Визкью раствор 120 мг/мл

Бір құтының (0,23 мл) ішінде белсенді зат - бролуцизумаб, 27,6 мг. Осылайша, құрамында 6 мг бролуцизумаб бар 0,05 мл ерітіндінің бір реттік дозасын жеткізу үшін қажетті мөлшері қамтамасыз етіледі. қосымша заттар – сахароза, натрий цитраты, полисорбат 80, натрий гидроксиді, инъекцияға арналған су. Сыртқы түрінің, иісінің, дәмінің сипаттамасы Түссізден ашық қоңырқай-сары түске дейінгі мөлдір немесе аздап бозаңданатын ерітінді.

Визкью препараты ересек пациенттерде төмендегіні емдеу үшін көрсетілген: • жасқа байланысты макулярлы дегенерацияның (ЖМД) неоваскулярлы (экссудативті) формасы; • диабеттік макулярлы ісінуден (ДМІ) туындаған көру бұзылулары.

Әсер ету механизмі Бролуцизумаб молекулалық салмағы ~ 26 кДа гуманизацияланған моноклональді бір тізбекті Fv (scFv) антиденелердің фрагменті болып табылады. Тамырлы А эндотелийдің (VEGF-A) өсу факторы жолы арқылы сигналдарды берудің жоғары деңгейі көздің патологиялық ангиогенезіне және торқабықтың ісінуіне байланысты. Бролуцизумаб аффинділіктің жоғары дәрежесімен VEGF-A изоформаларымен (мысалы, VEGF110, VEGF121 және VEGF165) байланысады және VEGF-А оның VEGFR-1 және VEGFR-2 рецепторларымен байланысуын алдын алады. VEGF-A байланысуын тежей отырып, бролуцизумаб эндотелий жасушаларының пролиферациясын бәсеңдетеді, осылайша патологиялық неоваскуляризациясын азайтады және тамырлардың өткізгіштігін төмендетеді. Фармакодинамикалық әсерлері Экссудативті ЖМД HAWK және HARRIER зерттеулерінде хороидальді неоваскуляризацияны (ХНВ) сипаттайтын қан мен сұйықтықтың ағып кетуіне байланысты тиісті анатомиялық параметрлер емдеу туралы шешім қабылдауды анықтайтын аурудың белсенділігін бағалаудың бір бөлігі болды. Визкью препаратымен ем алатын пациенттерде, ем басталғаннан кейін 4 аптадан соң-ақ және 48-ші аптаға және 96-шы аптаға дейін орталық көру өрісі асты қалыңдығының (CST) жұқаруы және интраретинальді/субретинальді сұйықтықтың (IRF/SRF) немесе торқабықтың пигментті эпителийі астындағы сұйықтықтың болуы (sub-RPE) байқалды. 16-шы аптада CST төмендеуі афлиберцептпен салыстырғанда Визкью препаратында екі зерттеуде де (HAWK: –134 микронмен салыстырғанда –161; HARRIER: –134 микронмен салыстырғанда –174) статистикалық тұрғыдан маңызды болды. Бұл төмендеу CST бастапқы деректерімен салыстырғанда да 48-ші аптада статистикалық тұрғыдан маңызды болды (HAWK: –144 микронмен салыстырғанда –173; HARRIER: –144 микронмен салыстырғанда –194), және 96-шы аптада әр зерттеудің соңына дейін сақталды (HAWK: –149 микронмен салыстырғанда –175; HARRIER: –155 микронмен салыстырғанда –198). 16-шы аптада IRF және/немесе SRF бар пациенттерде пайыздық айырмашылық Визкью препаратын қабылдағанда афлиберцептпен салыстырғанда екі зерттеуде де (HAWK: 52 %-бен салыстырғанда 34 %; HARRIER: 45 %-бен салыстырғанда 29 %) статистикалық тұрғыдан маңызды болды. Бұл айырмашылық 48-ші аптада статистикалық тұрғыдан маңызды болды (HAWK: 45 %-бен салыстырғанда 31 %; HARRIER: 44 %-бен салыстырғанда 26 %), және ол 96-шы аптада әр зерттеудің соңына дейін сақталды (HAWK: 37 %-бен салыстырғанда 24 %; HARRIER: 39 %-бен салыстырғанда 24 %). 16-шы аптада sub-RPE сұйықтығы бар пациенттерде пайыздық айырмашылық Визкью препаратын қабылдағанда афлиберцептпен салыстырғанда екі зерттеуде де (HAWK: 27 %-бен салыстырғанда 19 %; HARRIER: 24 %-бен салыстырғанда 16 %) статистикалық тұрғыдан маңызды болды. Бұл айырмашылық 48-ші аптада статистикалық тұрғыдан маңызды болды (HAWK: 22 %-бен салыстырғанда 14 %; HARRIER: 22 %-бен салыстырғанда 13 %), және ол 96-шы аптада әр зерттеудің соңына дейін сақталды (HAWK: 15 %-бен салыстырғанда 11 %; HARRIER: 22 %-бен салыстырғанда 17 %). Осы зерттеулерде Визкью препаратын қабылдаған пациенттерде ХНВ зақымдану мөлшерінің төмендеуі ем басталғаннан кейін 12-ші, 48-ші және 96-шы аптада байқалды. ДМІ KESTREL және KITE зерттеулерінде тиісті анатомиялық параметрлер емдеу туралы шешім қабылдауды анықтайтын аурудың белсенділігін бағалаудың бір бөлігі болды. Орталық қосалқы өріс қалыңдығының (CST) жұқаруы және ретинальді/субретинальді сұйықтықтың (RF/SR) ішінде болуы Визкью препаратымен ем қабылдаған пациенттерде ем басталғаннан кейін 4 аптадан соң және 52-ші аптаға дейін байқалды. Бұл төмендеулер 100-ші аптаға дейін сақталды. Клиникалық тиімділігі және қауіпсіздігі Экссудативті ЖМД Визкью препаратының тиімділігі мен қауіпсіздігін бағалау неоваскулярлы (экссудативті) ЖМД бар пациенттердің