Винпоцетин таблетки 5 мг

Бір таблетканың құрамында белсенді зат - винпоцетин 5 мг, қосымша заттар: тальк, жүгері крахмалы, лактоза моногидраты, магний стеараты. Сыртқы түрінің, иісінің, дәмінің сипаттамасы Ақ немесе сәл сұрғылт реңді ақ түсті таблеткалар.

Неврология: Ми қанайналымы бұзылуларының әртүрлі түрлерінде: инсульттан кейінгі жағдайлар, вертебробазилярлық жеткіліксіздік, қантамырлық деменция, ми қантамырларының атеросклерозы, жарақаттан кейінгі және гипертониялық энцефалопатия. Мидың қанмен қамтамасыз етілуі бұзылуымен байланысты психикалық немесе неврологиялық бұзылулардың айқындылығын азайту үшін. Офтальмология: Көздің және торқабықтың созылмалы қантамырлық аурулары. Отология: Перцептивті типтегі қарттық кереңдік, Меньер синдромы және құлақтың шуылдауы.

Винпоцетин - бұл кешенді әсер ету механизмі бар қосылыс, ол мидағы метаболизмге және ми қан ағымына, сондай-ақ қанның реологиялық қасиеттеріне жағымды әсер етеді. Винпоцетин нейропротекторлық әсерге ие: қоздырғыш амин қышқылдары тудыратын цитоуыттылық реакциялардың зиянды әсерін бәсеңдетеді. Потенциал-тәуелді Na+- және Сa2+-өзектерін, сондай-ақ NMDA және AMPA рецепторларын бөгейді. Аденозиннің нейропротекторлық әсерін күшейтеді. Винпоцетин мидың метаболизмін стимуляциялайды: глюкоза мен O2 қармауын арттырады және ми тінінің оларды сіңіруін стимуляциялайды. Мидың гипоксияға толеранттылығын арттырады; гематоэнцефалдық бөгет арқылы ми тінінің жалғыз қуат көзі - глюкозаның тасымалдануын арттырады; глюкоза метаболизмін энергиялық тұрғыдан барынша қолайлы аэробты жолға ауыстырады; Cа2+-кальмодулинге тәуелді цГМФ-фосфодиэстеразаны (ФДЭ) селективті тежейді; мидағы цАМФ және цГМФ деңгейін жоғарылатады. Мидағы АТФ концентрациясын және АТФ/АМФ арақатынасын арттырады; мидағы норадреналин мен серотонин алмасуын арттырады; жоғарламалы норадренергиялық жүйені стимуляциялайды; антиоксиданттық әсері бар; барлық осы әсерлерінің нәтижесінде винпоцетин церебропротекторлық әсер береді. Винпоцетин мидағы микроциркуляцияны жақсартады: тромбоциттердің агрегациясын тежейді, қанның патологиялық жоғарылаған тұтқырлығын төмендетеді; эритроциттердің деформацияға қабілетін арттырады және олардың аденозинді қабылдауын тежейді; 2- эритроциттерге жақындығын төмендету есебінен жасушаларға O2 өтуіне ықпал етеді. Винпоцетин ми қан ағымын таңдаулы түрде арттырады: жүрек лықсуы церебральды фракциясын арттырады; жүйелік қан айналымы көрсеткіштеріне әсер етпестен церебральды қантамырлық қарсыластығын азайтады (артериялық қысымы, жүрек лықсуы, жүрек жиырылуының жиілігі, жалпы шеткері қантамырлар қарсыластығы); «ұрлану» синдромын тудырмайды. Сонымен қатар, қолдану кезінде перфузиясы төмен («кері ұрлану синдромы») зақымдалған (бірақ әлі некроздық емес) аймақтардың қанмен қамтамасыз етілуін жақсартады.

Дозалау режимі Әдеттегі тәуліктік доза 5-10 мг-ден 3 рет (тәулігіне 15-30 мг). Пациенттердің ерекше топтары Балалар Препаратты балаларда қолдануға болмайды. Бүйрек және бауыр жеткіліксіздігі бар пациенттер Бүйрек немесе бауыр аурулары бар пациенттерге дозаны түзету қажет емес. Енгізу әдісі мен жолы Ішке қабылдауға арналған. Таблеткаларды тамақтан кейін қабылдау керек. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Препаратты қолдану бойынша сұрақтар болған жағдайда емдеуші дәрігерге қаралыңыз.

- әсер етуші затқа немесе қосымша заттардың кез келгеніне аса жоғары сезімталдық - жүктілік, бала емізу кезеңі және контрацепцияның сенімді әдісін қолданбайтын бала туу функциясы сақталған әйелдерде қолдану - 18 жасқа дейінгі балалар мен жасөспірімдер (тиісті клиникалық зерттеулерде деректердің жеткіліксіздігіне байланысты) - галактоза жақпаушылығы, жалпы лактаза жеткіліксіздігі немесе глюкоза-галактоза мальабсорбциясымен байланысты тұқым қуалайтын аурулар

