Варгатеф® капсулы 100 мг

Бір капсуланың құрамында белсенді зат – нинтеданиб этансульфонаты 120,40 мг (100,00 мг нинтеданиб негізіне баламалы) немесе 180,60 мг (150,00 мг нинтеданиб негізіне баламалы), қосымша заттар: ұзындығы орташа тізбекті триглицеридтер, қатты май, лецитин (Е322), капсула қабығы: желатин, 85% глицерин, титанның қостотығы (Е171), темірдің қызыл тотығы Е172 85% глицеринмен қоспада, темірдің сары тотығы Е172 85% глицеринмен қоспада, тазартылған су, жазуға арналған S-1-17823 типті Опакод® сиясы Сыртқы түрінің, иісінің, дәмінің сипаттамасы 100 мг: Ұзынша пішінді, мөлдір емес, шабдалы түсті, қара түспен түсірілген компания символы мен «100» саны бар жұмсақ желатин капсулалар. Капсулалардың ішіндегісі - қанық сары түсті тұтқыр суспензия. 150 мг: Ұзынша пішінді, мөлдір емес, қоңыр түсті, қара түспен түсірілген компания символы мен «150» саны бар жұмсақ желатин капсулалар. Капсулалардың ішіндегісі - қанық сары түсті тұтқыр суспензия.

• ересектерде идиопатиялық өкпе фиброзын (идиопатиялық фиброзды альвеолит) (ИӨФ) емдеуде • ересектерде фенотипі үдемелі өкпенің басқа созылмалы фиброзды интерстициальді ауруларын (ӨИА) емдеуде • ересектерде жүйелі склероз/склеродермия (ЖС-ӨИА) кезінде өкпенің интерстициальді ауруларын емдеуде • ересектерде доцетакселмен біріктірілімде бірінші желі химиотерапиясынан кейін өкпенің жергілікті-таралған, метастаздық немесе жергілікті қайталанатын ұсақ жасушалы емес өкпе обырын (аденокарцинома) (ҰЖЕӨО) емдеуде.

Нұсқаулықта көрсетілмеген.

Варгатеф® препаратын емдеуші дәрігердің ұсынымдарына сәйкес қатаң түрде қабылдаңыз. Егер күмәніңіз болса, дәрігермен кеңесіңіз. Дозалау режимі Ересек пациенттерде идиопатиялық өкпе фиброзын (ИӨФ) емдеу үшін Ересек пациенттерде үдемелі фенотипі бар өкпенің басқа созылмалы фиброзды интерстициальді ауруларын (ИӨФ) емдеу үшін. Ересек пациенттерде жүйелі склероз/склеродермия (ЖС-ӨИА) кезінде өкпенің интерстициальді ауруларын емдеу үшін. Күніне екі рет бір капсуланы 12 сағат аралықпен, күн сайын шамамен бір уақытта, мысалы, таңертең бір капсуладан және кешке бір капсуладан қабылдаңыз. Бұл жағдайда қандағы нинтеданибтің тұрақты концентрациясы сақталады. Капсулаларды тұтастай сумен жұту керек және шайнауға немесе ұсақтауға болмайды. Капсулаларды тамақпен бірге, яғни тамақтану кезінде немесе тамақтану алдында немесе тамақтан кейін бірден қабылдау ұсынылады. Капсуланы ашпаңыз немесе сындырмаңыз (Блистерде ашық капсулалар бар екенін немесе капсулалар сынғанын байқасаңыз, бұл препаратты қабылдамаңыз. Егер капсула ішіндегісімен жанасқан жағдайда, дереу қолыңызды жетерліктей мөлшердегі сумен жуыңыз) Ересектер 100 мг: ұсынылатын доза - күніне екі рет 100 мг бір капсуланы (күніне 200 мг) құрайды. 