қатысуымен (HAWK және HARRIER) III фазада белсенді зат бойынша бақылаумен рандомизацияланған, мультиорталықтық салыстырмалы жасырын екі зерттеуде жүргізілді. Барлығы 1817 пациент емді осы зерттеулер шеңберінде екі жыл бойы (1088 адам Визкью препаратымен және 729 пациент афлиберцепт салыстыру препаратымен) алды. Пациенттердің жасы 50-ден 97 жасқа дейінгі диапазонда болды, орташа жас 76 жасты құрады. Екі зерттеуде де алғашқы үш айлық дозалардан (0, 4 және 8 апта) кейін пациенттер дозалау аралығын аурудың белсенділігі негізінде 8 апта сайын түзету мүмкіндігімен 12 апта сайын бролуцизумабпен ем алған. Ауру белсенділігін алғашқы 12-апталық аралық (16-шы және 20-шы апталарда) ішінде және жоспарланған 12-апталық емнің кезекті тексеруінде дәрігер бағалады. Ауру белсенділігі тіркелген пациенттерге (яғни көру жітілігінің төмендеуі, CST жоғарылауы және/немесе IRF/SRF немесе суб-RPE сұйықтықтың болуы) осы тексерулердің кез келгенінде 8-апталық емдеу аралығын тағайындай отырып, емді түзетті. Афлиберцепт салыстыру препаратын пациенттер алғашқы үш айлық дозадан кейін 8 апта сайын қабылдады. Нәтижелер Зерттеулер үшін бастапқы соңғы тиімділік нүктесі бастапқы соңғы нүктесі афлиберцептпен салыстырғанда Визкью препаратының кем емес тиімділігін көрсету болған диабеттік ретинопатияны (ETDRS) ерте емдеуді зерттеу бойынша баллдық әріптік шкаламен өлшенген бастапқы көрсеткішпен салыстырғанда 48-ші аптаға қарай БТКЖ өзгеруі болды. Екі зерттеуде де (12 апта сайын немесе 8 апта сайын қолданылатын) Визкью препараты 2 мг дозадағы (8 апта сайын қолданылатын) афлиберцептпен салыстырғанда кем емес тиімділікті көрсетті. Емдеудің алғашқы жылы байқалатын көру жітілігінің жақсаруы екінші жылы да сақталды. Екі зерттеудің де толық нәтижелері төменде 2 кестеде және 1 суретте ұсынылған. 2 кесте. III фазадағы HAWK және HARRIER зерттеулерінің 48-ші және 96-шы апталарындағы көру жітілігінің нәтижелері HAWK — HARRIER Тиімділік критерийі — Апта — Визкью (n=360) — Афлиберцепт 2 мг (n=360) — Бролуцизумаб- афлиберцепт айырмашылығы (95 % СА) — Визкью (n=370) — Афлиберцепт 2 мг (n=369) — Бролуцизумаб- афлиберцепт айырмашылығы (95 % СА) БТКЖ параметрінің бастапқы деңгейімен салыстырғанда орташа өзгеріс (ETDRS әріптерінің шкаласы бойынша өлшенген) — 48 — 6,6 (ЖҚ [Жүйел қателік]=0,71) — 6,8 (ЖҚ [Жүйелі қателік]=0,71) — -0,2 (-2,1, 1,8) P<0,0001 a) — 6,9 (ЖҚ=0,61) — 7,6 (ЖҚ=0,61) — -0,7 (-2,4, 1,0) P<0,0001 a) 36–48 b) — 6,7 (ЖҚ=0,68) — 6,7 (ЖҚ=0,68) — 0,0 (-1,9, 1,9) P<0,0001 a) — 6,5 (ЖҚ=0,58) — 7,7 (ЖҚ=0,58) — -1,2 (-2,8, 0,4) P=0,0003 a) 96 — 5,9 (ЖҚ=0,78) — 5,3 (ЖҚ=0,78) — 0,5 (-1,6, 2,7) — 6,1 (ЖҚ=0,73) — 6,6 (ЖҚ=0,73) — -0,4 (-2,5, 1,6) көруі 15 және одан көп әріпке жақсарған пациенттердің %-ы — 48 — 33,6 — 25,4 — 8,2 (2,2, 15,0) — 29,3 — 29,9 — -0,6 -(74, 5,8) 96 — 34,2 — 27,0 — 7,2 (1,4, 13,8) — 29,1 — 31,5 — -2,4 (-8,8, 4,1) көру жітілігі нашарлаған пациенттердің%-ы (БТКЖ бойынша ≥ 15 әріпке төмендеу) — 48 — 6,4 — 5,5 — 0,9 (-2,7, 4,3) — 3,8 — 4,8 — -1,0 (-3,9, 2,2) 96 — 8,1 — 7,4 — 0,7 (-3,6, 4,6) — 7,1 — 7,5 — -0,4 (-3,8, 3,3) БТКЖ: барынша түзетілген көру жітілігі; жоқ деректер соңғы қадағалауды тасымалдау (LOCF) әдісімен пайдалану арқылы енгізіледі ETDRS: диабеттік ретинопатияны ерте емдеуді зерттеу. ЖА: жүйелік ақау Р-мәні кем емес тиімділік гипотезасына жатады, кем емес тиімділік қоры 4 әріпті құрайды. Визкью препараты мен афлиберцептті емдеу уақыты бойынша айырмашылықтарын ескеретін негізгі екіншілік соңғы нүкте. 1 кесте. HAWK және HARRIER зерттеулерінде көру жітілігінің бастапқы деңгейден 96-шы аптаға дейін орташа өзгеруі HAWK Көру жітілігінің бастапқы деңгеймен салытырғандағы өзгеруі (әріп) Уақыт (апта) Визкью 6 мг (N = 360) — афлиберцепт 2 мг HARRIER Көру жітілігінің бастапқы деңгеймен салытырғандағы өзгеруі (әріп) Уақыт (апта) Визкью 6 мг (N = 370) — афлиберцепт 2 мг (N = 369) Бұл көру жітілігінің жақсаруына тиісінше 12 апталық доза аралығымен Визкью препаратын қабылдаған пациенттердің 56% және 51%-да 48-ші аптада және HAWK және HARRIER зерттеулерінде пациенттердің 45% және 39%-да 96-шы аптада қол жеткізілді. Алғашқы 12 апталық аралық ішінде 12 апталық режимге жарайды деп анықталған пациенттер арасында 85% және 82%-ы 48-ші аптаға дейін 12 апталық дозалау аралығында қалды. 