ВИЛАТЕТМ 500 ХБ, лиофилизат 500 МЕ

Бір құтының ішінде: белсенді заттар - адам қан ұюының VIII факторы (FVIII) 500 ХБ және 1000 ХБ, адамның Виллебранд факторы (VWF) 500 ХБ және 1000 ХБ, қосымша заттар: глицин, сукроза, натрий хлориді, натрий цитраты, кальций хлориді. Еріткіші бар бір құтыда 5 мл инъекцияға арналған суда 1 мг/мл (4.99 мг) полисорбат 80 бар. Вилате 500: қалпына келтірілген ерітіндіге 11,7 мг натрий (бір құтыға 58,7 мг натрий). Вилате 1000: қалпына келтірілген ерітіндіге 11,7 мг натрий (бір құтыға 117,3 мг натрий). Сыртқы түрінің, иісінің, дәмінің сипаттамасы Ақ немесе бозғылт сары түсті лиофилизацияланған ұнтақ. Ерігеннен кейін мөлдір немесе аздап бозаңданатын, түссіз немесе ашық сары сұйықтық.

- Виллебранд ауруы (BА) Десмопрессинмен (DDAVP) емдеу тиімсіз немесе қарсы көрсетілген жағдайда Виллебранд ауруы (VWD) кезінде қан кетудің немесе хирургиялық қан кетуді емдеу және оның профилактикасы. - А гемофилиясы А гемофилиясы (VIII фактордың туа біткен тапшылығы) бар пациенттерде қан кетуді емдеу және оның профилактикасы.

Геморрагияға қарсы препараттар. К дәрумені және басқа гемостатиктер. Қанның ұю факторлары. Біріктірілген Виллебранд факторы және қан ұюының VIII факторы. ATХ коды B02BD06 Виллебранд ауруы (BА) Виллебранд факторы (концентраттан) адам плазмасының қалыпты құрамдас бөлігі болып табылады және Виллебрандтың эндогендік факторы сияқты әрекет етеді. Әсер ету механизмі: Виллебранд факторын енгізу екі деңгейде Виллебранд факторының тапшылығынан (Виллебранд ауруы) зардап шегетін пациенттерде пайда болатын гемостатикалық бұзылуларды түзетуге мүмкіндік береді: ВФ бастапқы гемостазды қамтамасыз етумен тамырдың зақымдану орнында тамыр суб-эндотелийіне тромбоциттер адгезиясын қалпына келтіреді (тамыр суб-эндотелийімен және тромбоциттер жарғақшасымен байланысу арқылы), бұл қан кету уақытының қысқаруымен көрініс табады. Бұл әсер бірден пайда болады және ақуыздың полимерлену деңгейіне байланысты екені белгілі; ВФ VIIIф қатарлас тапшылығын түзетуді кешіктіреді. Вена ішіне енгізгенде, ВФ эндогендік ФVIII-ді байланыстырады (оны әдетте пациенттің өзі шығарады) және оны тез деградацияға жол бермей тұрақтандырады. • Осыған байланысты, таза ВФ (VIIIф деңгейі төмен ВФ препараты) енгізу бірінші инфузиядан кейін қайталама әсер ретінде FVIII:С деңгейін қалыпты деңгейге дейін қалпына келтіреді. • Құрамында ФVIII бар препаратты енгізу ФVIII:С деңгейін бірінші инфузиядан кейін бірден қалыпты деңгейге дейін қалпына келтіреді. Қорғағыш ФVIII сақтайтын ақуыз ретіндегі рөліне қосымша, ВФ тамырлардың зақымдану орындарына тромбоциттер адгезиясына байланысты болады және тромбоциттер агрегациясында маңызды рөл атқарады. А гемофилиясы ХФ/III/ВФ кешені әртүрлі физиологиялық функциялары бар екі молекуладан (VIII фактор және Виллебранд факторы) тұрады. Гемофилиямен ауыратын науқасқа енгізген кезде FVIII пациенттің қан айналымындағы ВФ-мен байланысады. Белсендірілген VIII фактор (БVlllф) белсендірілген IX фактор (БIХф) үшін кофактор ретінде әрекет етеді, X факторын белсендірілген Х факторына (БХф) айналуын жылдамдатады. БХф протромбинді тромбинге айналдырады. Содан кейін Тромбин фибриногенді фибринге айналдырады және ұйынды қалыптасады. А гемофилиясы – бұл VIII қан ұю факторы деңгейінің төмендеуі салдарынан тұқым қуалайтын, жыныспен тізбектелген қан ұюының бұзылуы, бұл өздігінен немесе кездейсоқ немесе хирургиялық жарақат нәтижесінде пайда болатын буындарға, бұлшықеттерге немесе ішкі ағзаларға қан кетудің дамуына әкеледі. Орын басу терапиясында VIIIф плазмалық деңгейі жоғарылайды, осылайша фактор тапшылығын уақытша түзетуді және қан кету үрдістерін түзетуді қамтамасыз етеді. Айта кету керек, жылдық қан кету жиілігі (ЖҚЖ) әртүрлі фактор концентраттары мен әртүрлі клиникалық зерттеулер арасында салыстыруға келмейді. Қорғағыш VIIIф сақтайтын ақуыз ретіндегі рөліне қосымша, ВФ тамырлардың зақымдану орындарына тромбоциттер адгезиясына байланысты болады және тромбоциттер агрегациясында маңызды рөл атқарады.

