ВИЛГЛАД-М таблетки 50 мг/1000 мг

Бір таблетканың құрамында белсенді заттар: 50 мг вилдаглиптин, 850 мг немесе 1000 мг метформин гидрохлориді, қосымша заттар: микрокристалды целлюлоза (Ависел РН-112), гидроксипропилцеллюлоза, магний стеараты, сусыз этанол, үлбірлі қабығы: Қызғылт Опадрай II 85F540352 (гидролизденген поливинил спирті, титанның қостотығы (Е171), тальк, макрогол/Полиэтиленгликоль, темірдің қызыл тотығы (E172)), Ақ Опадрай II 85F18422 (гидролизденген поливинил спирті, титанның қостотығы (Е171), тальк, макрогол/Полиэтиленгликоль), тазартылған су. Сыртқы түрінің, иісінің, дәмінің сипаттамасы 50 мг/850мг доза үшін: Сопақша пішінді, екі беті дөңес, жиегі қиғаш, ашық қызғылттан қызғылт түске дейін үлбірлі қабықпен қапталған, таблетканың бір жағында «V16» және екінші жағында «Н» өрнегі бар таблеткалар. 50 мг/1000 мг доза үшін: Сопақша пішінді, екі беті дөңес, жиегі қиғаш, ақтан ақ дерлік түске дейін үлбірлі қабықпен қапталған, таблетканың бір жағында «V17» және екінші жағында «Н» өрнегі бар таблеткалар.

ВИЛГЛАД-М дәрілік препараты 2 типті қант диабеті бар ересек пациенттерде гликемиялық бақылауды жақсарту үшін диетотерапия мен физикалық жаттығуларға қосымша ретінде қолдануға көрсетілген: • метформин гидрохлоридімен монотерапияның тиімділігі жеткіліксіз пациенттерде; • вилдаглиптин мен метформин гидрохлоридінің біріктірілімін жеке таблетка түрінде қабылдап жүрген пациенттерде; • гликемияны бақылаудың тиімділігі жеткіліксіз болған кезде инсулинді қоса, басқа гипогликемиялық дәрілермен біріктірілімде.

Әсер ету механизмі ВИЛГЛАД-М препараты 2 типті қант диабеті бар пациенттерде қандағы глюкоза деңгейін бақылауды жақсартуға қолайлы әсер ету механизмдерімен екі гипогликемиялық затты біріктіреді: вилдаглиптин, ұйқы безінің аралшықты жасушаларымен инсулиннің синтезін стимуляциялайтын дәрілік заттарға жатады және метформин гидрохлориді бигуанидтер класына жатады. Вилдаглиптин ұйқы безінің аралдық жасушаларымен инсулин синтезін стимуляциялайтын дәрілік заттар класына жатады, дипептидилпептидаза-4 (ДПП-4) күшті және селективті тежегіші болып табылады. Метформин бірінші кезекте бауырдағы глюкозаның эндогенді өнімінің төмендеуі есебінен әсер етеді. Фармакодинамикалық әсерлері Вилдаглиптин Вилдаглиптин негізінен ДПП-4, ГТП-1 (глюкагон тәрізді пептид–1) және АТП (асқазандық-тежегіш пептид) инкретин гормондарының ыдырауына жауапты ферментті тежеу жолымен әсер етеді. Вилдаглиптинді қолдану ДПП-4 белсенді заттарының тез және толық тежелуіне әкеледі, бұл ашқарынға және тамақтанғаннан кейін ГТП-1 және АТП инкретин гормондарының эндогенді деңгейлерінің артуына әкеледі. Бұл инкретин гормондарының эндогендік деңгейін арттыра отырып, вилдаглиптин бета-жасушалардың глюкозаға сезімталдығын арттырады, бұл инсулиннің глюкозаға тәуелді секрециясының артуына әкеледі. Тәуліктік дозасы 50-100 мг вилдаглиптинмен емдеу HOMA- (гомеостатикалық  бағалау моделі) қоса, проинсулиннің инсулинге арақатынасы мен жиі іріктелген төзімділік тестінен алынған бета-жасушалардың тағамға сезімталдық көрсеткіштерін қоса, 2-типті қант диабеті бар пациенттерде бета-жасушалардың функциясының маркерлерін айтарлықтай жақсартты. Қант диабетінен (қалыпты гликемиялық деңгеймен) зардап шекпейтін адамдарда вилдаглиптин инсулиннің секрециясын немесе глюкоза деңгейінің төмендеуін стимуляцияламайды. Эндогенді ГТП-1 деңгейінің артуы есебінен вилдаглиптин альфа-жасушалардың глюкозаға сезімталдығын күшейтеді, бұл глюкоза үшін қажетті глюкагон секрециясының артуына әкеледі. Инкретинді гормондар деңгейінің артуы есебінен гипергликемия кезінде инсулин/глюкагон арақатынасының жақсарған ұлғаюы бауырда ашқарынға және тамақтанудан кейін глюкоза өндірілуінің төмендеуіне әкеледі, бұл гликемияның төмендеуіне әкеледі. Асқазанның босауын кідіртетін ГТП-1 деңгейі жоғарылауының белгілі әсері вилдаглиптинмен емдегенде байқалмайды. Метформин Метформин плазманың базальді және постпрандиальді глюкозасын төмендететін гипогликемиялық әсері бар бигуанид болып табылады. Ол инсулиннің секрециясын стимуляцияламайды, демек гипогликемияға немесе салмақтың артуына әкелмейді. Метформин үш механизмнің көмегімен глюкозаны