150 мг: ұсынылатын доза - күніне екі рет 150 мг бір капсуланы (күніне 300 мг) құрайды Ұсынылатын тәуліктік дозадан артық қабылдамаңыз – күніне 100 мг немесе 150 мг Варгатеф® препаратының екі капсуласы. Дозаны азайту 100 мг: ұсынылатын дозаның нашар жағымдылығы кезінде – Варгатеф® препаратының күніне 100 мг екі капсуласы («Дәрілік препаратты стандартты қолдану кезінде көрінетін жағымсыз реакциялардың сипаттамасы және бұл жағдайда қабылдануы тиіс шаралар» бөлімін қараңыз), емдеуші дәрігер осы препаратпен емдеуді тоқтатуы мүмкін. Дәрігермен алдын-ала кеңеспей, дозаны төмендетпеңіз және емдеуді өзіңіз тоқтатпаңыз. 150 мг: Ұсынылатын дозаға жағымдылығы нашар болған кезде – Варгатеф® препаратының күніне 150 мг екі капсуласы («Дәрілік препаратты стандартты қолдану кезінде көрінетін жағымсыз реакциялардың сипаттамасы және бұл жағдайда қабылдануы тиіс шаралар» бөлімін қараңыз), емдеуші дәрігер Варгатеф®препаратының тәуліктік дозасын төмендетуі мүмкін. Дәрігермен алдын-ала кеңеспей, дозаны төмендетпеңіз және емдеуді өзіңіз тоқтатпаңыз. Дәрігер ұсынылған дозаны күніне екі рет күніне 100 мг-ға дейін төмендетуі мүмкін (күніне барлығы 200 мг). Бұл жағдайда емдеуші дәрігер 100 мг Варгатеф® препаратының капсуласын тағайындайды. Егер тәуліктік доза күніне 200 мг – ға дейін төмендеген болса, препаратты ұсынылатын дозадан артық қабылдамаңыз - күніне 100 мг Варгатеф® препаратының екі капсуласы. Енгізу әдісі мен жолы Капсулаларды су іше отырып, тұтастай жұту керек, оларды шайнауға немесе ұсақтауға болмайды. Капсулаларды тамақпен бірге қабылдау ұсынылады, яғни тамақтану кезінде немесе тамақтанар алдында немесе тамақ ішкеннен кейін. Дәрілік препараттың бір немесе бірнеше дозасын өткізіп алған кезде қажетті шаралар Егер сіз алдыңғы дозаны қабылдауды ұмытып кетсеңіз, екі капсуланы бірден қабылдауға болмайды. Варгатеф® препаратының келесі дозасын, жоспарланғандай, емдеуші дәрігер ұсынған келесі уақытта қабылдаған жөн. Тоқтату симптомдары қаупінің болуына нұсқау Варгатеф® препаратын қабылдауды емдеуші дәрігермен алдын ала кеңеспей, тоқтатпаңыз. Дәрігер тағайындаған мерзім ішінде препаратты күн сайын қабылдау маңызды. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсынымдар Егер осы дәрілік препаратты қолдануға қатысты қосымша сұрақтар туындаса, емдеуші дәрігерге қаралыңыз. Дозалау режимі Ұсақ жасушалы емес өкпе обырын емдеу үшін (ҰЖЕӨО) Варгатеф® препаратын доцетакселмен химиотерапия жүргізген күні қабылдамаңыз. 100 мг: Ұсынылатын доза тәулігіне Варгатеф® препаратының 4 капсуласын құрайды (тәулігіне 400 мг нинтеданиб құрайды). Препаратты осы дозадан артық мөлшерде қабылдамаңыз. 