48-ші аптада 12 апталық дозалау аралығында пациенттердің 82% және 75%-ы 96-шы аптаға дейін 12 апталық дозалау аралығында қалды. Бағаланатын қосалқы топтардағы емдеу әсері (мысалы, жасы, жынысы, нәсілі, бастапқы көру жітілігі, торқабықтың бастапқы қалыңдығы, зақымдану типі, зақымдану мөлшері, сұйықтық жағдайы) әрбір зерттеуде пациенттердің жалпы тобындағы нәтижелерге сәйкес келеді. Ауру белсенділігі CST және/немесе IRF/SRF немесе суб-RPE сұйықтықтарының болуын қоса, көру жітілігінің және/немесе анатомиялық параметрлердің өзгеруі бойынша бағаланды. Ауру белсенділігі бүкіл зерттеулер барысында бағаланды. Ауру белсенділігінің анатомиялық параметрлері Визкью препараты үшін афлиберцептпен салыстырғанда 48-ші және 96-шы апталарда төмендеді («Фармакодинамикалық әсерлерін» қараңыз). Ауруы белсенді пациенттердегі пайыздық айырмашылық 16-шы аптада афлиберцептпен салыстырғанда Визкью препаратын қолданған кезде статистикалық тұрғыдан маңызды болды (HAWK зерттеуінде 35%-бен салыстырғанда 24%, p=0,0013; HARRIER зерттеуінде 32%-бен салыстырғанда 23%, p=0,0021). Екі зерттеуде де Визкью препараты Ұлттық көру институтының көру функцияларына сауалнама жүргізу арқылы пациенттер хабарлайтын нәтижелер тиімділігінің алдын ала берілген екіншілік соңғы нүктесінде бастапқы деңгеймен салыстырғанда клиникалық маңызды ұлғаюын көрсетті (NEI VFQ-25). Бұл өзгерістердің шамасы жарияланған зерттеулерде көрсетілген шамаға ұқсас болды, бұл 15 әріптерге БТКЖ көрсеткішінің жақсаруына сәйкес келеді. Пациенттер хабарлаған емдеудің пайдалы нәтижелері екінші жылы да сақталды. NEI VFQ-25 шкаласы бойынша жалпы баллда және қосалқы шкалаларды 48-ші аптаға дейін бастапқы деңгейден өзгерістерде Визкью препараты мен афлиберцепт арасында клиникалық тұрғыдан маңызды айырмашылықтар анықталған жоқ (жалпы көру, көздің ауыруы, жақын көру, алыс көру, әлеуметтік қызмет ету, психикалық денсаулық, рөлдік қиындықтар, тәуелділік, жүргізу, түрлі-түсті көру және шеткері көру). HAWK және HARRIER зерттеулері шеңберінде Визкью препаратын қабылдаған топтарда Визкью препаратының алғашқы 3 дозасын (жүктеме дозасын) әр 4 апта сайын (ай сайын), содан кейін әрбір 12 немесе 8 апта сайын демеуші дозаны енгізген кезде байқалған нәтижелер Визкью препаратының алғашқы 3 дозасы (жүктеме дозасы) енгізілді. Визкью препаратының алғашқы 2 немесе 3 дозасы (жүктеме дозасы) әр 6 апта сайын, содан кейін әр 12 немесе 8 апта сайын демеуші доза енгізілген имитациялық модельді пайдаланумен фармакокинетика/фармакодинамика бойынша популяциялық зерттеу шеңберінде қайталанды. ДМІ Визкью препаратының тиімділігі мен қауіпсіздігін бағалау диабеттік макулярлық ісіну салдарынан көруі нашарлаған пациенттердің қатысуымен III фазаның белсенді затын (KESTREL және KITE) бақылаумен рандомизацияланған, мультиорталықты салыстырмалы жасырын екі зерттеуде жүргізілді. Барлығы 926 пациент осы зерттеулер аясында бір жыл ішінде емделді (558 адам бролукизумабпен және 368 пациент 2 мг афлиберцептпен). Пациенттердің жасы 23-тен 87 жасқа дейін болды, орташа жасы 63 жасты құрады. Екі зерттеуде де алғашқы бес дозадан кейін (0, 6, 12, 18 және 24 апталар) пациенттер аурудың белсенділігі негізінде әрбір 8 апта сайын дозалау аралығын түзету мүмкіндігімен әрбір 12 апта сайын бролукизумабпен ем қабылдады. Аурудың белсенділігін дәрігер алғашқы 12 апталық аралықта (32-ші және 36-шы апталарда) және жоспарланған емдеудің әрбір келесі тексеруінде бағалады. Аурудың белсенділігі тіркелген пациенттерге (яғни көру жітілігінің төмендеуі, CST жоғарылауы) осы кез-келген емдеу тексеруінде 8 апталық емдеу аралығы тағайындалды. Аурудың белсенділігі жоқ пациенттерде KITE зерттеуінің екінші жылында емдеу аралығын 16 аптаға дейін ұзартуға болады. Афлиберцепт салыстыру препаратын пациенттер алғашқы 5 айлық дозадан кейін әр 8 апта сайын қабылдады. Нәтижелері Зерттеулер үшін тиімділіктің бастапқы соңғы нүктесі диабеттік ретинопатияны (ETDRS) ерте емдеуді зерттеудің балдық шкаласы негізінде өлшенген 52-ші аптаға ең жоғары түзетілген көру жітілігінің (ЕТКЖ) бастапқы көрсеткішімен салыстырғанда өзгеріс болды, оның бастапқы соңғы нүктесі 2 мг афлиберцептпен салыстырғанда Визкью препаратының кем емес тиімділігін көрсету болды. Екі зерттеуде де Визкью препараты (әрбір 12 апта сайын немесе әрбір 8 апта сайын қолданылатын) афлиберцептпен салыстырғанда 2 мг дозамен (әрбір 8 апта сайын қабылданатын) кем емес тиімділікті көрсетті. KESTREL және KITE зерттеулерінің нәтижелері сондай-ақ негізгі салдарлы соңғы нүкте бойынша 2 мг афлиберцептпен салыстырғанда Визкью препаратының тиімділігін көрсетті (40-шы аптадан 52-ші аптаға дейінгі кезеңде бастапқы кезеңмен салыстырғанда ЕТКЖ орташа өзгеруі). Емдеудің бірінші жылында байқалған көру жітілігінің жақсаруы екінші жылы да сақталды. Екі зерттеудің де толық нәтижелері төменде 3 кестеде және 2 суретте көрсетілген. 