Визарсин® Ку-таб® таблетки 50 мг

Бір таблетканың құрамында белсенді зат – 50 мг силденафил қосымша заттар: гидроксипропилцеллюлоза, маннитол (Е421), аспартам (Е951), неогесперидин дигидрохалкон, масақты жалбыз хош иістендіргіші, бұрыш жалбыз хош иістендіргіші, кросповидон, кальций силикаты, магний стеараты Сыртқы түрінің, иісінің, дәмінің сипаттамасы Дөңгелек пішінді, ақ немесе ақ дерлік түсті, екі жақ беті сәл дөңес және қою түсті дақтары болуы мүмкін таблеткалар.

Қанағаттанарлық жыныстық қатынасқа жету үшін жыныс мүшесін эрекцияға жеткізу және сақтауда қабілетсіздік білдіретін ересек еркектерде эректильді функцияның бұзылуын емдеу үшін. Визарсин® Ку-таб® препаратының әсерін туындату үшін сексуалды стимуляция қажет.

Әсер ету механизмі Визарсин Ку-таб эректильді дисфункцияны пероральді емдеуге арналған. Табиғи жағдайларда, яғни сексуалдық стимуляция бар кезде, бұзылған эректильді функцияны жыныс мүшесіне келетін қан ағысын күшейтудің есебінен қалпына келтіреді. Жыныс мүшесі эрекциясының негізіндегі физиологиялық үдеріске сексуалдық стимулдардың әсерінен кавернозды денеде азот тотығының босап шығарылуы кіреді. Азот тотығы (NO) гуанилатциклаза ферментін белсенді етеді және циклдік гуанозин монофосфат (цГМФ) мөлшерін арттырады, бұлар кавернозды дененің тегіс бұлшықеттерін босаңсытады және оның қанмен толуына мүмкіндік береді. Визарсин Ку-таб – кавернозды денедегі 5-ші типті спецификалық фосфодиэстераза (ФДЭ5) - циклогуанозинмонофосфаттың (цГМФ) селективті тежегіші, онда ФДЭ5 цГМФ-тің ыдырауына жауап береді. Визарсин Ку-таб эрекцияға шеткері ықпал береді. Визарсин Ку-таб препаратының адамның оқшауланған кавернозды денесін тікелей босаңсытатын әсері жоқ, бірақ осы тінде NO босаңсытатын әсерін күшейтеді. Сексуалды стимулдардың әсерінен NO/цГМФ байланысы белсенділенгенде, ФДЭ5-тің силденафилмен басылуы кавернозды денеде цГМФ-тің жоғарылауына әкеледі. Осылайша, силденафилдің қажетті фармакологиялық әсерін туындату үшін сексуалдық стимуляция қажет. Фармакодинамикалық әсерлері In vitro зерттеулері силденафил эрекцияның даму үдерісіне қатысатын ФДЭ-5 қатысты селективті екенін көрсетті. ФДЭ-5 қатысты оның белсенділігі басқа белгілі фосфодиэстераза изоферменттеріне қатысты белсенділіктен асып түседі. Силденафил көздің торқабығындағы фотоберіліс үдерісіне қатысатын ФДЭ-6-ға қатысты 10 есе аз селективті. Силденафилдің ең жоғары ұсынылатын дозаларында ФДЭ-1 -ге қатысты 80 есе аз және ФДЭ-2, ФДЭ-3, ФДЭ-4, ФДЭ-7, ФДЭ-8, ФДЭ-9, ФДЭ-10 және ФДЭ-11-ге қатысты 700 есе және одан да көп селективті. Силденафил ФДЭ-3-пен салыстырғанда ФДЭ-5-ке қатысты шамамен 4000 есе көп селективті, бұл маңызды мәнге ие, өйткені ФДЭ-3 миокард жиырылуының реттелуіне қатысады. Клиникалық тиімділігі және қауіпсіздігі Силденафил жыныстық стимуляцияға жауап ретінде эрекцияны тудыруы мүмкін дозаны енгізгеннен кейін уақыт аралығын бағалау мақсатында екі клиникалық зерттеу жүргізілді. Аш қарынға пациенттерде жыныс мүшесінің (RigiScan) плетизмографиясын жүргізу кезінде зерттеуде эрекцияның орташа уақыты 60%-ға жетті (жыныстық қатынас үшін жеткілікті), силденафил үшін 25 минутты (ауқымы 12-37 минут) құрады. RigiScan жеке зерттеуінде силденафил дозаны енгізгеннен кейін 4-5 сағаттан кейін жыныстық стимуляцияға жауап ретінде эрекцияны тудыруы мүмкін. Силденафил көп жағдайда клиникалық маңызды емес болып табылатын артериялық қысымның орташа және қысқа мерзімді төмендеуін тудырады. Силденафилді 100 мг дозада қабылдағаннан кейін "жатқан" қалыпта систолалық артериялық қысымның барынша төмендеуі 8,4 мм сн.бағ. құрады. Диастолалық артериялық қысымның "жатқан" қалыпта тиісті өзгеруі 5.5 мм сн.