Вистабель порошок 100 Единица действия

Бір құтының ішінде белсенді зат – ботулиндік токсин А типі – гемагглютинин кешені, 100 ӘБ, қосымша заттар: натрий хлориді, сарысулық адам альбумині. Сыртқы түрінің, иісінің, дәмінің сипаттамасы Ақ дегидрацияланған ұнтақ.

Вистабель препараты сырт келбетті уақытша түзетуге арналған: • қабақты қатты шытқанда (қасаралық әжімдер) байқалатын қас арасындағы орташа және айқын білінетін тігінен әжімдерді, • барынша қатты күлімсірегенде байқалатын орташа және айқын білінетін латеральді периорбиталық әжімдерді («қазтабан» типті әжімдер), • қасты барынша көтергенде байқалатын айқындылығы орташа және айқын маңдай әжімдері ересек пациенттерде бет әжімдерінің айқындылық дәрежесі елеулі психологиялық жайсыздықты туындататын жағдайларда.

Ботулиндік токсин А типі (Clostridium botulinum өндіретін нейротоксин) SNAP-25 SNAP-25 (жүйке ұштарында орналасқан везикулалардан ацетилхолинді сәтті «түйістіру» және босату үшін қажетті ақуыз) ыдырату жолымен шеткері жүйке жүйесінің холинергиялық синапстардың пресинапстық терминальдерінде ацетилхолиннің босап шығуын бөгейді. Бұл бұлшықеттің денервациясына, демек салдануға әкеп соғады. Енгізуден кейінгі бастапқы кезеңде ботулотоксиннің жасуша беткейіндегі спецификалық рецепторлармен жоғары аффинді байланысы байқалады. Содан кейін токсин плазмалық жарғақша арқылы рецепторлармен байланысты болған эндоцитоз арқылы өтеді. Соңғы кезеңде токсин цитозольге шығарылады. Соңғы процесс ацетилхолин босатылуының үдемелі тежелуімен қатар жүреді. Ботулотоксиннің клиникалық әсері 2-3 күннен кейін дамиды және инъекциядан кейін 5-6 апта ішінде ең жоғары қарқындылыққа жетеді. Бұлшықет ішіне енгізгеннен кейін реиннервация, әдетте, 12 аптадан кейін жүйке ұштары өсінділерінің латеральді процестерінің пайда болуына және олардың соңғы пластинкалармен байланысына қатысты болады. Клиникалық деректер Қасаралық әжімдерді түзету Клиникалық зерттеулерге қасаралық әжімдері орташа айқын және айқын білінетін, қабақты қатты шытқанда байқалатын 537 пациент қатысты. Вистабель препаратының инъекциясы ұзақтығы 4 айға дейінгі кезең ішінде қабақты қатты шытқанда байқалатын қасаралық әжімдер айқындылығының статистикалық мәнді төмендеуіне ықпал етті. Бұл туралы зерттеушілер орындаған, қабақты қатты шытқанда қасаралық әжімдердің айқындылық дәрежесін бағалау, сондай-ақ пациенттер орындаған, қабақты қатты шытқанда қасаралық әжімдердің жалпы сыртқы түрінің өзгеруін бағалау куәландырылды. Клиникалық соңғы нүктелердің ешқайсысы пациенттің психологиялық жағдайына әсерін объективті бағалауды қамтымады. Зерттеушілердің қорытындысына сәйкес, инъекция жасалғаннан кейін 30 күн өткен соң, Вистабель алған пациенттердің 80% - ында (405-тен 325-і) плацебо қолдану тобындағы пациенттердің 3% - ымен (132-ден 4-і) салыстырғанда түзетудің сәтті нәтижесі (қабақты қатты шытқанда әжімдердің болмауы немесе әлсіз байқалған әжімдер) байқалды. Сол кезеңде Вистабель алған пациенттердің 89 %-ы (405-тен 362) сыртқы түрінің өзгеруін плацебо қолдану тобындағы пациенттердің 7% - ымен (132-ден 9) салыстырғанда орташа немесе анағұрлым айқын жақсару ретінде бағалады. Вистабель препаратының инъекциясы тыныш күйінде қасаралық әжімдер айқындылығының статистикалық маңызды төмендеуіне ықпал етті. Қосылған 537 пациенттің 39% - ында (537-нің 210-ында) тыныш күйінде орташа айқын немесе айқын қасаралық әжімдер байқалды (қатысушылардың 15% - ында тыныш күйінде әжімдер болған жоқ). Оның ішінде Вистабель препаратын қабылдаған пациенттердің 74% - ында (161-ден 119-ы) инъекциядан кейін 30 күн өткен соң плацебо қолдану тобындағы 20% - ымен (49-дан 10-ы) салыстырғанда түзетудің сәтті нәтижесі (әжімдердің болмауы немесе әлсіз білінетін әжімдер) байқалды. 65 жастан асқан пациенттерде Вистабель препаратын қолдану туралы III фазаның клиникалық зерттеулерінің деректері шектеулі. Қатысушылардың тек 6,0% - ы (537-нің 32-сі) > 65 жаста болған. Осы топтағы тиімділікті бағалау нәтижелері жалпы зерттелген популяцияға қарағанда төмен болды. «Қазтабан» типті әжімдерді түзету Зерттеулерге 1362 пациент қатысты, оларда барынша қатты күлімсірегенде «қазтабан» типті орташа айқын және айқын білінетін әжімдер (N = 445, зерттеу 191622-098) немесе қабақты қатты шытқанда орташа айқын немесе айқын білінетін қасаралық әжімдермен бірге сол әжімдер (N = 917, зерттеу 191622-099) байқалды. Бағалаудың барлық кезеңдерінде 5 ай өткенге дейін Вистабель препаратының инъекциясы плацебо тобымен салыстырғанда (p < 0,001) барынша қатты күлімсірегенде байқалатын «қазтабан» типті әжімдер айқындылығының статистикалық маңызды төмендеуімен сипатталды. Мұндай нәтиже тірек зерттеулерінің екеуінде де барынша қатты күлімсірегенде «қазтабан» типті әжімдердің айқындылығы «әжімдер жоқ» немесе «әлсіз білінетін әжімдер» бағалауына сәйкес келетін пациенттердің үлесі туралы деректермен расталды (191622-098 зерттеуде 150-ші күнге дейін (зерттеудің аяқталуы) және 120-шы күнге дейін (191622-099 зерттеуде түзетудің бірінші циклының соңы). Зерттеушілер мен пациенттердің қорытындысына сәйкес, «әжімдер жоқ» немесе «әлсіз көрінетін әжімдер» бағалауы бар қатысушылардың үлесі сол әжімдер айқын білінетін пациенттер арасына қарағанда бастапқыда барынша қатты күлімсіреген кезде байқалатын «қазтабан» типті әжімдері бар пациенттердің арасында көп болды. 