ГЕЛИСАЛ сироп 27,78 мг/5 мл

5 мл шәрбаттың құрамында: белсенді зат - кәдімгі айұрық жапырақтарының құрғақ экстрактісі (Hederae helicis folii extractum siccum, DER 4-8:1) – 27,78 мг. Экстрагент этанол 30% м/м. қосымша заттар: пропиленгликоль, калий сорбаты, сұйық кристаллданбайтын сорбитол (E420), лимон қышқылы моногидраты, ксантан шайыры, анис хош иістендіргіші, макрогол глицерилгидроксистеараты, тазартылған су. Сыртқы түрінің, иісінің, дәмінің сипаттамасы Шөпті-анис иісі бар сары-қоңыр түсті қою сұйықтық. Бұлыңғырлануына және тұнба түзілуіне жол беріледі.

- жоғарғы және төменгі тыныс алу жолдары қабыну ауруларының кешенді емінде қақырық түсіретін дәрі ретінде

Фармакодинамикалық әсерлері ГЕЛИСАЛ препараты – белсенді заты – айұрық жапырақтары экстрактісі бар өсімдік тектес дәрілік зат. Қақырық түсіретін, муколитикалық әсері және бронхтың тегіс бұлшықеттеріне әлсіз спазмолитикалық әсер көрсетеді. Негізгі спазмолитикалық әсер бронхтар бұлшықеттерінің және өкпе эпителийінің β-2 рецепторларын белсендіретін гликозитердің (сапониндердің) парасимпатолитикалық әсері болып табылады. Бұл бронхтар бұлшықеттерінде жасушаішілік Сa2+ төмендетуге және оларды босаңсуына әкеледі. Сонымен қатар ІІ типті альвеолярлық жасушалар сурфактантты көбірек өндіреді. Өнімсіз (құрғақ) жөтел кезінде тұтқыр қақырықты сұйылтуға ықпал етеді, оның шығуын жеңілдетеді. Өнімді (ылғалды) жөтелмен қақырықты түсіруді және шығаруды жеңілдетеді. Тыныс алу жолдарының қақырықтан босатылуына байланысты тыныс алуды жақсартуға, жөтелдің азаюына және жойылуына ықпал етеді.

Дозалау режимі Егер дәрігер басқаша тағайындамаса, шәрбат мынадай схема бойынша қабылданады: Дозалары 12 жастан асқан жасөспірімдер, ересектер мен егде адамдар: тәулігіне 2-3 рет 5 мл (толық шприц) шәрбаттан (бұл айұрық жапырақтары құрғақ экстрактісінің 55,56-83,34 мг тәуліктік дозасына сәйкес келеді). 6-11 жастағы балалар: тәулігіне 3 рет 2,5 мл (½ шприц) шәрбаттан (бұл айұрық жапырақтары құрғақ экстрактісінің 41,67 мг тәуліктік дозасына сәйкес келеді). 2-5 жастағы балалар: тәулігіне 3 рет 1,6 мл (⅓ шприц) шәрбаттан (бұл айұрық жапырақтары құрғақ экстрактісінің 26,67 мг тәуліктік дозасына сәйкес келеді). 2 жасқа дейінгі балалар 2 жастан кіші балаларды емдеу үшін қолдануға болмайды. Ұсынылатын дозадан асырмау керек. Енгізу әдісі мен жолы Ішке, тамақтан кейін. Ересектерге және ересек жастағы балаларға сұйылтылмаған күйінде, кіші жастағы балаларға судың немесе шырынның аздаған мөлшерімен сұйылтады. • Құтының қақпағын бұрап ашыңыз (төмен қарай басып жаншу керек, сағат тіліне қарсы бұрау керек). • Дозатор құтының мойнындағы саңылауға басылуы тиіс. • Дозаторды толтыру үшін құтыны басын төмен қаратып төңкеру, содан кейін дозатордың поршенін абайлап төмен қарай жылжытып, препараттың қажетті мөлшерін шприцке тартып алу қажет. • Құтыны бастапқы қалпына аударып, оны ақырын бұрай отырып, одан дозаторды алу керек. • Дозатордың соңғы бөлігін баланың ауыз қуысына орналастырып, содан соң поршеньге баяу баса отырып, дозатор ішіндегісін енгізу керек. • Қолданғаннан кейін құтыдағы қақпақты қатты бұраңыз; дозаторды жуыңыз және құрғатыңыз. Емдеу ұзақтығы Емнің ұзақтығы 7 күн. Ауру симптомдары басылғаннан кейін емді 2-3 күн бойы жалғастыру ұсынылады. Егер ем кезінде симптомдар күшейсе немесе 7 күн ішінде басылмаса, дәрігермен немесе фармацевтпен кеңесу керек. Дәрілік препараттың бір немесе бірнеше дозасын өткізіп алу кезіндегі қажетті шаралар Препараттың кезекті дозасын өткізіп алған жағдайда оны мүмкіндігінше тезірек қабылдау керек. Препараттың өткізіп алған дозасының орынын толтыру үшін қосарлы дозаны қабылдауға болмайды. Осы препаратты қабылдауға қатысты одан әрі сұрақтар мен күмән туындаған жағдайда дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну керек

