ГАЛАВИТ® суппозитории 100 мг

Бір суппозиторий құрамында белсенді зат – натрий аминодигидрофталазиндионы (галавит®) - 100 мг, қосымша заттар: витепсол W-35 (майлы қышқылдар глицеридтері) - 575 мг, витепсол Н-15 (майлы қышқылдар глицеридтері) - 575 мг. Сыртқы түрінің, иісінің, дәмінің сипаттамасы Түсі ақтан сарғыш реңді ақ түске дейінгі, ұзына бойғы кесіндісінде көрінетін теңбілі жоқ, торпедо пішінді суппозиторийлер.

Галавит ересектер мен 12 жастан бастап жасөспірімдерде иммундық тапшылық жағдайларының кешенді емінде иммуномодуляциялайтын және қабынуға қарсы дәрі ретінде қолданылады: • урогенитальді инфекциялық-қабыну ауруларында (шығу тегі хламидиялық және трихомонадтық уретрит, хламидиялық простатит, жедел және созылмалы сальпингоофорит, эндометрит) • кіші жамбас ағзаларының іріңді-қабыну аурулары • герпес вирусынан туындаған созылмалы қайталанатын аурулар • адам папилломасы вирусынан туындаған аурулар • жатыр миомасы бар науқастарды операциядан кейін оңалтуда • ұрпақ өрбіту жасындағы әйелдердегі операциядан кейінгі асқынулар • операциялардан кейінгі іріңді-сепсистік асқынулар және олардың профилактикасы (оның ішінде, онкологиялық науқастарда) • созылмалы қайталанатын фурункулез, тілме • тұмау мен жедел респираторлық инфекцияларды емдеу және спецификалық емес профилактикасы • ауыз қуысы мен тамақтың шырышты қабығының қабынбалы аурулары, пародонт аурулары • вирустық гепатиттер • уыттанумен және/немесе диареямен қатар жүретін ішектің инфекциялық аурулары • асқазанның және ұлтабардың ойықжара ауруы • астениялық жағдайлар, невроздық және соматоформалы бұзылыстар, алкогольдік және есірткіге тәуелділік кезінде психикалық, мінез-құлықтық және постабстинентті бұзылыстар • дене жұмыс қабілетінің төмендеуі (оның ішінде, спортшыларда).

Иммуностимуляторлар. АТХ коды L03 Әсер ету механизмі және фармакодинамикасы Галавит дәрілік препараты қабынуға қарсы әсері бар иммуномодуляциялайтын дәрі болып табылады. Препараттың әсер ету механизмі туа біткен және адаптивті иммунитет жасушаларының (моноциттер, макрофагтар, нейтрофилдер, табиғи киллер және т.б.) функционалдық-метаболизмдік белсенділігін реттеу қабілетіне байланысты. Галавит моноциттердің/макрофагтардың фагоцитарлық белсенділігін, нейтрофилдердің бактерицидтік белсенділігін және NK-жасушалардың цитоуытты белсенділігін қалыпқа келтіреді. Бұл ретте, туа біткен және адаптивті иммунитет жасушаларының төмен белсенділігін қалпына келтіре отырып, препарат шығу тегі бактериялық, вирустық және зеңдік инфекциялық ауруларға ағзаның резистенттілігін арттырады, ағзадан қоздырғыштың тез элиминациясына ықпал етеді, инфекция жиілігін, айқындылығын және ұзақтығын қысқартады. Бұдан басқа, Галавит антиденелердің түзілуін қалыпқа келтіреді, антиденелердің функционалдық белсенділігін (аффинитет) арттырады, эндогенді интерферондардың (ИФН-α, ИФН-γ) жасушалы-продуценттер арқылы өндірілуін реттейді. Қабыну аурулары кезінде препарат 6-8 сағатқа қайтымды α-ісіктер некрозы факторын, интерлейкин-1, интерлейкин-6 аса белсендірілген макрофагтармен және басқа да қабыну цитокиндерінің артық синтезін тежейді, олардың деңгейі қабыну реакцияларының дәрежесін, олардың циклдылығын, сондай-ақ қабыну аурулары кезінде организм интоксикациясының айқындығын анықтайды. Галавит оттегінің белсенді түрлерінің аса белсендірілген макрофагтармен өндірілуін төмендетеді, осылайша оксидантты стресс деңгейін төмендетеді және радикалдардың ыдырататын әсерінен тіндер мен ағзаларды қорғайды. Фагоцитарлық жасушалардың артық жоғары функционалдық белсенділігін қалпына келтіру олардың антиген ұсынғыш және реттеуші функциясын қалпына келтіруге, аутоагрессия деңгейінің төмендеуіне әкеледі.

