ҚОС ӘСЕРЛІ ГАСТРОБЕНЕ суспензия 200 мл

10 мл препараттың құрамында белсенді заттар: натрий альгинаты, 500.0 мг, кальций карбонаты, 325.0 мг, натрий гидрокарбонаты, 213.0 мг, қосымша заттар: карбомер 974Р, метилпарагидроксибензоат, пропилпарагидроксибензоат, натрий сахарині, **бұрыш жалбызының хош иістендіргіші, натрий гидроксиді, тазартылған су. ** Бұрыш жалбызының хош иістендіргішінің құрамы, пайызбен (м / м Ментол — 10 – 20 Ментон — 5 – 10 Бұрыш жалбызының эфир майы — 0.1 – 1 Глюкоза шәрбаты (мальтодекстрин) — 45 Натрий крахмалы октенилсукцинаты — 30 Сыртқы түрінің, иісінің, дәмінің сипаттамасы Жалбыз иісі бар ақ түстен ақшыл сары түске дейінгі тұтқыр суспензия.

• асқорытудың бұзылуымен, асқазан сөлінің қышқылдығының жоғарылауымен және гастроэзофагеальды рефлюкспен (қыжыл, ащы кекірік), асқазандағы ауырлық сезімімен, тамақтанғаннан кейінгі жайсыздықпен байланысты ауруларды симптоматикалық емдеу.

ATХ коды A02BX Фармакодинамикалық әсерлері Ішке қабылдаған кезде препараттың әсер ететін заттары асқазанның қышқыл құрамымен тез әрекет етеді. Бұл жағдайда бейтарапқа жақын рН мәні бар альгинат гелі түзіледі. 3 минут ішінде гель асқазан құрамының бетінде қорғаныс бөгетін түзіп, гастроэзофагеальді рефлюкстің туындауына (асқазан ішіндегісінің өңешке кері ағуына) 4 сағатқа дейін кедергі келтіреді. Рефлюктің ауыр жағдайларында (регургитация), гель асқазанның ішіндегісінен бұрын өңешке енеді, сол жерде ол өңештің шырышты қабығының тітіркенуін азайтады. Кальций карбонаты асқазан сөліндегі тұз қышқылын тез бейтараптайды, қыжыл сезімін жеңілдетеді. Бұл әсер препарат құрамында натрий гидрокарбонатының болуымен күшейеді, ол сонымен қатар бейтараптандырғыш әсерге ие. Препараттың жалпы қышқылды бейтараптандыратын белсенділігі ең аз 10 мл дозада шамамен 10 мЭкв құрайды.

Дозалау режимі Ересектер мен 12 жастан асқан балаларға тамақтанғаннан кейін және ұйықтар алдында (тәулігіне 4 ретке дейін) 10-20 мл суспензия тағайындалады. Ең жоғары тәуліктік доза 80 мл құрайды. Препаратты ұзақ уақыт бойы қолдануға болмайды. Симптомдар 7 күннен артық сақталса, маманға хабарласу керек. Енгізу әдісі мен жолы Ішке қабылдау үшін. Әрбір қолданар алдында суспензияны құтыны қатты сілку жолымен гомогендеу керек. Дәрілік препаратты қолдану тәсілін түсіндіру үшін медицина қызметкеріне консультацияға жүгіну бойынша ұсынымдар Дәрілік препаратты қолданар алдында дәрігермен кеңесіңіз.