төмендететін әсер етуі мүмкін. - Глюконеогенезді және гликогенолизді тежеу арқылы бауырда глюкоза өндіруді қысқарту. - Бұлшықеттерде, инсулинге сезімталдықты орташа арттыру арқылы, шеткері тіндермен глюкозаның сіңуін және утилизациясын жақсарта отырып. - Ішекте глюкозаның сіңуін кідірте отырып. Метформин гликогеннің жасушаішілік синтезін гликоген-синтазаға әсер ету жолымен стимуляциялайды және глюкоза жарғақшалық тасымалдаушылары (GLUT-1 және GLUT-4) спецификалық түрлерінің тасымалдау қабілетін арттырады. Адам организмінде, оның гликемияға реакциясына қарамастан, метформин липидтік алмасуға жағымды әсер етеді. Бақыланатын, орта мерзімді немесе ұзақ мерзімді клиникалық зерттеулерде емдік дозалар кезінде: метформин қан сарысуындағы жалпы холестериннің, ТТЛП холестерині мен триглицеридтер деңгейін төмендетеді. UKPDS проспективті рандомизацияланған зерттеуі (Қант диабетін британдық проспективті зерттеу) 2-ші типті қант диабеті кезінде қандағы глюкозаны қарқынды бақылаудың ұзақ мерзімді пайдасын анықтады. Диетадан бас тартқаннан кейін метформинді қабылдаған артық салмағы бар пациенттер үшін нәтижелерді талдау: -бір ғана диетаны ұстанатын пациенттер тобымен (43,3 жағдай/1000 пациент-жас) (р=0,0023) салыстырғанда және монотерапия топтарымен және сульфонилмочевина мен инсулинді (40,1 жағдай/1000 пациент-жас) біріктірумен (р=0,0034) салыстырғанда (р = 0,0034 пациент-жас) метформин тобында диабетпен байланысты кез келген асқынудың абсолюттік қаупінің едәуір төмендеуі (29,8 жағдай/1000 пациент-жас); -диабетпен байланысты өлімнің абсолютті қаупінің едәуір төмендеуі: метформин-7,5 жағдай/1000 пациент-жас, тек бір диета 12,7 жағдай/1000 пациент-жас (р=0,017); - жалпы өлімнің абсолюттік қаупінің едәуір төмендеуі: метформин-13,5 жағдай/1000 пациент-жас 20,6 жағдай/1000 пациент-жас (р=0,011) бір диетамен салыстырғанда және 18,9 жағдай/1000 пациент-жыл (р=0,021) монотерапия топтарымен және сульфонилмочевина мен инсулин бірігуімен салыстарғанда; – миокард инфарктінің абсолютті даму қаупінің едәуір төмендеуі: метформин-11 жағдай/1000 пациент-жыл, бір диета 18 жағдай/1000 пациент-жыл (р=0,01). Клиникалық тиімділігі мен қауіпсіздігі Вилдаглиптин 6 айлық емдеу аяқталғаннан кейін плацебомен (вилдаглиптин үшін тиісінше 50 және 100 мг топтық айырмашылықтар кезінде-0,7-ден -1,1%- ға дейін) салыстырғанда гликирленген гемоглобин деңгейінің қосымша статистикалық маңызды орташа төмендеуін қамтамасыз ететін метформин монотерапиясына қарамастан қандағы глюкозаны бақылау қанағаттанарлық емес пациенттерге қосымша тағайындалады. Гликирленген гемоглобин деңгейінің бастапқы деңгейден ≥0,7% -ға төмендеуіне жеткен пациенттердің арақатынасы метформин мен плацебо қолданған топтармен (20%) салыстырғанда вилдаглиптин мен метформинді қолданған екі топта (тиісінше 46 және 60%) статистикалық жағынан едәуір жоғары болды. 24 апталық зерттеу барысында вилдаглиптинді (күніне екі рет 50 мг) метформинді қолдану кезіндегі бақылау қанағаттанарлық емес (орташа тәуліктік доза: 2020 мг) пациенттерде пиоглитазонмен (күніне бір рет 30 мг) салыстырды. Гликирленген гемоглобиннің бастапқы деңгейінен орташа төмендеу метформинге қосымша тағайындалған вилдаглиптинді қолданғанда -0,9% және метформинге қосымша тағайындалған пиоглитазонды қолданғанда -1,0% құрады. Метформинге қосымша тағайындалған пиоглитазон қабылдаған пациенттерде, метформинге қосымша тағайындалған вилдаглиптин алған пациенттерде дене салмағының +0,3 кг ұлғаюымен салыстырғанда +1,9 кг орташа ұлғаюы байқалды. 2 жыл бойы созылған клиникалық сынақта вилдаглиптин (тәулігіне екі рет 50 мг) метформинмен пациенттерді емдеген кезде (орташа тәуліктік доза: 1894 мг) глимепиридпен (тәулігіне 6 мг дейін — 2 жыл бойы орташа доза: 4,6 мг) салыстырды. 1 жылдан кейін гликирленген гемоглобиннің бастапқы деңгейінен орташа төмендеу метформинге қосымша тағайындалған вилдаглиптинді қолданғанда -0,4% және метформинге қосымша тағайындалған глимепиридті қолданғанда -0,5% құрады. Вилдаглиптинді қолданғанда дене салмағының өзгеруі глимепирид қолданғанда глимепирид қабылдаған кездегі +1,6 кг салыстырғанда -0,2 кг құрады. Гипогликемияның жаңа жағдайларының саны глимепирид қабылдаған пациенттер тобына (16,2%) қарағанда вилдаглиптин (1,7%) қабылдаған пациенттер тобында айтарлықтай төмен болды. Зерттеудің соңғы нүктесінде (2 жыл) гликирленген гемоглобиннің мәні екі эксперименттік топта да бастапқы мәндерге ұқсас болды, бұл ретте дене салмағының өзгеруі мен гипогликемиядағы айырмашылықтар сақталған. 