ГЕМТЕРО лиофилизат 200 мг

Бір құтының ішінде, миллиграммен Белсенді зат - Гемцитабин гидрохлориді 227.6 немесе 1138.0 (гемцитабинге баламалы) (200.00) (1000.0) Қосымша заттар: маннитол, натрий ацетаты тригидраты, натрий гидроксиді, хлорсутек қышқылы, инъекцияға арналған су. Сыртқы түрінің, иісінің, дәмінің сипаттамасы Нығыздалған масса түріндегі ақ немесе ақ дерік түсті лиофилизацияланған ұнтақ. Қалпына келтірілген ерітінді: мөлдір, ішінде көзге көрінетін бөлшектер жоқ, түссіз дерлік ерітінді.

• цисплатинмен біріктіріп қуықтың жергілікті таралған немесе метастаздық обырында • ұйқы безінің жергілікті таралған немесе метастаздық аденокарциномасы • өкпенің жергілікті таралған немесе метастаздық ұсақ жасушалы емес обырында бірінші желідегі ем ретінде цисплатинмен біріктірілімде, сондай-ақ, егде жастағы пациенттерде немесе ДДҰ шкаласы бойынша жағдайы 2 деп бағаланған пациенттерде монотерапия режимінде • платина препараттарымен (карбоплатинмен біріктірілімде) бірінші желідегі ем аяқталғаннан кейін кемінде 6 айдан кейін дамыған аналық бездің жергілікті-кең таралған немесе метастаздық эпителиялық карциномасының қайталануында, тағайындауға қарсы көрсетілімдер болмағанда антрациклиндер қосылған неоадъюванттық және/немесе адъюванттық емдеу жүргізгеннен кейін паклитакселмен біріктірілген емдеудің құрамында, сүт безінің операция жасалмайтын, жергілікті қайталанатын немесе метастаздық обырында

Жасушалық дақылдардағы цитоуыттық белсенділігі Гемцитабин тышқандар мен адамның көптеген ісік жасушаларына қарсы елеулі цитоуытты әсерлерін көрсетеді. Оның әсері циклоспецификалы болып табылады, негізінен жасушаларды өлтіреді, ДНҚ синтезінде (S-фаза) және белгілі бір жағдайларда, сондай-ақ G1/S. In vitro фазалар шекарасының түйіскен жерінде жасушалардың өсуін тежейді. Клиникаға дейінгі модельдердегі ісікке қарсы белсенділік Жануарлардың ісіктері үлгілерінде гемцитабиннің ісікке қарсы белсенділігі препаратты жіберу кестесіне байланысты болады. Гемцитабинді күн сайын жібергенде жануарлар арасында ең төменгі ісікке қарсы белсенділігі бар өлім-жітім байқалады. Дегенмен, гемцитабинді енгізу әрбір үшінші немесе төртінші күні тағайындалатын болса, оны тышқандардың кең спектрлі ісіктеріне қарсы ісікке қарсы елеулі белсенділігі бар өліммен аяқталмайтын дозаларда салуға болады. Әсер ету механизмі Жасушалық метаболизм және әсер ету механизмі: Гемцитабин (dFdC) дифосфатты (dFdCDP) және үшфосфатты (dFdCTP) нуклеозидтердің пайда болуымен нуклеозидкиназа әсерінен жасуша ішінде метаболизденеді. Гемцитабиннің цитоуыттық әсері дифосфатты және үщфосфатты нуклеозидтердің құрама әсерінен туындайды, бұл ДНҚ синтезін бәсеңдетеді. Біріншіден, дифосфатты нуклеозидтер ДНҚ синтезіне қажетті дезоксинуклеозидтрифосфаттардың түзілу реакцияларын катализдейтін рибонуклеотидредуктазаны тежейді. Дифосфатнуклеозидтер тарапынан осы ферментті тежеу салдарынан дезоксинуклеотидтер, оның ішінде dCTP концентрациясы төмендейді. Екіншіден, dFdCTP ДНҚ құрылғанда dCTP-мен бәсекелеседі (өзін-өзі потенциялау). Гемцитабиннің аз мөлшері РНҚ-ға енгізілуі мүмкін. Осылайша, dCTP жасушаішілік концентрациясы ДНҚ-да dFdCTP қосылуын потенциялайды. ДНК-полимеразаның эпсилоны гемцитабинді жоюға және өсіп келе жатқан ДНК