Вимизим® концентрат 1 мг/мл

Бір құтының ішінде белсенді зат - 5 мг элосульфаза альфа*, қосымша заттар: натрий ацетат тригидраты, натрий дигидрофосфат моногидраты, аргинин гидрохлориді, сорбит, полисорбат 20, инъекцияға арналған су. *Элосульфаза альфа – бұл адамдағы N-ацетилгалактозамин-6-сульфатазаның (rhGALNS) рекомбинантты түрі, сүтқоректілер жасушалары – қытай атжалманының аналық без жасушалары (CHO) желісінде рекомбинантты ДНҚ-технологияның көмегімен өндірілген Сыртқы түрінің иісінің, дәмінің сипаттамасы Мөлдір немесе сәл бозаңданған, түссіз немесе ашық-сары түсті, ішінде бөгде механикалық қосылыстар жоқ ерітінді.

Ересектер мен балалардағы IVA типті мукополисахаридозды емдеу (А типті Моркио синдромы ретінде де белгілі IVA МПС ауруы) емдеу үшін.

ATX коды: А16АВ12 Әсер ету механизмі Мукополисахаридоздар – гликозаминогликандар (ГАГ) катаболизмі үшін талап етілетін, спецификалық лизосомалық ферменттер тапшылығынан болатын лизосомалық жинақталу ауруларының тобы. IVA типті мукополисахаридоз (IVA МПС) Nацетилгалактозамин-6-сульфатазаның болмауымен немесе белсенділігінің едәуір төмендеуімен сипатталады. Сульфатаза белсенділігінің жеткіліксіздігі бүкіл организмде жасушалардың лизосомалық бөліктерінде ГАГ субстраттарының, кератансульфат (KС) және хондроитин-6-сульфатының (Х6С) жинақталуын туындатады. Жинақталуы жасушалық, тіндік және ағзалық жайылған дисфункцияға алып келеді. Элосульфаза альфа – экзогенді Nацетилгалактозамин-6-сульфатаза ферментінің лизосомаларға түсуін қамтамасыз етеді және ГАГ, КС және Х6С катаболизмін күшейтеді. Жасушалардың қармап алуы және ферменттің лизосомаға өтуі катионға тәуелді емес манноза-6-фосфаттық рецепторлардың қатысуымен жүзеге асады, бұл N-ацетилгалактозамин-6-сульфатаза (GALNS) белсенділігінің және KС мен Х6С клиренсінің қалпына келуіне алып келеді. Клиникалық тиімділігі және қауіпсіздігі Вимизим препаратының қауіпсіздігі мен тиімділігі IVA МПС бар 235 пациенттің қатысуымен жүргізілген алты клиникалық зерттеуде бағаланды, бұл арада төзімділігін, тыныс алу функциясын, өсу қарқыны мен қозғалғыштығын, сондай-ақ несепте KС болуын қоса, әр түрлі аумақтарда IVA типті мукополисахаридоздың (IVA МПС) жүйелік көріністеріне емнің әсері зерттелді. МПС IVA бар жалпы саны 235 пациент алты клиникалық зерттеуге қатыстырылды және Вимизим препаратын қабылдады. Вимизим препаратының қауіпсіздігі мен тиімділігі 5-тен 57 жасқа дейінгі, IVA типті МПС бар 176 пациент қатысқан, III фазадағы рандомизацияланған салыстырмалы жасырын плацебо-бақыланатын клиникалық зерттеуде бағаланды. Пациенттердің көпшілігінің бойы ұзын болмаған, оларда төзімділігінің төмендегені және тірек-қимыл аппараты тарапынан симптомдар байқалған. Зерттеуге тексерудің басында 6 минуттық жаяу жүру тестісінде 30 метрден астамды жүріп өте алған, бірақ зерттеуге қосылған сәтте 325 метрден аз жүріп өте алған пациенттер кірістірілді. Пациенттер жалпы