ГастроГард таблетки 680 мг/80 мг

Бір таблетканың құрамында белсенді заттар: 680 мг кальций карбонаты, 80 мг магний карбонаты, ауыр; қосымша заттар: сусыз коллоидты кремнийдің қостотығы, ішінара желатинденген жүгері крахмалы, коповидон, ксилитол, төмен орынбасқан гидроксипропилцеллюлоза LH-11, жалбыз хош иістендіргіші SD, бүркіп құрғатылған ментол L хош иістендіргіші, тальк, магний стеараты. Сыртқы түрінің, иісінің, дәмінің сипаттамасы Шаршы пішінді, шеттері дөңгелек, екі жақ беті ойыңқы, ақтан ақ дерлік түске дейінгі таблеткалар.

Асқазан сөлінің жоғары қышқылдығынан туындаған симптомдарды жою үшін: – қыжыл – эпигастрий аймағында толып кету немесе ауырлық сезімі – метеоризм – жүрек айнуы – қышқыл кекіру. Диетадағы ауытқулардан, дәрілерді қабылдаудан, алкогольді, кофені, никотинді шамадан тыс пайдаланудан кейін.

Бұл дәрілік зат екі антацидтік дәрінің – кальций карбонаты мен магний карбонатының біріктірілімі болып табылады. Кальций карбонаты мен магний карбонатының әсер ету механизмі жергілікті болып табылады және жүйелі сіңуіне байланысты емес. Кальций карбонаты бейтараптандыратын әсерге ие, ол магний карбонаты қосу есебінен күшейеді, ол да бейтараптандыратын күшті әсерге ие.

Дозалау режимі Ауырулар туындаған кезде 1-2 таблеткадан шайнау (немесе толық ерігенше ауызда ұстау) керек, күніне 4 – 8 таблетка. Ауырулар қарқынды болса, дозасын қысқа уақытқа, күніне 12 таблеткаға дейін арттыруға болады. Емдеу ұзақтығы ГастроГард препаратымен емдеу курсы 10 күннен аспауы тиіс: жағымсыз әсерлері тиазидтік диуретиктермен бірге қолданғанда немесе сүт немесе сүт өнімдерін көп мөлшерде пайдаланатын пациенттерде, соның ішінде, ұзақ уақыт емдегенде байқалады. Күніне 4-8 таблеткадан қабылдаған кезде, емдеу қысқа мерзімді болуы тиіс, симптомдары жойылғаннан кейін тоқтатылуы тиіс, ал қабылданатын таблеткалардың саны 12-ден аспауы тиіс. Енгізу әдісі мен жолы Таблеткаларды шайнау (немесе толық ерігенше ауызда ұстау) керек.

– препарат компоненттеріне жеке жоғары сезімталдық – бүйрек функциясының айқын бұзылулары – гиперкальциемия – гипермагниемия – миастения – 18 жасқа дейінгі балалар

Иммундық жүйе бұзылулары: аллергиялық реакциялар Жалпы бұзылыстар және енгізу орнындағы жағдайлар: дәмнің бұзылуы, астения, бас ауыруы Асқазан-ішек бұзылыстары: жүрек айнуы, құсу, іш аумағындағы жайсыздық, диарея Зат алмасу және тамақтану бұзылулары: бүйрек жеткіліксіздігі бар науқастарда гипермагниемия мен гиперкальциемия және жоғары дозаларды жиі қабылдаған кезде асқазан сөлінің компенсаторлық гиперсекрециясы, кальциноз Тірек-қимыл аппараты және дәнекер тін аурулары: бұлшықет әлсіздігі Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек ҚР ДСМ Медициналық және фармацевтикалық бақылау комитеті ҚР ДСМ Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК. http://www.ndda.kz

