Видиксанол раствор 270 мг йода/мл

Бір мл ерітіндінің құрамында белсенді зат – 100% затқа шаққанда 550.0 мг немесе 652.0 мг йодиксанол, қосымша заттар: трометамол, натрий хлориді, кальций хлориді дигидраты, натрий кальций эдетат дигидраты, хлорсутек қышқылы, инъекцияға арналған су. Сыртқы түрінің иісінің, дәмінің сипаттамасы Мөлдір, түссіз немесе ашық-сары ерітінді

Видиксанолды диагностикалық мақсатта ғана пайдаланады. Ересектер: 270 мг йод/мл: –стандартты церебральді ангиография – стандартты шеткері ангиография –абдоминальді ангиография (артерия ішіне дигитальді субтракциялық ангиография) –флебография –урография –компьютерлік томография –бел, кеуде және мойын аймақтарындағы миелография –артрография және гистеросальпингография (ГСГ) 320 мг йод/мл: – кардиоангиография – стандартты церебральді ангиография – стандартты шеткері ангиография – урография – томография – бел, кеуде және мойын аймақтарындағы миелография – асқазан-ішек жолын тексеру Балалар: – урография – кардиоангиография – компьютерлік томография – асқазан-ішек жолын тексеру.

Клиникалық тиімділігі мен қауіпсіздігі Видиксанол иондық емес, құрамында йоды бар рентгенконтрастылы препарат болып табылады. Препаратты енгізгеннен кейін органикалық тұрғыдан байланысқан йод қантамырлар мен тіндерге түседі және радиацияны сіңіреді. Сол жақ қарыншадағы ақырғы-диастолалық қысым, сол жақ қарыншадағы систолалық қысым, жүректің жиырылу жиілігі, QT аралығы және ортан жілік артерияларындағы ағын жылдамдығы сияқты жүрек-қантамыр көрсеткіштері, басқа контрастылы заттарды енгізгеннен кейінгіге қарағанда, йодиксанолды енгізгеннен кейін аз дәрежеде өзгерді. Йодиксанол ерітіндісін қолдану қан сарысуындағы креатинин деңгейі 1,3-3,5 мг/дл болатын, қант диабеті бар пациенттерде креатинин деңгейінің 0,5 мг/дл жоғарылауымен қатар жүрді, бірақ пациенттердің бірде-біреуінде 1,0 мг/дл-ге жоғарылау байқалған жоқ. Препаратты пайдаланған кезде проксимальді өзекшелерде ферменттердің сөлінісі (сілтілік фосфатаза және N-ацетил--глюкозаминидаза) иондық димерлі контрастылы заттарды енгізгеннен кейінгі сияқты, және иондық емес мономерлі контрастылы заттарды енгізгеннен кейінгіге қарағанда әлсіздеу болды.

Дозалану режимі Дозалануы типіне және әдісіне, пациенттің жасына, дене салмағына, гемодинамикалық күйіне, жалпы жағдайына байланысты. Әдетте құрамында йоды бар рентгенконтрастылы басқа заттарды қолданған кездегі сияқты, сол концентрация және көлем пайдаланылады. Төменде берілген дозалар ұсынылғандар ретінде қарастырылуы мүмкін. Артерия ішіне енгізген кездегі дозалар бір реттік инъекция үшін көрсетілген, бірақ олар қайталануы мүмкін. Егде жастағы пациенттер үшін дозаны түзету қажет емес. Көрсетілімі/тексеру — Концентрациясы — Көлемі Артерия ішіне (а/і) енгізу Артериография Іріктелген церебральді — 270/320(1) мг йод/мл — 5-10 мл/инъекция Аортография — 270/320 мг йод/мл — 40-60 мл/инъекция Шеткері — 270/320 мг йод/мл — 30-60 мл/инъекция Іріктелген висцеральді а/і ДСА — 270 мг йод/мл — 10-40 мл/инъекция Кардиоангиография Ересектер Сол жақ қарынша және қолқа түбі — 320 мг йод/мл — 30-60 мл/инъекция Іріктелген коронарография — 320 мг йод/мл — 4-8 мл/инъекция Балалар — 270/320 мг йод/мл — Жасына, дене салмағына және патологиясына байланысты (ең жоғары жалпы көлемі 10 мл/кг-ден көп емес) Вена ішіне (в/і) енгізу Урография Ересектер — 270/320 мг йод/мл — 40-80 мл(2) Балалар (дене салмағы <7 кг) — 270/320 мг йод/мл — 2-4 мл/кг Балалар (дене салмағы >7 кг) — 270/320 мг йод/мл — 2-3 мл/кг Барлық дозалар жасқа, дене салмағына және патологияға байланысты (ең жоғары доза 50 мл) Флебография — 270 мг йод/мл — 50-150 мл/аяқ-қол КТ-де күшеюі Бастың КТ (ересектер) — 270/320 мг йод/мл — 50-150 мл Дененің КТ (ересектер) — 270/320 мг йод/мл — 75-150 мл Бастың және дененің КТ (балалар) — 270/320 мг йод/мл — 2-3 мл/кг 50 мл-ге дейін (жекелеген жағдайларда нәрестеге 150 мл дейін енгізуге болады) Интратекальді енгізу Люмбальді және торакальді миелография (люмбальді инъекция) — 270 мг йод/мл немесе 320 мг йод/мл — 10-12 мл(3) 10 мл(3) Цервикальді миелография (цервикальді немесе люмбальді инъекция) — 270 мг йод/мл немесе — 10-12 мл(3) 320 мг йод/мл — 10 мл(3) Қуыс ішіне енгізу (Көзбен шолуға оңтайлы болу үшін дозаны жекелей таңдайды) Артрография — 270 мг йод/мл — 1-15 мл Гистеросальпингография (ГСГ) — 270 мг йод/мл — 5-10 мл Ұсынылатын доза бірнеше есеге артуы мүмкін, мысалы, қынапқа кері құйылғанда (40 мл-ге дейінгі доза қолданылды) Асқазан-ішек жолын зерттеу Пероральді: АІЖ бойынша пассажды бағалау — 320 мг йод/мл — 80-200 мл дозалар қолданылды Өңеш — 320 мг йод/мл — 10-200 мл дозалар қолданылды Асқазан — 320 мг йод/мл — 20-200 мл дозалар қолданылды Балалар — 270/320 мг йод/мл — 5 мл/кг дене салмағы, 10-240 мл дозалар қолданылды Ректальді: Балалар — 270/320 мг йод/мл — 30-400 мл дозалар қолданылды • Екі концентрация да пайдаланылуы мүмкін, бірақ көптеген жағдайларда 270 мг йод/мл ұсынылады. • Жекелеген жағдайларда 80 мл-ден көбірек енгізілуі мүмкін. • Ықтимал жағымсыз реакцияларды азайту үшін жалпы доза 3,2 г йодтан аспауы тиіс. Пациенттердің ерекше топтары Балалар Шала туған балаларға контрасты заттарды енгізгеннен кейін өтпелі гипотиреоздың даму мүмкіндігі туралы білу керек. Жаңа туған нәрестелерде қалқанша безінің функциясын жүктілік кезінде анасына құрамында йод бар контрасты заттарды тағайындағаннан кейін өмірінің бірінші аптасында тексеру қажет. Қалқанша безінің функциясын қайталап тексеру 2-ші және 6-шы апталарда, әсіресе салмағы төмен жаңа туған нәрестелерде немесе шала туған нәрестелерде ұсынылады. Егде жастағы пациенттер Егде жастағы пациенттерде және бауыр және/немесе бүйрек функциясы бұзылған пациенттерде ересектерге арналған әдеттегі/ұсынылған дозалар қолданылуы мүмкін. Енгізу әдісі және жолы Йодиксанол ерітіндісі қантамырлар ішіне (артерия ішіне, вена ішіне), интратекальді, қуыс ішіне енгізуге және пероральді түрде қолдануға арналған. Пациентті дайындау Емшараны бастағанға дейін, әсіресе көптеген миеломасы, қант диабеті бар, бүйрек функциясы бұзылған пациенттерде, сондай-ақ емшек еметін балаларда, ерте жастағы балаларда, егде жастағы пациенттерде, су-электролиттік теңгерімнің бұзылуын жою және талапқа сай гидратацияны қамтамасыз ету керек. Препаратты енгізу емшарасы Енгізер алдында йодиксанол ерітіндісін дене температурасына дейін жылыту қажет. Ангиографиялық әрекетті орындағанда әдістемені мұқият орындау және тромбоз және эмболия қаупін барынша азайту үшін катетерді (мысалы, гепарин қосылған 0,9% натрий хлоридінің ерітіндісімен) жиі жуып-шаю керек. Препаратты енгізу кезінде пациент көлденең жатқызылуы тиіс. Емшаралардан кейін пациентті бақылау Рентгенконтрастылы дәрілерді енгізгеннен кейін пациент кем дегенде жарты сағат бақылауда болуы тиіс, өйткені күрделі жағымсыз реакциялардың көбі осы уақыт кезеңі ішінде дамиды. Алайда аса жоғары сезімталдық реакциялары инъекциядан кейін бірнеше сағаттан және тіпті күннен соң дамуы мүмкін. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Дәрілік препаратты қолдану тәсілін түсіндіру үшін дәрігерге жүгіну қажет. В/і енгізуге арналған. Препаратты тек маман енгізу керек. Препаратты артерия ішіне енгізуден немесе қоршаған тіндерге түсіруден аулақ болу керек