жиынтығы 24 апта бойына элосульфаза альфаны апта сайын 2 мг/кг-ден (n = 58) немесе әр екі апта сайын 2 мг/кг-ден (n= 59) немесе плацебо (n = 59) қабылдаған. Әр инфузияның алдында барлық пациенттер антигистаминдік препараттарды қабылдаған. Бастапқы ақырғы нүкте 24-ші аптада плацебо қабылдағандармен салыстырғанда, пациенттер зерттеудің басында 6-минуттық жүріс тестісінен өткен бастапқы арақашықтыққа қатысты өзгеріс болды. Екінші ақырғы нүктелер баспалдақпен көтерілудегі 3 минуттық тест нәтижесінің бастапқы мәніне және 24-ші аптадағы несептегі KС деңгейлеріне қатысты өзгерістер болды. Ары қарай зерттеу үшін элосульфаза альфаны апта сайын 2 мг/кг-ден немесе әр екі апта сайын 2 мг/кг-ден қабылдаған, жалпы саны 173 пациент таңдап алынды, содан кейін барлық пациенттер 24-ші аптада нәтиже олған жағдайда, препаратты апта сайын 2 мг/кг дозада енгізуге ауыстырылды. Бастапқы және екіншілік ақырғы нүктелер 24-ші аптада бағаланды (3 кестені қараңыз). Аптасына 2 мг/кг сызбасы бойынша ем қабылдаған пациенттер үшін 6 минутта жүріп өтетін қашықтыққа қатысты модельденген емнің әсері плацебо қабылдағандармен салыстырғанда 22,5 м (95% СА: 4,0; 40,9; p=0,0174) құрады. Аптасына 2 мг/кг сызбасы бойынша ем қабылдаған пациенттер үшін 1 минутта жүріп өтетін баспалдақтар санына қатысты модельденген емнің әсері плацебо қабылдағандармен салыстырғанда минутына 1,1 баспалдақты (95% СА: -2,1; 4,4; p=0,4935) құрады. Аптасына 2 мг/кг сызбасы бойынша ем қабылдаған пациенттер үшін несептегі КС деңгейінің пайыздық өзгерістеріне қатысты емнің модельденген әсері плацебо қабылдағандармен салыстырғанда -40,7% (95% СА: -49,0; -32,4; p<0,0001) құрады. Барлық ақырғы нүктелер үшін ең үлкен айырмашылық плацебо қабылдаған топ пен препаратты апта сайын қабылдаған топ арасында анықталды. Зерттеудегі препарат екі аптада бір рет енгізілетін емдеу тобында 6 минутта жүріп өтетін қашықтық, және 1 минутта жүріп өтетін баспалдақтар саны плацебо тобының нәтижелерімен салыстырымды болды. 3 кесте. Зерттелетін препаратты аптасына 2 мг/кг дозада енгізумен плацебо-бақыланатын клиникалық зерттеудің нәтижелері Вимизим — Плацебо — Плацебомен салыстырылған Вимизим Зерттеу дің басында — 24-ші апта — Өзгеріс — Зерттеудің басында — 24-ші апта — Өзгеріс — Өзгерген мәндер арасындағы айырмашылық N — 58 — 57* — 57 — 59 — 59 — 59 Жүрумен 6-минуттық тест (метр) Орташа мәні ± стандартты ауытқу — 203,9 ±76,32 — 243,3 ±83,53 — 36,5 ±58,49 — 211,9 ±69,88 — 225,4 ±83,22 — 13,5 ±50,63 Модельге негізделген орташа мәні‡ (95% СА) p мәні — 22,5 (95% СА: 4,0; 40,9) (p = 0,0174) Баспалдақпен көтерілудің 3 минуттық тесті (саты/мин) Орташа мәні ± стандартты ауытқу — 29,6 ±16,44 — 34,9 ±18,39 — 4,8 ±8,06 — 30,0 ±14,05 — 33,6 ±18,36 — 3,6 ±8,51 Модельге негізделген орташа мәні ‡ (95% СА) p мәні — 1,1 (95% СА: -2,1; 4,4) (p = 0,4935) * Вимизимді қабылдаған топтағы бір пациент 1 инфузиядан кейін шығып қалған ‡ Зерттеу