Виагра® таблетки 50 мг

Үлбірлі қабықпен қапталған бір таблетканың құрамында белсенді зат – 35,112 мг силденафил цитраты (25,000 мг силденафилге баламалы) қосымша заттар: микрокристалды целлюлоза, сусыз кальций гидрофосфаты, натрий кроскармеллозасы, магний стеараты. қабығының құрамы: опадрай көгілдір OY-LS-20921 (гипромеллоза, лактоза, триацетин, титанның қостотығы (Е 171) және индигокармин алюминий лагы (Е132)), опадрай мөлдір YS-2-19114-А (гипромеллоза және триацетин). Сыртқы түрінің, иісінің, дәмінің сипаттамасы Дөңгелектенген ромб түріндегі, екі жақ беті дөңес, бір жақ бетінде «Pfizer», екінші жақ бетінде «VGR 25» деген таңбасы бар көгілдір түсті үлбірлі қабықпен қапталған таблеткалар.

Виагра® препаратының құрамында әсер етуші зат — 5 типті фосфодиэстераза (ФДЭ-5) тежегіштері деп аталатын дәрілік препараттар тобына жататын силденафил бар. Препарат жыныс мүшесіндегі қантамырлардың босаңсуына ықпал етеді, бұл сексуалдық қозу кезінде қанның жыныс мүшесіне қарай ағуына мүмкіндік береді. Виагра® Сізге сексуалдық стимуляция жағдайында ғана эрекцияға қол жеткізуге көмектеседі. Виагра® импотенция ретінде белгілі эректильді дисфункциясы бар ересек еркектерді емдеуге арналған. Бұл еркек жыныстық қатынас жасау үшін жыныс мүшесін жеткілікті дәрежеде қатты, эрекцияланған күйінде ұстап тұра алмайтын немесе сондай күйіне қол жеткізе алмайтын жағдай.

ATХ коды G04BE03 Әсер ету механизмі Виагра, эректильді дисфункцияны емдеуге арналған пероральді дәрілік препарат, яғни сексуалдық стимуляция кезінде ол бұзылған эректильді функцияны пениске келетін қан ағымын арттыру арқылы қалпына келтіреді. Пенис эрекциясының физиологиялық механизміне сексуалдық стимуляция кезінде қуыс денелерде азот тотығының (NO) босап шығуы кіреді. Азот тотығы гуанилатциклаза ферментін белсендіреді, бұл циклдық гуанозинмонофосфат (цГМФ) деңгейлерінің жоғарылауына, кейіннен қуыс денелердегі тегіс бұлшықеттердің босаңсуына және қан ағымының артуына алып келеді. Силденафил қуыс денелердегі цГМФ ыдырауына жауап беретін цГМФ - 5-ші типті спецификалық фосфодиэстеразаның (ФДЭ-5) күшті және селективті тежегіші болып табылады. Силденафил эрекцияға шеткері әсер етеді. Силденафил адамдағы оқшау қуыс денеге тікелей босаңсытқыш әсер бермейді, бірақ NO осы тінге босаңсытқыш әсерін айтарлықтай күшейтеді. Сексуалдық стимуляция кезінде орын алатындай, NO/цГМФ метаболизм жолы белсенділенген кезде, силденафилдің ФДЭ-5 тежеуі қуыс денелердегі цГМФ деңгейлерінің артуына алып келеді. Сондықтан, силденафил күтілгендей өнімді фармакологиялық әсер беруі үшін, сексуалдық стимуляция қажет. Фармакодинамикалық әсерлері In vitro зерттеулер Силденафил ФДЭ-5-ке селективті әсер етеді, ол эрекция процесін реттеуге қатысады. Виагра препаратының ФДЭ-5-ке әсері басқа белгілі фосфодиэстеразаларға қарағанда күштірек. Виагра препаратының бұл әсері көздің торқабығындағы фотоөзгеріс үдерістеріне қатысатын ФДЭ-6-ға әсеріне қарағанда 10 есе күштірек. Ең жоғарғы ұсынылған