Витамин С + Цинк таблетки 500 мг/15 мг

Бір таблетканың құрамында белсенді заттар: 500 мг аскорбин қышқылы (200 мг аскорбин қышқылы және 337 мг натрий аскорбаты түрінде)*, 15 мг мырыш (46,67 мг мырыш цитраты дигидраты түрінде); қосымша заттар: маннитол, коповидон, кросповидон, аэросил, сукралоза, «Апельсин» хош иістендіргіші, магний стеараты. *- 200.00 мг аскорбин қышқылы түрінде немесе этилцеллюлозамен жабылған 205.13 мг аскорбин қышқылы (200.00 мг аскорбин қышқылына баламалы) және 337.00 мг натрий аскорбаты (300.00 мг аскорбин қышқылына шаққанда) түрінде. Сыртқы түрінің, иісінің, дәмінің сипаттамасы Ақ немесе ақ дерлік түсті, тегіс беткейлі дөңгелек таблеткалар, ортаңғы бөлігіне қарай басыңқы, ойығы бар. Елеусіз теңбілдеріне жол беріледі.

Препарат профилактикалық мақсатта, сондай-ақ кешенді емде қолданылады: • С дәруменінің гипо- және авитаминозы • организмдегі мырыш тапшылығы

Аскорбин қышқылы (С дәрумені) антиоксиданттық, метаболизмдік және тотығу-тотықсыздану үдерістерін реттейтін дәрі ретінде организмнің бейімделу мүмкіндіктерін арттырады, оның инфекцияларға қарсыластығын күшейтеді. Тотығу-тотықсыздану үдерістерін реттеуге, көмірсу, амин қышқылдары, пигменттер және холестерин алмасуына, стероидты гормондар, катехоламиндер синтезіне, қан ұю үдерісіне қатысады. Коллаген синтезін күшейтеді, регенерация үдерістерін көтермелейді, капиллярлар өткізгіштігін қалыпқа түсіреді. Бауырда тыныс алу ферменттерін белсендіру есебінен оның детоксикациялық және ақуыз түзетін функциясын күшейтеді, коллаген және протромбин синтезін жоғарылатады. Өттің бөлінуін жақсартады, ұйқы безі секреторлық функциясын қалпына келтіреді. Гистаминнің босап шығуын тежейді және деградациясын жеделдетеді, простагландиндер және басқа қабыну медиаторлары түзілуі мен анафилаксияны бәсеңдетеді. Қабынуға қарсы әсер етеді. Иммунологиялық реакцияларды (антиденелердің синтезін белсендіреді, комплементтің С3-компонентін, интерферонды) реттейді, фагоцитозға ықпал етеді, организмнің инфекцияларға қарсыластығын жоғарылатады. Қабынуға қарсы әсер етеді. Ересектерде аскорбин қышқылына тәуліктік қажеттілік 70–100 мг құрайды, жүкті әйелдерде және бала емізетін кезеңде – 100–120 мг, балаларда, жасына байланысты – 30–70 мг. Мырыш биологиялық жарғақшалардың, жасушалық рецепторлардың, протеиндердің құрылымдық компоненті болып табылады, 200-ден астам энзиматикалық жүйелердің құрамына кіреді. Иммундық реакцияларға және антиоксидантты қорғанышқа, қан түзілуіне, амин қышқылдары синтезіне, генетикалық ақпараттың сақталуы мен берілуіне қатысады. Ақуыздың ретинол жағымды компоненті бола отырып, мырыш А дәрумені және С дәруменімен бірге антиденелер синтезін көтермелеумен және вирусқа қарсы әсерін жүзеге асырумен иммун тапшылығының туындауына кедергі жасайды. Ол эритроциттер мен басқа формалық қан элементтері үшін қажет. Мырыш май алмасуына қалыпқа түсіреді, эндокриндік бездердің қалыпты функциясын, оның ішінде инсулиннің, өсу гормонының, кортикотропин мен соматотропиннің синтезін қамтамасыз етеді. Жыныстық және ұрпақ өрбіту функциясын демейді – жыныс гормондарының ізашары болып табылатын E дәрумені метаболизміне қажет және тестостерон өніміне қосылады; мырыш сондай-ақ простатаның қалыпты қызмет етуі үшін маңызды. Мырышқа тәуліктік қажеттілік 15 мг құрайды.

