Варфарин ШТАДА таблетки 2.5 мг

Бір таблетканың құрамында белсенді зат – 2.5 мг натрий варфарині, қосымша заттар: лактоза, жүгері крахмалы, кальций гидрофосфаты дигидраты, индиготин (Е 132), повидон 30, магний стеараты. Сыртқы түрінің, иісінің, дәмінің сипаттамасы Дөңгелек, екі жақ беті дөңес, сындыруға арналған крест тәрізді кертігі бар бозғылт-көгілдір түсті таблеткалар.

Терең тромбофлебит және тромбоэмболиялық асқынулар профилактикасы және емдеу.

ATХ коды: B01AA03 Әсер ету механизмі Варфарин бауырдағы К дәруменіне тәуелді ұю факторларының, атап айтқанда II, VII, IX және X факторларының синтезін бөгейтін антикоагулянт болып табылады. Бұл факторлар К дәрумені К дәрумені 2,3-эпоксидіне тотығатын ізашар ақуыздардың карбоксилденуі нәтижесінде түзіледі. Пероральді антикоагулянттар эпоксидтің К дәруменіне қайта айналуын болдырмайды және осылайша К дәруменінің 2,3-эпоксидінің жиналуын туындатады. Бұл К дәрумені қорының таусылуына және қан ұю факторлары түзілуінің баяулауына әкелуі мүмкін. Нәтижесінде қандағы осы компоненттердің концентрациясы төмендейді, бұл коагуляция процесінің бәсеңдеуіне немесе төмендеуіне әкеледі. Клиникалық тиімділігі және қауіпсіздігі Антикоагулянттық әсері 36-72 сағаттан кейін дамиды, 5-7 күннен кейін ең жоғарғысына жетеді. Қабылдауды тоқтатқаннан кейін әсерінің сақталуы К дәруменіне тәуелді ұю факторлары синтезінің қалпына келуіне байланысты (шамамен 4-5 күн). S-варфариннің әсері варфариннің R-энантиомерінен екі-бес есе жоғары.

Дозалау режимі Ересектер Бұрын варфарин қабылдамаған пациенттер:Бастапқы доза алғашқы 4 күн бойы тәулігіне 5 мг (күніне 2 таблетка) құрайды. Емдеудің 5-ші күні халықаралық қалыптасқан қатынас (ХҚҚ) анықталады, ал артынан доза әркімге жеке таңдалады. Препараттың демеуші дозасы, әдетте, күніне 2,5-7,5 мг (күніне 1-3 таблетка) құрайды. Бұрын варфарин қабылдаған пациенттер:Ұсынылатын бастапқы доза препараттың белгілі демеуші екі есе дозасын құрайды және алғашқы 2 күн бойы тағайындалады. Одан кейін белгілі демеуші доза көмегімен емнің 5-ші күні ХҚҚ бірінші өлшенуіне дейін емдеуді жалғастырады. Жоғарыда сипатталғанынан асып кететін дозалар клиникалық жағдайлардың көпшілігінде ұсынылатын немесе негізделген болып табылмайды. Өте жоғары дозалар антикоагулянттық әсерінің дамуына дейінгі уақытты қысқартпайды, алайда қан кету қаупін арттырады.Емдеу кезінде бақылау: Коагулограмманы емдеудің басталуына дейін орындау керек. Варфариннің емдік индексі тар болғандықтан, емдеуді жүйелі бақылап отыру керек. Варфаринге сезімталдық әртүрлі пациенттерде және бір ғана пациентте өзгеріп отырады. Емдеуді жүйелі бақылау керек. Жекелеген тұлғаларда сезімталдық генетикалық факторлар, бауыр функциясының бұзылуы, жүректің іркілісті жеткіліксіздігі немесе дәрілік өзара әрекеттесулер салдарынан жоғары болуы мүмкін. ХҚҚ емдік деңгейлері ХҚҚ 2-3 диапазонда демейтін дозасы вена тромбозы және өкпе артериясы эмболиясы, жүрекшелер фибрилляциясы (клапан ақауларымен астаспаған), ауыр дилатациялық кардиомиопатия, асқынған жүрек ақауларының профилактикасы және емдеу үшін және жүректің биопротезделген клапандары болғанда ұсынылады. Механикалық жүрек клапандары болғанда және асқынуларымен жедел миокард инфарктісінде ХҚҚ 2,5-3,5 өте жоғары нысаналы диапазоны ұсынылады. Енгізу жолы және тәсілі Варфарин ШТАДА тәулігіне 1 рет пероральді тағайындалады.

