Гельминтокс суспензия 125 мг/2,5 мл

100 мл суспензияның құрамында белсенді зат - 14,42 г пирантел эмбонаты (5,0 г пирантелге шаққанда) қосымша заттар: сұйық кристалданатын сорбитол, глицерин, полисорбат 80, соя лецитині, повидон, сусыз лимон қышқылы, натрий бензоаты (Е 211), силиконды эмульсия, қара қарақат/карамель хош иістендіргіші (ванилин, диацетил қоспасының 7% (көлемге көлем) ерітіндісі, бензой альдегиді, лактондар, ионондар, ішінара детерпенацияланған лимон эфир майы, қара қарақат бүршіктерінен алынған экстракті және пропиленгликольдегі қара қарақат алколяты), алюминий және магний силикаты, тазартылған су. Сыртқы түрінің, иісінің, дәмінің сипаттамасы Ақшыл-сары түсті гомогенді суспензия. Тұнба түзілуі байқалуы мүмкін. Қолмен шайқағанда бөлшектер суспензияға қайтадан жеңіл ауысады.

Гельминтокс 125 мг/2,5 мл, ішуге арналған суспензиясы ересектер мен балаларда қолданылады: - аскаридозда - энтеробиозда (острицалардың жұғуы) - анкилостомозда

Гельминтке қарсы препарат, өзіне сезімтал гельминттердің жүйке-бұлшықет блокадасын туындатады және зақымданған ішек құрттардың көшуін қоздырусыз және стимуляциялаусыз, олардың шығып кетуін қамтамасыз етеді. Ішек саңылауында жетілген және жетілмеген сезімтал гельминттердің еркегіне де, ұрғашысына да қарсы тиімді. Острицалар (Enterobius vermicularis), аскаридалар (Ascaris lumbricoides), анкилостомалар (Ankylostoma duodenale және Necator americanus) тудыратын инвазиялар кезінде тиімді.

Дозалау режимі 1 мл суспензияның құрамында 50 мг пирантел бар, 1 өлшеуіш қасықта (2,5 мл) 125 мг пирантел болады. Энтеробиоз және аскаридоз Әдеттегі дозасы бір реттік дозасы түрінде 10 мг/кг-ден 12 мг/кг дейін құрайды, яғни: - балаларға: 10 кг-ге 1 өлшеуіш қасық бір рет. - салмағы 75 кг-ден аз ересектерге: бір қабылдауға 6 өлшеуіш қасық - салмағы 75 кг-ден асатын ересектерге: бір қабылдауға 8 өлшеуіш қасық Энтеробиоз кезінде паразиттерді түбегейлі жою мақсатында қатаң гигиеналық шараларды қолдану, сондай-ақ, отбасы мүшелерін емдеу қажет. Қайталап жұқтырудың алдын алу үшін, екінші дозасын алғашқысынан кейін 3 аптадан соң қабылдау ұсынылады. Анкилостомоз Эндемия аймақтарында, Necator americanus жұқтырған жағдайда немесе Ankylostoma duodenale ауыр түрін жұқтырған жағдайда, дозасы екі-үш күн бойы күніне 20 мг/кг (1 немесе 2 қабылдауға) құрайды, яғни: - балаларға: әр 10 кг салмаққа күніне 2 өлшеуіш қасық - салмағы 75 кг-ден аздарға: бір қабылдауға 12 өлшеуіш қасық - салмағы 75 кг-ден асатындарға: бір қабылдауға 16 өлшеуіш қасық Эндемия аймақтарынан тыс Ankylostoma duodenale жұқтырған жағдайда (жеңілірек өтеді) бір қабылдауға 10 мг/кг дозада тағайындайды. Енгізу әдісі және жолы Ішке. Суспензияны қолданар алдында шайқау керек. Қабылдау уақытының көрсетілуімен қолдану жиілігі Гельминтоксты алдын ала іш жүргізетін дәрілер қабылдамастан, тәуліктің кез келген уақытында қабылдауға болады, ашқарынға қабылдау міндетті емес. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Осы дәрілік препаратты әрдайым осы нұсқаулықта сипатталғандай, немесе дәрігердің немесе фармацевтің ұсынымдарымен дәл қабылдаңыз.

