Вигексол раствор 300 мг йода/мл

Бір мл препараттың құрамында: белсенді зат – йогексол 647.0 мг (300 мг йодқа баламалы) немесе 755.0 мг (350 мг йодқа баламалы) йодқа шаққанда қосымша заттар - натрий кальций эдетат дигидраты, трометамол, хлорсутек қышқылы, инъекцияға арналған су. Сыртқы түрінің, иісінің, дәмінің сипаттамасы Мөлдір түссіз немесе ашық-сары түсті ерітінді.

Вигексол дәрілік препараты тек диагностикалық мақсаттарға арналған. Балалар мен ересектерде пайдалануға арналған рентгенконтрастылы заттар мыналарды жүргізу үшін: - ангиографияны, урографияны, миелографияны, КТ кезінде күшейтуге және асқазан-ішек жолының зерттеулерін Тек ересектерде ғана мыналарды жүргізу үшін: - флебографияны, омыртқа бағанының бел бөлігінің, кеуде қуысының және мойын бөлігінің миелографиясын және субарахноидальді түрде енгізгенде базальді цистерналардың компьютерлік томографиясын - артрографияны, эндоскопиялық ретроградты панкреатографияны (ЭРПГ), эндоскопиялық ретроградты холангиопанкреатографияны (ЭРХПГ), герниографияны, гистеросальпингографияны, сиалографияны

Йогексолды дені сау еріктілерге вена ішіне енгізуден кейін зерттелген гемодинамиканың көптеген көрсеткіштерінің, қан ұюының және клиникалық биохимиялық көрсеткіштерінің бастапқы мәнінен елеулі ауытқулары білінген жоқ. Зертханалық көрсеткіштердің аздаған өзгерістері әлсіз болды және клиникалық тұрғыдан маңызы жоқ деп саналады. Йогексол иондық емес, мономерлі, суда еритін, бір молекуласында йодтың 3 атомы бар рентгенконтрастылы дәрі болып табылады.

Дозалау режимі Дозасы тексерудің типі мен әдісіне және пациенттің жасына, салмағына, жүректегі лықсыту көлеміне және жалпы жағдайына байланысты. Әдетте, қазіргі уақытта қолданылатын басқа да құрамында йод бар рентгеноконтрастылы дәрілерге арналғандай, ерітіндінің шамамен алынған көлемі мен концентрациясы пайдаланылады. Басқа да контрастылы дәрілер жағдайындағы сияқты, инъекцияға дейін және одан кейін пациентті жеткілікті су жүктемесімен қамтамасыз ету қажет. Ұсынылатын дозалау режимі төмендегі кестеде берілген. Вена ішіне енгізуге арналған дозалау кестесі Көрсетілімі — Концентрациясы — Көлемі — Ескертпелер Урография ересектер: балалар < 7 кг балалар > 7 кг — 300 мг йод/мл немесе 350 мг йод/мл 300 мг йод/мл 300 мг йод/мл — 40 - 80 мл 40 - 80 мл дене салмағының 3 мл/кг дене салмағының 2 мл/кг (ең жоғарғы доза 40 мл) — жекелеген жағдайларда доза 80 мл асуы мүмкін Флебография (аяқ) — 300 мг йод/мл — 20-100 мл/ бір аяққа Сандық субтракциялық ангиография — 300 мг йод/мл немесе 350 мг йод/мл — 20-60 мл бір инъекцияға 20-60 мл бір инъекцияға КТ күшейту ересектер: балалар: — 300 мг йод/мл немесе 350 мг йод/мл 300 мг йод/мл — 100 - 200 мл 100 - 150 мл дене салмағының 1-3 мл/кг 40 мл дейін — Йодтың жалпы мөлшері әдетте 30 - 60 г Жекелеген жағдайларда 100 мл дейін енгізуге болады Артерия ішіне енгізуге арналған дозалау кестесі Көрсетілімі — Концентрациясы — Көлемі — Ескертпелер Артериография Аортаның кеуде бөлімі Селективті церебральді Аортография Санға Басқа да түрлері — 300 мг йод/мл 300 мг йод/мл 350 мг йод/мл 300 мг йод/мл немесе 350 мг йод/мл 300 мг йод/мл — бір инъекцияға 30-40 мл бір инъекцияға 5-10 мл бір инъекцияға 40-60 мл бір инъекцияға 30-50 мл тексеру түріне қарай — Инъекция көлемі инъекция орнына байланысты Кардиоангиография ересектер Сол жақ қарыншаға және аорта негізіне енгізу Селективті коронарлық артериография балалар: — 350 мг йод/мл 350 мг йод/мл 300 мг йод/мл немесе 350 мг йод/мл — бір инъекцияға 30-60 мл бір инъекцияға 4-8 мл жасына, салмағына және патологиясына қарай (дене салмағының ең жоғары дозасы 8 мл/кг) Цифрлық субтракциялық ангиография — 300 мг йод/мл — бір инъекцияға 1-15 мл — инъекция орнына байланысты кейде үлкен көлемдер қолданылуы мүмкін – 30 мл дейін Интратекальді енгізуге арналған дозалау кестесі Көрсетілімі — Концентрациясы — Көлемі — Ескертпелер Мойын миелографиясы(люмбальді енгізу) Мойын миелографиясы (латеральді цервикальді енгізу) — 300 мг йод/мл 300 мг йод/мл — 7-10 мл 6-8 мл Жағымсыз реакциялар қаупін жоққа тән азайту үшін йодтың жиынтық дозасы 3 г-ден аспауы тиіс. Қуыс ішіне енгізуге арналған дозалау кестесі Көрсетілімі — Концентрациясы — Көлемі — Ескертпелер Артрография — 300 мг йод/мл немесе 350 мг йод/мл — 5-15 мл 5-10 мл Гистеросальпинго-графия — 300 мг йод/мл — 15-25 мл Сиалография — 300 мг йод/мл — 0.5-2 мл АІЖ зерттеу Пероральді қолдану ересектер: балалар: өңеш мерзімі жетпеген: Ректальді қолдану балалар: — 350 мг йод/мл 300 мг йод/мл немесе 350 мг йод/мл 350 мг йод/мл 100-150 мг йод/мл дейін жылы сумен сұйылтады — Жекелей дене салмағының кг-на 2-4 мл дене салмағының кг-на 2-4 мл дене салмағының кг-на 5-10 мл — Ең жоғ. доза 50 мл Ең жоғ. доза 50 мл Мысалы: 300 немесе 350 вигексолды жылы сумен 1:1 немесе 1:2 шамасында сұйылтады КТ күшеюі Пероральді қолдану ересектер: балалар: Ректальді қолдану балалар: — ~ 6мг йод/мл дейін жылы сумен сұйылтады ~ 6мг йод/мл дейін жылы сумен сұйылтады ~ 6мг йод/мл дейін жылы сумен сұйылтады — Уақыт ішінде 800-2000 мл сұйылтылған ерітінді. Дене салмағына 15-20 мл жекелей сұйылтылған ерітінді — Мысалы: 300 немесе 350 вигексолды жылы сумен 1:50 шамасында сұйылтады Енгізу әдісі және жолы Ерітіндіні үздіксіз (тамшылатып) енгізу. Препарат артерия ішіне, вена ішіне, интратекальді, қуыс ішіне енгізуге арналған.

