Вальпрой қышқылы раствор 100 мг/мл

5 мл препараттың құрамында белсенді зат - 500 мг натрий вальпроаты (100% затқа шаққанда) қосымша заттар: натрий гидрофосфат додекагидраты, 1 М хлорсутек қышқылы немесе 1 М натрий гидроксиді ерітіндісі, инъекцияға арналған су. Сыртқы түрінің, иісінің, дәмінің сипаттамасы Мөлдір, түссіз немесе сәл сарғыш ерітінді

Егер вальпрой қышқылын уақытша пероральді қабылдау мүмкін болмаса, эпилепсиялық ұстамаларды уақытша емдеу үшін.

Нұсқаулықта көрсетілмеген.

Дозалану режимі Қыз балалар және ұрпақ өрбіту әлеуеті бар әйелдер Вальпроатпен емдеуді эпилепсияны емдеудегі тәжірибесі бар маманның бақылауымен бастау және жүргізу қажет. Вальпроатты қыз балаларда және ұрпақ өрбіту әлеуеті бар әйелдерде, емдеудің басқа әдістері тиімсіз немесе жағымсыз болған жағдайларды қоспағанда, пайдаланбаған жөн. Вальпроат бұл жағдайда вальпроатты пайдаланатын пациент әйелдер арасында жүктіліктің алдын алу Бағдарламасына сәйкес тағайындалады және босатылады. Жасөспірімдер және балалы болуға қабілетті жастағы ер адамдар Вальпроатпен емдеуді эпилепсияны емдеуде тәжірибесі бар маманның бақылауымен бастау және жүргізу керек. Қарапайым релелік жағдайда (мысалы, хирургиялық араласу алдында). Соңғы пероральді дозадан кейін 4–6 сағаттан соң инъекцияға арналған натрий хлориді ерітіндісімен (0,9%) сұйылтылған препаратты вена ішіне енгізу жүргізіледі: • немесе бұрын қолданылған дозаның тәулік ішіндегі үздіксіз инфузиясы түрінде; • немесе бұрын қолданылған тәуліктік дозаның ұзақтығы күніне 1 сағаттан болатын 4 инфузиясы түрінде (әдеттегі орташа доза тәулігіне 20-30 мг/кг құрайды). Вальпрой қышқылының қан плазмасындағы тиімді концентрациясына тез жетуді сақтап тұруды қажет ететін жағдайлар Препаратты 15 мг/кг дозада 5 минут бойы вена ішіне болюстік енгізу; содан соң енгізуді вена ішіне тұрақты инфузия түрінде 1мг/кг/сағ жылдамдықпен жалғастырады, вальпрой қышқылының қандағы 75 мг/л жуық концентрациясын қамтамасыз ету үшін енгізу жылдамдығын бірте-бірте түзетеді. Әрі қарай енгізу жылдамдығын клиникалық көрініске байланысты өзгертеді. Инфузия тоқтатылғаннан кейін вальпрой қышқылы пероральді түрлерімен емдеуге көшу алдыңғы дозаны немесе пациенттің клиникалық жай-күйін ескере отырып түзетілген дозаны қолданып жүргізілуі мүмкін. Пациенттердің ерекше топтары Егде жастағы пациенттер Егде жастағы пациенттерде вальпрой қышқылы фармакокинетикасының өзгерістері бар болса да, олар шектеулі мәнге ие, және егде жастағы пациенттерде вальпрой қышқылының дозасын эпилепсия ұстамаларын бақылауды қамтамасыз етуге қол жеткізуге сәйкес таңдап алу керек. Бүйрек жеткіліксіздігі бар пациенттер Бүйрек функциясы бұзылған пациенттерге дозаны төмендету немесе гемодиализдегі пациенттерге дозаны жоғарылату қажеттілігі туындауы мүмкін. Вальпрой қышқылы диализ жасауға жатады. Дозалануы пациентті клиникалық бақылауға сәйкес түзетілуге тиіс. Енгізу әдісі және жолы Вальпрой қышқылы препараты, инъекцияға арналған ерітінді, қатаң түрде вена ішіне баяу (3–5 минуттан артық) енгізілуі тиіс немесе инфузия арқылы (үздіксіз немесе қайталанған дозада) тағайындалады. Инфузиялық қоспаны дайындау үшін мынадай ерітінділер қолданылуы мүмкін: 0,9% физиологиялық ерітінді немесе 5% декстроза ерітіндісі.Вальпрой қышқылының қалпына келтірілген сұйықтығының түрі мөлдірден сәл бозаңдауға дейін болуы тиіс. Инфузияға арналған 500 мл ерітіндіде 5 мл вальпрой қышқылы үшін (=500 мг натрий вальпроаты) енгізу жылдамдығы - 1 мл инфузиялық ерітінді/кг/сағ. Инфузия үшін өнім 0,9% физиологиялық ерітіндімен немесе 5% декстроза ерітіндісімен сұйылтылуы мүмкін. Вальпрой қышқылы препаратын, инъекцияға арналған ерітіндіні және сұйылтылған ерітіндіні қолданар алдында көзбен қарап тексеру керек. Механикалық қосылыстары жоқ мөлдір ерітінділер ғана пайдаланылуы тиіс. Ампуланың ішіндегісі тек бір рет қолдануға арналған. Пайдаланылмаған кез келген өнім немесе қалдықтар жергілікті талаптарға сәйкес утилизациялануы тиіс. Дәрілік препараттың бір немесе бірнеше дозасын өткізіп алу кезіндегі қажетті шаралар Қабылданбай қалған дозаның орнын толтыру үшін екі есе дозасын қабылдамаңыз. Тоқтату синдромы қаупінің болуына көрсетілім Вальпрой қышқылын қолдануды дәрігермен кеңесіп алмай тоқтатпаңыз. Сіздің еміңізді тоқтату біртіндеп жүргізілуі тиіс. Егер сіз вальпрой қышқылын қолдануды кенеттен немесе дәрігер ол туралы сізге айтпай тұрып тоқтатсаңыз, сіз өзіңізді құрысудың жоғары қаупіне ұшыратасыз. Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар Дәрілік препаратты қолданар алдында дәрігерге кеңес алу үшін жүгініңіз.

• әсер етуші затқа немесе қосымша заттардың кез келгеніне аса жоғары сезімталдық • баламалы емдеу әдістері болмаған жағдайларды қоспағанда, эпилепсия кезіндегі жүктілік кезеңі • егер Жүктілікті болдырмау бағдарламасының барлық шарттары орындалмаса, бала туу әлеуеті сақталған әйелдер • бауыр функциясының айқын бұзылулары, жедел гепатит, созылмалы гепатит • пациенттің немесе оның туыстарының анамнезінде бауыр аурулары, ауыр гепатит, әсіресе дәрілік затты қолдануға байланысты аурулар • бауыр порфириясы • мочевина түзілу циклында ферменттер тапшылығы анықталған пациенттер • карнитиннің бастапқы түзетілмеген жүйелі тапшылығы бар пациенттер • митохондриялық фермент γ-полимеразаны (POLG) кодтайтын ядролық геннің мутацияларынан туындаған, анықталған митохондриялық аурулар, мысалы, Альперс-Хуттенлохер синдромы, сондай-ақ, 2 жастан кіші балаларда γ- полимеразаның кемістіктеріне байланысты ауруға күдік болғанда. • шайқураймен біріктіріп қабылдау

Өте жиі • тремор • жүрек айну Жиі • анемия, тромбоцитопения. Дозаға тәуелді тромбопения жағдайлары сипатталған, әдетте жүйелі және клиникалық салдарлары жоқ. Симптомсыз тромбоцитопения жағдайында, егер тромбоциттердің деңгейі және аурудың бақылануы мүмкіндік берсе, осы препараттың дозасын бір ғана түзету бұл тромбоцитопенияны қалпына келтіруге жиі мүмкіндік береді. • гипонатриемия, дене салмағының артуы* • сананың шатасу жай-күйі, елестеулер, озбырлық***, қозу***, зейін қоюдың бұзылуы*** • экстрапирамидалық бұзылыстар##, мелшию, ұйқышылдық, құрысулар#, жадының бұзылуы, бас ауыруы, нистагм, жүрек айнуы немесе бас айналуы • естімей қалу • қан кету • құсу, қызылиектің өзгерістері (ең алдымен, қызылиек гиперплазиясы), стоматит, эпигастрийдің ауыруы, диарея, олар кейбір пациенттерде емдеудің басында жиі туындайды, бірақ, әдетте, бірнеше күннен кейін жоғалады және емді тоқтатуды қажет етпейді • бауырдың зақымдануы • шаштың өтпелі және/немесе дозаға тәуелді түсуі, тырнақ және тырнақ асты тарапынан бұзылулар • несепті ұстай алмау • дисменорея Жиі емес • панцитопения, лейкопения • антидиурездік гормонның талапқа сай емес секреция синдромы, гиперандрогения (гирсутизм, вирилизация, акне, ерлерге тән алопеция және/немесе қандағы андрогендер концентрациясының жоғарылауы) • кома#, энцефалопатия#, айқын әлсіздік#, қайтымды