3 кесте. KESTREL және KITE III фазадағы зерттеудің 52-ші және 100-шы апталардағы көру жітілігі бойынша нәтижелер KESTREL — KITE Тиімділігі бойынша нәтиже — Апта — Визкью (N=189) — Афлиберцепт 2 мг (n = 187) — Айырмашылық (95 % СА) бролуцизумаб — афлиберцепт — Визкью (n=179) — Афлиберцепт 2 мг (n=181) — Айырмашылық (95 % СА) бролуцизумаб — афлиберцепт ЕТКЖ параметрінің бастапқы деңгейімен салыстырғанда өзгеріс (ETDRS әріптер шкаласы бойынша өлшенеді) — НК (СП) әдісімен алынған орташа мән — 52 — 9,2 (0,57) — 10,5 (0,57) — –1,3 (–2,9, 0,3) P < 0,001a — 10,6 (0,66) — 9,4 (0,66) — 1,2 (–0,6, 3,1) P < 0,001a 40–52 — 9,0 (0,53) — 10,5 (0,53) — –1,5 (–3,0, 0,0) P < 0,001a — 10,3 (0,62) — 9,4 (0,62) — 0,9 (–0,9, 2,6) P < 0,001a 100 — 8,8 (0,75) — 10,6 (0,75) — 1,7 (3,8, 0,4) — 10,9 (0,85) — 8,4 (0,85) — 2,6 (0,2, 4,9) Бастапқы немесе ЕТКЖ ≥ 84 әріптен (%) салыстырғанда ЕТКЖ ≥ 15 әріптен жақсаруы — 52 — 36,0 — 40,1 — –4,1 (–13,3, 5,9) — 46,8 — 37,2 — 9,6 (–0,4, 20,2) 100 — 39,2 — 42,2 — 3.0 (12,5, 6,3) — 50,4 — 36,9 — 13,6 (3,3, 23,5) ЕТКЖ: ең жоғары түзетілген көру жітілігі; зерттелетін көзде ДМІ баламалы емдеу басталғаннан кейін ЕТКЖ бағалауы цензураланды және баламалы емдеу басталғанға дейін соңғы мәнмен ауыстырылды. ETDRS: диабеттік ретинопатияны ерте емдеуді зерттеу. НК: ең кіші квадраттар әдісі. ЖА: жүйелік ақау. a) р-мәні тиімділігі кем емес гипотезаға жатады, тиімділігі кем емес қор 4 әріптен тұрады. 2 сурет. KESTREL және KITE зерттеулеріндегі 52-ші аптаға дейінгі бастапқы деңгеймен салыстырғанда көру жітілігінің орташа өзгеруі KESTREL Уақыт (апталар) Визкью 6 мг (N = 189) — афлиберцепт 2 мг (N = 187) KITE Уақыт (апталар) Визкью 6 мг (N = 179) — афлиберцепт 2 мг (N = 181) Көру жітілігінің бұл жақсаруына сәйкесінше KESTREL және KITE зерттеулерінде 52-ші аптада 12 апталық дозалау аралығымен Визкью препаратын қабылдаған пациенттердің 55% және 50%-ы және KESTREL және KITE зерттеулерінде сәйкесінше 100-ші аптада 12 апталық немесе 12 апталық/16 апталық дозалау аралығы бар қарағашпен емделген пациенттердің 44% және 37% -ы қол жеткізді. Алғашқы 12 апталық аралықта 12 апталық режимге жарамды деп анықталған пациенттердің шамамен 70%-ы екі зерттеуде де 100-ші аптада кем дегенде 12 апталық дозалау аралығында қалды. KITE зерттеуінде пациенттердің 25 %-ы Визкью препаратын 100-ші аптада 16 апталық дозалау аралығымен қабылдады. Бағаланатын қосалқы топтардағы емдеудің әсері (мысалы, жасы, жынысы, HbA1c негізгі деңгейі, көрудің негізгі жітілігі, торқабықтың орталық аймағының базалық қалыңдығы, ДМІ зақымдану түрі, диагноз қойылған сәттен бастап ДМІ ұзақтығы, ретинальді сұйықтықтың жай-күйі) әрбір зерттеуде жалпы пациенттердің жалпы тобындағы нәтижелерге сәйкес келді. KESTREL және KITE зерттеулерінде аурудың белсенділігі көру жітілігінің және (немесе) анатомиялық параметрлердің өзгеруі, соның ішінде CST және (немесе) IRF/SRF болуы бойынша барлық зерттеулер барысында бағаланды. Бастапқы деңгейден CST төмендеуі 100-ші аптаға дейін сақталды. 100 аптада IRF/SRF пациенттерінің үлесі 2 мг афлиберцептпен емделген пациенттер тобымен салыстырғанда Визкью препаратымен емделген пациенттер тобында (KESTREL зерттеуінде 42% және KITE зерттеуінде 41%) төмен болды (KESTREL зерттеуінде 54% және KITE зерттеуінде 57%). Зерттеулерде KESTREL және KITE ретинопатия ағымының жақсаруы DRS шкаласы бойынша бағаланды. Бастапқыда KESTREL зерттеуінде де, KITE зерттеуінде де пациенттердің 98,1% - ында DRS дәрежесі болған. Біріктірілген деректерді талдау 2 мг афлиберцептпен салыстырғанда Визкью препаратының тиімділігін көрсетті, DRSS бойынша бағалауды 52-ші аптада 10% кем емес тиімділік шегімен салыстырғанда кемінде 2 сатыға жақсартты. Визкью және афлиберцепт 2 мг препараты үшін пропорцияларды — 28,9% және 24,9% бағалау нәтижелері, тиісінше, емдеу тиімділігінің 4,0% айырмашылығымен (95% СА: [-0,6, 8,6]). 100 аптада KESTREL зерттеуінде бастапқы деңгейден 100 аптаға дейін ≥ 2 сатыда DRSS шкаласы бойынша бағалауды жақсартқан пациенттердің үлесі Визкью препаратын қолданғанда 32,8% және афлиберцепт 2 мг қолданғанда 29,3%, ал KITE зерттеуінде Визкью препаратын қолданғанда 35,8% және афлиберцепт 2 мг қолданғанда 31,1% құрады.