Дозалау режимі Ересектер мен 12 жастан бастап жасөспірімдерде препаратты қолдану сызбасы: Урогенитальді ауруларда - шығу тегі хламидиялық және трихомонадтық уретрит, хламидиялық простатитте: 1-ші күні 1 суппозиторийден екі рет, содан соң күнара 1 суппозиторийден. Курсы 10 - 15 суппозиторийден тұрады (патологиялық үдерістің ауырлығына байланысты). Жедел кезеңдегі сальпингоофоритте, эндометритте: 2 күн 2 суппозиторийден бір рет (бірінен соң бірін қатарынан енгізу), содан соң 72 сағат аралықпен бір-бірден. Созылмалы кезеңде: 5 күн 1 суппозиторийден күніне 1 рет, содан соң әрбір 72 сағат сайын бір-бірден. Емдеу курсы 20 суппозиторийден тұрады. Кіші жамбас ағзаларының іріңді-қабыну ауруларында - жедел кезеңде: 1-ші күні 2 суппозиторийден бір рет (бірінен соң бірін қатарынан), содан соң келесі 3 күн бір суппозиторийден күн сайын, содан соң күн ара бір-бірден – 5 күн. Курсы – 10 суппозиторийден тұрады. Созылмалы кезеңде: 5 күн 1 суппозиторийден күніне 1 рет, содан соң әрбір 72 сағат сайын бір-бірден. Курсы 20 суппозиторийден тұрады. Герпес вирусынан туындаған созылмалы қайталанатын аурулар кезінде: 5 күн күніне 1 рет 1 суппозиторийден, содан соң күн ара 1 суппозиторийден. Емдеу ұзақтығы 15 суппозиторийден тұрады. Адам папиллома вирусынан туындаған ауруларда: 5 күн 1 суппозиторийден күніне 1 рет, содан соң күн ара 1 суппозиторийден. Емдеу ұзақтығы 20 суппозиторийден тұрады. Жатыр миомасы бар науқастарды операциядан кейін оңалту үшін және ұрпақ өрбіту жасындағы әйелдердегі операциядан кейінгі асқынуда: 5 күн 1 суппозиторийден күніне 1 рет, содан соң күн ара – бір-бірден. Курсы – 15 суппозиторийден тұрады. Операцияға дейінгі және кейінгі кезеңде хирургиялық асқынулардың алдын алу және емдеу үшін (оның ішінде, онкологиялық науқастарда): операцияға дейін 5 суппозиторий - күніне 1 рет 1 суппозиторийден, операциядан кейін 5–еу - күнара бір-бірден және 72 сағат аралықпен - 5 суппозиторий. Аурудың ауыр ағымы кезінде: бастапқы доза 2 суппозиторий бір рет немесе күніне 2 рет бір-бірден. Курсы – 20 суппозиторийден тұрады. Созылмалы қайталанатын фурункулезде, тілмеде: 5 күн бір суппозиторийден күніне 1 рет, содан соң күнара – бір-бірден. Курсы 20 суппозиторийден тұрады. Тұмау мен жедел респираторлық инфекцияларды емдеу және спецификалық емес профилактикасы үшін: күніне 1 рет бір суппозиторийден. Курсы 5 суппозиторийден тұрады. Ауыз қуысы мен тамақтың шырышты қабығының қабынбалы ауруларында, пародонт ауруларында: бастапқы доза күн сайын 1 суппозиторийден - 5 суппозиторий, содан соң бір-бірден - 72 сағат аралықпен. Курс 15 суппозиторийден тұрады. Вирустық гепатиттерде: бастапқы доза бір рет 2 суппозиторийді құрайды, содан соң бір-бірден – уыттану мен қабыну симптомдары басылғанға дейін күніне 2 рет. Курсты әрі қарай жалғастыру 1 суппозиторийден 72 сағат аралықпен. Курс 20-25 суппозиторийден тұрады. Диареялық синдроммен қатар жүретін ішектің жедел инфекциялық ауруларында: бастапқы доза бір рет 2 суппозиторийді құрайды, содан соң уыттану симптомдары басылғанға дейін күніне 2 рет 1 суппозиторийден. Курсты әрі қарай 1 суппозиторийден 72 сағат аралықпен жалғастыруға болады. Курс 20-25 суппозиторийден тұрады. Асқазанның және ұлтабардың жедел кезеңдегі ойықжара ауруында: күніне 1 рет 2 суппозиторийден 2 күн, содан соң 1 суппозиторийден 72 сағат аралықпен. Курс 15-25 суппозиторийден тұрады. Созылмалы кезеңде: күніне 1 рет 1 суппозиторийден 5 күн, содан соң бір-бірден - 72 сағаттан кейін. Курс 20 суппозиторийден тұрады. Астениялық жағдайларда, невроздық және соматоформалы бұзылыстарда, алкогольдік және есірткіге тәуелділігі бар пациенттерде психикалық, мінез-құлықтық және постабстинентті бұзылыстарда: күн сайын бір суппозитоийден 5 күн, содан соң 72 сағат сайын бір-бірден. Курс 15-20 суппозиторийден тұрады. Дене жұмыс қабілетін жоғарылату үшін: күнара 1 суппозиторийден — 5 суппозиторий, содан соң 72 сағат сайын — бір-бірден, курс - 20 суппозиторийден тұрады. Енгізу әдісі және жолы Ректальді. Суппозиторийді пішінді қаптамасынан алып, содан соң тік ішекке енгізеді. Ішекті алдын ала босату керек. Емдеу ұзақтығы Препаратты қолдану ұзақтығы аурудың сипатына, ауырлығына және ұзақтығына байланысты. Дәрілік препараттың бір немесе бірнеше дозасын жіберіп алғанда қажетті шаралар Препаратты қабылдауды жіберіп алған кезде, жіберіп алғанның орнын толтыру үшін дозаны екі есеге көбейтуге болмайды. Препаратты ұсынылған сызба бойынша қолдануды жалғастырыңыз. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Препаратты осы қосымша-параққа толық сәйкес немесе емдеуші дәрігердің немесе дәріхана қызметкерінің ұсыныстарымен қабылдаңыз. Күдік туындаған кезде емдеуші дәрігерден немесе дәріхана қызметкерінен кеңес алыңыз.

