Ганвир лиофилизат 500 мг

Бір құтының ішінде белсенді зат– ганцикловир 500.0 мг, қосымша заттар: натрий гидроксиді, хлорсутек қышқылы, азот. Сыртқы түрінің, иісінің, дәмінің сипаттамасы Лиофилизацияланған ұнтақ немесе ақ түсті масса. Қалпына келтірілген ерітінді – көзге көрінетін бөлшектері жоқ мөлдір түсссіз ерітінді.

Ганвир ересектерде және ≥ 12 жастағы балаларда мыналарға қолданылады: - иммунитеті әлсіреген адамдарда цитомегаловирустық инфекцияны (ЦМВ) емдеуге - дәрі-дәрмектік иммуносупрессиясы бар (мысалы, ағзалардың трансплантациясынан немесе обырдың химиотерапиясынан кейін) пациенттерде алдын алу емін пайдалану арқылы ЦМВ инфекциясының профилактикасында. Ганвир ересектерде және туғаннан бастап балаларда мыналарға қолданылады: - дәрі-дәрмектік иммуносупрессиясы бар (мысалы, ағзалардың трансплантациясынан немесе обырдың химиотерапиясынан кейін) пациенттерде әмбебап профилактиканы пайдалану арқылы ЦМВ инфекциясының профилактикасында. Вирусқа қарсы дәрілерді тиісті түрде қолдану жөніндегі ресми нұсқаулық туралы мәселені қарастыру керек.

Әсер ету механизмі Ганцикловир герпес вирустарының көбеюін in vitro, сонымен қатар in vivo басатын 2'-дезоксигуанозиннің синтетикалық аналогы болып табылады. Адамның цитомегаловирусына (ЦМВ), 1 және 2 типтегі қарапайым герпес вирустарына (Herpes simplex 1 және 2), 6, 7 және 8 типтегі адам герпесі вирусына, Эпштейн-Барр вирусына, желшешек вирусына (Varicella zoster) және В гепатиті вирусына қатысты белсенді. Клиникалық зерттеулер препараттың цитомегаловирус инфекциясын жұқтырған науқастардағы тиімділігіне баға берумен шектелді. ЦМВ- инфекциясын жұқтырған жасушаларда ганцикловир бастапқыда вирустық протеинкиназаның әсерімен ганцикловирмонофосфат, UL97 түзу арқылы фосфорланады. Одан әрі фосфорлану бірнеше жасушалық киназалардың әсерімен жүреді, соның нәтижесінде ганцикловиртрифосфат түзіледі, содан кейін ол жасуша ішінде баяу метаболизмге ұшырайды. Бұл метаболизм адам ЦМВ және қарапайым герпес вирусымен инфекцияланған жасушаларда жүзеге асатыны көрсетілген, мұндайда ганцикловир жасушаішілік сұйықтықтан жоғалғаннан кейін препараттың жасушаішілік жартылай шығарылу кезеңі, сәйкесінше, 18 және 6-24 сағатты құрайды. Ганцикловирдің фосфорлануы көбірек дәрежеде вирустық киназаның әсеріне байланысты болғандықтан, ол негізінен инфекцияланған жасушаларда жүзеге асады. Ганцикловирдің вирус статикалық әсері мынадай жолмен вирустық ДНҚ синтезін басуға байланысты болады: (1) ДНҚ-полимеразаның әсерімен дезоксигуанозинтрифосфаттың ДНҚ қатарына қосылуын бәсекелес тежеуге; (2) ганцикловиртрифосфаттың вирустық ДНҚ-ға қосылып, вирустық ДНҚ ұзаруының тоқтауына немесе оның ұзаруының өте шектелуіне әкелуі. Вируқа қарсы белсенділік Препараттың ЦМВ қатысты вирусқа қарсы әсердің тежелуін туғызатын, ең жоғарысының 50%-на тең (IC50), in vitro анықталған типтік ең төмен концентрациясы 0.08 мкМ-ден (0.02 мкг/мл) 14 мкМ (3.57 мкг/мл) дейінгі диапазонда болады. Клиникалық тиімділігі және қауіпсіздігі Вирустық резистенттілік Нашар клиникалық жауапқа бірнеше мәрте жететін немесе емделу кезінде үздіксіз вирустық экскрецияны бастан кешетін пациенттерде вирустық резистенттіліктің болуы мүмкіндігін ескеру керек. Ганцикловирге вирустық резистенттілік ганцикловирдің монофосфорлануына жауап беретін вирустық киназа геніндегі (UL97) және/немесе вирустық полимераза геніндегі (UL54) мутацияның іріктелуі нәтижесінде туындауы мүмкін. UL97 генінде мутациясы бар вирустар ганцикловирге ғана төзімді, ал UL54 генінде мутациясы бар вирустар ганцикловирге төзімді, бірақ сол сияқты вирустық полимеразаға бағытталған басқа вирусқа қарсы препараттарға да айқаспалы төзімділік танытуы мүмкін. Балалар Проспективті зерттеуде ауыр иммун тапшылығымен (6 айлықтан 16 жасқа дейінгі) АИТВ - инфекциясы және ЦМВ-инфекциясы бар 36 бала ганцикловирді вена ішіне күніне 5 мг/кг дозада 2 күн бойы алып, кейіннен ганцикловирді орта есеппен 32 апта бойы пероральді қабылдады. Ганцикловир ересектерде бақыланған бейінге ұқсайтын уыттылық бейінінде тиімді болды. Ганцикловир өсіріндінің немесе полимеразалық тізбекті реакцияның көмегімен ЦМВ анықтаудың төмендеуімен байланысты болды. Нейтропения зертеу кезінде байқалған бір ғана ауыр жағымсыз дәрілік реакция болды, және балалардың ешқайсысы емдеуді тоқтатуды қажет етпесе де, нейтрофилдердің > 400 жасуша/мм3 абсолюттік санын сақтап тұру үшін 4-іне гранулоцитарлық колониястимуляциялаушы фактормен (G-CSF) емдеу қажет етілді. Ретроспективті зерттеуде балалардағы (16 күн – 18 жас, орташа жасы 2,5 