Дозалау режимі Препаратты қолдану қан ұюының бұзылуын емдеу тәжірибесі бар дәрігердің бақылауымен жүргізілуі керек. Өнім бір рет пайдалануға арналған, құтының ішіндегісін толық енгізу керек. Егер ішіндегісі кез-келген мөлшерде қалса, оны жергілікті талаптарға сәйкес утилизациялау керек. Виллебранд ауруы (BА) FVIII:C және VWF:RCo 1: 1 арасындағы қатынас. Әдетте, FVIII: C және VWF:RCo дене салмағының 1 ХБ/кг плазмалық деңгейді тиісті ақуыздардың қалыпты белсенділігінің 1,5-2%-на арттырады. Әдетте, адекватты гемостазға жету үшін дене салмағының 20-дан 50ХБ-ге дейін Вилате/кг қажет. Бұл шамамен науқастарда FVIII:C және VWF:RCo шамамен 30-дан 100%-ға дейін жоғарылауына әкеледі. Бастапқы доза дене салмағының 50-80 ХБ Вилате/кг жетуі мүмкін, әсіресе 3 типті Виллебранд ауруы бар пациенттерде плазманың жеткілікті деңгейін ұстап тұру үшін басқа VWD типтеріне қарағанда жоғары дозалар қажет болуы мүмкін. Балалар 6 жасқа дейінгі балаларда Вилатені қолдануды ұсынатын деректер жеткіліксіз. Хирургиялық араласу немесе ауыр жарақат кезінде қан кетудің алдын алу: Хирургиялық араласу кезінде қан кетудің профилактикасы үшін Вилатені хирургиялық араласу басталғанға дейін 1-2 сағат бұрын енгізу керек. VWF деңгейлеріне қол жеткізілуі тиіс: RCO ≥60 ХБ/дл (≥60%) және FVIII:С деңгейлер ≥40 ХБ/дл 40%). Тиісті дозаны емдеудің әр 12-24 сағатында қайта енгізу керек. Емдеу дозасы мен ұзақтығы пациенттің клиникалық жағдайына, қан кетудің типі мен ауырлығына, сондай-ақ FVIII:C және VWF:RCo деңгейлеріне байланысты. Құрамында FVIII бар ВФ өнімдерін қабылдайтын науқастарда қан плазмасында FVIII:С шамадан тыс жоғарылауын анықтау үшін FVIII:С плазмалық деңгейлері тексерілуі тиіс, бұл, әсіресе белгілі клиникалық немесе зертханалық қауіп факторлары бар пациенттерде тромбоз қаупін арттыруы мүмкін. Қан плазмасында FVIII:С шамадан тыс жоғарылаған жағдайда дозаларды азайту және/немесе енгізу аралығын арттыру немесе құрамында FVIII деңгейі төмен ВФ өнімін пайдалану қажет. Профилактика: VWD бар пациенттерде қан кетудің ұзақ мерзімді алдын алу кезінде дене салмағының 20-40 ХБ/кг-на тең дозаларды аптасына 2 немесе 3 рет енгізу керек. Кейбір жағдайларда, мысалы, асқазан-ішектен қан кететін науқастарда жоғары дозалар қажет болуы мүмкін. А гемофилиясы Емдеу мониторингі Емдеу барысында енгізілетін дозаны және қайталама инфузиялардың жиілігін түзету мақсатында VIII фактордың деңгейлерін тиісінше анықтау ұсынылады. Жекелеген пациенттерде жауап VIII фактормен емдеуге ауытқуы мүмкін, бұл әр түрлі жартылай шығарылу және қалпына келтіру кезеңдерін көрсетеді. Дене салмағына негізделген дозаны дене салмағы жеткіліксіз немесе артық пациенттерде түзету керек. Кең көлемді хирургиялық араласулар жағдайында коагуляция талдауы (плазмадағы VIII фактордың белсенділігі) арқылы