басындағы нәтижелерге түзету енгізумен Вимизим препаратын және плацебоны салыстырудың моделі негізінде есептелген орташа мәні Элосульфаза альфаны апта сайын 2 мг/кг дозада қабылдаған пациенттердегі қосымша ұзартылған зерттеулерде 156 аптаға дейінгі кезең бойына төзімділікке қатысты бастапқы жақсарудың сақталғаны және несептегі KС деңгейінің тұрақты төмендеуі байқалды. Балалар Емді барынша ерте бастау маңызды. Вимизим препаратын қабылдаған пациенттердің көпшілігі балалық және жасөспірімдік кезеңде (5 жастан 17 жасқа дейінгі) болды. Ашық клиникалық зерттеуге 9 айдан 5 жасқа дейінгі, IVA МПС бар, Вимизим препаратын 52 апта бойы аптасына бір рет 2 мг/кг-ден қабылдаған 15 пациент қатысты. Пациенттерді бақылау ең кемі тағы 52 апта бойына жалғастырылды, зерттеу жалпы алғанда 104 апта бойы жүргізілді. Бұл пациенттердегі қауіпсіздігі мен фармакодинамикасын бағалаудың нәтижелері алғашқы 52 аптада алынған нәтижелерге сәйкес келеді.

Вимизим® препаратымен емдеуді қатаң түрде IVA типті мукополисахаридозы (IVA МПС) немесе тұқым қуалайтын басқа метаболизмдік аурулары бар пациенттерді емдеуде тәжірибесі бар дәрігердің қадағалауымен жүргізу керек. Вимизим® препаратын енгізуді шұғыл медициналық көмек көрсетуге дағдыланған, арнайы үйренген медициналық қызметкерлер жүзеге асыруы тиіс. Инфузияның жағымдылығы жақсы пациенттер үшін Вимизим® препаратын білікті медицина қызметкерінің қадағалауымен үй жағдайында енгізуді қарастыруға болады. Дозалау режимі • Элосульфаза альфаның ұсынылатын дозасы аптасына бір рет енгізумен, дене салмағына 2 мг/кг құрайды. Инфузияның жалпы көлемін шамамен 4 сағат ішінде енгізу керек (1 кестені қараңыз). Элосульфаза альфаға аса жоғары сезімталдық реакцияларының болуы ықтималдығын ескере отырып, инфузия басталғанға дейін 30-60 минут бұрын пациенттер ыстықты түсіретін дәрілермен бірге немесе оларсыз антигистаминдік препараттармен премедикация қабылдауы тиіс. Пациенттердің ерекше топтары Егде жастағы пациенттер 65 жастан асқан пациенттерде Вимизим® препаратының қауіпсіздігі мен тиімділігі анықталмаған, соған байланысты дозалау режимі бойынша ұсынымдар жоқ. Жастау пациенттермен салыстырғанда, егде жастағы пациенттерде препараттың тиімділігі мен жағымдылығы өзгешеленетін- өзгешеленбейтіндігі белгісіз. Балалар 5 жасқа дейінгі пациенттерде аптасына 2 мг/кг-ден қабылданатын Вимизим® препаратының қауіпсіздігінің жалпы бейіні Вимизим® препаратының үлкендеу жастағы балаларда байқалған қауіпсіздік бейініне сәйкес келді. Балалардағы дозалау режимі ересек пациенттердегі дозалау режимінен өзгешеленбейді. Енгізу әдісі мен жолы Тек вена ішіне (инфузиялық) енгізуге арналған. Дене салмағы 25 кг аз пациенттерге инфузияның жалпы көлемі 100 мл құрауы тиіс. Егер препарат 100 мл-де сұйылтылса, инфузияның бастапқы жылдамдығы сағатына 3 мл құрауы тиіс. Егер пациентке инфузия жағымды болса, жылдамдығын әр 15 минут сайын төмендегіше түрде арттыруға