жыл) бауыр трансплантациясының 122 реципиенті ганцикловирді вена ішіне күніне екі рет 5 мг/кг дозада кем дегенде 14 күн бойы алып, кейіннен ЦМВ алдын ала ПТР мониторинг жасалды. Қырық үш пациент ЦМВ бойынша жоғары қауіп тобына, ал 79-ы әдеттегі қауіп тобына жатқызылды. Симптомсыз ЦМВ-инфекция ПТР әдісімен 34,4% сыналушыда анықталды және әдеттегі қауіп реципиенттеріне қарағанда жоғары қауіп реципиенттерінде көбірек ықтимал болды (21,8%-ға қарсы 58,1%, р = 0,0001). Он екі сыналушыда (9,8%) ЦМВ ауруы дамыды (әдеттегі қауіппен 4-ке қарсы жоғары қауіппен 8, р = 0,03). Үш пациентте ЦМВ анықталғаннан кейін 6 айдың ішінде жедел қабылданбай ажырау дамыды, бірақ 13 пациентте қабылданбай ажырау ЦМВ-дан бұрын жүрді. ЦМВ-дан салдары ретінде өлім жағдайлары тіркелмеді. Жалпы мөлшері 38,5% сыналушы олардың бастапқы операциядан кейінгі профилактикасынан кейін вирусқа қарсы препараттарды қабылдауды аяқтады. Ретроспективті талдауда балалардағы (7 айлық - 18 жас, орташа жасы 9 жас) бүйрек және/немесе бауыр трансплантациясы бар 92 пациентте ганцикловирдің қауіпсіздігі мен тиімділігі валганцикловирмен салыстырылды. Барлық балалар ганцикловирді вена ішіне күніне екі рет 5 мг/кг-ден трансплантациядан кейінгі 2 апта ішінде қабылдады. 2004 жылға дейін ем қабылдаған балалар кейіннен пероральді ганцикловирді 30 мг/кг/дозада 1 г/дозаға дейін күніне үш рет (n = 41) қабылдады, ал 2004 жылдан кейін ем қабылдаған балалар валганцикловирді күніне бір рет 900 мг дозаға дейін қабылдады (n = 51). ЦМВ жалпы жиілігі 16% (15/92 пациент) құрады. ЦМВ-инфекцияның басталуына дейінгі уақыт екі топта да салыстырымды болды. Рандомизацияланған бақыланатын зерттеуде ОЖЖ зақымдануымен симптоматикалық туа біткен ЦМВ ауруы бар 100 жаңа туған нәресте (жасы ≤ 1 ай) ганцикловирді 6 мг/кг дозада әрбір 12 сағат сайын вена ішіне 6 апта бойы алды немесе емдеусіз болды. Зерттеуге қосылған 100 пациенттен 42-сі зерттеудің барлық критерийлеріне сәйкес келді және бастапқы, сондай-ақ 6 айлық аудиометриялық бағалары болды. Олардың ішінде 25-і ганцикловирді қабылдады, ал 17-сі ешқандай ем алған жоқ. Ганцикловирдің 25 реципиентінің жиырма бірі бақылаудың 10/17 пациентінмен салыстырғанда есту қабілетін жақсартты немесе бастапқы деңгейден 6 айға дейін қалыпты естуін сақтап қалды (сәйкесінше, 84% және 59%, р = 0,06). Ганцикловирдің бірде-бір реципиентінде бақылаудың 7 пациентімен салыстырғанда бастапқы деңгейден 6 айға дейін естудің нашарлауы байқалған жоқ (р < 0,01). Бастапқы деңгейден кейін бір жыл өткенде ганцикловирдің реципиенттерінің 5/24-де және бақылау тобының 13/19 пациентінде естудің нашарлауы байқалды (р < 0,01). Зерттеу барысында бақылаудың 9/43 пациентімен салыстырғанда ганцикловир қабылдаған 29/46 пациентте нейтропения байқалды (р < 0,1). Зерттеу кезінде 9 өлім жағдайы тіркелді, ганцикловир тобында 3 және бақылау тобында 6. Өлімнің ешқайсысы дәрілерді зерттеумен байланысты болған жоқ. III фазадағы рандомизацияланған бақыланатын зерттеуде ОЖЖ зақымдануымен симптоматикалық туа біткен ЦМВ бар 100 жаңа туған нәресте (жасы 3-33 күн, орташа жасы 12 күн) ганцикловирді 6 мг/кг дозада күніне екі рет вена ішіне 6 апта бойы алды (n = 48) немесе вирусқа қарсы ем алған жоқ (n = 52). Вирусқа қарсы ем алмағандармен салыстырғанда, ганцикловирді қабылдаған нәрестелерде 6 және 12 айда жүйке жүйесі дамуының жақсарған нәтижелері болды. Ганцикловирдің реципиенттерінде кідірулер азырақ және неврологиялық нәтижелер неғұрлым қалыпты болса да, олардың көпшілігі 6 апталық, 6 айлық немесе 12 айлық жаста қалыпты даму деп саналатынынан әлі де болса артта қалды. Бұл зерттеуде қауіпсіздікке баға берілген жоқ. Ретроспективті зерттеуде вирусқа қарсы емдеудің туа біткен ЦМВ-инфекциясы бар балалардағы (жасы 4-34 ай, орташа жасы 10,3 ± 7,8 ай, орташа жасы 8 ай) естудің кешеуілдеп жоғалуына ықпалы зерттелді. Зерттеуге туған кездегі естуі қалыпты болған 21 сәби қосылды, оларда естудің кешеуілдеп жоғалуы дамыған. Вирусқа қарсы емдеу мыналардан тұрды: - 5 мг/кг ганцикловирді күн сайын вена ішіне 6 апта бойы енгізіп, кейіннен 17 мг/кг валганцикловирді күніне екі рет 6 апта бойы, содан соң күн сайын 1 жылға дейін пероральді енгізуден, немесе - пероральді 17 мг/кг валганцикловирді күніне екі рет 12 апта бойы, содан соң күн сайын 9 ай бойы. Балалардың ешқайсысы кохлеарлық имплантатты қажет еткен жоқ, бастапқы күйде естудің жоғалып зақымдануымен естудің жоғалуы 83% жағдайда жақсарды. Хабарланған бір ғана жағымсыз әсер нейтропения болды, және ешбір пациентте емдеуді тоқтату қажеттілігі болған жоқ.

