Визаллергол капли 0.2 %

1 мл препараттың құрамында белсенді зат- 2,22 мг олопатадин гидрохлориді (2 мг олопатадинге баламалы), қосымша заттар: бензалконий хлориді, повидон К-29/32, сусыз натрий гидрофосфаты, натрий хлориді, дисодий эдетаты, натрий гидроксиді, хлорсутек қышқылы, инъекцияға арналған су. Сыртқы түрінің, иісінің, дәмінің сипаттамасы Түссізден сары түске дейінгі мөлдір ерітінді.

- аллергиялық конъюнктивитте көз қышынуын басу үшін.

Әсер ету механизмі Олопатадин фармакологиялық әсерлері бірнеше түрлі әсер ету механизмдері арқылы дамитын күшті селективті аллергияға қарсы / антигистаминдік препарат болып табылады. Бұл гистаминнің антагонисті (адамдағы аллергиялық реакциялардың негізгі медиаторы) және конъюнктиваның эпителий жасушаларында гистамин тудырған қабыну цитокиндерінің босап шығуын болдырмайды. In vitro зерттеулерінің нәтижелері бойынша конъюнктиваның ірі жасушаларымен қабынуға қарсы медиаторлардың босап шығуын тежеу болжанады. Мұрын-көзжасы өту жолы ашық пациенттерде олопатадинді конъюнктивалық қапшыққа инстилляция түрінде жергілікті қолдану маусымдық аллергиялық конъюнктивитпен жиі қатар жүретін мұрын тарапынан симптомдардың айқындылығын азайтуға мүмкіндік берді. Олопатадин қарашықтың диаметріне клиникалық маңызды әсер етпейді. Аллергияға қарсы әсер етеді, гистаминдік H1-рецепторлардың селективті тежегіші болып табылады, сондай-ақ ірі жасушалардан қабыну медиаторларының босап шығуын тежейді. α-адренергиялық, допаминдік, 1 және 2 типті мускариндік, сондай-ақ серотониндік рецепторларға әсер етпейді. Ұзақтығы 12 аптаға дейінгі клиникалық зерттеулер нәтижелері 0,2% олопатадин гидрохлоридінің офтальмологиялық ерітіндісі күніне бір рет қолданғанда аллергиялық конъюнктивитте көздің қышуын емдеу үшін тиімді екенін көрсетті.

Дозалану режимі Ересектер Визаллергол дәрілік препаратын зақымданған көзге (көздерге) күніне 1 рет 1 тамшыдан тамызады. Емдеу курсының ұзақтығы, қажет болған жағдайда 4 айға дейін созылуы мүмкін. Балалар Визаллергол препаратын 8 жастан асқан балаларда ересектердегідей бірдей дозада қолдануға болады Енгізу әдісі және жолы Көзге жергілікті қолдануға арналған Препараттың микробтық контаминациясын болдырмау үшін құтының ұшын қабаққа, көз маңы аумағының терісіне және басқа беткейлерге тигізбеу керек. Препаратты қолданғаннан кейін қақпақты тығыз жабу керек. Қабылдау уақытының көрсетілуімен қолдану жиілігі Күніне 1 рет Емдеу ұзақтығы Емдеу курсының ұзақтығы, қажет болған жағдайда 4 айға дейін созылуы мүмкін. Дәрілік препараттың бір немесе бірнеше дозасын өткізіп алу кезіндегі қажетті шаралар Егер бір дозаны өткізіп алсаңыз, онда емдеуді келесі дозаны әдеттегідей енгізе отырып одан әрі жалғастыру керек.

- препараттың компоненттеріне аса жоғары сезімталдық - 8 жасқа дейінгі балалар - жүктілік және бала емізу кезеңі.