1-кестеде түзетуден кейінгі 30-шы күні байқалатын нәтижелер (тиімділіктің негізгі соңғы нүктесін бағалау кезеңі) берілген 191622-104 зерттеуінде (191622-099 зерттеудің ұзартылған кезеңі) бұрын плацебо тобына рандомизацияланған 101 пациент 44 ӘБ дозада Вистабель препаратымен алғашқы түзетуді алуға тиіс болған топқа енгізілді. Негізгі соңғы нүктені талдау нәтижелеріне сәйкес, Вистабель алған топқа белсенді препаратты алғашқы енгізгеннен кейінгі 30-шы күні плацебо тобымен салыстырғанда статистикалық маңызды артықшылық анықталды. Сәтті нәтиженің жиілігі 191622-099 зерттеулерінде 44 бірлік дозада Вистабель препаратымен алғашқы түзетуден кейін 30-шы күні байқалатын дәл сол көрсеткішке ұқсас болды. Барлығы 123 пациент Вистабель препаратының 4 циклын 44 дозада «қазтабан» типті әжімдерді және қасаралық әжімдерді біріктірілген түзету кезінде алды. 1-кесте. 30-шы күн: зерттеушілер мен пациенттер жасаған барынша қатты күлімсірегенде «қазтабан» типті әжімдердің айқындылығын бағалау - «қазтабан» типті әжімдердің айқындылығы «әжімдер жоқ» немесе «әлсіз білінетін әжімдер» бағалауына сәйкес келген пациенттердің сәтті түзету жиілігі (үлесі (%) Клиникалық зерттеу — Доза — Вистабель — Плацебо — Вистабель — Плацебо Зерттеушінің бағалауы — Пациентті бағалау 191622-098 — 24 бірлік («қазтабан» типті әжімдер) — 66,7 %* (148/222) — 6,7 % (15/223) — 58,1 %* (129/222) — 5,4 % (12/223) 191622-099 — 24 бірлік («қазтабан» типті әжімдер) — 54,9 %* (168/306) — 3,3 % (10/306) — 45,8 %* (140/306) — 3,3 % (10/306) 44 бірлік («Қазтабан» типті әжімдерді түзетуге арналған 24 бірлік; қасаралық әжімдерді түзетуге арналған 20 бірлік) — 59,0 %* (180/305) — 3,3 % (10/306) — 48,5 %* (148/305) — 3,3 % (10/306) * p < 0,001 (плацебомен салыстырғанда Вистабель) Плацебо тобынан айырмашылығы, Вистабель препаратын қолдану тобында (24 бірлік және 44 бірлік дозаларда) барынша қатты күлімсірегенде «қазтабан» типті әжімдердің сыртқы түрінің жақсаруы 30-шы күні және екі тірек зерттеулерінде (p < 0,001) әрбір түзету циклынан кейін бағалаудың барлық кезеңдерінде байқалды. Сонымен қатар, Вистабель препаратымен 24 бірлік дозада түзету демалу кезінде «қазтабан» типті әжімдер айқындылығының статистикалық маңызды төмендеуіне ықпал етті. Әжімдерін түзеткен 528 қатысушының 63% - ында (528-ден 330) «қазтабан» типті орташа айқын немесе айқын білінетін әжімдер байқалды. Оның ішінде Вистабель алған пациенттердің 58% - ында (330-дан 192-сі) инъекциядан кейін 30 күн өткен соң плацебо қолдану тобындағы пациенттердің 11% - ымен (352-ден 39-ы) салыстырғанда түзетудің сәтті нәтижесі байқалды. Бет әжімдерін түзетудің клиникалық нәтижелері сауалнамасы (FLO-11) бойынша бағалауға сәйкес, ем шарадан кейінгі 30-шы күні (p < 0,001) және кейінгі барлық кезеңдерде Вистабель қабылдаған пациенттерде (24 бірлік немесе 44 бірлік дозаларда) плацебо қабылдаған пациенттерге қарағанда өз жасын және тартымдылығын анағұрлым жағымды қабылдау байқалды. Тірек зерттеулерде пациенттердің 3,9%-ы (1362-ден 53) 65 жастан асқан. Зерттеушілердің бағалауына сәйкес, Вистабель (24 бірлік немесе 44 бірлік дозаларда) алған осы жас тобындағы пациенттерде түзетудің сәтті нәтижесінің жиілігі 36%-ды (30-шы күні) құрады. ≤ 50 және > 50 жас топтарындағы талдау кезінде плацебоға қарағанда статистикалық маңызды жақсару аталған екі популяцияда да байқалды. Зерттеушілердің қорытындысына сәйкес Вистабельді 24 бірлік дозада қабылдаған қатысушылар арасында сәтті түзету жиілігі ≤ 50 жастағы пациенттерге қарағанда > 50 жастағы пациенттерде төмен болды (42,0% және тиісінше 71,2%). Вистабель препаратымен барынша қатты күлімсірегенде байқалатын «қазтабан» типті әжімдерді түзету кезінде сәтті нәтиженің жалпы жиілігі қабақты қатты шытқанда байқалатын қасаралық әжімдерді (60%) түзетуге қарағанда төмен болды (80 %). 