жіпшелерін қалпына келтіруге қабілетті емес. Гемцитабин ДНҚ-ға қосылғаннан кейін, өсіп келе жатқан ДНҚ тізбегіне тағы бір нуклеотид қосылады. Осыдан кейін ДНҚ синтезінде (тізбектің жасырын аяқталуы) толық тежелу болады. ДНҚ-ға гемцитабин қосылғаннан кейін, апоптоз ретінде белгілі жасушалардың бағдарламаланған өлу процесін индукциялайды. Клиникалық деректер Қуық обыры Асқынған немесе метастаздық уротелийлік карциноманың "өтпелі" жасушалары бар 405 пациенттің ІІІ фазасын рандомизациялап зерттеу емдеудің екі тобы арасында, гемцитабин / цисплатин арасында винбластинмен / адриамицинмен / цисплатинмен (MVAC) метотрексатпен салыстырғанда орташа өміршеңдік (тиісінше 12,8 және 14,8 ай, p = 0,547), аурудың өршу уақыты (тиісінше 7,4 және 7,6 ай, p = 0,882) және аурудың асқыну жиілігі (тиісінше 7,4 және 7,6 ай, p = 0,882), жауап беру жиілігі (тиісінше 49,4% және 45,7%, p = 0,512) тұрғысынан ешқандай айырмашылық анықталған жоқ. Дегенмен, гемцитабин мен цисплатиннің комбинациясында MVAC қарағанда уыттылықтың ең жақсы бейіні бар. Ұйқыбезі обыры Ұйқыбездің үдемелі немесе метастаздық обыры бар 126 пациенттің III фазасын рандомизациялап зерттеу гемцитабин 5-фторурацилден (тиісінше 23,8% және 4,8%, р = 0,0022) қарағанда жауаптың статистикалық мәнді жоғары клиникалық тиімділігін көрсетті. Бұдан басқа, 0,9-тен 2,3 айға дейінгі уақыттың статистикалық мәнді ұзаруы (p <0,0002 логрангтық критерий) және 4,4-тен 5,7 айға дейін тірі қалу медианасын мәнді статистикалық ұзару (логрангтық критерий p <0,0024) 5-фторурацил қабылдаған пациенттермен салыстырғанда гемцитабин алған пациенттерде байқалды. Өкпенің ұсақжасушалы емес обыры Операция жасауға болмайтын, жергілікті таралған немесе метастаздық ӨҰЖЕО бар 522 науқасты рандомизациялап зерттеудің III фазасында цисплатинмен бір берілетін гемцитабин тек цисплатинге қарағанда (тиісінше, 31,0% және 12,0%, р <0,0001) статистикалық маңызды жоғары жауап жылдамдығын көрсетті. 3,7 - ден 5,6 айға дейін (логрангтық критерий, р <0,0012 ) үдеу уақытының статистикалық мәнді ұзаруы және 7,6 айдан 9,1 айға дейін тірі қалу медианасының статистикалық мәнді ұзарғаны (p <0,004 логрангиялық критерийі) цисплатин алған пациенттермен салыстырғанда гемцитабинмен / цисплатинмен ем алған пациенттерде байқалды. Басқа рандомизацияланған зерттеудің III фазасында IIIB немесе IV сатылы ӨҰЖЕО бар 135 пациентте гемцитабин мен цисплатинді комбинациялау цисплатин мен этопозидты комбинациялағанға қарағанда (тиісінше 40,6% және 21,2%, р = 0,025) статистикалық маңызды өте жоғары жауап жиілігін көрсетті. 4,3-тен 6,9 айға дейін (p = 0,014) үдеу уақытының статистикалық мәнді ұзарғаны этопозид / цисплатин алған пациенттермен салыстырғанда гемцитабин / цисплатин алған пациенттерде байқалды. Екі зерттеуде емдеудің екі тобында дәрінің жағуы ұқсас болғаны анықталды. Аналық без карциномасы Платина негізіндегі емдеу аяқталғаннан кейін кемінде 6 айда рецидивтер болған, аналық бездің үдемелі эпителийлік карциномасы бар 356 пациентті рандомизацияланған зерттеудің ІІІ фазасында гемцитабинмен және карбоплатинмен (GCb), немесе карбоплатинмен (Cb) емдеуге кездейсоқ іріктеп алынды. 