болады: басында жылдамдығын сағатына 6 мл дейін, содан кейін әр 15 минут сайын - сағатына 6 мл-ге, ең жоғары жылдамдығы сағатына 36 мл жеткенше арттыру керек. Дене салмағы 25 кг және одан асатын пациенттерге инфузияның жалпы көлемі 250 мл құрауы тиіс. Егер препарат 250 мл-де сұйылтылса, инфузияның бастапқы жылдамдығы сағатына 6 мл құрауы тиіс. Егер пациентке инфузия жағымды болса, жылдамдығын әр 15 минут сайын келесі түрде арттыруға болады: басында жылдамдығы сағатына 12 мл дейін, содан кейін әр 15 минут сайын - сағатына 12 мл-ге, ең жоғары жылдамдығы сағатына 72 мл жеткенше арттыру керек. 1 кесте. Ұсынылатын көлемі және инфузия жылдамдығы* Пациенттің дене салмағы (кг) — Инфузияның жалпы көлемі (мл) — 1 Қадам Инфузияның бастапқы жылдамды ғы 0–15 минут (мл/сағ) — 2 Қадам 15–30 минут (мл/ сағ) — 3 Қадам 30–45 минут (мл/ сағ) — 4 Қадам 45-60 минут (мл/ сағ) — 5 Қадам 60-75 минут (мл/ сағ) — 6 Қадам 75-90 минут (мл/ сағ) — 7 Қадам 90+ минут (мл/ сағ) < 25 — 100 — 3 — 6 — 12 — 18 — 24 — 30 — 36 ≥ 25 — 250 — 6 — 12 — 24 — 36 — 48 — 60 — 72 *Егер пациентке жағымды болса инфузия жылдамдығын арттыруға болады. Вимизим® препаратының әр құтысы тек бір рет қолдануға арналған. Вимизим® препаратын асептика ережелерін сақтай отырып, натрий хлоридінің 9 мг/мл (0,9%) ерітіндісімен сұйылту қажет. Сұйылтылған ерітінді пациентке инфузияға арналған жүйені пайдаланып енгізіледі. Тесіктерінің диаметрі 0,2 мкм кіріктірілген сүзгімен жабдықталған инфузиялық жүйені пайдалануға болады. Пайдаланылмаған дәрілік препарат немесе қаптамалық материал жергілікті талаптарға сәйкес утилизациялануы тиіс. Вимизим® препаратын дайындау және енгізу жөніндегі нұсқаулық: Вимизим® препаратын дайындау мен енгізуді төменде келтірілген схема бойынша асептика ережелерін сақтай отырып жүзеге асыру керек. Енгізер алдында Вимизим® препаратын сұйылту қажет. Сұйылтылуы тиіс құтылар саны нақты пациенттің дене салмағына тәуелді. Ұсынылатын доза 2 мг/кг құрайды. • Пациенттің дене салмағын және ұсынылатын 2 мг/кг дозаны ескере отырып, препараттың сұйылтылуы қажет құтыларының санын келесі формула бойынша анықтаңыз: • Пациенттің дене салмағы (кг) х 2 (мг/кг) препарат = препараттың пациентке арналған дозасы (мг) • Препараттың пациентке арналған дозасы (мг): 1 (мг/мл сұйылтылмаған Вимизим® препараты) = Вимизим® препараты миллилитрлерінің жалпы мөлшері • Вимизим® препаратының жалпы мөлшері (мл): құтыда 5 мл = құтылардың жалпы саны • Құтылардың есептелген санын құтылардың ең көп жуық бүтін санына дейін дөңгелектеу және тоңазытқыштан құтылардың қажетті санын шығарып алу керек. Құтыларды қыздыруға немесе оларды микротолқынды сәуленің әсеріне ұшыратуға болмайды. Құтыларды сілкуге тыйым салынады. • Ішінде вена ішіне енгізуге арналған натрий хлоридінің 9 мг/мл (0,9%) ерітіндісі бар инфузиялық пакетті алыңыз. Инфузияның жалпы көлемі пациенттің салмағының негізінде анықталады. • Салмағы 25 кг-ден