Дозалау режимі Ересектерге күніне 1 рет 1 таблеткадан тағайындайды. Айқын авитаминоз кезінде 1 таблеткадан күніне 2 рет қысқа мерзімде (5–7 тәулік бойы) қабылдауға болады. Пациенттердің ерекше топтары Егде жастағы пациенттер Дозаны түзету қажет емес. Бауыр жеткіліксіздігі бар пациенттер Дозаны түзету қажет емес. Бүйрек жеткіліксіздігі бар пациенттер Анамнезінде бүйрек аурулары бар пациенттерге препаратты сақтықпен қолдану керек. Үлкен дозаларда бүйрек функциясын бақылау қажет. Енгізу әдісі мен жолы Витамин С + Цинк тамақтанудан кейін қабылдайды, таблетканы шайнап, аздаған мөлшердегі сумен ішеді. Емдеу ұзақтығы Емдеу мерзімі аурудың сипаты мен ағымына байланысты. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Егер осы препаратты қолдану туралы сұрақтар туындаса, емдеуші дәрігерге немесе медицина қызметкеріне хабарласыңыз.

• әсер етуші затқа немесе қосымша заттардың кез келгеніне аса жоғары сезімталдық • тромбофлебит, тромбоздарға бейімділік • қант диабеті • несеп-тас ауыруы • гемохроматоз, талассемия, сидеробласттық анемия • бүйрек жеткіліксіздігі • үдемелі қатерлі аурулар • балалар мен 18 жасқа дейінгі жасөспірімдер

Жиі • диарея (тәулігіне 1 г-ден астам дозада қолданғанда), асқазан-ішек жолдарының шырышты қабығының тітіркенуі, қыжыл, жүрек айнуы, құсу, асқазанның түйілуі • бүйректің гломерулярлы аппаратының зақымдануы, кристаллурия, бүйректе және несеп шығару жолында уратты, цистинді және/немесе оксалатты тастардың түзілуі, бүйрек жеткіліксіздігі, несеп шығару жиілігінің орташа ұлғаюы (тәулігіне 600 мг-ден астам дозада қолданғанда) • тромбоцитоз, тромбоз, гиперпротромбинемия, эритроцитопения, нейтрофильді лейкоцитоз • артериялық гипертензия Сирек • қозғыштықтың жоғарылауы, шаршау, ұйқының бұзылуы, бас ауыруы • ұйқы безінің инсулярлық аппаратының зақымдануы (гипергликемия, глюкозурия) және қант диабеті пайда болғанға дейін гликоген синтезінің бұзылуы • конкременттердің түзілуі Өте сирек • қан денешіктерінің глюкоза-6-фосфатдегидрогеназа жеткіліксіздігі бар адамдарда эритроциттердің гемолизін тудыруы мүмкін • миокард дистрофиясы • терінің қызаруы, бөртпе, қышыну, есекжем, экзема • ангионевроздық ісіну, кейде сенсибилизация болған кезде анафилаксиялық шок • мырыш, мыс алмасуының бұзылуы • ысыну сезімі, тіс эмалінің эрозиясы • арқаның ауыруы Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: эпигастрий аймағының ауыруы, жүрек айну, құсу, диарея, қышыну және тері бөртпесі, жүйке жүйесінің қозғыштығының жоғарылауы. Препараттың үлкен дозаларын ұзақ уақыт қолданған кезде (тәулігіне 1000 мг-ден астам) артериялық гипертензия, гипергликемия, тромбоцитоз, тромб түзілуі, эритроцитопения, нейтрофильді лейкоцитоз, миокард дистрофиясы, бүйректе тастардың түзілуі, қозғыштық, микроангиопатия мүмкін. Ұзақ уақыт бойы жоғары дозада қолданған кезде ұйқы безінің инсулярлық аппаратының функциясы бәсеңдеуі, бүйрек функциясының бұзылуы, артериялық қысымның жоғарылауы және басқа жағымсыз әсерлердің дамуы мүмкін. Емдеу: асқазанды шаю, бүйрек функциясы мен артериялық қысымды бақылау, симптоматикалық ем (антиагреганттарды, инсулинді, сілтілендіргіш дәрілерді тағайындау). Спецификалық антидоты жоқ. Гемодиализ және перитонеальді диализ тиімсіз.