• әсер етуші затқа (заттарға) немесе 6.1 бөлімінде атап көрсетілген қосымша заттардың кез келгеніне аса жоғары сезімталдық • айқын тиреотоксикоз

Йодиксанол препараттарын енгізуге жағымсыз жанама реакциялар әдетте жеңіл/орташа уақытша сипатта болады. Күрделі реакциялар немесе өліммен аяқталулар өте сирек жағдайларда байқалады. Олар бүйрек жеткіліксіздігі аясында орын алатын бүйректің жедел жеткіліксіздігі, анафилаксиялық және анафилактоидтық шок, кейіннен жүрек тарапынан реакцияларға (Коунис синдромы) ұласатын аса жоғары сезімталдық реакциялары, жүректің және тыныс алудың тоқтап қалуы, миокард инфарктісі болып табылады. Жүрек тарапынан реакция негізгі ауру себебінен, сонымен қатар емшара аясында туындауы мүмкін. Аса жоғары сезімталдық реакциялары ентігу, бөртпе, эритема, есекжем, қышыну, терідегі күрделі көріністер, ангионевроздық ісіну, артериялық гипотензия, қызба, көмейдің ісінуі, бронхтың түйілуі, өкпенің ісінуі сияқты респираторлық немесе терілік симптомдарымен көрініс беруі мүмкін. Аутоиммундық аурулары бар пациенттерде қантамырлардың қабыну жағдайлары және Стивенс-Джонсон синдромы байқалды. Реакциялар инъекциядан кейін бірден немесе бірнеше күн өткен соң туындауы мүмкін. Аса жоғары сезімталдық реакциялары дозаға және енгізу тәсіліне қарамай туындауы мүмкін, жеңіл симптомдар күрделі анафилактоидтық реакциялар/шоктың ізашарлары болуы мүмкін. Контрастылы заттарды енгізу дереу тоқтатылуы және, қажет болса, спецификалық емдік заттар қантамыр ішіне енгізіле бастауы тиіс. Бета-блокаторларды қабылдап жүрген пациенттерде аса жоғары сезімталдықтың атипиялық симптомдары туындауы мүмкін, оларды вагальді рефлекс екен деп қабылдауы ықтимал. Құрамында йоды бар контрастылы заттарды енгізгеннен кейін сарысулық креатининнің аздаған өтпелі жоғарылауы жиі байқалады. Жағымсыз құбылыстардың жиілігі былайша жіктеледі: өте жиі (≥1/10), жиі (≥1/100-ден <1/10 дейін), жиі емес (≥1/1000-нан <1/100 дейін), сирек (≥1/10000-нан <1/1000 дейін), өте сирек (<1/10000), белгісіз (қолда бар деректер арқылы анықтау мүмкін емес). Қантамыр ішіне енгізу Қан және лимфалық жүйелер тарапынан бұзылулар Белгісіз: тромбоцитопения Иммундық жүйе тарапынан бұзылулар Жиі емес: аса жоғары сезімталдық Белгісіз: анафилактоидтық реакция, анафилаксиялық шок Эндокриндік бұзылулар Белгісіз: тиреотоксикоз, өтпелі гипотиреоз Психикалық бұзылулар Өте сирек: қозу, мазасыздық Белгісіз: сананың шатасуы Жүйке жүйесі тарапынан бұзылулар Жиі емес: бас ауыру Сирек: бас айналу, сенсорлық бұзылулар, дәмнің бұзылуын, парестезияны, иіс сезу бұзылуларын қоса Өте сирек: ми қан айналымының жедел бұзылуы, естен тану, тремор, аса жоғары сезімталдық Белгісіз: кома, қимыл-қозғалыс дисфункциясы, сананың бұзылуы, құрысулар, өтпелі энцефалопатия (елестеулерді, амнезияны, салдануды, парезді, афазияны, дизартрияны қоса) Көру тарапынан бұзылулар Өте сирек: өтпелі кортикальді соқырлық, көрудің бұзылуы (көздің бұлдырауын қоса), қабақтардың ісінуі Кардиологиялық бұзылулар Сирек: аритмия (соның ішінде брадикардия, тахикардия), миокард инфрактісі Өте сирек: жүректің тоқтап қалуы, жүрек қағуы Белгісіз: жүрек жеткіліксіздігі, қарыншалық гипокинезия, коронарлық артериялардың түйілуі, жүректің ишемиялық ауруы, жүректің және тыныс алудың тоқтап қалуы, мінез-құлықтың бұзылуы, коронарлық тромбоз, кеуде ангинасы Қантамырлық бұзылулар Жиі емес: гиперемия Сирек: артериялық гипотензия Өте сирек: артериялық гипертензия, ишемия Белгісіз: артериялық түйілу, тромбоз, тромбофлебит, шок Тыныс алу жүйесі, кеуде қуысының ағзалары және көкірек ортасы тарапынан бұзылулар Сирек: жөтел, түшкіру Өте сирек: ентігу, тамақтың тітіркенуі, көмейдің ісінуі Белгісіз: өкпенің ісінуі, тыныстың тоқтап қалуы, тыныс алу қызметінің бұзылуы, бронх түйілуі Ас қорыту жүйесі тарапынан бұзылулар Жиі емес: жүректің айнуы, құсу Өте сирек: іштің ауыруы/жайсыздығы, диарея Белгісіз: жедел панкреатит, созылмалы панкреатиттің өршуі, сілекей бездерінің ұлғаюы. Терінің және теріасты жүйелерінің бұзылулары Жиі емес: бөртпе, қышыну, есекжем Сирек: эритема Өте сирек: ангионевроздық ісіну, қатты тершеңдік Белгісіз: буллезді дерматит, Стивенс-Джонсон синдромы, полиморфты эритема, уытты эпидермальді некролиз, жайылған жедел экзантематозды пустулез, эозинофилиямен және жүйелік көріністермен қатар жүретін дәрілік тері реакциясы, дәрілік бөртпе, аллергиялық дерматит, терінің қабыршақтануы Тірек-қимыл аппараты және дәнекер тіндер тарапынан бұзылулар Өте сирек: бұлшықет, дәнекер тін және қаңқа аурулары, арқаның ауыруы, бұлшықет түйілуі Белгісіз: артралгия Бүйрек және несеп шығару жолдары тарапынан бұзылулар Өте сирек: бүйрек функциясының бұзылуы, бүйректің жедел жеткіліксіздігін, уытты нефропатияны қоса Белгісіз: қан сарысуындағы креатинин деңгейінің жоғарылауы Жалпы бұзылулар және инъекция жасалған жердегі реакциялар Жиі емес: ыстықты сезіну, кеуде қуысының ауыруы Сирек: ауыру, жайсыздық, қалтырау, пирексия, енгізген жердегі реакция, соның ішінде экстравазация Өте сирек: астениялық жағдайлар (мысалы, дімкәстік, қажығыштық), беттің ісінуі, жергілікті ісіну Белгісіз: домбығу Жарақаттар, уланулар және емшаралардан асқынулар: Белгісіз: йодизм Интратекальді енгізу Рентгенконтрастылы заттарды интратекальді түрде енгізгенде инъекциядан кейін бірнеше сағаттан немесе бірнеше күннен соң кейінге қалған жағымсыз құбылыстар дамуы мүмкін. Жағымсыз құбылыстардың жиілігі люмбальді пункция жүргізгеннен кейінгіге ұқсас. Басқа иондық емес рентгенконтрастылы заттарды қолданғанда көз қарығуы мен менингизм және химиялық менингит симптомдары бар менингеальді қабықтардың тітіркену жағдайлары байқалды. Салданудың, инфекциялық менингиттің даму ықтималдылығын да ескерген жөн. Иммундық жүйе тарапынан бұзылулар Белгісіз: аса жоғары сезімталдық, анафилаксиялық/ анафилактоидтық реакцияларды қоса Жүйке жүйесі тарапынан бұзылулар Жиі емес: ауыр және ұзаққа созылуы мүмкін бас ауыру Белгісіз: бас айналу, өтпелі энцефалопатия, амнезияны, елестеулерді, сананың шатасуын, салдануды, Белл салдануын, бағдарсыздықты, афазияны, сөйлеу қиындықтарын қоса Ас қорыту жүйесі тарапынан бұзылулар Жиі емес: құсу Белгісіз: жүректің айнуы Қаңқа-бұлшықет және дәнекер тіндер тарапынан бұзылулар Белгісіз: бұлшықет түйілуі Жалпы бұзылулар және инъекция орнындағы реакциялар Белгісіз: тремор, инъекция жасалған жердің ауыруы Гистеросальпингография (ГСГ): Иммундық жүйе тарапынан бұзылулар Белгісіз: аса жоғары сезімталдық Жүйке жүйесі тарапынан бұзылулар Жиі: бас ауыру Ас қорыту жүйесі тарапынан бұзылулар Өте жиі: іштің ауыруы Жиі: жүректің айнуы Белгісіз: құсу Ұрпақ өрбіту жүйесі және сүт бездері тарапынан бұзылулар Өте жиі: қынаптық қан кету Жалпы бұзылулар және инъекция жасалған жердегі реакциялар Жиі: пирексия Белгісіз: қалтырау, енгізілген жердің ауыруы Артрография: Иммундық жүйе тарапынан бұзылулар Белгісіз: аса жоғары сезімталдық, анафилаксиялық/анафилактоидтық реакцияларды қоса Жалпы бұзылулар және инъекция жасалған жердегі реакциялар Жиі: енгізілген жердің ауыруы Белгісі: қалтырау АІЖ зерттеу: Иммундық жүйе тарапынан бұзылулар Белгісіз: аса жоғары сезімталдық, анафилаксиялық/анафилактоидтық реакцияларды қоса Ас қорыту жүйесі тарапынан бұзылулар Жиі: диарея, іштің