5,8-ден 8.6 айға дейін аурудың үдеу уақытының мәнді статистикалық ұзарғаны Cb алған науқастармен салыстырғанда GCb алған науқастарда байқалды. GCB тобында 47,2% жауап жиілігінің айырмашылықтары 30,9% қарсы Cb тобында (p = 0,0016) және 18 айдың (GCb) орташа өміршеңдігі 17,3 (Cb) (p = 0,73) қарсы GCb тобының пайдасына дәлелденді. Сүт безінің обыры Паклитакселмен қатар гемцитабинмен жүргізілген адъюванттық / неоадъюванттық химиотерапиядан кейін рецидиві бар, сүт безінің операция жасауға болмайтын, жергілікті қайталанатын немесе метастаздық обыры бар 529 пациентті рандомизацияланған зерттеудің III фазасында паклиталсел алған пациенттермен салыстырғанда гемцитабин/паклтитаксел алған пациенттерде 3,98 айдан 6,14 айға дейін аурудың құжатталған үдеуіне дейінгі уақыттың (логрангтық критерий, p = 0,0002) статистикалық елеулі ұзарғанын көрсетті. 377 өлімнен кейін жалпы тірі қалу 15,8 айға қарсы 18,6 айды құрады (логрангтық критерий p = 0,0489, рискілер қатынасы 0,82), паклитаксел алған пациенттермен салыстырғанда, гемцитабин / паклитаксел алған пациенттерде жауаптың жалпы жиілігі тиісінше 41,4% және 26,2% (p = 0,0002) құрады.

Дозалау режимі ГЕМТЕРО ісікке қарсы химиотерапия жүргізуде тәжірибесі бар дәрігердің бақылауымен енгізілуі тиіс. Қуық обыры Біріктірілімде қолдану Гемцитабин дозасы 1000 мг/м2 құрайды және 30 минут бойына вена ішіне тамшылатып енгізіледі. Препарат цисплатинмен біріктірілімде әр 28 күндік курстың 1, 8 және 15-ші күндерінде енгізілуі керек. Цисплатин 70 мг/м2 дозада әр 28 күндік курстың 1-ші және 2-ші күндерінде гемцитабин инфузиясынан кейін бірден енгізіледі. Содан кейін бұл төрт апталық курс қайталанады. Пациентте дамыған уыттылық дәрежесіне қарай ГЕМТЕРО дозасы келесі емдеу курстарында немесе басталған курста азайтылуы мүмкін. Ұйқы безінің обыры Ұсынылатын доза 1000 мг/м2 құрайды және 30 минут бойына вена ішіне тамшылатып енгізіледі. Қабылдауды әр апта сайын 7 аптаға дейін бір рет қайталау керек, содан кейін бір апталық үзіліс жасау керек. Кейінгі циклдар 4 аптаның 3 аптасында апта сайын бір рет бір ізді енгізулерден тұруы керек. Пациентте дамыған уыттылық дәрежесіне қарай ГЕМТЕРО дозасы келесі емдеу курстарында немесе басталған курста азайтылуы мүмкін. Өкпенің ұсақ жасушалы емес обыры Монотерапия Ұсынылатын доза 1000 мг/м2 құрайды, 30 минут бойы вена ішіне тамшылатып енгізіледі. Қабылдауды 3 апта бойы апта сайын бір рет қайталау керек, содан кейін бір апталық үзілісті жасау керек. Содан кейін осы төрт апталық цикл қайталанады. Пациентте дамыған уыттылық дәрежесіне қарай гемцитабин дозасы келесі емдеу курстарында немесе басталған курста азайтылуы мүмкін. Біріктірілімде қолдану Ұсынылатын доза- емдеу циклінің 1 және 8 күндерінде (21 күн) 30 минут бойы вена ішіне тамшылатып енгізілетін дене беткейіне 1250 мг/м2 құрайды. Пациентте дамыған уыттылық дәрежесіне қарай гемцитабин дозасы келесі емдеу курстарында немесе басталған курста азайтылуы мүмкін. Цисплатин әр 3 апта сайын бір рет енгізілетін 75-100 мг/м2 дозада қолданылады. Сүт безінің обыры Біріктірілімде қолдану Паклитаксел 21 күндік курстың 1-ші күні 3 сағат бойы вена ішіне 175 мг/м2 дозада енгізіледі. Гемцитабин паклитакселден кейін 21 күндік курстың 1-ші және 8-ші күндерінде вена ішіне 30 минут бойы 1250 мг/м2 дозада енгізіледі. Пациентте дамыған уыттылық дәрежесіне қарай