• белсенді затқа немесе қосымша заттардың кез келгеніне аса жоғары сезімталдық • айқын тиреотоксикоз • анамнезінде Вигексол препаратына күрделі аса жоғары сезімталдық реакцияларының болуы

Жалпы (құрамында йод бар контрастылы заттарды пайдаланудың барлық тәсіліне қатысты) Төменде ионды емес мономерлі контрастылы заттарды қолданатын рентгенографиялық емшаралар жүргізгенде туындайтын болжамды жалпы қолайсыз реакциялар сипатталған. Аса жоғары сезімталдық реакциялары дозаға және қолдану тәсіліне байланысты туындауы мүмкін және күрделі анафилактоидтық реакцияның/шоктың алғашқы белгілері жоғары сезімталдықтың кіші көріністерінен басталуы мүмкін. Бұл жағдайда контрастылы заттарды енгізуді дереу тоқтату және қажет болғанда дәріні тамыр ішіне енгізуді қолданумен ем бастау керек. S-креатининнің транзиторлы жоғарылауы — құрамында йод бар рентген контрастылы дәрілер қолданғаннан кейін жиі құбылыс, контраст-индукцияланған нефропатия даму қаупі артады. Йодизм немесе «йодты шошқаборық» — құрамында йод бар рентгеноконтрастылы дәрілер енгізуге қатысты өте сирек реакция, және зерттеуден кейін 10 тәулікке дейінгі ұзақтықпен сілекей бездерінің ісінуі және ауыруы түрінде білінуі мүмкін. (Жағымсыз әсерлердің жиілігін анықтау келесі критерийлерге сәйкес жүргізіледі: өте жиі (≥1/10), жиі (≥1/100-ден <1/10 дейін), жиі емес (≥1/1000-нан <1/100 дейін), сирек (≥1/10000-нан <1/1000), өте сирек (<1/10000), белгісіз (қолда бар деректер негізінде бағалау мүмкін емес) Жиі: ысыну сезімі Жиі емес: қатты тершеңдік, суықты сезіну, вазовагальді реакциялар, жүрек айнуы Сирек: аса жоғары сезімталдық реакциялары (ентігу, бөртпе, эритема, есекжемді, қышыну, тері реакцияларын, конъюнктивит, жөтел, ринит, түшкіру, васкулит, ангионевроздық ісіну, көмей ісінуі, ларингоспазм, бронхоспазм немесе өкпенің кардиогендік емес ісінуін қоса). Реакциялар инъекциядан кейін бірден туындауы мүмкін, бұл шок жағдайы дамуының басталуын білдіреді. Тері реакцияларының білінуімен бірге аса жоғары сезімталдық препарат енгізгеннен кейін бірнеше күннен кейін туындауы мүмкін. Бас ауыруы, брадикардия, құсу, іштің ауыруы/жайсыздану, пирексия Өте сирек: анафилаксиялық/анафилактоидты реакциялар (өмірге қауіпті немесе өліммен аяқталуы мүмкін), дисгевзия (ауыз қуысында «темір тату» дәмі), вазовагальді естен тану, артериялық гипертензия/гипотензия, диарея, қалтырау Белгісіз: анафилаксиялық/анафилактоидты шок (өмірге қауіпті немесе өліммен аяқталуы мүмкін), сілекей безінің ұлғаюы, йодизм Тамыр ішіне енгізу (артерия ішіне және вена ішіне) Төменде ионды емес мономерлі контрастылы заттарды тек тамырішілік қолдану кезінде ғана туындайтын қолайсыз оқиғалар баяндалған. Артерия ішіне қолданғанда жағымсыз реакциялардың сипаты инъекция салған жерге және енгізілген дозаға байланысты. Селективті ангиография және басқа да емшаралар контрастылы дәрі жоғары концентрацияларда белгілі бір ағзаға жеткенде, осы нақты бір ағзадағы асқынулармен қатар жүруі мүмкін. Күрделі жағымсыз реакциялар жиілігі кардиоангиографияда жоғары. Жиі: тыныс алу жиілігінің транзиторлық өзгерістері, тыныс алудың бұзылуы, ауыру және жайсыздық Жиі емес: бүйректің жедел жеткіліксіздігін, ауру мен жайсыздықты қоса, бүйрек функциясының бұзылуы Сирек: бас айналу, парез, салданулар, көз қарығуы, ұйқышылдық, көрудің бұзылуы (диплопияны, көрудың бұлыңғырлануын қоса), аритмия (брадикардия, тахикардияны қоса), жөтел, тыныстың тоқтап қалуы, диарея бөртпе, қышыну, есекжем, астениялық жай-күй (мысалы, дімкәстік, қажу) Өте сирек: құрысулар, сананың бұзылыстары, ми қан айналымының жедел бұзылуы, мелшию, сенсорлық бұзылу (гипостезияны қоса), парестезия, тремор, миокард инфарктісі, кеуде ауыруы, гиперемия, ентігу Белгісіз: тромбоцитопения, тиреотоксикоз, транзиторлы гипотиреоз, сананың шатасуы, қозу, мазасыздық, үрейлену, транзиторлы қозғалыс дисфункциясы (сөйлеудің бұзылысын, афазия және дизартрияны қоса), транзиторлық контраст-индукцияланған энцефалопатия (оның ішінде