• варфаринге немесе қосымша заттардың кез келгеніне жоғары сезімталдық • жүктілік, тромбоэмболияның жоғары қаупіне бейім, жүректің механикалық клапандары бар әйелдерді қоспағанда. Варфарин ШТАДА жүкті әйел қабылдаған кезде шаранаға зиян келтіруі мүмкін. Жүктілік кезінде Варфарин ШТАДА әсері бірқатар күрделі туа біткен даму ақауларын (варфариндік эмбриопатия және фетоуыттылық), өлімге әкелетін құрсақішілік қан кетуді туындатады, сондай-ақ жүктіліктің өздігінен үзілу және құрсақта шетінеу қаупін арттырады. Егер Варфарин ШТАДА жүктілік кезінде қолданылса немесе әйел пациент осы препаратты қабылдағанда жүкті болып қалса, әйел пациент шарана үшін ықтимал қаупі туралы хабардар болуы тиіс • балалар және 18 жасқа дейінгі жасөспірімдер • орталық жүйке жүйесіне (ОЖЖ) немесе көзге жақында жасалған немесе жоспарланған операция, үлкен операциялық аумаққа жасалатын травматологиялық операция • науқастар бақыла алмайтын, қан кетудің аса жоғары деңгейімен байланысты жағдайлар • жұлын пункциясы және басқа да диагностикалық және емдік емшаралар бақыланбайтын қан кетуге әкелуі мүмкін • ауқымды аймақтық немесе бел анестезиясы • бауырдың ауыр жеткіліксіздігі • кез келген жерден қатты қан кету немесе қан дискразиясы • жоғары қан кету қаупі (оның ішінде геморрагиялық диатездері, өңеш веналары варикозды кеңейген, артериялық аневризмалары, ми-жұлын пункциясынан кейін, асқазанның ойықжаралы ауруы, ауқымды жарақаттары (оның ішінде операциялық), цереброваскулярлық аурулары, бактериялық эндокардиті және қатерлі артериялық гипертензиясы пациенттер) • төмендегілермен байланысты қан кетуге бейімділік: • асқазан-ішек жолының, несеп-жыныстық жүйенің немесе тыныс алу жолдарының белсенді ойықжарасы немесе айқын қан кетуі • орталық жүйке жүйесіне қан құйылу • ми аневризмасы, қолқаның қатпарлануы • перикардит және перикардиалық жалқық • бактериялық эндокардит • жүктіліктің үзілу қаупі, эклампсия және преэклампсия сирек кездесетін тұқым қуалайтын бұзылыстар - галактоза жақпаушылығы, лактоза жеткіліксіздігі немесе глюкоза-галактоза мальабсорбциясы • варфаринді қабылдайтын пациенттерге құрамында hypericum perforatum (шілтер жапырақты шайқурай) бар халық медицинасының өнімдерін/дәрілерін қолдануға болмайды, өйткені бір мезгілде қабылдау плазмадағы варфариннің концентрациясын төмендетеді, соның салдарынан емдеудің терапиялық әсері азаяды.

Нұсқаулықта көрсетілмеген.