ЦМВ емдеу Бүйрек функциясы қалыпты ересектер мен ≥ 12 жастағы балалар Бастапқы ем: дене салмағына 5 мг/кг дозада 1 сағат ішінде в/і инфузия әрбір 12 сағат сайын 14-21 күн бойы. Демеуші ем: иммунитеті әлсіреген және қайталану қаупі бар пациенттерге аптасына 7 күн бойы 5 мг/кг-ден 1 сағат ішінде вена ішіне инфузия арқылы немесе күн сайын 6 мг/кг-ден аптасына 5 күн бойы демеуші ем тағайындауға болады. Аурудың үдеуін емдеу: ЦМВ инфекциясы үдеген кез келген пациент, демеуші ем кезінде, не болмаса ганцикловирмен емдеудің тоқтатылуына байланысты, бастапқы ем сызбасын пайдаланып қайтадан емделуі мүмкін. < 12 жастағы балалар Қолда бар деректерге сәйкес оларды қолдану жөнінде ешқандай нұсқау беру мүмкін емес. Алдын алу емін пайдалану арқылы ЦМВ профилактикасы Бүйрек функциясы қалыпты ересектер мен ≥ 12 жастағы балалар Бастапқы ем: дене салмағына 5 мг/кг дозада 1 сағат ішінде в/і инфузия әрбір 12 сағат сайын 7-14 күн бойы. Демеуші ем: аптасына 7 күн бойы 5 мг/кг-ден 1 сағат ішінде вена ішіне инфузия арқылы немесе аптасына 5 күн бойы күн сайын 6 мг/кг-ден. Демеуші емнің ұзақтығы ЦМВ ауруының қаупіне байланысты, емдеу жөніндегі жергілікті ұсынымдарға жүгіну керек. < 12 жастағы балалар Қолда бар деректерге сәйкес оларды қолдану жөнінде ешқандай нұсқау беру мүмкін емес. Әмбебап профилактиканы пайдалану арқылы ЦМВ инфекциясының профилактикасы Ересектер мен > 16 жастағы балалар Аптасына 7 күн бойы 5 мг/кг-ден 1 сағат ішінде вена ішіне инфузия арқылы немесе күн сайын 6 мг/кг-ден аптасына 5 күн бойы. Емнің ұзақтығы ЦМВ ауруының қаупіне байланысты, емдеу жөніндегі жергілікті ұсынымдарға жүгіну керек. 0-16 жастағы балалар Вена ішіне инфузия түрінде бір сағат ішінде енгізілетін ганцикловирдің ұсынылған тәуліктік дозасы Мостеллердің ДБА формуласын пайдаланып дене беткейінің ауданына (ДБА) және Шварц формуласынан (КК) алынған креатинин клиренсіне негізделген, және төменде келтірілген теңдеулерді пайдаланып есептеледі. Әмбебап профилактиканың ұзақтығы ЦМВ ауруының қаупіне байланысты және әркімге жеке анықталуы тиіс. Балаларға арналған доза (мг) = 3 x ДБАx КК (Мостеллердің және Шварцтың формуласын қараңыз). Егер Шварцтың есептік креатинин клиренсі 150 мл/мин/1,73 м2 мәнінен асып кетсе, онда теңдеуде 150 мл/мин/1,73 м2 ең жоғары мәнін пайдалану керек. ДБА (м2) = k х Бойы (см) КК (мл/мин/1.73 м2) = ------------------------------------ Сарысудағы креатинин (мг/дл) мұнда туған кездегі дене салмағы төмен < 1 жастағы пациенттер үшін k = 0,33, < 2 жастағы пациенттер үшін 0,45, 2-ден < 13 жасқа дейінгі ұлдар мен 2-ден 16 жасқа дейінгі қыздар үшін 0,55 және 13-тен 16 жасқа дейінгі ұлдар үшін 0,7. 16 жастан асқан пациенттер үшін ересектердегі дозалануын қараңыз. Келтірілген мәндер сарысудағы креатининді өлшеудің Яффе әдісіне негізделген және ферментативтік әдістерді қолданған кезде түзетуді қажет етуі мүмкін. Қан сарысуындағы креатинин деңгейін, бойы мен салмағын ұдайы тексеру, сондай-ақ қажеттілігіне қарай дозаны түзету ұсынылады. Пациенттердің ерекше топтары Бүйрек жеткіліксіздігі бар пациенттер Бүйрек функциясы бұзылған, 3 x ДБА x КК дозалау алгоритмін пайдаланып ганцикловирдің профилактикалық дозасын алып жүрген 0-16 жастағы балаларда дозаны түзету қажеттілігі жоқ, өйткені бұл доза креатинин клиренсін ескере отырып түзетіліп қойған. Бүйрек функциясы бұзылған, алдын алу емі үшін және ЦМВ инфекциясын емдеу үшін дене салмағына есептелген ем алып жүрген 12 жастағы және одан үлкен пациенттер үшін мг/кг дозадағы ганцикловирдің дозасын төмендегі кестеде көрсетілгендей креатинин клиренсінің көрсеткішіне сәйкес түзету ұсынылады. Бүйрек жеткіліксіздігі бар пациенттер үшін дозаны төмендегі кестеде көрсетілгендей түзету керек. Креатинин клиренсі, мл/мин — Бастапқы доза — Демеуші доза >70 — 5.0 мг/кг әр 12 сағат сайын — 5.0 мг/кг/тәу 50-69 — 2.5 мг/кг әр 12 сағат сайын — 2.5 мг/кг/тәу 25-49 — Тәулігіне 2.5 мг/кг — 1.25 мг/кг/тәу 10-24 — Тәулігіне 1.25 мг/кг — 0.625 мг/кг/тәу < 10 — Гемодиализден кейін аптасына үш рет 1.25 мг/кг — Гемодиализден кейін