150 мг: Ұсынылатын доза тәулігіне Варгатеф® препаратының 2 капсуласын құрайды (бұл тәулігіне 300 мг нинтеданибті құрайды). Препаратты осы дозадан артық мөлшерде қабылдамаңыз. Тәуліктік дозаны шамамен 12 сағат аралықпен екі дозаға бөлген жөн, мысалы, Варгатеф® препаратының 2 капсуласын таңертең және 2 капсуласын кешке. Бұл екі дозаны күн сайын шамамен бір уақытта қабылдау керек. Мұндай қабылдау арқылы организмдегі нинтеданибтің тұрақты деңгейі қамтамасыз етіледі. Дозаны азайту Жағымсыз реакцияларға байланысты жағымдылығы нашар болған кезде емдеуші дәрігер Варгатеф® препаратының ұсынылатын тәуліктік дозасын күніне 400 мг азайтуы мүмкін. Дәрігермен кеңескеннен кейін дозаны төмендетпеңіз және емдеуді өзіңіз тоқтатпаңыз. Емдеуші дәрігер Варгатеф® препаратының ұсынылған тәуліктік дозасын күніне 300 мг-ға дейін төмендетуі мүмкін (150 мг-нан екі капсула). Бұл жағдайда дәрігер Варгатеф® 150 мг капсуласын тағайындайды. Қажет болса, емдеуші дәрігер тәуліктік дозаны күніне 200 мг-ға дейін төмендетуі мүмкін (әрқайсысы 100 мг екі капсула). Бұл жағдайда дәрігер Варгатеф®жұмсақ капсулаларының тиісті дозасын тағайындайды.Екі жағдайда да күніне екі рет тағайындалған дозаның бір капсуласынан шамамен 12 сағат аралықпен, тамақтану кезінде (мысалы, таңертең және кешке), күннің шамамен бір уақытында қабылдау қажет.Егер дәрігердің шешімі бойынша доцетакселмен химиотерапия тоқтатылса, Варгатеф® препаратын күніне екі рет қабылдауды жалғастыру керек. Енгізу әдісі мен жолы Капсулаларды су іше отырып, тұтастай жұту керек, оларды шайнауға немесе ұсақтауға болмайды. Капсулаларды тамақпен бірге қабылдау ұсынылады, яғни тамақтану кезінде немесе тамақтанар алдында немесе тамақ ішкеннен кейін. Дәрілік препараттың бір немесе бірнеше дозасын өткізіп алған кезде қажетті шаралар Өткізіп алынғанның орнын толтыру үшін қосарлы дозаны қабылдамаңыз. Варгатеф® препаратының келесі дозасын, жоспарланғандай, келесі тағайындалған мерзімде және емдеуші дәрігер немесе фармацевт ұсынған дозада қабылдаңыз. Тоқтату симптомдары қаупінің болуына нұсқау Варгатеф® препаратын қабылдауды емдеуші дәрігермен алдын ала кеңеспей, тоқтатпаңыз. Дәрігер тағайындаған мерзім ішінде препаратты күн сайын қабылдау маңызды. Егер сіз дәрігердің нұсқауына сәйкес препаратты қабылдамасаңыз, ауруды емдеу қолайлы нәтиже бермеуі мүмкін. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсынымдар Егер осы дәрілік препаратты қолдануға қатысты қосымша сұрақтар туындаса, емдеуші дәрігерге қаралыңыз.

• нинтеданибке, арахиске немесе сояға немесе препараттың кез келген басқа компоненттеріне аллергия («Дәрілік препараттың құрамы» бөлімін қараңыз) • жүктілік.