- айұрық жапырақтары экстрактісіне, Аралия тұқымдастарының өсімдіктеріне немесе препараттың басқа компоненттеріне аса жоғары сезімталдық - тыныс алу жолдары тарапынан симптомдардың күшею қаупіне байланысты 2 жасқа дейінгі балаларға - жүктілік және бала емізу кезеңі - тұқым қуалайтын фруктоза көтере алмаушылығы

Жиі - жүрек айнуы, құсу, диарея Жиі емес - аллергиялық реакциялар - тұншығу - есекжем, бөртпе Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: сапониндердің әсеріне байланысты жүрек айнуы, құсу, гастроэнтерит. 1,8 г өсімдік шикізатына сай келетін айұрық экстрактісін кездейсоқ қабылдағаннан кейін 4 жастағы балада озбырлық мінез-құлық және диарея жағдайлары туралы бір хабарлама болды. Емі: препаратты тоқтату, симптоматикалық ем.

Сапониндердің тітіркендіргіш қасиетін ескере отырып, препаратты асқазанның ойық жара ауруы және асқазанның шырышты қабығының қабынуы бар пациенттерде сақтықпен қолдану керек. Ентігу, қызба, іріңді қақырық туындағанда кезде, дәрігермен немесе фармацевтпен кеңесу керек. Арнайы ескертулер Диабетпен ауыратындар үшін ақпарат Шәрбаттың құрамында қант жоқ және оны диабетпен ауыратын пациенттер қолдана алады. Препарат құрамында кристалданбайтын сұйық сорбитол (E420) бар. 5 мл препарат құрамында 4,2 г кристалданбайтын сұйық сорбитол (E420) бар, ол 2,94 г сорбитке сәйкес келеді және 0,245 нан бірлігіне (НБ) сәйкес келеді. Препарат тұқым қуалайтын фруктоза көтере алмаушылығы бар пациенттермен қабылданбауы тиіс. Педиатрияда қолдану 2 жастан кіші балаларды емдеу үшін қолдануға болмайды («Қолдануға болмайтын жағдай» бөлімін қараңыз). Жөтелдің ұзақ немесе қайталанатын көріністері бар 2 жастан 4 жасқа дейінгі балалар препаратты қабылдау алдында диагноз қою мақсатында дәрігерден кеңес алуы керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Препаратты қолдану қауіпсіздігі бойынша жүкті әйелдерге және бала емізетін әйелдерге зерттеулер жүргізілген жоқ. Сондай-ақ, препараттың шаранаға әсері туралы деректер жоқ.

Құрамында сапониндер болуына байланысты препарат асқазан шырышты қабығын тітіркендіретін басқа дәрілердің әсерін күшейтуі мүмкін. ГЕЛИСАЛды орталықтық әсер ететін жөтелге қарсы дәрілік препараттармен (мысалы, кодеинмен немесе декстрометорфанмен) бір мезгілде тағайындауға болмайды, өйткені соңғысы қақырықтың түсуін қиындатады.

Сақтау мерзімі 2 жыл Қаптамасын алғаш ашқаннан кейін құтыны 6 ай ішінде пайдалану қажет. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25C-ден аспайтын температурада сақтау керек. Балалардың қолы жетпейтін жерде сақтау керек!