ауыруы, жүректің айнуы Жиі емес: құсу Жалпы бұзылулар және инъекция жасалған жердегі реакциялар Белгісіз: қалтырау Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Бүйрек функциясы қалыпты пациенттерде йодиксанол ерітіндісінің артық дозалану ықтималдығы аз. Препараттың жоғары дозаларын пайдаланған жағдайда бүйрекке ықпалына қатысты емшара ұзақтығының үлкен маңызы бар (препараттың жартылай шығарылу кезеңі 2 сағатқа тең). Кездейсоқ артық дозаланғанда судың және электролиттердің жоғалуы инфузиялық емнің жәрдемімен толықтырылуы тиіс. Бүйрекке, ең кемінде, 3 күн бойы мониторинг жүргізу керек. Қажет болған кезде, организмнен йодиксанолды шығару үшін гемодиализ пайдаланылуы мүмкін. Спецификалық антидоты жоқ.

Парентеральді түрде енгізуге арналған басқа да препараттар сияқты, йодиксанол ерітіндісі пайдаланар алдында онда ерімеген бөлшектердің бар-жоқтығын, түсінің өзгерген-өзгермегенін және қаптамасының бүтіндігін көзбен қарап тексерілуі тиіс. Препарат шприцке тура пайдаланар алдында құйып алынуы тиіс. Препараттың пайдаланылмаған қалдықтары жойылуы керек. Видиксанол ерітіндісін басқа дәрілік заттармен араластырмаған жөн (бөлек шприцті және инені пайдалану қажет). Арнайы сақтандырулар Аса жоғары сезімталдық Құрамында йоды бар контрастылы заттарға аллергиялар, демікпе немесе жағымсыз реакциялар бар болған кезде ерекше сақтық таныту қажет. Мұндай жағдайларда кортикостероидтармен немесе гистаминдік Н1 және Н2-антагонистермен премедикация жүргізуге болады. Видиксанол препаратын қолданғанда күрделі реакциялардың даму қаупі аздау деп саналады. Алайда құрамында йоды бар контрастылы заттар анафилактоидтық реакцияларды немесе аса жоғары сезімталдықтың басқа да көріністерін туындатуы мүмкін. Сондықтан күрделі реакциялар жағдайында әсер ету ретін ертерек ойластыру және қажетті препараттар мен дереу ем жүргізуге арналған құрал-жабдықтар дайын болуы керек. Рентгенографияның бүкіл емшарасы барысында вена ішіне тезірек жеткізілуін қамтамасыз ету үшін канюляны немесе катетерді әрдайым орнатып қою ұсынылады. Өмірге қауіп төндіретін, өлімге әкеп соқтыратын анафилаксиялық/ анафилактоидтық реакцияларды қоса, аса жоғары сезімталдықтың көрініс беруі мүмкін екендігі әрдайым ескерілуі тиіс. Қауіпті жағымсыз әсерлердің көпшілігі жарты сағат ішінде көрініс береді. Кешігіп басталатын аса жоғары сезімталдық көріністері байқалуы мүмкін (олар қолданғаннан бір сағаттан кейін және бір сағаттан астам уақытта көрініс беруі мүмкін). Пациенттер Видиксанол препаратын қолданғаннан кейін ең кемінде 30 минут бойы бақылауда болуы қажет. Бета-блокаторларды қабылдап жүрген пациенттерде аса жоғары сезімталдықтың атипиялық симптомдары туындауы мүмкін, оларды вагальді рефлекс (кезеген жүйкенің рефлексі) екен деп қабылдауы ықтимал. Коагулопатия Иондық емес контрасты дәрілер ионды контрасты дәрілерге қарағанда in vitro қан ұю жүйесіне айқын емес әсері бар. Қан шприцтегі контрасты затпен, оның ішінде иондық емес затпен жанасып қалғанда ұю жағдайлары анықталды. Шыны шприцтердің орнына пластмасса шприцтерді пайдалану in vitro ұю ықтималдығын төмендетеді, бірақ жоймайтыны байқалды. Миокард инфарктіне және инсультқа әкелетін күрделі, сирек жағдайда өліммен аяқталған тромбоэмболиялық оқиғалар ионды, сондай-ақ ионды емес контрасты дәрілерін енгізумен ангиокардиография емшарасын жүргізу кезінде байқалды. Емшараның ұзақтығы, катетер мен шприцтің материалы, негізгі аурудың статусын және қатар қолданылатын препараттарды қоса, факторлардың көбі тромбоэмболиялық асқыну себептерінің бірі болуы мүмкін. Осы себепті, өткізгішпен және катетермен жасалатын манипуляцияларға