аптасына үш рет 0.625 мг/кг Креатинин клиренсін сарысудағы креатинин концентрациясы бойынша мынадай формуламен есептеуге болады: еркектер үшін = 140 - жасы [жыл]) х дене салмағы [кг] / 72 х 0.011 х сарысудағы креатинин концентрациясы [мкмоль/л] әйелдер үшін = 0.85 х еркектерге арналған көрсеткіш Бүйрек жеткіліксіздігі бар пациенттерде ганцикловирдің дозасын түзету керек болғандықтан, сарысудағы креатинин концентрациясына немесе креатинин клиренсіне мұқият мониторинг жасау қажет. Бауыр жеткіліксіздігі бар пациенттер Бауыр жеткіліксіздігі бар пациенттерде ганцикловирдің қауіпсіздігі мен тиімділігі зерттелген жоқ. Ауыр түрдегі лейкопениясы, нейтропениясы, анемиясы, тромбоцитопениясы және панцитопениясы бар пациенттер Емдеуді бастар алдында «Арнайы сақтандырулар» бөлімін қараңыз. Егер ганцикловирмен ем кезінде қан жасушаларының саны едәуір төмендесе, гемопоэздік өсу факторларымен емдеу және/немесе емдеуді тоқтату туралы мәселені қарастыру керек. Егде жастағы пациенттер Егде жастағы адамдарда ганцикловирдің тиімділігі немесе қауіпсіздігі жөніндегі зерттеулер жүргізілген жоқ. Бүйрек функциясы жас шамасына қарай төмендейтіндіктен, ганцикловирді егде адамдарға олардың бүйрек статусын ерекше ескере отырып тағайындау керек (5.2 бөлімін қараңыз). Енгізу әдісі және жолы Ганвирді вена ішіне инфузия арқылы 10 мг/мл-ден аспайтын концентрацияда 1 сағат ішінде енгізу керек. Препаратты жылдам немесе болюстік венаішілік инъекция арқылы енгізбеңіз, өйткені қан плазмасындағы шамадан тыс деңгейінің салдарынан ганцикловирдің уыттылығы артуы мүмкін. Бұлшықет ішіне немесе тері астына енгізбеңіз, себебі бұл ганцикловир ерітінділерінің жоғары рН (~11) салдарынан тіндердің қатты тітіркенуіне әкелуі мүмкін (4.8 бөлімін қараңыз). Ұсынылған дозалануы, жиілігі және инфузия жылдамдығы шамадан асырылмауға тиіс. Инфузияны талапқа сай қан ағымы бар венаға, пластик канюля арқылы енгізген дұрыс. Ганцикловир адамдарда потенциалды тератоген және канцероген болып саналатындықтан, оны қолданған кезде абай болу керек. Құтылардың ішіндегі ұнтақты деммен жұтудан немесе тікелей жанасудан, немесе ерітіндінің теріге және шырышты қабықтарға тікелей жанасуынан аулақ болу қажет. Ганвир препаратының ерітіндісінде сілтілік реакция бар (рН 11). Ганцикловир теріге немесе шырышты қабықтарға тиіп кеткен жағдайда ол жерді сабынды сумен мұқият жуу керек. Көзге тиіп кеткен жағдайда оны ағынды сумен мұқият жуады. Құтыдағы Ганвир препаратының бастапқы (қалпына келтірілген) ерітіндісін дайындау әдісі Ганвир препаратының лиофилизацияланған ұнтағын қалпына келтіру үшін асептикалық техниканы пайдалану керек. 1. Ганцикловирдің лиофилизацияланған ұнтағын құтыға инъекцияға арналған 10 мл стерильді суды шприцтің көмегімен резеңке тығынның ортасы арқылы құтының ішіне, инені құтының қабырғасына бағыттай отырып енгізу арқылы ерітеді. Құрамында парабендер (парагидроксибензоаттар) бар инъекцияға арналған бактериостатикалық суды пайдалануға болмайды, өйткені олар ганцикловирдің стерильді ұнтағымен үйлеспейді және тұнба түсуіне әкелуі мүмкін. 2. Препаратты толық еріту үшін құтыны абайлап сілку керек. 3. Қалпына келтірілген мөлдір ерітіндіні алу үшін құтыны бірнеше минут бойы абайлап сілку/айналдыру керек. 4. Дайындалған ерітіндіде механикалық қоспалардың бар-жоғын тексеріп қарау керек. Инфузиялық ерітіндіні дайындау және енгізу Ганцикловир бар құтыдан (концентрациясы 50 мг/мл) препараттың есептелген (науқастың дене салмағын ескеріп) дозасын шприцтің көмегімен алады да, көлемі 100 мл базалық инфузиялық ерітіндіге қосады. Ганцикловирді 10 мг/мл-ден асатын концентрацияда енгізу ұсынылмайды. 0.9% натрий хлориді ерітіндісі, 5% декстрозаның сулы ерітіндісі, Рингер немесе Рингер-лактат ерітіндісі – Ганвир препаратымен химиялық және физкалық тұрғыда үйлесімді. Ганвирді вена ішіне енгізілетін басқа препараттармен араластыруға болмайды. Бір рет пайдалануға арналған. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Ганвир препаратын қолданар алдында медициналық қызметкерден кеңес алу ұсынылады.