алмастыру терапиясын дәл бақылау міндетті болып табылады Дозалау режимі Алмастыру терапиясының дозасы мен ұзақтығы VIII фактор тапшылығының ауырлығына, қан кетудің орналасуы мен дәрежесіне және науқастың клиникалық жағдайына байланысты. VIII фактордың енгізілетін бірліктерінің саны VIII факторы бар өнімдер үшін ДДҰ ағымдағы стандартына байланысты халықаралық бірліктерде (ХБ) көрсетіледі. Плазмадағы VIII фактордың белсенділігі пайызбен (қалыпты адам плазмасына қатысты) немесе (дұрысы) халықаралық бірліктермен (плазмадағы VIII фактор үшін халықаралық стандартқа қатысты) көрсетіледі. VIII фактор белсенділігінің бір халықаралық бірлігі (ХБ) бір мл қалыпты адам плазмасындағы VIII фактор мөлшеріне тең. Қажеттілігіне қарай емдеу Қажетті ФV111 дозасын есептеу дене салмағының 1 ХБ FVIII:C/Kr плазмалық деңгейді қалыпты белсенділіктің 1,5-2% арттырады деген эмпирикалық қорытындыға негізделген. Қажетті доза келесі формула бойынша анықталады: Қажетті доза келесі формула бойынша анықталады: Қажетті доза (ХБ) = дене салмағы (кг) × мақсатты жоғарылау FVIII (%) (ХБ/дл) × 0,5 ХБ/кг Енгізу саны мен жиілігі әр жағдайда әрдайым клиникалық тиімділікке бағытталуы керек. Келесі геморрагиялық оқиғалар жағдайында ФVIII белсенділігі тиісті кезеңде плазма белсенділігінің осы деңгейінен (қалыпты деңгейден % немесе ХБ/дл) төмен түспеуі тиіс. Қан кету және хирургиялық араласу үшін дозалау нұсқаулығы үшін келесі кестені қолдануға болады: Қан кетудің ауырлығы /хирургиялық араласудың типі — Қажетті деңгей ФVIII (%) (ХБ/дл) — Енгізу жиілігі (сағат) /емдеу ұзақтығы (күн) Қан кету Ерте гемартроз, бұлшықетішілік қан кету немесе ауыз қуысынан қан кету — 20 - 40 — 12-24 сағат сайын қайталаңыз. Қан кету эпизоды шешілгенге дейін (ауырсынумен анықталады) немесе емделуге қол жеткізілгенге дейін кем дегенде 1 тәулік. Анағұрлым көп қан кету, бұлшықеттен қан кету немесе гематома — 30–60 — 12-24 сағат сайын 3-4 күн немесе одан да көп уақыт бойы ауырсыну мен әлсіздік жойылғанша. Өмірге қауіпті қан кетулер — 60-100 — Қауіп өткенше 8-24 сағат сайын қайталаңыз. Хирургиялық араласулар Шағын араласулар, соның ішінде тісті жұлу — 30–60 — 24 сағат сайын. Қалпына келгенге дейін кем дегенде 1 күн. Ауқымды хирургиялық араласулар — 80-100 (операцияға дейінгі және кейінгі) — 8-24 сағат сайын жараның жеткілікті емделуіне дейін қайталаңыз, содан кейін ФVIII белсенділігін 30%-60% (ХБ/дл) деңгейінде ұстау үшін кем дегенде тағы 7 күн. Профилактика: А гемофилиясының ауыр түрімен ауыратын науқастарда қан кетудің ұзақ мерзімді алдын алу үшін дене салмағының 20-40 ХБ Вилате/кг дозаларын 2-3 күн сайын енгізу керек. Кейбір жағдайларда, әсіресе жас пациенттерде, инъекциялар арасындағы қысқа аралықтар немесе жоғары дозалар қажет болуы мүмкін. Үздіксіз инфузия: Операцияға дейін