ВИРУПРИНОЛ сироп 50 мг/мл

1 мл шәрбаттың құрамында белсенді зат - инозин ацедобен димепранолы, 50,00 мг, қосымша заттар: сахароза, глицерин, метилпарагидроксибензоат, натрий цитраты, құлпынай хош иістендіргіш ұнтағы**, тазартылған су. ** Құлпынай хош иістендіргіш ұнтағының құрамы, пайызбен (массасы бойынша): Атауы — Саны, % (м/м) Хош иістендіргіш компоненттері: — 8.60 - цис-3-гексенол - фуранеол - этил-2-метилбутират - гексан қышқылы - метилциннамат - мальтол Тасымалдаушылар: - гуммиарабик — 11 - сусызданған жүгерінің глюкоза шәрбаты — 80 - кремнийдің қостотығы — 0.4 Сыртқы түрінің, иісінің, дәмінің сипаттамасы Түссізден бозғылт – сары түске дейінгі, құлпынайға тән иісі бар мөлдір шәрбат

ВИРУПРИНОЛ шәрбаты, 50 мг/мл препараты 1 жастан асқан пациенттерге мынадай көрсетілімдер бойынша қолдануға арналған: • иммунитеті бұзылған пациенттерге жоғарғы тыныс жолдарының қайталанатын инфекциялары болғанда қосымша ем ретінде • I немесе II типті Herpes simplex вирусы, сондай-ақ Varicella zoster вирусы (желшешек және белдемелі теміреткі вирусы) туындатқан тері және шырышты қабық инфекциялары • басқа вирустық инфекциялары (мысалы, жеделге жуық склерозданатын панэнцефалит)

Инозин пранобекс пуриннің иммуномодуляциялайтын және вирусқа қарсы қасиеттері бар синтетикалық туындысы болып табылады, олар препараттың әсерімен организмде иммундық жауаптың күшеюімен байланысты. Клиникалық зерттеулерде инозин пранобекс Т-лимфоциттердің жетілуін және дифференциациялануын және митоген- немесе антигенмен іске қосылатын жасушалардың индукцияланған иммундық жауаптарының күшеюін қоздыратын 1 типті хелпер T-лимфоциттерінің жауабын туындатып, жасушалық иммунитеттің жеткіліксіздігін немесе дисфункциясын қалпына келтіретіні дәлелденген. Одан өзге, препарат Т-лимфоциттер мен табиғи киллерлердің цитоуыттылығын, T8-супрессорлар мен T4-хелперлердің функциясын түрлендіреді, сондай-ақ IgG және иммунокомпетентті беткейлік маркерлер санының ұлғаюына ықпал етеді. in vitro зерттеулерде инозин пранобекс ИЛ-1 және ИЛ-2 цитокиндердің (интерлейкиндер) түзілуін күшейтеді, рецептордың ИЛ-2 экспрессиясын реттеді. Бұл in vivo эндогендік интерферон-γ секрециясын едәуір ұлғайтты және ИЛ-4 түзілуін төмендетті. Одан өзге, хемотаксистің және нейтрофилдер, моноциттер және макрофагтар фагоцитозының күшеюі расталған. Табиғи жағдайларда (in vivo) инозин пранобекс төмендеген РНҚм синтезі мен лимфоциттерде транскрипция көрсеткіштерін үдетуге ықпал етеді, бұл ретте әлі де нақтылауды қажет ететін дәрежеде вирустық РНҚ синтезінің алдын алады: инозин аралас орот қышқылын полирибосомаға қосу, вирустық ақпарат беретін РНҚ полиаденил қышқылының бекітілуін тежеу, лимфоциттер жарғақшаішілік бөлшектерін молекулалық қайта құру (IMP), олар спецификалық T-жасушалы рецепторлар (TcR) арқылы сигналдардың сәулеленуіне қатысады, бұл тығыздықтың үш есе ұлғаюына әкеледі. Инозин пранобекс цГМФ-фосфодиэстеразаны тек жоғары концентрацияда in vitro, ал иммунофармакологиялық әсерлерін туындатпайтын құрамы кезінде - in vivo тежейді. Инозин пранобекс in vitro 1 типті герпес вирусының (HSV-1) репликациясына бәсеңдетуші әсер етеді.