• әсер етуші затқа немесе «Құрамы» бөлімінде атап көрсетілген қосымша заттардың кез келгеніне аса жоғары сезімталдық • лактация кезеңі

Қауіпсіздік бейінінің қысқаша сипаттамасы Валганцикловир ганцикловирдің ізашары дәрісі болып табылады, және валганцикловирмен байланысты жағымсыз реакциялар ганцикловирді қолдану кезінде де туындауы мүмкін деп күтуге болады. Пероральді ганцикловир енді қолжетімді емес, бірақ оны қолдану кезінде хабарланған жағымсыз реакциялар ганцикловирді вена ішіне алып жүрген пациенттерде де туындауы мүмкін. Сондықтан ганцикловирді немесе валганцикловирді вена ішіне немесе пероральді қолдану кезінде хабарланған жағымсыз дәрілік реакциялар жағымсыз реакциялар кестесіне енгізілген. Ганцикловир/валганцикловир қабылдаған пациенттерде барынша күрделі және жиі жағымсыз дәрілік реакциялар гематологиялық реакциялар болып табылады, олар нейтропенияны, анемияны және тромбоцитопенияны қамтиды. Дәрілік заттарға басқа жағымсыз реакциялар төмендегі кестеде келтірілген. Кестеде берілген жағымсыз реакциялардың жиілігі ганцикловирмен немесе валганцикловирмен демеуші ем алып жүрген АИТВ-инфекцияланған пациенттердің (n = 1704) біріккен популяциясынан алынған. Агранулоцитоз, гранулоцитопения және анафилаксиялық реакция бұларға жатпайды, олардың жиілігі постмаркетингтік тәжірибемен анықталады. Жағымсыз реакциялар MedDRA жүйесінің ағзалар класына сәйкес тізбеленген. Жиілік санаттары мынадай келісімді пайдаланып анықталады: өте жиі (≥ 1/10), жиі (≥ 1/100 - < 1/10 дейін), жиі емес (≥ 1/1 000 - < 1/100 дейін), сирек (≥ 1/10 000 - < 1/1 000 дейін) және өте сирек (< 1/10 000). Ганцикловир/валганцикловирдің жалпы қауіпсіздік бейіні торлы қабықтың ажырауы ЦМВ-ретинитпен АИТВ-пациенттерде ғана тіркелгенін қоспағанда, АИТВ және трансплантаттар популяцияларында өзара үйлеседі. Алайда белгілі бір реакциялардың жиілігінде кейбір айырмашылықтар бар. Ганцикловирді вена ішіне енгізу валганцикловирді пероральді қабылдаумен салыстырғанда диарея дамуының төменірек қаупімен байланысты. Пирексия, кандидоздық инфекциялар, депрессия, ауыр нейтропения (НАС < 500/мкл) және тері реакциялары АИТВ бар пациенттерде жиірек тіркеледі. Бүйрек және бауыр дисфункциясы ағзалар трансплантациясының реципиенттерінде жиірек тіркеледі. Жағымсыз реакциялардың жиынтық тізімі Өте жиі - кандидоздық инфекциялар, ауыз қуысының кандидозын қоса -жоғарғы тыныс жолдарының инфекциялары - нейтропения - анемия - тәбеттің төмендеуі - бас ауыруы - инсомния - жөтел, ентігу - диарея, жүрек айнуы, құсу, іштің ауыруы - дерматиттер - пирексия - шаршау Жиі - сепсис - тұмау - несеп шығару жолдарының инфекциялары - целлюлит - тромбоцитопения - лейкопения - панцитопения - аса жоғары сезімталдық - дене салмағының төмендеуі - депрессия - сананың шатасуы - үрейлену - шеткері нейропатия - бас айналу - парестезиялар - гипоэстезия - құрысулар - дисгевзия (дәм сезудің бұзылуы) - көрудің бұзылуы, торлы қабықтың ажырауы, шыны тәрізді дене деструкциясы, көз алмасының ауыруы, конъюктивиттер - макулярлық ісіну - құлақ ішінің ауыруы - гипотензия - диспепсия, метеоризм, іштің жоғарғы бөлігінің ауыруы, іш қату, ауыз қуысындағы ойық жаралар, дисфагия, іштің кебуі, панкреатиттер - сілтілік фосфатаза белсенділігінің жоғарылауы, бауыр функциясының бұзылулары, АСТ белсенділігінің жоғарылауы, АЛТ белсенділігінің жоғарылауы - түнгі тершеңдік, қышыну, бөртпе - алопеция - арқаның ауыруы, миалгия, артралгия, бұлшықеттердің түйілуі - бүйрек функциясының бұзылулары, бүйректің КК төмендеуі, қандағы креатининнің жоғарылауы - енгізген жердегі реакциялар, ауыру, қалтырау, дімкәстік, астения Жиі емес - Сүйек кемігінің жеткіліксіздігі - ажитация, психоздық бұзылыс, қалыптан тыс ойлау, елестеулер - тремор - кереңдік - аритмия - терінің құрғауы, есекжем - бүйрек жеткіліксіздігі, гематурия - ерлердегі белсіздік - кеуденің ауыруы Сирек - аплазиялық анемия, агранулоцитоз*, гранулоцитопения* - анафилаксиялық реакциялар* * Бұл жағымсыз реакциялардың жиілігі постмаркетингтік тәжірибеден анықталады; қалған жиілік санаттарының барлығы клиникалық сынақтарда тіркелген