52 апталық зерттеу барысында жай-күйді метформин көмегімен бақылау қанағаттанарлық болмаған (метформиннің бастапқы дозасы тәулігіне 1928 мг құрады) пациенттердің мысалында вилдаглиптинді (тәулігіне екі рет 50 мг) гликлазидпен (орташа тәуліктік доза: 229,5 мг) салыстыру жүзеге асырылды. 1 жылдан кейін гликирленген гемоглобин деңгейінің орташа төмендеуі метформинге қосымша тағайындалған вилдаглиптинді қолданғанда -0,81% (гликирленген гемоглобин 8,4% орташа бастапқы деңгейінде) және метформинге қосымша тағайындалған гликлазидті қолданғанда -0,85% (гликирленген гемоглобин 8,5% орташа бастапқы деңгейінде) құрады; бұл ретте статистикалық тұрғыда нәтижесі аз болмады (95% СА –0,11-0,20). Вилдаглиптинді қолданған кезде дене салмағының өзгеруі гликлазид қолданған кезде дене салмағының + 1,4 кг ұлғаюымен салыстырғанда +0,1 кг құрады. 24 апталық зерттеу кезінде вилдаглиптин мен метформин дозалары (біртіндеп тәулігіне екі рет 50/500 мг немесе тәулігіне екі рет 50/1000 мг дозаға дейін титрленген) бекітілген біріктірілімінің тиімділігі бұрын осы дәрілік затты қабылдамаған пациенттерді бастапқы емдеу ретінде бағаланды. 50/1000 мг вилдаглиптин/метформин біріктірілімін тәулігіне екі рет қолданғанда гликирленген гемоглобин деңгейі -1,82%, 50/500 мг вилдаглиптин/метформин біріктірілімін тәулігіне екі рет қолданғанда - 1,61%, 1000 мг метформинді тәулігіне екі рет – 1,36% және 50 мг вилдаглиптинді тәулігіне екі рет қолданғанда – гликирленген гемоглобиннің 8,6% бастапқы деңгейінен 1,09% төмендеді. Көбірек төмендеуі гликирленген гемоглобиннің бастапқы деңгейі ≥10,0% пациенттерді емдеген кезде байқалған. 24 апталық рандомизацияланған салыстырмалы жасырын, плацебо-бақыланатын зерттеу метформинмен (тәулігіне≥1500 мг) және глимепиридпен (тәулігіне≥4 мг) біріктіріп вилдаглиптиннің (тәулігіне екі рет 50 мг) тиімділігі мен қауіпсіздігін бағалау мақсатында 318 пациенттен тұратын топта жүргізілді. Вилдаглиптин метформинмен және глимепиридпен біріктірімде гликирленген гемоглобин деңгейін плацебомен салыстырғанда айтарлықтай төмендетті. Гликирленген гемоглобиннің бастапқы деңгейінің плацебо-түзетілген орташа төмендеуі 8,8% -0,76% құрады. 24 апталық рандомизацияланған салыстырмалы жасырын, плацебо-бақыланатын зерттеу метформинді (N=276) біріктіріп қолдану кезінде немесе метформинді (N=173) біріктірусіз қолдану кезінде базальді немесе біріктірілген инсулиннің (орташа тәуліктік доза – 41 бірлік) тұрақты дозасымен біріктіріп, вилдаглиптиннің (тәулігіне екі рет 50 мг) тиімділігі мен қауіпсіздігін бағалау мақсатында 449 пациенттен тұратын топта жүргізілді. Вилдаглиптин инсулинмен біріктірілімде плацебомен салыстырғанда гликирленген гемоглобин деңгейін едәуір төмендетті. Барлық пациенттер үшін жалпы плацебо-гликирленген гемоглобиннің бастапқы деңгейінің түзетілген орташа төмендеуі 8,8% -0,72% құрады. Метформинді бір мезгілде қолданғанда немесе бір мезгілде қолданбай инсулин алған кіші топтарда плацебо-гликирленген гемоглобин деңгейінің түзетілген орташа төмендеуі тиісінше -0,63% және -0,84% құрады. Барлық пациенттер үшін гипогликемияның жаңа жағдайларының саны вилдаглиптин және плацебо қолданылған топтарда жалпы 8,4 және 7,2% құрады. Вилдаглиптин алған пациенттерде дене салмағының ұлғаюы (+0,2 кг) байқалған жоқ, ал плацебо алған пациенттерде дене салмағының төмендеуі (-0,7 кг) байқалды. Инсулиннің көмегімен бақылау (қысқа және одан да ұзақ әсер ететін, инсулиннің орташа дозасы – 80 хБ/тәу) қанағаттанарлық болмаған үдемелі сатыдағы 2-типті қант диабеті бар пациенттер тобында басқа 24-апталық зерттеуде қанағаттанарлық болмаған, вилдаглиптинді (тәулігіне екі рет 50 мг) тағайындаған кезде гликирленген гемоглобин деңгейінің орташа төмендеуі плацебо мен инсулинді (0,2%-бен салыстырғанда 0,5%) қолданғанға қарағанда статистикалық жағынан едәуір көп болды. Гипогликемияның