Аскорбин қышқылының сіңірілу үдерісі ішек дискинезиясы, энтерит, ахилия, ішқұрттарының инвазиясы, лямблиоз кезінде бұзылуы мүмкін. Дәрілік затты сілтілі сусынмен бір мезгілде қолдану аскорбин қышқылының сіңірілуін азайтады, сондықтан оны сілтілі минералды сумен ішпеген жөн. Дәрілік затты пациенттерге аса сақтықпен тағайындау керек: - глюкоза-6-фосфатдегидрогеназа жеткіліксіздігімен (аскорбин қышқылының жоғары дозалары гемолиздік анемияны тудыруы мүмкін); - анамнезде нефролитиазбен (аскорбин қышқылының үлкен дозаларын қабылдағаннан кейін несеп шығару жолында гипероксалурия және оксалат тұнбасы қаупі); - темір метаболизмінің бұзылуымен (гемосидероз, гемохроматоз, талассемия). Аскорбин қышқылы темірдің абсорбциясын жоғарылататындықтан, оны жоғары дозада қолдану гемохроматоз, талассемия, полицитемия, лейкемия және сидеробластты анемиясы бар пациенттер үшін қауіпті болуы мүмкін. Организмдегі темір мөлшері жоғары пациенттерге препаратты ең аз дозада қолдану керек. Витамин С+Цинк препаратын жоғары дозада қолданған кезде бүйрек функциясы мен артериялық қысымды, сондай-ақ ұйқы безінің функциясын бақылау қажет. Анамнезінде бүйрек аурулары бар пациенттерге препаратты сақтықпен қолдану керек. Аскорбин қышқылы оксалаттардың несеппен бөлінуін күшейтеді және оксалатты тастардың қалыптасу қаупін арттырады. Несеп-тас ауруы кезінде аскорбин қышқылының тәуліктік дозасы 1 г аспауы тиіс. Қан ұюы жоғары пациенттерге дәрілік заттың үлкен дозаларын тағайындамаған жөн. Жоғары дозаларды қолданғанда немесе препаратты ұзақ уақыт қолданғанда аскорбин қышқылының кортикостероидты гормондардың түзілуіне стимуляциялайтын әсеріне байланысты бүйрек функциясын және артериялық қысымның деңгейін бақылау қажет. Үлкен дозаларда аскорбин қышқылын ұзақ уақыт қолданған кезде ұйқы безінің инсулярлық аппаратының функциясы бәсеңдеуі мүмкін, бұл соңғысының жай-күйін бақылауды қажет етеді. Аскорбин қышқылын үдемелі онкологиялық ауруы бар пациенттерде сақтықпен қолдану керек, себебі оны қолдану аурудың ағымын қиындатуы мүмкін. Аскорбин қышқылының үлкен дозаларын ұзақ уақыт қолдану оның ренальді клиренсін жеделдетуі мүмкін, осыған байланысты емдеуді тоқтатқаннан кейін аскорбин қышқылының парадоксальді жеткіліксіздігі пайда болуы мүмкін. Ұсынылған дозадан асырмау керек. Құрамында аскорбин қышқылы бар басқа дәрілік заттармен бір мезгілде қолданбаған жөн. Аскорбин қышқылы орталық жүйке жүйесіне жеңіл стимуляциялайтын әсер ететіндіктен, С дәруменін күннің соңында қолдану ұсынылмайды. Аскорбин қышқылы қалпына келтіргіш ретінде зертханалық зерттеулердің (қандағы глюкоза, билирубин, несеп қышқылы, креатинин, органикалық емес фосфаттар, лактатдегидрогеназа мөлшерін, трансаминазалар белсенділігін анықтаған кезде) нәтижелеріне әсер етуі мүмкін. Нәжісте жасырын қан бар-жоғын зерттеу нәтижесі теріс болуы мүмкін. Препарат әртүрлі зертханалық тесттердің (қандағы глюкоза, билирубин мөлшері, трансаминазалар белсенділігі, лактатдегидрогеназа) нәтижелерін өзгертуі мүмкін. Ұзақ уақыт бойы емдеу кезінде глюкоза деңгейін бақылау қажет. Үдемелі обыр ауруы бар пациенттерге Витамин С+Цинк сақтықпен тағайындау керек, өйткені оны қолдану үдерістің барысын тездетуі мүмкін.