24 бірлік (517 пациент) және 44 бірлік (399 пациент) дозасында Вистабель препаратымен түзету алған 916 пациентте антиденелердің мөлшеріне қан үлгілеріне талдау жүргізілді. Барлық пациенттерде бейтараптандыратын антиденелер болмады. Маңдай әжімдерін түзету Зерттеуге, сондай-ақ барлық негізгі және қосымша соңғы нүктелерді талдауға арналған популяцияларға 822 пациент кірді, оларда барынша жиырылатын мимикалық бұлшықеттерде орташа айқын және айқын білінетін маңдай әжімдері мен қасаралық әжімдер (N = 254, 191622-142 зерттеу) немесе сол әжімдер барынша қатты күлімсіреген кезде «қазтабан» типті орташа айқын және айқын білінетін әжімдермен бірге байқалды (N = 568, 191622-143 зерттеу). Клиникалық зерттеулер барысында маңдай әжімдерін түзету қасаралық әжімдерді түзетумен қатар жүргізілді. Ем шарадан кейін 30-шы күні зерттеушілер мен пациенттердің қорытындысына сәйкес (тиімділіктің негізгі ақырғы нүктесін бағалау кезеңі), қастарды барынша көтерген кезде маңдай әжімдердің айқындылығы «әжімдер жоқ» немесе «әлсіз білінетін әжімдер» бағалауына сәйкес келетін қатысушылардың үлесі плацебо қолданған топқа қарағанда Вистабель препаратын қолданған топта көп болды (2-кесте). Тыныш күйінде әжімдердің бастапқы айқындылығы кем дегенде 1 баллға төмендеген пациенттердің үлестері туралы мәліметтер қосымша ұсынылған, сонымен қатар мимикалық бұлшықет барынша жиырылғанда беттің жоғарғы үштен бір әжімдерінің айқындылығы «әжімдер жоқ» немесе «әлсіз білінетін әжімдер» бағалауына сәйкес келді. 2-кесте. 30-шы күн: зерттеушілер мен пациенттер орындаған мимикалық бұлшықеттер барынша жиырылғанда және тыныш күйінде бет әжімдерінің және беттің жоғарғы үштен бір әжімдерінің айқындылығын бағалау Клиникалық зерттеу — Ақырғы нүкте — Вистабель — Плацебо — Вистабель — Плацебо Зерттеушінің бағалауы — Пациентті бағалау 191622-142 зерттеу (40 ӘБ) (20 ӘБ маңдай әжімдері + 20 ӘБ қасаралық әжімдер) — Барынша тартылу кезіндегі маңдай әжімдері — 94,8 % (184/194) — 1,7 % (1/60) — 87,6 % (170/194) — 0,0 % (0/60) p < 0,0005 — p < 0,0005 Тыныш күйіндегі әжімдер — 86,2 % (162/188) — 22,4 % (13/58) — 89,7 % (174/194) — 10,2 % (6/59) p < 0,0001 — p < 0,0001 191622-143 зерттеу (40 ӘБ) (20 ӘБ маңдай әжімдері + 20 ӘБ қасаралық әжімдер) — Барынша тартылу кезіндегі маңдай әжімдері — 90,5 % (201/222) — 2,7 % (3/111) — 81,5 % (181/222) — 3,6 % (4/111) p < 0,0005 — p < 0,0005 Тыныш күйіндегі әжімдер — 84,1 % (185/220) — 15,9 % (17/107) — 83,6 % (184/220) — 17,4 % (19/109) p < 0,0001 — p < 0,0001 191622-143 зерттеу (64 ӘБ) (20 ӘБ маңдай әжімдері + 20 ӘБ қасаралық әжімдер + 24 бірлік «қазтабан» типті әжімдер) — Барынша тартылу кезіндегі маңдай әжімдері — 93,6 % (220/235) — 2,7 % (3/111) — 88,9 % (209/235) — 3,6 % (4/111) p < 0,0005 — p < 0,0005 Барынша тартылғанда беттің жоғарғы үштен бір бөлігінің әжімдері — 56,6 % (133/235) — 0,9 % (1/111) — н/ж p < 0,0001 a Қастарды барынша көтергенде маңдай әжімдерінің айқындылығы «әжімдер жоқ» немесе «әлсіз білінетін әжімдер» бағалауына сәйкес келген пациенттердің үлесі b Тыныш күйінде маңдай әжімдерінің бастапқы айқындылығы кем дегенде 1 баллға төмендеген пациенттердің үлесі. c Түзетуден кейін мимикалық бұлшықеттер барынша тартылғанда маңдай әжімдерінің, қасаралық әжімдердің және «қазтабан» типті әжімдердің айқындығы «әжімдер жоқ» немесе «әлсіз білінетін әжімдер» бағалауына сәйкес келген пациенттердің үлесі. Плацебо инъекцияларына қарағанда, Вистабель препаратының инъекциясы ұзақтығы 6 айға дейінгі кезең ішінде қастарды барынша көтергенде байқалатын маңдай әжімдері айқындылығының статистикалық мәнді төмендеуіне (p < 0,05) ықпал етті. Бұл нәтиже тірек зерттеулерінің екеуінде де қастарды барынша көтергенде маңдай әжімдердің айқындылығы «әжімдер жоқ» немесе «әлсіз білінетін әжімдер» бағалауына сәйкес келетін пациенттердің үлесі туралы мәліметтермен расталды (191622-142 зерттеуінде 150-ші күнге дейін (плацебо қолданғандағы 0% - бен салыстырғанда Вистабель препаратын қолданғандағы 21,6 % ) және 191622-143 зерттеуіндегі 180-ші күнге дейін (плацебо қолданғандағы 0% - бен салыстырғанда Вистабель препаратын қолданғандағы 6,8 %). 191622-143 зерттеудегі (Вистабель препаратын 64 ӘБ дозада қолдану тобы) барлық үш аймақты бір уақытта түзету кезінде инъекциялар 6 айға дейін созылатын кезеңде маңдай әжімдерінің (плацебо қолданғандағы 0% - бен салыстырғанда Вистабель препаратын қолданғандағы 5,5 % ), 6 айға дейін созылатын кезеңде латеральді периорбиталық әжімдерінің (плацебо қолданғандағы 0% - бен салыстырғанда Вистабель препаратын қолданғандағы 3,4 %) және 6 айға дейін созылатын кезеңде маңдай әжімдері (плацебо қолданғандағы 0% - бен салыстырғанда Вистабель препаратын қолданғандағы 9,4 %) айқындылығының статистикалық маңызды төмендеуіне ықпал етті. Жалпы алғанда, бір жыл бойы 116 және 150 пациент 40 бірлік (маңдай әжімдерін түзету үшін 20 бірлік және қасаралық әжімдерді түзету үшін 20 бірлік) немесе тиісінше 64 бірлік дозада (маңдай әжімдерін түзету үшін 20 бірлік, қасаралық әжімдерді түзету үшін 20 бірлік және «қазтабан» типті әжімдерді түзету үшін 24 бірлік) Вистабель препаратымен түзетудің 3 циклін алды. Маңдай әжімдерін сәтті түзету жиілігі барлық үш циклден кейін ұқсас болды. 