жиілікке негізделген. Жекелеген жағымсыз реакциялардың сипаттамасы Нейтропения Нейтропенияның даму қаупін емдеу басталғанға дейін нейтрофилдер санының негізінде болжау мүмкін емес. Нейтропения әдетте индукциялық емнің бірінші немесе екінші аптасында және ≤ 200 мг/кг жинақталған дозаны енгізгеннен кейін пайда болады. Жасушалар саны әдетте препаратты тоқтатқаннан немесе дозаны төмендеткеннен кейін 2-5 күн ішінде қалпына келеді. Нейтропенияның ауыр түрі Нейтропенияның ауыр түрі ағзалар трансплантациясы бар, валганцикловирді немесе пероральді ганцикловирді қабылдаған пациенттерге қарағанда валганцикловирмен, пероральді немесе вена ішіне ганцикловирмен демеуші ем қабылдаған (n = 1704) АИТВ бар пациенттерде жиірек байқалды (14%). Валганцикловирді немесе пероральді ганцикловирді трансплантациядан кейін 100-ші күнге дейін қабылдаған пациенттерде ауыр нейтропения жиілігі сәйкесінше 5% және 3% құрады, ал валганцикловирді трансплантациядан кейін 200-ші күнге дейін қабылдаған пациенттерде ауыр нейтропения жиілігі 10% құрады. Тромбоцитопения Тромбоциттердің бастапқы деңгейі төмен пациенттерде (<100 000/мкл) тромбоцитопенияның даму қаупі жоғары болады. Иммуносупрессиялық препараттармен емдеуден туындаған ятрогендік иммуносупрессиясы бар пациенттер ЖИТС-пен ауыратын пациенттерге қарағанда тромбоцитопения қаупіне көбірек ұшырайды. Ауыр тромбоцитопения өмірге қауіптілігі зор қан кетумен байланысты болуы мүмкін. Құрысулар Имипенем-циластатинді және ганцикловирді қабылдаған пациенттерде құрысулар туралы хабарланған. Торлы қабықтың ажырауы Бұл жағымсыз реакция ЦМВ-ретинитті емдеу үшін ганцикловир қабылдаған АИТВ бар пациенттердегі зерттеулерде ғана тіркелді. Инъекция орнындағы реакциялар Инъекция орнындағы реакциялар әдетте ганцикловирді қабылдаған пациенттерде пайда болады. Тіндердің жергілікті тітіркену қаупін азайту үшін, Ганвирді «Қолдану жөніндегі нұсқаулар» бөліміндегі ұсынымдарға сәйкес енгізу керек. Балалар 12 жасқа дейінгі балаларда ганцикловирдің қауіпсіздігінің ресми зерттеулері жүргізілген жоқ, бірақ, валганцикловирді, ганцикловирдің ізашар дәрісін қолдану тәжірибесінің негізінде, белсенді препараттың қауіпсіздігінің жалпы бейіні балаларда және ересек пациенттерде ұқсас. Нейтропения балаларда жиірек кездеседі, бірақ балалар популяциясында нейтропения мен инфекциялық жағымсыз реакциялардың арасында өзара байланыс жоқ. Жаңа туған нәрестелер мен сәбилердегі цитопенияның жоғарырақ қаупі осы жас топтарында қан көрсеткіштеріне мұқият мониторингті қажет етеді. АИТВ/ЖИТС немесе симптоматикалық туа біткен ЦМВ-инфекциясы бар, валганцикловир немесе ганцикловир қабылдаған жаңа туған нәрестелер мен сәбилер туралы шектеулі деректер ғана бар, алайда, қауіпсіздік бейіні валганцикловирдің/ганцикловирдің белгілі қауіпсіздік бейініне сәйкес келуі мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: клиникалық сынақтар мен постмаркетингтік тәжірибе барысында вена ішіне енгізілген ганцикловирдің артық дозалануы туралы хабарламалар алынды, кейбіреулері өліммен аяқталған. Хабарламалардың көпшілігі қандай да бір жағымсыз реакциялармен байланысты болған жоқ, немесе төменде атап көрсетілген жағымсыз реакциялардың біреуін немесе бірнешеуін қамтыды: – гематологиялық уыттылық: панцитопенияны қоса, миелосупрессия, сүйек кемігінің жеткіліксіздігі, лейкопения, нейтропения, гранулоцитопения; – гепатоуыттылық: гепатит, бауыр функциясының бұзылуы; – бүйрекке уыттылық: бүйрек жеткіліксіздігі бар, бүйректің жедел зақымдануы бар, креатинині жоғарылаған пациенттегі гематурияның нашарлауы; – асқазан-ішектік уыттылық: іштің ауыруы, диарея, құсу; – нейроуыттылық: жайылған тремор, құрысулар. Емі: ганцикловир гемодиализдің көмегімен шығарылады, сондықтан ганцикловирдің артық дозалануына ұшыраған пациенттерде препараттың әсерін төмендету үшін гемодиализ пайдалы болуы мүмкін. Тұрғындардың ерекше топтары туралы қосымша ақпарат Бүйрек жеткіліксіздігі: ганцикловирдің артық дозалануы бүйрек функциясы бұзылған пациенттерде бүйрекке уыттылықтың жоғарылауына әкелуі мүмкін деп күтіледі. Балалар: қандай да бір нақты ақпарат жоқ.

