ГЕЛЬМИНОРМ 400 таблетки 400 мг

Бір таблетканың құрамында белсенді зат –400 мг албендазол; қосымша заттар: жүгері крахмалы, микрокристалды целлюлоза, натрий сахарині, повидон (PVP K-30), натрий лаурилсульфаты, натрий кроскармеллозасы, натрий крахмалы гликоляты (А түрі), сусыз коллоидты кремнийдің қостотығы, магний стеараты, апельсин хош иістендіргіші, Tutti Frutti хош иістендіргіші, күн батар түстес сары (Е110), тазартылған су. Сыртқы түрінің, иісінің, дәмінің сипаттамасы Капсула пішінді, ашық-қызғылт сары түсті, бір жағында сызығы бар таблеткалар.

Ішек және тері инфекциясы - острицалар (Enterobius vermicularis), - аскаридоз (Ascaris lumbricoïdes), - анкилостомалар (Ankylostoma duodenale, Necator americanus), - трихоцефалез (Trichuris trichiura), - стронгилоидоз (Strongyloïdes stercoralis), - тениоз (Taenia saginata, Taenia solium), албендазолға сезімтал қатар жүретін паразитоз жағдайында ғана, албендазолмен емдеуді қарастырған жөн, - балалардағы лямблиоз (Giardia intestinalis немесе duodenalis). Жүйелі инфекция - трихинеллез (Trichinella spiralis).

Албендазол ларвицидтік (гельминттердің личинкаларын жояды), овицидтік (ұрықтық жасушаның өлімін тудырады) және тубулиннің полимеризациясын тежеу арқылы гельминтке қарсы әсер көрсетеді. Бұл гельминттердің метаболизмінің бұзылуын, соның ішінде энергия қорларының сарқылуын тудырады, бұл сезімтал гельминттерді салдандырады және одан әрі өлтіреді. Албендазол тіндік паразиттерден туындаған ауруларды, соның ішінде қуықтың эхинококкозын және бір камералы эхинококкпен (Echinococcus granulosus) және көп камералы эхинококкпен (Echinococcus multilocularis) зарарланудан туындаған альвеолярлы эхинококкозды емдеуде тиімді. Пациенттердің аз бөлігінде Echinococcus multilocularis туғызған цисталарды албендазолмен емдеу толық емделуге, ал пациенттердің көпшілігінде – аурудың жақсаруына және тұрақтануына әкелді.