паркинсонизм##, атаксия, парестезия • васкулит, көбінесе лейкоцитокласттық васкулит • плевралық жалқық (эозинофильді) • панкреатит, кейде өліммен аяқталады және емдеуді ерте тоқтатуды қажет етеді • ангионевроздық ісіну, тері реакциялары, шаш тарапынан бұзылулар (шаштың қалыпты құрылымының бұзылуы, шаш түсінің өзгеруі, шаштың дұрыс өспеуі сияқтылар) • препаратпен ұзақ емделіп жүрген пациенттерде сүйектің минералдық тығыздығының төмендеуі, остеопения, остеопороз және сынулар. Препараттың сүйек тіні метаболизміне қандай механизмі арқылы әсер ететіні анықталмаған. • бүйрек жеткіліксіздігі • аменорея • гипотермия, ауыр емес шеткері ісінулер Сирек • миелодисплазиялық синдром. • сүйек кемігінің ауқымды аплазиясы немесе шынайы эритроциттік аплазия, агранулоцитоз, макроциттік анемия, макроцитоз. • гипотиреоз • гипераммониемия** , семіздік • қалыптан тыс мінез-құлық***, психомоторлық аса жоғары белсенділік***, оқып-үйренудің қиындауы*** • диплопия, үдемелі ағымдағы ауыр когнитивтік бұзылыстар (деменция синдромының толық көрінісін беру қабілеті), қайтымды деменция, симптомдар емдеуді тоқтатқан соң бірнеше аптадан бірнеше айға дейін сақталады# • уытты эпидермалық некролиз (Лайелл синдромы), Стивенс-Джонсон синдромы, көп формалы эритема, эозинофилиямен және жүйелі симптомдармен дәрілік бөртпе синдромы (DRESS-синдром) немесе дәрілік заттарға аса жоғары сезімталдық синдромы. • жүйелі қызыл жегі, рабдомиолиз • энурез, тубулоинтерстициальді нефрит, қайтымды Фанкони синдромы • ерлердің белсіздігі , аналық бездер поликистозы • қан ұюы факторларының төмендеуі (кемінде біреуінің), коагуляциялық тесттер нәтижелерінің бұрмалануы (протромбин уақытының ұзаруы, ішінара белсендірілген тромбопластин уақытының ұзаруы, тромбин уақытының ұзаруы, ХҚҚ жоғарылауы сияқтылар), B8 дәрумені (биотин) тапшылығы/ биотинидаза тапшылығы Белгісіз (қолда бар деректер негізінде бағалау мүмкін емес) • туа біткен даму ақаулары, жүйке-психикалық даму бұзылулары • гипокарнитинемия • гиперпигментация • көп реттік инъекциядан кейін жергілікті тіндер некрозының даму қаупі • Пельгер-Хьюэта жүре пайда болған ауытқу 1 *Дене салмағының артуы поликистозды аналық бездер синдромының дамуына жағдай жасайтын фактор болып табылады, пациент әйелдердің дене салмағын мұқият бақылау қажет ). **Бауыр функциясы көрсеткіштерінің өзгеруінсіз оқшауланған және орташа гипераммониемия жағдайлары туындауы мүмкін, әсіресе политерапия жағдайында және емдеуді тоқтатуды қажет етпейді. Неврологиялық симптомдармен (комаға өтіп кетуі мүмкін) гипераммониемия жағдайлары туралы хабарланған, ол қосымша талдаулар жүргізуді қажет еткен). ***Бұл жағымсыз реакциялар ең алдымен балаларда туындайды. #Мелшию және летаргия кейде өтпелі комаға/энцефалопатияға әкелді және оқшауланған болды, немесе емдеу аясында құрысу ұстамаларының жиілеуімен астасты, сондай-ақ препаратты тоқтатқан кезде немесе оның дозасын азайтқан кезде азайды. Мұндай жағдайлардың басым бөлігі біріктірілген ем аясында, әсіресе фенобарбиталды немесе топираматты бір мезгілде қолданғанда, немесе вальпрой қышқылының дозасын күрт арттырғанда сипатталды. ##Бұл симптомдар ми атрофиясын визуализациялаумен байланысты болуы мүмкін. 1 миелодисплазиялық синдроммен де, онсыз да жүре пайда болған Пельгер-Хьюет ауытқу сипатталған. Балалар Педиатриялық популяциядағы вальпроаттың қауіпсіздік бейіні ересектердікімен салыстырылады, бірақ кейбір жағымсыз реакциялар біршама күрделі немесе негізінен педиатриялық популяцияда байқалады. Нәрестелер мен жас балаларда, әсіресе 3 жасқа дейінгі балаларда бауырдың күрделі зақымдануының ерекше қаупі бар. Кішкентай балалар да панкреатиттің ерекше қаупіне ұшырайды. Бұл қауіптер жасы өскен сайын азаяды. Озбырлық, қозу, зейіннің бұзылуы, қалыптан тыс мінез-құлық, психомоторлық аса жоғары белсенділік және оқу қабілетінің бұзылуы сияқты психикалық бұзылулар негізінен педиатриялық популяцияда байқалады Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Фелбаматпен емдеу барысында және оны тоқтатқаннан кейін клиникалық бақылау, зертханалық параметрлерге мониторинг және, бәлкім, вальпрой қышқылының дозасын түзету қажет. Құрамында эстроген бар препараттар, эстрогені бар гормондық контрацептивтер Эстрогендервальпроатглюкуронизациясынақатысатын УДФ- глюкуронозилтрансфераза (УГТ) изоформаларын индукциялайды және вальпроаттың клиренсін арттыруы мүмкін, бұл сарысудағы вальпроат концентрациясының төмендеуіне және вальпроат тиімділігінің әлеуетті төмендеуіне әкелуі мүмкін . Сарысудағы вальпроат деңгейіне мониторинг жүргізу ұсынылады. Екінші жағынан, вальпроаттың энзим индукциялайтын әсері жоқ; соның салдарынан вальпроат гормондық контрацептивтерді қабылдайтын әйелдерде құрамында эстроген бар препараттардың тиімділігін төмендетпейді. Метамизолмен біріктірілімде Метамизол бір мезгілде қолданған кезде сарысудағы вальпроат концентрациясын төмендетуі мүмкін, бұл вальпроаттың клиникалық тиімділігінің әлеуетті төмендеуіне әкелуі мүмкін. Клиникалық әсеріне мониторинг жасау (құрысуларды бақылау және көңіл-күйді бақылау) және, қажет болса, вальпроаттың қан сарысуындағы концентрациясына мониторинг жасау мүмкіндігін қарастыру керек. Метотрексатпен біріктірілімде Метотрексатты қабылдаудан кейін, құрысулардың туындауымен қатар жүретін, қан сарысуындағы вальпроат деңгейінің едәуір төмендегені туралы хабарламалар бар. Емдеуші дәрігер клиникалық реакцияны қадағалауы (құрысуларды немесе көңіл-күйді бақылау) және қан сарысуындағы вальпроат деңгейін тиісінше мониторингтеу мүмкіндігін қарастыруы тиіс. Нимодипинмен біріктірілімде (пероральді, экстраполяция жолымен инъекциялық енгізуге) Нимодипиннің плазмалық концентрациясының 50%-ға жоғарылау қаупі бар. Қысымы төмен пациенттерде нимодипин дозасын төмендету қажет. Фенобарбиталмен біріктіріп және примидонға экстраполяция жолымен Энцефалопатия қаупі жоғары гипераммониемия пайда болуы мүмкін. Клиникалық және зертханалық параметрлерге үнемі мониторинг жүргізу қажет. Фенитоинмен (және фосфенитоинге экстраполяциямен) біріктірілімде Энцефалопатия қаупі жоғары гипераммониемия пайда болуы мүмкін. Клиникалық және зертханалық параметрлерге үнемі мониторинг жүргізу қажет. Пропофолмен біріктірілімде Пропофолдың плазмалық концентрациясы жоғарылауы туындауы мүмкін. Вальпроатпен бір мезгілде қолданған кезде пропофол дозасын азайту туралы мәселені қарастыру керек. Рифампицинмен біріктірілімде Рифампицин есебінен вальпроаттың бауыр метаболизмі жоғарылауы нәтижесінде ұстамалардың пайда болу қаупі бар. Рифампицинмен емдеу кезінде және оны тоқтатқаннан кейін клиникалық бақылау, зертханалық параметрлерді бақылау және қажет болған жағдайда құрысуға қарсы дәрілердің дозасын түзету талап етіледі. Руфинамидпен біріктірілімде Руфинамидтің плазмалық концентрациясының жоғарылауына әкелуі мүмкін, атап айтқанда, салмағы 30 кг-ден аз балаларда. Салмағы 30 кг-ден аз балаларда: дозаны титрлеуден