дозаларында қолданғанда силденафилдің ФДЭ-5-ке селективтілігі оның ФДЭ-1-ге селективтілігінен 80 есе артық, ФДЭ-2, ФДЭ-3, ФДЭ-4, ФДЭ-7, ФДЭ-8, ФДЭ-9, ФДЭ-10 және ФДЭ-11-ге селективтілігі - 700 еседен астам. Атап айтқанда, силденафилдің ФДЭ-5-ке селективтілігі оның жүрек жиырылуының реттелуіне қатысатын ФДЭ-3 - фосфодиэстеразаның цАМФ-спецификалық изоформасына селективтілігінен 4000 есе артық. Клиникалық тиімділігі және қауіпсіздігі Силденафил сексуалдық стимуляцияға жауап ретінде эрекцияның туындауына әкелуі мүмкін препараттың дозасын қабылдағаннан кейінгі уақыт аралығын бағалау үшін екі клиникалық зерттеу арнайы әзірленді. Силденафилді аш қарынға қабылдаған пациенттердің қатысуымен клиникалық зерттеулерде жыныс мүшесінің плетизмографиясын (RigiScan) жүргізу кезінде силденафилді қабылдағаннан кейін 60 % (жыныстық қатынасты жүзеге асыру үшін жеткілікті) қаттылығымен эрекцияға жеткен пациенттерде эрекция басталғанға дейінгі уақыттың медианасы 25 минутты (12-37 минут мәндерінің ауқымында) құрады. RigiScan қолданатын жеке зерттеуде силденафил әлі де қабылдағаннан кейін 4-5 сағаттан кейін сексуалдық стимуляцияға жауап ретінде эрекция жасауға қабілетті болды. Силденафил артериялық қысымның шамалы және өтпелі төмендеуіне әкеледі, бұл көп жағдайда клиникалық әсерлерге әкелмейді. Силденафилді 100 мг дозада ішу арқылы қабылдағаннан кейін шалқасынан жатқан қалпында систолалық артериялық қысымның орташа ең жоғары төмендеуі 8,4 мм сн.бағ. құрады. Шалқасынан жатқан қалпында диастолалық артериялық қысымның тиісті өзгерісі 5,5 мм сын.бағ. құрады. Артериялық қысымның бұл төмендеуі силденафилдің тамыр кеңейтетін әсеріне сәйкес келеді, бұл тамырлардың тегіс бұлшықеттеріндегі цГМФ деңгейінің жоғарылауына байланысты болуы мүмкін. Дені сау еріктілерде силденафилді 100 мг дейінгі дозада бір рет пероральді қолдану ЭКГ-да клиникалық маңызды өзгерістер тудырмады. Жүректің ишемиялық ауруының (ЖИА) ауыр түрі (кем дегенде бір коронарлық артерияның стенозы > 70 %) бар 14 пациентте силденафилдің 100 мг бір пероральді дозасының гемодинамикалық әсерлерін зерттеуде тыныш күйіндегі орташа систолалық және диастолалық артериялық қысым бастапқы деңгейге қатысты 7% және тиісінше 6%-ға төмендеді. Орташа өкпе систолалық артериялық қысым 9%-ға төмендеді. Силденафил жүректің лықсу көрсеткіштеріне әсер етпеді және стенозды коронарлық артериялар арқылы қан ағымын бұзбады. ЭКГ жүктемесі бар салыстырмалы жасырын плацебо-бақыланатын зерттеуде тұрақты антиангинальді дәрілік заттарды (нитраттарды қоспағанда) қабылдаған эректильді дисфункциясы және созылмалы тұрақты стенокардиясы бар 144 пациентке бағалау жүргізілді. Лимиттейтін стенокардия пайда болғанға дейін силденафил мен плацебо топтары арасында клиникалық маңызды айырмашылықтар табылған жоқ. 100 мг дозада препаратты қабылдағаннан кейін 1 сағаттан соң Фарнсворт-Манселлдің 100 - реңктік тестін жүргізу кезінде кейбір пациенттерде түстерді (көгілдір/жасыл) ажырату қабілетінің жеңіл және