Варфарин артық дозалануының негізгі әсері ХҚҚ және, тиісінше, қан кету қаупінің жоғарылауы болып табылады. ХҚҚ жоғарылауы уақыт өте келе VII фактордың жартылай ыдырау уақытымен өзара байланысты болады. Әдетте, осылай жоғарылау варфарин қабылдаудан кейін 24 сағат ішінде дамып, ең жоғары шегіне 36-72 сағаттан соң жетеді. Симптомдары қабылдау басталған соң бірнеше күн немесе апта өткенде білінеді. Оларға: мұрыннан қан кетулер, қызылиектерден қан кету, бозару, буын маңайындағы және бөксе аумағындағы гематомалар, несепте және нәжісте қанның пайда болуы жатады. Болуы мүмкін басқа симптомдарға арқаның ауыруы, еріннен немесе шырышты қабықтардан қан кету, іштің ауыруы, құсу және петехиялар жатады. Кешірек миға қан құйылу салдарынан салдану және, соңында, геморрагиялық шок және өлім болуы мүмкін. Артық дозалануды емдеу негізінен демеуші және симптоматикалық болып табылады Белсендірілген көмірді пациенттерде қабылдаудан кейін 1 сағат ішінде қарастыруға болады. Фитоменадион антидотын (К1 дәрумені) және, қажет болса, концентрацияланған ұю факторларын, жаңа мұздатылған плазманы вена ішіне енгізу немесе қан құю талап етілуі мүмкін. Варфариннің жартылай шығарылу уақыты ұзақ (20-60 сағат) болғандықтан, пациенттер ұзақ уақыт қадағалануы тиіс. ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек болатын шаралар Жағымсыз асқынулардың мысалдары мұрыннан қан кетулер, гемоптизис (қан түкіру), гематурия (несептегі қан), қызылиектерден қан кету, терідегі қанталаулар, қынаптан қан кету, субконъюнктивалық қан кету, тік ішектен және басқа АІЖ бөлімдерінен қан кету, миға қан құйылу, жарақаттанудан немесе операциядан кейін ұзаққа созылатын немесе құйылып қан кету болып табылады. Қан кету, оның ішінде ауыр түрі кез келген ағзада дамуы мүмкін. Антикоагулянттармен ұзақ уақыт ем қабылдаған пациенттерде өлімге, ауруханаға жатуға немесе қан құю қажеттілігіне әкелген қан кетулер дамуы хабарланды. Варфарин ШТАДА препаратын қолдану кезіндегі елеулі қан кету қаупіне тәуелсіз факторларға: егде жас, антикоагуляцияның жоғары деңгейі, анамнездегі инсульт, анамнездегі асқазан-ішектен қан кету, қатар жүретін аурулар және жүрекшелер фибрилляциясы жатады. CYP2C9 және VKORC1 полиморфизмі бар пациенттерде шамадан тыс антикоагулянттық әсер ету және қан кетулер көріністерінің жоғары қаупі болады. Осындай пациенттерде гемоглобин және ХҚҚ деңгейлерін мұқият бақылап отыру керек. Өте жиі • әртүрлі ағзалардан қан кету Жиі • ұзақ уақыт қолданудан кейін варфаринге сезімталдықтың жоғарылауы • аса жоғары сезімталдық Жиі емес • құсу, жүрек айну, диарея Сирек • васкулит, некроз, алопеция, бөртпе, есекжем, терінің қышынуы • күлгін саусақ синдромы • бауыр ферменттерінің жоғарылауы, сарғаю Өте сирек • мелена, холестериндік эмболия Жиілігі белгісіз • іштің ауыруы (қан кетуге қатысты салдарлы) және гематемезис • кальцификация, экхимозға әкелетін терінің эритематозды ісікке шалдыққан бөліктері • пирексия • антикоагулянттарды қолдануымен байланысты нефропатия Дәрілік затпен емдеу басталған соң барлық күмәнді жағымсыз құбылыстар туралы хабарлау қажет. Бұл осы дәрілік заттың пайда/қауіп арақатынасының бейінін үздіксіз бақылап отыруға мүмкіндік береді. Кальцификация даму қаупі білінеді, теріде ауырсынулы бөртпе дамуында дереу дәрігерге қаралыңыз. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Арнайы сақтандырулар Тромбоэмболиялық аурулар профилактикасының пайдасы мен қан кету қаупінің артуы арақатынасын бағалаудан кейін пациенттің тағайындалған емдеуді қатаң қадағалау қабілетіне бағалау қажет. Нашақорлық, маскүнемдік немесе деменциядан зардап шегіп жүрген пациенттер Варфарин ШТАДА препаратын қабылдаудың тағайындалған режимін қадағалауға қабілетсіз болуы мүмкін. Дәрілік өзара әрекеттесу Варфарин ШТАДА препаратының әсерін өзгертуі мүмкін. Сондықтан варфарин қабылдаудың бақылануын емдеудің басында, соңында немесе басқа дәрілік заттармен емдеуді өзгерткенде күшейту қажет. Варфариннің антикоагулянттық әсеріне әртүрлі факторлар, оның ішінде жедел аурулар, гипертиреоз, гипотиреоз, құсу, диарея, сондай-ақ бауырда қан іркілуімен болатын жүрек жеткіліксіздігі ықпал етуі мүмкін. Тамақтану сипатының елеулі өзгерістері (мысалы, вегетариандық диета) К дәруменінің сіңуіне және варфариннің әсер ету шамасының өзгеруіне ықпал етуі мүмкін. Тиісінше, осы факторлар өзгергенде пациенттерге өте мұқият мониторинг өткізу керек. Дәрігерлер мен пациенттер ҚҚСД және ацетилсалицил қышқылымен бір мезгілде емдеу кезінде, әсіресе, АІЖ-нан қан кетудің жоғарылау қаупі болатынын ұғуы тиіс. CYP2C9 ферментін кодтайтын ген мутациялары бар пациенттерде варфариннің жартылай шығарылу уақыты ұзарған. Осындай пациенттерге өте төмен демеуші доза қажет болады, қан кету қаупі өте жоғары жүктеме дозасын қолданғанда артуы мүмкін. Операциядан бірнеше күн бұрын варфаринді тоқтату мүмкіндігін қарастыру керек. Операцияға дейін (стоматологиялық операцияларды қоса), ең кемінде, ХҚҚ бақылау және түзету қажет. Тромбозға қарсы С протеинінің жеткіліксіздігі бар пациенттерде варфаринмен емдеудің басында тері некроздарының даму қаупі бар, соның салдарынан, емді варфариннің жүктеме дозасынсыз бастау керек (тіпті гепаринді тағайындау кезінде). Қауіп тобына S ақуызының жеткіліксіздігі бар пациенттерді де жатқызуға болады, ондай жағдайларда варфаринмен емдеуді барынша баяу бастау ұсынылады. Бүйрек жеткіліксіздігі бар пациенттерге ерекше көңіл бөлу керек. Гиперкоагуляция қаупі жоғары пациенттерде, мысалы, ауыр артериялық гипертензияда, бауыр немесе бүйрек ауруларында ХҚҚ өте мұқият қадағалану қажет. Гломерулярлық тұтастығы бұзылған немесе анамнезінде бүйрек ауруы бар пациенттерде қан ұюының шамадан тыс тежелу эпизодтарына және гематурияға байланысты бүйректің жедел зақымдалуы мүмкін. Анамнезінде бүйрек ауруы жоқ пациенттерде нефропатияның бірнеше жағдайлары хабарланған. Емдік диапазоннан жоғары ХҚҚ және гематурия бар пациенттерде бүйрек функциясын бағалай отырып (микроскопиялық зерттеуді қоса) мұқият бақылау ұсынылады. Тіндердің некрозы сирек, бірақ қауіпті (<0,1%) болып табылады. Некроз жергілікті тромбозбен байланысты болуы мүмкін және әдетте Варфарин Штада терапиясы басталғаннан кейін бірнеше күн ішінде көрінеді. Терінің немесе басқа да жұмсақ тіндердің некрозы немесе гангренасы дамиды, ауыр жағдайларда хирургиялық өңдеу немесе ампутация қажет болуы мүмкін. Некроздың негізгі аурудан туындағанын анықтау үшін мұқият клиникалық тексеру талап етіледі. Әртүрлі емдеу әрекеттері жасалғанына қарамастан, олардың ешқайсысы тиімді деп танылмаған. Қажет болған жағдайда Варфарин ШТАДА қабылдауды тоқтатыңыз және балама антикоагулянттарды қарастыру керек. Жүйелік атероэмболиялар және холестеринді микроэмболиялар. Кейбiр жағдайларда некроздың өршуі орын алған, бұл өлiмге әкеп соқтыруы мүмкін. Варфарин Штада препаратымен антикоагулянттық терапия атероматоздық түйіндақтардан эмболдардың босатылуын күшейтуі мүмкін. Жүйелік атероэмболдар және холестериннің микроэмболиялары эмболизацияның орнына байланысты әртүрлі белгілермен және симптомдармен көрінуі мүмкін. Көбінесе бүйрек, содан кейін ұйқы безі, көк бауыр және бауыр зақымданады. Аяқтың микроэмболиясы салдарынан пайда болатын жеке синдром «аяқтың қызыл саусақтары синдромы» деп аталады. Мұндай эмболиялар туындаған