транзиторлы жадыдан айрылу, бағдардан адасу, кома, ретроградты амнезия, гемипарез, мидың ісінуі), транзиторлық кортикальді соқырлық, транзиторлы естімей қалу, жүрек тарапынан ауыр асқынулар (жүректің тоқтап қалуын, кардиореспираторлық тоқтауын қоса), жүрек жеткіліксіздігі, коронарлық артерия түйілуі, цианоз, шок, артериялық спазм, тромбофлебит және вена тромбозы, ауыр респираторлық белгілер және симптомдар, өкпе ісінуі, жедел респираторлық дистресс-синдром, бронхоспазм, ларингоспазм, апноэ, бронх демікпесінің ұстамасы, панкреатит өршуі, буллезді дерматит, Стивенс-Джонсон синдромы, уытты эпидермальді некролиз, жедел жайылған экзантематозды пустулез, эозинофилиямен және жалпы білінулермен бірге жүретін дәрі-дәрмектік тері реакциялары, псориаздың кенеттен өршуі, эритема, дәрілік дерматит, терінің қабыршақтануы, артралгия, бұлшықет әлсіздігі, тірек-қимыл аппараты бұлшықетінің түйілуі, арқаның ауыруы, қан креатининінің жоғарылауы, енгізу орнындағы реакциялар, оның ішінде экстравазация, йодизм Интратекальді енгізу Төменде ионды емес мономерлі контрастылы заттарды тек интратекальді қолдану кезінде ғана туындайтын қолайсыз оқиғалар баяндалған. Контрастылы заттарды интратекальді енгізу кезінде жағымсыз реакциялар инъекциядан кейін бірнеше сағат немесе күн өткенде дамуы мүмкін. Осындай құбылыстардың жиілігі әдеттегі люмбарлы пункция кезіндегідей. Бас ауыруын, жүрек айнуын, құсуды немесе бас айналуын пункция орны арқылы ликвор ағып шығуы салдарынан субарахноидальді кеңістікте қысым төмендеуімен байланыстыруға болады. Қысымның төмендеу қаупі барынша төмен болуы үшін цереброспинальді сұйықтығының шамадан тыс шығарылуын болдырмау керек. Өте жиі: бас ауыруы (айқын және ұзақ болуы мүмкін) Жиі: жүрек айну, құсу Жиі емес: асептикалық менингит (химиялық менингитті қоса) Сирек: құрысулар, бас айналуы, көрудің бұзылуы (оның ішінде диплопия және көрудің бұлыңғырлануы), мойын және арқаның ауыруы, аяқ-қолдың ауыруы Белгісіз: сананың шатасуы, қозу, мазасыздық, электроэнцефалограммадағы ауытқулар, менингизм, эпилепсиялық статус, транзиторлы энцефалопатия (еске сақтаудың уақытша жойылуын, команы, мелшию, ретроградты амнезияны қоса, гемипарез), қимыл-қозғалыс бұзылуы (оның ішінде сөйлеудің бұзылуы, афазия, дизартрия), парестезиялар, гипестезия, сезімталдық бұзылыстары, транзиторлық кортикальді соқырлық, көздің қарығуы, транзиторлы естімей қалу, бұлшықеттің түйілуі, енгізу орнындағы реакциялар Қуыс ішіне енгізу Төменде ионды емес мономерлі контрастылы заттарды организм қуысына енгізу кезінде ғана туындайтын қолайсыз оқиғалар баяндалған. Эндоскопиялық ретроградты холангиопанкреатография (ЭРХПГ) Өте жиі: диарея, іштің төменгі жағының ауыруы, ауыру Жиі: панкреатит, қандағы амилаза деңгейінің жоғарылауы, жүрек айнуы, құсу Жиі емес: іштің ауыруы Белгісіз: артрит, емшарадан кейінгі ауырсыну Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Егер пациентке қысқа уақыт аралығында дене салмағына қарай 2000 мг/кг артық йод енгізілген жағдайда болмаса, бүйрек функциясы қалыпты пациенттерде симптоматикалық артық дозалану ықтималдығы аз. Препараттың жоғары дозаларында ұзаққа созылатын емшара бүйрек функциясынан көрініс беруі мүмкін (жартылай шығарылу кезеңі – 2 сағат). Препараттың кездейсоқ артық дозалануын, әсіресе, жоғары дозалары көп рет енгізілген жағдайларда балалардағы күрделі ангиографиялық емшаралар кезінде кездестіруге болады. Емі: су-электролит теңгерімінің бұзылуларын түзету. Келесі 3 күнде бүйрек функциясына мониторинг жасаған жөн. Қажет болған жағдайда, препарат қалдықтарын шығару үшін гемодиализ қолдану керек. Арнайы антидоты жоқ. Дәрілік препаратты қабылдауға қатысты сұрақтар туындаған кезде медицина қызметкерінің кеңесіне жүгініңіз Дәрілік препаратты қолдану тәсілін түсіндіруі үшін дәрігерге жүгініңіз. В/і енгізуге арналған. Препаратты тек маман ғана енгізуі тиіс. Препаратты артерия ішіне енгізуден немесе айналасындағы тіндерге тигізуден аулақ болған жөн.