клиренсті бағалау үшін фармакокинетикалық талдау жасалуы тиіс. Бастапқы инфузия жылдамдығын келесідей есептеуге болады: Инфузия жылдамдығы (ХБ/кг/сағ) = клиренс (мл/кг/сағ) × мақсатты тұрақты деңгей (ХБ/мл) Үздіксіз инфузияның алғашқы 24 сағатынан кейін клиренсі өлшенген деңгеймен және белгілі инфузия жылдамдығымен тұрақты күй теңдеуі арқылы күн сайын қайта есептелуі тиіс. Балалар 6 жасқа дейінгі балаларда А гемофилиясы кезінде Вилатені қолдануды ұсынатын деректер жеткіліксіз. Енгізу жолы және тәсілі Вена ішіне енгізу үшін. Инъекция немесе инфузия жылдамдығы минутына 2-3 мл-ден аспауы тиіс. Ерітінді дайындау ережелері: • Ұнтақ пен еріткішті жабық құтыларда бөлме температурасына дейін жеткізіңіз. Бұл температура ерітіндіні қалпына келтіру кезінде сақталуы тиіс. • Қақпақты ұнтақ тұрған құтыдан және су тұрған құтыдан алыңыз, резеңке тығындарды спиртті сүрткімен дезинфекциялаңыз. • Иненің енгізілген ұшына тигізбестен, екі жақты иненің қысқа ұшынан қорғағыш қаптаманы алып тастаңыз. Содан кейін, тік қалыптағы инемен су бар құтының резеңке тығынының ортасын тесіңіз. Су тұрған құтыдан сұйықтықты толық сору үшін ине резеңке тығынға тек тығын арқылы енетін және құтыда көрініп тұратындай етіп енгізілуі тиіс. • Иненің енгізілген ұшына тигізбестен, екі жақты иненің басқа, ұзын ұшынан қорғағыш қаптаманы алып тастаңыз. Су тұрған құтыдан ұнтақ тұрған құтының үстінен тігінен төңкеріңіз және ұнтақ тұрған құтының резеңке тығынының ортасын инемен тез тесіңіз. Концентрат бар құтының ішіндегі вакуум суды тарта бастайды • Бос екі жақты инесі бар су тұрған құтыны ұнтақ тұрған құтыдан бөліп, концентрат толығымен ерігенше құтыны баяу айналдырыңыз. Вилате бөлме температурасында мөлдір ерітіндіге дейін тез ериді. Тек мөлдір немесе аздап бозаңданатын тұнбасыз ерітіндіні қолдануға болады. Егер концентрат толығымен ерімесе немесе тұнба пайда болса, препаратты қолданбаңыз. Ерітіндіні енгізу ережелері: Сақтық шарасы ретінде VIII факторды енгізгенге дейін және енгізу кезінде пациенттің пульс жиілігін бақылау қажет. Пульс жиілігінің айқын жоғарылауы жағдайында препаратты енгізуді баяулату немесе тоқтату керек. • Ұнтақ жоғарыда сипатталған ережелерге сәйкес ерігеннен кейін, қорғағыш қаптаманы сүзгі-инеден алып тастаңыз және концентрат тұрған құтының резеңке тығынын тесіңіз. • Сүзгі-инеден қақпақты алып тастаңыз және шприцті жалғаңыз. • Шприц жалғанған құтыны астыға төңкеріңіз және ерітіндіні шприцке салыңыз. • Ерітіндіні енгізудің болжамды орнын спиртті сүрткімен дезинфекциялаңыз. • Сүзгі-инені шприцтен ажыратыңыз және оның орнына көбелек-инені жалғаңыз. • Ерітіндіні вена ішіне 2-3 мл/мин жылдамдықпен баяу енгізіңіз. Кез келген пайдаланылмаған өнім немесе қалдықтар қолданыстағы заңнамаға сәйкес утилизациялануы тиіс. Қабылдау уақыты көрсетілген қолдану жиілігі Емдеуші дәрігердің ұсынысымен Емдеу ұзақтығы Емдеуші дәрігердің ұсынысымен