кезде Варфарин ШТАДА қабылдауды тоқтату керек. Гепарин-индукцияланған тромбоцитопения (ГИТ). Варфарин Штаданы гепарин-индукцияланған тромбоцитопениясы (ГИТ) және гепарин-индукцияланған тромбоцитопениясы бар тромбоз синдромы (ГИТТС) бар пациенттерде бастапқы терапия ретінде қолдануға болмайды. ГИТТС және ГИТТС-пен ауыратын пациенттерде гепаринмен емдеуді тоқтату және варфаринмен терапияны бастау немесе жалғастыру кезінде аяқ-қолдың ишемиясы, некрозы және гангренасы жағдайлары байқалды. ГИТ кезінде Варфарин ШТАДАмен бастапқы терапия аяқ-қолдардың ампутациясына және өлімге әкелуі мүмкін. Варфарин ШТАДАны тағайындау тромбоциттердің санын қалыпқа келтіргеннен кейін қаралуы мүмкін. Жүректің механикалық клапандары бар жүкті әйелдер. Варфарин ШТАДА ұрыққа зиян келтіруі мүмкін. Варфарин Штада жүктілік кезінде қарсы көрсетілімде болса да, оны қолданудың ықтимал пайдасы тромбоэмболияның жоғары қаупіне ұшырайтын жүректің механикалық клапандары бар жүкті әйелдер үшін қауіптен асып түсуі мүмкін. Мұндай жеке жағдайларда Варфарин Штаданы қолдануды бастау немесе жалғастыру туралы шешімді әрбір пациенттің денсаулық жағдайына қатысты ерекше қауіп пен пайданы, сондай-ақ соңғы медициналық ұсынымдарды назарға ала отырып, пациентпен талқылау керек. Жүктілік кезінде Варфарин Штаданы қолдану туа біткен даму кемістіктерінің (варфарин эмбриопатиясы мен фетоуыттылығын) белгілі бір көрінісін, құрсақішілік қан кетуді және өздігінен түсік тастау мен құрсақтағы өлім-жітімнің жоғары қаупін тудырады. Егер бұл препарат жүктілік кезінде қолданылса немесе жүктілік оны қолдану кезеңінде туындаса, пациентке ұрық үшін ықтимал қауіп туралы хабарлау керек. Кальцифилаксия жоғары өлімге ұшыраумен астасатын тамырлық кальцификацияның сирек синдромы және терінің ойық жаралануы болып табылады. Кальцифилаксия негізінен диализдегі созылмалы бүйрек ауруының терминалдық сатысындағы пациенттерде немесе протеин С немесе S тапшылығы, гиперфосфатемия, гиперкальциемия, гипоальбуминемия сияқты белгілі қауіп факторлары бар пациенттерде байқалады. Кальцифилаксияның сирек жағдайлары қатарлас бүйрек ауруы болмағанда варфарин қабылдаған пациенттерде тіркелген. Кальцифилаксия анықталған жағдайда тиісті емді бастау және варфарин қабылдауды тоқтату мәселесін қарау керек. Пациенттер теріде ауырсынулы бөртпе пішінді жағымсыз реакция білінгенде дереу дәрігерге хабарлау керек. Сирек жағдайларда варфарин теріде ауырсынулы бөртпе пайда болуынан басталуы мүмкін және басқа күрделі асқынуларға соқтыруы мүмкін терінің күрделі ауруларының, оның ішінде кальцифилаксия туындауына әкелуі мүмкін. Бұл жағымсыз реакция созылмалы бүйрек аурулары бар пациенттерде жиірек кездеседі. Егде жастағы адамдар: Егде жастағы адамдарда Варфарин ШТАДА препаратының дозаларын түзету қажет емес. Алайда, болуы мүмкін жағымсыз реакцияларға (қан кетулер) қатысты егде жастағы пациенттерді мұқият қадағалап отыру қажет, өйткені оларда варфаринмен емделу кезінде жағымсыз құбылыстар қаупі жоғары. Бауыр жеткіліксіздігі бар пациенттер: Бауыр функциясының бұзылуы варфаринге сезімталдықты арттырады, өйткені бауыр қан ұю факторларын өндіреді, сондай-ақ варфаринді метаболиздейді. Осыған байланысты, бауыр жеткіліксіздігі бар пациенттерде ХҚҚ деңгейлеріне мұқият мониторинг талап етіледі. Бүйрек жеткіліксіздігі бар пациенттер: Бүйрек жеткіліксіздігі бар пациенттерде Варфарин ШТАДА препаратының дозасын азайту және мұқият мониторинг өткізу қажет. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Варфарин ШТАДА препаратының автокөлікті жүргізу және басқа механизмдерді басқару қабілетіне әсері болмайды немесе тым аз болады.

