В-ГАММА НЕЙРО раствор

2 мл препараттың құрамында белсенді заттар: Тиамин гидрохлориді (В1 дәрумені) 10 мг Рибофлавин натрий фосфаты (В2 дәрумені) 4 мг Никотинамид (В3 дәрумені) 40 мг Цианокобаламин (В12 дәрумені) 0.008 мг Пиридоксин гидрохлориді (В6 дәрумені) 4 мг Декспантенол (В5 дәрумені) 6 мг қосымша заттар: монотиоглицерол, динатрий эдетаты, бензил спирті, полисорбат 80 (Твин-80), инъекцияға арналған су. Сыртқы түрінің, иісінің, дәмінің сипаттамасы Бозғылт сарыдан қызғылт сары түске дейінгі ерітінді.

- парентеральді қоректенудегі пациенттерде В тобы дәрумендері жеткіліксіздігімен байланысты жағдайлардың профилактикасы және емдеу Қолдану басталғанға дейін қажетті мәліметтер тізбесі

ATХ коды A11EA В дәрумендері тобы кешені В дәрумені мен декспантенолдан тұратын бұлшықет ішіне немесе вена ішіне баяу енгізуге арналған стерильді ерітінді болып табылады. Препарат табиғи күйінде бір-бірімен көп немесе аз байланысқан суда еритін заттар тобынан тұрады. В дәрумені кешенінің әр дәрумені ақуыз, көмірсулар немесе май қышқылдарының алмасуына қажетті коэнзимнің бір бөлігін құрайды. Декспантенол организмде пантотен қышқылына немесе кальций пантотенатына айналады. Пантотен қышқылы (В5 дәрумені) ол көмірсулар, ақуыздар мен майлар алмасуына, сондай-ақ гормондар мен холестерин синтезіне қажет коэнзим-А (СоА) компоненті болып табылады.

Дозалау режимі Ересектер Дозасы дене салмағы мен организмнің жалпы жай-күйін қоса, көптеген факторлармен анықталады. Ұсынылатын доза күніне бір рет 1 ампуладан, вена ішіне немесе бұлшықет ішіне баяу инъекция түрінде болады. Пациенттердің ерекше топтары Балалар • Препаратты қолдану туралы деректер жоқ. • Егде жастағы пациенттер Қолда бар деректер негізінде егде жастағы пациенттерде препаратты ұсынылған дозада қолдану бойынша қандай да бір шектеулер жоқ. Бауыр жеткіліксіздігі бар пациенттер Бауыр функциясы бұзылған пациенттерде препарат әдеттегі дозада қолданылуы мүмкін. Бүйрек жеткіліксіздігі бар пациенттер Бүйрек функциясы бұзылған пациенттерде препарат әдеттегі дозада қолданылуы мүмкін. Енгізу әдісі мен жолы Бұлшықет ішіне. Вена ішіне.

- әсер етуші заттарға немесе қосымша заттардың кез келгеніне аса жоғары сезімталдық - гемофилия, ішектің механикалық бітелуі (декспантенол үшін) - бауыр жеткіліксіздігінің ауыр жағдайлары - қатерлі анемия және анемияның басқа түрлері - 18 жасқа дейінгі балалар мен жасөспірімдер

Сирек - аллергиялық реакциялар - анафилаксиялық шок (тиамин) - артериялық қысымның төмендеуі (никотинамид) - ауыр шеткері нейропатия (пиридоксин) Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

В дәруменінің артық мөлшері ағзадан тез шығарылады, сондықтан осы дәрілік түрінде В дәруменін тағайындау кезінде күрделі проблемалар күтілмейді.

В1 дәруменін парантеральді енгізу кезінде анафилактоидты реакция дамуы мүмкін. Сақтықпен қолдану керек. Препарат компоненттеріне жоғары сезімталдыққа күдікті пациенттерде препаратты енгізер алдында тері ішіне сынама жүргізу ұсынылады. Жағымсыз реакциялар белгілері пайда болған кезде препаратты қолдануды дереу тоқтату керек. Препаратты бұлшықет ішіне енгізу ауырсынуды тудыруы мүмкін. Препаратты парентеральді енгізу үшін әдеттегі сақтық шараларын сақтау керек. Егер ерітіндіде шөгінді байқалса, препаратты қолданбаңыз. Ерітіндіні вена ішіне баяу енгізу керек. Вена ішіне енгізгенде препараттың жоғары концентрациясын физиологиялық ерітіндінің көмегімен сұйылту керек. Қосымша заттар Препараттың бірлік дозасы (2 мл) құрамында 0.018 мл бензил спирті бар. Болуы мүмкін жағымсыз әсері - анафилактоидты реакциялар. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автокөлікті және қауіптілігі зор механизмдерді басқару қабілетіне әсер ету туралы деректер жоқ.

Препаратты жүктілік кезінде, әсіресе бірінші триместрде тағайындаған кезде әдеттегі сақтық шаралары ұсынылады. Жоғары дозаларда В6 дәрумені пролактиннің шығарылуына әсер етуі мүмкін, сондықтан емізетін аналарға тағайындаған кезде абай болу керек. Зерттеулердің аз санына сәйкес, дәрумендер өте аз концентрацияда емшек сүтіне шығарылуы мүмкін, сондықтан мүмкіндігінше лактация кезінде әйелдерге препаратты тағайындаудан аулақ болу керек.

В6 дәрумені леводопаның шеткері метаболизмін жоғарылатуы мүмкін, осылайша соңғысының емдік тиімділігін төмендетеді. Сондықтан леводопаны қабылдайтын Паркинсон ауруы бар пациенттерге тәуліктік қажеттіліктен асатын дозаларда В6 дәруменін тағайындауға болмайды. Леводопаны шеткері декарбоксилаза тежегіштерімен біріктіріп тағайындаған жағдайлар ғана қосылмайды.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!