гемцитабин дозасы келесі емдеу курстарында немесе басталған курста азайтылуы мүмкін. Гемцитабин мен паклитакселді біріктіріп енгізер алдында гранулоциттердің абсолютті саны 1500 (х 106/л) кем болмауы тиіс. Аналық бездің обыры Біріктірілімде қолдану Карбоплатинмен біріктірілімде қолданған кезде гемцитабинді әр 21 күндік курстың 1-ші және 8-ші күндерінде 30 минут бойы вена ішіне инфузия түрінде 1000 мг/м2 дозада енгізу ұсынылады. Карбоплатин гемцитабиннен кейін курстың 1-ші күнінде 4 мг/мл / мин дозада қолданылады. Пациентте дамыған уыттылық дәрежесіне қарай гемцитабин дозасы келесі емдеу курстарында немесе басталған курста азайтылуы мүмкін. Уыттылықты мониторингтеу және уыттылыққа байланысты препараттың дозасын өзгерту Гематологиялық емес уыттылық симптомдары анықталған кезде дозаны өзгерту Гематологиялық емес уыттылықты анықтау үшін науқасты үнемі тексеріп, бауыр мен бүйрек функциясын бақылау қажет. Пациентте дамыған уыттылық дәрежесіне қарай ГЕМТЕРО дозасы келесі емдеу курстарында немесе басталған курста азайтылуы мүмкін. Емдеуші дәрігердің шешімі бойынша ауыр гематологиялық емес уыттылық (3 немесе 4 дәреже) дамыған кезде жүрек айнуын немесе құсуды қоспағанда, гемцитабинмен емдеуді тоқтата тұру немесе препараттың дозасын төмендету керек. Дәрігер уытты әсер тоқтады деп шешкенге дейін препаратты қабылдауды тоқтата тұру керек. Гемцитабинмен біріктіріп енгізу кезінде цисплатин, карбоплатин немесе паклитаксел дозалары өзгергенде осы дәрілік заттарды медициналық қолдану жөніндегі нұсқаулығын басшылыққа алу қажет. Гематологиялық уыттылық симптомдары анықталған кезде дозаны өзгерту Курстың басталуы Қолдану көрсетімдеріне қарамастан, ГЕМТЕРО препаратының әрбір дозасын енгізер алдында тромбоциттер мен қан гранулоциттерінің деңгейін бақылау жүргізілуі тиіс. Кезекті курсты бастамас бұрын пациенттерде гранулоциттердің абсолютті саны 1500-ден (х 106/л) және тромбоциттер саны 100000-нан (х 106/л) төмен болмауы тиіс. Курс барысында Цикл барысында гемцитабин дозаларын өзгерту келесі кестелерге сәйкес жүргізілуі тиіс: Монотерапияда немесе цисплатинмен біріктірілімде енгізілетін ГЕМТЕРО препаратының дозасын қуық обырын, өкпенің ұсақ жасушалы емес обырын және ұйқы безі обырын емдеу курсында өзгерту Гранулоциттердің абсолютті саны (x106 / л) — Тромбоциттер саны (x106 / л) — Гемцитабин стандартты дозасының пайызы (%) >1 000 — және — >100 000 — 100 500-1 000 — немесе — 50 000-100 000 — 75 <500 — немесе — <50 000 — Енгізуді кейінге қалдыру * * Басталған цикл кезінде тоқтатылған ем гранулоциттердің абсолютті саны кем дегенде 500 (х 106/л) жеткенге дейін және тромбоциттер саны 50000 (х 106/л) жеткенге дейін қайта басталмайды. Сүт безінің обыры кезінде паклитакселмен біріктірілімде енгізілетін ГЕМТЕРО дозасын өзгерту Гранулоциттердің абсолютті саны (x106 / л) — Тромбоциттер саны (x106 / л) — Гемцитабин стандартты дозасының пайызы (%) ≥1 200 — және — >75 000 — 100 1 000-<1 200 — немесе — 50 000-75 000 — 75 700-<1 000 — және — ≥ 50 000 — 50 <700 — немесе — <50 000 — Енгізуді кейінге қалдыру * * Тоқтатылған ем басталған курс ішінде қайта басталмайды. Емдеу гранулоциттердің абсолютті саны кем дегенде 1500 (х 106/л) жеткенде және тромбоциттер саны 100.000 (х 106/л) жеткенде