жаңа жағдайларының саны плацебо қабылдаған пациенттер тобына қарағанда вилдаглиптин қабылдаған пациенттер тобында төмен болды (29,6%-бен салыстырғанда 22,9%). Жүрек-қантамыр ауруларының қаупі Монотерапия мен біріктірілген емді (орташа экспозиция вилдаглиптин үшін 50 апта және салыстыру препараттары үшін 49 апта болған) қолдана отырып, ұзақтығы 2 жылдан астам III және IV фазаның 37 клиникалық зерттеулері негізінде бір-біріне тәуелсіз және анықталған жүрек-қан тамырлары ауруларының пайда болу жағдайларын ескере отырып, мета-талдау жасалды, ол вилдаглиптинмен емдеу салыстырмалы дәрілік заттармен емдеуге қарағанда жүрек-қан тамырлары аурулары қаупінің ұлғаюына байланысты болмағанын көрсетті. Ми қан айналымының өтпелі бұзылуы (инфаркт белгілерін көзбен шолу арқылы), инсульт немесе жүрек-қан тамырлары патологиясы себебінен болған өлім біріктірілген белсенді салыстырмалы және плацебо дәрілік заттарына қарағанда вилдаглиптин үшін ұқсас болды [Манмель-Хенцель қауіп коэффициенті-0,82 (сенімді аралық 95% – 0,61 - 0,61-0,62). (1,11)]. MACE дамуы вилдаглиптин алған пациенттерде 9 599 (0,86%) ішінен 83 жағдайда және салыстыру препараттарын алған пациентде 7 102 (1,20%) ішінен 85 жағдайда байқалды. Әрбір жеке MACE компонентін бағалау барысында жоғары қауіп анықталған жоқ (бұл Мантель-Хенцель қауіп коэффициентіне сәйкес келеді). СН ретінде сипатталған және емдеуге жатқызуды талап ететін жүрек жеткіліксіздігінің (СН) расталған жағдайы туралы немесе вилдаглиптин алған пациентте 41 (0,43%) және салыстыру препараттарын алған 32 (0,45%) пациентте СН жаңа эпизоды туралы хабарланған, бұл ретте Мантель-Хенцель қаупінің коэффициенті 1,08 (сенімді аралық 95% - 0,68-1,70) құрады.

Дозалау режимі Бүйрек функциясы қалыпты (ШСЖ≥ 90 мл/мин) ересек пациенттер Препаратты 2 типті қант диабетінде гипергликемияға қарсы дәрі ретінде пайдаланғанда оның дозасы, тиімділігі мен жағымдылығын ескере отырып, жеке таңдалады. ВИЛГЛАД-М препаратын тағайындау кезінде вилдаглиптиннің ең жоғары тәуліктік дозасынан (100 мг) асырмаған жөн. ВИЛГЛАД-М препаратын тағайындау күніне екі рет 50 мг/850 мг немесе 50 мг/1000 мг дозадан басталуы мүмкін, бір таблетка таңертең, ал келесісі кешке қабылданады. ВИЛГЛАД-М препаратының ұсынылатын бастапқы дозасы пациенттің жағдайына және/немесе пациент қазіргі уақытта қабылдап жатқан вилдаглиптиннің және/немесе метформин гидрохлоридінің тиісті дозасына негізделуі тиіс. - Метформинмен монотерапия кезінде жағдайы тиісті бақыланбайтын пациенттер үшін ВИЛГЛАД-М препаратының бастапқы дозасы күніне екі рет 50 мг вилдаглиптинді (тәуліктік доза 100 мг) және пациент бұрын қабылдаған метформин дозасын қолдануды қамтамасыз етуі тиіс. - Жеке препараттар түрінде вилдаглиптинмен және метформинмен біріктірілген емдеуден ауысатын пациенттер үшін ВИЛГЛАД-М препаратын пациент қабылдап жүрген вилдаглиптин немесе метформин дозасына сүйене отырып қабылдануы тиіс. - Метформинмен және сульфонилмочевинамен қосарлы біріктірілімде жағдайы тиісті түрде бақыланбайтын пациенттер үшін ВИЛГЛАД-М препаратының дозасы күніне екі рет 50 мг вилдаглиптинді (тәуліктік доза 100 мг) және пациент бұрын қабылдаған метформин дозасын қолдануды қамтамасыз етуі тиіс. Егер ВИЛГЛАД-М препараты сульфонилмочевинамен біріктірілімде қабылданса, гипогликемия қаупін азайту үшін сульфонилмочевинаның едәуір төмен дозаларын тағайындау мүмкіндігін қарастырған жөн. - Инсулинмен және метформиннің ең жоғары жағымды дозасымен қосарлы біріктірілімде жағдайы тиісті түрде бақыланбайтын пациенттер үшін ВИЛГЛАД-М препаратының дозасы күніне екі рет 50 мг вилдаглиптинді (тәуліктік доза 100 мг) және пациент бұрын қабылдаған метформин дозасын қолдануды қамтамасыз етуі тиіс. Тиазолидиндионмен үш компонентті біріктірілген ем құрамындағы вилдаглиптин мен метформиннің қауіпсіздігі мен тиімділігі анықталмаған. Енгізу әдісі және жолы Пероральді Қабылдау уақыты көрсетілген қолдану жиілігі Метформин гидрохлоридінің асқазан-ішек жолы тарапынан жағымсыз әсерлерін болдырмау үшін ВИЛГЛАД-М препаратын тамақтану кезінде қабылдау керек. Емдеу ұзақтығы Емдеуші дәрігер анықтайды Тоқтату симптомдары қаупінің болуын көрсету Қатысы жоқ.