уақытша айырмашылықтары анықталды, барлық әсерлер препаратты қолданғаннан кейін 2 сағаттан соң толығымен жойылды. Түстерді ажыратудағы бұл өзгерістің мүмкін механизмі көздің торқабығындағы реакциялардың фотоөзгеріс каскадына қатысатын ФДЭ-6 тежеумен байланысты. Силденафил көру жітілігіне немесе контраст сезімталдығына әсер етпейді. Ерте жастағы макулярлық дистрофиясы (n=9) тіркелген пациенттерде шағын плацебо-бақыланатын зерттеуде силденафилді (100 мг бір реттік дозада) қолдану жүргізілген көруді тексеру нәтижелерінде елеулі өзгерістер тудырмады (көру жітілігі, Амслер торы, бағдаршамның түстерін ажыратуды модельдеу, Хамфри периметрі және фотостресс). 100 мг дозада силденафилді бір рет пероральді қабылдағаннан кейін сау еріктілерде сперматозоидтардың қозғалғыштығына немесе олардың морфологиясына препараттың әсері табылған жоқ (4.6-бөлімді қараңыз). Клиникалық зерттеулер туралы қосымша ақпарат Клиникалық зерттеулер барысында силденафил 19-87 жастағы 8000-нан астам пациентте қолданылды. Зерттеулерде пациенттердің келесі топтары ұсынылды: егде жастағы пациенттер (19,9 %), артериялық гипертензиясы (30,9 %), қант диабеті (20,3 %), жүректің ишемиялық ауруы (5,8 %), гиперлипидемия (19,8 %), жұлынның зақымдануы (0,6 %), депрессиясы (5,2 %), қуықасты безінің трансуретральді резекциясы (3,7 %) және радикальді простатэктомиясы (3,3%) бар пациенттер. Пациенттердің мынадай топтары жеткілікті дәрежеде ұсынылмаған немесе клиникалық зерттеулерге енгізілмеген: жамбас ағзаларына жасалған операциядан кейінгі пациенттер, сәулемен емдеуден кейінгі пациенттер, бүйрек немесе бауыр жеткіліксіздігінің ауыр дәрежесіне шалдыққан пациенттер, сондай-ақ белгілі бір жүрек-қантамыр аурулары бар пациенттер (4.3-бөлімді қараңыз). Препараттың тіркелген дозасын қолданатын зерттеулерде емдеу салдарынан эрекцияның жақсарғаны туралы хабарлаған пациенттердің үлесі плацебо тобындағы 25%-бен салыстырғанда 62% (25 мг), 74% (50 мг) және 82% (100 мг) құрады. Бақыланатын клиникалық зерттеулерде силденафил салдарынан терапияны тоқтату жиілігі аз және плацебо тобымен салыстырмалы болды. Барлық осы зерттеулерде силденафилді қабылдағаннан кейін жақсарғаны туралы хабарлаған пациенттердің үлесі келесідей болды: психогенді эректильді дисфункция (84%), аралас эректильді дисфункция (77%), органикалық эректильді дисфункция (68%), егде жастағы пациенттер (67%), қант диабеті (59%), жүректің ишемиялық ауруы (69%), артериялық гипертензия (68%), ПТУР (61%), радикальді простатэктомия (43%), жұлынның зақымдануы (83%), депрессиялық күй (75 %). Силденафилдің қауіпсіздігі мен тиімділігі ұзақ мерзімді зерттеулердің деректерімен расталды. Балалар Еуропаның Дәрілік заттар жөніндегі агенттігі Виагра препаратын балалар жасындағы пациенттердің барлық қосалқы топтарында эректильді дисфункцияны емдеу үшін зерттеу нәтижелерін беру міндеттемесін орындауды талап ету құқығынан бас тартты. Препаратты балаларда қолдану туралы ақпарат алу үшін 4.2-бөлімді қараңыз.