аз пациенттер үшін инфузияның жалпы көлемі 100 мл құрайды. • Салмағы 25 кг және одан артық пациенттер үшін инфузияның жалпы көлемі 250 мл құрайды. • Вимизим® препаратын құтыдан шығарып алар алдында, әр құтыда механикалық қосылыстардың бар-жоқтығын және ерітінді түсінің өзгерген-өзгермегендігін тексеріп қарап шығу керек. Препарат ақуызды ерітінді болып табылады, сондықтан, болар-болмас флокуляцияға (жіңішке мөлдір талшықтардың пайда болуына) жол беріледі. Вимизим® препараты мөлдір немесе сәл бозаңданған, түссіз немесе ашық-сары түсті болуы тиіс. Түсі өзгерген немесе ішінде көзге көрінетін механикалық қосылыстар бар препаратты пайдаланбау керек. • Ішінде натрий хлоридінің 9 мг/мл (0,9 %) ерітіндісі бар инфузиялық пакеттен инфузияға арналған Вимизим® ерітіндісін дайындауға арналған концентраттың қосылатын көлеміне тең натрий хлориді ерітіндісін шығарып алу және жою қажет. • Құтылардың тиісінше санынан Вимизим® препаратының қажеті көлемін баяу, шамадан тыс шайқамай шығарып алыңыз. • Вимизим® препаратын инфузиялық пакетке баяу, шайқап алмай қосыңыз. • Препараттың біркелкі таралуын қамтамасыз ету үшін, инфузиялық пакетті мұқият айналдырыңыз. Алынған ерітінлдіні сілкімеу керек. • Вимизим® препаратының сұйылтылған ерітіндісін пациенттер тесіктерінің диаметрі 0,2 мкм кіріктірілген сүзгімен жасақталған инфузиялық жүйені пайдаланып енгізуі керек. Вимизим® препаратының құрамында консерванттар жоқ, сондықтан оны сұйылтқаннан кейін бірден пайдалану керек. Егер ерітіндіні дереу пайдалануға мүмкіндік болмаса, дайындалған инфузиялық ерітінді өзінің химиялық және физикалық тұрақтылығын 48 сағатқа дейін сақтайды (алғашқы 24 сағатта ерітіндіні 2–8 °С температурада, келесі 24 сағат ішінде – 23–27 °С температурада сақтау керек). Вимизим® препаратын енгізуді инфузиялық ерітінді дайындалғаннан кейінгі 48 сағат ішінде аяқтау қажет. Микробиологиялық тұрғыдан, препарат дереу қолданылуы тиіс. Егер препарат дереу енгізілмесе, қолдануға дайын препаратты сақтау және енгізілгенге дейінгі шарттарды қамтамасыз ету пайдаланушының міндеті болып табылады, жалпы алғанда 2–8 ºС температурада 24 сағаттан және препараттың енгізілуі кезінде 23–27 ºС-де келесі 24 сағаттан аспауы тиіс. Дәрілік препаратты қолдану тәсілін түсіндіру үшін медициналық қызметкердің кеңесіне жүгіну жөніндегі ұсынымдар Вимизим® препаратымен емдеуді қатаң түрде IVA типті мукополисахаридозы (IVA МПС) немесе тұқым қуалайтын басқа метаболизмдік аурулары бар пациенттерді емдеуде тәжірибесі бар дәрігердің қадағалауымен жүргізу керек. Вимизим® препаратын енгізуді шұғыл медициналық көмек көрсетуде дағдысы бар арнайы үйренген медициналық қызметкерлер жүзеге асыруы тиіс. Инфузияның жағымдылығы жақсы пациенттер үшін Вимизим® препаратын білікті медицина қызметкерінің қадағалауымен үй жағдайында енгізуді қарастыруға болады.

Элосульфаза альфаға немесе препараттың кез келген басқа компонентіне аллергия.