бағ. құрады. Артериялық қысымның төмендеуі, мүмкін бұл қан тамырларының тегіс бұлшықеттерінде цГМФ деңгейінің көтерілу салдарынан, тамыр кеңейтетін силденафил әсеріне сәйкес келеді. Дені сау еріктілерде силденафилдің 100 мг дейінгі бір реттік пероральді дозасын қолдану ЭКГ-ға клиникалық тұрғыдан елеулі әсер етпейді. Силденафилдің гемодинамикалық әсерін зерттеуде жүректің ауыр ишемиялық ауруы (ЖИА) бар 14 емделушіде 100 мг бір реттік дозасын қабылдағанда (кемінде бір коронарлық артерияның тарылуы бар пациенттердің 70%-дан астамы), тыныштық күйінде СКҚ және ДКҚ тиісінше 7% және 6%-ға кеміді. Ал өкпе систолалық қысымы 9%-ға төмендеді. Силденафил жүрек шығарылымына әсер етпеді және тарылған коронарлық артериялардағы қанағымын бұзбады. Салыстырмалы жасырын плацебо-бақыланатын зерттеуде эректильді дисфункциясы және тұрақты стенокардиясы бар, жүрек қыспасына қарсы препараттарды (нитраттардан басқа) қабылдап жүрген, физикалық жаттығуларды орындаған 144 пациент бағаланды. Нәтижелер силденафил мен плацебоны қолданған кезде стенокардия ұстамаларының туындау уақыты арасындағы клиникалық маңызды айырмашылықтарды көрсеткен жоқ. Кейбір пациенттерде препаратты 100 мг дозада қабылдағаннан кейін 60 минуттан соң Фарнсворт-Мунсельдің 100–реңктік тестін жүргізген кезде түстерді (көк/жасыл) ажырату қабілетіне жеңіл және уақытша айырмашылықтар анықталды, бұл ретте барлық әсерлер препаратты қабылдаудан кейін 120 минуттан соң толық жойылды. Түстерді ажыратудағы осы өзгерістің болжамды механизмі көздің торқабығындағы реакциялардың фототүрлендіргіштік каскадына қатысатын ФДЭ-6 тежелуімен байланысты. Силденафил көздің көргіштігіне немесе контрастылықты қабылдауға әсер етпейді. Плацебо-бақыланатын шағын зерттеуде жас шамасына байланысты бастапқы макула дегенерациясы бар пациенттерде бір реттік 100 мг дозадағы силденафил көрудің арнайы тестілер (көру өткірлігі, Амслер торы, түстердің дискриминациясы, бағдаршам имитациясы, Хэмфри периметриясы және фотостресс) бойынша бағаланатын, клиникалық тұрғыдан маңызды өзгерістерін тудырмайтыны байқалған. Силденафилді 100 мг дозада бір рет қабылдау дені сау еріктілердегі сперматозоидтарының қозғалуына немесе морфологиясына әсер етпеді (4.6 бөлімін қараңыз). Клиникалық зерттеулер туралы қосымша ақпарат Клиникалық зерттеулерде 19-87 жас аралығындағы 8000-нан астам пациент силденафилді қабылдаған. Пациенттердің келесі топтары ұсынылды: егде жастағы (19,9%), артериялық гипертензиясы (30,9%), қант диабеті (20,3%), жүректің ишемиялық ауруы (5,8%), гиперлипидемиясы (19,8%), жұлынның зақымдануы (0,6%), депрессиясы (5,2%), простатаның трансуретральді резекциясы (3,7%), қосалқы простатэктомиясы (3,3%) бар пациенттер. Келесі топтар пациенттердің жеткіліксіз санын қамтыды немесе жақында жамбас ағзаларына ота жасаған пациенттер, сәулелік терапиядан кейінгі пациенттер, бүйрек немесе бауырдың ауыр жеткіліксіздігі бар пациенттер және кейбір жүрек-қантамыр аурулары бар пациенттер клиникалық зерттеулерден алынып тасталды (4.3 бөлімін қараңыз). Силденафилдің белгіленген дозаларын зерттеу бойынша зерттеулерде эрекцияның жақсаруын белгілеген ерлердің үлесі плацебо тобындағы 25%-бен салыстырғанда 62% (25 мг), 74% (50 мг) және 82% (100 мг) құрады. Пациенттердің 62 % (25 мг дозада), 74 % (50 мг дозада) және 82 % (100 мг дозада) препараттың белгіленген дозасын зерттеу жөніндегі зерттеулерде плацебо тобындағы 25%-бен салыстырғанда емдеу салдарынан эректильді функцияның жақсарғаны туралы хабарлады. Бұл ретте силденафилді тоқтату жиілігі плацебо тобындағы осындайдан төмен және салыстырымды болды. Барлық зерттеулерде силденафилді қолданғаннан кейін эрекцияның жақсарғанын атап өткен пациенттердің үлесі келесідей болды: психогенді эректильді дисфункция (84 %), аралас эректильді дисфункция (77 %), органикалық эректильді дисфункция (68 %), егде жастағы пациенттер (67 %), қант диабеті (59 %), ЖИА (69 %), артериялық гипертензия (68 %), қуықасты безінің трансуретральді резекциясы (61 %), қосалқы простатэктомиясы (43 %), жұлынның зақымдануы (83 %), депрессия (75 %). Силденафилдің қауіпсіздігі мен тиімділігі ұзақмерзімді зерттеулер барысында расталды.