Препаратты әрдайым дәрігер немесе фармацевт ұсынғандай, дәл солай қабылдау керек. Қосымша сұрақтар туындаған жағдайда дәрігермен немесе фармацевтпен кеңесу керек. Дозалау режимі Препараттың ұсынылатын бастапқы дозасы - 50 мг. Енгізу әдісі мен жолы Ішке қабылдауға арналған. Үлбірлі қабықпен қапталған Виагра ® таблеткаларын ұсақталатын пероральді Виагра® таблеткаларымен бірге қабылдамау керек. Қабылдау уақыты көрсетілген қолдану жиілігі Виагра® препаратын күніне бір реттен жиі қабылдауға болмайды. Виагра® препаратын пациент жыныстық қатынасқа түсуді жоспарлағанға дейін шамамен бір сағат бұрын қабылдаған жөн. Таблетканы бір стақан сумен іше отырып, тұтастай жұту керек. Егер Виагра® препаратын қабылдаудың әсері тым күшті немесе тым әлсіз болып көрінсе, емдеуші дәрігерге немесе фармацевтке қаралу қажет. Емдеу ұзақтығы Виагра® препараты пациентке сексуалдық стимуляция жағдайында ғана эрекцияға қол жеткізуге көмектеседі. Виагра® препараты әсер ете бастауы үшін қажетті уақыт аралығы әртүрлі адамдарда өзгеше, бірақ әдетте жарты сағаттан бір сағатқа дейін құрайды. Пациент Виагра® препаратының әсері басталу үшін ауыр тағаммен қабылдаған жағдайда көбірек уақыт қажет болуы мүмкін. Егер Виагра® препараты пациенттің эрекцияға қол жеткізуіне көмектеспесе немесе пациенттің эрекциясы жыныстық қатынасты аяқтау үшін ұзаққа созылмаса, бұл туралы емдеуші дәрігерге хабарлау керек. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсынымдар Егер пациентте осы препаратты қолдану жөніндегі қосымша сұрақтар туындаса, дәрігермен, фармацевтпен немесе медбикемен кеңесу қажет.

• әсер етуші затқа немесе «Қосымша мәліметтер» бөлімде атап көрсетілген қосымша заттардың кез келгеніне аса жоғары сезімталдық • азот тотығының донаторлары (амилнитрит) болып табылатын препарат-тарды немесе нитраттарды кез келген формада бір мезгілде қабылдау • гуанилатциклаза стимуляторларымен (риоцигуат) бір мезгілде қабылдау • бауырдың ауыр жеткіліксіздігі • көздің торқабығының тұқым қуалайтын дегенерациялық аурулары (мысалы, тұқым қуалайтын пигменттік ретинит (бұл пациенттердің азғантай санында торқабық фосфодиэстеразалары функциясының тұқым қуалайтын бұзылулары)) • көру жүйкесінің алдыңғы артерииттік емес ишемиялық нейропатиясының (КЖААЕИШ) салдарынан бір көздің көрмей қалуы, бұл көрініс ФДЭ-5 тежегішін алдында қолдануға қатысты-қатыссыз екеніне қарамастан • артериялық гипотензия (АҚ < 90/50 мм сн. бағ.) • ауыр жүрек-қантамыр аурулары (мысалы, жүректің ауыр жеткіліксіздігі, тұрақсыз стенокардия) • соңғы 6 айда бастан өткерген миокард инфарктісі • соңғы 6 айда бастан өткерген инсульт • сирек тұқым қуалайтын галактоза жақпаушылығы, Лапп лактаза тапшылығы немесе глюкоза және галактоза мальабсорбциясы синдромы бар еркектерге Тіркелген көрсетілім бойынша препарат балалар мен 18 жасқа дейінгі жасөспірімдерде және әйелдерде қолдануға арналмаған.