Аса жоғары сезімталдық Рентгеноконтрастылы затты қолданар алдында пациент туралы толық ақпарат алу қажет. Анамнезде құрамында йод бар контрастылы препараттарға аллергияның, демікпенің және қолайсыз реакциялардың болуы жоғары зейін бөлуді талап етеді. Сондықтан рентгенконтрастылық заттарды қолданудың кез келген тәсілінде ауру тарихын нақты зерттеу қажет, аллергиялық диатезі бар немесе аса жоғары сезімталдық реакциясының бар екендігі белгілі науқастарда препаратты үлкен сақтықпен тағайындайды. Жағымсыздық қаупі бар пациенттерге кортикостероидтармен немесе Н1 және Н2 гистаминді рецепторлар антагонистерімен премедикация мүмкіндігін қарастыру қажет, алайда олар анафилаксиялық шок дамуын тойтара алмайды, тек бастапқы симптомдарын бүркемелеуі мүмкін. Бронх демікпесі бар пациенттерде әсіресе бронх түйілуінің даму қаупі жоғары. Йогексол ерітіндісін қолдану кезінде күрделі реакциялар даму қаупі үлкен емес деп саналады. Алайда, құрамында йод бар контрастылы дәрілер күрделі, өмірге қауіп төндіретін, фатальді анафилактоидты/анафилаксиялық реакцияларды немесе аса жоғары сезімталдықтың басқа көріністерін туындатуы мүмкін. Енгізу жиілігі мен тәсіліне қарай ангионевроздық ісіну, конъюнктивит, жөтел, тері қышынуы, тұмаурату, түшкіру және есекжем сияқты симптомдар емді талап ететін күрделі анафилактоидты реакциялардың белгілері болуы мүмкін. Сондықтан күрделі реакциялар жағдайында атқарылатын әрекеттер алгоритмін алдын ала ойластырып, қажетті препараттар мен шұғыл емдеуге арналған құрылғыны және жедел ем үшін қолжетімді кәсіби қызметкерді дайындап қою керек. Егер шок жағдайы дами бастаса контрастылы затты енгізу дереу тоқтатылуы тиіс және қажет болғанда вена ішіне спецификалық ем басталуы тиіс. Бүкіл рентгенография шарасы барысында вена ішіне тез енгізілуін қамтамасыз ету үшін үнемі канюля немесе катетер қою ұсынылады. Бета-адреноблокаторларды қолданатын пациенттер, әсіресе бронх демікпесі бар пациенттер бронх түйілуінің төменгі шегіне ие болуы мүмкін және бета-агонистермен және адреналинмен емге нашар жауап беруі мүмкін, бұл жоғары дозаларды қолдануды қажет етуі мүмкін. Пациенттерде сондай-ақ анафилаксияның әдеттегідей емес симптомдары байқалуы мүмкін, олар вазовагальді реакция ретінде дұрыс интерпретацияланбауы мүмкін. Негізінен жоғары сезімталдық тыныс алу қиындауының жеңіл түрі, тері қызаруы (эритема), есекжем, қышыну немесе беттің ісінуі сияқты елеусіз респираторлық немесе тері симптомдары түрінде білінеді. Ангионевроздық ісіну, дауыс қатпарлары асты қуысының ісінуі, бронх түйілуі және шок сияқты ауыр аса жоғары сезімталдық реакциялары сирек туындайды. Бұл реакциялар әдетте контрастылы затты енгізгеннен кейін бір сағат ішінде көрініс табады. Сирек жағдайларда аса жоғары сезімталдықтың кешеуілдеген реакциялары (бірнеше сағат немесе күннен кейін) туындауы мүмкін, бірақ бұл жағдайлар өмірге сирек қауіп тудырады және ең бастысы тері жабындарына әсер етеді. Коагулопатия Миокард инфарктісі мен инсультті туындататын күрделі, сирек өліммен аяқталатын, тромбоэмболиялық оқиғалар туралы иондық және иондық емес контрастылы заттарды пайдалану арқылы ангиокардиографиялық емшаралар кезінде хабарланды. Тамырішілік катетер қойғанда ангиография әдістемесін мұқият қадағалап, емшарадан туындайтын тромбоз және эмболия қаупін жоққа тән азайту үшін катетерді жиі жуып-шаю (мысалы, гепарин қосылған физиологиялық ерітіндімен) керек. Оның дамуына тамырішілік катетерді орнату кезіндегі басқа да факторлар ықпал етуі мүмкін: зерттеу ұзақтығы, инъекция саны, катетер типі және шприц материалы, қатарлас аурулар және қатарлас дәрілік препараттар. Иондық емес рентгеноконтрастылы заттар иондық дәрілерге қарағанда ұю жүйесіне ықпалы төмендеу. Емшараны жүргізу уақыты барынша қысқа болғаны жөн. Гомоцистинуриясы бар пациенттерде сақ болу керек, өйткені оларда тромбтардың даму қаупі жоғары. Иондық заттарға қарағанда, иондық емес контрастылы заттар қан ұю жүйесіне in vitro әлсіздеу әсер етеді. Гидратация Пациенттерге контрастылы заттарды енгізуге дейін және одан кейін жеткілікті су жүктемесін қамтамасыз етеді. Қажет болса электролит-су теңгерімін Вигексол толығымен организмнен шығарылғанға дейін вена ішіне құюлармен қалпына келтіреді. Әсіресе бұл дис- және парапротеинемиясы, көптік миеломасы, қант диабеті бар, бүйрек функциясы бұзылған пациенттерге, гиперурикемия, сондай-ақ сәбилерге, кіші жастағы балаларға, егде жастағы адамдарға қатысты. Егер пациенттің су-электролиттік теңгерімнің бұзылуына бейімдігі болса, онда сарысулық кальций деңгейінің ықтимал төмендеуін бақылау қажет. Диуретиктерді