Барлық дәрілік заттар сияқты, бұл препарат жағымсыз әсерлерді туындатуы мүмкін, бірақ олар барлығында байқала бермейді. Егер Варгатеф® препаратымен емдеу кезінде сізде мынадай жағымсыз әсерлер пайда болса, ерекше назар аудару қажет: Диарея (өте жиі, 10 адамның 1-ден астамында кездесуі мүмкін) Диарея сусыздануға әкеп соғуы мүмкін: организмнің денеңіздегі сұйықтық пен маңызды тұздарды (натрий немесе калий секілді электролиттер секілді) жоғалтуы. Диареяның алғашқы белгілері кезінде көп мөлшерде сұйықтық ішіп, дереу дәрігермен байланысу керек. Диареяға қарсы тиісті емді бастаңыз, мысалы, лоперамидті мүмкіндігінше тезірек қабылдаңыз. Варгатеф® препаратымен емдеу кезінде мынадай жағымсыз әсерлер байқалды. Егер сізде жағымсыз әсерлер пайда болса, өз дәрігеріңізге хабарлаңыз. Ересектердегі идиопатиялық өкпе фиброзы (идиопатиялық фиброзды альвеолит) (ИӨФ) Өте жиі (10 адамның 1-ден астамында кездесуі мүмкін) • дімкәстану (жүрек айнуы) • дененің төменгі бөлігінің (іштің) ауыруы • бауыр сынағының аномальді нәтижелері Жиі (10 адамның 1-ден астамында кездесуі мүмкін) • құсу • тәбеттің жоғалуы • салмақ жоғалту • қан кету • бөртпе • бас ауыруы Жиі емес (100 адамның 1-ден астамында кездесуі мүмкін) • панкреатит • жуан ішектің қабынуы • бауырдың ауыр кінәраттары • тромбоциттердің төмен саны (тромбоцитопения) • жоғары қан қысымы (гипертония) • сарғаю, яғни билирубиннің жоғары деңгейіне байланысты терінің және көз ақуыздарының сары түсі. • қышыну • инфаркт • шаш түсуі (алопеция) • несептегі ақуыздың жоғарылауы (протеинурия) Белгісіз (қолда бар деректер бойынша бағалау мүмкін емес) • бүйрек жеткіліксіздігі • қантамыр жақтауының ұлғаюы және әлсіреуі немесе қантамыр жақтауының жарылуы (аневризма мен артериялардың қатпарлануы) Ересектерде үдемелі фенотипі бар басқа созылмалы фиброзды өкпенің интерстициальді аурулары (ӨИА) Өте жиі (10 адамның 1-ден астамында кездесуі мүмкін) • дімкәстану (жүрек айнуы) • құсу • тәбеттің жоғалуы • дененің төменгі бөлігінің (іштің) ауыруы • бауыр функциясы сынағының аномальді нәтижелері Жиі (10 адамның 1-ден астамында кездесуі мүмкін) • салмақ жоғалту • жоғары қан қысымы (гипертония) • қан кету • бауырдың ауыр кінәраттары • бөртпе • бас ауыруы Жиі емес (100 адамның 1-ден астамында кездесуі мүмкін) • панкреатит • жуан ішектің қабынуы • тромбоциттердің төмен саны (тромбоцитопения) • сарғаю, яғни билирубиннің жоғары деңгейіне байланысты терінің және көз ақуыздарының сары түсі • қышыну • инфаркт • шаш түсуі (алопеция) • несептегі ақуыздың жоғарылауы (протеинурия) Белгісіз (қолда бар деректер бойынша бағалау мүмкін емес) • бүйрек жеткіліксіздігі • қантамыр жақтауының ұлғаюы және әлсіреуі немесе қантамыр жақтауының жарылуы (аневризма мен артериялардың қатпарлануы) Ересектердегі жүйелі склероз / склеродермия (ЖС-ӨИА) кезіндегі өкпенің интерстициальді аурулары Өте жиі (10 адамның 1-ден астамында кездесуі мүмкін) • дімкәстану (жүрек айнуы) • құсу • дененің төменгі бөлігінің (іштің) ауыруы • бауыр функциясы сынағының аномальді нәтижелері Жиі (10 адамның 1-ден астамында кездесуі мүмкін) • қан кету • жоғары