• әсер етуші заттарға немесе қосымша заттардың кез келгеніне аса жоғары сезімталдық • бүйрек функциясының орташа және ауыр дәрежедегі жеткіліксіздігі - балалар мен 12 жасқа дейінгі жасөспірімдер

Өте сирек (< 1/10000) • анафилаксиялық және анафилактоидты реакциялар • есекжем сияқты аса жоғары сезімталдық реакциялары • респираторлық бұзылулар, соның ішінде бронх түйілуі. Белгісіз (қолда бар деректердің негізінде бағалау мүмкін емес) • алкалоз*, қышқылды ауытқу *, гиперкальциемия*, сүт-сілтілі синдром* • іш қату* * әдетте ұсынылғаннан асатын дозалардан кейін пайда болады. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: іштегі жайсыздық және іштің кебуі. Сүт-сілтілі синдром ұзақ уақыт бойы кальций карбонатының жоғары тәуліктік дозасын қабылдаған адамдарда байқалады. Емі: симптоматикалық.

Арнайы сақтандырулар Басқа антацидтер сияқты, ҚОС ӘСЕРЛІ ГАСТРОБЕНЕ препаратын қабылдау басқа да ауыр аурулардың симптомдарын бүркемелеуі мүмкін. 20 мл суспензияның құрамында: • 254,5 мг (11,06 ммоль) натрий бар, оны қатаң тұзсыз диетаны қажет ететін адамдар ескеруі керек. Көбінесе жүрек функциясының іркілген жеткіліксіздігі немесе бүйрек ауруы бар пациенттерде кездеседі; • 260 мг (6,5 ммоль) кальций бар, оны гиперкальциемия, нефрокальциноз немесе қайталанатын кальций нефролитиазы бар пациенттерде ескеру керек. • Препарат құрамында метилпарагидроксибензоат (E218) және пропилпарагидроксибензоат (E216) бар, олар аллергиялық, соның ішінде баяу типті реакцияларды тудыруы мүмкін. Педиатрияда қолдану Препаратты дәрігер тағайындаған жағдайларды қоспағанда, 12 жасқа дейінгі балаларға препаратты қабылдау ұсынылмайды. Егде жастағы пациенттер Егде жастағы пациенттер үшін дозаны түзету қажет емес. Бүйрек функциясының жеткіліксіздігі бар пациенттер Препаратты қолдануға болмайды. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Препарат автокөлік пен механизмдерді басқару қабілетіне, сондай-ақ жоғары зейін қоюды және психомоторлық реакциялардың жылдамдығын талап ететін басқа да қауіпті қызмет түрлерімен айналысуға әсер етпейді.

Клиникалық қажеттілік кезінде препаратты жүктілік кезінде қолдануға болады. Жүкті әйелдерге жүргізілген клиникалық зерттеулердің нәтижелері және тіркеуден кейінгі кезеңде алынған деректердің көлемі жүктіліктің, босанудың ағымына, шарананың және жаңа туған нәрестенің денсаулығына қолайсыз әсерін көрсетпейді. Препараттың әсер етуші заттарының жаңа туған нәрестелерге, емшектегі балаларға, сондай-ақ бала емізетін әйелдерге әсері көрсетілмеген. ҚОС ӘСЕРЛІ ГАСТРОБЕНЕ препаратын бала емізу кезінде қолдануға болады. Клиникалық деректер дәрілік заттың адамның фертильділігіне әсерін көрсетпейді.

Препарат құрамында антацидтік белсенділігі бар кальций карбонаты бар, сондықтан ҚОС ӘСЕРЛІ ГАСТРОБЕНЕ препаратын және басқа препараттарды қабылдау арасында, әсіресе гистаминдік Н2-рецепторлардың блокаторларымен, тетрациклин тобындағы антибиотиктермен, дигоксинмен, фторхинолондармен, темір тұздарымен, кетоконазолмен, нейролептиктермен, натрий левотироксинімен, пеницилламинмен, бета-адреноблокаторлармен, ГКС, хлорохинмен және дифосфаттармен бір мезгілде қолданғанда кемінде 2 сағат өтуі тиіс.

Сақтау мерзімі 3 жыл. Құтыны алғаш ашқаннан кейінгі қолдану кезеңі 6 ай. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 °С-ден аспайтын температурада сақтау керек. Балалардың қолы жетпейтін жерде сақтау керек!