кейін тәулігіне 600 мг жалпы дозасынан аспауы тиіс. Топираматпен біріктірілімде Энцефалопатия қаупі жоғары гипераммониемия пайда болуы мүмкін. Клиникалық және зертханалық параметрлерге үнемі мониторинг жүргізу қажет. Зидовудинмен біріктірілімде Вальпрой қышылы есебінен зидовудин метаболизмінің төмендеуі аясында зидовудиннің жағымсыз реакцияларының, әсіресе гематологиялық әсерлердің пайда болу жиілігінің жоғарылау қаупі бар. Клиникалық және зертханалық көрсеткіштерге үнемі мониторинг жүргізу қажет. Біріктірілген емдеудің алғашқы екі айында анемияны анықтау үшін гемограмма жасау ұсынылады. Зонисамидпен біріктірілімде Энцефалопатия қаупі жоғары гипераммониемия пайда болуы мүмкін. Клиникалық және зертханалық параметрлерге үнемі мониторинг жүргізу қажет. Өзара әрекеттесудің басқа түрлері Литиймен біріктірілімде Вальпрой қышқылы сарысудағы литий концентрациясына әсер етпейді. Бауыр зақымдануының қаупі бар біріктірілімдер Бауырдың уытты зақымдануының даму қаупіне байланысты, 3 жасқа толмаған балаларда салицилаттарды бір мезгілде қолданудан аулақ болу керек . Вальпроат пен құрысуға қарсы басқа препараттарды бір мезгілде қолдану, әсіресе кішкентай балаларда, бауырдың зақымдану қаупін арттырады. Каннабидиолмен біріктіріп қолдану трансаминазалар деңгейінің жоғарылау жиілігін арттырады. Клиникалық зерттеулерде 10-нан 25 мг/кг дейінгі дозалардағы каннабидиол мен вальпроатты бір мезгілде қабылдаған, барлық жастағы пациенттерде, АЛТ деңгейінің қалыптың жоғарғы шегімен салыстырғанда 3 еседен артық жоғарылауы 19% пациентте тіркелді. Каннабидиолды қоса, гепатоуытты болуы ықтимал, құрысуға қарсы басқа препараттармен вальпроатты біріктіріп пайдаланғанда, бауырдың жай-күйіне тиісінше мониторинг жүргізу қажет. Бауыр көрсеткіштеріндегі елеулі ауытқулар жағдайында дозасын төмендету немесе емдеуді тоқтату мәселесін қарастыру керек . Пивалат-конъюгацияланған препараттармен біріктірілімде Карнитиндік ашығудың даму қаупінің жоғарылығына байланысты, вальпроат пен құрамында пивалат бар препараттарды (цефдиторен пивоксил, адефовир дипивоксил, пивмециллинам және пивампициллин сияқты) бір мезгілде қабылдаудан аулақ болу керек Бір мезгілде қабылдамау мүмкін болмаған пациенттер гипокарнитинемияның белгілері мен симптомдарына қатысты мұқият қадағалауда болуы тиіс. Арнайы сақтандырулар Жүктілік немесе лактация кезінде Вальпрой қышқылын қолдануға болмайды: –қолайлы баламалы емдеу болмаған жағдайларды қоспағанда, жүктілік кезінде. –жүктіліктіболдырмауБағдарламасыныңшарттарынорындаужағдайларын қоспағанда, ұрпақ өрбіту әлеуеті бар әйелдерге Жүктілік Вальпрой қышқылымен монотерапия да, сондай-ақ вальпрой қышқылымен политерапия да жүктіліктің қолайсыз нәтижесімен астасады. Қолда бар мәліметтерге сәйкес, вальпрой қышқылын қабылдамаған пациенттермен салыстырғанда вальпрой қышқылын қамтитын монотерапия және біріктірілген эпилепсияға қарсы ем жүктілік кезінде туа біткен ақаулардың жоғары қаупімен байланысты. Тератогенділігі және неврологиялық дамуға әсері Туа біткен даму кемістіктері Құлақ және/немесе мұрын дамуының ақауларына (салдарлы әсері) және/немесе есту функциясына тікелей уытты әсер етуіне байланысты, вальпроаттардың құрсақішілік әсері де естудің нашарлауына немесе кереңдікке алып келуі мүмкін. Бұл жағдайлар біржақты да, екіжақты да кереңдік немесе естудің нашарлауы ретінде сипатталады. Салдалары барлық жағдайларда бірдей белгілі болмады. Көпшілік жағдайларда мұндай белгілі салдармен сауығу болған жоқ. Вальпроаттардың құрсақішілік әсері көз дамуындағы ақауларға (колобоманы, микрофтальмдарды қоса) алып келуі мүмкін, олар туралы дамудағы басқа, туа біткен ақаулармен бірге хабарланған. Көз дамуындағы мұндай ақаулар көруге әсер етуі мүмкін. Жүктілік кезінде монотерапия түрінде вальпроат алған эпилепсиясы бар әйелдердің балаларының 11 %-ы туа біткен даму кемістіктерінен зардап шегеді, бұл жалпы популяциямен салыстырғанда (олар үшін қауіп 2–3 % құрайды) негізгі туа біткен даму кемістіктерінің үлкен қаупін білдіреді. Қауіп дозаға байланысты болады, бірақ одан төменгі қаупі жоқ шекті дозаны белгілеу мүмкін емес. Қолда бар деректер шағын және ауыр даму кемістіктерінің пайда болу жиілігі үлкен екенін көрсетті. Жүйке түтігінің кемістіктері (шамамен 2-ден 3%-ға дейін), бет дисморфизмі, ерін мен таңдайдың туа біткен жырығы, краниостеноз, жүрек ақаулары, бүйрек және несеп-жыныс жүйесінің даму кемістіктері (атап айтқанда, гипоспадия), аяқ-қолдың даму кемістіктері (оның ішінде кәрі жіліктің екі жақты аплазиясы), сондай-ақ организмнің әртүрлі жүйелерімен байланысты басқа да ауытқулар дамудың анағұрлым жиі байқалатын кемістіктері болып табылады. Неврологиялық дамудың бұзылулары Вальпроаттың құрсақішілік әсер етуі жүктілік кезінде вальпроат қабылдайтын аналардан жаңа туған нәрестелерде неврологиялық дамудың бұзылу қаупін арттырады. Мүмкін болатын қауіп дозаға байланысты болады, бірақ қауіп жоқ төменгі шекті доза қолда бар деректер негізінде белгіленуі мүмкін емес. Қауіп кезеңі бүкіл жүктілікті қамтуы мүмкін. Вальпроат қабылдаған аналардан туған мектеп жасына дейінгі балаларды зерттеу балалардың 30–40%-ында сөйлеу дамуы мен кеш жүру, ақыл-ой қабілеттерінің төмен деңгейі, тілдік дағдылардың (сөйлеу тілі және түсіну) әлсіз болуы және есте сақтау проблемалары сияқты ерте даму кідірістері бар болатынын көрсетті. Анамнезінде вальпроаттың құрсақішілік әсер етуі бар мектеп жасындағы (6 жас) балаларда өлшенген зерде коэффициенті (IQ) басқа эпилепсияға қарсы дәрілердің әсеріне ұшыраған балаларға қарағанда орта есеппен 7–10 тармаққа төмен болды, бұл ретте балалардың IQ анасының IQ-не байланыссыз болуы мүмкін. Кейіннен болатын нәтижелер бойынша деректердің шектеулі саны бар. Вальпрой қышқылының құрсақішілік әсеріне ұшыраған балалардың жалпы популяциямен салыстырғанда, балалар аутизмін (қауіптің шамамен бес есе ұлғаюы) қоса алғанда, аутистік спектр бұзылуларының даму қаупі жоғары (қауіптің шамамен үш есе ұлғаюы) болатынын айғақтайтын деректер бар. Шектеулі мәліметтерге сәйкес, жатырішілік вальпроат әсеріне ұшыраған балаларда вальпроат әсеріне ұшырамағандармен салыстырғанда, ықтималдығы жағынан шамамен 1,5 есе жиі аса жоғары белсенділікпен зейін қою тапшылығы синдромының (АБЗТС) симптомдары дамуы мүмкін. Бала тууға қабілетті әйелдер Бала туатын жастағы әйелдерде Вальпрой қышқылымен емдеуді, емнің басқа әдістері тиімсіз болған немесе жақпайтын жағдайлардан басқасында қолданбаған дұрыс. Егер басқа ем жүргізуге мүмкіндік болмаса, Вальпрой қышқылы препаратын қабылдауды жүктіліктің алдын алу бағдарламасы сақталғанда ғана бастауға болады , атап айтқанда: • жүктіліктің болмауы (жүктілікті анықтауға арналған, сезімталдығы 25 мХБ/мл кем емес плазмалық тест емнің басында және емдеу кезінде жүйелі уақыт аралықтарымен теріс нәтиже көрсеткен); • контрацепцияның кемінде бір тиімді әдісін пайдалану; • әйел вальпроатты жүктілік кезінде қолданумен байланысты қауіптерден хабардар болғанда. Ондай әйелдерде пайдасы мен қаупінің арақатынасы емдеу кезінде жүйелі уақыт аралықтарымен (жылына бір реттен сирек емес) мұқият қайта қаралуы тиіс. Құрамында эстроген бар препараттар Құрамында эстроген бар препараттар, құрамында эстроген бар гормондық контрацептивтерді қоса, вальпроат клиренсін арттыруы мүмкін, бұл сарысудағы вальпроат концентрациясының төмендеуіне және әлеуетті түрде вальпроат тиімділігінің төмендеуіне әкелуі ықтимал. Егер әйел жүкті болуы жоспарласа Егер әйел жүктілікті жоспарласа, эпилепсияны емдеуде тәжірибесі бар маман вальпроатпен емдеуді қайта бағалап, баламалы емдеу нұсқаларын қарастыруы керек. Жүкті болуға дейін және контрацепцияны пайдалануды тоқтатқанға дейін тиісті баламалы емдеуге көшу үшін барлық күш-жігерін салу қажет. Егер көшу мүмкін болмаса, әйел отбасын жоспарлауға қатысты негізделген шешім қабылдауды қамтамасыз ету үшін болашақ бала үшін вальпроаттың қаупіне қатысты қосымша кеңес алуы тиіс. Жүктілікке дейін және жүктіліктің бастында фолий қышқылын қабылдау кез келген жүктілікке тән жүйке түтігі ақауларының даму қаупін төмендетуі мүмкін. Ақпарат үшін: қолда бар деректер фолий қышқылының вальпроатпен байланысты даму ақауларына қандай да бір профилактикалық әсерін көрсетпейді. Жүкті әйелдер Тиісті баламалы ем болмаған жағдайларды қоспағанда, жүктілік кезінде вальпроатты эпилепсияны емдеу үшін қолдануға болмайды. Жүктілік вальпроат қабылдап жүрген әйелде басталса, оны емнің баламалы нұсқаларын қарастыру үшін дереу маманға жіберу керек. Жүктілік кезінде, тонустық-клонустық ұстамалар және гипоксиямен бірге ананың эпилепсиялық статусы ана үшін де, ана құрсағындағы нәресте үшін де өлімге әкеліп соғатын қауіп төндіруі мүмкін. Егер, жүктілік кезінде вальпроаттың белгілі қауіптеріне қарамастан және баламалы емдеуді мұқият қарастырғаннан кейін, ерекше жағдайларда жүкті әйел эпилепсияны емдеу үшін вальпроатты қабылдауы тиіс болса: • ең төменгі тиімді дозаны пайдалану керек; • вальпроаттың тәуліктік дозасын күні бойы қабылдау үшін бірнеше шағын дозаға бөлу керек. Босап шығуы ұзаққа созылатын дәрілік түрін қолдану плазмадағы жоғары шекті концентрацияларды болдырмау үшін кез келген басқа дәрілік түрлерден артығырақ болуы мүмкін. Вальпроатты жүктілік кезінде пайдаланатын барлық пациент әйелдерді және олардың серіктестерін вальпроаттың әсеріне ұшыраған жүктілікке қатысты бағалау және кеңес беру үшін тератологияда тәжірибесі бар маманға жіберу керек. Жүйке түтігі кемістіктерінің немесе басқа да мальформациялардың пайда болу мүмкіндігін анықтау мақсатында арнайы пренаталдық мониторинг жүргізу керек. Фолий қышқылын жүктілік алдында және жүктіліктің басында қолдану жүктіліктің барлық жағдайларында дамуы мүмкін жүйке түтігі кемістігінің қаупін төмендетуі мүмкін. Алайда, қолда бар дәлелдер бұл вальпроаттың әсер етуі нәтижесінде туа біткен даму кемістіктерін болдырмайды дегенді болжамайды. Босану алдында Босану алдында анасындағы тромбоциттер, фибриноген мөлшерін және қанның ұю уақытын (белсенділенген ішінара тромбопластин уақыты: БІТУ) анықтауды қамтитын коагулограмма жүргізу керек. Жаңа туған нәрестелердегі қауіп Анасы жүктілік кезінде вальпроат қабылдаған жаңа туған нәрестелерде геморрагиялық синдромның бірлі-жарым жағдайларының дамуы туралы хабарланды. Бұл геморрагиялық синдром тромбоцитопениямен, гипофибриногенемиямен байланысты және/немесе қанның ұю факторлары мөлшерінің азаюымен байланысты. Сондай-ақ өліммен аяқталған афибриногенемияның дамуы туралы хабарланды. Бұл геморрагиялық синдромдыфенобарбиталжәне бауырдың микросомалық ферменттерінің басқа индукторлары тудыратын К дәруменінің жетіспеушілігінен ажырату керек. Анадағы гемостаз тестілерінің қалыпты нәтижелері нәрестелердегі гемостаздың бұзылуын жоққа шығармайды. Сондықтан вальпроат алған аналардан туған нәрестелерде міндетті түрде қандағы тромбоциттердің санын, фибриногеннің плазмалық концентрациясын, қан ұю факторларын және коагулограмманы анықтау керек. Жүктіліктің ІІІ триместрі кезінде аналары вальпроат қабылдаған нәрестелердегі гипогликемия жағдайлары хабарланған. Жүктілік кезінде анасы вальпроат қабылдаған нәрестелердегі гипотиреоз жағдайлары туралы хабарланды. Тоқтату синдромы (атап айтқанда, ажитация, ашушаңдық, қатты қозу, күйгелектік, гиперкинезия, тонустың бұзылуы, тремор, құрысулар, ас ішудің бұзылыстары) жүктіліктің соңғы триместрінде аналары вальпроат қабылдаған нәрестелерде туындауы мүмкін. Босанудан кейінгі бақылау Вальпроаттың жатырішілік әсеріне ұшыраған балалардың неврологиялық мінез-құлқына мұқият мониторинг жүргізу керек және қажет болған жағдайда лайықты емді мүмкіндігінше ерте бастау керек. Жасөспірімдер мен балалы болуға қабілетті жастағы ер адамдар: Әкесі ұрықтанудан 3 ай бұрын вальпроатпен ем алған балаларда жүйке-психикалық дамудың бұзылуының әлеуетті қаупі бар. Солтүстік Еуропаның 3 елінде жүргізілген ретроспективті обсервациялық зерттеу ұрықтандыру алдында 3 ай бойы вальпроатпен монотерапия алған әкелерден туған балаларда (0-ден 11 жасқа дейін) әкесі ламотриджинмен немесе қауіпке қатысы түзетілген (ҚҚ) 1,50 (95% СА: 1,09–2,07) леветирацетаммен монотерапия алған балалармен салыстырғанда жүйке дамуының бұзылу (ЖДБ) қаупінің жоғарылауын болжайды. TND түзетілген жиынтық қаупі ламотриджин/левирацетам композиттік тобындағы 2,3% -3,2%-бен салыстырғанда вальпроат тобында 4,0% дан 5,6%-ға дейін болды. Зерттеуге енгізілген пациенттердің саны TND-нің нақты қосалқы түрлерімен байланыстарын зерттеу үшін жеткіліксіз болды. Зерттеудің шектеулері қолданылу көрсетілімдердің әлеуетті әсерін және әсерге ұшыраған топтардағы бақылау ұзақтығының айырмашылықтарын қамтыды. Вальпроат тобындағы балаларды бақылаудың орташа ұзақтығы ламотриджин/леветирацетам тобындағы балалардағы 4,8 және 6,6 жаспен салыстырғанда 5-тен 9,2 жасқа дейін болды. Әкелері ұрықтандырудан 3 ай бұрын вальпроат алған балаларда ТНД қаупінің жоғарылауы мүмкін, бірақ вальпроатпен себеп-салдарлық байланысы расталмаған. Сонымен қатар, зерттеу ұрықтандырудан 3 айдан астам уақыт бұрын вальпроат қабылдауды тоқтататын (яғни, вальпроат әсерінсіз жаңа сперматогенезге рұқсат етілген) ер адамдардан туған балалардағы ТНД қаупін бағаламады. Жасөспірімдер мен балалы болуға қабілетті жастағы ер адамдарды препарат тағайындаушы адам сақтық шаралары ретінде келесі әлеуетті қауіптерден хабардар етуі және олармен оны талқылауы тиіс: • вальпроатпен ем кезінде және оны тоқтатқаннан кейін кем дегенде үш ай, оның ішінде өз жұптасыңда контрацепцияның тиімді шараларын қолдану қажеттігін, • вальпроатпен ем кезінде және вальпроат қабылдау тоқтатылғаннан кейін кем дегенде үш ай өтпейінше шәуһетті тапсырмау керегін. Жасөспірімдер мен балалы болуға қабілетті жастағы ер адамдарда вальпроатпен емдеуді вальпроаттың ең қолайлы ем болып қала беретінін анықтау үшін препаратты тағайындайтын дәрігер үнемі қайта қарауы тиіс. Балалы болуды жоспарлаған ер жынысты пациенттер пациенттермен баламалы емдеу әдістерін қарастырып, талқылауы керек. Жеке жағдайларға әрбір жағдайда баға берілуі тиіс. Қажет болғанда эпилепсияны емдеуге мамандандырылған дәрігерден кеңес алу ұсынылады. Бала емізу Вальпроаттың организмнен емшек сүтімен шығарылуы плазмадағы мөлшерінің 1-ден 10%-ына дейін өзгереді. Гематологиялық бұзылулар емшек еметін жаңа туған нәрестелерде/вальпроатпен ем қабылдаған әйелдердің сәбилерінде анықталды. Бала үшін емуден және әйел үшін емнен алатын пайданы ескере отырып, бала емізуді тоқтату туралы немесе Вальпрой қышқылы препаратымен емдеуді тоқтату/ бас тарта тұру туралы шешім қабылдануы тиіс. Фертильділік Вальпроатты пайдаланатын әйелдерде аменорея, аналық без поликистозы және тестостерон деңгейінің жоғарылауы тіркелген. Вальпроат сперматогенезге әсер етуі мүмкін деген болжам бар (әсіресе сперматозоидтар қозғалғыштығының төмендеуі түрінде). Бақылау нәтижелері емдеуді тоқтатқаннан кейін фертильділіктің бұзылуының қайтымдылығын көрсетті Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Пациенттерге, әсіресе құрысуға қарсы біріктірілген ем жүргізген жағдайда немесе Вальпрой қышқылы препаратының ұйқышылдықты күшейтуі мүмкін басқа дәрілік заттармен біріктірілімінде ұйқышылдықтың даму қаупі болатыны туралы ескертілуі тиіс. Артық дозалану жағдайында қабылдау қажет болатын шаралар Симптомдары: бұлшықет гипотониясымен азды-көпті терең болуы мүмкін кома, гипорефлексия, миоз, тыныс алу функциясының бұзылуы және метаболизмдік ацидоз, гипотония және коллапс/кардиоваскулярлық шок. Мидың ісінуінен байланысты бассүйекішілік гипертензияның сирек жағдайлары сипатталған. Емі: асқазанды шаю, тиімді диурезді қалыпта ұстау , жүрек-қантамыр лық және тыныс алу жүйелерінің жағдайын бақылау. Өте ауыр жағдайларда, қажет болғанда, экстраренальдық диализ жүргізуге болады. Әдетте, мұндай уланудың болжамы жағымды. Осыған қарамастан, өліммен аяқталған бірнеше оқиға тіркелген. Натрий вальпроат құрамында натрий бар, сондықтан бұл артық дозалану жағдайында гипернатриемияны әкеліу мүмкін. Вальпроат артық дозаланып, гипераммониемияға алып келген жағдайда, аммоний деңгейін қалыпқа түсіруге тырысу үшін карнитинді вена ішіне енгізуге болады.

Жүктілікті болдырмау бағдарламасы Вальпроат жоғары тератогендік әлеуетке ие, ал құрсақ ішінде вальпроаттың әсеріне ұшыраған балаларда туа біткен даму кемістіктері мен неврологиялық даму бұзылуларының жоғары қаупі бар. Басқа емдеу әдістері тиімсіз немесе пациентке жағымсыз жағдайларды қоспағанда, вальпроатты қыздарға және бала туатын жастағы әйелдерге тағайындауға болмайды. Егер ешқандай басқа емдеуді жүргізу мүмкін болмаса, төменде берілген Жүктілікті болдырмау бағдарламасына сәйкес әрекет ету қажет. Мынадай жағдайларда қолдануға болмайды: •қолайлы баламалы ем болмаған жағдайларды қоспағанда, жүктілік кезінде. •Жүктілікті болдырмау бағдарламасының шарттары орындалмайтын жағдайларды қоспағанда, ұрпақ өрбіту жасындағы әйелдерде Жүктілікті болдырмау бағдарламасының шарттары Емдеуші дәрігер келесі жағдайларға көз жеткізуі қажет: •жеке мән-жайлар әрбір жағдайда пациент әйелді қатыстыруға, емдеу нұсқаларын талқылауға және оның қауіптерді және сол қауіптерді мейілінше азайту үшін қажетті шараларды түсінуін қамтамасыз етуге кепілдік бере отырып, пациент әйелмен талқылау арқылы бағаланғанына. •жүктілік ықтималдығы барлық пациент әйелдер үшін бағаланатынына. •пациент әйел туа біткен даму кемістіктері мен неврологиялық даму бұзылуларының қаупін, соның ішінде вальпроаттың әсеріне құрсақ ішінде ұшыраған балалар үшін осы қауіптің шамасын түсінетініне және ұғатынына. •пациент әйел емдеу басталғанға дейін және қажет болған жағдайда, емдеу кезінде жүктілік тестінен өту қажеттілігін түсінетініне. •пациент әйел контрацепция жөнінде кеңес алатынына, және пациент әйел вальпроатпен емдеудің бүкіл кезеңінде үзіліссіз тиімді контрацепцияны сақтауға қабілетті екеніне. •пациент әйел эпилепсияны емдеуде тәжірибесі бар маманмен емдеуді тұрақты (кем дегенде жыл сайын) қайта қарау қажеттілігін түсінетініне. •пациент әйел уақтылы талқылауды және жүкті болуға дейін әрі контрацепцияны пайдалануды тоқтатқанға дейін баламалы емдеу нұсқаларына көшуді қамтамасыз ету үшін жүктілікті жоспарлағаннан кейін бірден дәрігермен кеңесу қажет екенін түсінетініне. •пациент әйел жүкті болған жағдайда дәрігерге шұғыл қаралу қажеттілігін түсінетініне. •пациент әйел пациентке арналған нұсқаулықты алғанына. •пациент әйел вальпроатты пайдаланумен байланысты қауіпті және қажетті сақтық шараларын түсінгенін растағанына (Қауіпті жыл сайынғы растау нысаны) көз жеткізуі қажет. Дәрігер жүктілік қаупінің жоқтығын растайтын салмақты себептер бар деп санайтын жағдайларды қосапағанда, бұл жағдайлар қазіргі уақытта жыныстық қатынасқа түсіп жүрмеген әйелдерге де қатысты. Қыздар Емдеуші дәрігер келесі жағдайларда көз жеткізуі қажет: • қыздардың ата-аналары/қамқоршылары вальпроат қабылдайтын қыздың алғашқы етеккірі басталғаннан кейін бірден маманға жүгіну қажеттілігін түсінетініне. • алғашқы етеккірі басталған қыздардың ата-аналары/қамқоршылары құрсақ ішінде вальпроаттың әсеріне ұшыраған балалар үшін осы қауіптердің шамасын қоса, туа біткен даму кемістіктері мен неврологиялық дамудың бұзылу қаупі туралы жан-жақты ақпарат алғанына. • алғашқы етеккір басталған пациент әйелдерде жыл сайын вальпроатпен емдеу қажеттілігі қайта бағаланатынына және балама емдеу нұсқалары қарастырылатынына көз жеткізуі қажет. Егер вальпроат емдеудің жалғыз қолайлы нұсқасы болса, тиімді контрацепцияны және Жүктілікті болдырмау бағдарламасының барлық басқа шарттарын пайдалану қажеттілігін талқылау керек. Емдеуші дәрігер қыздарды жыныстық жетілгенге дейін немесе кәмелеттік жасқа толғанға дейін баламалы емдеуге көшіру үшін барлық күш-жігерін жұмсауы керек. Жүктілік тесті Вальпроатпен емдеуді бастағанға дейін жүктіліктің жоқ екенін анықтау керек. Жүктілік кезінде кездейсоқ пайдалануды болдырмау үшін денсаулық сақтау қызметкері растаған, белгіленген сезімталдығы кемінде 25 мХБ/мл плазманы пайдалана отырып, жүктілікке тестінің теріс нәтижесінсіз вальпроатпен емдеуді бала туу жасындағы әйелдерде бастауға болмайды. Осы жүктілікке тестті емдеу кезінде тұрақты уақыт аралығында қайталап тұрған жөн. Контрацепция Вальпроат тағайындалатын бала туатын жастағы әйелдер вальпроатпен емдеудің барлық кезеңі ішінде тиімді контрацепцияны үзіліссіз пайдалануы тиіс. Бұл пациент әйелдерге жүктілікті болдырмау бойынша толық ақпарат берілуі тиіс және егер олар тиімді контрацепцияны пайдаланбаса, контрацепция мәселелері бойынша кеңес алуға жіберу керек. Контрацепцияның кем дегенде бір тиімді әдісін (жатырішілік спираль немесе имплантат сияқты автономды түрі дұрысырақ) немесе бөгеу әдісін қоса алғанда, контрацепцияның екі қосымша түрін пайдалану керек. Жеке мән-жайлар әрбір жағдайда контрацепция әдісін таңдау кезінде пациент әйелдің қатысуын және таңдалған шаралардың сақталуын қамтамасыз ету үшін онымен бірге талқылау арқылы бағалануы тиіс. Тіпті аменорея кезінде де пациент әйел тиімді контрацепция бойынша барлық кеңестерді сақтауы керек. Құрамында эстрогендер бар дәрілік препараттар Құрамында эстроген бар препараттармен, соның ішінде құрамында эстроген бар гормондық контрацептивтермен бір мезгілде қолдану вальпроаттың тиімділігін төмендетуі мүмкін (4.5 бөлімін қараңыз). Емдеуші дәрігер құрамында эстроген бар препараттарды қабылдауды бастауға немесе тоқтатуға клиникалық жауапты (эпилепсияны бақылаумен) қадағалауы тиіс. Вальпроат гормондық контрацептивтердің тиімділігін төмендетпейді. Дәрігердің емдеуді жыл сайын қайта қарауы Емдеуші дәрігер вальпроаттың пациент әйел үшін неғұрлым қолайлы емдеу болып табылатындығын кем дегенде жылына бір рет қайта қарауы керек. Емдеуші дәрігер әрбір жыл сайынғы қайта қараудың басында және оны жүргізу кезінде жыл сайынғы қауіптерді растау нысанын талқылауы және пациент әйелдің оның мазмұнын түсінгеніне көз жеткізуі тиіс. Қауіптерді растау нысаны тиісті түрде толтырылуы және оған емдеуші дәрігер мен пациент әйел (немесе оның заңды өкілі) қол қоюы тиіс. Жүктілікті жоспарлау Егер әйел жүктілікті жоспарласа, эпилепсияны емдеуде тәжірибесі бар маман вальпроатпен емдеуді қайта бағалап, емдеудің баламалы нұсқаларын қарастыруы тиіс. Ұрықтануға дейін және контрацепцияны пайдалануды тоқтатқанға дейін тиісті баламалы емдеуге көшу үшін барлық күш-жігерін салу қажет. Егер көшу мүмкін болмаса, әйел отбасын жоспарлауға қатысты негізделген шешім қабылдауды қамтамасыз ету үшін болашақ бала үшін вальпроаттың қауіптеріне қатысты қосымша кеңес алуы тиіс. Жүктілік жағдайында Егер вальпроатты пайдаланатын әйелде жүктілік басталса, вальпроатпен емдеуді қайта бағалау үшін оны дереу маманға жіберу және баламалы нұсқаларды қарастыру қажет. Вальпроатты пайдаланатын жүкті болған пациент әйелдерді және олардың серіктестерін вальпроаттың әсеріне ұшыраған жүктілікке қатысты бағалау және кеңес беру үшін тератологияда тәжірибесі бар маманға жіберу керек. Фармацевт сенімді болуы керек: •пациент картасы вальпроатты әрбір беретін кезде ұсынылатынына және пациент әйелдер оның мазмұнын түсінетініне. •пациент әйелдерге вальпроатты қабылдауды тоқтатпау және жоспарланған немесе күдікті жүктілік жағдайында дереу маманға хабарласу ұсынылады. Білім беру материалдары Тіркеу куәлігінің ұстаушысы денсаулық сақтау қызметкерлері мен пациент әйелдерге жүктілік кезінде вальпроаттың әсерін болдырмауға көмектесу үшін вальпроаттың тератогенділігі (туа біткен даму кемістіктері) және фетоуыттылығы (неврологиялық дамудың бұзылулары) туралы ескертулерді бекіту үшін білім беру материалдарын ұсынады және ұрпақ өрбіту жасындағы әйелдерде вальпроатты пайдалануға қатысты нұсқауларды және Жүктілікті болдырмау жөніндегі бағдарлама туралы толық мәлімет береді. Пациентке арналған нұсқаулықты және пациенттің карточкасын вальпроатты пайдаланатын бала туу жасындағы барлық әйелдерге ұсыну керек. Қауіптерді жыл сайынғы растау нысанын пайдалану керек, ол емдеуді бастау кезінде және вальпроатпен емдеуді әрбір жыл сайын қайта қарау барысында тиісті түрде толтырылуы және қол қойылуы тиіс Жасөспірімдерде және балалы болуға қабілетті жастағы ер адамдарда қолдану Скандинавиялық тіркелімдер негізінде жүргізілген ретроспективті зерттеудің деректері әкелері ламотриджин немесе леветирацетам қабылдаған балалармен салыстырғанда, әкелері ұрықтандыруға дейін 3 ай бұрын вальпроат қабылдаған балаларда жүйке-психикалық дамудың бұзылу қаупінің жоғарылағанын көрсетеді. Бұл зерттеудің шектеулі деректері бізге бұл кезеңдегі осы әлеуетті қауіп туралы қорытынды жасауға мүмкіндік бермейді және қосымша деректер қажет. Сақтық шарасы ретінде, препаратты тағайындайтын дәрігер балалы болу жасындағы пациенттерді осы әлеуетті қауіп туралы хабардар етуі керек. Ол олармен талқылауы тиіс: • емдеу кезінде және емдеуді тоқтатқаннан кейін кемінде үш ай ішінде тиімді контрацепция шараларын қолдану қажеттілігін, • бала тууды жоспарлайтын пациенттер үшін баламалы препараттармен емдеу мүмкіндігін, • вальпроатпен емдеу кезінде және емдеуді тоқтатқаннан кейін кемінде үш айдан соң шәуһет тапсырмау керектігін . Ұрықтандырудан үш ай бұрын вальпроат қабылдауды тоқтатқан әкелерден тараған балалардағы жүйке-психикалық дамудың бұзылу қаупі белгісіз. Жасөспірімдер мен балалы болуға қабілетті жастағы ер адамдарда вальпроатпен емдеуді вальпроаттың ең қолайлы ем болып қала беретінін анықтау үшін препаратты тағайындайтын дәрігер үнемі қайта қарауы тиіс. Балалы болуды жоспарлаған ер пациенттерге балама емдеу әдістерін пациенттермен қарастырып, талқылау керек. Жеке жағдайларға әрбір нақты жағдайда баға берілуі тиіс. Эпилепсияны емдеуге мамандандырылған дәрігерден кеңес алу ұсынылады. Қауіпті төмендететін материалдар медицина қызметкерлеріне, сондай-ақ жасөспірімдер мен балалы болуға қабілетті жастағы ер адамдарға қол жетімді. Вальпроат қабылдайтын жасөспірімдер мен балалы болуға қабілетті жастағы ер адамдарға пациенттерге арналған нұсқаулық берілуі керек. Бауыр ауруы Пайда болу шарттары Сирек жағдайда бауыр функциясының ауыр дәрежедегі, кейде өліммен аяқталатын бұзылуы туралы хабарланады. Жоғарғы қауіп тобын ауыр эпилепсиясы бар, әсіресе мидың зақымдануымен, ақыл-ой дамуының тежелуімен және/немесе карнитин тапшылығы, мочевина циклының бұзылулары, POLG мутациялары сияқты митохондриялық бұзылуларды қоса, тұқым қуалайтын метаболизмдік аурулармен немесе шығу тегі генетикалық дегенерациялық аурулармен байланысты эпилепсиясы бар сәбилер мен 3 жасқа дейінгі балалар құрайды. 3 жастан асқан кезде мұндай асқынулардың жиілігі айтарлықтай азаяды және жасына қарай бірте-бірте төмендейді. Көптеген жағдайларда бауыр функциясының бұзылуы емдеудің алғашқы 6 айында, әдетте 2 және 12 апта арасында және көбінесе біріктірілген эпилепсияға қарсы емдеу кезінде байқалады. Ескерту белгілері Ерте диагностика басым түрде клиникалық тексеру нәтижелеріне негізделеді. Атап айтқанда, ауру манифестациясының екі түрі, әсіресе сарғаюдың алдында болуы мүмкін, жоғары қауіп тобындағы пациенттерге қатысты назарға алынуы тиіс: • біріншіден, астения, анорексия, депрессия, ұйқышылдық сияқты әдетте кенеттен пайда болатын, кейде қайталанатын құсумен және іштің ауыруымен қоса жүретін, спецификалық емес жүйелі белгілер, • екіншіден, тиісті емдеу ұстанымын сақтауға қарамастан, ұстамалардың қайталануы. Пациенттерді, ал егер бұл балалар болса, онда олардың отбасыларын осындай клиникалық симптомдар пайда болған кезде дереу дәрігерге жүгіну керек екендігінен хабардар ету ұсынылады. Клиникалық тексеруден басқа, бауырдың функционалдық сынамаларын дереу орындау керек. Анықталуы Емдеуді бастар алдында және емдеудің алғашқы 6 айында, әсіресе қауіп тобындағы пациенттерде бауырдың функционалдық сынамаларын мезгіл-мезгіл бақылау қажет. Гепатоуыттылығымен белгілі қатарлас емдеуді өзгерткен жағдайда (дозаны жоғарылату немесе жаңа емдеу) бауырдың биологиялық мониторингін қалпына келтіру қажет (сондай-ақ, салицил қышқылының туындыларын, басқа құрысуға қарсы дәрілерді, соның ішінде каннабидиолды қабылдау кезінде бауырдың зақымдану қаупі туралы «Басқа дәрілік препараттармен өзара әрекеттесуі» бөлімін қараңыз). Классикалық тесттердің арасында ақуыз синтезін, атап айтқанда, протромбин уақытын (ПУ) көрсететін тесттер анағұрлым орынды болады. Протромбин уақытының аномальді төмен деңгейі расталған жағдайда, әсіресе егер зертханалық талдауларда өзге де аномальді ауытқулар (фибриноген деңгейінің және ұю факторларының едәуір төмендеуі, билирубин мен бауыр трансаминазалары деңгейінің артуы) байқалса, емдеу тоқтатыла тұруы тиіс. Сақтық шарасы ретінде біріктірілген тағайындау кезінде салицилат туындыларымен емдеуді де тоқтату керек, себебі олар метаболизмнің бірдей жолдарын пайдаланады. Панкреатит Балалар мен ересектерде жасына және емдеу ұзақтығына қарамастан дамыған, панкреатиттің ауыр түрлерінің сирек жағдайлары тіркелген. Алғашқы симптомдарынан өлімге әкеліп соққанға дейін ауру жылдам үдеген геморрагиялық панкреатиттің бірнеше жағдайлары байқалды. Балалар панкреатиттің даму қаупі жоғары тобында тұр, баланың жасы ұлғайған сайын бұл қауіп төмендейді. Ауыр құрысулар, неврологиялық бұзылулар немесе құрысуға қарсы ем панкреатиттің даму қаупінің факторлары болуы мүмкін. Панкреатитпен біріккен бауыр жеткіліксіздігі өліммен аяқталу қаупін арттырады. Іш аумағында қатты ауыру, жүрек айнуы, құсу және/немесе анорексия туындаған кезде пациенттер дереу тексерілуі тиіс. Панкреатит расталған жағдайда, атап айтқанда, қандағы ұйқы безі ферменттерінің жоғары белсенділігі кезінде вальпрой қышқылын қолдануды тоқтату және тиісті емдеуді бастау қажет. Ұстамалардың қайталануы Басқа эпилепсияға қарсы препараттармен болған жағдайдағыдай, вальпроатты қабылдау жақсартудың орнына ұстамалардың жиілігі мен ауырлығының (эпилепсиялық статусты қоса алғанда) қайтымды қайталануына немесе ұстамалардың жаңа түрлерінің пайда болуына әкелуі мүмкін. Ұстамалар қайта басталған жағдайда пациенттер дереу емдеуші дәрігермен кеңесуі керек. Бұл ұстамаларды фармакокинетикалық өзара әрекеттесуі, уыттылығы (бауыр ауруы немесе энцефалопатия) немесе артық дозалануы салдарынан туындауы мүмкін ұстамалардан ажырату керек. Осы дәрілік препарат вальпрой қышқылына метаболизденетіндіктен, оны вальпрой қышқылымен артық дозалануын болдырмау мақсатында (мысалы, семинатрий вальпроаты, вальпромид) сол трансформациядан өтетін басқа дәрілік препараттармен біріктіруге болмайды Суицид қаупі Суицидтік ойлау мен мінез-құлық бірнеше көрсетілімдер бойынша эпилепсияға қарсы дәрілермен емделген пациенттер арасында байқалды. Сондай-ақ суицидтік ойлау мен мінез-құлықтың пайда болу қаупінің сәл жоғарылауын көрсетті. Бұл қауіптің себептері белгісіз және қолжетімді деректер вальпроатты қолдану кезіндегі жоғары қауіпті жоққа шығаруға мүмкіндік бермейді. Демек, пациенттер суицидтік ойлау мен мінез-құлық белгілерінің пайда болуы тұрғысынан мұқият бақылауда болуы тиіс және тиісті емдеу қарастырылуы қажет. Пациенттер (және олардың қамқоршылары) суицидтік ойлау немесе мінез-құлық пайда болған жағдайда дәрігерге қаралуға тиіс екені туралы хабардар етілуі тиіс. Белгілі немесе болжамды митохондриялық аурулары бар пациенттер. Вальпрой қышқылы митохондриялық ДНҚ, сондай-ақ γ-полимераза (POLG) митохондриялық ферментін кодтайтын ядролық геннің мутациялары туындатқан митохондриялық ауруға шалдыққан пациентте бар көріністерге түрткі болуы немесе ауырлатуы мүмкін. Атап айтқанда, γ-полимеразаны (POLG) кодтайтын геннің мутацияларынан туындайтын туа біткен нейрометаболизмдік синдромдары бар, мысалы, Альперс-Хуттенлохер синдромы бар пациенттерде бауырдың жедел жеткіліксіздігінің және бауыр зақымдануымен байланысты өліммен аяқталудың жоғары даму жиілігі вальпрой қышқылын қолданумен астасқан. γ-полимеразаның кемістіктеріне байланысты аурулардың болуын генезі айқындалмаған энцефалопатияны, рефрактерлік эпилепсияны (фокальді, миоклонустық), эпилепсиялық статусты, психикалық және физикалық дамуының тежелуін, психомоторлық регрессияны, аксоналдық сенсомоторлы нейропатияны, миопатияны, мишық атаксиясын, офтальмоплегияны немесе көру (желке) аурасымен асқынған бас сақинасын қоса, осындай аурулардың симптомдары бар немесе отбасылық анамнезінде бар пациенттерде болжауға болады. Осы заманғы клиникалық практикаға сәйкес мұндай ауруларды диагностикалау үшін γ-полимераза (POLG) генінің мутацияларына тестілеу жүргізу керек. Терінің ауыр жағымсыз реакциялары және ангионевроздық ісіну Стивенс-Джонсон синдромы (SIS), уытты эпидермалық некролиз (TEN), эозинофилиямен және жүйелі симптомдары бар дәрілік реакция (DRESS), мультиформалы эритема және ангионевроздық ісіну сияқты терінің ауыр жағымсыз реакциялары (тыртықтар) туралы хабарланды. Пациенттер терінің ауыр көріністерінің белгілері мен симптомдары туралы хабардар болуы тиіс және мұқият бақылауда болуы керек. Тыртықтар немесе ангионевроздық ісіну белгілері пайда болған жағдайда, егер тыртық немесе ангионевроздық ісіну диагнозы расталса, дереу тексеру жүргізіп, емдеуді тоқтату керек. Тіндердің жергілікті некрозының қаупі Енгізу қатаң түрде вена ішіне жүргізілуі тиіс. Бұлшықет ішіне енгізуге болмайды. Дәрілермен өзара әрекеттесуі Карбапенемдерді және ламотриджинді бір мезгілде қолдану ұсынылмайды. Когнитивті немесе экстрапирамидалық бұзылыстар Когнитивті немесе экстрапирамидалық бұзылыстар церебралды атрофияны көріністеуге байланысты болуы мүмкін. Осылайша, клиникалық картинаның осы түрін деменциямен немесе Паркинсон ауруымен шатастыруға болады. Бұл бұзылулар емдеуді тоқтатқан кезде қайтымды болады. Зертханалық зерттеу Емдеуді бастамас бұрын бауырдың функционалдық сынамаларын тексеру және оларды алғашқы алты ай ішінде, әсіресе қауіп тобына кіретін пациенттерге қатысты мезгіл-мезгіл орындау керек. Қандай да бір клиникалық белгілерінсіз, әсіресе емдеу басында, эпилепсияға қарсы көптеген дәрілерді қолданған кезде орын алғандай, трансаминазалар деңгейінің оқшауланған және өтпелі, орташа жоғарылауы байқалуы мүмкін екенін атап өткен жөн. Қажет болған жағдайда, неғұрлым толық зертханалық (әсіресе протромбиндік уақыт) зерттеулерді жүргізу ұсынылады. Сондай-ақ қажет болған жағдайда дозаны қайта бағалау және параметрлердің өзгеруіне негіздей отырып, зерттеулерді қайта жүргізу керек. Емді бастар алдында, содан кейін 15 күн және емнің соңында және хирургиялық араласым алдында, сондай-ақ тері асты гематомасы немесе қан кету кенеттен пайда болған кезде қан кету уақытын, тромбоциттерді қоса, шеткері қандағы формалық элементтердің санын анықтау ұсынылады. Бүйрек жеткіліксіздігі Вальпрой қышқылының қан сарысуындағы бос фракция концентрациясының артуына байланысты оның