қан қысымы (гипертония) • тәбеттің жоғалуы • салмақ жоғалту • бас ауыруы Жиі емес (100 адамның 1-ден астамында кездесуі мүмкін) • жуан ішектің қабынуы • бауырдың ауыр кінәраттары • бүйрек жеткіліксіздігі • тромбоциттердің төмен саны (тромбоцитопения) • бөртпе • қышыну Белгісіз (қолда бар деректер бойынша бағалау мүмкін емес) • инфаркт • панкреатит • сарғаю, яғни билирубиннің жоғары деңгейіне байланысты терінің және көз ақуыздарының сары түсі • қантамыр жақтауының ұлғаюы және әлсіреуі немесе қантамыр жақтауының жарылуы (аневризма мен артериялардың қатпарлануы) • шаш түсуі (алопеция) • несептегі ақуыздың жоғарылауы (протеинурия) Таңдалған жағымсыз реакциялардың сипаттамасы Ересектердегі доцетакселмен біріктірілімде бірінші желі химиотерапиясынан кейін өкпенің жергілікті таралған, метастаздық немесе жергілікті қайталанатын ұсақ жасушалы емес өкпе обыры (аденокарцинома) (ҰЖЕӨО) Диарея (өте жиі, 10 адамның 1-ден астамында кездесуі мүмкін) Диарея сусыздануға әкеп соғуы мүмкін: организмдегі сұйықтық пен маңызды тұздарды (натрий немесе калий секілді электролиттер секілді) организмнің жоғалтуы. Диареяның алғашқы белгілері кезінде көп мөлшерде сұйықтық ішіп, дереу дәрігермен байланысу керек. Тиісті диареяға қарсы емді бастаңыз, мысалы, дәрігермен байланысқаннан кейін лоперамидті қабылдаңыз. Фебрильді нейтропения және сепсис (жиі, 10 адамның 1-ден астамында кездесуі мүмкін) Варгатеф® препаратымен емдеу организмнің бактериялық немесе зеңді инфекцияларға реакциясы үшін маңызды лейкоциттердің белгілі бір түрі (нейтропения) санының азаюына әкелуі мүмкін. Нейтропения қызбаға (фебрильді нейтропения) және қанның инфекция жұқтыруы (сепсис) әкелуі мүмкін. Егер қызу, қалтырау, жылдам тыныс алу немесе жүректің жиі соғуы болса, дереу емдеуші дәрігерге хабарлаңыз. Варгатеф® препаратымен емдеу кезінде дәрігер қан талдауларын үнемі бақылап отырады және қабыну, қызба немесе шаршау сияқты инфекция белгілерінің бар-жоғын тексереді. Осы препаратпен емдеу барысында келесі жағымсыз әсерлер туралы хабарланды. • Өте жиі (10 адамның 1-ден астамында кездесуі мүмкін)диарея (жоғарыдан қараңыз) • ауырсынуды сезіну, қол саусағы мен аяқ башайының ұйып қалуы және/немесе шаншуды сезіну (шеткері нейропатия) • дімкәстану (жүрек айнуы) • құсу • асқазанның (іштің) ауыруы • қан кету • лейкоциттер санының төмендеуі (нейтропения) • ас қорыту жолдарын жабындаған шырышты қабықтардың қабынуы, соның ішінде ауыздың ойық жаралары (мукозит, оның ішінде стоматит) • бөртпе • тәбеттің төмендеуі • электролиттер теңгерімінің бұзылуы • қан талдауларының нәтижелері бойынша қандағы бауыр ферменттерінің (аланинаминотрансфераза, аспартатаминотрансфераза, сілтілі фосфатаза) жоғары көрсеткіштері • шаш түсуі (алопеция) Жиі (10 адамның 1-ден астамында кездесуі мүмкін) • қанның инфекция жұқтыруы (сепсис) - жоғарыдан қараңыз • қызба кезіндегі лейкоциттер санының төмендеуі (фебрильді нейтропения) • веналардағы тромбтар (веноздық тромбоэмболия), әсіресе аяқтың веналарында (симптомдар ауырсыну, қызару, домбығу және аяқ-қолдағы жылу сезінуді қамтиды), олар қантамырлар арқылы өкпеге