Дозалау режимі Ересектерге қолданылуы Қажет болғанда, жыныстық белсенділіктен бір сағат бұрын қабылданатын ұсынылатын доза 50 мг құрайды. Тиімділігіне және жағымдылығына байланысты, дозаны 100 мг-ге дейін арттыруға немесе 25 мг-ге дейін төмендетуге болады. Ең жоғары ұсынылатын доза 100 мг құрайды. Дозаны 100 мг-ға дейін арттыруды қажет ететін пациенттерде күніне 50 мг-дық екі таблеткадан қабылдау керек. Препаратты қабылдаудың ең жоғары тиісті жиілігі – тәулігіне бір ретті құрайды. Визарсин® Ку-таб® препаратын тамақпен бірге қабылдағанда, препараттың әсері аш қарынға қабылдаған кездегіден кештеу дамуы мүмкін. Пациенттердің ерекше топтары Балалар Визарсин® Ку-таб® препаратын 18 жасқа жетпеген жасөспірімдерге қолдану қарсы көрсетілімде. Егде жастағыларға қолданылуы Егде жастағы пациенттерде (жасы ≥ 65 жас) дозаны түзету қажет емес. Бауыр функциясы бұзылған пациенттерде Бауырдың жеткіліксіздігі бар (мысалы, циррозы бар) пациенттерде силденафил клиренсі төмендегендіктен, препаратты қолдануды 25 мг дозадан бастау керек. Препараттың тиімділігіне және жағымдылығына байланысты, қажет болғанда дозаны 50 мг-ге немесе 100 мг-ге дейін сатылап арттыруға болады. Бүйрек функциясы бұзылған пациенттерде "Ересектерде қолданылуы" тармағында көрсетілген дозалау жөніндегі ұсынымдар бүйрек функциясының жеңіл немесе орташа зақымданулары бар (креатинин клиренсі = 30-80 мл/мин) пациенттерде қолданылады. Бүйректің ауыр жеткіліксіздігі бар (креатинин клиренсі <30 мл/мин) пациенттерде силденафилдің клиренсі аз болатындықтан, препаратты қолдануды 25 мг дозада бастау керек. Препараттың тиімділігіне және жағымдылығына байланысты, қажет болғанда дозаны 50 мг-ге немесе 100 мг-ге дейін сатылап арттыруға болады. Басқа дәрілік препараттарды қабылдап жүрген пациенттерге қолданылуы Силденафилмен бір мезгілде қолдануға ұсынылмайтын ритонавирді қоспағанда («Қолдану кезіндегі қажетті сақтық шаралары» бөлімін қараңыз), CYP3A4 тежегіштерін бір мезгілде қабылдап жүрген пациенттерге препаратты 25 мг дозадан бастау ұсынылады («Басқа дәрілік препараттармен өзара әрекеттесулері» бөлімін қараңыз). Постуральді гипотензияның пайда болу ықтималдығын азайту үшін, силденафилді қабылдар алдында альфа-блокаторлармен ем алатын пациенттерге альфа-блокаторлармен емде тұрақты жағдайға қол жеткізу қажет. Бұдан басқа силденафил қолдануды 25 мг дозадан бастау керек («Қолдану кезіндегі қажетті сақтық шаралары» және «Басқа дәрілік препараттармен өзара әрекеттесулері» бөлімдерін қараңыз). Енгізу әдісі және жолы Ішке қабылдауға арналған. Соруға арналған таблетканы тілдің үстіне ауызға салған жөн, онда ол сілекейдің әсерінен тез ыдырайды, жұтуға оңай болады. Оны сұйықтықпен немесе онсыз да қабылдауға болады. Соруға арналған таблетканы ауыздан алып тастау қиын. Соруға арналған таблеткалар сынғыш болғандықтан, оларды блистерді ашқан бойда бірден қабылдаған жөн. 100 мг дозаны құрайтын екінші 50 мг таблетканы қабылдау керек пациенттер екінші таблетканы бірінші таблетка толығымен сорылып болғаннан кейін қабылдау керек. Соруға арналған Визарсин® Ку-таб® таблеткаларын, үлбірлі қабықпен қапталған таблетканы жұтуда қиналатын пациенттерге, үлбірлі қабықпен қапталған таблеткаларға балама ретінде пайдалануға болады. Препаратты майлы тағаммен бірге қолданғанда, оның әсері аш қарынға қолданғаннан гөрі кешірек пайда болуы мүмкін. Соруға арналған таблеткаларды аш қарынға қолдану ұсынылады.

- белсенді затына немесе "Қосымша ақпарат" бөлімінде көрсетілген қосымша заттардың кез келгеніне аса жоғары сезімталдық - азот тотығының донаторлары (амилнитрит) болып табылатын препараттарды немесе кез келген түрдегі нитраттарды бір мезгілде қабылдау, өйткені силденафил NO/цГМФ жүйесіне әсерін тигізеді және нитраттардың қысымды төмендетін әсерін күшейтеді. - симптоматикалық гипотензияның даму қаупіне байланысты ФДЭ5 тежегіштерін, силденафилді қоса алғанда, гуанилатциклаза стимуляторларымен (риоцигуат) бір мезгілде қабылдау («Басқа дәрілік препараттармен өзара әрекеттесулері» бөлімін қараңыз). - силденафилді қоса алғанда, эректильді дисфункцияны емдеуге арналған препараттарды қолдану, жыныстық белсенділікке қарсы көрсетілімдері бар ерлерге (мысалы, тұрақсыз стенокардия немесе ауыр жүрек жеткіліксіздігі сияқты ауыр жүрек-қантамыр ауруларымен ауыратын пациенттерге) ұсынылмайды. - көру жүйкесінің алдыңғы ишемиялық жүйкелік дерттері салдарынан бір көзге көрудің жоғалуы, бұл эпизод ФДЭ5 тежегішін алдыңғы қолданумен байланысты болды ма, болмады ма, қарамастан («Қолдану кезіндегі қажетті сақтық шаралары» бөлімін қараңыз) - ауыр бауыр жеткіліксіздігі бар, артериялық гипотензия (артериялық қысым <90/50 мм сын.бағ.), жақында инсульт алған немесе миокард инфарктісімен ауырған, көз торының дақты дистрофиясы (бұл пациенттердің аздаған санында көз торының фосфодиэстеразасының генетикалық бұзылуы бар) сияқты көз торының тұқым қуалайтын дегенерациялық зақымданулары диагнозы қойылған пациенттер, себебі силденафилді пациенттердің осы топтарында қолдану қауіпсіздігі зерттелмеген. Тіркелген көрсетілімдер бойынша препарат 18 жасқа дейінгі балалар мен жасөспірімдерде және әйелдерде қолдануға арналмаған.