- әсер етуші заттарға немесе қосымша заттардың кез келгеніне аса жоғары сезімталдық

Қауіпсіздік бейінінің резюмесі Аса жоғары сезімталдық немесе аллергиялық реакциялар (соның ішінде ангио-ісіну, инфузия орнында шымылдату және шаншу, қалтырау, бетке қан тебуі, жайылған есекжем, бас ауыруы, бөртпе, гипотензия, сылбырлық, жүрек айнуы, мазасыздық, тахикардия, көкірек қуысының қысылуы, шаншу, құсу, тыныс алудың қиындауы) сирек кездеседі және кейбір жағдайларда ауыр анафилаксияға (шокты қоса) дейін өршуі мүмкін. Виллебранд ауруы (BА) VWD бар пациенттерде, әсіресе 3 типті, ВФ-ға бейтараптандыратын антиденелер өте сирек дамуы мүмкін. Егер тежегіштер пайда болса, бұл жағдайда адекватты емес клиникалық жауап байқалады. Тежегіш антиденелер преципитацияны тудыруы және анафилаксиялық реакциялардың дамуына ықпал етуі мүмкін. Сондықтан анафилаксиялық реакцияларға ұшыраған пациенттерді тежегіштердің бар-жоғын тексеру қажет. Барлық осындай жағдайларда гемофилияны емдеудің мамандандырылған орталығына хабарласу ұсынылады. Вилате үшін ВФ тежегіштерінің бірде-бір жағдайы клиникалық зерттеулерде немесе осы уақытқа дейін тіркеуден кейінгі қолдануда тіркелген жоқ. Әсіресе белгілі клиникалық немесе зертханалық қауіп факторлары бар пациенттерде тромбоздық асқынулардың пайда болу қаупі бар. Сондықтан тромбоздың ерте белгілерін анықтау үшін қауіп тобындағы пациенттерде мониторинг жүргізу қажет. Құрамында ФVIII бар ВФ өнімдерін қабылдайтын пациенттерде FVIII:С плазмалық деңгейінің ұзақ мерзімді жоғарылауы тромбоз қаупін арттыруы мүмкін. А гемофилиясы VIII фактор препараттарын, оған қоса Вилате қабылдайтын А гемофилиясы бар пациенттерде бейтараптандыратын антиденелер (тежегіштер) пайда болуы мүмкін. Егер тежегіштер пайда болса, бұл жағдайда адекватты емес клиникалық жауап байқалады. Мұндай жағдайларда гемофилияны емдеудің мамандандырылған орталығына хабарласу ұсынылады. Трансмиссиялық агенттерге қатысты қауіпсіздік туралы ақпаратты «Арнайы ескертулер» бөл. қараңыз. Өте жиі (ЕМП)* - VIII факторға тежегіш антиденелердің дамуы Сирек - аса жоғары сезімталдық - қызба - ЕП -ге VIII факторға тежегіш антиденелердің дамуы Өте сирек - анафилаксиялық шок - Виллебранд факторына тежегіш антиденелердің дамуы Жиілігі белгісіз - кеуденің ауыруы - жөтел - кеңістіктік бағдардан адасу - іштің ауыруы - арқаның ауыруы (ЕМП)* - бұрын емделмеген пациенттер, ЕП * - емделген пациенттер Жеке жағымсыз реакциялардың сипаттамасын Арнайы ескертулер бөлімінен қараңыз Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Адамның ВФ немесе VIII факторының артық дозалану симптомдары туралы хабарланған жоқ. Елеулі артық дозалану кезінде тромбоэмболиялық құбылыстар туындауы мүмкін.