Дозалау режимі Қолдану көрсетілімдері — Тәуліктік доза — Емдеу ұзақтығы Ішек және тері инфекциясы (төменірек дозалармен қысқа мерзімді емдеу) Острицалар — 400 мг, яғни 400 мг 1 таблетка Қатаң гигиеналық шараларды қабылдап, сондай-ақ отбасыны емдеу қажет — Бір реттік доза, оны 7 күннен кейін қайталау керек Аскаридоз Анкилостомалар Трихоцефалез — 400 мг немесе 400 мг 1 таблетка — Бір рет* Стронгилоидоз Тениоз (басқа қатар жүретін паразитоздармен байланысты) — 400 мг немесе 400 мг 1 таблетка — Бір тәуліктік доза, оны қатарынан 3 күн қабылдау керек* Лямблиоз — 400 мг немесе 400 мг дозада 1 таблетка — Бір тәуліктік доза, оны 5 күн қатарынан қабылдау керек Жүйелі инфекция (жоғарырақ дозалармен ұзақ емдеу) Трихинеллез — Күніне екі рет 800 мг немесе 400 мг 1 таблетка — Симптомдардың ауырлығына және емдеудің ерте басталуына байланысты 10-15 күн бойы таңертең және кешке бір доза * Атап айтқанда, стронгилоидоз, трихоцефалез, тениоз анықталған жағдайларда, емдеуден соң 3 аптадан кейін жүргізілген нәжісті ішекқұрт жұмыртқасына зерттеудің оң нәтижесі болған кезде, емдеу курсын қайта жүргізу ұсынылады. Пациенттердің ерекше топтары Балалар Балалар мен 18 жасқа дейінгі жасөспірімдерге қолдануға ұсынылмайды. Егде жастағы пациенттер Албендазолды бауыр функциясы бұзылған егде жастағы пациенттерге тағайындағанда сақтық таныту ұсынылады. Бауыр функциясының жеткіліксіздігі бар пациенттер Албендазол бауырда оның негізгі, фармакологиялық белсенді метаболитіне, албендазол сульфоксидіне дейін тез метаболизмге ұшырайтындықтан, бауыр функциясының бұзылуы албендазол сульфоксидінің фармакокинетикасына елеулі әсер ететін болады. Бауыр тестерінде патологиялық өзгерістер (трансаминазалар) байқалған пациенттер албендазолмен емдеу басталғанға дейін тексеруден өтуі тиіс. Егер емдеу кезінде осы ферменттер деңгейінде немесе қан талдауында елеулі өзгерістер байқалса, албендазолмен емдеуді тоқтату керек. Бүйрек функциясының жеткіліксіздігі бар пациенттер Албендазол және оның негізгі метаболиті, албендазол сульфоксиді бүйрек арқылы өте аз мөлшерде шығарылатындықтан, мұндай пациенттерде бұл заттардың шығарылуының өзгеруі екіталай. Бүйрек функциясы бұзылғанда дозаны түзету талап етілмейді, алайда мұндай пациенттер дәрігердің қадағалауында болуы тиіс. Енгізу әдісі мен жолы Пероральді. ГЕЛЬМИНОРМ таблеткаларын тамақтану кезінде қабылдау керек. Таблеткаларды шайнау керек, аз мөлшерде су ішуге болады. Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар Сұрақ туындаған жағдайда дәрілік препаратты қабылдамас бұрын дәрігерден немесе фармацевтен кеңес алыңыз. Жағымсыз реакциялар сипаттамасы Албендазолмен емдеу келесі жағымсыз реакцияларды тудырды. Жағымсыз реакциялар жиілігінің сандық өлшемдері және жағымсыз реакциялардың жүйелік-ағзалық жіктемеге және олардың туындау жиілігіне сәйкес жіктемесі (Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥1/10), жиі (≥1/100-ден < 1/10 дейін), жиі емес (≥1/1000-нан < 1/100 дейін), сирек (≥1/10000-нан < 1/1000 дейін), өте сирек (<1/10000), белгісіз (қолда бар деректер негізінде бағалау мүмкін емес) Өте жиі - бас ауыру - бауыр ферменттері деңгейінің жеңіл және орташа жоғарылауы Жиі - бас айналу - іштің ауыруы, жүрек айнуы, құсу - қайтымды алопеция (шаштың жұқаруы, шаштың орташа түсуі) - қызба Жиі емес - лейкопения - жоғары сезімталдық реакциялары, соның ішінде бөртпелер, қышыну және есекжем - гепатит Өте сирек - панцитопения, аплазиялық анемия, агранулоцитоз - мультиформалы эритема, Стивенс-Джонсон синдромы Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

- препараттың белсенді затына немесе кез келген қосымша заттарына жоғары сезімталдық - жүктілік - лактация кезеңі - балалар мен 18 жасқа дейінгі жасөспірімдер Бала туатын жастағы әйелдерге албендазолмен емдеу аяқталғаннан кейін бір ай ішінде жүкті болып қалмау үшін тиімді ұрықтануға қарсы дәрілерді, гормондық емес препараттарды қабылдау ұсынылады.

Нұсқаулықта көрсетілмеген.

Симптомдары: сананың шатасуы, ұйқышылдық, тежелу, бағдардан адасу, бас айналу, жүрек айну, құсу. Шұғыл емшаралар: арнайы антидоты жоқ. Артық дозалану жағдайында симптоматикалық ем (асқазанды шаю) тағайындау және жалпы демеуші шаралар жүргізу керек.