Дозалау режимі Экссудативті ЖМД Емдеудің басталуы-жүктеме доза Ұсынылған доза 6 мг бролуцизумабты құрайды (0,05 мл ерітінді), алғашқы үш доза үшін әр 4 апта (ай сайын) шыны тәрізді денеге инъекцияны салу арқылы енгізіледі. Аурудың белсенділігін бағалау ем басталғаннан кейін 16 аптадан (4 ай) кейін жүргізілуі тиіс. Балама ретінде бролуцизумабты (0,05 мл ерітінді) алғашқы екі доза үшін әр 6 апта сайын 6 мг енгізуге болады. Аурудың белсенділігін бағалауды ем басталғаннан кейін 12 аптадан (3 ай) кейін жүргізу болжанады. 12 аптада көру жітілігін және (немесе) анатомиялық параметрлерді бағалау нәтижелері бойынша аурудың белсенділігіне қарай үшінші доза енгізілуі мүмкін. Демеуші терапия Соңғы жүктеме дозасынан кейін дәрігер көру жітілігін және (немесе) анатомиялық параметрлерді бағалау нәтижелері бойынша аурудың белсенділігіне қарай емдеу аралықтарын жеке-даралай алады. Ауру белсенділігі жоқ пациенттерде емдеуді әр 12 апта сайын (3 ай) қарастырған жөн. Ауру белсенділігі бар пациенттерде емдеуді әр 8 апта сайын (2 ай) қарастырған жөн. Егер дәрігер көру және анатомиялық параметрлерді бағалау негізінде жүргізіліп жатқан емнің жақсаруының жоқтығын анықтаса, Визкью препаратымен терапияны тоқтату керек. ДМІ Ұсынылған доза 6 мг бролуцизумабты (0,05 мл ерітінді) құрайды, алғашқы бес доза үшін әр 6 апта сайын шыны тәрізді денеге инъекция салу арқылы енгізіледі. Кейіннен дәрігер көру жітілігін және (немесе) анатомиялық параметрлерді бағалауға сәйкес аурудың белсенділігі көріністеріне қарай емдеу аралықтарын жеке-даралай алады. Ауру белсенділігі жоқ пациенттерде емдеуді әр 12 апта сайын (3 ай) қарастырған жөн. Ауру белсенділігі бар пациенттерде емдеуді әр 8 апта сайын (2 ай) қарастырған жөн. 12 ай емдеуден кейін аурудың белсенділігі жоқ пациенттерде емдеу аралықтарын 16 аптаға дейін (4 ай) қарастыру керек. Егер дәрігер көру және анатомиялық параметрлерді бағалау негізінде жүргізіліп жатқан емнің жақсаруының болмай жатқанын анықтаса, Визкью препаратымен терапияны тоқтату керек. Енгізу жолы және тәсілі Визкью препараты тек интравитреальді енгізуге арналған. Инъекцияға арналған ерітіндіні енгізу алдында тексеру керек. Шыны тәрізді денеге инъекция жасау емшарасын қолдың хирургиялық дезинфекциясын жүргізуді, стерильді қолғапты, стерильді сүрткі мен стерильді қабақ кеңейткішті (немесе соған ұқсас құрал) пайдалануды талап ететін асептикалық жағдайларда жүргізу керек. Стерильді парацентез жүргізуге арналған жабдық сақтандыру шарасы ретінде қолжетімді болуы тиіс. Интравитреальді емшараны орындау алдында пациенттің анамнезін аса жоғары сезімталдық реакцияларының туындауына қатысты мұқият зерделеу қажет. Инъекция алдында тиісінше ауыруды басу, сондай-ақ әсер ету ауқымы кең тиісті бактерицидтік құралдарды қолдану арқылы көз маңы терісін, қабақ терісін және көздің беткі тіндерін дезинфекциялау қажет. Инъекциялық инені көлденең меридианға тигізбей және көз алмасының орталығына бағыттай отырып, шыны тәрізді дененің қуысына мөлдір қабық лимбінің артына 3,5-4,0 мм-ге енгізу керек. Содан кейін препарат 0,05 мл көлемде баяу енгізіледі. Кезекті инъекциялар үшін аққабықтың басқа аумағын пайдалану керек. Интравитреальді енгізуден кейін бірден пациенттерді көзішілік қысымның жоғарылауына қатысты бақылау керек. Тиісті бақылау көру жүйкесінің перфузиясын тексеруді немесе тонометрияны қамтуы мүмкін. Қажет болған кезде стерильді парацентез жүргізуге арналған жабдық қолжетімді болуы тиіс. Интравитреальді инъекция емшарасын жүргізгеннен кейін пациенттер эндофтальмиттің (көздің ауыруы, көздің қызаруы, фотофобия, көрудің айқынсыздығы) дамығанын растауы мүмкін барлық симптомдар туралы дәрігерге дереу хабарлау жөнінде нұсқау алған болуы тиіс. Назар аударыңыз: Келесі ақпарат тек денсаулық сақтау қызметкерлеріне арналған! Құтыны қолдану жөніндегі нұсқаулық Сақтау және тексеру Визкьюді 2 ºС-ден 8 ºС-ге дейінгі температурада, жарықтан қорғалған жерде сақтау керек. Мұздатып қатыруға болмайды. Пайдалану алдында Визкьюдің ашылмаған құтысын 24 сағатқа дейін бөлме температурасында (25 °С-ден төмен) сақтауға болады. Құтыны ашқаннан кейін асептикалық жағдайларды сақтау керек. Визкью мөлдір немесе түссізден ашық қоңырқай-сары түске дейінгі аздап