өтіп, кеуденің ауыруы мен тыныс алуды қиындатады (егер сіз осы симптомдардың кез-келгенін байқасаңыз, дереу дәрігерге қаралыңыз) • жоғары қысым (гипертония) • сұйықтықтың жоғалуы (сусыздану) • абсцесс • тромбоциттердің төмен саны (тромбоцитопения) • сарғаю (гипербилирубинемия) • қан талдауларының нәтижелері бойынша қандағы бауыр ферментінің (гамма-глутамилтрансфераза) деңгейінің артуы • салмақ жоғалту • қышыну • бас ауыруы • несептегі ақуыздың жоғарылауы (протеинурия) Жиі емес (100 адамның 1-ден астамында кездесуі мүмкін) • асқазанның немесе ішек жақтауының жыртылуы (асқазан-ішек жолдарының тесілуі ) • бауыр функциясының ауыр бұзылуы • ұйқы безінің қабынуы (панкреатит) • миокард инфарктісі • бүйрек жеткіліксіздігі Белгісіз (қолда бар деректер бойынша бағалау мүмкін емес) • жуан ішектің қабынуы • қантамыр жақтауының ұлғаюы және әлсіреуі немесе қантамыр жақтауының жарылуы (аневризма мен артериялардың қатпарлануы) Егер қандай да бір жағымсыз реакциялар туындаса, емдеуші дәрігермен кеңесіңіз. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Дереу емдеуші дәрігерге қаралыңыз. Артық дозаланған жағдайда қабылдануы қажет шаралар Дереу емдеуші дәрігерге қаралыңыз.

Осы препаратты қабылдағанға дейін емдеуші дәрігермен кеңесіңіз, егер • бауыр функциясының бұзылуы бар немесе бұрын болса, қан кету бар немесе бұрын туындаса, әсіресе жақында өкпеден қан кету байқалса • бүйрек функциясының бұзылуы бар немесе бұрын болса, немесе несептегі ақуыз деңгейінің жоғарылағаны анықталса • қан кетсе немесе болған болса • тромбоздарды болдырмау үшін қанды сұйылтатын дәрілерді (мысалы, варфарин, фенпрокумон, гепарин немесе ацетилсалицил қышқылы) қабылдап жүрсеңіз. Варгатеф® препаратымен емдеу қан кетудің анағұрлым жоғары қаупіне әкелуі мүмкін • пирфенидонды қабылдап жүрсеңіз, себебі бұл диарея, жүрек айнуы, құсу және бауыр функциясының бұзылу қаупін арттыруы мүмкін • жүрек аурулары (мысалы, миокард инфарктісі) бар немесе бұрын болса • жақында операция жасалған болса немесе жоспарласаңыз. Варгатеф® препараты жаралардың жазылуына әсер етуі мүмкін. Сондықтан, егер операция жасау керек болса, онда Варгатеф® препаратымен емдеу тоқтатылуы тиіс. Осы препаратпен емдеуді қашан қалпына келтіруге болатындығы туралы шешімді дәрігер қабылдайды • жоғары қысым • өкпенің қантамырларындағы аномальді жоғары қан қысымы (өкпе гипертензиясы) • аневризма бар немесе бұрын болса (қантамырлар жақтауының ұлғаюы және әлсіреуі) немесе қантамырлар жақтауының жарылуы • мидағы метастаздармен обыр Осы ақпаратқа сүйене отырып, емдеуші дәрігер қан талдауын тағайындай алады, мысалы, бауыр функциясын тексеру және қан ұюының көрсеткіштерін анықтау. Дәрігер осы талдаулардың нәтижелерін талқылайды және Варгатеф®препаратын тағайындауға болатынын шешеді. Емдеуші дәрігерге дереу хабарлаңыз, егер препаратты қабылдау барысында: • диарея басталса. Алғашқы симптомдар пайда болған кезде диарея емдеу бастау маңызды («Дәрілік препаратты стандартты қолдану кезінде көрінетін жағымсыз реакциялардың сипаттамасы және бұл жағдайда қабылдау керек шаралар» бөлімін қараңыз); • дімкәстану (жүрек айнуы) немесе құсу туындаса; • этиологиясы айқын емес симптомдар пайда болса, мысалы, тері жабындысының немесе көз ақуыздарының сарғаюы (сарғаю), күңгірт немесе қоңыр (шай түсі) түсті несеп, асқазанның (іштің) жоғарғы оң бөлігінің ауыруы, әдеттегіден гөрі жиі қан кету немесе көгеру немесе шаршауды сезіну. Бұл бауыр функциясының ауыр бұзылуының симптомдары болуы мүмкін; • егер сізде қызу, қалтырау, жиі тыныс алу немесе жүректің жиі соғуы болса. Бұл инфекцияның немесе қанның инфекция жұқтыру (сепсис) белгілері болуы мүмкін («Препаратты стандартты қолдану кезінде пайда болатын жағымсыз реакциялардың сипаттамасы және бұл жағдайда қабылданатын шаралар» бөлімін қараңыз)); • асқазанның қатты ауыруы, қызу, қалтырау, әлсіздік, жүрек айнуы, құсу немесе құрсақ жақтауы бұлшықеттерінің сіресуі немесе іштің кебуі, өйткені бұл симптомдар ішек жақтауының жыртылуын (асқазан-ішек жолдарының тесілуін) көрсетуі мүмкін. Сондай-ақ, дәрігерге бұрын асқазанның ойық жарасы немесе дивертикулярлық ауру болғанын немесе бір уақытта қабынуға қарсы дәрілермен (ҚҚСД) (ауырсынуды және ісінуді жеңілдету үшін) немесе стероидтермен (қабыну мен аллергияда қолданылады) емделгенін айтыңыз, себебі бұл қауіпті арттыруы мүмкін; • егер сізде асқазанның қатты ауыруы немесе түйілуі, нәжісте қан немесе диарея болса, бұл қанмен қамтамасыз етілмегендіктен ішек қабынуының симптомдар болуы мүмкін • ауырсыну, ісіну, қызару, кез-келген аяқ-қолдағы жылу сезімі немесе кеуденің ауыруы және тыныс алу қиындықтары, өйткені бұл тамырлардың біреуінің тромбозының белгісі болуы мүмкін (қантамырлардың бір түрі); • елеулі қан кетулер байқалады; • кеуденің қысылуы немесе кеуденің ауыруы, әдетте, сол жағынан, мойынның, жақтың, иықтың немесе қолдың ауыруы, жүректің жиі соғуы, ентігу, жүрек айнуы, құсу, себебі бұл миокард инфарктісінің симптомы болуы мүмкін; • қандай да бір ықтимал жағымсыз реакциялар елеулі болады («Дәрілік препаратты стандартты қолдану кезінде көрінетін жағымсыз реакциялардың сипаттамасы және бұл жағдайда қабылдануы тиіс шаралар» бөлімін қараңыз) • көгеру, қан кету, қызу, шаршау және сананың шатасуы пайда болды. Бұл тромбоздық микроангиопатия (TMA) деп аталатын қантамырлардың зақымдану белгісі болуы мүмкін. Арнайы ескертулер Педиатрияда қолданылуы Препаратты балалар мен жасөспірімдерде өкпенің жергілікті-таралған, метастаздық немесе жергілікті қайталанатын ұсақ жасушалы емес өкпе обырын (аденокарцинома) (ҰЖЕӨО) емдеуде қолдану зерттелмеген, сондықтан оны балалар мен 18 жасқа дейінгі жасөспірімдер қабылдауға болмайды. Балаларда өкпенің интерстициальді ауруларын (ӨИА) нинтеданибпен емдеу тіркелмеген, Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Варгатеф® препараты көлік құралдары мен механизмдерді басқару қабілетіне елеусіз әсер етуі мүмкін. Нашар сезінген кезде көлік жүргізбеген немесе механизмдерді басқармаған жөн. Варгатеф® препаратының құрамында соя бар Капсулалардың құрамында соя лецитині бар. Сояға немесе арахиске аллергия бар болса, бұл препаратты қабылдау ұсынылмайды («Қолдануды бастағанға дейінгі қажетті ақпарат тізімін» қараңыз).