191622-142 және 191622-143 зерттеулерінде FLO-11 сауалнамасының үш тармағы (маңдай әжімдерінің болуына қатысты алаңдаушылық; нақты жастан үлкен етіп көрсететін сырт келбет және тартымдылық дәрежесі) бойынша бағалаудың жақсарғанын атап өткен қатысушылардың үлесі плацебо қабылдаған (30-шы күні негізгі ақырғы нүктені бағалау кезеңінде) пациенттерге қарағанда ВИСТАБЕЛЬДІ 40 бірлік (маңдай әжімдерін түзету үшін 20 бірлік және қасаралық әжімдерді түзету үшін 20 бірлік) немесе 64 бірлік дозада (маңдай әжімдерін түзету үшін 20 бірлік, қасаралық әжімдерді түзету үшін 20 бірлік және «қазтабан» типті әжімдерді түзету үшін 24 бірлік) қабылдаған пациенттер арасында статистикалық тұрғыдан көбірек (p < 0,001) болды. Бет әжімдерін түзету нәтижелерімен қанағаттану сауалнамасы (FLSQ) бойынша бағалауларға сәйкес, 191622-142 зерттеуіндегі пациенттердің 78,1 %-ы (192-ден 150) және 191622-143 зерттеуіндегі пациенттердің 62,7 %-ы (220-дан 138) өздерінің сырт келбетін қабылдаудың жақсарғанын және әжімдердің эмоционалды жағдайға әсерінің төмендегенін атап өтті. Бұған қатысушылардың плацебо алған (19,0% (58-ден 11) 191622-142 зерттеуде және 18,9% (111-ден 21) 30-шы күні 191622-143 зерттеуде (p < 0,0001 екі зерттеуде) пациенттермен салыстырғанда Вистабель препаратымен 40 бірлік дозада (маңдай әжімдерін түзету үшін 20 бірлік және қасаралық әжімдерді түзету үшін 20 бірлік) түзеткеннен кейін жасының өзін-өзі қабылдауы, жағымсыз өзін-өзі бағалауы, беттегі шаршау көрінісі, эмоционалды жайсыздық және беттегі ашу көрінісі туралы тармақтарға берген жауаптары дәлел болды. Сол сауалнаманы толтыру нәтижелеріне сәйкес, 191622-142 зерттеудегі пациенттердің 90,2 %-ы (193-тен 174) және 191622-143 зерттеудегі 79,2 %-ы (221-ден 175, 40 бірлік) немесе 191622-143 зерттеудегі 86,4%-ы (235-тен 203, 64 бірлік) FLSQ сауалнамасы (екі зерттеуде p < 0,0001) бойынша 60-шы күнге негізгі ақырғы нүктені бағалау сәтінде плацебо алған пациенттермен салыстырғанда (191622-142 және тиісінше 191622-143 зерттеулерде 1,7 % (58-ден 1) және 3,6 % (110-дан 4) 40 бірлік немесе 64 бірлік дозаларда Вистабель препаратын қолдану нәтижелеріне «өте қанағаттанған» немесе «басым түрде қанағаттанған» деп көрсетті. Тірек зерттеулерде пациенттердің 3,7%-ы (587-ден 22) 65 жастан асқан. Зерттеушілердің қорытындысына сәйкес, осы жас тобындағы пациенттерде 30-шы күні сәтті түзету жиілігі Вистабель препаратын қолдану кезінде 86,7 %-ды (15-тен 13) және плацебо қолдану кезінде 28,6 %-ды (7-ден 2) құрады. Вистабель қабылдаған пациенттердің осы қосалқы тобында сәтті түзету жиілігі жалпы популяциядағы көрсеткішке ұқсас болды, алайда нәтижелер статистикалық маңыздылықтың болмауымен сипатталады және осы қосалқы топтағы қатысушылардың аздығына байланысты плацебомен салыстыруды орындау қиынға соқты. • Фармакокинетикалық қасиеттері Белсенді заттың жалпы сипаттамалары Егеуқұйрықтардағы таралуды зерттеу нәтижелері инъекциядан кейін балтыр бұлшықетінің тінінде I125 таңбаланған ботулиндік нейротоксин кешенінің баяу диффузиясын, сондай-ақ одан әрі жылдам жүйелік метаболизмді және несеппен шығарылуын көрсетеді. Бұлшықеттегі радиоактивті заттың мөлшері азайды; жартылай шығарылу кезеңі шамамен 10 сағатты құрады. Енгізу орнында радиоактивті зат ірі ақуыз молекулаларымен, ал плазмада ол шағын молекулалармен байланысты болды, бұл субстраттың тез жүйелік метаболизмін болжайды. Дозаны енгізгеннен кейін 24 сағат ішінде радиоактивті заттың 60%-ы несеппен шығарылды. Ботулотоксин протеазалармен метаболизденеді және молекуланың компоненттері әдеттегі метаболизм жолдарына тән реакциялар кезінде өңделеді. Белсенді заттың сіңуін, таралуын, биотрансформациясын және шығарылуын (ADME) классикалық зерттеу оның химиялық табиғатын ескере отырып жүргізілген жоқ. Пациенттердің сипаттамасы Емдік дозаларда қолданған кезде Вистабель препараты төмен жүйелік бөлінумен сипатталады деп саналады. Бір бұлшықет талшығының электромиография әдісін қолданумен жүргізілген клиникалық зерттеулердің нәтижелері енгізу орнынан алыс орналасқан бұлшықеттердегі электрофизиологиялық нейробұлшықет белсенділіктің күшеюін көрсетеді (байланысты клиникалық белгілер немесе симптомдар болмаған кезде).