бұлыңғырланатын ерітінді болып табылады. Тоңазытқыштан шығарғаннан кейін және енгізу алдында инъекцияға арналған ерітіндіні қарап тексеру керек. Егер айрықшаланатын бөлшектер болса немесе бұлыңғырлану орын алса құтыны пайдалану тыйым салынады, тиісті алмастыру емшараларын орындау қажет. Құтының ішіндегісі мен сүзгілі ине стерильді және тек бір рет қолдануға арналған. Егер қаптама, құты немесе сүзгілі ине зақымданған болса немесе жарамдылық мерзімі өтіп кеткен болса бұл препаратты пайдаланбаңыз. Визкьюді дайындау және қолдану Құтыда 6 мг тең ұсынылған дозадан артық көлем бар. Құтыдан шығарылатын көлем (0,23 мл) толығымен пайдаланылмауы тиіс. Артық көлем инъекция алдында жойылуы тиіс. Құты ішіндегісін толық көлемде енгізу артық дозалануға әкелуі мүмкін. Интравитреальді инъекция емшарасын қолдың хирургиялық дезинфекциясын жүргізуді, стерильді қолғапты, стерильді сүрткі мен стерильді қабақ кеңейткішті (немесе соған ұқсас құрал), сондай-ақ стерильді жағдайларда (қажет болса) парацентез жасау мүмкіндігін пайдалануды талап ететін асептикалық жағдайларда жүргізу қажет. Инъекция алдында тиісінше жансыздандыруды, сондай-ақ әсер ету ауқымы кең тиісті бактерицидтік құралдарды қолдану арқылы көз маңы терісін, қабақ терісін және көздің беткі тіндерін дезинфекциялау қажет. Емшараға және интравитреальді инъекцияға дайындалу үшін келесі бір реттік медициналық бұйымдар қажет: • Стерильді инъекциялық ине (30G х ½″). • 0,05 мл доза белгісі бар көлемі 1 мл стерильді шприц. • 5 мкм сүзгісі (18G x 1½″, 1,2 мм x 40 мм) бар стерильді доғал ине. Инъекцияға арналған ине мен шприц Визкьюдің жеткізу жиынтығына кірмейді. Инъекцияны дозаны дайындағаннан кейін бірден жасау қажет (8 қадам). Ескертпе: Инъекцияға арналған ерітінді 0,05 мл белгісінде белгіленуі тиіс. Инъекция емшарасы: 1. — Құтыдан қалпақшаны алып тастаңыз және төсемені сүртіңіз (мыс. 70 % спиртке салынған тампонмен). 2. — Асептикалық жағдайларда сүзгілі инені 1 мл шприцке салыңыз. 3. — Сүзгілі инені құты төсемінің орталық бөлігіне енгізіңіз, бұл ретте иненің ұшы құтының түбіне жетуі тиіс. 4. — Сұйықтықты алу үшін құтыдан бүкіл сұйықтықты баяу сорып алыңыз және құтыны аздаған бұрышта ұстап тұрып, сүзгілі инені шығарып алыңыз. Құты босаған кезде шприц поршені жеткілікті дәрежеде алыс жылжығанына көз жеткізіңіз — бұл сүзгілі инені толығымен босатуға көмектеседі. 5. — Асептика ережелерін сақтай отырып, сүзгілі инені шприцтен ажыратыңыз және оны утилизациялаңыз. Сүзгілі инені интравитреальді инъекция үшін пайдалануға болмайды. 6. — Асептикалық жағдайларда 30G x ½ дюймді инъекциялық инені шприцке тығыздап кигізіңіз. 7. — Шприцтің инесін жоғары қаратып тұрып, көпіршіктердің жоқтығына көз жеткізіңіз. Көпіршіктер болса, көпіршіктер жоғарыға көтерілгенге дейін шприцті саусақпен шертіңіз. 8. 0,05 мл0,05 мл 0,05 мл 0,05 мл — Шприцті көз деңгейінде ұстап тұрып және поршеньді мұқият басып, шприцтен ауаны және артық ерітіндіні шығарыңыз, поршеньді 0,05 мл белгісіне қойыңыз. Шприц инъекцияны орындау үшін дайын. 9. — Резеңке төсемі шприцтің түбіне тигенге дейін, поршеньді баяу басып тұрып, 0,05 мл дозаны енгізіңіз. Резеңке төсемі шприцтің түбіне тигенін тексеріп, доза толық енгізілгеніне көз жеткізіңіз. Ескертпе: Кез келген пайдаланылмаған өнім немесе қалдықтар жергілікті талаптарға сәйкес утилизациялануы тиіс. Жиі қойылатын сұрақтар және оларға берілген жауаптар: В: Құтыдан сұйықтықтың жеткілікті көлемін алу қиындық тудырса не істеу керек? О: Сұйықтықты алу алдында құтыны сілкімеңіз, оған құтының түбіне қабырға бойымен ағуына мүмкіндік беріңіз. Сұйықтық алу кезінде құты біраз ғана еңкейтілгеніне көз жеткізіңіз. Поршеньді баяу тартыңыз және сұйықтық шприцтің корпусында пайда болғанға дейін күтіңіз. Құты мен сүзгілі ине толық босағанға дейін, сұйықтық алуды баяу жалғастыра беріңіз. В: Сұйықтықтағы ауа көпіршіктерін жоя алмай жатса не істеу керек? О: Сұйықтықты көпіршіктерден босату қажет. Сонымен бірге, тығынға жабысқан ұсақ көпіршіктер әдетте сонда қалады, осылайша олар енгізілген доза көлеміне әсер етпейді. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Визкью препаратын тек қана интравитреальді инъекцияны жасау бойынша тәжірибесі бар офтальмолог енгізуі керек.