С дәруменін жоғары дозада ұзақ қолдану шарананың дамуына теріс әсер етуі мүмкін. Жүктілік кезеңінде қолдану ұсынылмайды. Аскорбин қышқылы емшек сүтіне енеді, препаратты лактация кезеңінде қолдану ұсынылмайды. Қосымша заттар Витамин С+Цинк құрамында орташа іш жүргізетін маннитол (маннит) E421) бар. Витамин С+Цинк құрамында сукралоза бар, сондықтан ұзақ уақыт бойы емдеу кезінде глюкоза деңгейін бақылау қажет. Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері Препараттың жүргізушілерге немесе күрделі техникамен жұмыс істейтін адамдарға теріс әсер етуіне қатысты нұсқаулар жоқ.

Аскорбин қышқылы сульфаниламидті препараттардың уыттылығын төмендетеді, гепарин мен тікелей емес антикоагулянттардың әсерін төмендетеді, этинилэстрадиолдың, пенициллиннің сіңірілуін арттырады, салицилаттардың (кристаллурияның пайда болу қаупі) жағымсыз әсерінің әсерін күшейтеді. Оральді контрацептивтерді пайдалану организмдегі С дәруменінің деңгейін төмендетеді. Литий тұздарымен бір мезгілде қолданғанда плазмадағы литий иондарының концентрациясын арттырады. Барбитураттар мен примидон аскорбин қышқылының несеппен экскрециясын күшейтеді. Жоғары дозада аскорбин қышқылы амфетамин мен үшциклді антидепрессанттардың экскрекциясын арттырады. Психозға қарсы дәрілік заттардың (нейролептиктер) – фенотиазин туындыларының емдік әсерін азайтады. Ұзақ уақыт қолданғанда хинолондар, кальций хлориді, салицилаттар және глюкокортикостероидтар плазмадағы аскорбин қышқылының деңгейін және оның организмдегі мөлшерін төмендетеді. Кумарин туындыларының антикоагуляциялық әсерін азайтады. Ішекте темір препараттарының сіңірілуін жақсартады. Аскорбин қышқылы мен дефероксаминді бір мезгілде қабылдау темірдің тіндік уыттылығын арттырады, әсіресе жүрек бұлшықетінде, бұл қан айналымы жүйесінің декомпенсациясына әкелуі мүмкін. Оны дефероксамин инъекциясынан кейін 2 сағаттан кейін ғана қабылдауға болады. Бір мезгілде қолданғанда изопреналиннің хронотропты әсерін азайтады. Жоғары дозаларда мексилетиннің бүйрек арқылы шығарылуын арттырады. Темекі шегу және этил спирті аскорбин қышқылының метаболизмін жылдамдатады және оның организмдегі мөлшерін төмендетеді. Алкогольдің асқазан-ішек жолдарының шырышты қабығына уытты әсерін күшейтеді. Бүйрек қышқылдарының шығарылуын баяулатады, сілтілік реакциясы бар препараттардың (соның ішінде алкалоидтардың) реабсорбциясын азайтады. Ұзақ уақыт қолданғанда немесе жоғары дозада қолданғанда дисульфирам-этанолдың өзара әрекеттесуі бұзылуы мүмкін. Препараттың үлкен дозалары үшциклді антидепрессанттардың тиімділігін төмендетеді. Мырыш тетрациклиндер мен хинолондармен хелаттар түзеді, бұл олардың сіңірілуін және тиімділігін төмендетеді.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамада, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!