Қауіпсіздік бейініне шолу Силденафилдің қауіпсіздік бейіні 9570 пациентті қамтитын 74 салыстырмалы жасырын плацебо-бақыланатын клиникалық зерттеулердің деректеріне негізделген. Клиникалық зерттеулерде жиі кездесетін жағымсыз реакциялар бас ауыруы, ысынулар, диспепсия, мұрынның бітелуі, бас айналуы, жүрек айнуы, қан кернеулері, көрудің бұзылуы, цианопсия және көрудің анық болмауы болды. Тіркеуден кейінгі кезеңде жағымсыз реакциялар шамамен 10 жыл бойы жиналды. Тіркеу куәлігінің ұстаушысына барлық жағымсыз реакциялар туралы хабарланбағандықтан және қауіпсіздік деректер базасына енгізілмегендіктен, кейбір реакциялардың пайда болу жиілігін дәл анықтау мүмкін емес. Жағымсыз реакциялар жиілігінің сандық критериийлері және жүйелік-ағзалық жіктеуіне және олардың туындау жиілігіне сәйкес жағымсыз реакциялардың жіктелуі (Жағымсыз реакциялардың жиілігі төменде мынадай жіктеуді пайдалана отырып келтірілген: өте жиі (≥1/10), жиі (≥1/100-ден <1/10-ға дейін), жиі емес (≥1/1000-ден <1/100-ге дейін), сирек (≥1/10000-ден <1/1000-ге дейін), өте сирек (<1/10000), белгісіз (қол жетімді деректерден бағалау мүмкін емес) Өте жиі - бас ауыру Жиі • бас айналуы - түстерді көріп ажыратудың бұрмаланулары (хлоропсия, хроматопсия, цианопсия, эритропсия, ксантопсия), көрудің бұзылуы, анық көрмеу • беттің қызаруы, қан тебулер • мұрынның бітелуі • жүрек айнуы, диспепсия Жиі емес • ринит • аса жоғары сезімталдық - ұйқышылдық, гипестезия -көз жасы бөлінуінің бұзылулары (көздің құрғауы, көзден жас парлау),көздің ауыруы, көздің қарығуы, фотопсия, көз гиперемиясы, конъюнктивит - вертиго, құлақтағы шуыл • тахикардия, жүрек соғуының жиілеуі • артериялық гипертензия, артериялық гипотензия • мұрыннан қан кету, мұрын қойнауларының бітелуін сезіну • гастроэзофагеальді рефлюкс ауруы, құсу, іштің үстіңгі бөлігінің ауыруы, ауыздың құрғауы • тері бөртпесі • миалгия, аяқ-қолдардың ауыруы • гематурия • кеуде қуысының ауыруы, қатты қажу, ысыну сезімі • жүректің жиырылу жиілігінің артуы Сирек • ми қанайналымының бұзылуы, транзиторлық ишемиялық шабуыл, құрысу ұстамалары*, құрысу ұстамаларының қайталанулары*, естен тану -көру жүйкесінің алдыңғы артерииттік емес нейропатиясы (NAION)*, торқабық қантамырларының окклюзиясы, көздің торқабығына қан құйылу, атеросклероздық ретинопатия, торқабықтың зақымдануы, глаукома, көру аумағының тарылуы, диплопия, көру өткірлігінің төмендеуі, миопия, астенопия (көздің шаршауы), шыны тәрізді дененің бұлыңғырлануы, нұрлы қабықтың зақымдануы, мидриаз, көру аумағында нұрлы дөңгелектер болуы (гало-әсер), көздің домбығуы немесе ісінуі, көрудің бұзылуы, конъюнктива гиперемиясы, көздің тітіркенуі, көздегі әдеттен тыс сезінулер, қабақтардың ісінуі, аққабық түсінің өзгеруі • кереңдік -жүректен болатын кенеттен өлім*, миокард инфарктісі, қарынша аритмиясы*, жыпылықтағыш аритмия, тұрақсыз стенокардия • тамақтың қысылу сезімі, мұрынның ісінуі, мұрынның шырышты қабығының құрғауы • ауыз қуысының шырышты қабығының гипестезиясы • Стивенс - Джонсон синдромы*, уытты эпидермалдық некролиз* • жыныс мүшесінен қан кету, приапизм*, гематоспермия, эрекцияның күшеюі • ашушаңдық *тіркеуден кейінгі бақылау уақытында ғана тіркелген жағымсыз әсерлер. Жағымсыз дәрілік реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Дені сау еріктілердің қатысуымен 800 мг дейін препараттың бір реттік дозасын қабылдау кезінде зерттеулерде тіркелген жағымсыз реакциялар, препараттың неғұрлым төмен дозаларын қолдану кезінде байқалғандарға ұқсас болды, бірақ олардың жиілігі мен пайда болу ауырлығы ұлғайған. Силденафилді 200 мг дозада қабылдау тиімділіктің артуына әкеп соқпады, алайда жағымсыз реакциялардың жиілігі (бас ауыруы, «құйылу» сезімі, бас айналуы, диспепсия, мұрынның бітелуі, көрудің бұзылуы) ұлғайған. Емі: симптоматикалық. Артық дозаланған жағдайда, қажеттілігіне қарай демеуші емнің стандартты шараларын қабылдау керек. Диализ силденафилдің клиренсін жеделдетпейді деп күтіледі, өйткені соңғысы қан плазмасы ақуыздарымен белсенді түрде байланысады және несеппен бірге шығарылмайды.