Жағымсыз реакциялардың көпшілігін инфузия басталғаннан кейін және инфузиядан соң күннің аяғына дейін туындайтын реакциялар ретінде анықталатын ИБР құрады. Күрделі ИБР анафилаксияны, аса жоғары сезімталдық пен құсуды қамтыған. ИБР анағұрлым жиі симптомдары бас ауыруы, жүрек айнуы, құсу, қызба, қалтырау және іш ауыруы болды. Көп жағдайларда ИБР ауырлығы жеңіл немесе орташа болды және емнің алғашқы 12 аптасы ішінде уақыт өте келе жиілігінің азаю үдерісімен жиірек байқалды. Төмендегі 2 кестедегі деректер Вимизим® препаратын қабылдаған пациенттерде клиникалық зерттеулер барысында алынған жағымсыз әсерлерді сипаттайды. Жағымсыз реакциялар туындау жиілігі бойынша жіктелген: өте жиі (≥ 1/10), жиі (≥ 1/100 - < 1/10 дейін), жиі емес (≥ 1/1000 - < 1/100 дейін), сирек (≥ 1/10 000 - < 1/1000 дейін), өте сирек (< 1/10 000), жиілігі белгісіз (қолда бар деректер бойынша бағалануы мүмкін емес). Әр топта жағымсыз реакциялардың жиілігі олардың клиникалық маңыздылығына (күрделілігіне) қарай, дәрежесінің азаюы тәртібімен берілген. 2 кесте: Вимизим® препаратын қабылдаған пациенттердегі жағымсыз реакциялар MedDRA Ағзалар жүйесінің класы — MedDRA Қолайлы термин — Жиілігі Иммундық жүйе тарапынан бұзылулар — анафилаксия — жиі емес аса жоғары сезімталдық — жиі Жүйке жүйесі тарапынан бұзылулар — бас ауыруы — өте жиі бас айналуы — өте жиі Тыныс алу жүйесі, кеуде қуысы және көкірек ортасы ағзалары тарапынан бұзылулар — ентігу — өте жиі Асқазан-ішек жолы тарапынан бұзылулар — диарея, құсу, ауызжұтқыншақтың ауыруы, іштің жоғарғы бөлігінің ауыруы, іш ауыруы, жүрек айнуы — өте жиі Қаңқа-бұлшықет және дәнекер тіндер тарапынан бұзылулар — бұлшықеттердің ауыруы — жиі қалтырау — өте жиі Жалпы бұзылыстар және енгізу орнындағы реакциялар — пирексия — өте жиі Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды ұлттық сараптау орталығы» ШЖҚ РМК http://www.ndda.kz

Клиникалық зерттеулерде элосульфаза альфаның аптасына 4 мг/кг дейінгі дозалары қолданылды, және ешқандай спецификалық белгілер немесе симптомдар анықталмады. Қауіпсіздік бейінінде ешқандай айырмашылықтар байқалмады.

Вимизим® препаратымен емдеуді қатаң түрде IVA типті мукополисахаридозы (IVA МПС) немесе тұқым қуалайтын басқа метаболизмдік аурулары бар пациенттерді емдеуде тәжірибесі бар дәрігердің қадағалауымен жүргізу керек. Вимизим® препаратын енгізуді шұғыл медициналық көмек көрсету дағдысын арнайы үйренген медициналық қызметкерлер жүзеге асыруы тиіс. Инфузияның жағымдылығы жақсы пациенттер үшін Вимизим® препаратын білікті медицина қызметкерінің қадағалауымен үй жағдайында енгізуді қарастыруға болады. Егер инфузия кезінде Сізде аллергиялық реакция туындаса, Сіздің дәрігеріңіз инфузия жылдамдығын төмендетуі немесе инфузияны тоқтатуы мүмкін. Сондай-ақ, Сіздің дәрігеріңіз Сізге қосымша дәрілік препараттарды аллергиялық реакцияларды емдеуге арналған (мысалы, антигистаминдік препараттарды және/немесе кортикостероидтарды) беруі мүмкін. Егер Сіз арқаның ауыруын, қолдың немесе аяқтың ұюын, немесе несеп шығару немесе үлкен дәретке баруды бақылай алмайтыныңызды сезінсеңіз, Сізге дереу дәрігерге қаралу керек. Бұл кінараттар