Геделор спрей 0.15%

100 мл препараттың құрамында белсенді зат – 0,150 г бензидамин гидрохлориді, қосымша заттар: метилпарагидроксибензоат, глицерол, 96 % этанол, натрий сахарині, натрий гидрокарбонаты, полисорбат 60, сұйық бұрышты жалбыз 27198/14, тазартылған су. Сыртқы түрінің, иісінің, дәмінің сипаттамасы Жалбыз иісі бар мөлдір, түссіз ерітінді.

Анальгетикалық және қабынуға қарсы дәрілер ретінде жергілікті симптоматикалық емдеу үшін (кешенді ем құрамында) - ауыз қуысы мен тамақтың қабыну аурулары мен жарақаттық жай-күйі (гингивит, стоматит, фарингит, сәулемен емдеуден кейінгі ойық жаралану, бадамша безді алып тастағаннан кейінгі және мұрын асқазан зондын пайдаланғаннан кейінгі жай-күй) - тістерді консервативті емдеуге қосымша ретінде және стоматологиялық операциялардан кейін.

Әсер ету механизмі Бензидамин индазолдың аналогы болып табылады, физикалық-химиялық қасиеттері мен фармакологиялық әсерлері бар, олар аспиринге ұқсас ҚҚСП-дан ерекшеленеді. Қышқылдар болып табылатын немесе қышқылға дейін метаболизденетін аспиринге ұқсас ҚҚСП қарағанда, бензидаамин әлсіз негіз болып табылады. Бұған қарама-қарсы, бензидамин простагландин синтезінің әлсіз тежегіші болып табылады. Тек 1 мМ және одан жоғары концентрацияда бензидамин циклооксигеназа және липооксигеназа ферменттерінің белсенділігін тиімді тежейді. Негізінен қабынуға қарсы цитокиндердің синтезін тежеу арқылы әсер етеді, оның ішінде ісіктің некроз факторы-альфа (TNF-α) және интерлейкин-1β (IL-1β) басқа қабынуға қарсы интерлекиндерге (IL-6 және 8) немесе қабынуға қарсы цитокиндер (IL-10, il-1 рецепторының антагонисі). Әсер етудің қосымша тетіктері, оның ішінде нейтрофилдердің тотығу лықсытуын тежеу, сондай-ақ жарғақшаларды тұрақтандыру болжануда, өйткені нейтрофилдерден түйіршіктердің босатылуын тежеу және лизосама тұрақтануы байқалады. Қосылыстың жергілікті анестезиялық белсенділігі катиондық өзектермен өзара әрекеттесумен байланысты. Фармакодинамикалық әсерлері Бензидамин ауырсыну, ісіну немесе гранулема сияқты қабынудың жергілікті көріністеріне спецификалық әсер етеді. Жергілікті қолдану кезінде бензидамин қабынуға қарсы әсердің, ісінудің азаюын, экссудат пен гранулеманың түзілуін көрсетті. Сонымен қатар, егер ауырсыну қабыну үдерісімен байланысты болса, ол жергілікті ауырсынуды басатын және анестезиялық әсер көрсетеді. Бензидамин жүйелік бұзылуларды білдіретін гипертермияға әлсіз әсер етеді.

Дозалау режимі Ересектер мен егде жастағыларға: 4-8 бүркуден (дозадан), 1,5-3 сағаттан кейін. 6 жастан 12 жасқа дейінгі балаларға: 4 бүркуден (дозадан), 1,5-3 сағаттан кейін. 6 жасқа дейінгі балаларға: 1 бүркуден (дозадан) 4 кг дене салмағына, ең көбі 4 бүркуге (дозаға) дейін , 1,5-3 сағаттан кейін. Енгізу әдісі мен жолы Ауыз қуысының шырышына бүркуге арналған. 1. Құтыны тік қалыпқа қойыңыз, қалпақшаның қондырмасын бұраңыз және оны құтыға 900 бұрышпен орнатыңыз. 2. Бірінші қолданар алдында бүріккішке сынама ретінде бірнеше рет басыңыз. Қондырманы ауыз қуысына енгізіп, оны зақымдану аймағына бағыттаңыз. Нұсқаулықта көрсетілген бойынша қалпақшаны сонша рет басыңыз. Басу арасындағы кезең кемінде 5 секунд болуы тиіс. 3. Қондырманы бастапқы қалыпқа бұрыңыз. 4. Егер спрей ұзақ уақыт пайдаланылмаса, қайта қолданар алдында бүріккішті бір рет басу арқылы белсендіру қажет. Емдеу ұзақтығы Емдеу ұзақтығы 7 күннен аспауы тиіс. Ұсынылған дозадан асыруға болмайды. Тек дәрігердің ұсынымы мен бақылауы бойынша ұзағырақ емделуге болады.