Албендазол бауыр ферменттері деңгейінің шамалы немесе орташа дәрежеде жоғарылауын туындатуы мүмкін. Әдетте бауыр ферменттерінің деңгейі препаратты тоқтатқаннан кейін қалыпқа келеді. Бауыр ферменттерінің деңгейін әрбір емдеу курсын бастар алдында және емдеу кезінде кемінде әрбір екі апта сайын тексеру керек. Егер бауыр ферменттерінің деңгейі едәуір жоғарыласа (қалыптың жоғарғы шегімен салыстырғанда екі еседен астам), албендазолды тоқтату керек. Егер бауыр ферменттерінің деңгейі қалыпқа келсе, емдеуді қайта бастауға болады, бірақ мұндай пациенттер ферменттер деңгейінің қайта көтерілуіне жол бермеу үшін бақылауда болуы тиіс. Албендазолдың сүйек кемігі функциясының бәсеңдеуін туындатуы мүмкін екендігі анықталды, сондықтан қанның толық талдауы емдеуді бастар алдында және 28 күндік емдеу курсы кезінде әрбір екі апта сайын орындалуы тиіс. Бауыр эхинококкозын қоса, бауыр аурулары бар пациенттер сүйек кемігі функциясының бәсеңдеуіне аса сезімтал болып келеді, оларда панцитопения, аплазиялық анемия, агранулоцитоз және лейкопения дамуы мүмкін, осыған байланысты қан талдауларына қатаң мониторинг жүргізу қажет. Қан көрінісі елеулі өзгергенде албендазолмен емдеуді тоқтату керек. Жүктіліктің ерте мерзімі кезінде албендазолды тағайындауды болдырмау үшін бала көтеретін шақтағы әйелдер: - Жүкті емес екендігі тест арқылы анықталғаннан кейін ғана емдеуді бастауы керек. Тест деректерін әрбір емдеу курсын бастар алдында кемінде бір рет қайталау керек. - Емдеу кезінде және албендазолмен емдеуді тоқтатқаннан кейін бір ай бойы жүктілікке қарсы тиімді шаралар қабылдау керек. Нейроцистицеркозды емдеу үшін албендазол қабылдайтын пациенттерде паразиттердің өлуі нәтижесінде қабыну реакциясымен байланысты симптомдар дамуы мүмкін (мысалы, құрысулар, бассүйекішілік қысымның жоғарылауы, ошақтық симптомдар). Мұндай жағдайларда қолайлы стероидты және құрысуға қарсы терапия жүргізіледі. Емдеудің алғашқы аптасы кезінде церебральді гипертензия эпизодтарын болдырмау үшін кортикостероидтарды пероральді қабылдау немесе вена ішіне енгізу ұсынылады. Бұрыннан бар нейроцистицеркоз инфекцияның басқа ошақтарын емдеу үшін албендазол алатын пациенттерде ашық қалуы мүмкін. Пациенттерде неврологиялық симптомдар пайда болуы мүмкін, мысалы, құрысулар, бассүйекішілік қысымның жоғарылауы және мидың ішіндегі паразиттердің өлімінен туындаған қабыну реакциясы нәтижесінде ошақты симптомдар. Симптомдар емдеуден кейін көп ұзамай дамуы мүмкін. Тиісті стероидты және құрысуға қарсы препараттарды дереу тағайындау керек. Арнайы сақтандырулар Препарат құрамында күнбатар түстес сары (E110) бояғышы бар – аллергиялық реакцияларды тудырады. Әрбір таблеткада 85 мг натрий бар, тұзсыз диетаны ұстанатын адамдарға тағайындағанда абай болу керек. Препараттың көлік құралын және қауіптілігі зор мехнаизмдерді басқару қабілетіне әсер ету ерекшеліктері Албендазолмен емдеу кезінде бас айналудың дамуы туралы хабарланды. Пациенттерге мұндай жағдайларда автокөлік жүргізуден және қауіпті механизмдермен жұмыс істеуден, сондай-ақ бас айналу пациент немесе айналасындағылар үшін қауіп төндіретін жұмыстардан бас тарту керектігі туралы ескерту керек.

Нұсқаулықта көрсетілмеген.

Албендазол өз метаболизміне жауапты Р450 цитохромының бауыр ферменттерін индукциялайды. Албендазолдың тиімділігін төмендетуі мүмкін препараттар (дозаны өзгерту немесе препаратты ауыстыру қажет болуы мүмкін): • Құрысуға қарсы препараттар, мысалы, фенитоин, фосфенитоин, карбамазепин, фенобарбитал, примидон • Левамизол • Ритонавир Албендазолдың белсенді метаболитінің деңгейлерін арттыруы мүмкін препараттар (албендазолдың жағымсыз әсерінің ықтимал артуына мониторинг жүргізу қажет): • Циметидин • Дексаметазон (ұзақ қолдану албендазол деңгейінің 50%-ға жоғарылауына әкеледі) • Празиквантел Грейпфрут шырыны сонымен қатар албендазол сульфоксидінің плазмалық деңгейін жоғарылатады. Р450 цитохромының белсенділігінің ықтимал өзгеруі нәтижесінде орын алуы мүмкін басқа да өзара әрекеттесулер – келесі препараттармен өзара әрекеттесудің теориялық қаупі бар: • Пероральді ұрықтануға қарсы дәрілер • Антикоагулянттар • Пероральді гипогликемиялық дәрілер • Теофиллин Албендазолды жоғарыда аталған препараттарды қабылдайтын пациенттерге тағайындағанда сақ болу керек.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 250С-ден аспайтын температурада сақтау керек. Балалардың қолы жетпейтін жерде сақтау керек!