Дозалау режимі Препарат дозасы пациенттің дене салмағы мен аурудың ауырлығына байланысты анықталады. Тәуліктік дозаны бір реттік бірнеше теңдей дозаға бөліп, бірдей уақыт аралығымен күні бойы қабылдау керек. Емдеу ұзақтығы, әдетте 5-14 күн болады. Ауру симптомдары азайғаннан кейін 1-2 күн бойы препарат қабылдауды жалғастырған жөн. 5-14 күн ішінде әсері болмаса, дәрігердің кеңесі қажет. ВИРУПРИНОЛ шәрбатының 1 мл препаратында 50 мг инозин ацедобен димепранолы бар. Ересектер мен егде жастағы адамдар ВИРУПРИНОЛ шәрбаты препаратының 1 мл құрамында 50 мг инозин ацедобен димепранолы бар. Ұсынылатын тәуліктік доза дене салмағына 50 мг/кг (дене салмағына 1 мл/кг), барлығы әдетте 3-4 дозаға (әдетте тәулігіне 3 рет 20 мл) бөлінген тәулігіне 3 г (яғни, тәулігіне 60 мл шәрбат) құрайды. Препараттың ең жоғары тәуліктік дозасы 4 г (тәулігіне 80 мл) құрайды. 1 жастан асқан балалар Ұсынылатын тәуліктік доза дене салмағына 50 мг/кг құрайды, әдетте ― дене салмағына 1 мл/кг, 3-4 бірдей дозаға бөлінеді, оны күні бойы төмендегі кестеге сәйкес қабылдау керек: Дене салмағы — Дозасы 10 – 14 кг — 3 x 5 мл 15 – 20 кг — 3 x 5-7,5 мл 21 – 30 кг — 3 х 7,5-10 мл 31 – 40 кг — 3 х 10-15 мл 41 – 50 кг — 3 х 15-17,5 мл Дұрыс дозалау үшін қоса берілген өлшеу шкаласы бар шприцті пайдалану керек. Иммунитеті төмендеген балалар мен жасөспірімдерде Препаратты 10 күн бойы 3 ай қатарынан қабылдаған жөн. Жеделге жуық склерозданатын панэнцефалит: аурудың жедел фазасында препарат дозасы кг дене салмағына 2 мл дейін арттыруға болады (тәулігіне 100 мг/кг, ең жоғарысы тәулігіне 4 г), тұрақты емдегенде пациенттің жай-күйін жүйелі бағалап отыру қажет. Балалар 1 жастан кіші балаларға қолдануға болмайды. Тек ішке қабылдау үшін.

• әсер етуші затқа немесе қосымша заттардың кез келгеніне аса жоғары сезімталдық • подаграның жедел ұстамасы, немесе қанда несеп қышқылының жоғары концентрациясы • несептас ауруы • жүктілік және лактация кезеңі (қолдану тәжірибесінің жоқ болуына байланысты) • 1 жасқа дейінгі және салмағы ≤ 10 кг балаларға