жіті назар аударуды, коллектор жүйесін және/немесе үш жүрісті бітегіш кранды пайдалануды, катетерді гепарин қосылған физиологиялық ерітіндімен жиі шаюды және емшарамен байланысты тромбоздың және эмболияның туындау қаупін барынша азайту үшін емшараның ұзақтығын қысқартуды қоса, ангиографиялық емшараларды мұқият орындау ұсынылады. Мамандандырылған реаниматологиялық көмекке арналған жабдық қолжетімді болуы тиіс. Гомоцистинуриясы бар пациенттерді қадағалау қажет. (Тромбоэмболияның туындау қаупі). Жоғалған сұйықтықтың орнын толтыру Контрастылы заттарды енгізгенге дейін және енгізгеннен кейін организмнің жеткілікті гидратациясын қамтамасыз еткен жөн. Бұл әсіресе көптеген миеломасы, қант диабеті бар, бүйрек функциясы бұзылған пациенттерге, сондай-ақ емшектегі және кішкентай балаларға және егде жастағы пациенттерге қатысты. Емшектегі балалар бір жасқа дейін және, әсіресе жаңа туған нәрестелер электролиттік теңгерімнің және гемодинамиканың бұзылуына бейім келеді. Жүрек-қантамыр жүйесі тарапынан бұзылулар Жүректің күрделі аурулары және өкпе гипертензиясы бар пациенттерге қатысты сақтық танытқан жөн, өйткені оларда гемодинамиканың бұзылулары немесе аритмия пайда болуы мүмкін. Өмірге қауіп төндіретін реакциялар және жүрек және тыныс алу қызметтерінің тоқтап қалуы, миокард инфарктісі сияқты шығу тегі жүрек-қантамырлық өлім жағдайлары сирек туындады. ОЖЖ тарапынан бұзылулар Йодиксанолды қолдану кезінде энцефалопатия туралы хабарланған (Жағымсыз реакциялар бөлімін қараңыз). Визуализация емшарасы кезінде немесе одан кейін көп ұзамай, егер сіз қандай да бір осы симптомдардың бірін байқасаңыз: сананың шатасуын, жады жоғалуын, елестеуді, көру кінәраттарын, көрмей қалуды, құрысуды, қимыл үйлесімінің жоғалуын, дененің бір жағының қозғалмай қалуын, сөйлеу кінәраттарын және естен айырылуды туындатуы мүмкін ми функциясының қысқа мерзімді бұзылуы (энцефалопатия), онда дәрігерге хабарлаңыз. Гематоэнцефалдық бөгеттің (ГЭБ) тұтастығын бұзатын, контрастылы заттың ГЭБ арқылы жоғары өткізгіштігіне және энцефалопатия қаупінің артуына әкелу әлеуеті бар жай-күйлердегі пациенттерде өнімді сақтықпен пайдалану керек. Контрастылы энцефалопатияға күдіктенген кезде йодиксанол қабылдауды тоқтату және тиісті медициналық емдеуді бастау керек. Бүйректік реакциялар Контрастылы субстрат әсерінен туындаған нефропатияның дамуы үшін негізгі қауіп факторы – мұның алдында болған бүйрек жеткіліксіздігі. Қант диабеті және қолданылатын, құрамында йоды бар контрастылы субстрат бүйректік дисфункцияның пайда болуына мүмкіндік беретін факторлар болып табылады. Қосымша проблемалар – дегидратация, үдемелі атеросклероз, бүйректің қанмен жабдықталуының жеткіліксіздігі және нефроуыттық болуы мүмкін белгілі препараттар немесе ауқымды хирургиялық араласым сияқты басқа факторлардың болуы. Бүйрек функциясының жедел жеткіліксіздігіне жол бермеу үшін контрастылы заттарды енгізгеннен кейін жоғары қауіп тобына жататын, бүйрек функциясы бұзылған және қант диабеті бар пациенттерге ерекше назар аудару керек. Қауіп сондай-ақ парапротеинемиясы (миеломатозы және Вальденстрем макроглобулинемиясы) бар пациенттерде де жоғарылайды. Профилактикалық шаралары мыналарды қамтиды: 1) Қауіп тобындағы пациенттерді анықтау 2) Организмнің жеткілікті гидратациясын қамтамасыз ету. Қажет болған кезде оны емшараға дейін вена ішіне инфузия жолымен бастайды және контрастылы заттың бүйрек арқылы шығарылу кезімен аяқтайды. 3) Нефроуытты препараттарды қолдану, холецистографияға арналған дәрілерді пероральді түрде қабылдау, артериялардың қатты қысылуы, бүйрек артерияларының ангиопластикасы немесе контрастылы заттардың бүйрек арқылы шығарылуына дейінгі ауқымды операция жасау әсерінен бүйрекке түсетін қосымша жүктемені болдырмау. 