- әсер етуші заттарға немесе қосымша заттардың кез келгеніне аса жоғары сезімталдық; - жедел метаболизмдік ацидоздың кез келген түрі (лактоацидозды, диабеттік кетоацидозды қоса); - диабеттік прекома; - бүйректің ауыр жеткіліксіздігі (ШСЖ < 30 мл/мин); - бүйрек функциясы бұзылуының дамуының қаупімен жүретін дегидратация, ауыр инфекция, шок, йодталған контрасттылы заттарды вена ішіне енгізу сияқты жедел жай-күйлер; - тіндер гипоксиясын туындатуға қабілетті жүрек немесе тыныс алу жеткіліксіздігі, жақында бастан өткерген миокард инфарктісі, шок сияқты жедел немесе созылмалы аурулар; - бауыр жеткіліксіздігі; - - жедел алкогольдік уыттану, алкоголизм; - бала емізу кезеңі.

Вилдаглиптин мен метформин (монокомпоненттер түрінде немесе бекітілген біріктірілім түрінде) немесе басқа диабетке қарсы препараттармен біріктірілімде, клиникалық зерттеулерде және тіркеуден кейінгі кезеңде қабылдаған пациенттерде жағымсыз реакциялар: Жиі (≥1/100-ден <1/10-ға дейін) • Жоғарғы тыныс жолдарының инфекциясы • Назофарингит • Бас айналуы • Бас ауыруы • Тремор • Құсу • Диарея • Жүрек айнуы • Гастроэзофагеальді рефлюксті ауру • Метеоризм • Іш қату • Іштің ауыруы, оның ішінде жоғарғы бөлігінде • Гипергидроз • Қышыну • Бөртпе • Дерматит • Артралгия • Астения Жиі емес (≥1/1000-нан <1/100-ге дейін) • Гипогликемия • Тәбеттің жоғалуы • Темір тату • Панкреатит • Гепатит • Эритема • Есекжем • Миалгия • Қажу • Қалтырау • Шеткері ісіну • Бауырдың функционалдық сынамалары көрсеткіштерінің қалыптан ауытқуы Өте сирек (<1/10000) • В12 дәруменінің сіңуінің төмендеуі, лактоацидоз Белгісіз (қолда бар деректер негізінде бағалау мүмкін емес) • Буллезді пемфигоидты қоса, терінің эксфолиативті немесе буллезді зақымдануы • Тері васкулиті Жағымсыз дәрілік реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды, медициналық бұйымдарды сараптау ұлттық орталығы» ШЖҚ РМК http://www.ndda.kz

ВИЛГЛАД-М препаратының артық дозалануына қатысты қолжетімді деректер жоқ. Вилдаглиптин Вилдаглиптиннің артық дозалануы туралы ақпарат шектеулі. Симптомдары Вилдаглиптиннің артық дозалануының ықтимал симптомдары туралы ақпарат вилдаглиптинді 10 күн бойы қабылдаған дені сау сыналушыларда дозаны арттыруға жағымдылығын зерттеуден алынды. 400 мг дозада бұлшықеттерде ауырсынудың үш жағдайы байқалды, сондай-ақ жеңіл және өтпелі парестезияның, қызбаның, ісінудің және липаза деңгейінің транзиторлық жоғарылауының жекелеген жағдайлары болды. 600 мг дозада бір субъект аяқ пен қолдың ісінуін, сондай-ақ креатинфосфокиназа (КФК), АСТ, С-реактивті ақуыз (СРА) және миоглобин деңгейінің жоғарылауын атап өтті. Басқа үш субъект екі жағдайда парестезиямен аяқтың ісінуін атап өтті. Зерттелетін дәрілік затты қабылдауды тоқтатқаннан кейін барлық симптомдар мен зертханалық ауытқулар емделусіз өтті. Метформин Метформиннің үлкен артық дозалануы (немесе лактоацидоздың қаупі бар) өмір үшін қауіпті, жедел медициналық көмекті талап ететін лактоацидозға әкелуі мүмкін және ауруханада емделуі тиіс. Емі Метформиннің шығарылуының едәуір тиімді әдісі гемодиализ болып табылады. Дегенмен, вилдаглиптинді гемодиализ көмегімен шығаруға болмайды, бірақ көптеген жағдайда гидролиз метаболиті (LAY 151) көмегімен шығаруға болады. Демеуші емі ұсынылады. Дәрілік препараттың бір немесе бірнеше дозаларын өткізіп алған кездегі қажетті шаралар Егер ВИЛГЛАД-М препаратының дозасын өткізіп алған жағдайда, пациент оны есіне түсе сала қабылдауы қажет. Қосарлы доза бір күнде қабылданбауы тиіс.