Жағымсыз әсерлерінің жиілігін жіктеу үшін мынадай терминология пайдаланылады (MedDRA сәйкес): өте жиі (≥1 / 10), жиі (≥1 / 100-ден <1 / 10 дейін), жиі емес (≥1 / 1000-нан <1 / 100 дейін), сирек (≥1 / 10000-нан <1 / 1000 дейін), өте сирек (<1 / 10000), жиілігі белгісіз (қолда бар деректер негізінде жиілігін бағалау мүмкін емес). - препарат қолданумен байланысты және ересектерде де, педиатриялық пациенттерде де үнемі байқалатын жалғыз жағымсыз әсері қан сарысуы мен несепте несеп қышқылы концентрациясының транзиторлы жоғарылауы (әдетте қалыпты көрсеткіштер шегінде қалатын) болып табылады. Несеп қышқылы концентрациясы препаратты тоқтатқаннан кейін бірнеше күн ішінде бастапқы көрсеткіштеріне оралады. Өте жиі • зертханалық зерттеу деректері: қандағы несеп қышқылы концентрациясының жоғарылауы, несептегі несеп қышқылы концентрациясының жоғарылауы. Жиі - жүйке жүйесі тарапынан бұзылулар: бас ауыруы, бас айналу, қажу, әлсіздік; - ас қорыту жүйесі тарапынан бұзылулар: тәбеттің төмендеуі, жүрек айнуы, құсу, эпигастральді аймақтың ауыруы; - тері және тері асты шелі тарапынан бұзылулар: қышыну, бөртпе; - тірек-қимыл аппараты мен дәнекер тіндер тарапынан бұзылулар: артралгия; - зертханалық зерттеу деректері: қан сарысуы трансаминазалары мен сілтілік фосфатаза белсенділігінің артуы, қан плазмасында мочевина концентрациясының артуы. Жиі емес - жүйке жүйесі тарапынан бұзылулар: ұйқышылдық немесе ұйқысыздық, күйгелектік; - ас қорыту жүйесі тарапынан бұзылулар: диарея, іш қату; - несеп шығару жүйесі және бүйрек тарапынан бұзылулар: полиурия (несеп көлемінің ұлғаюы); Жиілігі белгісіз - ас қорыту жүйесі тарапынан бұзылулар: эпигастральді аймақтың ауыруы; - иммундық жүйе тарапынан бұзылулар: ангионевроздық ісіну, аса жоғары сезімталдық реакциялары, есекжем, анафилаксиялық реакциялар, анафилаксиялық шок. - жүйке жүйесі тарапынан бұзылулар: бас айналуы; - тері және тері асты шелі тарапынан бұзылулар: эритема. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз: Қазақстан Республикасы Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Инозин ацедобен димепранолымен ешбір артық дозалану жағдайлары хабарланбаған.Сарысудағы несеп қышқылы концентрациясының едәуір жоғарылауынан басқа, күрделі жағымсыз әсерлердің дамуы екіталай. Артық дозаланғанда симптоматикалық және демеуші ем жүргізу керек.

