоғары дозаларын қабылдайтын пациенттерге (мысалы, белдемелі синдромды емдеуге немесе ЦМВ профилактикасына арналған дозаларда) бүйрек өзекшелерінің белсенді секрециясын тежейтін препараттарды бір мезгілде қабылдаған кезде сақ болу керек. Ацикловир плазмасындағы AUC және трансплантациялау кезінде қолданылатын иммуносупрессиялық препарат микофенолат мотефилдің белсенді емес метаболитінің жоғарылауы препараттарды бір мезгілде қолданғанда байқалды. Дені сау еріктілерде валацикловир мен микофенолат мофетилді бір мезгілде енгізген кезде шыңдық концентрацияларда немесе AUC ешқандай өзгерістер байқалмайды. Бұл біріктірілімді қолданудың шектеулі клиникалық тәжірибесі бар.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25 °С -ден аспайтын температурада сақтау керек. Балалардың қолы жетпейтін жерде сақтау керек!