Сипатталған жоқ Арнайы ескертулер Балаларда қолдану 6 жасқа дейінгі балаларда А гемофилиясы кезінде Вилатені қолдануды ұсынатын деректер жеткіліксіз. Бақылануы Биологиялық дәрілік заттың қадағалануын жақсарту үшін енгізілетін дәрінің атауы мен партия нөмірін жазып қою қажет. Аса жоғары сезімталдық Препаратты қолданған кезде аллергиялық типтегі аса жоғары сезімталдық реакциялары пайда болуы мүмкін. Өйткені препарат құрамында VIII фактордан басқа адам ақуыздарының іздері бар. Аса жоғары сезімталдық симптомдары пайда болғанда пациенттер препаратты қабылдауды дереу тоқтатып, емдеуші дәрігерден кеңес алу керек. Пациенттерге есекжем, жайылған есекжем, көкірек қуысының қысылу сезімі, ентігу, гипотония және анафилаксияны қамтитын аса жоғары сезімталдықтың ерте белгілері туралы хабарлау қажет. Шок жағдайында стандартты медициналық көмек қолданылуы керек. Инфекция қоздырғыштарының берілуі Адамның қанынан немесе плазмасынан жасалған медициналық препараттарды қолдану кезінде инфекция қоздырғыштары берілуінің алдын алуға бағытталған стандартты іс-шараларға донорларды іріктеу, донорлық қанның дербес бөліктерін және плазма пулдарын инфекциялардың нақты маркерлерін анықтау үшін скрининг жүргізу, сондай-ақ өндіріс процесінде вирустарды инактивациялаудың/жоюдың тиімді әдістерін қолдану жатады. Осы сақтық шараларына қарамастан, адамның қанынан немесе плазмасынан алынған дәрілік препараттарды дайындау кезінде инфекциялық аурулардың қоздырғыштарын беру мүмкіндігін толығымен жоққа шығаруға болмайды. Бұл сондай-ақ белгісіз немесе пайда болатын вирустар мен басқа қоздырғыштарға қатысты. Қабылданған шаралар АИТВ, В және С гепатиті сияқты қабықшалы вирустарға, сондай-ақ А гепатитінің қабықсыз вирусына қарсы тиімді болып саналады. Қабылданған шаралар парвовирус В19 сияқты қабықсыз вирустарға қарсы шектеулі әсер етуі мүмкін. В19 парвовирусымен инфекциялану жүкті әйелдер үшін (шарананың құрсақішілік инфекциясы), иммун тапшылығы бар адамдар үшін, эритроциттердің түзілуі жоғары пациенттер үшін (мысалы, гемолиздік анемия кезінде) қауіп төндіреді. Адам қан плазмасынан өндірілген ФVIII/ВФ концентраттарын тұрақты/қайталап алу кезінде пациенттерге тиісті вакцинация (А және В гепатитіне қарсы) ұсынылады. Вилате пациентке енгізілген сайын пациент пен өнім партиясы арасындағы байланысты сақтау үшін өнімнің аты-жөні мен партия нөмірін жазу ұсынылады. Виллебранд ауруы (BА) Тромбоэмболиялық асқынулар Құрамында VIII бар ВФ өнімдерін пайдаланған кезде емдеуші дәрігер үздіксіз емдеу FVIII:C шамадан тыс көтерілуіне әкелуі мүмкін екенін білуі тиіс. Құрамында ВФIII бар ВФ өнімдерін қабылдайтын пациенттерде қан плазмасындағы FVIII:C деңгейінің шамадан тыс жоғарылауын болдырмау үшін FVIII:C плазмалық деңгейлері тексерілуі тиіс, бұл тромбоздық оқиғалардың қаупін арттыруы мүмкін. Құрамында ФVIII бар ВФ өнімдерін қолданғанда, әсіресе белгілі клиникалық немесе зертханалық қауіп факторлары бар пациенттерде тромбоздық оқиғалардың пайда болу қаупі бар. Сондықтан тромбоздың ерте симптомдарын анықтау үшін қауіп тобындағы пациенттерді тексеру керек. Сондықтан тромбоздың ерте белгілерін анықтау үшін қауіп тобындағы пациенттерде мониторинг жүргізу қажет. Тежегіштер VWD бар пациенттерде, әсіресе 3 типті, ВФ-ға бейтараптандыратын антиденелер (тежегіштер) дамуы мүмкін. Егер VWF:RCo плазмалық белсенділігінің күтілетін деңгейіне жету мүмкін болмаса немесе қан кету тиісті дозамен бақыланбаса, ВФ тежегіштерінің болуын анықтау үшін талдау жасалуы керек. ВФ тежегіштерінің деңгейі жоғары пациенттерде терапия тиімсіз болуы мүмкін және басқа емдеу шаралары жүргізілуі тиіс. Мұндай науқастарды емдеуді гемостатикалық бұзылыстары бар пациенттерді емдеуде тәжірибесі бар дәрігерлер жүргізуі тиіс. А гемофилиясы Тежегіштер