4) Дозаны барынша ең азға дейін төмендету. 5) Контрастылы заттарды қолданып қайта тексеруді бүйрек функциясы бастапқы деңгейіне оралғанға дейін кейінге қалдыру. Құрамында йоды бар контрастылы заттар гемодиализдегі пациенттерге қолданылуы мүмкін, өйткені препараттар диализ үдерісімен шығарылады. Метформин қабылдап жүрген, диабеті бар пациенттер Құрамында йоды бар контрастылы заттарды қантамыр ішіне енгізер алдында метформин қабылдап жүрген, қант диабеті бар пациенттерде сүт қышқылды ацидоздың дамуына жол бермеу үшін қан сарысуындағы креатинин деңгейін өлшеу керек. Креатинин деңгейі қалыпты/бүйрек функциясы қалыпты болғанда метформинді қолдануды контрастылы затты енгізу кезінде тоқтатады және 48 сағаттан соң немесе креатинин деңгейі/бүйрек функциясы қалыпқа келгеннен кейін қайта жаңғыртады. Креатинин аномальді деңгейде болғанда бүйректің аномальді функциясында метформин қолдануды тоқтатады, ал контрастылы затты қолданып тексеруді 48 сағат кейінге қалдырады. Метформинді қолдануды креатинин деңгейі/бүйрек функциясы бастапқы қалпына келгеннен кейін ғана қайта жаңғыртуға болады. Бүйрек функциясы аномальді немесе белгісіз болатын шұғыл жағдайларда дәрігер контрастылы затты қолданудың пайда/қауіп арақатынасына баға беруі және сақтық шараларын қолдануы тиіс: метформин қолдануды тоқтату, организмнің гидратациясын жүргізу, бүйрек функциясын және сүтқышқылды ацидоз симптомдарын бақылау керек. Бүйрек және бауыр функцияларының бұзылуы Бүйрек және бауыр функциясының біріккен жеткіліксіздігі бар пациенттерге контрастылы заттарды енгізген кезде ерекше сақтық қажет етіледі, өйткені оларда осы препараттардың клиренсі едәуір төмендеуі мүмкін. Гемодиализде жүрген пациенттер рентгенографиялық тексеру жүргізу үшін контрастылы заттарды алуына болады. Миастения гравис Құрамында йоды бар контрастылы заттарды енгізу миастения гравис симптомдарын күшейтуі мүмкін. Феохромоцитома Феохромоцитомасы бар пациенттерге қантамырішілік емшараларды жүргізген кезде гипертониялық кризге жол бермеу үшін профилактикалық тұрғыдан α-адреноблокаторларды тағайындау керек. Қалқанша без тарапынан бұзылулар Құрамында йоды бар контрастылы субстратты қолданар алдында тиреотоксикоз қаупі бар пациенттердің жағдайына мұқият баға беру қажет. Гипертиреозы бар пациенттерге қатысты аса сақтық танытқан жөн. Көп түйінді зобы бар пациенттерде құрамында йоды бар контрастылы заттарды енгізгеннен кейін гипертиреоздың даму қаупі жоғары болуы мүмкін. Балалар Сондай-ақ шала туған балаларға контрастылы заттарды енгізгеннен кейін өткінші гипотиреоздың дамуы мүмкін екендігін білген жөн. Жүктілік кезінде аналарына құрамында йоды бар контрастылы заттарды тағайындағаннан кейін жаңа туған нәрестелерде өмірінің алғашқы аптасында қалқанша без функциясын тексеру қажет. Қалқанша без функциясын қайталап тексерулер 2-ден бастап 6-шы аптаға дейін, әсіресе салмағы төмен жаңа туған немесе шала туған нәрестелерде ұсынылады. Экстравазация: Экстравазацияда зақымданған аймақты жоғары ұстау және салқындату ұсынылады. Қысылу синдромы дамыған кезде хирургиялық декомпрессия қажет болуы мүмкін. Видиксанолдың 270 мг йод/мл және 320 мг йод/мл дозаларында, сәйкесінше, мл-ге шаққанда 1,87 мг және 1,11 мг натрий бар. Бұл натрийді қабылдау шектелетін диетадағы пациенттерге қолданғанда ескерілуі тиіс. Бақылау мерзімі Контрастылы заттарды енгізгеннен кейін пациент, ең кем дегенде, жарты сағат бақылауда болуы тиіс, өйткені күрделі жағымсыз әсерлердің көбі