Жүктілік немесе бала емізу кезінде, жүктілік туралы болжам немесе жүктілікті жоспарлау кезінде осы препаратты қабылдамас бұрын дәрігермен кеңесіңіз. Жүктілік Сіз бұл препаратты жүктілік кезінде қабылдай алмайсыз, өйткені ол туылмаған балаға зиян келтіруі және дамудың туа біткен ақауларын туындатуы мүмкін. • Варгатеф® препаратымен емдеуді бастағанға дейін, сіздің жүкті емес екеніңізге көз жеткізу үшін жүктілікке тест өткізу керек. Кеңес алу үшін емдеуші дәрігерге хабарласыңыз. • Контрацепция -Бала туатын жастағы әйелдер Варгатеф® препаратын қабылдаудың басында және оны қабылдау кезінде және емдеуді тоқтатқаннан кейін кемінде 3 ай бойы жүктіліктің алдын алу үшін контрацепцияның жоғары тиімді әдісін пайдалануы тиіс. - Контрацепцияның ең қолайлы әдістерін емдеуші дәрігермен талқылау керек. - Құсу және / немесе диарея немесе басқа асқазан-ішек аурулары ұрықтануға қарсы таблеткалары сияқты оральді гормональді контрацептивтердің сіңуіне әсер етуі мүмкін және олардың тиімділігін төмендетуі мүмкін. Сондықтан, егер сізде олар бар болса, контрацепцияның баламалы, анағұрлым қолайлы әдісін талқылау үшін өз дәрігеріңізбен сөйлесіңіз. - Егер жүктілік басталса немесе Варгатеф® препаратымен емдеу кезінде жүкті бола аламын деп ойласаңыз, дереу дәрігерге хабарлаңыз. Бала емізу Варгатеф® препаратымен емдеу кезінде емшекпен емізбеу керек, себебі балаға зиян келтіру қаупі болуы мүмкін. Фертильділігі Бұл дәрінің адамның фертильділігіне әсері зерттелмеген.

Емдеуші дәрігерге жақын арада қабылдаған, қабылдап жүрген немесе қабылдауды жоспарлаған дәрілік заттар туралы, соның ішінде өсімдік тектес дәрілер мен рецептісіз босатылатын дәрілер туралы хабарлаңыз. Варгатеф® препараты басқа препараттармен өзара әрекеттесуі мүмкін. Келесі дәрілік заттар қандағы Варгатеф® препаратының белсенді затының нинтеданиб деңгейін жоғарылатуы және, тиісінше, жағымсыз реакциялар қаупін арттыруы мүмкін («Дәрілік препаратты стандартты қолдану кезінде көрінетін жағымсыз реакциялардың сипаттамасы және бұл жағдайда қабылдануы тиіс шаралар» бөлімін қараңыз): • Кетоконазол (зеңді инфекцияны емдеу үшін қолданылады) • Эритромицин (бактериялық инфекцияларды емдеу үшін қолданылады) • Циклоспорин (иммундық жүйеге әсер ететін препарат) Келесі дәрілік заттар қандағы нинтеданиб деңгейін төмендетуі және, тиісінше, Варгатеф®препараты тиімділігінің төмендеуіне әкелуі мүмкін: • Рифампицин (туберкулезді емдеуге арналған антибиотик) • Карбамазепин, фенитоин (құрысу ұстамалары кезінде көмек үшін пайдаланылады) • Кәдімгі шайқурай (депрессияны емдеуге арналған өсімдік тектес дәрілік зат)

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары Ылғалдан қорғау үшін түпнұсқалық қаптамасында 25 °С-ден аспайтын температурада сақтау керек. Балалардың қолы жетпейтін жерде сақтау керек.