келесі курстың 1 күнінен бастап қайта басталады. Аналық бездің обыры кезінде карбоплатинмен бірге енгізілген ГЕМТЕРО дозасының өзгеруі Гранулоциттердің абсолютті саны (х 106/л) — Тромбоциттер саны( 1 мкл) — алдыңғы дозадан % >1 500 — және — ≥100 000 — 100 1 000–1 500 — немесе — 75 000-100 000 — 50 <1 000 — немесе — <75 000 — Енгізуді кейінге қалдыру * * Тоқтатылған ем басталған курс ішінде қайта басталмайды. Емдеу гранулоциттердің абсолютті саны кем дегенде 1500 (х 106/л) жеткенде және тромбоциттер саны 100.000 (х 106/л) жеткенде келесі курстың 1 күнінен бастап қайта басталады. Барлық көрсетімдер үшін келесі курстарда гематологиялық уыттылыққа байланысты дозаның өзгеруі ГЕМТЕРО дозасы гематологиялық уыттылықтың мынадай белгілері болғанда бастапқы стартты дозадан 75% - ға дейін азайтылуы тиіс: • 5 күннен аса гранулоциттердің абсолютті саны <500х106 / л • 3 күннен аса гранулоциттердің абсолютті саны <100х106/л • Фебрильді нейтропения • Тромбоциттер < 25.000 x 106 / л • Уыттылыққа байланысты емдеу курсының басталуының бір аптадан аса кешігуі Пациенттердің ерекше топтары Бүйрек немесе бауыр жеткіліксіздігі бар пациенттер Пациенттердің осы санатында препаратты қолдану бойынша клиникалық зерттеулердің жеткілікті деректерінің болмауына байланысты бүйрек немесе бауыр жеткіліксіздігі бар пациенттерде ГЕМТЕРО препаратын сақтықпен қолдану керек. Егде жастағы пациенттер (65 жастан асқан) Барлық пациенттер үшін ұсынылатындардан басқа егде жастағы пациенттерде ГЕМТЕРО дозасын түзету қажеттілігін көрсететін деректер жоқ. Балалар мен жасөспірімдер (18 жасқа толмаған) ГЕМТЕРО препаратын пациенттердің осы популяциясында препараттың қауіпсіздігі мен тиімділігі туралы ақпараттың жеткіліксіз болуына байланысты 18 жасқа дейінгі балалар мен жасөспірімдерге тағайындау ұсынылмайды. Қолдану тәсілі Гемцитабиннің инфузия кезінде жағымдылығы жақсы және оны амбулаториялық енгізуге болады. Экстравазация жағдайында инфузияны дереу тоқтатып, басқа қантамырларын қолдана отырып, қайта бастау керек. Препаратты енгізгеннен кейін пациент бақылауда болуы керек. Инфузияға арналған ерітінді дайындау бойынша ұсыныстар Еріткіш ретінде консерванттарсыз натрий хлоридінің тек 0,9% ерітіндісі қолданылады. Инфузияға арналған ерітінді дайындау үшін 200 мг құтының ішіндегісі кемінде 5 мл – де, және 1 г кемінде 25 мл 0,9% инъекцияға арналған натрий хлориді ерітіндісінде ерітіледі. Инфузияға арналған ерітіндіні дайындаған кезде еріткіш құтының қабырғасы арқылы баяу қосылуы керек. Әрбір құты лиофилизат толығымен ерігенге дейін ақырын шайқалады. Алынған ерітінді мөлдір болуы керек. ГЕМТЕРО ең жоғары концентрациясы 40 мг/мл-ден аспауы керек. 40 мг/мл-ден жоғары концентрацияда дайындалған ерітінділер толық ерімеумен қатар жүруі мүмкін. Препараттың қажетті дозасы бар дайындалған ГЕМТЕРО ерітіндісі енгізер алдында 30 минуттық вена ішіне инфузия үшін жеткілікті мөлшерде инъекцияға арналған 0,9% натрий хлориді ерітіндісімен сұйылтылады. Парентеральды енгізуден бұрын дайындалған ерітіндіде механикалық қоспалардың бар-жоғы мен түстің өзгеруін көзбен шолып, тексеру қажет. Пайдаланылмаған ерітінді цитоуытты дәрілік препараттармен қауіпсіз жұмыс істеу жөніндегі нұсқаулыққа сәйкес утилизациялануы тиіс.