Дозалау режимі Төменде келтірілген әрбір көрсетілім бойынша айрықша ұсынымдарды қараңыз. Ботулиндік токсиннің бірліктері басқа препараттардың бірліктерімен өзара алмастырылмайды. «Аллерган» компаниясының ұсынылған дозалау бірліктері басқа ботулотоксиндердің бірліктерінен ерекшеленеді. Қабақты қатты шытқанда пайда болатын қасаралық әжімдерді түзету жөніндегі нұсқаулықтар Қалпына келтірілген Вистабель препаратының инъекциясы (50 ӘБ/1,25 мл немесе 100 ӘБ/2,5 мл) өлшемі 30 G стерильді инемен орындалады. Препарат 5 инъекция нүктесінің әрқайсысына 0,1 мл (4 бірлік) көлемінде енгізіледі (1-суретті қараңыз): қабақты шытатын әрбір бұлшықетке 2 инъекция және паңдану бұлшықетіне 1 инъекция (жалпы доза 20 ӘБ). Инъекция жасамас бұрын, экссудацияны болдырмас үшін бас бармақты немесе сұқ саусақты көзұяның шетіндегі теріні қысып басу керек. Инъекция жасау кезінде инені жоғары қарай және медиальді түрде бағыттау керек. Блефароптоздың даму қаупін төмендету мақсатында инъекцияның әрбір нүктесі үшін ең жоғары дозадан (4 бірлік), сондай-ақ осындай нүктелердің санынан асырмау керек. Бұдан басқа, препаратты жоғарғы қабақты көтеретін бұлшықетке, әсіресе қасты түсіретін (depressor supercilii), айқын бұлшықеті бар пациенттерде енгізуден аулақ болу керек. Қабақты шытатын бұлшықетке жасалатын инъекциялар осы бұлшықеттің орталық бөлігіне, қастың доғасынан кем дегенде 1 см жоғары болуы керек. 1-сурет. Қабақты қатты шытқанда байқалатын қасаралық әжімдер айқындылығының төмендеуі, әдетте, емшара жүргізілгеннен кейін бір апта ішінде болады. Әсері 4 айға дейін сақталады. Барынша күлімсірегенде байқалатын «қазтабан» типті әжімдерді түзету жөніндегі нұсқаулықтар Қалпына келтірілген Вистабель препаратының инъекциясы (50 ӘБ/1,25 мл немесе 100 ӘБ/2,5 мл) өлшемі 30 G стерильді инемен орындалады. Препарат беттің әр жағынан 3 инъекция нүктесінің әрқайсысына 0,1 мл (4 бірлік) көлемінде енгізіледі, көздің дөңгелек бұлшықетінің латеральді бөлігіне жалпы алғанда 6 инъекция жасалады; жалпы доза 24 бірлікті құрайды (жалпы көлемі 0,6 мл), яғни әр жағынан 12 бірліктен. Блефароптоздың даму қаупін төмендету мақсатында инъекцияның әрбір нүктесі үшін ең жоғары дозадан (4 бірлік), сондай-ақ осындай нүктелердің санынан асырмау керек. Бұдан басқа инъекцияларды көзұя шетінен латеральді жаққа қарай самай маңына жақын тұсқа жасаған жөн, бұл жоғарғы қабақты көтеріп тұратын бұлшықеттен қауіпсіз қашықтықты қамтамасыз етеді. Инъекция кезінде иненің қимасын көзден жоғары және көзден шетке қарай бағытталады. Бірінші инъекция (А) көздің сыртқы бұрышынан латеральді жаққа қарай 1,5–2,0 см қашықтықта және көзұяның шетінен сәл латеральді жаққа қарай жасалады. Егер «қазтабан» типті әжімдер көздің сыртқы бұрышынан жоғары және төмен орналасса, түзету 2-суретте көрсетілген схемаға сәйкес жасалады. Керісінше, егер «қазтабан» типті әжімдер негізінен көздің сыртқы бұрышынан төмен орналасса, түзету 3-суретте көрсетілген схемаға сәйкес жасалады. 2-сурет. 3-сурет. Барынша қатты күлімсірегенде байқалатын «қазтабан» типті әжімдерді және қабақты қатты шытқанда байқалатын қасаралық әжімдерді бір мезгілде түзету кезінде жалпы доза 1,1 мл жалпы көлемде 44 бірлікті құрауы тиіс: 24 бірлік — «қазтабан» типті әжімдерді түзету және 20 бірлік — қасаралық әжімдерді түзету үшін (қасаралық әжімдерді түзету жөніндегі нұсқаулықты және 1-суреттті қараңыз). Зерттеушінің бағалауы бойынша барынша қатты күлімсірегенде байқалатын «қазтабан» типті әжімдердің айқындылығының төмендеуі емшара жүргізілгеннен кейін бір апта ішінде байқалды. Әсер ету ұзақтығының медианасы 4 айды құрады. Қасты қатты көтергенде байқалатын маңдай әжімдерін түзету жөніндегі нұсқаулықтар Қалпына келтірілген Вистабель препаратының инъекциясы (50 ӘБ/1,25 мл немесе 100 ӘБ/2,5 мл) өлшемі 30 G стерильді инемен орындалады. Препарат маңдай бұлшықет аймағындағы 5 инъекция нүктесінің әрқайсысына 0,1 мл (4 бірлік) көлемінде жалпы 20 бірлік дозада және 0,5 мл жалпы көлемде енгізіледі (4-суретті қараңыз). Маңдай әжімдерін түзету кезінде қолданылатын жалпы доза (20 бірлік) қасаралық әжімдермен (20 бірлік) бірге 40 бірлік/1,0 мл құрайды. Инъекция нүктелерінің орналасуын анықтау кезінде пациент маңдайының жалпы өлшемін және маңдай бұлшықеттің жиырылу белсенділігінің ерекшеліктерін бағалау керек. Маңдай аймағын тыныштық күйінде нәзік пальпациялау арқылы және қасты барынша көтеру кезінде түзетудің келесі көлденең шегі анықталады: • маңдай бұлшықеттің жиырылу белсенділігінің жоғарғы шегі: белсенді мимика нәтижесінде пайда болған маңдайдағы ең жоғарғы көлденең қатпардан шамамен 1 см жоғары; • төменгі түзету сызығы: маңдай бұлшықет пен қастың белсенділігінің жоғарғы шекарасы арасында, бірақ қастан кемінде 2 см-ге жоғары; • жоғарғы түзету сызығы: маңдай бұлшықет белсенділігінің жоғарғы шекарасы мен төменгі түзету сызығының ортасында. Инъекцияның бес нүктесі мынадай тігінен бағдарлармен көлденең түзету сызықтарының қиылысында орналасуы тиіс: • түзетудің төменгі сызығының бағыты бойынша беттің ортаңғы сызығымен қиылысу нүктесі, сондай–ақ әрбір жағынан пальпацияланатын уақытша сызықтан (самай қырынан) 0,5-1,5 см медиальді орналасқан екі нүкте анықталады; • жоғарғы түзету сызығының бағыты бойынша төменгі қатардың орталық және бүйір нүктелерінің ортасында орналасқан екі нүкте анықталады. 