Вермокс таблетки 100 мг

Бір таблетканың құрамында белсенді зат - 100 мг мебендазол; қосымша заттар: натрий лаурилсульфаты, сусыз коллоидты кремнийдің қостотығы, магний стеараты, натрий сахарині, тальк, жүгері крахмалы, лактоза моногидраты. Сыртқы түрінің, иісінің, дәмінің сипаттамасы Ойығы бар жалпақ цилиндр пішінді, бір жағында «Vermoх» деген жазуы және екінші жағында сызығы, өзіне тән жеңіл иісі бар, диаметрі 10.0 мм жуық, ақ немесе ақ дерлік түсті таблеткалар.

Асқазан-ішек жолдарының инвазиялардан туындаған оқшауланған немесе аралас паразиттік ауруларында: • энтеробиоз (Enterobius vermicularis ) (жұмыр құрттар/острицалар); • аскаридоз (Ascaris lumdricoides) (аскаридалар); • трихинеллез (Trichuris trichiura) (түктібас құрттар); • анкилостомидоз (Ancylostoma duodenale) (анкилостомалар); • некатороз (Necator americanus) (америкалық қисықбасты құрттар); • стронгилоидоз (Strongloides stercoralis) (жіпшелі нематодтар); • тениоз (Taenia spp) (таспа құрттар).

Әсер ету механизмі Мебендазол кең ауқымды әсер ететін, гельминтке қарсы синтетикалық дәрі болып табылады. Тіркелген көрсетілімдер бойынша қолданғанда мебендазол ішек қуысында жергілікті әсер етіп, паразиттер жасушаларында тубулиннің түзілуін бұзады, бұл глюкоза қармалуының және құрттардың ас қорыту үдерісінің бұзылуына, және соның салдарынан аутолиз дамуына әкеледі.

Дозалану режимі Энтеробиоз Балалар мен ересектерде дене салмағына және жасына қарамастан: 100 мг бір дозаны (1 таблетка) бір рет қабылдау жеткілікті. Enterobius vermicularis инфекциясының қайталану жиілігі жоғарылығын ескеріп, емдеуді 2 және 4 аптадан соң қайталау ұсынылады. Отбасының барлық мүшелерін бір мезгілде емдеу ұсынылады. Аскаридоз, трихоцефалез, анкилостомидозда және аралас паразиттік инфекциялар Балаларға және ересектерде дене салмағына және жасына қарамастан: тәулігіне 200 мг (таңертең 1 таблетка және кешке 1 таблетка) 3 күн қатарынан. Тениоз, стронгилоидоз ересектерге арналған толық емдеу курсы: тәулігіне 400 мг (таңертең 2 таблетка және кешке 2 таблетка) 3 күн қатарынан. балалар мен жасөспірімдер үшін (≥ 2 - 16 жас): Мебендазолдың ≥ 2 жастан 16 жасқа дейінгі балалар мен жасөспірімдердегі тиімділігі мен қауіпсіздігі туралы деректер шектеулі. Мебендазолды осы жас тобында баламалы емдеу жоқ болған жағдайда ғана тағайындау керек. Енгізу әдісі және жолы Ішке қабылдауға арналған. Таблетканы тұтастай немесе шайнап жұтуға болады. Кішкентай балаларға таблетканы ұсақталған түрде беру ұсынылады. Препаратты балалар қабылдағаннан кейін олардың жай-күйін бақылау керек. Сызығы тек таблетканы екіге бөлуді жеңілдетуге және жұтуға қолайлы болу үшін арналған, таблетканы теңдей екі дозаға бөлуге арналмаған. Емдеу кезінде іш жүргізетін дәрілер қабылдау немесе арнайы диета ұстану қажет емес. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Егер сізде осы препаратты қолдану жөнінде қосымша сұрақтар болса, емдеуші дәрігермен кеңесуді өтінеміз.

• белсенді затқа немесе препараттың қосымша затарының кез келгеніне жоғары сезімталдық • галактоза жақпаушылығы, лактаза жеткіліксіздігі немесе глюкоза/галактоза мальабсорбциясы сияқты тұқым қуалайтын аурулар • жүктілік және емшек емізу кезеңі • 2 жасқа дейінгі балалар.