ВИЛГЛАД-М препараты инсулинмен емдеуді қажет ететін жағдайларда инсулинді алмастырмайды. ВИЛГЛАД-М препаратын 1 типті қант диабеті бар пациенттерге тағайындамаған жөн. Лактоацидоз Лактоацидоз өте сирек, бірақ күрделі метаболизмдік асқыну болып табылады, көбінесе бүйрек функциясының жедел нашарлауында немесе жүрек-қантамыр немесе респираторлық ауруларда немесе сепсисте жиі кездеседі. Метформиннің жиналуы бүйрек функциясының жедел нашарлауында пайда болады, бұл лактоацидоздың даму қаупін арттырады. Сусыздану жағдайында (ауыр диарея немесе құсу, қызба немесе сұйықтықты тұтынудың төмендеуі), метформинді қабылдау уақытша тоқтатылуы тиіс және дәрігерге жүгіну ұсынылады. Бүйрек функциясын нашарлатуы мүмкін дәрілік препараттарды (гипотензиялық дәрілер, диуретиктер және ҚҚСД сияқты) қабылдауды метформин қабылдайтын пациенттерде сақтықпен бастау керек. Лактоацидоздың даму қаупінің басқа факторлары алкогольді шамадан тыс тұтыну, бауыр жеткіліксіздігі, нашар бақыланатын қант диабеті, кетоз, ұзақ уақыт ашығу және гипоксиямен қатар жүретін кез келген жағдайлар, сондай-ақ лактоацидозды туындатуы мүмкін дәрілік заттарды қатарлас қолдану болып табылады. Пациенттер лактоацидоздың даму қаупі туралы хабардар болуы тиіс. Лактоацидоз ацидоздық тыныс алу, іштің ауыруы, бұлшықет құрысулары, әлсіздік және одан әрі команың дамуымен гипотермияның болуымен сипатталады. Зертханалық тексеруде қанның pH төмендеуі (<7.35), лактат деңгейінің 5 ммоль/л-ден аса жоғарылауы, аниондық айырмашылық мен лактат/пируват арақатынасының артуы анықталады. Метаболизмдік ацидозға күдік болған кезде препарат тоқтатылуы тиіс, ал пациент дереу дәрігерге жүгінуі керек. Йодталған контрастылы заттарды қолдану Йодталған контрастылы препараттарды вена ішіне енгізгенде метформиннің жиналуына әкелетін контраст туындататын нефропатияның дамуы мүмкін, бұл лактоацидоздың даму қаупін арттырады. Визуализация емшарасы алдында немесе соның барысында метформинді тоқтату керек және бүйрек функциясы қалыпты екенін көрсеткен бүйрек функциясына қайта зерттеу жүргізілген жағдайда, оны қабылдауды кемінде 48 сағат өткенге дейін бастамау керек. Бүйрек функциясының бұзылуы ШСЖ қолдану басталғанға дейін және одан кейін үнемі бағалануы тиіс. Метформинді ШСЖ <30 мл/мин пациенттерге қолдануға болмайды және оны қабылдау бүйрек функциясына әсер ететін жағдайлар болған кезде уақытша тоқтатылуы тиіс. Бүйрек функциясына әсер ететін гемодинамиканың елеулі өзгеруіне әкелетін немесе бүйрек тасымалын бәсеңдететін және метформиннің жүйелік экспозициясын арттыратын қатарлас дәрілік препараттарды сақтықпен пайдалану керек. Бауыр жеткіліксіздігі Қалыптың жоғарғы шегінен 3 еседен асатын алдын ала АЛТ немесе АСТ қабылдағандарды қоса, бауыр жеткіліксіздігі бар пациенттер ВИЛГЛАД-М препаратын қабылдамауы тиіс. Бауыр ферменттерінің белсенділігін бақылау Вилдаглиптинмен емдеу кезінде бауыр функциясы бұзылуының (соның ішінде гепатиттің дамуы) сирек жағдайлары туралы хабарланды. Бұл асқыну, әдетте, симптомсыз және қалдық құбылыстарсыз өтті, бауырдың функционалдық сынамалары препаратты тоқтатқаннан кейін қалпына келді. ВИЛГЛАД-М препаратымен емдеуді бастағанға дейін пациент бауырдың функционалдық жағдайын бағалау керек. ВИЛГЛАД-М препаратымен емдеудің алғашқы жыл бойы әр 3 ай сайын және кейіннен мезгіл-мезгіл бауырдың функционалдық сынамаларын бақылап отыру керек. Трансаминазалардың белсенділігінің жоғарылауы анықталған кезде пациентке нәтижені растау үшін қайта тексеру жүргізілуі тиіс, кейіннен бауырдың функционалдық сынамалары қалыпқа келгенге дейін оларды жиі бақылау қажет. Егер жоғарғы қалып шегінен 3 есе немесе одан да көп асып кететін АЛТ немесе АСТ белсенділігінің жоғарылауы қайта басталған жағдайда ВИЛГЛАД-М препаратымен емдеуді тоқтату ұсынылады. Сарғаю немесе бауыр функциясының басқа да бұзылу белгілері пайда болғанда пациент ВИЛГЛАД-М препаратын қабылдауды тоқтатып, дереу дәрігерге қаралуы тиіс. Егер ВИЛГЛАД-М препараты бауыр тарапынан жағымсыз әсерлердің дамуы себепті тоқтатылған жағдайда, бауырдың