Жиі емес (≥1/1000, <1/100) • бас айналу (айналу сезімі); • іштегі жайсыздық сезімі; • ауыздың құрғауы; • жүрек айнуы; • артериялық қысымның төмендеуі; • төмен артериялық қысым; • қандағы холестерин деңгейінің жоғарылауы; • бас ауыруы Сирек (≥1/10000, <1/1000) - лейкоциттер деңгейінің төмендеуі; - тромбоциттер деңгейінің төмендеуі; - жүрек бұлшықетіне қан ағымының жеткіліксіздігі, жүрек ұстамасы; - жүрек аймағының қысып ауыруы; - жүрек соғуының баяулауы; - жүрек қағуының жиілеуі; - жүректің қатты соғуын сезіну; - экстрасистолия; - есту қабілетінің өзгеруі; - құлақтың шыңылдауы; - көру жүйкесі бүртігінің ісінуі; - іштің ауыруы; - іш қату; - диарея; - ас қорытудың бұзылуы; - құсу; - әлсіздік; - дімкәстік; - ысынуды сезіну; - артериялық қысымның жоғарылауы; - қандағы триглицеридтер деңгейінің жоғарылауы; - ЭКГ-дағы өзгерістер; - лейкоциттердің жекелеген түрлері деңгейінің төмендеуі/жоғарылауы; - бауыр ферменттері деңгейінің өзгеруі; - тәбеттің болмауы, төмендеуі; - диабет; - бас айналу; - дәм сезудің бұрмалануы; - психикалық және физикалық мелшию; - дененің бір жағындағы бұлшықет әлсіздігі; - ұйқышылдық; - есте сақтау қабілетінің бұзылуы; - ұйқысыздық; - ұйқының бұзылуы; - мазасыздық; - тері жабынының қызаруы; - қатты терлеу; - қышыну; - тері бөртпесі; - есекжем; - артериялық қысымның жоғарылауы; - бетке қан тебу; - венаның қабынуы Өте сирек (<1/10000) • анемия (қан аздық); • эритроциттердің жабысуы (агглютинациясы); • конъюнктива гиперемиясы (қызаруы); • жұтыну кезіндегі қиындықтар; • ауыз қуысы шырышты қабығының қабынуы; • кеудедегі жайсыздық; • аритмия; • жүрекшеден болған жүрек ырғағының бұзылуы; • дене температурасының төмендеуі; • жоғары сезімталдық реакциялары (аллергия); • лейкоциттер санының төмендеуі/жоғарылауы; • эритроциттер санының төмендеуі; • тромбин уақытының қысқаруы; • дене салмағының артуы; • тремор; • құрысулар (аяқтағы); • эйфориялық жай-күйі; • депрессия; • терінің қабынуы; • артериялық қысымның ауытқуы Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану жағдайлары туралы хабарланған жоқ. Арнайы антидот жоқ. Емі: симптоматикалық және демеуші ем.

Арнайы ескертулер QT аралығының ұзаруы ЭКГ-бақылау QT аралығының ұзару синдромы болған кезде немесе QT аралығының ұзаруын тудыратын дәрілік препараттарды бір мезгілде қолданған кезде ұсынылады. Қосымша заттар Препарат құрамында лактоза бар. Галактоза жақпаушылығымен, жалпы лактаза жеткіліксіздігімен немесе глюкоза-галактоза мальабсорбциясымен байланысты сирек тұқым қуалайтын аурулары бар пациенттер осы дәрілік препаратты қабылдамауы тиіс. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Винпоцетиннің көлік құралдарын басқару және механизмдермен жұмыс істеу қабілетіне әсері туралы деректер жоқ.

Жүктілік кезінде және бала емізу кезеңінде, сондай-ақ контрацепцияның сенімді әдісін қолданбайтын бала туу функциясы сақталған әйелдерде винпоцетинді қолдануға болмайды. Жүктілік Винпоцетин плаценталық бөгет арқылы өтеді, бірақ плацента мен ұрықтың қанында оның концентрациясы жүкті әйелдің қанына қарағанда төмен. Даму ақауларын қоса, ұрпақ өрбіту уыттылығы пайда болуы мүмкін. Винпоцетиннің үлкен дозаларын қолдану плаценталық қан кетуге немесе плаценталық қан ағымының жоғарылауы нәтижесінде түсік тастауға әкелуі мүмкін. Бала емізу Винпоцетин емшек сүтіне енеді. Винпоцетин концентрациясы сүтте ананың қанына қарағанда он есе жоғары. Қабылданған дозаның 0,25 % емшек сүтіне 1 сағат ішінде енеді. Винпоцетин емшек сүтіне енетіндіктен және оның емізулі балаларға әсері туралы деректер болмағандықтан, оны бала емізу кезінде қолдануға болмайды.

Винпоцетин мен бета-блокаторларды (хлоранолол және пиндолол сияқты), клопамидті, глибенкламидті, дигоксинді, аценокумаролды немесе гидрохлоротиазидті бір мезгілде қолданғанда өзара әрекеттесу байқалмады. Сирек жағдайларда альфа метилдопа мен винпоцетинді бір мезгілде қолданғанда елеусіз қосымша әсер туралы хабарланды, бұл біріктірілімде қан қысымын үнемі бақылап отыру ұсынылады. Өзара әрекеттесу мүмкіндігін растайтын деректердің болмауына қарамастан, винпоцетинді орталық жүйке жүйесіне әсер ететін препараттармен бір мезгілде қолданғанда, сондай-ақ аритмияға қарсы және антикоагулянттық әсері бар препараттарды бір мезгілде қолданған жағдайда сақ болу ұсынылады.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 °С-ден аспайтын температурада сақтау керек. Балалардың қолы жетпейтін жерде сақтау керек!