• гемцитабинге немесе кез-келген қосымша заттарға жоғары сезімталдық • жүктілік және лактация кезеңі • балалар мен 18 жасқа дейінгі жасөспірімдер

Гемцитабинмен емдеу кезінде анағұрлым жиі кездесетін жағымсыз реакциялар құсумен немесе онсыз жүретін жүрек айнуын; бауыр трансаминазалары (АСТ/АЛТ) мен сілтілік фосфатаза деңгейінің жоғарылауын (шамамен 60% пациентте тіркелген); протеинурия және гематурияны (50% пациентте); ентігуді (10 - 40% жағдай) (аталған реакциялардың ең үлкен жиілігі өкпе обыры бар науқастарда байқалады); қышынумен қатар жүретін аллергиялық тері бөртпелерін (10% пациентте) қоса, аллергиялық тері бөртпелерін (25% пациентте) қамтиды. Жағымсыз реакциялардың жиілігі мен ауырлығы препараттың дозасына, инфузия жылдамдығына және енгізулер арасындағы аралықтарға байланысты. Дозаны шектейтін жағымсыз реакциялар: тромбоциттер, лейкоциттер және гранулоциттер санының азаюы болып табылады Бірлі-жарым жағдайлардан гөрі жиірек кездесетін жағымсыз реакциялар келесі градацияға сәйкес келтірілген: өте жиі (≥10%); жиі (≥1%, бірақ <10%); жиі емес (≥0,1%, бірақ <1%); сирек (≥0,01 %, бірақ <0,1%); өте сирек (<0,01%), белгісіз (қолда бар деректер негізінде бағалау мүмкін емес). Клиникалық зерттеулердің деректері бойынша Қан түзу және лимфа жүйесі тарапынан бұзылулар Өте жиі • лейкопения (3-ші дәрежелі нейтропения 19,3 %; 4-ші дәрежелі 6 %). Әдетте, сүйек кемігі функциясының жеңіл немесе орташа ауырлық дәрежесіндегі бәсеңдеуі байқалады және ол негізінен гранулоциттер санына әсер етеді. • тромбоцитопения • анемия Жиі • фебрильді нейтропения Өте сирек • тромбоцитоз • тромбоздық микроангиопатия Иммундық жүйе тарапынан бұзылулар Өте сирек • анафилактоидты реакциялар Инфекциялар мен инвазиялар Жиі - инфекциялар Белгісіз - сепсис Зат алмасу және тамақтану тарапынан бұзылулар Жиі • анорексия Жүйке жүйесі тарапынан бұзылулар Жиі • бас ауыруы • ұйқысыздық • ұйқышылдық Сирек • ми қанайналымының бұзылуы Өте сирек • қайтымды артқы энцефалопатия синдромы (ҚАЭС) Жүрек-қантамырлар жүйесі тарапынан бұзылулар Жиі емес • аритмия, негізінен суправентрикулярлы • жүрек жеткіліксіздігі Сирек • миокард инфарктісі Қантамырлар жүйесі тарапынан бұзылулар: Сирек • шеткері васкулит пен гангренаның клиникалық белгілері • гипотония Өте сирек • капиллярлар өткізгіштігінің жоғарылау синдромы Тыныс алу жүйесі тарапынан бұзылулар Өте жиі • ентігу – әдетте, емделусіз тез жойылатын жеңіл дәрежеде Жиі • жөтел • ринит Жиі емес • интерстициялық пневмония • бронх түйілуі - әдетте жеңіл дәрежеде және өтпелі сипатқа ие, бірақ парентеральды емдеуді қажет етуі мүмкін Сирек • өкпенің ісінуі • жедел респираторлық дистресс-синдромы Белгісіз • өкпе эозинофилиясы Ас қорыту жүйесі тарапынан бұзылулар Өте жиі • жүрек айнуы • құсу Жиі • диарея • стоматит және ауыз қуысының шырышты қабығының ойық жаралары • іш қату Өте сирек • ишемиялық колит Бауыр және өт шығару жолдары тарапынан бұзылулар Өте жиі • "бауыр" трансаминазалары (АСТ, АЛТ) мен сілтілі фосфатаза белсенділігінің артуы Жиі • билирубин концентрациясының жоғарылауы Жиі