Фармакологиялық емді бастар алдында анамнез жинақтау және эректильді дисфункциясың диагностикасы және негізгі ықтимал себептерін анықтау үшін медициналық тексеру жүргізу керек. Жүрек-қантамырлық қауіп факторлары Эректильді дисфункцияның кез келген емін бастар алдында, дәрігерлер өз пациенттерінің жүрек-қантамырлық жағдайын ескеруі тиіс, өйткені сексуалдық белсенділікпен байланысты жүрек-қантамырлық асқынулардың белгілі бір қаупі бар. Силденафил артериялық қысымның елеусіз және өтпелі төмендеуіне алып келетін, қантамырларды кеңейтетін қасиеттерге ие. Силденафилді тағайындар алдында дәрігерлер, тамырды кеңейтетін әсерлері, әсіресе сексуалдық белсенділікпен біріккенде, белгілі бір қатарлас аурулары бар пациенттерге теріс әсер етуі-етпеуі мүмкіндігін мұқият саралауы тиіс. Вазодилататорларға сезімталдығы жоғары пациенттерге, сол жақ қарыншадан шығатын жолдың обструкциясы (мысалы қолқа стенозы, гипертрофиялық обструкциялық кардиомиопатиясы) бар пациенттер немесе сирек кездесетін, артериялық қысымның вегетативті бақылануының ауыр бұзылуымен білінетін көптеген жүйелік атрофиясы синдромы бар пациенттер жатады. Силденафил нитраттардың гипотензиялық әсерін күшейтеді («Қолдануға болмайтын жағдайлар» бөлімін қараңыз). Тіркеуден кейінгі кезеңде силденафилді уақытша пайдалануға байланысты миокард инфарктісі, тұрақсыз стенокардия, жүректен болған кенеттен өлім, қарыншалық аритмиялар, цереброваскулярлы қан құйылулар, транзиторлық ишемиялық шабуылдар, артериялық гипертензия мен гипотензияны қоса уақыты жағынан силденафилді пайдаланумен байланысты жүрек-қантамырлық ауыр асқынулар жағдайлары тіркелді. Осы пациенттердің барлығында емес, бірақ көпшілігінде, жүрек-қантамыр ауруларына ізашар қауіп факторлары болды. Ондай құбылыстардың көбісі жыныстық қатынас кезінде, немесе ол аяқталғаннан кейін көп ұзамай тіркелген, сондай-ақ, бірнеше құбылыс сексуалдық белсенділіксіз, силденафилді қабылданғаннан кейін көп ұзамай тіркелген. Ол құбылыстардың аталған факторлармен немесе басқа факторлармен тікелей байланысты-байланыссыз екендігін анықтау мүмкін емес. Приапизм Эректильді дисфункцияны емдеуге арналған препараттарды, силденафилді қоса, жыныс мүшесінің анатомиялық деформациясы (ангуляция, кавернозды фиброз немесе Пейрони ауруы сияқты) бар пациенттерде немесе приапизм дамуына бейімдейтін аурулары (орақ жасушалы анемия, көптеген миелома немесе лейкемия) бар пациенттерде сақтықпен қолдану керек. Тіркеуден кейінгі кезең барысында силденафилді қолданғанда ұзаққа созылған эрекциялар мен приапизм тіркелген. 4 сағаттан артық сақталатын эрекция туындаған жағдайда пациент дереу медициналық көмекке жүгінуі тиіс. Егер приапизмді дереу емдемесе, ол жыныс мүшесі тіндерінің зақымдануына және потенцияның қайтымсыз жоғалуына алып келуі мүмкін. ФДЭ5 басқа тежегіштерімен немесе эректильді дисфункцияны емдеуге арналған басқа препараттармен бір мезгілде қолданылуы Силденафилдің ФДЭ5 басқа тежегіштерімен немесе құрамында силденафил бар өкпе артериялық гипертензиясын (ӨАГ) емдеуге арналған препараттармен немесе эректильді дисфункцияны емдеуге арналған басқа препараттармен біріктірілімінің қауіпсіздігі мен тиімділігі зерттелмеген. Сондықтан мұндай біріктірілімдерді пайдалануға болмайды. Көруге әсері Силденафилді және ФДЭ5 басқа тежегіштерін қабылдауға байланысты көрудің бұзылулары жағдайлары туралы өздігінен түскен хабарлар болған («Дәрілік препараттың стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар» бөлімін қараңыз). Силденафилді және ФДЭ5 басқа тежегіштерін