- әсер етуші затқа немесе қосымша заттардың кез келгеніне аса жоғары сезімталдық - көздің расталған немесе болжамды инфекциялары немесе периокулярлы орналасқан инфекциялық үдерістер - белсенді сатыда көзішілік қабынуы бар пациенттер

Жағымсыз реакциялар жиілігін анықтау келесі критерияларға сәйкес жүргізіледі: өте жиі (≥ 1/10), жиі (≥ 1/100 <1/10 дейін), жиі емес (≥1/1,000 - <1/100 дейін), сирек (≥1/10,000 - <1/1,000 дейін), өте сирек (<1/10,000), белгісіз (қолда бар деректер бойынша бағалау мүмкін емес). Жиі - аса жоғары сезімталдық (есекжемді, бөртпені, қышынуды, эритеманы қоса) - көру жітілігінің төмендеуі - торқабыққа қан құйылу - увеит - иридоциклит - ирит - торқабық тамырларының окклюзиясы - шыны тәрізді денеге қан құйылуы - шыны тәрізді дененің ажырауы - торқабықтың жарылуы - катаракта - конъюнктиваға қан құйылу - шыны тәрізді денедегі беткейлік бұлыңғырлану - көздің ауыруы - жоғары көзішілік қысым - конъюнктивит - шелдің пигментті эпителийінің жарылуы - анық көрмеу - мөлдір қабықтың сыдырылуы - нүктелік кератит Жиі емес - соқырлық - эндофтальмит - торқабықтың ажырауы - конъюнктивальді гиперемия - көп жас ағу - көздегі аномалиялық сезім - торқабықтың пигментті эпителийінің ажырауы - витрит - алдыңғы камераның қабынуы - алдыңғы камераның дақтануы - мөлдір қабықтың ісінуі - торқабықтың васкулиті - склерит. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ұсынылған инъекция көлемінен көп артық дозалану көзішілік қысымды көтеруі мүмкін. Препаратпен артық дозалану жағдайында, емдеуші дәрігер қажет деп тапса, көзішілік қысымды бақылау және тиісті емді бастау керек.

Қадағаланушылығы Биологиялық медициналық препараттардың қадағаланушылығын жақсарту үшін енгізілген дәрілік препараттың атауы және серия нөмірі айқын түрде көрсетілуі тиіс. Эндофтальмиттер, көзішілік қабыну, жарақатты катаракта, торқабықтың ажырауы, торқабықтың жарылуы, торқабықтың васкулиті және/немесе торқабық қантамырларының окклюзиясы Интравитреальді инъекциялар, оның ішінде Визкью препаратының инъекциялары, эндофтальмитке, интраокулярлы қабынуға, жарақатты катарактаға, торқабықтың ажырауына және жарылуына байланысты болды. Визкью препаратын енгізуді әрдайым тиісті асептикалық жағдайларда жүргізу керек. Пациенттерге жоғарыда аталған жағдайлардың дамығанын растауы мүмкін барлық симптомдар туралы дәрігерге дереу хабарлау керектігі туралы нұсқаулық берілуі тиіс. Торқабықтың васкулитін және/немесе торқабық қантамырларының окклюзиясын қоса, көзішілік қабыну Визкью препаратын пайдалану кезінде торқабықтың васкулитін және/немесе торқабықтың қантамырлар окклюзиясын қоса, көзішілік қабыну жағдайлары тіркелген. Емдеу кезінде пайда болатын антиденелері бар пациенттердің арасында көзішілік қабыну құбылыстарының көбірек саны байқалды. Зерттеуден кейін торқабықтың васкулиті және/немесе торқабық қантамырларының окклюзиясы иммунитетке байланысты құбылыстар болып табылатыны анықталды. Көзішілік қабыну, оның ішінде торқабықтың васкулиті және/немесе торқабық қантамырларының окклюзиясы алғашқы интравитреальді енгізгеннен кейін және емдеу барысында кез келген сәтте пайда болуы мүмкін. Бұл құбылыстар емдеудің басында жиі байқалды. Клиникалық зерттеулер нәтижелері бойынша Визкью препаратын қолдану кезінде осы құбылыстар ерлерге қарағанда әйелдерде (мысалы, HAWK және HARRIER зерттеулеріндегі ерлердің 3,2% - бен салыстырғанда әйелдердің 5,3% - ында), сондай-ақ жапондықтар арасында жиі байқалды. Осы құбылыстар дамитын пациенттерге Визкью препаратымен емдеуді тоқтатып, құбылыстарды дереу емдеуді бастау керек. Визкью препаратын қабылдаған және анамнезінде көзішілік қабынуы және/немесе торқабық қантамырларының окклюзиясы бар пациенттер (бролуцизумабты бірінші енгізгенге дейін 12 ай ішінде) торқабықтың васкулиті және/немесе торқабық қантамырларының окклюзиясы дамуының жоғары қаупіне ұшырауға бейім болғандықтан, мұқият бақылауда болуы тиіс. Демеуші ем кезінде Визкьюдің екі дозасының арасындағы аралық әрбір 4 апта сайын Визкью демеуші дозасын қабылдаған нЖМД бар пациенттерде клиникалық зерттеу шеңберінде демеуші дозаны қабылдаған пациенттермен салыстырғанда көзішілік қабынудың (торқабықтың васкулитін қоса) және торқабық қантамырлары окклюзиясының неғұрлым жоғары жиілігі байқалғанын ескере отырып, III фазадағы негізгі клиникалық зерттеулері шеңберінде әрбір 8 немесе 12 апта сайын Визкью демеуші дозасын қабылдаған пациенттермен салыстырғанда 8 аптадан кем болмауы тиіс. Көзішілік қысымның жоғарылауы Бролуцизумабты қоса, тамырлық эндотелийдің өсу факторы тежегіштерімен (VEGF) интравитреальді инъекциядан кейін 30 минут ішінде көзішілік қысымның уақытша ұлғаюы байқалды. Препаратты нашар бақыланатын глаукомасы бар пациенттерге аса сақтықпен қолдану керек (егер көзішілік қысым ≥30 мм с.