емес • өліммен аяқталатын бауыр жеткіліксіздігін қоса, ауыр дәрежедегі гепатоуыттылық Сирек • гамма-глутамилтрансфераза белсенділігінің жоғарылауы Тері және теріасты тіндері тарапынан бұзылулар Өте жиі • қышумен бірге жүретін терінің аллергиялық бөртпелері • алопеция Жиі • тері қышуы • қатты терлеу Сирек • десквамация мен буллезді бөртпелерді қоса, ауыр дәрежедегі тері реакциялары • ойық жара • күлдіреуіктер мен ойық жаралардың пайда болуы • терінің қабыршақтануы Өте сирек • уытты эпидермалық некролиз • Стивенс-Джонсон синдромы Белгісіз • псевдоцеллюлит • жедел жайылған экзантематозды пустулез Сүйек-бұлшықет жүйесі тарапынан бұзылулар Жиі • арқаның ауыруы • миалгия Несеп-жыныс жүйесі тарапынан бұзылулар Өте жиі • гематурия • жеңіл дәрежелі протеинурия Жиі емес • бүйрек жеткіліксіздігі • гемолиздік -уремиялық синдром Жалпы бұзылыстар және енгізген жердегі бұзылулар Өте жиі • тұмауға ұқсас синдромдар (ең жиі кездесетін симптомдар қызба, бас ауыруы, қалтырау, миалгия, астения және анорексия болды; сондай-ақ, жөтел, ринит, дімкәстік, терлеу және ұйқының бұзылуы жағдайлары туралы хабарланды) • ісіну / шеткері ісіну, соның ішінде беттің ісінуі (әдетте, емдеуді тоқтатқаннан кейін ісінудің басылуы байқалды); Жиі • қызба • астения, • қалтырау; Сирек • инъекция орнындағы реакция (әдетте, жеңіл дәрежеде). Жарақаттар, улану және емшаралардың күрделенуі Сирек • сәулелік уыттылық • сәулелік күюлердің қайта туындауы Сирек • өкпенің ісінуі, интерстициялық пневмонит, ересектердің респираторлық дистресс-синдромы (ЕРДС) • гемолиздік -уремиялық синдром (ГУС) • бауыр ферменттері концентрациясының жоғарылауы: аспартатаминотрансфераза (АСТ), аланинаминотрансфераза (АЛТ), сілтілі фосфатаза, гаммаглутамилтрансфераза (ГГТ), билирубин Өте сирек • жүрек жеткіліксіздігі • шеткері васкулит, гангрена, капиллярлар өткізгіштігінің жоғарылау синдромы (ҚАЭС) • десквамация және терінің буллезді зақымдануын қоса, ауыр дәрежелі тері реакциялары • қайтымды артқы энцефалопатия синдромы (ҚАЭС) Белгісіз • жедел жайылған экзантематозды пустулез Сүт безі обыры кезіндегі біріктірілген емдеу 3-ші және 4-ші дәрежелі гематологиялық уыттылықтың жиілігі, әсіресе нейтропения, гемцитабинді паклитакселмен бірге қолданғанда артады. Алайда, бұл жағымсыз реакциялар санының артуы инфекцияық аурулардың немесе геморрагиялық асқынулардың жоғарылауымен байланысты емес. Шаршау және фебрильді нейтропения гемцитабинді паклитакселмен бірге қолданғанда жиі кездеседі. Шаршау анемиямен байланысты емес және емдеудің бірінші циклінен кейін басылады. 3 және 4 дәрежелі жағымсыз құбылыстар Паклитаксел гемцитабинмен + паклитакселмен салыстырмалы Пациенттер саны (%) Паклитаксел (259 пациент) — Гемцитабин + паклитаксел (262 пациент) 3 дәреже — 4 дәреже — 3 дәреже — 4 дәреже Зертханалық көрсеткіштер Анемия — 5 (1,9) — 1 (0,4) — 15(5,7) — 3 (1,1) Тромбоцитопения — 0 — 0 — 14 (5,3) — 1 (0,4) Нейтропения — 11 (4,2) — 17(6,6) * — 82 (31,3) — 45 (17,2) * Зертханалық емес көрсеткіштер Фебрильді нейтропения — 3 (1,2) — 0 — 12(4,6) — 1 (0,4) Қажу — 3 (1,2) — 