функционалдық сынамалары қалыпқа түскеннен кейін осы препаратпен емдеуді қайта бастамаған жөн. Терінің қабынуы Клиникаға дейінгі токсикологиялық зерттеулер нәтижесінде вилдаглиптин қабылдаған маймылдардың аяқ-қолында, күлдіреуіктер мен ойық жаралардың түзілуін қамтитын тері зақымданулары байқалды. Клиникалық зерттеулерде терінің зақымдануы жоғары жиілікте байқалмаса да, диабеттік тері асқынулары бар пациенттерді емдеу тәжірибесі шектеулі болды. Сонымен қатар, терінің буллезді және эксфолиативті зақымдануы туралы тіркеуден кейінгі хабарламалар болды. Нәтижесінде, диабетпен ауыратындарға үнемі күтім жасау шеңберінде күлдіреуіктер мен ойық жаралардың түзілуі сияқты терінің қабынуын бақылау ұсынылады. Жедел панкреатит Вилдаглиптинді тұтыну жедел панкреатиттің даму қаупімен астасқан. Пациенттерді жедел панкреатитке тән симптомдар туралы хабардар ету керек. Панкреатиттің дамуына күдік болған жағдайда вилдаглиптинді қабылдау тоқтатыла тұруы тиіс; жедел панкреатитті растаған жағдайда вилдаглиптинді тұтынуды қайта бастамаған жөн. Жедел панкреатитпен ауырған пациенттер сақ болуы тиіс. Гипогликемия Сульфонилмочевина гипогликемияның дамуына әкелетіні белгілі. Вилдаглиптинді сульфонилмочевинамен бірге қолданатын пацииенттер гипогликемияның даму қаупіне ұшырауы мүмкін. Осының салдарынан сульфонилмочевинаның төменгі дозасы гипогликемия даму қаупін төмендетуі мүмкін. Операциялық араласу Метформинді қабылдау жалпы, жұлын немесе эпидуральды анестезиямен хирургиялық араласу кезінде тоқтатылуы тиіс. Бүйрек функциясын қайта зерттеу кезінде бұл функцияның тұрақты екендігі анықталған жағдайда, ем хирургиялық араласудан және пероральді тамақтандыруды қалпына келтіруден кейін 48 сағаттан ерте қалпына келтірілуі мүмкін. Арнайы сақтандырулар Егде жастағы пациенттер Метформин бүйрек арқылы шығарылатындықтан, ал егде жаста оның функциясының төмендеу үрдісі бар болғандықтан, осы жас санатындағы пациенттерді ВИЛГЛАД-М препаратымен емдеу кезінде бүйректің функционалдық жай-күйін үнемі бақылау қажет. ВИЛГЛАД-М препаратының ≥65 жастағы егде жастағы пациенттерге арналған дозасы бүйрек функциясына негізделе отырып түзетілуі тиіс. Бауыр жеткіліксіздігі бар пациенттер ВИЛГЛАД-М препаратын бауыр жеткіліксіздігінің клиникалық немесе зертханалық көріністері бар пациенттерге, соның ішінде емдеуді бастар алдында АЛТ немесе АСТ белсенділігі қалыптың жоғарғы шегінен 3 еседен көп асып кететін жағдайларда тағайындау ұсынылмайды. Бүйрек жеткіліксіздігі бар пациенттер Шумақтық сүзілу жылдамдығына (ШСЖ) құрамында метформин бар препараттармен емдеу басталғанға дейін және содан соң жыл сайын бағалануы тиіс. Бүйрек функциясы бұзылуының одан әрі үдеу қаупі жоғары пациенттерде және егде пациенттерде бүйрек функциясына едәуір жиі, мысалы, әр 3-6 ай сайын бағалануы тиіс. Лактоацидоздың даму қаупін арттыруы мүмкін факторларды ШСЖ < 60 мл/мин пациенттерде метформинді қабылдауды бастау туралы мәселе қаралғанға дейін қайта қарастырылуы тиіс. Егер ВИЛГЛАД-М препаратының талапқа сай дозасы болмаса, жеке монокомпоненттер бекітілген біріктірілімнің орнына пайдаланылуы тиіс. ШСЖ мл/мин — Метформин — Вилдаглиптин 60-89 — Ең жоғары тәуліктік доза 3000 мг. Дозаны азайтуды бүйрек функциясы төмендеген жағдайда қарастыруға болады. — Дозаны түзету қажет емес. 45-59 — Ең жоғары тәуліктік доза 2000 мг. Бастапқы доза ең жоғары дозаның жартысынан аспайды. — Ең жоғары тәуліктік доза 50 мг. 30-44 — Ең жоғары тәуліктік доза 1000 мг. Бастапқы доза ең жоғары дозаның жартысынан аспайды. <30 — Метформин қолдануға болмайды. Педиатрияда қолдану Балалар мен жасөспірімдерде ВИЛГЛАД-М препаратын қолданудың қауіпсіздігі мен тиімділігі анықталмаған. Сондықтан ВИЛГЛАД-М препаратын 18 жасқа дейінгі пациенттерге тағайындау ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралдарын басқару және әртүрлі механизмдерді пайдалану қабілетіне зерттеулер жүргізілген жоқ. Жағымсыз реакция ретінде бас айналуын сезінетін пациенттерге көлік жүргізуден немесе қауіптілігі зор механизмдермен жұмыс істеуден аулақ болу керек.