аурудың бір бөлігі болуы мүмкін және жұлынның қысылуынан туындауы мүмкін. Арнайы сақтандырулар Анафилаксия және ауыр аллергиялық реакциялар Клиникалық зерттеулерде анафилаксия және ауыр аллергиялық реакциялар жағдайлары тіркелген. Сәйкесінше, элосульфаза альфаны енгізген кезде тиісінше медициналық көмектің жылдам көрсетілуі мүмкіндігін қамтамасыз ету қажет. Ондай жағымсыз реакциялар дамыған жағдайда, инфузияны дереу тоқтату және тиісті емін бастау керек. Шұғыл медициналық көмек көрсетудің қолданыстағы стандарттарын сақтау керек. Препаратты бұрын инфузия кезінде аллергиялық реакциялар дамыған пациенттерге қайталап енгізгенде ерекше сақтық таныту керек. Инфузиямен байланысты реакциялар Инфузиямен байланысты реакциялар (ИБР) клиникалық зертеулерде анағұрлым жиі байқалатын жағымсыз реакциялар болып табылады. ИБР аллергиялық реакцияларды қамтуы мүмкін. Инфузияның алдында пациенттер ыстықты түсіретін дәрілермен бірге немесе оларсыз антигистаминдік дәрілерді қабылдауы тиіс. ИБР емі реакцияның ауырлығына қарай анықталады және инфузия жылдамдығын азайтуды немесе инфузияны уақытша тоқтатуды және/немесе қосымша антигистаминдік препараттарды, ыстықты түсіретін дәрілерді және/немесе кортикостероидтарды енгізуді қамтиды. Ауыр ИБР туындаған жағдайда инфузияны дереу тоқтатыңыз және тиісінше емді бастаңыз. Ауыр реакциядан кейін препаратты қайталап енгізуді сақтықпен және емдеуші дәрігердің қадағалауымен жүргізу керек. Жұлынның немесе жұлынның мойын бөлігінің компрессиясы Клиникалық зерттеулерде жұлынның/жұлынның мойын бөлігінің компрессиясы (ЖМК) Вимизим® препаратымен ем қабылдаған пациенттерде де, плацебо қабылдағандарда да байқалған. Сондықтан ЖМК белгілері мен симптомдарын (соның ішінде арқаның ауыруын, компрессия деңгейінен төмен аяқ-қолдың салдануын, несепті және нәжісті ұстай алмауды) қадағалау және қажетті клиникалық көмек көрсету керек. Иммуногенділігі Клиникалық зерттеулердегі барлық пациенттерде элосульфаза альфаға антиденелер түзілді. Шамамен 80%-ында элосульфаза альфаның катионға тәуелсіз манноза-6-фосфатты рецепторымен байланысуын тежеуге қабілетті бейтараптандыратын антиденелер өндірілгені байқалды. Барлық зерттеулерде элосульфаза альфаға антиденелердің болуына қарамастан, уақыт өте келе тиімділігі көрсеткіштерінің тұрақты жақсаруы және несептегі кератансульфат (KС) концентрациясының төмендегені байқалды. Антиденелер титрінің жоғарылығы мен бейтараптандыратын антиденелердің болуының және тиімділігі төмендеуінің немесе анафилаксия мен аса жоғары сезімталдықтың басқа да реакциялары дамуының арасында байланыс байқалмады. Элосульфаза альфаға қарсы қарсы IgE антиденелері ем қабылдаған ≤ 10% пациентте анықталды, және анафилаксияның немесе аса жоғары сезімталдықтың басқа реакцияларының дамуымен және/немесе емдеуді тоқтатумен әрдайым қатар жүрмеді. Натрий мөлшері шектелетін диета Бұл дәрілік препараттың құрамында әр құтысында 8 мг натрий болады, бұл ДДҰ ұсынған ең жоғары 0,4%, ересек адам күнделікті қолданатын 2 г натрийге баламалы, және инфузияға арналған натрий хлоридінің 9 мг/мл (0,9%) ерітіндісінде енгізіледі («Қолдану жөніндегі нұсқаулар» бөлімін