Симптомдары: кальций карбонаты мен магний карбонатының жоғары дозаларын ұзақ уақыт, әсіресе, бүйрек функциясы бұзылған пациенттерде қолдану, бүйрек жеткіліксіздігіне, гипермагниемияға, гиперкальциемияға және алкалозға алып келуі мүмкін, бұл өз кезегінде асқазан-ішек жолы тарапынан симптомдарды (жүрек айнуы, құсу, іш қату) және бұлшықет әлсіздігін тудыруы мүмкін. Емі: препаратты қолдануды тоқтату және организмге сұйықтықтың жеткілікті түсуін қамтамасыз ету керек. Артық дозаланудың ауыр жағдайларында (мысалы, сүт-сілтілі синдром кезінде) дәрігермен кеңесу қажет, өйткені қосымша регидратация (мысалы, инфузия) қажет болуы мүмкін. Препаратты қабылдау бойынша сұрақтар туындаған жағдайда дәрілік препаратты қолдану тәсілін түсіндіру үшін дәрігерге кеңес алу үшін жүгінуді ұсынамыз

Егер осы бөлімде көрсетілген жағдайлар бар болса, препаратты қолданар алдында дәрігерге жүгіну керек. Пациенттердің ерекше топтары Бүйрек жеткіліксіздігі бар пациенттер «Қолдануға болмайтын жағдай» және «Арнайы ескертулер» бөлімдерін қараңыз Балалар 18 жастан кіші жастағы балаларға пайдалану ұсынылмайды. Егде жастағы пациенттер Арнайы қабылдау режимі қажет емес, бірақ қолдануға болмайтын жағдайлар мен ескертулерге қатысты сақтық таныту керек. Арнайы ескертулер Егер, салмақ жоғалту, жұтыну кезінде қиындықтар немесе үнемі болатын іштегі жайсыздық (асқазан-ішек тарапынан болуы мүмкін өзгерістер); бүйрек жеткіліксіздігі (қан сарысуындағы кальций деңгейін бақылау қажет) байқалса, пациенттерге медициналық жәрдемге жүгіну керек. Жоғарыда аталған қиындықтар 10 күн емнен кейін де сақталса немесе жай-күйі нашарласа, этиологиялық зерттеу жүргізу және емдеу тактикасын қайта қарастыру қажет. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер көрсетпейді.

Жануарларда тератогенді әсердің туындағаны туралы нақты деректер жоқ. Сүйектенумен байланысты аномалиялар, кальций карбонатының едәуір жоғары дозаларын қабылдағанда және ұзақ уақыт қабылдаған жағдайда сипатталды. Бүгінгі күні клиникалық зерттеулердің деректері бойынша, препаратты ұсынылған дозаларда қолданғанда, даму ақаулары немесе шаранаға зиянды әсері туындаған жағдайлар анықталмаған. Дегенмен, қандай-да бір қауіптерді жоққа шығару үшін, аталған біріктірілімді қолдану аясында жүретін жүктіліктерді бақылау жеткіліксіз. Сондықтан жүктілік кезінде бұл препаратты қажет болған жағдайда ғана қабылдау керек. Препараттың құрамында мына компоненттердің болуын ескеру қажет: •диарея туғызуы мүмкін магний тұздарының, •жоғары дозаларда және ұзақ уақыт бойы қабылдаған кезде түрлі ағзалардың, соның ішінде бүйректің кальцинозымен жүретін гиперкальциемия қаупінің туындауына алып келетін кальций тұздары. ГастроГард препаратын қабылдау шарттары сақталған кезде бала емізу кезінде де қабылдауға болады.

Антацидтермен емдеу кезінде орын алатын асқазан сөлі қышқылдылығының өзгерістері басқа препараттарды бір мезгілде қолданғанда, олардың сіңірілу жылдамдығы мен дәрежесінің төмендеуіне алып келуі мүмкін. ГастроГард пен төменде көрсетілген препараттарды 2 сағаттан астам аралықпен қабылдау ұсынылады: - Н2-гистаминблокаторлары; - атенолол, Метопролол, Пропранолол; - хлорохин; - циклин; - дифлунисал - дигоксин - дифосфонаттар - фексофенадин - темір (тұздар) - фторхинолон - натрий фториді - глюкокортикоидтар (преднизолон және дексаметазон үшін сипатталған) - индометацин - кайексалат - кетоконазол - нейролептиктер, фенотиазин туындылары - пеницилламин - фосфор (үлестер) - тиротоксин. Құрамында салицил қышқылы бар препараттарды: құрамында салицил қышқылы бар препараттарды қабылдағанда, несептің сілтілену есебінен, бүйрек экскрециясының жоғарылауы.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек.