Визин® Комфорт капли 0.05 %

Бір мл препараттың құрамында белсенді зат - 0,50 мг тетризолин гидрохлориді; қосымша заттар: глицерин 99,5%, гипромеллоза 2910, макрогол 400, бор қышқылы, динатрий фосфаты, натрий цитраты, калий хлориді, магний хлориді гексагидраты, натрий (S)-лактат ерітіндісі (50%), глицин, аскорбин қышқылы, декстроза моногидраты, поликсетоний хлориді (поликватерниум 42) (33% ерітінді), тазартылған су Сыртқы түрінің, иісінің, дәмінің сипаттамасы Көзге тамызатын дәрі. Мөлдір, түссізден ашық сарыға дейінгі ерітінді.

Ересектер мен 2 жастан асқан балалар: Түтін, шаң, хлорлы су, жарық, косметикалық құралдар, жанаспалы линзалар сияқты химиялық және физикалық факторлардың әсерінен конъюнктиваның ісінуі мен гиперемиясын (көздің қызаруы) қайтару үшін.

ATХ коды: S01GA02 Тетризолин – симпатикалық жүйке жүйесінің альфа-адренорецепторларын стимуляциялайтын, бірақ бета-адренорецепторларға әсер етпейтін немесе әлсіз әсер ететін симпатомиметикалық препарат. Симпатомиметикалық амин болып табылады, тетризолиннің тамырды тарылтатын әcepi бар және тіндердің icінyiн азайтады. Әсері қолданғаннан кейін 60 секундтан соң дамып, 4-8 сағатқа жалғасады. Препараттың құрамына кіретін макрогол 400, глицерин, гипромеллоза шырышты қабықтарды ылғалданған күйде ұстау қабілетіне байланысты көзге тамызатын дәріні қолданғанда ұзақ уақыт ылғалдандыратын әсерге ие. Препараттың бір реттік дозасын зерттеу пациенттердің жеке бағалауы бойынша, препаратты алғаш қолданғаннан кейін екі минуттан кейін пациенттердің 60% -дан астамы көздері ылғалданған және сергітілгенімен толық немесе ішінара келіскенін көрсетті. Бұл аталған ылғалдандыру және сергіту сезімі препаратты бір рет қолданғаннан кейін 12 сағат бойы сақталды.

Дозалау режимі Ересектерге, жасөспірімдерге және 6 жастан асқан балаларға: Дозасы зақымданған көзге (көздерге) күніне 2-3 рет 1-2 тамшыны құрайды. Бұл дәрілік препаратты симптомдарды жеңілдету үшін қажет ең қысқа уақыт ішінде қолдану керек. Балалар жасындағы пациенттер Препаратты 2-ден 6 жасқа дейінгі балаларға медицина қызметкерімен кеңескеннен кейін қолдануға болады. Визин® Комфорт препаратының қауіпсіздігі мен тиімділігі қазіргі кезде 0-ден 2 жасқа дейінгі балаларда анықталған жоқ. Деректер жоқ. Енгізу әдісі мен жолы Көзге қолдануға арналған. Қақпағын ашқаннан кейін құтыны төңкеріп, содан кейін ұшынан көзге тигізіп алмай, 1 немесе 2 тамшыны көзге түсетіндей етіп аздап сығу керек. Ерітіндіні ластамау үшін құтының ұшы қақпақтан басқа ештеңеге тиіп кетпеуі керек. Қабылдау уақытының көрсетілуімен қолдану жиілігі Дозасы зақымданған көзге (көздерге) күніне 2-3 рет 1-2 тамшыны құрайды. Емдеу ұзақтығы Емдеу ұзақтығы туралы шешімді дәрігер әр жағдай үшін жеке қабылдайды. Препаратты үзіліссіз 4 күннен асыра қолдану ұсынылмайды. Егер 48 сағат ішінде жағдайы жақсармаса немесе тітіркенуі мен қызаруы кетпесе немесе ұлғая түссе, препаратты тоқтатып, дәрігерге жүгінген жөн.

- белсенді затқа немесе қосымша заттардың кез келгеніне аса жоғары сезімталдық - жабық бұрышты глаукома - 2 жасқа дейінгі балалар - мөлдір қабықтың эндотелийлі-эпителийлік дистрофиясы.

Маркетингтен кейінгі деректер: Жиілігі белгісіз): жас ағудың күшеюі, қарашықтың кеңеюі. енгізген жердегі реакциялар (көз аймағының ашыту сезімін, қызаруды, тітіркенуді, ісінуді, ауыруды, қышынуды қоса). Жоғарыда келтірілген белгілер пайда болған кезде дәрігерге қаралу қажет. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулыққа сәйкес қолданғанда артық дозаланудың туындау қаупі өте аз. Дегенмен, препарат асқазан-ішек жолына кездейсоқ түсіп кеткен жағдайда (жұтып қойғанда) артық дозаланудың мынадай симптомдары болуы мүмкін: қарашықтың кеңеюі, жүрек айнуы, құсу, цианоз, қызба, құрысулар, тахикардия, брадикардия, аритмия, жүректің тоқтап қалуы, артериялық гипотензия, өкпенің ісінуі, апноэні (тыныс алудың тоқтауы) қоса, тыныс алу функциясының бәсеңдеуі, гипотермия, орталық жүйке жүйесі функциясының тежелуі, седативті әсер, сылбырлық, мелшию, сілекей ағу, ұйқышылдықтың дамуы, кома. Препараттың жүйелі әсерлеріне байланысты артық дозалану симптомдарының даму қаупі жаңа туған нәрестелер мен кішкентай балаларда, әсіресе жұтып қойған кезде жоғары болады. Спецификалық антидоты белгісіз. АІЖ түскен кезде артық дозалануды емдеу: белсендірілген көмірді, асқазанды шаюды, оттегімен ингаляция, ыстықты түсіретін және құрысуға қарсы дәрілерді тағайындайды. Артериялық қысымды төмендету үшін физиологиялық ерітіндідегі фентоламинді 5 мг-ден баяу вена ішіне немесе 100 мг-ден ішке қолданады. Артериялық қысымы төмен науқастарға вазопрессорлық дәрілерді қолдануға болмайды.

