Ви-Сан таблетки 120 мг

Бір таблетканың құрамында белсенді зат - 304.60 висмут трикалий дицитраты (Bi2O3 висмут тотығына шаққанда) 120.00 мг қосымша заттар: микрокристалды целлюлоза, лактоза моногидраты, кросповидон, калий полакрилині, полиэтиленгликоль ( Макрогол 6000), сусыз коллоидты кремнийдің қостотығы, тальк, магний стеараты қабықтың құрамы OPADRY® QX ақ: полиэтиленгликоль/макрогол, тальк, титанның қостотығы (Е171), глицерол монокаприлокапраты, поливинил спирті Сыртқы түрінің, иісінің, дәмінің сипаттамасы Екі беті дөңес дөңгелек пішінді, аммиактың жеңіл иісі болуы мүмкін, ақ немесе ақ дерлік түсті қабықпен қапталған таблеткалар

Ви-Сан ересектерге арналған: • асқазан мен он екі елі ішектің ойық жарасы • өршу фазасындағы созылмалы гастрит және гастродуоденит, оның ішінде Helicobacter pylori-мен астасқан

Әсер ету механизмі Ви-Сан - Helicobacter pylori-ге қатысты бактерицидтік белсенділігі бар ойық жараға қарсы дәрі. Сондай-ақ, қабынуға қарсы және тұтқыр әсері бар. Асқазанның қышқыл ортасында ерімейтін висмут оксихлориді мен цитрат тұнбаға түседі, ойық жара мен эрозиялардың беткейінде қорғаныш үлбір түрінде ақуыз субстратымен хелат қосылыстары түзіледі. Е простагландиндер синтезін, шырыштың түзілуін және гидрокарбонаттың сөлінісін күшейте отырып, цитопротекторлық механизмдердің белсенділігін көтермелейді, асқазан-ішек жолдарының шырышты қабығының пепсин, тұз қышқылы, ферменттер мен өт қышқылы тұздарының әсеріне төзімділігін жоғарылатады. Зақымдану аймағында эпидермальді өсу факторының жинақталуына алып келеді. Пепсин мен пепсиногеннің белсенділігін төмендетеді.

Дозалау режимі Ересектерге Ви-Сан тәулігіне 4 рет 1 таблеткадан тамақ ішуден 30 минут бұрын және түнге қарай немесе 2 рет 2 таблеткадан тамақ ішуден 30 минут бұрын тайындалады Ең жоғары бір реттік доза 240 мг, ең жоғары тәуліктік доза 480 мг. Емдеу курсының ұзақтығы 4–8 апта. Келесі 8 апта ішінде құрамында висмут бар препараттарды қолдануға болмайды. Helicobacter pylori эрадикациясы үшін Ви-Сан препаратын хеликобактерия-ларға қарсы белсенділігі бар басқа бактерияға қарсы заттармен және квадро-терапия деп аталатын протонды помпа тежегіштерімен біріктірілімде қолданған орынды болады. Пациенттердің ерекше топтары Балалар Балалар мен 18 жасқа дейінгі жасөспірімдерге қолдануға болмайды Енгізу әдісі және жолы Ішке. Таблеткаларды аз мөлшердегі сумен ішу керек. Дәрілік препараттың бір немесе бірнеше дозасын өткізіп алу кезіндегі қажетті шаралар Өткізіп алғанның орнын толтыру үшін препараттың екі есе дозасын қабылдамаңыз. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі ұсыныстар Дәрілік препаратты қолданар алдында кеңес алу үшін дәрігерге немесе фармацевтке жүгініңіз.

• әсер етуші затқа немесе қосымша заттардың кез келгеніне аса жоғары сезімталдық • ауыр бүйрек функциясының бұзылуы • жүктілік және бала емізу кезеңі • тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы • балалар мен 18 жасқа дейінгі жасөспірімдерге

Өте жиі • висмут сульфидінің түзілуіне байланысты нәжісті күңгірт түске бояу, бірақ оны меленадан оңай ажыратуға болады Жиі емес • жүрек айнуы, құсу, іш қату, диарея • аллергиялық реакциялар: терінің орташа аллергиялық реакциялары Белгісіз (қолда бар деректер негізінде бағалау мүмкін емес) • анафилаксиялық реакциялар Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек, Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: диспепсия, бөртпе, ауыздың шырышты қабығының қабынуы, қызылиектің көгілдір сызықтар түріндегі ерекше күңгірттенуі, бүйрек функциясының бұзылуы. Емі: препаратты тоқтату, асқазанды шаю, белсендірілген көмірді, тұзды іш жүргізетін дәрілерді қабылдау. Бүйрек функциясын, қан мен несептегі висмут концентрациясын бақылау көрсетілген. Әрі қарай симптоматикалық ем жүргізіледі. Қан плазмасында висмуттың жоғары деңгейімен қатар жүретін бүйрек функциясының бұзылуында кешен түзгіштерді – димеркаптоянтарлық және димеркаптопропан-сульфон қышқылын енгізуге болады. Ауыр бүйрек жеткіліксіздігінде гемодиализ көрсетілген.

Висмут қосылыстарын жоғары дозада ұзақ уақытта қабылдау ұсынылмайды, өйткені қайтымды энцефалопатияның даму жағдайлары болды. Ви-Сан препаратын ұсынылған дозаларда қолданған жағдайда қайтымды энцефалопатияның даму қаупі ең аз болып табылады. Құрамында висмут бар басқа дәрілік заттармен біріктіріп препаратты қолдану ұсынылмайды. Ви-Сан қолдаған кезде висмут сульфидінің түзілуіне байланысты нәжістің қара түске боялуы мүмкін. Кейде тілдің қараюы байқалады. Ем кезінде алкоголь қабылдауға ұсынылмайды. Арнайы сақтандырулар Ви-Сан бір таблеткасының құрамында 26,76 мг лактоза моногидраты бар, сондықтан тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға қолдануға болмайды. Ви-Сан құрамында 1 таблеткаға 1,4 ммоль немесе 53,85 мг калий бар. Бүйрек функциясы төмендеген пациенттер мен калий қабылдауды шектейтін диетадағы пациенттер осыны ескеру қажет. Педиатрияда қолдану Балалар мен 18 жасқа дейінгі жасөспірімдерге қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Препаратты жүктілік және бала емізу кезінде қабылдау ұсынылмайды

Ви-Сан препаратын қабылдағаннан кейін жарты сағат ішінде ішке басқа дәрілік заттарды, сондай-ақ тамақ пен сұйықтықты, атап айтқанда, антацидтерді, сүтті, жемістер мен жеміс шырындарын қолдану ұсынылмайды. Бұл оларды бір мезгілде ішке қабылдаған кезде Ви-Сан препаратының тиімділігіне әсер етуі мүмкіндігіне байланысты. Ви-Сан тетрациклиннің сіңуін азайтады.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, құрғақ жерде, 25 ºС-ден аспайтын температурада сақтау керек. Балалардың қолы жетпейтін жерде сақтау керек!