ВИЛГЛАД-М препаратын жүкті әйелдерде қолдану туралы нақты деректер жоқ. Адамдар үшін потенциалды қаупі белгісіз. ВИЛГЛАД-М препаратын жүктілік кезінде қолданбаған жөн. Вилдаглиптиннің ана сүтімен бөліну-бөлінбеуі белгісіз, бірақ метформин аз мөлшерде ана сүтімен бөлінеді. Метформинді қолданумен байланысты және вилдаглиптин туралы клиникалық деректердің жеткіліксіздігі салдарынан жаңа туған нәрестеде гипогликемия дамуының потенциалды қаупі бар болғандықтан, ВИЛГЛАД-М препаратын бала емізу кезінде қабылдамаған жөн.

ВИЛГЛАД-М препаратының өзара әрекеттесуіне зерттеу жүргізілген жоқ. Келесі деректер жеке әсер етуші заттар туралы қолжетімді ақпаратты көрсетеді. Вилдаглиптин Вилдаглиптиннің бірге енгізілетін препараттармен өзара әрекеттесу қабілеті төмен. Вилдаглиптин Р-450 цитохромы ферментінің субстраты болып табылмайды және CYP 450 ферменттерін тежемейді немесе индукцияламайды, оның субстраттар, тежегіштер немесе осы ферменттердің стимуляторлары болып табылатын белсенді фармацевтикалық заттармен өзара әрекеттесуі екіталай. Пероральді диабетке қарсы дәрілер – пиоглитазон, метформин және глибенкламидті вилдаглиптинмен бірге қолдану клиникалық елеусіз фармакокинетикалық өзара әрекеттесулерді көрсетті. Дигоксинмен (Р-гликопротеин субстраты) және варфаринмен (CYP2C9 субстраты) біріктірілімде қабылдаған кезде препараттың әсері вилдаглиптинмен өзара әрекеттескеннен кейін клиникалық елеулі фармакокинетикалық өзара әрекеттесуді көрсетпейді. Препаратты амлодипинмен, рамиприлмен, валсартанмен және вилдаглиптинмен симвастатинмен біріктірілімде қабылдаған кезде препараттың клиникалық елеулі фармакокинетикалық әсерлері анықталған жоқ. Алайда өзара әрекеттесудің жоқтығы мақсатты қауымда анықталмаған. АӨФ тежегіштерімен біріктірілімі АӨФ тежегіштерін қабылдауды жалғастыратын пациенттерде Квинке ісінуінің пайда болуының жоғары қаупі бар (4.8-бөлімді қараңыз). Басқа пероральді диабетке қарсы дәрілік заттармен вилдаглиптиннің гипогликемиялық әсерін тиазидтер, кортикостероидтар, тиреоидинді препараттар және симпатомиметиктер сияқты белгілі бір фармацевтикалық заттар арқылы азайтылуы мүмкін. Метформин Ұсынылмайтын біріктірілімдер Алкоголь Алкогольді уыттану (әсіресе ашығу, тойып тамақтанбау немесе бауыр жеткіліксіздігі жағдайында) кезінде лактоацидоздың даму қаупі жоғары. Йодталған контрастылы заттарды қолдану Метформинді қабылдауды сынақ жүргізгенге дейін немесе жүргізу кезінде тоқтату керек және оны жүргізгеннен кейін 48 сағат ішінде қайта бастамау керек. Қабылдау бүйректің тұрақты функциясын қайта бағалағаннан және растағаннан кейін ғана қайта басталады. Пайдалану кезінде сақтық шараларын қажет ететін дәрілік заттардың біріктірілімі Кейбір дәрілік препараттар бүйрек функциясына теріс әсер етуі мүмкін, бұл лактоацидоздың даму қаупін арттыруы мүмкін. Оларға циклооксигеназаның (ЦОГ)-2 селективті тежегіштерін, ангиотензин өзгертуші ферменттің тежегіштерін, ангиотензин II рецепторларының антагонистерін және диуретиктерді, әсіресе ілмекті диуретиктерді қоса, ҚҚСД жатады. Қолданудың басында немесе осындай препараттарды метформинмен біріктіріп қолданғанда бүйрек функциясына мұқият мониторинг жүргізу қажет. Глюкокортикоидтар, бета-2-агонистер және диуретиктердің ішкі гипергликемиялық белсенділігі бар. Пациентті хабардар ету және оның қандағы глюкоза деңгейін, әсіресе емдеудің басында едәуір жиі бақылап отыру керек. Қажет болған жағдайда ВИЛГЛАД-М препаратын дозалау қатарлас емнің барысында және оны тоқтатқан кезде өзгеруі мүмкін. Ангиотензин өзгертуші ферменттің (АӨФ) тежегіштері қандағы глюкоза деңгейін төмендетуі мүмкін. Қажет болған жағдайда антигипергликемиялық дәрілік затты дозалау басқа дәрілік заттармен емдеу барысында және оны тоқтатқан кезде өзгертіледі. Метформиннің несеппен шығарылуына қатысатын бүйрек өзекшелерінің жалпы тасымалдау жүйесіне әсер ететін дәрілік препараттарды бір мезгілде қолдану (мысалы, органикалық катиондарды тасымалдаушылар 2 [OCT2]/ранолазин, вандетаниб, долутегравир және циметидин сияқты [MATE] көптеген дәрілік және токсиндік экструзия тежегіштері) метформиннің жүйелік экспозициясының жоғарылауына әкелуі мүмкін.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары 25оС-ден аспайтын температурада сақтау керек. Балалардың қолы жетпейтін жерде сақтау керек!