қабылдағанда, бірінші кезекте су және электролиттік теңгерімді қадағалау керек, өйткені жедел бүйрек жеткіліксіздігінің даму қаупі бар. Қан айналу жүйесі тарапынан реакциялар Жүректің күрделі аурулары және өкпе гипертензиясы бар науқастарға қатысты сақтық танытқан жөн, өйткені оларда гемодинамиканың бұзылулары немесе аритмия пайда болуы мүмкін. Бұл әсіресе рентгенконтрастылық заттарды коронарлы енгізу жағдайында қолдануға қатысты. Жүрек жеткіліксіздігі, жүректің ауыр коронарлық ауруы, стенокардиясы, клапан ақаулары бар, миокард инфарктін, коронарлық шунттауды және өкпе гипертензиясын бастан өткерген пациенттер жүрек-қантамыр реакцияларының дамуына аса бейім. Егде пациенттерде және бұрыннан жүрек ауруы бар пациенттерде аритмия сипмтомдары және ЭКГ ишемиялық өзгерістері көбірек жиі туындайды. Жүрек жеткіліксіздігі бар пациенттерде контрастылы заттардың интравазальді инъекциясы өкпе ісінуін туындатуы мүмкін. ОЖЖ тарапынан бұзылулар Йогексолды қолданған кезде энцефалопатия туралы хабарланған (4.8 бөлімін қараңыз). Транзиторлы контрастпен индукцияланған энцефалопатия бас ауруы, көру қабілетінің нашарлауы, кортикальды соқырлық, сананың шатасуы, құрысулар, қимыл-қозғалыс үйлесімінің жоғалуы, гемипарез, афазия, сананы жоғалту, кома және мидың ісінуі сияқты неврологиялық дисфункцияның симптомдары мен белгілері болуы мүмкін. Симптомдар әдетте йогексол қабылдағаннан кейін бірнеше минуттан немесе бірнеше сағаттан кейін пайда болады және әдетте бірнеше күн ішінде қайтады. Гематоэнцефалитикалық тосқауылының өткізгіштігін жоғарылататын факторлар контрастты заттың ми тініне өтуін жеңілдетеді және энцефалопатия сияқты ОЖЖ реакцияларына әкелуі мүмкін. Мидың өткір инфарктісі немесе өткір интракраниальды қан кетуі бар науқастарда, сондай-ақ ми тосқауылының бұзылуын тудыратын, церебральды ісіну, жедел демиелинация немесе мидың прогрессивті атеросклерозымен ауыратын науқастарда тамыр ішілік қолдану кезінде сақ болу ұсынылады. Егер контраст-индукцияланған энцефалопатияға күдік болса, тиісті медициналық емдеуді бастау керек және йогексолды қайта тағайындауға болмайды. Метастаздардан, дегенеративті немесе қабыну үрдістерінен туындаған неврологиялық симптомдар рентгенконтрастылық заттарды қолданған кезде күшеюі мүмкін. Ми қан айналымының бұзылу симптомдары бар, инсультті немесе жиі транзиторлық ишемиялық шабуылдарды бастан кешкен пациенттерде рентгенконтрастылық заттармен артерия ішіне инъекция жасағаннан кейін неврологиялық асқынулардың жоғары қаупі бар. Рентгенконтрастылық заттарды артерия ішіне енгізу қантамырларды тарылтып, кейіннен мидың ишемиясын туындатуы мүмкін. Жедел церебральді патологиясы, ісіктері немесе анамнезінде эпилепсиясы бар пациенттер құрысуларға бейім және айрықша назар аударуды қажет етеді. Алкоголизм және наркомания бар пациенттерде неврологиялық реакциялардың даму қаупі жоғарылайды. Бірнеше пациенттерде миелографиядан кейін, болжам бойынша, жұлын пункциясы кезінде жұлын сұйықтығы қысымының төмендеуі нәтижесінде туындайтын уақытша естімей қалу және тіпті кереңдік байқалған. Бүйрек реакциялары Вигексол қолдану нефропатияны, бүйрек функциясының бұзылуын немесе жедел бүйрек жеткіліксіздігін туындатуы мүмкін. Препаратты енгізгеннен кейін жедел бүйрек жеткіліксіздігін болдырмау үшін жоғары қауіп тобына жататын бүйрек функциясының бұзылуы бұрыннан бар және қант диабетімен пациенттерге ерекше көңіл бөлу керек. Препаратты енгізгеннен кейін бүйрек жеткіліксіздігі дамуының басқа бейім факторларына анамнездегі бүйрек аурулары, 60 жастан асқан жас, сусыздану, үдемелі атеросклероз, жүрек жеткіліксіздігі, йогексолдың жоғарғы дозалары және көп реттік инъекциялары, бүйрек артериясына контрастылы заттарды тікелей енгізу, нефротоксиндердің ұзақ әсері, ауыр және созылмалы гипертония, гиперурекмия, парапроеинемия (миеломатоз және Вальденстрем макроглобулинемиясы, плазмоцитома) немесе дипротеинемия жатады. Жағымсыз реакцияларға жол бермеу шаралары: • Қауіп тобына жататын пациенттерді анықтау • Талапқа сай гидратациямен қамтамасыз ету, егер қажет болса, в/і тұрақты инфузия көмегімен, емшараға дейін бастай отырып және бүйрек арқылы йогексолдың шығарылу сәтімен аяқтаумен жетуге болады. • Препараттың организмнен шығарылуына дейін – нефроуытты препараттар, ішу арқылы холецистографияға арналған дәрілер қолдану, бүйрек артерияларының қысылып қалуы, бүйрек артерияларының ангиопластикасы, хирургиялық операциялар кезінде бүйрекке түсетін қосымша жүктемеге жол бермеу • Дозаны ең төменге дейін азайту • Қайталанатын рентгеноконтрастылы зерттеулер бүйрек функциясы толық қалыпқа түскен соң