ВИРУПРИНОЛ препаратын анамнезінде подаграсы бар, қандағы несеп қышқылының деңгейі көтерілген, несеп-тас ауруы бар және бүйрек функциясы бұзылған науқастарда сақтықпен қолданған жөн. Бұл пациенттерде емдеу кезінде несеп қышқылы деңгейін мұқият бақылау керек.ВИРУПРИНОЛ препаратымен (3 ай және одан ұзақ) ұзақ емдеген кезде әр пациенттің қан сарысуы мен несептегі несеп қышқылы концентрациясын, жалпы қан көрсеткіштерін, бауыр мен бүйрек функциясын (трансаминазалар белсенділігін, креатинин деңгейін) ұдайы бақылап отыру қажет. Арнайы ескертулер ВИРУПРИНОЛ шәрбат препараты қан сарысуы мен несепте, әдетте қалыпты мәндері шегінде (қалыптың жоғарғы шегі ретінде 8 мг/дл пайдаланғанда, бұл 0,42 мкмоль/л сәйкес келеді), әсіресе ер адамдар мен екі жыныстағы егде адамдарда несеп қышқылы концентрациясының уақытша жоғарылауын туындатуы мүмкін. Несеп қышқылы концентрациясының жоғарылауы организмде жүріп жатқан инозиннің оны түзудегі компонентінің катаболиялық метаболизмімен байланысты. Алайда, бұл ферменттің негізгі функциясының немесе бүйрек клиренсінің дәрімен индукцияланған өзгеруімен байланысты емес. Сондықтан ВИРУПРИНОЛ препаратын анамнезінде подаграсы бар, қандағы несеп қышқылының деңгейі көтерілген, несеп-тас ауруы бар және бүйрек функциясы бұзылған науқастарда сақтықпен қолданған жөн. Бұл пациенттерде емдеу кезінде несеп қышқылы деңгейін мұқият бақылау керек. Кейбір пациенттерде ауыр аса жоғары сезімталдық реакциялары (есекжем, ангионевроздық ісіну, анафилаксия, анафилаксиялық шок) туындауы мүмкін. Мұндай жағдайларда ВИРУПРИНОЛ препаратымен емдеуді тоқтату керек. Ұзақ емделіп жүрген пациенттерде бүйрегінде тас түзілу ықтималдығы бар. ВИРУПРИНОЛ препаратымен (3 ай және одан ұзақ) ұзақ емдеген кезде әр пациенттің қан сарысуы мен несептегі несеп қышқылы концентрациясын, жалпы қан көрсеткіштерін, бауыр мен бүйрек функциясын (трансаминазалар белсенділігін, креатинин деңгейін) ұдайы бақылап отыру қажет. ВИРУПРИНОЛ препаратының құрамында метилпарагидроксибензоат бар, олар аллергиялық реакциялар (оның ішінде баяу типті) туындатуы мүмкін. ВИРУПРИНОЛ препаратының 1 мл құрамында 400 мг сахароза болады. Мұны қант диабеті бар пациенттерге тағайындағанда ескерген жөн. Фруктоза жақпаушылығы, глюкоза-галактоза сіңуінің бұзылуы немесе сахараза-изомальтаза жеткіліксіздігі түріндегі сирек тұқым қуалайтын аурулары бар пациенттер ВИРУПРИНОЛ препаратын қабылдамауы тиіс. Препараттың көлік құралдарын немесе қауіптілігі аса зор механизмдерді басқару қабілетіне әсер ету ерекшеліктері ВИРУПРИНОЛ препаратының автомобильді басқару және механизмдерді пайдалану қабілетіне әсер ету ықтималдығы аз.

Инозиннің адам шаранасының дамуына әсері бағаланбады. Сондай-ақ инозин емшек сүтіне түсе ме, белгісіз. Сондықтан, егер дәрігер басымдылықтары потенциалды қауіптен жоғары деп шешпесе, ВИРУПРИНОЛ препаратын жүктілік және бала емізу уақытында қолданбаған жөн.

ВИРУПРИНОЛ препаратын бір мезгілде ксантиноксидаза тежегіштерін (мысалы, аллопуринол), тиазидтік диуретиктерді (мысалы, гидрохлоротиазид, хлорталидон, индапамид) және ілмектік диуретиктерді (фуросемид, торасемид, этакрин қышқылы) қоса, несеп қышқылының несеппен бөлінуін ұлғайтатын препараттарды қабылдайтын пациенттерде сақтықпен қолданған жөн. ВИРУПРИНОЛ препаратын күтілетін емдеу әсеріне ықпал етуі мүмкін фармакокинетикалық өзара әрекеттесу мүмкіндігіне байланысты иммунодепрессанттармен біріктірілімде тағайындамаған жөн. Азидотимидинмен (АЗТ) бір мезгілде қолдану АЗТ әсерінің күшеюі есебінен, мысалы, АЗТ биожетімділігінің жоғарылауы және моноциттерде жасушаішілік фосфорланудың күшеюі салдарынан нуклеотидтер түзілуін күшейтеді. Бұл ВИРУПРИНОЛ препаратының ықпал етуімен АЗТ әсерінің күшеюіне әкеледі.

Сақтау мерзімі 3 жыл Құтыны алғаш ашқаннан кейінгі қолдану кезеңі – 6 ай. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 25 °С –ден аспайтын температурада. Балалардың қолы жетпейтін жерде сақтау керек!