дозасын төмендету қажет болуы мүмкін. Вальпрой қышқылының плазмалық концентрацияларын мониторингтеу мүмкін болмаған жағдайда, пациентті клиникалық бақылау негізінде препарат дозасын түзету керек. Мочевина түзілу циклында ферменттердің тапшылығы Бұл дәрілік препаратты мочевина түзілу циклында ферменттер тапшылығы бар пациенттерге қолдануға болмайды. Мұндай пациенттердің арасында мелшиюмен немесе коматоздық жағдаймен гипераммониемия дамуының бірнеше жағдайлары болды. Гипокарнитинемияның қаупі бар пациенттер Вальпроатты қабылдау гипокарнитинемияның туындауына немесе ушығуына түрткі болуы мүмкін, ол гипераммониемияға (бұл гипераммониемиялық энцефалопатияны тудыруы мүмкін) алып келуі мүмкін. Гепатоуыттылық, гипокетоздық гипогликемия, кардиомиопатияны, рабдомиолизді және Фанкони синдромын қоса миопатия сияқты басқа симптомдары негізінен гипокарнитинемияның қауіп факторлары бар немесе бұрыннан гипокарнитинемиясы бар пациенттерде байқалды. Вальпроатпен емдеу кезінде симптоматикалық гипокарнитинемия қаупінің жоғарылауына карнитинмен байланысты митохондриялық бұзылуларды қоса, метаболизмдік бұзылулары бар пациенттер, карнитиннің сіңуінің бұзылуы бар пациенттер, 10 жасқа толмаған пациенттер, сондай-ақ, пивалат конъюгаттарымен немесе эпилепсияға қарсы басқа препараттармен бір мезгілде ем қабылдап жүрген пациенттер ұшырайды. Пациенттерге атаксия, сана өзгерісі, құсу сияқты, гипераммониемияның кез келген белгілері туралы дереу хабарлау қажеттілігі ескертілуі тиіс. Гипокарнитинемия симптомдары пайда болған жағдайда, карнитинді тағайындау мәселесін қарастыру керек. Карнитиннің бастапқы жүйелі тапшылығымен және гипокарнитинемиясы түзетілген пациенттер вальпроатпен емді тек қана вальпроатпен емдеудің пайдасы аталған пациенттер үшін қаупінен асып түсетін және емдік баламасы болмаған жағдайда қабылдай алады. Ондай пациенттерде карнитин деңгейін бақылау керек. II типті карнитин-пальмитоилтрансфераза ( КПТ) жеткіліксіздігі бар пациенттер II типті КПТ жеткіліксіздігі бар пациенттерге вальпрой қышқылын қабылдаған кезде рабдомиолиздің анағұрлым жоғары даму қаупі туралы ескертілуі тиіс. Мұндай пациенттерде карнитин қоспаларын тағайындау мүмкіндігін қарастыру керек. Жүйелі қызыл жегі бар пациенттер Вальпрой қышқылымен емдеу үдерісінде иммундық жүйенің функцияларының бұзылуы өте сирек кездеседі, оны қолданудың ықтимал пайдасын препаратты жүйелі қызыл жегісі бар пациенттерде қолданудың ықтимал қаупімен салыстыру қажет. Дене салмағының артуы Пациенттерді емдеудің басында дене салмағының арту қаупі туралы және негізінен, осы құбылысты барынша азайту үшін диетаны тағайындау жөнінде шаралар қабылдау қажеттігі туралы ескерту керек. Қант диабеті бар пациенттер Вальпрой қышқылының ұйқы безіне қолайсыз әсер ету мүмкіндігін ескере отырып, препаратты қант диабеті бар пациенттерде қолдану кезінде қандағы глюкоза концентрациясына мұқият мониторинг жасау керек. Қант диабеті бар пациенттерде несепте кетон денелерінің болуына зерттеу жүргізген кезде жалған оң нәтижелер алуға болады, себебі вальпрой қышқылы бүйрек арқылы ішінара кетон денелері түрінде шығарылады. Балалар Емдік пайдасы осы жас тобындағы пациенттер арасында бауыр ауруларының және панкреатиттің даму қаупіне қатысты таразыланғаннан кейін үш жастан кіші балаларға қатысты вальпроатты тек монотерапия ретінде қолдану ұсынылады. Гепатоуыттылықтың даму қаупі мен қан кету қаупіне байланысты үш жастан кіші балаларға салицилат туындыларын бір мезгілде тағайындаудан аулақ болу керек. Анамнезінде бауыр және асқазан-ішек жолдары тарапынан түсініксіз бұзылулар (анорексия, құсу, цитолиздің жедел эпизодтары), летаргияның немесе коматоздық жай-күйдің эпизодтары, ақыл-ойдың кемістігі немесе отбасылық анамнезінде жаңа туған нәрестелер мен сәбилер арасында өлім жағдайы болған балаларға қатысты вальпроатпен кез келген емді бастағанға дейін метаболизмдік тест, әсіресе ашқарынға немесе тамақ ішуден кейін қандағы аммиак деңгейіне талдау жүргізу керек. Алкоголь Вальпрой қышқылы препаратымен емдеудің бүкіл кезеңінде алкогольді тұтыну ұсынылмайды. Натрий Препараттын бір ампуласында 78,4 мг немесе 3,4 ммоль натрий бар, натрий тұтынуды шектейтін диетада жүрген пациенттер осыны ескеруі қажет.

Нұсқаулықта көрсетілмеген.

Қолдануға болмайтын біріктірілімдер Шайқураймен біріктірілімде Плазмадағы концентрацияның төмендеуі және эпилепсияға қарсы дәрі тиімділігінің төмендеуі қаупі бар. Ұсынылмайтын біріктірілімдер Ламотриджинмен біріктірілімде Терінің ауыр реакциялары (уытты эпидермалық некролиз (Лайелл синдромы)) дамуының анағұрлым жоғары қаупі бар. Сонымен қатар, плазмадағы ламотриджин концентрациясының жоғарылауы (натрий вальпроаты есебінен бауыр метаболизмінің төмендеуі) мүмкін. Бірге қолдану қажет болған жағдайларда мұқият клиникалық мониторинг жүргізген жөн. Пенемдермен (карбапенемдермен) біріктірілімде Плазмадағы вальпрой қышқылы концентрацияларының жылдам төмендеуі аясында ұстамалардың пайда болу қаупі бар, олар анықталмаған күйде қалуы мүмкін. Вальпрой қышқылын карбапенемдермен біріктіріп енгізу вальпрой қышқылының плазмадағы концентрациясының шамамен екі күн ішінде 60–100% шамасында төмендеуіне алып келген. Сондықтан, әсері жылдам басталатындықтан және плазмадағы концентрациясы едәуір төмендейтіндіктен, вальпрой қышқылына тұрақтандырылған, жай-күйін бақылауда ұстау мүмкін емес пациентерге карбапенемдерді бір мезгілде тағайындаудан аулақ болу керек Қолдану кезінде сақтық шараларын сақтауды талап ететін біріктірілімдер Ацетазоламидпен біріктірілімде Энцефалопатия қаупі жоғары гипераммониемия пайда болуы мүмкін. Клиникалық және зертханалық параметрлерге үнемі мониторинг жүргізу қажет. Азтреонаммен біріктірілімде Плазмадағы вальпрой қышқылының концентрациясының төмендеуі нәтижесінде ұстамалардың пайда болу қаупі бар. Клиникалық бақылау, плазмадағы препараттардың концентрациясын анықтау қажет және инфекцияға қарсы дәрі қолданылатын емдеу кезінде және оны тоқтатқаннан кейін құрысуға қарсы дәрінің дозасы түзетілуі мүмкін. Карбамазепинмен біріктірілімде Артық дозалану белгілерімен плазмада карбамазепиннің белсенді метаболитінің концентрациясы жоғарылауы мүмкін. Сонымен қатар, карбамазепиннің әсерінен вальпрой қышқылының бауыр метаболизмінің жоғарылауымен байланысты плазмада вальпрой қышқылы концентрациясының төмендейді. Клиникалық бақылау, плазмадағы препараттардың концентрациясын анықтау және құрысуға қарсы екі дәріге де түзету енгізу қажет. Клозапинмен біріктірілімде Вальпроат пен клозапинді бір мезгілде қолдану клозапинді қабылдаудан туындаған нейтропения мен миокардит қаупін арттыруы мүмкін. Егер вальпроатты клозапинмен бір мезгілде қолдану қажет болса, екі препаратты да мұқият бақылау талап етіледі. Фелбаматпен біріктірілімде

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 25°С-ден аспайтын температурада сақтау керек. Балалардың қолы жетпейтін жерде сақтау керек!