орындалуы тиіс Гемодиализдегі пациенттер Гемодиализдегі пациенттер рентгеноконтрастылы зерттеулерден өте алады, бұл ретте контраст енгізу және гемодиализ жүргізу уақытын байланыстырудың қажеті жоқ. Метформин алатын қант диабеті бар пациенттер Вигексол енгізу бүйрек функциясының уақытша бұзылуымен қатар жүруі мүмкін, осының салдарынан метформин алатын қант диабеті бар пациенттерде сүт-қышқылды ацидоз дамуы мүмкін. Сондықтан мұндай пациенттерге сүт-қышқылды ацидоздың даму қаупін төмендету үшін йогексолды тамыр ішіне енгізу алдында қан сарысуындағы креатинин деңгейін өлшеу және келесі жағдайларда сақтық шараларын қабылдау керек: Сарысулық креатининнің қалыпты деңгейі <130 ммоль/л (қалыпты бүйрек функциясы). Метформин қолдану препарат енгізілген сәтте тоқтатылып, бүйрек функциясы/креатинин деңгейі қалпына келген 48 сағаттан соң жаңғыртылады. Сарысулық креатининнің аномальді деңгейі >130 ммоль/л (бүйрек функциясының бұзылуы). Метформин қолдану зерттеулер жүргізілгенге дейін 48 сағат бұрын тоқтатылады. Метформин қабылдауды Вигексолды енгізгеннен кейін бүйрек функциясы зерттеуге дейінгі мәндермен салыстырғанда өзгермеу шартымен (егер сарысулық креатинин деңгейі ұлғаймаса) 2 тәуліктен соң ғана жаңғыртуға болады. Шұғыл жағдайлар. Бүйрек функциясы бұзылған немесе белгісіз болғанда, дәрігер зерттеу жүргізудің қауіп/пайда арақатынасын бағалап, алдын ала сақтандыру шараларын қолдануы тиіс: метформин қолдануды тоқтату, зерттеу жүргізгенге дейін және одан кейін 24 сағат су жүктемесін жүргізу, бүйрек функциясы (мысалы, сарысулық креатинин), қан сарысуындағы сүт қышқылы деңгейін және сүт қышқылды ацидоз белгілерінің болуына қатысты қанның рН бақылау керек. Бауыр реакциялары Бауырдың уақытша дисфункциясының потенциалды қаупі болуы мүмкін. Бүйрек және бауыр функциясы бұзылуларының ауыр түрлері бар науқастарда аса сақтық танытқан жөн, өйткені бұл рентгенконтрастылық заттардың клиренсін төмендетуі мүмкін. Гемодиализде жүрген пациенттер радиологиялық емшаралар үшін рентгенконтрастылық затты қабылдауына болады. Миастения Құрамында йод бар контрастылы дәрілер енгізу миастения симптомдарын күшейтуі мүмкін. Феохромоцитома Инвазивті зерттеулер мен араласымдар орындау кезінде феохромоцитомасы бар пациенттерде гипертониялық криздің дамуын болдырмау үшін α-адреноблокаторларды профилактикалық тағайындау қажет. Қалқанша без функциясының бұзылуы Құрамында йоды бар контрастылы заттар препарат ерітіндісінде бос йод болуы, сондай-ақ қайта йодтауда қосымша йод босап шығуы салдарынан қалқанша без функциясына әсер етеді. Бұл гипертиреозды және бейімі бар пациенттерде тіпті тиреоуытты криз туындатуы мүмкін. Зерттеулер жүргізгенге дейін айқын, бірақ әлі диагностикаланбаған гипертиреозы (мысалы, түйіндік зобы) бар пациенттер және функционалдық автономиясы (көбінесе егде жастағы адамдар, әсіресе йод тапшылығы бар аймақтарда) бар пациенттер мұндай жағдайларға кез келген күдік болғанда қалқанша без функциясын тексерістен өткеруі тиіс. Вигексолды енгізер алдында пациент тиреосканданудан, қалқанша безінің функциясын тексеруден немесе радиоактивті йодпен емдеуден өтпеуі тиіс, препаратты енгізу қолдану тәсіліне қарамастан, гормондарға талдау жүргізуге және йод қалқанша безінің сіңірілуіне кедергі келтіреді, қалқанша без обырының метастазында йод бүйрек арқылы несеппен шығарғанша күте тұру қажет. Сондай-ақ контрастылы заттар енгізуден кейін гипотиреоз дамуының қаупі бар. Үрейлену жағдайларында Айқын мазасыздық жағдайда тыныштандыратын дәрі қолдану керек. Орақ-жасушалы анемия Орақ-жасушалы генін гомозиготалы тасымалдаушыларда Вигексолды вена ішіне және артерия ішіне енгізу орақ-жасушалы эритроциттер түзілуін туындатуы мүмкін. Басқа қауіп факторлары Аутоиммунды аурулары бар пациенттер арасында ауыр васкулит жағдайлары және Стивенс-Джонсон синдромы түріндегі реакциялар тіркелген. Қантамырлық ауыр және неврологиялық аурулар, әсіресе егде жастағы адамдарда, рентгеноконтрастылы заттарға реакциялар дамуының қауіп факторлары болып табылады. Экстравазация Рентгенконтрастылық препараттарды қантамырлардан тыс енгізу (экстравазация) сирек жағдайларда жергілікті ауырудың және ісінудің дамуына әкелуі мүмкін, олар әдетте қандай да бір зардаптарсыз қайтады. Тіндердің қабынуы және некрозы жағдайларының болғаны сипатталған. Емдік шаралар ретінде аяқ-қолды салқындату және аяқ-қолды көтеріңкіреп жату ұсынылады. Қысылу симптомдары дамыған жағдайда хирургиялық декомпрессия ұсынылады. Пациентті қадағалау мерзімі Препаратты енгізуден соң пациент кемінде 30 минут қадағалауда болуы тиіс, өйткені күрделі жағымсыз әсерлердің