қабылдаумен байланысты сирек кездесетін ауру, көру жүйкесінің артериялық емес алдыңғы ишемиялық нейропатиясы дамыған тосын жағдайлар туралы мәлімделді («Дәрілік препараттың стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар» бөлімін қараңыз). Пациенттерге кенеттен көру бұзылуы болған жағдайда Визарсин® Ку-таб® препаратын қабылдауды тоқтатуға және дәрігерге дереу қаралуға кеңес берген жөн («Қолдануға болмайтын жағдайлар» бөлімін қараңыз). Ритонавирмен бір мезгілде қолдану Силденафилді және ритонавирмен бір мезгілде қабылдауға болмайды («Басқа дәрілік препараттармен өзара әрекеттесулері» бөлімін қараңыз). Альфа- адреноблокаторлармен бір мезгілде қолданылуы Силденафилді альфа-адреноблокаторлармен бір мезгілде сақтықпен қабылдау ұсынылады, өйткені бір мезгілде қолдану сезімталдығы жоғары адамдарда симптоматикалық гипотензияға әкелуі мүмкін («Басқа дәрілік препараттармен өзара әрекеттесулері» бөлімін қараңыз). Бұл силденафилді қабылдағаннан кейін 4 сағат ішінде орын алуы анағұрлым ықтимал. Постуральді гипотензияның даму мүмкіндігін барынша азайту үшін, пациенттер силденафилмен емдеуді бастағанға дейін альфа-блокаторлармен емдеуге гемодинамикалық тұрғыдан тұрақты болуы тиіс. Емдеуді 25 мг дозадан бастау керек («Дозалау режимі» бөлімін қараңыз). Бұдан өзге, дәрігерлер пациенттерге постуральді гипотензия симптомдары дамыған жағдайдағы әрекеттер туралы кеңес беруі тиіс. Қан кетуге әсері Адамның тромбоциттерін in vitro зерттеулер, силденафил натрий нитропруссидінің антиагрегациялық әсерін күшейтетіндігін көрсетіп отыр. Препаратты қанның ұйығыштығы бұзылған немесе белсенді пептидтік ойық жаралары бар пациенттер қабылдаған кездегі қауіпсіздігі жөнінде деректер жоқ. Сондықтан силденафилді ондай пациенттерде қаупі мен пайдасының дәрежесіне мұқият баға берілгеннен кейін қолдану керек. Әйелдер Визарсин® Ку-таб® әйелдерде қолдануға арналмаған. Арнайы ескертулер Қосымша заттар туралы айрықша нұсқаулар Аспартам фенилаланиннің қайнаркөзі болып табылады, ол фенилкетонуриясы бар пациенттерге зиянды әсер етуі мүмкін. Визарсин® Ку-таб® соруға арналған бір таблетканың құрамында 0,75 мг аспартам (E951) бар. Аспартам фенилаланиннің қайнаркөзі болып табылады. Оны қолдану фенилкетонуриясы, сирек генетикалық ауруы бар адамдарға зиян келтіруі мүмкін, бұл жағдайда организмнен шығарылуының бұзылуына байланысты фенилаланиннің жинақталуы байқалады. Педиатрияда қолдану 18 жасқа толмаған балалар мен жасөспірімдерге Визарсин® Ку-таб® қолдану қарсы көрсетілген. Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Препараттың көлік құралын немесе қауіптілігі зор механизмдерді басқару қабілетіне ықпалына зерттеу жүргізілген жоқ. Визарсин® Ку-таб® көлік құралын немесе қауіптілігі зор механизмдерді басқару қабілетіне болар-болмас әсер етеді. Клиникалық зерттеулерде силденафилді қолданғанда бас айналу жағдайлары және көру тарапынан бұзылулардың болатындығы мәлімделгендіктен, көлікті басқаруға отырмастан немесе механизмдермен жұмыс жасамас бұрын, пациенттердің препаратты қолдануға жекелей реакциясын анықтау қажет.

Визарсин® Ку-таб® препараты әйелдерде қолдануға арналмаған. Жүкті және бала емізетін әйелдерде тиісті қатаң бақыланатын зерттеулер жүргізілген жоқ. Егеуқұйрықтар мен үй қояндарының репродуктивтік функциясына әсерін зерттеулерде силденафилді пероральді енгізген кезде қандай-да бір қолайсыз әсері анықталған жоқ. Силденафилді 100 мг дозада бір рет қабылдау дені сау еріктілерде сперматозоидтардың қозғалуына немесе морфологиясына әсер етпеген.