- әсер етуші заттарға немесе қосымша заттардың кез келгеніне аса жоғары сезімталдық - жержаңғаққа немесе сояға аса жоғары сезімталдық - 6 айға дейінгі балалар

Сирек - асқазан-ішек жолдарының бұзылуы (анорексия, жүрек айну, құсу, іштің ауыруы, диарея) - бауыр трансаминазалары белсенділігінің елеусіз қысқа мерзімді жоғарылауы Белгісіз - бас ауыруы, бас айналуы, астения, тері бөртпесі, ұйқының бұзылуы. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті "Дәрілік заттар мен медициналық бұйымдарды сараптау ұлттық орталығы" ШЖҚ РМК http://www.ndda.kz

Сіңу жылдамдығы шамалы болғандықтан, плазмадағы концентрация төмен болып қала береді. Симптомдары: ас қорытудың аздаған бұзылыстары және орталық жүйке жүйесі тарапынан өтпелі бұзылыстар (астения, бас айналуы, бас ауыруы) болуы мүмкін. Артық дозалануы кейде бауыр трансаминазаларының (аспартатаминотрансферазаның) артуына алып келеді. Емі: арнайы антидоты жоқ. Тез арада асқазанды шаю, сондай-ақ тыныс алу және жүрек-қантамыр функцияларына мониторинг жүргізу ұсынылады.

Бауыр аурулары болған жағдайда дәрігерге ескерту қажет. Бауыр жеткіліксіздігі жағдайында дозасын азайтады. Энтеробиоз: қайталап жұқтыруды болдырмас үшін, тазалық ережелерін қатаң сақтау қажет: анус аймағын күнделікті жуу, қолды жуу, тырнақтарды алу және тазалау, шат аймағын қасуға жол бермеу, төсек жабдықтарын және іш киімді үнемі ауыстырып отыру. Барлық отбасы мүшелерін бір мезгілде емдеу ұсынылады. Жұқтыру көбіне ешқандай симптомдармен көрініс бермеуі мүмкін. Бұл препараттың құрамында әр өлшеуіш қасығында 5,9 мг натрий бензоаты бар. Альбуминнен ығысқаннан кейін билирубинемияның артуы неонатальді сарғаюды күшейтуі мүмкін, ол ядролық сарғаюға ұласуы мүмкін (ми тініндегі конъюгацияланбаған билирубин шөгінділері). Бұл препараттың құрамында әр өлшеуіш қасығында 1,3 г сорбитол бар. Сорбитол асқазан-ішек жайсыздығын және аздаған іш жүргізетін әсер тудыруы мүмкін. Құрамында сорбит бар өнімдерді (немесе фруктозаны) бір мезгілде қабылдаудың, және сорбитолды (немесе фруктозаны) тамақпен бірге қабылдаудың аддитивтік әсерін ескеру керек. Пероральді қолдануға арналған дәрілік заттардың құрамында сорбиттің болуы бір мезгілде қабылданатын, пероральді қолдануға арналған басқа дәрілік заттардың биожетімділігіне ықпал етуі мүмкін. Тұқым қуалайтын фруктоза жақпаушылығы бар пациенттерге бұл препаратты қолдануға болмайды. Бұл препараттың құрамында соя лецитині бар. Жержаңғаққа немесе сояға аллергиясы бар пациенттер бұл дәрілік препаратты пайдаланбауы тиіс. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Жүктілік кезінде аса қажет жағдайда ғана, шарана үшін пайдасы/қаупі арақатынасын дәрігер анықтайтын мұқият бағалаудан кейін қатаң көрсетілімдер бойынша қолдану және ұсынылған дозаларды қатаң ұстану керек. Егер емделу кезінде Сіз жүкті екеніңізді байқасаңыз, дәрігерге жүгініңіз, өйткені тек ол ғана емді жалғастыру қажеттілігі жөнінде мәселені шеше алады. Зерттеулердің жеткіліксіздігіне байланысты, аса қажет болған жағдайларды қоспағанда, препаратты бала емізу кезеңінде пайдаланбаған дұрыс.

Қазіргі сәтте қолда бар деректер клиникалық тұрғыдан маңызды өзара әрекеттесулерін көрсетпейді. Арнайы сақтандыру

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25ºС-ден аспайтын температурада сақтау керек. Балалардың қолы жетпейтін жерде сақтау керек!