көпшілігі тура осы уақыт кезеңінде дамиды. Алайда, кейіннен білінетін реакцияларды да байқауға болады. Пациент Вигексолды соңғы енгізуден кейін бір сағат ішінде стационар жағдайында (радиология бөлімшесінде болуы міндетті емес) болуы және қандай да бір симптомдар дамыған жағдайда радиология бөлімшесіне оралуы тиіс. Интратекальді қолдану Миелографиядан кейін пациент кемінде бір сағат басы мен кеудесін 20° көтерген күйде жатқан қалпын сақтауы тиіс. Бұдан кейін пациентті амбулаториялық режимге ауыстырады, алайда еңкеюден сақтану керек. Төсек режимін сақтаған кезде басы мен кеудесі 6 сағат бойы көтеріңкі күйде қалуы тиіс. Төмен құрысу шегіне күдік туындағанда осы кезеңде пациент қадағалауда болуы тиіс. Амбулаторлық пациенттерді зерттеуден кейін бір тәулік жалғыз қалдыруға болмайды. Педиатрияда қолданылуы 3 жасқа дейінгі балаларға ерекше назар аудару керек, өйткені ерте жаста қалқанша безінің жеткіліксіз белсенділігі қозғалыс, есту және когнитивті дамуға теріс әсер етуі мүмкін және уақытша T4 орын басу емін қажет етуі мүмкін. Йодталған контрастылы заттардың әсеріне ұшыраған 3 жасқа дейінгі пациенттерде гипотиреоздың жиілігі пациенттердің жасына және йодталған контрастылы заттың дозасына байланысты 1,3% - дан 15% - ға дейінді құрайды, жаңа туған нәрестелер мен шала туылған балаларда жиірек байқалады. Қалқанша безінің функциясы құрамында йод бар контрастылы заттардың әсерінен кейін 3 жасқа дейінгі барлық балаларда бағалануы тиіс. Гипотиреоз анықталған кезде, емдеу қажеттілігін қарастырып, қалқанша безінің функциясын қалыпқа келгенге дейін бақылау керек. Вигексолды енгізгенге дейін және енгізуден кейін адекватты гидратация керек, бұл әсіресе ерте жастағы жас балалар үшін маңызды. Нефроуытты препараттар тоқтатылуы тиіс. Жасы кіші балаларға тән төмендеген гломерулярлық сүзіліс те рентгеноконтрастылы заттардың баяу шығарылуына әкелуі мүмкін. Емшек еметін балалар (жас шамасы бір жасқа дейін) және әсіресе жаңа туған нәрестелер электролиттік теңгерімнің және гемодинамиканың бұзылуына бейім болады. Церебральді артериография Үдемелі атеросклерозы, ауыр түрдегі гипертониялық ауруы, жүрек жеткіліксіздігі бар, егде жастағы адамдарда және тамырдың церебральді тромбозы, анамнезінде эмболиясы және бас сақинасы бар пациенттерде брадикардия және артериялық қысымның жоғарылауы/төмендеуі сияқты жүрек-қантамырлық реакциялар жиі туындауы мүмкін. Артериография Пайдаланылатын емшараларға қатысты артериялар, веналар, аорта және іргелес ағзалар зақымдануы, плевроцентез, ішперде артына қан құйылулар, миға зақым келуі және параплегия симптомдары болуы мүмкін. Арнайы ескертулер Жеке-дара жағымсыз реакциялар сипаттамасы Коронарлық, ми, бүйрек және шеткері артерияға ангиография жүргізгенде тромбоэмболиялық асқынулар туындауы мүмкін. Контрастылы коронарлық ангиография жүргізу кезінде немесе одан кейін жедел миокард инфарктісін қоса, жүрек тарапынан асқынулар туындауы мүмкін. Егде жастағы немесе ауыр коронарлық артерия аурулары, тұрақсыз стенокардия және сол жақ қарынша дисфункциясы бар пациенттерде кардиологиялық асқынудың даму қаупі анағұрлым жоғары. Өте сирек жағдайларда контрастылы зат ГЭБ арқылы ми қабығына өтуі мүмкін, бұл неврологиялық реакцияларға, атап айтқанда құрысуларға, транзиторлық қозғалтқыш немесе сенсорлық бұзылуға, сананың шатасуына, естен тануға және энцефалопатияға әкелуі мүмкін. Анафилактоидты реакциялар және шок айқын артериялық гипотензияға және гипоксиялық энцефалопатияға, бүйрек және бауыр жеткіліксіздігін қоса, осыған байланысты симптомдар мен белгілерге әкелуі мүмкін. Кейде контрастылы заттардың экстравазациясы әдетте асқынуларсыз өтетін оқшау ауыру мен ісінуді туындатуы мүмкін. Қабыну жағдайлары, тіндер некрозы және компартмент-синдром байқалады. Педиатрияда қолдану Балаларда, оның ішінде мерзімі жетпей туған және жаңа туған нәрестелерде құрамында йод бар рентгеноконтрастылы заттарды енгізуден туындаған транзиторлық гипотиреоз жағдайлары сипатталған. Мерзімі жетпей туған балаларда йодқа жоғары сезімталдық бар, осыған байланысты Вигексолды лактация кезеңінде бірнеше рет қолдану ұсынылмайды, өйткені сәбиде транзиторлық гипотиреоз дамуы мүмкін. Вигексолды қолдануға дейін және одан кейін, әсіресе мерзімі жетпей туған және кіші жастағы балаларға жеткілікті су жүктемесін қамтамасыз ету қажет. Нефроуытты препараттармен емдеуді тоқтату керек. Кіші жастағы балаларда шумақтық сүзіліс төмен, бұл препараттың баяу шығуына әкеледі. Жасына байланысты нәрестелерде шумақтық сүзіліс жылдамдығы азаяды, ол организмнен контрастылы заттар шығарылуының іркілісіне әкелуі мүмкін.