Барлық дәрілік препараттар сияқты Виагра® препараты жағымсыз реакцияларды туындатуы мүмкін, бірақ олар барлығында туындай бермейді. Виагра® препаратын қолданумен байланысты жағымсыз әсерлер әдетте жеңіл немесе орташа санатқа жатады және ұзаққа созылмайды. Егер пациентте келесі ауыр жағымсыз әсерлердің кез келгені байқалса, Виагра® препаратын қабылдауды тоқтату керек және дереу медициналық көмекке жүгініңіз. Жүйе-ағза класы — өте жиі (≥ 1/10) — жиі (≥ 1/100 - < 1/10 дейін) — жиі емес (≥ 1/1000 - < 1/100 дейін) — сирек (≥ 1/10000 - < 1/1000 дейін) Инфекциялар мен инвазиялар — ринит Иммундық жүйе тарапынан бұзылулар — аса жоғары сезімталдық Жүйке жүйесі тарапынан бұзылулар — бас ауыруы — бас айналуы — ұйқышылдық, гипестезия — ми қан айналымының жедел бұзылуы, транзиторлық ишемиялық шабуыл, құрысу ұстамасы*, құрысу ұстамасының қайталануы*, естен тану Көру мүшесі тарапынан бұзылулар — түстерді ажыратудың бұрмалануы (хлоропсия, хроматопсия, цианопсия, эритропсия, ксантопсия), көру бұзылысы, көру жітілігінің нашарлауы — көзден жас ағумен байланысты бұзылулар (көздің құрғауы, көз жасы бездері функциясының бұзылуы, көз жасының көп ағуы), көздің ауыруы, фотофобия, фотопсия, көз қантамырларының гиперемиясы, көру арқылы қабылдаудың айқындығы, конъюнктивит — көру жүйкесінің алдыңғы артерииттік емес ишемиялық нейропатиясы (КЖААЕИШ)*, торқабық қантамырларының окклюзиясы*, торқабыққа қан құйылу, артериосклероздық ретинопатия, торқабық ауруы, глаукома, көру аясының ақауы, диплопия, көру жітілігінің төмендеуі, миопия, астенопия, шыны тәрізді дененің тұрақсыз бұлыңғырлануы, нұрлы қабықтың ауруы, мидриаз, көру аясында нұрлы шеңберлердің болуы, көздің ісінуі, көздің домбығуы, көру бұзылысы, конъюнктивальді гиперемия, көздің тітіркенуі, көздегі әдеттен тыс сезінулер, қабақтың ісінуі, аққабық түсінің өзгеруі Есту мүшесінің және лабиринттің тарапынан бұзылулар — кеңістіктегі бағдарсыздық (вертиго), құлақтағы шуыл — кереңдік Жүрек тарапынан бұзылулар — тахикардия, жүрек соғуын сезіну — кенеттен жүректен болатын өлім*, миокард инфарктісі, қарыншалық аритмия*, жүрекшелер фибрилляциясы, тұрақсыз стенокардия Қан тамырлары тарапынан бұзылулар — гиперемия, ысыну — артериялық гипертензия, артериялық гипотензия Тыныс алу, кеуде қуысы және көкірек ортасы ағзалары тарапынан бұзылулар — мұрынның бітелуі — мұрыннан қан кету, мұрынның қосалқы қойнауларының бітелуі — тамақтың қысылу сезімі, мұрынның ісінуі, мұрынның шырышты қабығының құрғауы Асқазан-ішектің бұзылулары — жүрек айнуы, диспепсия — гастроэзофагеальді рефлюкс ауруы, құсу, іштің жоғарғы бөлігінің ауыруы, ауыздың құрғауы — оральді гипестезиясы Тері және тері асты тіндердің бұзылуы — бөртпе — Стивенс – Джонсон синдромы (СДС)*, уытты эпидермалық некролиз (УЭН)* Бұлшықет, қаңқа және дәнекер тіні тарапынан бұзылулар — миалгия, аяқтың ауыруы Бүйрек және несеп шығару жолы тарапынан бұзылулар — гематурия Ұрпақ өрбіту жүйесінің және сүт безі тарапынан бұзылулар — жыныс мүшесінен қан кету, приапизм*, гематоспермия, эрекцияның күшеюі Жалпы бұзылулар мен инъекция орнындағы және реакциялар — кеуде қуысының ауыруы, қатты қажу, ысыну сезімі — ашушаңдық Зертханалық және аспаптық деректер — жүректің жиырылу жиілігінің артуы * тіркеуден кейінгі бақылау кезінде ғана тіркелген жағымсыз әсерлер. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Пациент жағымсыз әсерлердің санын және олардың көрініс беру ауырлығын арттыруы мүмкін. Препараттың 100 мг асатын дозалары оның тиімділігін арттырмайды. Емдеуші дәрігер тағайындағаннан артық таблетка қабылдауға болмайды. Егер пациент қажет болғаннан көп таблетка қабылдаса, дәрігермен кеңесу керек.