Жағымсыз құбылыстардың кездесу жиілігінің градациясы: өте жиі (>1/10), жиі (>1/100-ден <1/10 дейін), жиі емес (>1/1,000-ден <1/100 дейін), сирек (>1/10,000-ден <1/1000 дейін), өте сирек (<1/10,000), жиілігі белгісіз (кездесу жиілігін қолда бар деректер негізінде анықтау мүмкін емес). Жиі - қатты қажығыштық - жанаспалы дерматит - терінің ашытып-күйдіру сезімі - терінің құрғауы - мұрынның құрғауы - көздің ауыруы - көздің тітіркенуі - «құрғақ» көз синдромы - көздегі әдеттен тыс сезімдер - бас ауыруы - дисгезия Жиі емес - ринит - мөлдір қабықтың эрозиясы - мөлдір қабық эпителиінің ақауы - нүктелі кератит - кератит - диагностикалық сынамалар жүргізу кезінде мөлдір қабық ақауы аймағында бояғыш пигменттің жинақталуы - көзден бөліністердің шығуы - көз қарығу - көрудің бұлыңғырлануы - көру өткірлігінің төмендеуі - блефароспазм - көздегі жайсыздық - көздің қышуы - конъюнктива фолликулезі - конъюнктива тарапынан бұзылулар - көзде бөгде денені сезіну - жас ағу - қабақ эритемасы - қабақтың ісінуі - конъюнктивалық инъекция - қабақ тарапынан бұзылулар - бас айналу - гипестезия Жиілігі белгісіз: - астения - өзін жайсыз сезіну - дерматит - эритема - жүрек айнуы - құсу - диспноэ - синусит - мөлдір қабықтың ісінуі - конъюнктиваның ісіну - конъюнктивит - мидриаз - көру функциясының бұзылуы - қабақтың шеттеріндегі қыртыстар - ұйқышылдық - аса жоғары сезімталдық - беттің ісінуі Өте сирек жағдайларда құрамында фосфаты бар тамшыларды мөлдір қабықтың қатарлас елеулі зақымдануы бар пациенттерде қолданғанда мөлдір қабықтың кальцификациясы дамыды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары:жергілікті қолданғанда артық дозалану ықтималдығы аз. Емі: көзге препараттың артық мөлшері тигенде көзді мол мөлшердегі жылы сумен шаю керек.

Бұл препарат тек жергілікті офтальмологиялық қолдануға арналған. Бұл препарат инъекциялық немесе пероральді қолдануға арналмаған. Арнайы сақтандырулар Олопатадин гидрохлориді офтальмологияда жергілікті қолдануға арналған аллергияға қарсы/антигистаминді препарат және жергілікті қолданылуына қарамастан жүйелі қан ағымына сіңуі мүмкін. Аса жоғары сезімталдықтың айқын реакциялары пайда болғанда препаратты қолдануды тоқтату керек. Визаллерголды жанаспалы линзаларды қолданудан туындаған конъюнктивалық инъекцияны басу үшін қолдануға болмайды. Препарат құрамында бензалконий хлориді бар, ол жұмсақ жанаспалы линзалармен сіңірілуі және көздің тітіркенуін туындатуы мүмкін. Инстилляция алдында жанаспалы линзаларды алып тастау керек және препаратты тамызғаннан кейін 15 минуттан соң ғана қайтадан салуға болады. Офтальмологиялық өнімде консервант ретінде кеңінен қолданылатын бензалконий хлориді бірқатар зерттеулерге сәйкес нүктелік кератопатияға және / немесе уытты ойық жаралы кератопатияға себепкер болып табылады. Препарат құрамында бензалконий хлориді болғандықтан, жиі немесе ұзақ пайдаланғанда құрғақ көз синдромы бар пациенттердің, сондай-ақ мөлдір қабығы зақымдалған пациенттердің көзінің жай-күйіне мұқият мониторинг жүргізу қажет. Бүйрек және бауыр патологиясы бар пациенттерде, сондай-ақ егде жастағы адамдарда препарат дозасын түзету қажет емес. Педиатрияда қолдану Визаллергол препаратын 8 жастан асқан балаларда ересектердегідей дозаларда қолдануға болады. Олопатадинді 8 жасқа дейінгі балаларда қолданудың тиімділігі мен қауіпсіздігі расталмаған.

Препаратты жүктілік және лактация кезінде қолдану бойынша жеткілікті тәжірибе жоқ Жүктілік Олопатадинді жүктілік кезінде және бала туатын жастағы, контрацепция құралдарын пайдаланып жүрмеген әйелдерге қолдану ұсынылмайды. Лактация Жаңа туған нәрестелер мен емшектегі балалар үшін қауіптілігін жоққа шығаруға болмайды. Визаллергол дәрілік препаратын емшек емізу кезінде қолдану ұсынылмайды Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері Визаллергол көлік құралдарын, механизмдерді басқару мүмкіндігіне елеулі әсер етпейді. Егер тікелей инстилляциядан кейін көрудің бұлыңғырлығы байқалса, көру анықтығы қалпына келгенге дейін көлік құралдары мен механизмдерді басқарудан бас тарту қажет.

Олопатадиннің басқа дәрілік заттармен өзара әрекеттесуі бойынша зерттеу жүргізілген жоқ. Қажет болған жағдайда офтальмологияда жергілікті қолдануға арналған басқа дәрілік препараттармен біріктірілімде қолданылуы мүмкін. Бұл жағдайда оларды қолдану арасындағы аралық кемінде 5 минутты құрауы тиіс.

Сақтау мерзімі 2 жыл Құтыны ашқаннан кейінгі қолданылу кезеңі 28 күн. Жарамдылық мерзімі өткеннен кейін қолдануға болмайды! Сақтау шарттары 2°C-ден - 25°C-ге дейінгі температурада сақтау керек. Мұздатып қатыруға болмайды. Балалардың қолы жетпейтін жерде сақтау керек!