Жүкті әйелдерде йогексол ерітіндісін қолдану қауіпсіздігі анықталмаған. Жануарлар арасында жүргізілген зерттеу нәтижелері ұрпақ өрбіту функциясына, эмбрион немесе ұрықтың дамуына, жүктіліктің ағымына, сондай-ақ пери- және постнатальді дамуға тікелей немесе жанама теріс әсер етуін көріністемейді. Жүктілік кезінде сәуленің әсерінен аулақ болу керек болғандықтан контрастылы заттарды қолданумен немесе онсыз рентгенографияның пайдасын ықтимал қауіппен мұқият салыстыру керек. Жүктілік және бала емізу кезінде, егер пайдасы қаупінен басым болса ғана және, дәрігер мұндай зерттеуді амал жоқтықтан тағайындаған жағдайлардан басқасында препаратты қолданбаған жөн. Пайдасы және қаупінің арақатынасы бағаланғанда шарананың қалқанша безінің йодқа сезімталдығын ескеру керек. Егер жүктілік кезінде анасына құрамында йоды бар рентгенконтрастылық заттарды енгізілсе, жаңа туған нәрестенің өмірінің алғашқы аптасы ішінде қалқанша безінің функциясын тексереді. Лактация Контрастылы заттар емшек сүтіне нашар бөлінеді, ішекте өте аз мөлшерде сіңеді. Сондықтан бұл заттардың емшектегі нәрестеге зиянды әсерін тигізу ықтималдығы аз. Егер контраст бала емізетін анаға енгізілсе, емізуді жалғастыруға болады. Инъекциядан кейін 24 сағат ішінде емшек сүтімен бөлінетін йогексол мөлшері зерттеуге қолданылған, дене салмағы бойынша анықталған дозаның 0,5%-ын құрайды. Инъекциядан кейін алғашқы 24 сағат ішінде сәбидің АІЖ түсетін йогексол мөлшері педиатрияда қолданылатын дозаның небары 0,2%-на сәйкес келеді. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Инъекциядан кейінгі бір сағат немесе интратекальді енгізуден кейінгі алғашқы тәуліктер ішінде машина жүргізуге немесе қандай да бір басқа механизмдерді пайдалануға кеңес берілмейді. Алайда миелографиядан кейін симптомдар сақталған жағдайда пациенттің жеке ерекшеліктерін ескеру қажет.

Вигексол қолдану бүйрек функциясының уақытша бұзылуын туындатуы мүмкін, осының салдарынан метформин алатын қант диабетімен пациенттерде сүт қышқылды ацидоздың дамуы ықтимал. Препаратты енгізуге дейін 2 аптадан аз уақыт бұрын интерлейкин-2 алған пациенттерде эритема, тұмау тәрізді симптомдар немесе тері реакциялары сияқты кейіннен білінетін реакциялардың жоғары даму қаупі болады. Нейролептиктер немесе трициклдық антидепрессанттарды бір мезгілде қолдану құрысу дайындығы шегін төмендетуі мүмкін, бұл Вигексол қолдануға байланысты құрысудың біліну қаупін арттырады. β-блокаторларды қолдану аса жоғары сезімталдық реакцияларының шегін төмендетуі мүмкін, сондай-ақ аллергиялық реакцияларды емдегенде β-адреномиметиктердің жоғарырақ дозаларын пайдалану қажеттігіне әкеледі. Бета-блокаторлар, вазоактивті заттар, ангиотензин өзгертуші фермент тежегіштері, ангиотензин рецепторлары антагонистері артериялық қысым деңгейіне жүрек-қантамыр жүйесі компенсациясы механизмдерінің әсерін азайтуы мүмкін. Құрамында йод бар контрастылы заттардың бәрі қалқанша без функциясын талдау нәтижелеріне ықпал ете алады, ал темірдің йодты байланыстыру қабілеті бірнеше апта ішінде төмендеуі мүмкін. Қан сарысуындағы және несептегі контрастылы заттардың жоғары концентрациясы билирубиннің, ақуыздар мен органикалық емес заттардың (мысалы, темір, мыс, кальций, фосфаттар) зертханалық талдаулар нәтижелеріне ықпал етуі мүмкін. Сондықтан тексеру өткізген күні осы заттарға талдау жасауға болмайды.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Жарықтан және екіншілік рентген сәулесінен қорғалған жерде, 25 ºС-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!