Арнайы сақтандырулар Айқаспалы аса жоғары сезімталдық Ганцикловирдің және ацикловир мен пенцикловирдің химиялық құрылымы ұқсас болғандықтан, бұл препараттардың арасында айқаспалы аса жоғары сезімталдық реакцияларының болуы мүмкін. Сондықтан Ганвирді ацикловирге немесе пенцикловирге (немесе олардың ізашар дәрілеріне, сәйкесінше валацикловирге немесе фамцикловирге) белгілі аса жоғары сезімталдығы бар пациенттерге тағайындаған кезде сақтық таныту керек. Мутагенділік, тератогенділік, канцерогенділік, фертильділік және контрацепция Ганцикловирмен емдеуді бастағанға дейін пациенттер шарана үшін әлеуетті қаупі жөнінде хабардар болуға тиіс. Жануарлардағы зерттеулерде ганцикловир мутагенді, тератогенді, канцерогенді болып табылатыны және фертильділікті нашарлататыны анықталды. Клиникалық және клиникаға дейінгі зерттеулер негізінде ганцикловир сперматогенездің уақытша немесе тұрақты тежелуін туғызуы ықтимал деп саналады. Сондықтан ганцикловирді адамдарда туа біткен ақауларды және обырды туғызуға қабілетті әлеуетті тератоген және канцероген ретінде қарастыру керек. Сондықтан бала туу әлеуеті бар әйелдерге емдеу кезінде және одан кейін кемінде 30 күн бойы контрацепцияның тиімді құралдарын пайдалануды ұсыну керек. Еркектерге емделу кезінде және одан кейін кемінде 90 күн бойы, егер жыныстық серіктес әйел жүктілік қаупіне ұшырамайтынына сенімділік болмаса, контрацепцияның бөгеттік әдісін қолдануды ұсыну керек. Ганцикловирді қолдану әлеуетті ұзақ мерзімдік канцерогенділігіне және ұрпақ өрбітуге уыттылығына байланысты әсіресе педиатриялық популяцияда ерекше сақтықты талап етеді. Емдеудің артықшылықтары әрбір нақты жағдайда мұқият қарастырылуы тиіс және қауіптерден айқын басымдылықта болуға тиіс. Емдеу жөніндегі нұсқаулықтарға жүгініңіз. Миелосупрессия Ганвирді дәрілік препараттарға байланысты гематологиялық цитопениясы бар немесе гематологиялық цитопения анамнезінде болған пациенттерде, сондай-ақ сәулелік ем қабылдайтын пациенттерде сақтықпен қолдану керек. Ауыр лейкопения, нейтропения, анемия, тромбоцитопения, панцитопения және сүйек кемігінің жеткіліксіздігі ганцикловирді қабылдаған пациенттерде байқалды. Егер нейтрофилдердің абсолюттік саны 500 жасуша/мкл-ден аз болса немесе тромбоциттер саны 25 000 жасуша/мкл-ден аз болса, немесе гемоглобин 8 г/дл аз болса, емді бастамау керек. Ем кезінде тромбоциттер санын қоса, қанның толық талдауын бақылау ұсынылады. Бүйрек функциясы бұзылған пациенттерде, сондай-ақ жаңа туған нәрестелер мен сәбилерде жоғары гематологиялық мониторинг орынды болуы мүмкін. Енгізудің алғашқы 14 күні ішінде әрбір екінші тәулікте лейкоциттер санын есептеу (дифференциациялық тест ретінде болғаны дұрыс) жүргізу ұсынылады; нейтрофилдердің бастапқы деңгейі төмен (< 1000 нейтрофил/мкл), басқа миелоуытты заттармен алдыңғы ем кезінде лейкопения дамыған пациенттерде, сондай-ақ бүйрек функциясы бұзылған пациенттерде бұл мониторингті күн сайын жүгізген жөн. Ауыр лейкопениясы, нейтропениясы, анемиясы және/немесе тромбоцитопениясы бар пациенттерге гемопоэздік өсу факторларымен емдеуді қолдану мүмкіндігін және/немесе ганцикловирмен емді тоқтата тұруды қарастыру ұсынылады. Бүйрек функциясының бұзылуы Бүйрек функциясы бұзылған пациенттер уыттылықтың (әсіресе гематологиялық уыттылықтың) жоғары қаупіне ұшырайды. Дозаны азайту талап етіледі. Дәрілік препараттың көлік құралын және қауіптілігі зор механизмдерді басқару қабілетіне әсер ету ерекшеліктері Препараттың жағымсыз әсерлерін ескере отырып, көлікті немесе қауіптілігі зор механизмдерді басқару кезінде сақтық таныту керек.