қараңыз). Сорбит (E 420) Дәрілік препараттың құрамында әр құтысында 100 мг сорбит бар, ол 40 мг/кг-ге баламалы. Тұқым қуалайтын фруктоза жақпаушылығы (ТҚФЖ) бар пациенттерге Вимизим® препаратын, аса қажет жағдайлардан басқа кезде тағайындамау керек. Сәбилер мен кішкентай балаларда (2 жасқа дейінгі) тұқым қуалайтын фруктоза жақпаушылығы (ТҚФЖ) диагнозы анықталмауы мүмкін. Вена ішіне енгізілетін, құрамында сорбит / фруктоза бар дәрілік өнімдер өмірге қауіпті болуы мүмкін. Емдеу басталғанға дейін препаратты қолданудың күтілетін пайдасының ықтимал астасқан қауіптеріне арақатынасын бағалау қажет. ТҚФЖ симптомдарына қатысты егжей-тегжейлі анамнез әр пациент үшін дәрілік препаратты қабылдау басталғанға дейін жинақталуы тиіс. Үйлесімсіздігі Үйлесімсіздігін зерттеулер болмағандықтан, бұл дәрілік препаратты инфузия үшін пайдаланылатын натрий хлоридінің 9 мг/мл (0,9%) ерітіндісінен басқа дәрілік заттармен араластыруға болмайды. Өзара әрекеттесулерін зерттеулер жүргізілмеді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Вимизим® автокөлік басқару және механизмдермен жұмыс істеу қабілетіне болар-болмас әсер етеді. Вимизим® препаратының инфузиялары кезінде бас айналуы жағдайлары туралы хабарланды. Егер инфузиядан кейін бас айналуы туындаса, бұл автокөлік басқару және механизмдермен жұмыс істеу қабілетіне әсер етуі мүмкін.

Элосульфаза альфаның жүкті әйелдерде пайдаланылғаны туралы деректер жоқ. Жануарларға жүргізілген зерттеулер жүктілікке немесе эмбрион мен шарананың дамуына тікелей немесе жанама зиянды әсерін көрсетпеді. Алайда, ол зерттеулердің маңыздылығы шектеулі. Сақтық шарасы ретінде, аса қажет жағдайларды қоспағанда Вимизим® препаратын жүктілік кезінде қолданбаған дұрыс. Жануарлардағы репродукция туралы қолда бар деректер элосульфаза альфаның сүтпен бөлініп шығатынын көрсетті. Элосульфаза альфаның адамның емшек сүтіне бөлінетін-бөлінбейтіндігі белгісіз, алайда емшек сүті арқылы жүйелі әсер етуі күтілмейді. Адамға қатысты деректер жоқ болғандықтан, Вимизим® препаратын бала емізетін әйелдерге тек, егер ықтимал пайдасы сәби үшін ықтимал қаупінен асып түсетін болса ғана тағайындау керек. Фертильділік Элосульфаза альфаны клиникаға дейінгі зерттеулерде фертильділіктің бұзылулары байқалмады.

Басқа препараттармен өзара әрекеттесулерін зерттеулер жүргізілмеді. Сіздің қандай-да бір препараттарды қабылдап жүргеніңіз, таяуда қабылдағаныңыз немесе қабылдай бастауыңыз мүмкін екенін емдеуші дәрігерге мәлімдеңіз.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары Ашылмаған құтылар: Жарықтан қорғалған жерде, 2°С-ден 8°С-ге дейінгі температурада сақтау керек. Мұздатып қатыруға және сілкуге болмайды. Егер ерітіндінің түсі өзгерсе немесе ішінде көзге көрінетін бөлшектер болса, Вимизим® препаратын қолданбаңыз. Сұйылтылған дайын ерітінді: Сұйылтқаннан кейін препарат дереу қолданылуы тиіс. Егер препарат дереу енгізілмесе, қолдануға дайын препаратты сақтау және енгізілгенге дейінгі шарттарды қамтамасыз ету пайдаланушының міндеті болып табылады, жалпы алғанда 2–8 ºС температурада 24 сағаттан және препараттың енгізілуі кезінде 23–27 ºС-де келесі 24 сағаттан аспауы тиіс.