Тетризолинді егде жастағы пациенттерде, аневризмалары, гипертензиясы және/немесе жүректің ишемиялық ауруы бар пациенттерде, сондай-ақ I типті қант диабеті немесе гипертиреозы бар пациенттерде сақтықпен қолдану керек. Препаратты балалар мен жасөспірімдерде қолдану қауіпсіздігіне зерттеулер жүргізілген жоқ. Препаратты тамызар алдында жанаспалы линзаларды шешіп алу және оларды 15 минуттан кейін орнына салу керек. Препараттың жұмсақ жанаспалы линзалармен тікелей жанасуынан аулақ болу қажет, себебі олардың мөлдірлігі бұзылуы мүмкін. Қолдану жөніндегі нұсқауларды орындамаған жағдайда конъюнктиваның және мұрынның шырышты қабығының реактивті гиперемиясы (дәрі-дәрмектік ринит) дамуы мүмкін. Егер 72 сағаттың ішінде жай-күй жақсармаса немесе тітіркену мен қызару сақталса немесе өршісе, препаратты қолдануды тоқтату және дәрігерге қаралу керек. Көздің қарқынды ауырсынуы, көздің жедел немесе бір жақты қатты қызаруы, бас ауыруы, көрудің бұзылулары пайда болса, көздің алдында дақтар пайда болса немесе қос көрінсе, дереу дәрігерге қаралу қажет. Препаратты ұзақ уақыт қолдану гиперемияны күшейтуі немесе оның қайта пайда болуына әкелуі мүмкін. Егер тітіркену немесе қызару көру мүшесінің ауруларымен (инфекция, бөгде дене немесе механикалық, химиялық, термиялық әсер ету) байланысты болса, онда қолданар алдында дәрігердің кеңесі және одан әрі емдік іс-шаралардың қажеттілігін анықтау талап етіледі. Препаратты қолдану қарашықтың уақытша кеңеюін туғызуы мүмкін. Визин® Комфорт ылғалдандыратын тамшыларының құрамында фосфаттар бар. Бұл препараттың әр тамшысының құрамында 7,5 мкг фосфат бар. Егер сізде мөлдір қабықтың мөлдір қабаты қатты зақымданған болса, фосфаттар өте сирек жағдайларда емдеу кезінде кальцийдің жинақталуына байланысты мөлдір қабықта бұлыңғыр дақтардың пайда болуына әкелуі мүмкін. Препаратты ұзақ уақыт қолданудан және артық дозаланудан аулақ болған жөн. Түсі өзгерген жағдайда немесе лайланған кезде препаратты пайдалануға болмайды. Егер дәрілік зат жарамсыз болып қалса немесе жарамдылық мерзімі өтіп кетсе, оны ағынды суға төкпеңіз немесе далаға тастай салмаңыз. Дәрілік затты пакетке салып, қоқыс контейнеріне салыңыз. Бұл шаралар қоршаған ортаны қорғауға көмектеседі. Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Сирек жағдайларда Визин® Комфортты қолданғаннан кейін қарашықтың кеңейетіні байқалады және автокөлік мен механизмдерді басқару қабілетіне әсер етуі мүмкін көрудің тұмандануы пайда болады.

Жүкті әйелдерде тетризолинді қолданудың қандай да бір талапқа сай және дұрыс бақыланатын зерттеулері жүргізілген жоқ. Бұл дәрілік препаратты жүктілік кезінде қолдануға болмайды, егер дәрігер ана үшін ықтимал пайдасы ұрық үшін ықтимал қаупінен жоғары деген қорытындыға келмесе. Бала емізетін әйелдерде тетризолинді қолданудың қандай да бір талапқа сай және дұрыс бақыланатын зерттеулері жүргізілген жоқ. Тетризолиннің немесе оның метаболиттерінің емшек сүтімен шығарылатыны белгісіз. Бұл дәрілік затты бала емізген кезде қолдануға болмайды, егер дәрігер ана үшін ықтимал пайдасы емшек еметін бала үшін ықтимал қауіптерінен басым деген қорытындыға келмесе.

Бұл дәрілік препаратты басқа офтальмологиялық препараттармен қолданар алдында дәрігермен кеңесу керек.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 25°С-ден аспайтын температурада сақтау керек. Құты ашылғаннан кейін бір ай ішінде пайдалану керек. Балалардың қолы жетпейтін жерде сақтау керек!