4-сурет. Қасты барынша көтергенде бақыланатын маңдай бұлшықетінің айқындылық деңгейі емшара жүргізілгеннен кейін бір апта ішінде азаяды. Түзету әсері инъекциядан кейін шамамен 4 айға созылады. Маңдай әжімдерін қасаралық әжімдермен және «қазтабан» типті әжімдермен бір мезгілде түзету кезінде жалпы доза 64 бірлікті құрайды (20 бірлік - маңдай әжімдерін түзету үшін, 20 бірлік - қасаралық әжімдерді түзету үшін) (қасаралық әжімдерді түзету жөніндегі нұсқаулықты және 1-суретті қараңыз) және 24 бірлік - «қазтабан» типті әжімдерді түзету үшін («қазтабан» типті әжімдерді түзету жөніндегі нұсқаулықты, 2 және 3-суретті қараңыз). Пациенттердің ерекше топтары Балалар Вистабель препаратының қауіпсіздігі мен тиімділігі қабақты қатты шытығанда байқалатын қасаралық әжімдерді, барынша қатты күлімсірегенде байқалатын «қазтабан» типті әжімдерді немесе қастарды барынша көтергенде байқалатын маңдай әжімдерін түзету кезінде 18 жасқа толмаған адамдарда зерттелмеген. Вистабель препаратын 18 жасқа дейінгі пациенттерде қолдану ұсынылмайды. Егде жастағы пациенттер Вистабель препаратын 65 жастан асқан пациенттерде қолдану туралы III фазаның клиникалық зерттеулерінің деректері шектеулі. Егде жастағы пациенттерде қолдану кезінде дозаны түзету талап етілмейді. Енгізу әдісі мен жолы Бұлшықет ішіне енгізуге арналған. Вистабель препаратын енгізуді қажетті жабдықтарды пайдалана отырып, емдеудің осы түрін жүргізу үшін арнайы дайындықтан өткен, тиісті біліктілігі бар дәрігерлер ғана жүзеге асыруы тиіс. Қалпына келтірілген Вистабель препаратын бір пациентте тек бір ғана инъекция (инъекциялар) емшарасын орындау үшін пайдалану қажет. Препаратты дайындау және қолдану кезінде, сондай-ақ пайдаланылмаған ерітінді қалдықтарының белсенділігін жою және утилизациялау кезінде ерекше сақтық шараларын сақтаған жөн. Бір нүктеге бұлшықет ішіне енгізуге арналған препараттың ұсынылған көлемі 0,1 мл құрайды. Қабақты қатты шытқанда байқалатын тігінен әжімдерді (қасаралық әжімдер), барынша қатты күлімсірегенде байқалатын латеральді периорбиталық әжімдерді («қазтабан» типті әжімдер) немесе қасты барынша көтергенде байқалатын маңдай әжімдерін түзету кезінде Вистабель препаратын қантамырға енгізбеу үшін сақ болу қажет. Емшаралар арасындағы аралықтар кем дегенде үш айды құрауы керек. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Сізде осы дәрілік препаратты қолдану бойынша қандай да бір қосымша сұрақтар туындаған жағдайда, өз дәрігеріңізге немесе фармацевтке жүгініңіз.

• әсер етуші затқа (заттарға) немесе қосымша заттардың кез келгеніне аса жоғары сезімталдық • миастения гравис немесе Итон—Ламберт синдромы • ұсынылатын инъекция орнындағы инфекциялық процесс

Қасаралық әжімдерді түзету Төменде салыстырмалы жасырын плацебо-бақыланатын клиникалық зерттеулер барысында тек қасаралық әжімдерді түзету үшін 20 ӘБ дозада Вистабель препаратын енгізгеннен кейін байқалған жағымсыз реакциялар көрсетілген: Жүйелік-ағзалық класс — Пайдаланылуы орынды термин — Жиілігі Инфекциялар және инвазиялар — Инфекция — Жиі емес Психикалық бұзылулар — Үрей — Жиі емес Жүйке жүйесінің тарапынан бұзылулар — Бас ауыруы, парестезия — Жиі Бас айналуы — Жиі емес Көру мүшесі тарапынан бұзылулар — Блефароптоз — Жиі Блефарит, көздің ауыруы, көрудің бұзылуы (көрудің бұлыңғырлығын қоса) — Жиі емес Асқазан-ішек жолы тарапынан бұзылулар — Жүрек айнуы — Жиі Ауыздың құрғауы — Жиі емес Тері және тері асты тіндері тарапынан бұзылулар — Эритема, тері тартылғандай сезіну — Жиі Ісіну (бет, қабақ, периорбитальды), фотофобия, қышыну, терінің құрғауы — Жиі емес Бұлшықет, қаңқа және дәнекер тін тарапынан бұзылулар — Бұлшықеттің жергілікті ауыруы — Жиі "Мефистофель қасы" (қастардың көтерілген сыртқы бұрыштары). — Жиі Бұлшықеттің жиырылуы — Жиі емес Жалпы бұзылулар және енгізу орнындағы реакциялар — Бет аймағының ауыруы, енгізу орнындағы ісіну, экхимоз, енгізу орнындағы ауыру, енгізу орнындағы тітіркену — Жиі Тұмауға ұқсас синдром, астения, қызба — Жиі емес «Қазтабан» типті әжімдерді қасаралық әжімдерді түзетумен бірге немесе онсыз түзету Төменде салыстырмалы жасырын плацебо-бақыланатын клиникалық зерттеулер