б. болса Визкью препаратын енгізбеңіз). Көзішілік қысымды және көру жүйкесі ұшының перфузиясына тиісті түрде мониторинг жүргізу және түзету қажет. Билатеральді емдеу Бір мезгілде екі көзге енгізілетін бролуцизумаб препаратының қауіпсіздігі мен тиімділігі зерттелмеді. Иммуногенділігі Бұл емдік ақуыз болғандықтан, бролуцизумабты пайдаланғанда иммуногенділіктің даму ықтималдығы бар. Пациенттер егер көздің ауыруы немесе аса жайсыздық, көздің қатты қызаруы, анық көрмеу немесе нашар көру, көз алдында ұсақ нүктелердің көбеюі немесе жарыққа жоғары сезімталдық сияқты симптомдар дамыған кезде дәрігерге хабарлау керектігі туралы нұсқаулық алған болуы тиіс. Басқа анти-VEGF препараттарын бірге қолдану Визкью препаратын басқа анти-VEGF препараттарымен бір көзге қатар қолдану бойынша деректер жоқ. Бролуцизумабты басқа анти-VEGF (жүйелі немесе көзге тамызатын) дәрілермен бір мезгілде қолданбаған жөн. Емді тоқтата тұру Интравитреальді анти-VEGF дәрілік препараттарды пайдаланғанда емді уақытша тоқтату қажет және мына жағдайларда келесі жоспарланған курстан ерте қайта бастамаған жөн: • көру жітілігін соңғы рет бағалаумен салыстырғанда барынша түзетілген көру жітілігінің (БТКЖ) ≥30 әріпке төмендеуі; • торқабықтың жарылуы; • орталық шұңқырға тиетін субретинальді қан құйылу немесе егер қан құйылу көлемі зақымданудың жалпы ауданының ≥50 % құраса; • алдында немесе одан кейін 28 күн ішінде орындалған немесе жоспарланған интраокулярлық хирургиялық араласу. Торқабықтың пигментті эпителийінің жарылуы Экссудативті ЖМД кезінде анти-VEGF емінен кейін торқабықтың пигментті эпителийінің жарылуынан туындаған қауіп факторлары торқабықтың пигментті эпителийінің ауқымды және/немесе елеулі ажырауы болып табылады. Бролуцизумабпен емделу алдында торқабықтың пигментті эпителийінің жарылуына қатысты сипатталған қауіп факторлары бар пациенттерде сақтық таныту керек. Торқабықтың регматогенді ажырауы немесе макулярлы саңылаулар Торқабықтың регматогенді ажырауы немесе 3 немесе 4 дәрежедегі макулярлы саңылаулары бар пациенттерде ем тоқтатылуы тиіс. Интравитреальді енгізуден кейінгі жүйелі әсер VEGF тежегіштерімен интравитреальді инъекциядан кейін жүйелі жағымсыз әсерлер, оның ішінде офтальмологиялық емес қан құйылулар және артериялық тромбоэмболиялық асқынулар туралы хабарланды және олардың VEGF тежеумен ықтимал байланысының теориялық қаупі бар. Анамнезінде соңғы 3 айда инсульті немесе өтпелі ишемиялық шабуылдары бар пациенттерде ЖМД және ДМІ емдегенде қауіпсіздікке қатысты деректер шектеулі. Ұқсас жағдайлары бар пациенттерде препаратты сақтықпен қолдану керек. Арнайы ескертулер Натрий мөлшері Осы дәрілік препараттың құрамында бір дозаға 1 ммольден кем натрий (23 мг) бар, яғни іс жүзінде «натрийсіз» дерлік. Полисорбат 80 мөлшері Осы дәрілік препараттың құрамында бір дозаға 0,01 мг полисорбат 80 (0,05 мл) бар. Полисорбаттар аллергиялық реакцияларды тудыруы мүмкін. Егер сізде белгілі бір аллергия болса, дәрігерге хабарлау қажет. Деректері шектеулі популяциялар 10% - дан астам гликирленген гемоглобин (HbA1c) деңгейімен немесе пролиферативті диабеттік ретинопатиясымен қант диабеті бар пациенттерде Визкью препаратын қолдану тәжірибесі шектеулі. Сондай-ақ, бақыланбайтын гипертониясымен диабеті бар пациенттерді Визкью препаратымен емдеу тәжірибесі жоқ. Мұндай пациенттерді емдеу кезінде дәрігер осы ақпараттың болмауын ескеруі керек. Педиатрияда қолдану Визкью препаратын балалар мен 18 жасқа толмаған жасөспірімдерде қолданудың қауіпсіздігі мен тиімділігі анықталмаған. Қолжетімді деректер жоқ. Егде жастағы пациенттер 65 жастағы және одан үлкен пациенттерде дозаны түзету талап етілмейді. Бауыр жеткіліксіздігі бар пациенттер Препаратты бауыр функциясы бұзылған пациенттер үшін қолдану зерттелмеді. Бауыр функциясы бұзылған пациенттерде дозаны түзету талап етілмейді. Бүйрек жеткіліксіздігі бар пациенттер Бүйрек функциясы бұзылған пациенттерде дозаны түзету талап етілмейді. Бала туу жасындағы әйелдер Бала туу жасындағы әйелдер емдеу кезінде бролуцизумабпен емдеу кезеңінде және бролуцизумабпен емдеу тоқтатылған кезде соңғы дозаны қабылдағаннан кейін кемінде бір ай бойы тиімді контрацепцияны қолдануы керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Визкью препараты интравитреальді инъекциядан және осыған байланысты көзге жасалған тексерістен кейін уақытша нашар көру ықтималдығын тудыратын болғандықтан, көлік құралдарын және/немесе механизмдерді басқару қабілетіне аз ғана әсер етеді. Пациенттерге көру функциясы толық қалпына келмегенге дейін көлік құралдарын басқармаған немесе механизмдермен жұмыс істемеген жөн.

Бролуцизумабты жүкті әйелдерде қолдану туралы деректер жоқ немесе шектеулі. Жануарларға жүргізілген зерттеулер репродуктивті уыттылыққа қатысты жеткіліксіз. Препараттың әсер ету механизміне байланысты препаратты көзішілік енгізгеннен кейін жүйелік әсер өте аз болса да, эмбриофетальді даму үшін потенциалды қауіп бар. Сондықтан, егер потенциалды пайда шарана үшін потенциалды қауіптен жоғары болмаса, бролуцизумабты жүктілік кезінде қолданбаған жөн. Бролуцизумаб препаратының емшек сүтімен бөлініп бөлінбейтіні белгісіз. Жаңа туған балалар/емшектегі сәбилер үшін қауіпті де жоққа шығаруға болмайды. Бролуцизумабты емшек емізу кезінде қабылдамаған жөн, ал бала емізуді бролуцизумабпен емдеу тоқтатылған кезде соңғы дозаны қабылдағаннан кейін бір айдан ерте бастамаған жөн. Емшек емізуді тоқтату немесе бролуцизумабпен емдеуден бас тарта тұру туралы шешім бала үшін емізудің пайдасы мен ана үшін емнің пайдасын ескерумен, қабылдануы тиіс.

Өзара әрекеттесулер бойынша зерттеулер жүргізілмеді.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары 2 ºС-ден 8 ºС-ге дейінгі температурада, жарықтан қорғалған жерде сақтау керек. Мұздатып қатыруға болмайды. Балалардың қолы жетпейтін жерде сақтау керек!