Жиі емес - жүрек айнуы, құсу. Өте сирек • аса жоғары сезімталдық рекциялары, соның ішінде, анафилаксиялық және анафилактоидты реакциялар • бас айналу • іштің ауыруы, диарея. • уытты эпидермалық некролиз (күлдіреуіктердің түзілуі және көп аумақта терінің сылынуы), Стивенс-Джонсон синдромы (күлдіреуіктермен және терінің сылынуымен бірге кең таралған бөртпе, әсіресе ауыз, мұрын, көз және жыныс мүшелерінің айналасында), экзантема, ангионевроздық ісіну, есекжем, шаштың түсуі. Белгісіз (қолда бар деректерге сүйеніп бағалау мүмкін емес) - нейтропения (қандағы нейтрофилдер санының күрт төмендеуі (қанның ақ денешіктерінің белгілі бір түрі)) - метеоризм - талдаулар нәтижесімен анықталған бауыр қызметінің бұзылуы, гепатит. Препаратты ұсынылған дозадан едәуір асатын дозаларда ұзақ уақыт қабылдағанда келесі жағымсыз реакциялар байқалды: Өте сирек • агранулоцитоз (инфекцияларға сезімталдықтың жоғарылауына әкелетін қанның ақ денешіктерінің күрт төмендеуі ) Белгісіз • гломерулонефрит (бүйрек қабынуы) Балалардағы қосымша жағымсыз әсері Өте сирек - құрысулар Мебендазолды ұсынылған дозада қабылдау, әдетте, қандай да бір жағымсыз симптомдардың дамуымен қатар жүрмейді. Ауқымды паразиттік инвазия кезінде іштің өтпелі ауыруы және диарея байқалуы мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Кездейсоқ артық дозалану кезінде түйілу сипатындағы іш ауырулары, жүрек айнуы, құсу, және диарея дамуы мүмкін. Вермокс препаратымен емдеудің ұсынылған ең жоғарғы ұзақтығы үш күнді құрайды, дегенмен эхинококкозға байланысты препараттың жоғары дозаларын ұзақ уақыт бойы қабылдаған пациенттерде бауыр функциясының қайтымды бұзылыстары мен нейтропенияның сирек жағдайлары сипатталды. Емі Арнайы андидоты жоқ. Таблетканы қабылдағаннан кейінгі алғашқы сағатта асқазанды шаюға болады. Егер мақсатқа сай болса, белсендірілген көмір тағайындауға болады.

- бауыр функциясының бұзылуы - қант диабеті - ұзақ уақыт кезеңі бойы қолдану. Арнайы сақтандырулар Мебендазолды стандартты дозада тіркелген көрсетілімдер бойынша қабылдаған пациенттерде бауыр функциясының қайтымды бұзылуының дамуы, гепатит және нейтропения туралы сирек хабарламалар бар. Бұл құбылыстар және гломерулонефрит пен агранулоцитоз жағдайлары препаратты ұсынылғандардан едәуір артық дозаларда ұзақ уақыт бойы қабылдау кезінде де сипатталған. Бауыр функциясы бұзылған пациенттерге қолданғанда сақтық танытқан жөн. Ұзақ уақыт қолдану кезінде жалпы қан талдауын, бауыр, бүйрек функциясын бақылау қажет. Препарат алкогольмен үйлесімсіз. Емдеу кезеңінде іш жүргізетін дәрілер тағайындау және диета ұстану қажет емес. Вермокс қант диабеті бар пациенттерде инсулинге қажеттілікті төмендетеді. Бұл препараттың құрамында 110 мг лактоза моногидраты (1 таблеткада) бар, осыған байланысты оны галактоза жақпаушылығы, лактаза жеткіліксіздігі немесе глюкоза-галактоза мальабсорбциясы синдромы сияқты тұқым қуалайтын сирек аурулары бар пациенттер қабылдамағаны жөн. Бұл дәрілік препарат құрамында 1 ммольден аз (23 мг) натрий бар, яғни шын мәнінде натрий жоқ. Педиатрияда қолданылуы Балаларда, оның ішінде 1 жасқа дейінгі балаларда құрысулардың дамығаны туралы өте сирек хабарламалар келіп түскен. Мебендазол 2 жасқа дейінгі балаларда жеткілікті зерттелмеген. Сондықтан Вермокс препаратын 1-2 жастағы балаларға препаратты қолданудың әлеуетті пайдасы әлеуетті қаупінен асатын жағдайда ғана қолдану керек. Қауіпсіздігі туралы жеткілікті мөлшердегі деректер болмағандықтан, Вермокс препаратын 1 жасқа дейінгі балаларда қолданбау керек. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Мебендазол көлік құралдарын басқару немесе механизмдермен жұмыс істеу қабілетіне әсерін тигізбейді.

Жүктілік Жүктілік кезінде Вермокс препараты қарсы көрсетілімді болғандықтан, расталған немесе болжамды жүктілік кезінде препарат тағайындалмауға тиіс. Емшек емізу Ішке қабылдағаннан кейін мебендозол ана сүтімен аз мөлшерде бөлініп шығады. Сондықтан, әйелдерге бала емізу кезеңінде Вермокс тағайындауға болмайды. Фертильділік Мебендазолдың ұрпақ өрбітуге уыттылығы туралы қолда бар мәліметтер препараттың тәулігіне 40 мг/кг дозаларда ерлердің фертильділігіне әсері жоқ екенін көрсетеді.

Циметидин Циметидинмен қатарлас қолдану мебендазолдың бауырдағы метаболизмінің баяулауымен қатар жүруі мүмкін, нәтижесінде оның қан плазмасындағы концентрациясы ұлғаяды, әсіресе ұзақ уақыт қолдану кезінде. Соңғы жағдайда дозаны түзету қажеттігіне баға беру үшін мебендазолдың қан плазмасындағы концентрациясын анықтау ұсынылады. Метронидазол Мебендазол мен метронидазолды бір мезгілде қолданудан аулақ болу қажет.

Сақтау мерзімі 5 жыл Жарамдылық мерзімі өткеннен кейін қолдануға болмайды. Сақтау шарттары 15С-ден 30С-ге дейінгі температурада. Балалардың қолы жетпейтін жерде сақтау керек!