Пациенттерде қолдану тәжірибесі негізінде жүктілік кезінде тағайындалатын варфарин туа біткен аномалияларды немесе шарананың шетінеуін туғызуы мүмкін екені белгілі. Бала туу жасындағы әйелдер Варфарин ШТАДА препаратымен емделу кезінде контрацепцияның тиімді әдісін пайдалануы тиіс. Варфарин плацента арқылы тез өтеді. Варфарин ШТАДА препаратын жүктіліктің бірінші және соңғы үш айында қолдану қарсы көрсетілімді. Осы кезеңдер аралығында варфарин тек аса қажет болған жағдайда ғана қолданылады. Варфарин күрделі мальформацияны, шаранада қан кетуді және шарананың жатыр ішінде шетінеуін туындатуы мүмкін. Жүктілік кезінде варфарин қолдану шаранада нүктелік хондродисплазияға ұқсас варфариндік синдром дамуына әкелуі мүмкін. Осы синдром көріністері: мұрын гипоплазиясы (қайқы мұрын және басқа да шеміршектік түзілімдер), рентгенологиялық зерттеу кезінде шеміршектің нүктелік дисплазиялары (әсіресе, омыртқа бағанында және ұзын түтікше сүйектерде), қолдың басы мен саусақтарының қысқа болуы, көру жүйкесінің атрофиясы, жартылай немесе толық соқырлыққа әкелетін катаракта, физикалық және психикалық даму кідірісі және микроцефалия. Варфарин емшек сүтімен бөлінеді, бірақ емдік дозаларын қабылдағанда варфариннің емшекпен қоректеніп жүрген сәбиге әсер етуі күтілмейді. Демек Варфарин ШТАДА препаратын бала емізу кезінде қолдануға болады.

Варфарин ШТАДА емдік индексі тар, ал осы коагулянтпен бірқатар дәрілік заттар өзара әрекеттеседі. Пациенттерге Варфарин ШТАДА препаратымен бір мезгілде қолданылатын қандай да бір дәрілік затты қолданудың, дозасын өзгертудің немесе тоқтатудың алдында дәрігермен кеңесу қажеттілігі жөнінде нұсқау беру керек. Рецептісіз берілетін препараттарды, өсімдік тектес дәрілерді, биологиялық белсенді тағам қоспаларын және дәрумендерді ұсынылатын тәуліктік дозаларынан асып кететін дозаларда қабылдаған жағдайда да кеңес алу қажет. Емдеуді бақылау аралықтарын қабылданатын дозаның дұрыстығына дәрігер мен пациенттің сенімді болу шамасына қарай біртіндеп арттыруға болады. Ең дұрысы қабылдаудың басында немесе басқа дәрілік затты тоқтатқанда варфарин дозасын түзетуге мүмкіндік беретін антикоагуляция мониторингін жиірек өткізу болып табылады. Дәрілік заттар варфаринмен фармакодинамикалық және/немесе фармакокинетикалық өзара әрекеттесуге түсуі мүмкін. Варфарин бауыр ферменттерімен метаболизденеді. Сол ферменттермен метаболизденетін басқа дәрілік заттардың әсерімен осы ферменттер белсенділігінің бәсеңдеуі немесе күшеюі болуы мүмкін. Бұл қан плазмасында варфарин деңгейлерінің жоғарылауына немесе төмендеуіне әкелуі мүмкін. Варфарин ақуыздармен едәуір дәрежеде байланысады, ал дәрілік өзара әрекеттесулер механизмдерінің бірі варфаринді осы байланыстан ығыстыру болуы мүмкін. Варфарин ШТАДА препаратының әсерін төмендететін дәрілік заттар (ХҚҚ азаюы) Тобы — Атауы — Мүмкін болатын механизмі Жүрек-қантамыр жүйесі — Холестирамин — Варфарин сіңуін төмендету және бауыр-ішектік кері айналымға ықпал ету. Бозентан — Бауырда варфариннің CYP2C9/CYP3A4-ке айналуын индукциялау. Асқазан-ішектік дәрілік заттар — Апрепитант — Варфариннің CYP2C99-ға айналуын индукциялау. Дерматологиялық