нақ осы кезеңде дамиды. Алайда ағымдағы тәжірибелер аса жоғары сезімталдық реакцияларының инъекциядан кейін бірнеше сағаттан және тіпті бірнеше күннен соң дамитындығын көрсетеді. Интратекальді енгізу Миелографиядан кейін пациент бір сағат бойы басын және кеудесін 20о-қа көтеріп жатқан күйін сақтауы тиіс. Осыдан кейін ол еңкеймей, ақырын жүре алады. Егер пациент керуетте жатып қалса, онда басы мен кеудесі 6 сағат бойы көтеріңкі күйде болуы тиіс. Құрысу шегінің төмендігіне күдіктенгенде пациент осы кезең бойы бақылауда болуы тиіс. Амбулаторлық пациенттерді инъекциядан кейінгі алғашқы тәулікте бақылаусыз қалдыруға болмайды. Гистеросальпингография Гистеросальпингографияны жүкті әйелдерге және кіші жамбас ағзаларының жедел қабыну ауруларында жүргізбеген жөн. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Автокөлікті басқару қабілетіне ықпал етуіне қатысты ешқандай зерттеулер жүргізілмеген. Интратекальді түрде енгізуден кейін алғашқы тәулік ішінде автокөлікті басқару немесе қандай да болсын басқа механизмдермен жұмыс істеу ұсынылмайды.

Жүктілік Йодиксанол ерітінділерін жүкті әйелдерде қолданудың қауіпсіздігі зерттелмеген. Жануарлардағы зерттеулер ұрпақ өрбіту функциясына, эмбрионның және шарананың дамуына, жүктілік ағымына және ұрпақтың пери- және постнатальді дамуына тікелей немесе жанама жағымсыз ықпалын анықтаған жоқ. Жүктілік кезінде мүмкіндігінше сәулелену әсеріне жол бермеу керек болғандықтан, контрастылы заттарды қолданып немесе онсыз рентгенографияның пайдасын ықтимал қаупімен мұқият салыстырған жөн. Препаратты жүктілік кезінде, егер пайдасы қаупінен басым болса, қолдануға болады. Жүктілік кезінде анасы құрамында йоды бар контрастылы заттарды қолданғаннан кейін жаңа туған нәрестелердің өмірінің алғашқы аптасы кезінде қалқанша без функциясын тексеру қажет. Қалқанша безді қайталап тексеру, әсіресе салмағы төмен жаңа туған нәрестелерде және шала туған нәрестелерде, өмірінің алғашқы 2-6 аптасында ұсынылады. Емшек емізу Контрастылы препараттар адамның емшек сүтіне нашар бөлініп шығады және өте аз мөлшері ішек арқылы сіңеді. Емшек емізуді, егер құрамында йоды бар контрастылы препараттарды анасы қолданса, жалғастыруға болады.

Қалқанша без. Құрамында йоды бар барлық контрастылы заттар қалқанша без функциясын талдау нәтижелеріне ықпалын тигізуі мүмкін және темірдің йодпен байланысу қабілеті бірнеше апта бойы төмендеуі мүмкін. Зертханалық тестілер. Тексеру күнінде билирубинге, ақуыздарға және темір, мыс, кальций, фосфаттар сияқты бейорганикалық және басқа заттарға талдаулар жүргізбеу керек, өйткені қан сарысуындағы және несептегі контрастылы заттардың жоғары концентрациясы нәтижелерге ықпалын тигізуі мүмкін. Бүйрек функциясы. Құрамында йоды бар контрастылы заттарды енгізу бүйрек функциясының уақытша бұзылуымен қатар жүруі мүмкін, бұл метформин қабылдап жүрген, қант диабеті бар пациенттерде сүт қышқылды ацидоздың дамуын өршітуі мүмкін. Интерлейкин-2. Құрамында йоды бар контрастылы заттарды енгізуден 2 аптадан азырақ бұрын интерлейкин-2 қабылдаған пациенттерде кейіннен туындайтын реакциялардың (тұмау тәріздес симптомдар немесе тері реакциялары) даму қаупі жоғары болады. Бета-блокаторлар. Бета-блокаторларды қолдану рентгенконтрастылы ортаға анафилактоидтық реакциялардың туындауына қауіп факторы болып табылатынына дәлелдемелер бар (бета-блокаторлармен емдегенде және рентгенконтрастылы ортаны пайдаланғанда ауыр гипотензия байқалды).

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Жарықтан және екіншілік рентген сәулесінен қорғалған жерде, 25ºС-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!