In vitro зерттеулер Силденафилдің метаболизмі көбіне Р450 цитохромының (CYP) 3A4 изоформасы (негізгі жолы) және 2C9 изоформасының (қосалқы жолы) қатысуымен жүреді. Осы себепті бұл изоферменттердің тежегіштері силденафилдің клиренсін төмендетуі, ал индукторлары силденафилдің клиренсін арттыруы мүмкін. In vivo зерттеулер Клиникалық зерттеу нәтижелерінің популяцияға негізделген фармакокинетикалық талдауында силденафил мен CYP3A4 тежегіштерін (мысалы, кетоконазол, эритромицин, циметидин) бір мезгілде қолданғанда силденафилдің клиренсі төмендегені анықталды. Силденафилді және CYP 3A4 тежегіштерін бір мезгілде қолданғанда жағымсыз құбылыстар жиілігінің өсуі байқалмаса да, силденафилдің тиісті бастапқы дозасы 25 мг құрайды. АИТВ протеазасының тежегіші - ритонавирді (тәулігіне 2 рет 500 мг), Р450 өте күшті тежегішінің тепе-теңдік жағдайында және силденафилді (бір реттік 100 мг доза) бір мезгілде қолдану силденафилдің Cmax мәнінің 300%-ға (4 есе) жоғарылауына және силденафилдің плазмалық AUC мәнінің 1000%-ға (11 есе) жоғарылауына әкеледі. 24 сағаттан кейін қан плазмасындағы силденафилдің концентрациясы шамамен 200 нг / мл болды (бір силденафилді - 5 нг / мл тәулігіне бір рет қолданғаннан кейін). Бұл ритонавирдің Р450 цитохромы субстраттарының кең ауқымына әсер етуімен сәйкес келеді. Силденафил ритонавирдің фармакокинетикасына ықпалын тигізбейді. Осы фармакокинетикалық деректерді ескеріп, силденафил мен ритонавирді бір мезгілде қолдану ұсынылмайды және кез келген жағдайда силденафилдің ең жоғары дозасы ешқандай жағдайда 48 сағат бойы 25 мг-ден аспауы тиіс. АИТВ протеазасы тежегіші - саквинавирді (тәулігіне 3 рет 1200 мг) - CYP 3A4 тежегішінің тепе-теңдік жағдайында және силденафилді (бір реттік 100 мг) бір мезгілде қолдану силденафилдің Cmax мәнінің 140%-ға жоғарылауына және силденафилдің жүйелік экспозициясының (AUC) 210%-ға артуына әкелді. Саквинавирдің фармакокинетикасына силденафилдің ықпалы анықталған жоқ. Кетоконазол және итраконазол сияқты CYP 3A4 күштірек тежегіштерінің әсері өте айқын болуы мүмкін деп күтіледі. Силденафил (бір рет 100 мг) мен CYP 3A4 спецификалық тежегіші - эритромицинді тепе-тең жағдайда (5 күн бойы тәулігіне 2 рет 500 мг) қолданғанда силденафилдің AUC мәнінің 182%-ға жоғарылағаны байқалды. Дені сау ерікті ерлерде азитромициннің (3 тәулік бойы тәулігіне 500 мг) AUC, Cmax, Tmax мәндеріне, элиминация жылдамдығының константасына және кейіннен силденафилдің немесе оның негізгі айналымдағы метаболитінің T½ ықпалы анықталмаған жоқ. 800 мг доза циметидин (Р450 цитохромының тежегіші және CYP 3A4 өзіне тән емес тежегіші) 50 мг доза силденафилмен бір мезгілде қолданғанда силденафилдің плазмалық концентрациясын дені сау еріктілерде 56%-ға арттырады. Грейпфрут шырыны ішек қабырғасындағы CYP 3A4 әлсіз тежегіші болып табылады және силденафилдің плазмадағы деңгейінің орташа жоғарылауын тудыруы мүмкін. Антацидтік дәрілерді (магний гидроксиді/алюминий гидроксиді) бір рет қолдану силденафилдің биожетімділігіне ықпалын тигізбейді. Барлық дәрілік заттармен спецификалық өзара әрекеттесуге зерттеу жүргізілмесе де, популяциялық фармакокинетикалық талдама деректері бойынша, силденафилдің фармакокинетикасы оның CYP 2C9 тежегіштері (толбутамид, варфарин, фенитоин), CYP 2D6 тежегіштері (серотонинді кері қармайтын селективті тежегіштер, трициклдік антидепрессанттар), тиазидтік және тиазид тәрізді диуретиктер, ілмектік және калий жинақтаушы диуретиктер, ангиотензин өзгертуші фермент тежегіштері, кальций антагонистері, β-адренорецепторлардың антагонистері немесе CYP 450 метаболизмінің индукторлары (рифампицин, барбитураттар сияқты) тобындағы дәрілік заттармен бір мезгілде қолдағанда өзгерген жоқ. Дені сау еріктілердің қатысуымен жүргізілген зерттеулерде бозентанның эндотелинді рецепторларының антагонисінің (орташа изофермент индукторы CYP3A4, CYP2C9 және мүмкін, CYP2C19) тепе-тең концентрациясында (тәулігіне 125 мг 2 рет) және силденафилдің тепе-тең концентрациясында (тәулігіне 80 мг 3 рет) AUC және Cmax силденафилдің тиісінше 62,6% және 52,4%-ға төмендеуі байқалды. Силденафилді рифампицин сияқты CYP3A4 изоферментінің қуатты индукторларымен бір мезгілде қолдану, қан плазмасындағы силденафил концентрациясының үлкен төмендеуіне әкелуі мүмкін. Никорандил кальций өзекшелерінің және нитраттың белсенділендіргішінің гибриді болып табылады. Нитратты компоненттің болуы оның силденафилмен күрделі өзара әрекеттесуі мүмкін екендігін алдын ала анықтай алады. Силденафилдің басқа дәрілік препараттарға ықпалы In vitro зерттеулер Силденафил – P450 цитохромының 1A2, 2C9, 2C19, 2D6, 2E1 және 3А4 (ТК50 >150 мкмоль) изоформаларының әлсіз тежегіші. Силденафилдің Cmax мәні 1 мкмольге жақын болғандықтан, препараттың осы изоферменттер субстраттарының клиренсіне ықпалын тигізуінің ықтималдығы аз. Силденафилдің