ФVIII-ге бейтараптандыратын антиденелердің (тежегіштердің) түзілуі А гемофилиясы бар пациенттерді емдеуде белгілі асқыну болып табылады. Бұл тежегіштер әдетте ФVIII прокоагулянттық белсенділігіне қарсы бағытталған IgG иммуноглобулиндері болып табылады, олар модификацияланған тест арқылы бір мл плазмаға модификацияланған Бетесда (BU) бірліктерінде сандық түрде анықталады. Тежегіштердің даму қаупі гемофилияға қарсы ФVIII әсерімен өзара байланысты, бұл қауіп қолданудың алғашқы 20 күнінде ең жоғары болады. Сирек жағдайда, тежегіштер емдеудің алғашқы 100 күнінен кейін дамуы мүмкін. Тежегіштер дамуының клиникалық маңыздылығы тежегіштің титріне байланысты болады, төмен титрлі тежегіштер жоғары титрлі тежегіштерге қарағанда жеткіліксіз клиникалық жауап алу қаупін азайтады. Жалпы, адам қан ұюының VIII факторы терапиясынан өткен барлық пациенттер клиникалық бақылаулар мен зертханалық зерттеулердің нәтижелерін ескере отырып, тежегіштердің бар-жоғын мұқият тексеруі керек. Егер плазмадағы VIII фактордың күтілетін белсенділік деңгейіне қол жеткізілмесе немесе қан кету тиісті дозамен бақыланбаса, VIII фактор тежегішінің бар-жоғына тест жүргізу керек. Тежегіш деңгейі жоғары пациенттерде VIII фактордағы терапия тиімсіз болуы мүмкін, сондықтан емдеудің басқа нұсқаларын қарастырған жөн. Мұндай пациенттерде емдеуді гемофилиямен және VIII фактор тежегіштерімен ауыратын пациенттерді емдеуде тәжірибесі бар дәрігер тағайындауы керек. Жүрек-қантамыр оқиғалары Жүрек-қантамыр қауіп факторлары бар пациенттерде FVIII бар алмастыру терапиясы жүрек-қантамыр асқынуларының қаупін арттыруы мүмкін. Катетерді қолданумен байланысты асқынулар Орталық венаға енгізу құрылғысын (ОВЕҚ) қолдану қажет болғанда оны қолданумен байланысты асқынулардың, оның ішінде катетер енгізілетін жерде жергілікті инфекциялар, бактериемия және тромбоздың қаупін ескеру қажет. Бұл дәрілік препарат 500 ХБ VWF және FVIII/құтыға 58,7 мг дейін натрийден және 1000 ХБ VWF және FVIII/құтыға 117,3 мг дейін натрийден тұрады, бұл ДДҰ ұсынған ересек адам үшін 2 г натрийдің тәуліктік максималды тұтынуынан тиісінше 2,94% және 5,87% сәйкес келеді. Балалар Аталған ескертулер мен сақтық шаралары ересектерге де, балаларға да қолданылады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автокөлікті басқару және механизмдермен жұмыс істеу қабілетіне ешқандай әсер байқалмады.

Виллебранд ауруы (BА) Жүкті немесе бала емізетін әйелдерді емдеу тәжірибесі жоқ. Вилате жүкті немесе бала емізетін әйелдерге тек нақты көрсеткіштермен тағайындалуы керек, бұл босану мұндай пациенттерде қан кету қаупінің жоғарылауына әкелетінін ескереді. А гемофилиясы Әйелдерде А гемофилиясының сирек туындауына байланысты жүктілік және емшек емізу кезінде емдеу тәжірибесі жоқ. Осылайша, Вилатені жүктілік кезінде және емшек емізу кезінде тек нақты көрсетілімдермен қолдану керек.

Адам қан ұюының VIII факторы препараттарының басқа дәрілік препараттармен қандай да бір өзара әрекеттесуі байқалмады.

Сақтау мерзімі Препарат: 3 жыл (2°С-ден 8°С-ге дейінгі температурада); 6 ай (25°С-ден аспайтын температурада). Еріткіш (инъекцияға арналған су 0.1% Полисорбат 80-мен): 60 ай (2°С-ден 8°С-ге дейінгі температурада); 6 ай (2°С-ден 25°С-ге дейінгі температурада). Жарамдылық мерзімі өткеннен кейін қолдануға болмайды! Сақтау шарттары 36 ай (2°С-ден 8°С-ге дейінгі температурада). 6 ай (25°С-ден аспайтын температурада), бөлме температурасында сақтағаннан кейін жарамдылық мерзімі аяқталады. Мұздатып қатыруға болмайды. Дайындалған ерітінді бөлме температурасында сақталған кезде 12 сағат бойы тұрақты болады (ең жоғары 25 0 С). Дегенмен, микробтық контаминацияны болдырмау үшін дайындалған ерітіндіні дереу енгізу керек. Балалардың қолы жетпейтін жерде сақтау керек!