- препарат компоненттеріне жоғары сезімталдық - салицил қышқылына және / немесе қабынуға қарсы стероидты емес дәрілік заттарға жоғары сезімталдық.

Сирек - ауыз қуысының ұйып қалуы және ауызда күйдіру сезімі, ауыз қуысының ауырсынуы. Өте сирек - айқын ентігумен (ларингоспазм) дыбыс саңылауының кенеттен еріксіз жабылуы, тыныс алудың қиындауын тудыратын бронх саңылауының тарылуы (бронх түйілуі) -қышынумен, тез дамитын, терідегі бозғылт қызғылт күлдіреуіктер, қатты қышынумен қатар жүретін, күйіктен болатын күлдіреуіктерге ұқсас (есекжем), күн сәулесіне терінің реакциясымен және бөртпемен көрініс беретін аллергиялық реакциялар. Белгісіз (қолда бар деректер негізінде бағалау мүмкін емес) - терінің терең қабатының және теріасты тіндерінің тығыз, асимметриялық, ауыртпай ісінуі (ангионевроздық ісіну), өмірге қауіп төндіретін тез ауыр аллергиялық реакция (анафилаксиялық реакция) және аллергиялық реакциялар, соның ішінде баяу типтегі. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды ұлттық сараптау орталығы» ШЖҚ РМК http://www.ndda.kz

Симптомдары: ерітіндіні кездейсоқ азғана мөлшерде жұтып қою күрделі жағымсыз әсерлердің дамуына әкелу ықтималдығы аз. Бензидаминді көп мөлшерде (300 мг астам) жұтып қойған жағдайда жүрек айнуы, құсу, іштің ауыруы және өңештің тітіркенуі дамуы мүмкін. Орталық жүйке жүйесіне әсер ету симптомдарына бас айналу, елестеулер, қозу, мазасыздану және ашушаңдық кіреді. Емі: жедел артық дозаланғанда дәрігерге бару керек, себебі симптоматикалық ем қажет болуы мүмкін. Сұйықтықтың жеткілікті мөлшерін қабылдау қажет.

Спрейдің көзге түсуінен сақтану керек. Арнайы ескертулер Геделор препаратымен емдеу ұзақтығы дәрігердің ұсынымы бойынша қолдану жағдайларын қоспағанда, 7 күннен аспауы тиіс. Инфекциялық-қабыну аурулары кезінде Геделор препаратын біріктірілген ем құрамында қолдану қажет. Бронх демікпесі бар және бұрын бронх демікпесі болған пациенттерде препарат бронх түйілуін тудыруы мүмкін. Препарат құрамында метилпарагидроксибензоат бар, ол аллергиялық реакцияларды тудыруы мүмкін (оның ішінде баяу түрі). Кейбір жағдайларда, ауыз қуысы мен жұтқыншақтың шырышты қабығындағы қабынулар мен ойық жаралар күрделі аурулардың белгілері болуы мүмкін. Егер сізде қабыну симптомдары артса немесе 3 күн бойы емдегенде жақсарулар байқалмаса, емдеуші дәрігерге немесе стоматологқа жүгіну қажет. Геделор препаратымен ұзақ емдеу аллергиялық реакциялар тудыруы мүмкін, бұл жағдайда емдеуді тоқтату және дәрігерге қаралу қажет. Препарат құрамында азғана мөлшерде спирт бар. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат құрамында спирт бар, бұны автокөлікті басқару және жоғары зейін қоюды талап ететін жұмыстарды жүргізу кезінде ескеру қажет.

Геделор препараты жүктілік кезінде қолданылмауы тиіс, егер дәрігер қажет деп санаса, Геделор препаратын бала емізу кезінде қолдануға болады.

Геделор препаратының басқа дәрілік заттармен клиникалық мәнді өзара әрекеттесулері анықталмаған.

Сақтау мерзімі 4 жыл. Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 250С-ден аспайтын температурада сақтау керек. Балалардың қолы жетпейтін жерде сақтау керек!