және теофиллин және дипиридамол сияқты ФДЭ-нің өзіне тән емес тежегіштерінің өзара әрекеттесуіне қатысты деректер жоқ. In vivo зерттеулер Силденафил NO / cGMP жүйесіне әсер етеді, силденафил нитраттардың гипотензиялық әсерін күшейтетіні анықталды, сондықтан оны азот тотығының донорларымен немесе нитраттардың кез келген түрімен бір мезгілде қолдануға болмайды («Қолдануға болмайтын жағдайлар» бөлімін қараңыз). Риоцигуат: клиникаға дейінгі зерттеулер ФДЭ-5 тежегіштері мен риоцигуатты үйлесімде қолданғанда жүйелік артериялық қысымға қосымша төмендететін әсер етті. Клиникалық зерттеулер барысында риоцигуат ФДЭ-5 тежегіштерінің гипотензиялық әсерінің күшейгенін көрсетті. Зерттеу тобындағы пациенттерде бұндай препараттарды үйлестіргенде жағымды клиникалық әсердің ешбір айғағы алынбаған. Силденафилді қоса, ФДЭ-5 тежегіштерімен риоцигуатты бір мезгілде қолдануға болмайды («Қолдануға болмайтын жағдайлар» бөлімін қараңыз). Силденафилді және α-адренорецепторлардың блокаторларын бір мезгілде қолдану осыған бейім пациенттерде симптоматикалық гипотензияның туындауына әкеп соғуы мүмкін, бұл көбіне силденафилді қолданғаннан кейін 4 сағат ішінде пайда болды («Дозалау режимі» және «Қолдану кезіндегі қажетті сақтық шаралары» бөлімдерін қараңыз). Қуықасты безінің қатерсіз гиперплазиясы (ҚБҚГ) бар пациенттерде доксазозинның (4 және 8 мг) және силденафилдің (25; 50 және 100 мг) α-адренорецепторлары блокаторларының дәрілік өзара әрекеттесуін зерттеу барысында пациенттің жатқан кездегі артериялық қысымының тиісінше 7/7; 9/5 және 8/4 мм сн.бағ.-на қосымша орташа төмендегені және түрегеліп тұрған кездегі артериялық қысымының тиісінше 6/6; 11/4 және 4/5 мм сн. бағ.-на орташа төмендегені байқалды, бұл жағдай доксазозинды қолданған кезде тұрақталды. Доксазозинді қолданғанда жағдайы тұрақталған пациенттерде силденафил мен доксазозинды бір мезгілде қолданғанда, кейде симптоматикалық ортостатикалық гипотензияның пайда болғаны жөнінде мәлімделді. Осы мәлімдемелерде бас айналуы жағдайлары және естен тану алдындағы, бірақ синкопесіз, жағдайлар жөнінде хабарланған. Силденафилді (50 мг) екеуі де CYP2C9 көмегімен метаболизденетін толбутамидпен (250 мг) немесе варфаринмен (40 мг) бірге қабылдағанда елеулі өзара әрекеттесулер анықталмады. Силденафил (50 мг) ацетилсалицил қышқылынан (150 мг) туындаған қан кету уақытының ұзаруын күшейтпеді. Қанында алкоголь құрамы орташа ең жоғары 80 мг/дл дені сау еріктілерде силденафил (50 мг) алкогольдің гипотензиялық әсерін күшейтпеген. Силденафил қабылдап жүрген пациенттерде, гипотензиялық дәрілік заттардың, мысалы, диуретиктер, β-адренорецепторларының блокаторлары, АӨФ тежегіштері, ангиотензин ІІ антагонистері, гипертензияға қарсы дәрілік заттар (қантамырларды кеңейтетін және орталық әсері бар), адренергиялық нейрондардың блокаторлары, кальций өзекшелерінің блокаторлары және α-адренорецепторлардың блокаторлары сияқты кластарын бір мезгілде қолданғандағы плацебомен салыстырғанда, жағымсыз әсерлерінің бейіндерінде ешқандай айырмашылық байқалған жоқ. Силденафилді (100 мг) және амлодипинді артериялық гипертензиясы бар пациенттерге бір мезгілде қолданған кездегі өзара әрекеттесуіне жүргізілген арнайы зерттеулерде пациенттің жатқан кезінде систолалық артериялық қысымның 8 мм сн. бағ.-на қосымша төмендегені байқалды. Диастолалық артериялық қысымның тиісінше төмендеуі 7 мм сн. бағ. құрады. Артериялық қысымның қосымша бұл төмендеу шамасы дені сау ерікті адамдарға тек силденафилді ғана қолданғанда байқалғандармен салыстырмалы болды. Силденафил 100 мг дозада CYP 3A4 субстраттары болып табылатын АИТВ-протеаза, саквинавир және ритонавир тежегіштерінің фармакокинетикалық көрсеткіштеріне ықпалын тигізген жоқ. Еркек жынысты дені сау еріктілерде силденафилдің тепе-тең жағдайында (тәулігіне 80 мг) бозентанның AUC-нің 49,8% -ға және бозентанның Cmax-тің 42% -ға (тәулігіне 125 мг) ұлғаюына әкелді. Артериялық гипертензиясы бар пациенттерде тепе-теңдік жағдайында сакубитрилге/валсартанға силденафилдің бір реттік дозасын қосу, тек сакубитрилді/валсартанды ғана қабылдаумен салыстырғанда, артериялық қысымның елеулірек төмендеуімен байланысты болды. Сондықтан, сакубитрилді/валсартанды қабылдап жүрген пациенттерге силденафилді тағайындағанда сақтық таныту керек. Визарсин® Ку-таб® препаратын тағам, сусын және алкогольмен бірге қолдануы Визарсин® Ку-таб® препаратын тамқпен бірге қабылдағанда, препараттың әсері аш қарынға қабылдаған кездегіден кештеу дамуы мүмкін. Силденафил (50 мг) сау еріктілерде этанолдың гипотензиялық әсерін күшейте алмайды (қан сарысуындағы этанолдың Cmax орташа шамамаен 80 мг / дл құрады).

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 30 °C-ден аспайтын температурада сақтау керек. Балалардың қолы жетпейтін жерде сақтау керек! Дәріханадан босатылу шарттары Рецепт арқылы