Виагра® препаратын қабылдар алдында емдеуші дәрігерге, фармацевтке немесе медбикеге жүгіну қажет: • Егер пациентте орақ жасушалы анемия (қанның қызыл денешіктерінің аномалиясы), лейкемия (қан жасушаларының обыры), көптеген миелома (сүйек кемігінің обыры) болса. • Егер пациентте жыныс мүшесінің деформациясы немесе Пейрони ауруы болса. • Егер пациентте жүрек қызметіне қатысты кінәраттар болса. Сіздің емдеуші дәрігеріңіз жыныстық қатынастан түсетін қосымша жүктемені жүрегіңіз көтере алатындығын мұқият тексеруі керек. • Егер пациент қазіргі уақытта асқазанның ойық жарасы немесе қанның ұю кінәраттарымен ауырса (мысалы, гемофилия). • Егер пациентте көрудің кенеттен нашарлауы немесе көрмей қалу орын алса, Виагра® препаратын қабылдауды тоқтатыңыз және дереу емдеуші дәрігерге қаралу керек. Виагра® препаратын эректильді дисфункцияны емдеуге арналған кез келген басқа пероральді немесе жергілікті емдік дәрілермен қолдануға болмайды. Виагра® препаратын құрамында силденафил немесе ФДЭ-5 тежегіші бар, өкпенің артериялық гипертензиясын (ӨАГ) емдеуге арналған дәрілік препараттармен бірге қабылдауға болмайды. Егер пациент эректильді дисфункциядан зардап шекпесе, Виагра® препаратын қабылдауға болмайды. Виагра® препаратын әйелдерге қолдануға болмайды. Арнайы ескертулер Қосымша заттарға қатысты айрықша нұсқаулар Виагра® препаратының құрамында лактоза бар. Егер бұрын дәрігер пациентте кейбір қанттардың, мысалы, лактоза жақпаушылығы бар екенін хабарлаған болса, Виагра® препаратын қабылдағанға дейін дәрігерге қаралу қажет. Виагра® препаратының құрамында натрий бар Бұл дәрілік препараттың құрамында бір реттік дозасыда 1 ммольден аз натрий (23 мг) бар, яғни ол натрийсіз деп есептеледі. Педиатрияда қолданылуы Виагра® препаратын 18 жасқа толмаған адамдарға тағайындауға болмайды. Бүйрек немесе бауыр аурулары бар пациенттерге арналған айрықша ұсынымдар Егер пациентте бүйрек немесе бауыр проблемалары болса, дәрігерге хабарлау керек. Емдеуші дәрігер пациентке төмен дозаны қолдану туралы шешім қабылдауы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Виагра® препараты бас айналуын туындатуы және көру қабілетін бұзуы мүмкін. Автокөлік құралдарын басқару немесе механизмдермен жұмыс істеу алдында пациенттің организмі Виагра® препаратын қабылдауға қандай реакция беретінін біліп алу қажет.

Виагра® препаратын әйелдерге қолдануға болмайды.