• белсенді затқа немесе Галавит препаратының қосымша заттарының кез келгеніне жеке жоғары сезімталдық • жүктілік және бала емізу кезеңі • 12 жасқа дейінгі балалар.

ГАЛАВИТ® препаратын қолдану кезінде тері және тері асты тіндері тарапынан тері бөртпесі, қышыну немесе есекжем түріндегі аллергиялық реакциялар туындауы мүмкін. Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz Бұдан басқа, Қазақстан Республикасы аумағында тұтынушылардан Галавит дәрілік препараты бойынша шағымдарды қабылдайтын ұйымдарға жағымсыз реакциялар жөнінде хабар бере аласыздар: «АЛДИМЕД» ЖШС, 050051, Қазақстан Республикасы, Алматы қ., Самал-1 ы/а, 1 үй, Тел/факс +7(727) 263-27-34, Электронды пошта: aldimed@mail.ru

Препаратты қолданған кезінде артық дозалану жағдайлары анықталған жоқ.

Арнайы ескертулер Егде жастағы пациенттер үшін доза түзетілмейді. Педиатрияда қолдану Бұл топтағы пациенттер үшін арнайы дәрілік түр бар болғандықтан 12 жасқа дейінгі балаларға препаратты қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Галавит препараты көлік құралын жүргізу және механизмдермен жұмыс істеу қабілетіне әсер етпейді.

Егер Сіз жүкті болсаңыз немесе жүктімін деп болжамдасаңыз Галавит препаратын қабылдамаңыз. Егер сіз емшек емізіп жүрген болсаңыз Галавит препаратын қабылдамаңыз.

Бір мезгілде қолданғанда антибиотиктердің курстық дозалары төмендетілуі мүмкін. Басқа дәрілік препараттармен үйлесімсіздік жағдайлары байқалмаған.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!