барысында «қазтабан» типті әжімдерді түзетумен бірге немесе онсыз да Вистабель препаратын енгізгеннен кейін байқалған жағымсыз реакциялар көрсетілген: Жүйелік-ағзалық класс — Пайдаланылуы орынды термин — Жиілігі Көру мүшесі тарапынан бұзылулар — Қабақтың ісінуі — Жиі емес Жалпы бұзылулар және енгізу орнындағы реакциялар — Енгізу орнындағы гематома* — Жиі Енгізу орнынан қан кету* — Жиі емес Енгізген жердің ауыруы* — Жиі емес Енгізу орнындағы парестезия — Жиі емес * емшарамен байланысты жағымсыз реакциялар «Қазтабан» типті немесе онсыз әжімдерді түзетумен ұштастыра отырып, маңдай әжімдері мен қасаралық әжімдерді түзету Төменде салыстырмалы жасырын плацебо-бақыланатын клиникалық зерттеулер барысында «қазтабан» типті немесе онсыз әжімдерді түзетумен ұштастыра отырып, маңдай және қасаралық әжімдерді бір мезгілде түзету үшін Вистабель препаратын енгізгеннен кейін байқалған жағымсыз реакциялар көрсетілген: Жүйелік-ағзалық класс — Пайдаланылуы орынды термин — Жиілігі Жүйке жүйесінің тарапынан бұзылулар — Бас ауыруы — Жиі Көру мүшесі тарапынан бұзылулар — Блефароптоз1 — Жиі Тері және тері асты тіндері тарапынан бұзылулар — Тері тартылғандай сезіну — Жиі Қас птозы2 — Жиі Бұлшықет, қаңқа және дәнекер тін тарапынан бұзылулар — "Мефистофель қасы" (қастардың көтерілген сыртқы бұрыштары). — Жиі емес Жалпы бұзылулар және енгізу орнындағы реакциялар — Енгізу орнындағы экхимоздар* — Жиі Енгізу орнындағы гематома* — Жиі Енгізген жердің ауыруы* — Жиі емес 1 Түзетуден кейін блефароптоздың дамуына дейінгі уақыттың медианасы 9 күнді құрады. 2 Түзетуден кейін қас птозының дамуына дейінгі уақыттың медианасы 5 күнді құрады. * емшарамен байланысты жағымсыз реакциялар Бірнеше рет қолданған кезде препарат қауіпсіздігінің жалпы бейінінде өзгерістер болған жоқ. Тіркеуден кейінгі бақылау деректері (жиілігі белгісіз) Қасаралық әжімдерді, «қазтабан» типті әжімдерді түзету үшін және басқа клиникалық көрсетілімдер бойынша қолданылатын препаратты сатудың барлық кезеңінде келесі жағымсыз реакциялар немесе клиникалық маңызды жағымсыз құбылыстар тіркелді: Жүйелік-ағзалық класс — Пайдаланылуы орынды термин Иммундық жүйенің бұзылуы — Анафилаксия, ангионевроздық ісіну, сарысу құю ауруы, есекжем Метаболизм және тамақтану бұзылыстары — Анорексия Жүйке жүйесінің тарапынан бұзылулар — Иық плексопатиясы, дисфония, дизартрия, бет жүйкесінің парезі, гипестезия, бұлшықет әлсіздігі, миастения гравис, шеткері нейропатия, парестезия, радикулопатия, естен тану және прозоплегия Көру мүшесі тарапынан бұзылулар — Жабық бұрышты глаукома (блефароспазмды емдеу кезінде), блефароптоз, лагофтальм, страбизм, көрудің бұлыңғырлануы, көрудің бұзылуы, көздің құрғауы, қабақтың ісінуі Есту мүшесі және лабиринт тарапынан бұзылулар — Есту қабілетінің төмендеуі, құлақтағы шуыл, вертиго Тыныс алу жолдары жүйесі, кеуде ағзалары және көкірек ортасы тарапынан бұзылулар — Аспирациялық пневмония, диспноэ, бронх түйілуі, тыныстың тарылуы және тыныс алу жеткіліксіздігі Асқазан-ішек жолы тарапынан бұзылулар — Іштің ауыруы, диарея, ауыздың құрғауы, дисфагия, жүрек айнуы, құсу Тері және тері асты тіндері тарапынан бұзылулар — Алопеция, қас птозы, псориаз тәрізді дерматит, көп формалы эритема, гипергидроз, мадароз, қышыну, бөртпе Бұлшықет, қаңқа және дәнекер тін тарапынан бұзылулар — Бұлшықет атрофиясы, миалгия, жергілікті бұлшықет түйілуі/ бұлшықеттің еріксіз жиырылуы Жалпы бұзылулар және енгізу орнындағы реакциялар — Денервация салдарынан бұлшықет атрофиясы, дімкәстік, қызба Ботулотоксиннің енгізу орнынан алыс аймақтарға таралуымен ықтимал байланысты жағымсыз реакциялар өте сирек байқалады (мысалы, өліммен аяқталуы мүмкін бұлшықет әлсіздігі, дисфагия, іш қату немесе аспирациялық пневмония). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Вистабель препаратының артық дозалануы салыстырмалы ұғым болып табылады және дозаға, енгізу орнына және тиісті тіндердің қасиеттеріне байланысты. А типті ботулиндік токсинді кездейсоқ енгізумен байланысты жүйелі уытты әсер ету жағдайлары байқалған жоқ. Артық дозаларды қолдану жергілікті немесе қашықтан, жайылған және терең нейробұлшықеттік салданудың дамуына әкелуі мүмкін. А типті ботулиндік токсинді ішке қабылдау жағдайлары белгісіз. Артық дозалану белгілері инъекциядан кейін бірден пайда болмайды. Препаратты кездейсоқ енгізгеннен немесе жұтып қойғаннан кейін пациент жалпы әлсіздік пен бұлшықет салдануының белгілері мен симптомдарын анықтау үшін бірнеше күн бойы медициналық бақылауда болуы керек. А типті ботулиндік токсинмен улану симптомдары бар пациенттерге (жайылған әлсіздік, птоз, диплопия, жұтылу және сөйлеу бұзылыстары немесе тыныс алу бұлшықеттерінің парезі) ауруханаға жатқызу мүмкіндігі берілуі керек.

Препаратты дайындау және қолдану кезінде, сондай-ақ пайдаланылмаған ерітінді қалдықтарының белсенділігін жою және утилизациялау кезінде ерекше сақтық шараларын сақтаған жөн. Арнайы ескертулер Бұл препараттың құрамында бір дозада 1 ммольден аз натрий (23 мг) бар, яғни іс жүзінде құрамында натрий жоқ. Вистабель препаратын қолданар алдында алдыңғы хирургиялық араласымдармен байланысты жеке анатомиялық ерекшеліктер мен өзгерістерді ескеру қажет; препаратты осал анатомиялық құрылымдарға енгізуден аулақ болу керек. Вистабель препаратын енгізудің ұсынылған дозалары мен жиілігін асырмау керек. Өте сирек жағдайларда ботулиндік токсинді енгізгеннен кейін анафилаксиялық реакция дамуы мүмкін. Осыған байланысты түзету жүргізу кезінде эпинефрин (адреналин) немесе анафилаксиялық реакцияны басуға ықпал ететін кез келген басқа дәрілер болуы қажет. А типті ботулотоксиннің ұсынылған дозаларын енгізген кезде білінбеген нейробұлшықет бұзылулары бар пациенттер ауыр дисфагияны және тыныс алудың бұзылуын қоса алғанда, клиникалық маңызды жүйелік әсерлердің даму қаупі жоғары болуы мүмкін. Осындай кейбір жағдайларда дисфагия бірнеше айға созылды және энтеральді тамақтану үшін асқазан зондын орнатуды қажет етті. Сонымен қатар, пациентте бүйірлік амиотрофиялық склероз немесе шеткері нейробұлшықет бұзылулары болған кезде сақтық таныту керек. Ботулотоксиннің инъекция орнынан алыс аймақтарға таралуымен ықтимал байланысты жағымсыз реакциялардың даму жағдайлары өте сирек байқалады. Препаратты емдік дозаларда қабылдайтын пациенттерде бұлшықет әлсіздігі байқалуы мүмкін. Жұтынудың қиындауы мен тыныс алудың қиындауы жағымсыз құбылыстар болып табылады және өлімге әкелуі мүмкін. Анамнезінде дисфагиясы және аспирациясы бар пациенттерде Вистабель препаратын қолдану ұсынылмайды. Жұтылу, сөйлеу немесе тыныс алу бұзылған жағдайда пациенттер немесе күтуші адамдар дереу медициналық көмекке жүгінуі тиіс. Тым жиі енгізу немесе шамадан тыс дозаларды қолдану кезінде препаратқа антиденелердің пайда болу қаупі артуы мүмкін. Антиденелердің пайда болуы ботулиндік токсин А типі, оның ішінде басқа көрсетілімдер бойынша қолданудың тиімсіздігіне әкелуі мүмкін. Кез-келген инъекциялық емшара кезіндегідей, препаратты енгізу орнында жергілікті ауырсыну, қабыну, парестезия, гипестезия, терінің сезімталдығы, пастоздық/ісіну, эритема, оқшауланған инфекция, инъекцияға байланысты қан кету және (немесе) көгеру болуы мүмкін. Емшарамен байланысты ауырсыну және (немесе) үрей транзиторлы симптоматикалық гипотензия мен естен тануды қоса, вазовагальді реакциялардың дамуына әкелуі мүмкін. Вистабельді инъекцияның болжамды орындарында қабыну процесі болған кезде, сондай-ақ нысана бұлшықеттерінің әлсіздігі немесе атрофиясы кезінде сақтықпен қолдану керек. Қабақты қатты шытқанда байқалатын қасаралық әжімдерді, барынша қатты күлімсірегенде байқалатын «қазтабан» типті әжімдерді, сондай-ақ қасты барынша көтергенде байқалатын маңдай әжімдерінде Вистабель препаратын қантамырға енгізуді болдырмау үшін сақтық таныту қажет. Түзетуден кейін блефароптоздың даму қаупі бар; осы қауіпті мейлінше азайтуға бағытталған шаралар препаратты енгізу жөніндегі нұсқаулықтарда сипатталған. Педиатрияда қолдану Вистабель препаратын 18 жасқа дейінгі пациенттерде қолдану ұсынылмайды. 65 жастан асқан пациенттерде Вистабель препаратын қолдану туралы III фазаның клиникалық зерттеулерінің деректері шектеулі. Жалпы нұсқаулар Бірінші түзету емшарасының тиімсіздігі, яғни инъекциядан кейін бір айдан соң бастапқы жағдаймен салыстырғанда айтарлықтай жақсару болмаған жағдайда мыналар ұсынылады: • тиімсіздік себептерін талдау, мысалы, препаратты нысаналы емес бұлшықеттерге енгізу, инъекцияның дұрыс емес техникасы, ботулотоксинді бейтараптандыратын антиденелердің түзілуі, жеткіліксіз доза; • А типті ботулиндік токсинді қолданудың орындылығын қайта бағалау. Бірінші емшарамен байланысты қандай да бір жағымсыз құбылыстар болмаған кезде екінші реттік емшара жүргізіледі (бірақ үш айдан ерте емес). Егер қатты қабақ шытқанда байқалатын қасаралық әжімдерді түзету кезінде препараттың дозасы жеткіліксіз болса, жалпы дозаны 40 немесе 50 бірлікке дейін ұлғайта отырып және алдыңғы түзетудің тиімсіздігін талдау нәтижелерін ескере отырып, емшараны қайтадан жүргізеді. Вистабель препаратын қайталап инъекциялаудың тиімділігі мен қауіпсіздігі бір жылдан астам уақыт бойы анықталмаған. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың көлік құралдарын басқару және механизмдермен жұмыс істеу қабілетіне тигізер ықпалына зерттеу жүргізілген жоқ. Алайда, Вистабель препаратын қолданғаннан кейін астения, бұлшықет әлсіздігі, бас айналуы және көрудің бұзылуы дамуы мүмкін, бұл көлік құралдарын басқару және механизмдермен жұмыс істеу қабілетіне әсер етуі мүмкін.

Жүкті әйелдерде А типті ботулиндік токсинді қолдану туралы деректер жоқ. Адам үшін ықтимал қаупі белгісіз. Вистабель препаратын жүктілік кезеңінде, сондай-ақ контрацепцияның сенімді әдістерін пайдаланбайтын ұрпақты болу функциясы сақталған әйелдерде қолдану ұсынылмайды. Вистабель препаратының емшек сүтіне бөлінетіні белгісіз. Вистабель препаратын бала емізу кезеңінде қолдану ұсынылмайды.

Теориялық тұрғыдан ботулиндік токсиннің әсері аминогликозидтер тобының бактерияға қарсы препараттарымен, спектиномицинмен немесе нейробұлшықет берілісіне әсер ететін басқа дәрілік заттармен (мысалы, миорелаксанттармен) бір мезгілде қолданғанда күшеюі мүмкін. Ботулиндік нейротоксиннің әртүрлі серотиптерін бір мезгілде немесе бірнеше ай аралықпен енгізу әсері белгісіз. Бұрын енгізілген ботулиндік токсиннің әсері басылғанға дейін басқа ботулиндік токсинін енгізу кезінде айқын нейробұлшықет әлсіздігі күшейе түсуі мүмкін. Басқа дәрілік препараттармен өзара әрекеттесуін бағалау бойынша зерттеулер жүргізілген жоқ. Дәрілік өзара әрекеттесудің клиникалық маңызды жағдайлары туралы хабарламалар жоқ.

Сақтау мерзімі 3 жыл Ерітіндіні қалпына келтірілгеннен кейін бірден пайдалану ұсынылады. Ерітінді 24 сағат ішінде 2-ден 8 °C-ге дейінгі температурада тұрақты. Жарамдылық мерзімі өткеннен кейін қолдануға болмайды! Сақтау шарттары 2-ден 8ºС - ге дейінгі температурада тоңазытқышта немесе -5-тен -20 ºС-ге дейінгі температурада мұздатқышта сақтау керек. Балалардың қолы жетпейтін жерде сақтау керек!