Егер пациент кез келген басқа препараттарды қабылдап жатса, жақында қабылдаса немесе қабылдауы мүмкін болса, емдеуші дәрігерге немесе фармацевтке хабарлау қажет. Виагра® препаратының таблеткалары кейбір дәрілік заттармен, әсіресе кеуденің ауыруын емдеу үшін пайдаланылатын дәрілермен өзара әрекеттесе алады. Кезек күттірмейтін жағдай туындағанда емдеуші дәрігерге, фармацевтке немесе медбикеге пациенттің Виагра® препаратын қабылдағаны және ол қашан болғаны туралы хабарлау қажет. Виагра® препаратын емдеуші дәрігердің рұқсатынсыз басқа дәрілік препараттармен қабылдауға болмайды. Егер пациент нитраттар деп аталатын дәрілік препараттарды қабылдаса, пациентке Виагра® препаратын қабылдауға болмайды, өйткені осы препараттардың біріктірілімі артериялық қысымның қауіпті төмендеуіне әкеп соғуы мүмкін. Барлық жағдайларда пациент стенокардияны (немесе «кеуденің ауыруы») емдеу үшін жиі қолданылатын осы дәрілік препараттардың кез-келгенін қабылдаса, дәрігерге, фармацевтке немесе медбикеге хабарлау қажет. Егер пациент азот тотығының донорлары ретінде белгілі қандай да бір дәрілік препараттарды, мысалы, амилнитритті («попперс») пайдаланса, Виагра® препаратын қабылдауға болмайды, өйткені осы препараттардың біріктірілімі де артериялық қысымның қауіпті төмендеуіне әкелуі мүмкін. Егер пациент риоцигуатты қабылдаса, бұл туралы емдеуші дәрігерге немесе фармацевтке хабарлау қажет. Егер пациент «протеаза тежегіштері» ретінде белгілі, мысалы, АИТВ-ны емдеу үшін қолданылатын дәрілік препараттарды қабылдаса, емдеуші дәрігер пациентке Виагра® препаратының ең төмен дозасымен (25 мг) ем тағайындай алады. Жоғары артериялық қысымды немесе простатаның кеңеюін емдеу үшін альфа-блокаторларын қабылдаған кейбір пациенттерде бас айналуы немесе естен тану алдындағы күй пайда болуы мүмкін, бұл пациент тез отырғаннан немесе тұрғаннан кейін төмен артериялық қысымнан туындауы мүмкін. Кейбір пациенттерде бұл симптомдар альфа-блокаторлары бар Виагра® препаратын қабылдау кезінде байқалды. Бұл Виагра® препаратын қабылдағаннан кейін 4 сағат ішінде орын алуы ықтимал. Осы симптомдардың туындау ықтималдығын азайту үшін пациент Виагра® препаратын қабылдауды бастар алдында альфа-блокатордың әдеттегі тәуліктік дозасын ұстанған жөн. Емдеуші дәрігер пациентке Виагра® (25 мг) препаратының анағұрлым төмен дозасымен ем тағайындай алады. Егер сіз жүрек жеткіліксіздігін емдеу үшін пайдаланылатын, құрамында сакубитрил/валсартан бар дәрілерді қабылдап жүрсеңіз, өзіңіздің емдеуші дәрігеріңізге хабарлаңыз. Тамақпен, сусындармен және алкогольмен өзара әрекеттесуі Виагра® препаратын тамақпен бірге немесе онсыз қабылдауға болады. Дегенмен, пациент Виагра® препаратының әсері басталу үшін ауыр тағаммен қабылдаған жағдайда көбірек уақыт қажет болуы мүмкін. Алкогольді тұтыну эрекция қабілетіне уақытша теріс әсер етуі мүмкін. Препаратты қабылдаудан барынша пайда алу үшін Виагра® препаратын қабылдағанға дейін алкогольді ішімдіктердің артық мөлшерін тұтынбау ұсынылады.

Сақтау мерзімі 5 жыл. Жарамдылық мерзімі өткеннен кейін қолдануға болмайды! Сақтау шарттары 30 °С-ден аспайтын температурада сақтау керек. Ішіндегісін ылғалдан қорғау үшін түпнұсқалық қаптамасында сақтау керек. Балалардың қолы жетпейтін жерде сақтау керек!