препараттар — Гризеовульфин — Гризеовульфин мен варфариннің өзара әрекеттесу механизмі белгісіз. Инфекцияға қарсы дәрілер — Диклоксациллин — Варфарин метаболизмін күшейту. Рифампицин — Варфарин метаболизмін күшейту. Осы препараттарды бірге қолдануға жол бермеу қажет. Ритонавир — CYP2C9 арқылы варфарин метаболизмін туындатады. Бұлшықет, буын және сүйек ауруларына қарсы дәрілер — Феназон — Феназон мен варфариннің өзара әрекеттесу механизмі белгісіз. Орталық жүйке жүйесі — Барбитураттар (мысалы, фенобарбитал) — Варфарин метаболизмін күшейту. Эпилепсияға қарсы (карбамазепин, фенитоин) — Варфарин метаболизмін күшейту. Цитостатиктер — Аминоглютетимид — Варфарин метаболизмін күшейту. Азатиоприн — Варфарин сіңуін төмендету және варфарин метаболизмін арттыру. Невирапин — CYP2C9 арқылы варфарин метаболизмін туындатады. Халық медицинасының дәрілері — Hypericum perforatum (шілтер жапырақты шайқурай) — CYP P450-3A4 және -1A2 (R- варфарин метаболизмі) арқылы жүзеге асатын, сондай-ақ CYP P450-2C9 (S-варфарин метаболизмі) арқылы жүзеге асатын варфарин метаболизмін туындатады. Ферменттер индукциясының әсері шайқураймен емдеу аяқталған соң кемінде 2 апта өткенде көрініс беруі мүмкін. Женьшень — Бауырда варфариннің қайта түзілуінің индукциялануы ықтимал. Осы препараттарды бірге қолданудан сақтану қажет. Тағам өнімдері — Құрамында К дәрумені бар тағам өнімдері (мысалы, қырыққабат, авокадо, брокколи және саумалдық) — Варфарин әсеріне қарсы әсер ету. Варфарин ШТАДА препаратының әсерін күшейтетін дәрілік заттар (ХҚҚ жоғарылауы) Тобы — Атауы — Мүмкін болатын механизмі Қан және қан түзу ағзалары — Абциксимаб Тирофибан Эптифибатил Клопидогрел Гепарин — Ұю факторларын тежеу. Асқазан-ішек жолы (АІЖ) және зат алмасу — Цимедитин — Варфарин метаболизмін төмендету. Жүрек-қантамыр жүйесі — Амиодарон — Бір апта бірге қабылдаудан кейін варфарин метаболизмін төмендетеді. Осы әсері амиодаронды тоқтатудан кейін 1-3 ай бойы сақталуы мүмкін. Этакрин қышқылы — Этакрин қышқылы мен варфариннің өзара әрекеттесу механизмі белгісіз. Гиполипидемиялық дәрілер (флувастатин, симвастатин, розувастатин, гемфиброзил) — P450 2C9- және 3A4 цитохромдары арқылы метаболизм үшін бәсекелестік. Пропафенон — Варфарин метаболизмін төмендету. Хинидин — Қан ұю факторларын төмендету. Дерматологиялық дәрілер — Миконазол — Плазмада варфариннің өзіндік клиренсін төмендету және варфариннің бос фракциясын арттыру; Р450 цитохромдары арқылы варфарин метаболизмін шектеу. Несеп-жыныс жүйесі және жыныс гормондары — Стероидты гормондар (даназол, тестостерон) — Варфарин метаболизмін шектеу және/немесе коагуляция және фибринолиз жүйесіне тікелей әсер ету. Жүйелі қолдануға арналған гормондар — Қалқанша безге әсер ететін дәрілер — К дәруменіне тәуелді ұю факторларының метаболизмін күшейту. Инфекцияға қарсы дәрілер — Пенициллиндер (клоксациллин, амоксициллин) — Варфаринмен өзара әрекеттесу механизмі белгісіз. Хинолондар (ципрофлоксацин, норфлоксацин) — Варфарин метаболизмін шектеу. Макролидтер (азитромицин, кларитромицин, эритромицин) — Варфарин метаболизмін шектеу. Зеңге қарсы дәрілер (флуконазол, итраконазол, кетоконазол, метронидазол, вориконазол) — Варфарин метаболизмін шектеу. Хлорамфеникол — Варфарин метаболизмін шектеу. Сульфаметоксазол — Варфарин метаболизмін шектеу және ақуыздармен байланысу сайттарынан варфаринді ығыстыру. Қабынуға қарсы препараттар — Преднизолон/ Преднизон — Варфарин метаболизмін тежеу. Бұлшықет, буын және сүйек ауруларына қарсы дәрілер — Ацетилсалицил қышқылы — Плазма альбуминдерінен варфаринді ығыстыру, варфарин метаболизмін шектеу, аспириннің тікелей гипотромбинемиялық әсері және асқазан эрозиясы. Қабынуға қарсы стероидты емес дәрілер (ҚҚСД) — P450 2C9 цитохромы ферменттерімен жүзеге асатын, метаболизм үшін бәсекелестік. Лефлуномид — CYP2C9 арқылы варфарин метаболизмін шектеу. Парацетамол (ацетаминофен) — Варфарин метаболизмін шектеу немесе ұю факторларының түзілуіне әсер ету (осы әсері күніне 2 г-ден аз парацетамол қабылдағанда көрініс бермейді). Фенилбутазон — Варфарин метаболизмін төмендету, ақуыздармен байланысу сайттарынан варфаринді ығыстыру. Осы біріктірілімнен сақтану керек. Орталық жүйке жүйесі — Эпилепсияға қарсы дәрілер (фосфенитоин, фенитоин) — Ақуыздармен байланысу сайттарынан варфаринді ығыстыру, варфарин метаболизмін төмендету. Трамадол — P450 3A4 цитохромы арқылы метаболизм үшін бәсекелестік. Антидепрессанттар Серотонинді кері қармайтын селективті тежегіштер (СКҚСТ) (флуоксетин, флувоксамин, пароксетин, сертралин) — Варфарин метаболизмін шектеу. P450 2C9 (CYP2C9) цитохромы изоферментін СКҚСТ шектейтіні болжанады. Ол өте күшті әсер ететін изомер S-варфаринді метаболиздейтін фермент болып табылады. Бұдан бөлек, СКҚСТ да, варфарин де альбуминмен берік байланысады. Екеуі де болғанда қосылыстардың бірін альбуминнен ығыстыру мүмкіндігі артады. Цитостатиктер — Фторурацил — Варфаринді метаболиздейтін P450 2C9 цитохромы ферменттері синтезін төмендету. Капецитабин — CYP2C9 изоферменттерін төмендету. Иматиниб — CYP3A4 изоферментін бәсекелес шектеу және иматинаб әсерінен CYP2C9, сондай-ақ CYP2D6 арқылы варфарин метаболизмін шектеу. Ифосфамид — CYP3A4-ті бәсеңдету. Тамоксифен — Тамоксифен мен варфариннің өзара әрекеттесу механизмі белгісіз. Шамадан тыс қолдану тәуелділігін емдеуге арналған препараттар — Дисульфирам — Варфарин метаболизмін шектеу. Басқалары — Глюкозамин — Глюкозамин және К дәрумені антагонисін ішу арқылы қабылдаған пациенттерде ХҚҚ артуы туралы хабарланды. Осылайша, пероральді К дәрумені антагонисін қабылдап жүрген пациенттер глюкозаминмен ем басталған немесе аяқталған уақытта мұқият бақылануы тиіс. Тағамдық өнімдер — Мүкжидек — Мүкжидек CYP2C9 арқылы варфарин метаболизмін төмендетеді. ХҚҚ төмендететін немесе жоғарылататын заттар Тобы — Атауы — Мүмкін болатын механизмі Биологиялық белсенді қоспалар — Коэнзим-Q10 — Коэнзим-Q10 мен К2 дәрумені арасындағы біркелкі химиялық құрылым салдарынан, коэнзим-Q10 варфарин әсерін күшейтуі немесе бәсеңдетуі мүмкін. Басқа да заттар — Алкоголь — Варфарин метаболизмін тежеу немесе индукциялау.

Сақтау мерзімі Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары 25 ºС-ден аспайтын температурада сақтау керек. Балалардың қолы жетпейтін жерде сақтау керек.