Ганцикловирді жүкті әйелдерде қолданудың қауіпсіздігі анықталмаған. Алайда ганцикловир адам плацентасы арқылы оңай диффузияланады. Клиникаға дейінгі зерттеулерде ганцикловир ұрпақ өрбітуге уыттылықпен және тератогенділікпен байланысты болды. Сондықтан ганцикловирді әйелді емдеудегі клиникалық қажеттілігі шарана үшін әлеуетті тератогенділік қаупінен басым түспесе, жүкті әйелдерге қолданбау керек. Ганцикловир ананың емшек сүтімен бөліне ме, жоқ па, белгісіз, бірақ ганцикловирдің емшек сүтімен бөлінуі және емшек еметін балада күрделі жағымсыз реакцияларды туғызуы мүмкін екенін жоққа шығаруға болмайды. Сондықтан ганцикловирмен емдеу кезінде бала емізу тоқтатылуға тиіс. Фертильділік Клиникалық және клиникалық емес деректердің негізінде, ганцикловир адам сперматогенезінің уақытша немесе тұрақты тежелуін туғызуы ықтимал деп саналады.

Фармакокинетикалық өзара әрекеттесулер Пробенецид Ганцикловирмен пероральді тағайындалған пробенецид ганцикловирдің бүйректік клиренсінің статистикалық маңызды төмендеуіне және экспозицияның клиникалық маңызды ұлғаюына әкелді. Мұндай әсер ганцикловирді вена ішіне және пробенецидті бір мезгілде енгізген кезде де күтіледі. Сондықтан, пробенецид пен Ганвирді қабылдайтын пациенттер ганцикловирдің уыттылығына қатысты мұқият бақылануға тиіс. Диданозин Плазмадағы диданозин концентрациясы ганцикловирмен бір мезгілде қолданған кезде үнемі жоғарылайтыны анықталды. Тәулігіне 5 және 10 мг/кг дозаларда вена ішіне енгізген кезде диданозиннің AUC 38%-дан 67% дейінгі диапазонда ұлғайғаны байқалды. Ганцикловирдің концентрациясына клиникалық мәні бар ықпалы байқалған жоқ. Пациенттер диданозиннің уыттылығына қатысты мұқият бақылауда болуға тиіс. Басқа антиретровирустық препараттар P450 цитохромының изоферменттері ганцикловирдің фармакокинетикасында ешқандай рөл атқармайды. Демек, протеаза тежегіштерімен және кері транскриптазаның нуклеозидті емес тежегіштерімен фармакокинетикалық өзара әрекеттесуі күтілмейді. Фармакодинамикалық өзара әрекеттесулер Имипенем-циластатин Ганцикловир мен имипенем-циластатинді бір мезгілде қабылдаған пациенттерде құрысулар туралы хабарланды. Егер әлеуетті пайдасы әлеуетті қауіптерінен аспаса, осы препараттарды бір мезгілде қолдануға болмайды. Зидовудин Зидовудин сияқты, ганцикловир де нейтропения мен анемияны туғызуы мүмкін. Осы препараттарды бір мезгілде қолдану кезінде фармакодинамикалық өзара әрекеттесу орын алуы мүмкін. Кейбір пациенттер қатарлас толық дозада қатар жүретін емді көтере алмауы мүмкін. Басқа да әлеуетті дәрілік өзара әрекеттесулер Ганцикловирді миелосупрессиялы екені немесе бүйрек функциясының бұзылуымен байланыстылығы белгілі басқа препараттармен бір мезгілде қолданған кезде уыттылық күшеюі мүмкін. Бұл инфекцияға қарсы агенттерді (дапсон, пентамидин, флуцитозин, амфотерицин В, триметоприм/ сульфаметоксазол сияқтылар), иммунодепрессанттарды (мысалы, циклоспорин, такролимус, микофенолат мофетил), ісікке қарсы агенттерді (мысалы, винкристин, винбластин, доксорубицин және гидроксимочевина), сондай-ақ нуклеозидтерді (зидовудинді, ставудин мен диданозинді қоса) және нуклеотидтердің аналогтарын (оның ішінде тенофовир, адефовир) қамтиды. Сондықтан бұл препараттарды ганцикловирмен бір мезгілде қолдануды, егер әлеуетті пайдасы әлеуетті қаупінен асып түскен жағдайда ғана қарастыру керек. Балалар Өзара әрекеттесуін зерттеулер ересектерде ғана жүргізілген. Басқа дәрілік заттармен бірге қолдану Имипенем-циластатинді және ганцикловирді қабылдаған пациенттерде құрысулар туралы хабарланды. Әлеуетті пайдасы әлеуетті қауіптерінен басым түспейтін болса, ганцикловирді имипенем-циластатинмен бір мезгілде қабылдамау керек. Ганцикловир мен диданозинді, миелосупрессиялы екені белгілі немесе бүйрек функциясына ықпал ететін препараттарды, қабылдап жүрген пациенттер қосымша уыттылық белгілеріне қатысты мұқият бақылануға тиіс. Қосымша заттар Бұл дәрілік препараттың құтысындағы құрамында 73.5 мг натрий бар, ол ересек адам үшін ДДҰ ұсынған 2 г натрийдің тәуліктік дозасының 3.7% жуығына баламалы. Еркектер мен әйелдердегі контрацепция Ганцикловирдің ұрпақ өрбітуге әлеуетті уыттылығына және тератогенділігіне байланысты бала туу әлеуеті бар әйелдерге емдеу кезінде және емдеуден кейін кемінде 30 күн бойы тиімді контрацепцияны пайдалану ұсынылады. Еркек жынысты пациенттерге, егер жыныстық серіктес әйелдің жүкті болу қаупіне ұшырамайтынына сенімділігі болмаса, ганцикловирмен емдеу кезінде және емдеуден кейін кемінде 90 күн бойы бөгеттік контрацепцияны қолдану ұсынылады.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25оС-ден аспайтын температурада сақтау керек. Балалардың қолы жетпейтін жерде сақтау керек!