1 (0,4) — 15(5,7) — 2 (0,8) Диарея — 5 (1,9) — 0 — 8 (3,1) — 0 Қозғалыстық нейропатия — 2 (0,8) — 0 — 6 (2,3) — 1 (0,4) Сенсорлық нейропатия — 9 (3,5) — 0 — 14 (5,3) — 1 (0,4) * Ұзақтығы 7 күннен асатын 4 дәрежелі нейтропения біріктірілген емдеу тобындағы пациенттердің 12,6%-да және паклитакселмен емдеу тобындағы пациенттердің 5,0% - да байқалды. Қуықтың обыры кезіндегі біріктірілген емдеу 3 және 4 дәрежелі жағымсыз құбылыстар МВДЦ гемцитабинмен + цисплатинмен салыстырмалы Пациенттер саны (%) МВДЦ (метотрексат, винбластин, доксорубицин және цисплатин) (196 пациент) — Гемцитабин + цисплатин (200 пациент) 3 дәреже — 4 дәреже — 3 дәреже — 4 дәреже Зертханалық көрсеткіштер Анемия — 30 (16) — 4 (2) — 47 (24) — 7 (4) Тромбоцитопения — 15 (8) — 25 (13) — 57 (29) — 57 (29) Зертханалық емес көрсеткіштер Жүрек айну және құсу — 37 (19) — 3(2) — 44 (22) — 1 (0,4) Диарея — 15 (8) — 1 (1) — 6 (3) — 0 (0) Инфекциялар — 19 (10) — 10 (5) — 4 (2) — 1 (1) Стоматит — 34 (18) — 8 (4) — 2 (1) — 0 (0) Аналық без обыры кезіндегі біріктірілген емдеу 3 және 4 дәрежелі жағымсыз құбылыстар Карбоплатин гемцитабинмен + карбоплатинмен салыстырмалы Пациенттер саны (%) Карбоплатин (174 пациента) — Гемцитабин + карбоплатин (175 пациент) 3 дәреже — 4 дәреже — 3 дәреже — 4 дәреже Зертханалық көрсеткіштер Анемия — 10 (5,7) — 4 (2,3) — 39 (22,3) — 9 (5,1) Нейтропения — 19 (10,9) — 2 (1,1) — 73 (41,7) — 50 (28,6) Тромбоцитопения — 18 (10,3) — 2 (1,1) — 53 (30,3) — 8 (4,6) Лейкопения — 11 (6,3) — 1 (0,6) — 84 (48,0) — 9 (5,1) Зертханалық емес көрсеткіштер Қан кету — 0 (0,0) — 0 (0,0) — 3 (1,8) — (0,0) Фебрильді нейропатия — 0 (0,0) — 0 (0,0) — 2 (1,1) — (0,0) Нейтропениясыз инфекция — 0 (0) — 0 (0,0) — (0,0) — 1 (0,6) Біріктірілген емдеу тобындағы сенсорлық нейропатияның жиілігі карбоплатинмен монотерапия тобына қарағанда жоғары болды. Жағымсыз дәрілік реакциялар туындаған медициналық қызметкерге, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну керек. Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Гемцитабин үшін антидот белгісіз. Клиникалық жол берілетін уыттылық екі апта сайын 30 минут бойына вена ішіне 5,7 г/м2 дейін бір реттік дозаларды енгізгенде байқалды. Артық дозалануға күмән болған жағдайда, науқас қан формуласын есептеуді қоса, тұрақты дәрігерлік бақылауда болуы тиіс. Қажет болған кезде науқасқа симптоматикалық емдеу жүргізіледі.

Инфузияға арналған ерітінді дайындау бойынша ұсыныстар Инфузияға арналған ерітіндіні дайындау және утилизациялау кезінде цитоуытты дәрілермен жұмыс істеу үшін стандартты қауіпсіздік шаралары сақталуы тиіс. Инфузияға арналған ерітіндінінің орнын ауыстыру қауіпсіз бокста орындалуы тиіс; қорғаныс халаттары мен қолғаптарын қолдану қажет. Қауіпсіз бокс болмаған жағдайда жабдық қорғаныш маскамен және қорғаныш көзәйнектермен толықтырылуы тиіс. Препарат көзге түскен кезде қатты тітіркену пайда болуы мүмкін. Көзді сумен дереу және мұқият жуып-шаю керек. Егер тітіркену басылып болмаса, дәрігерге жүгіну керек. Ерітінді теріге тиген кезде теріні сумен жақсылап жуып шаю керек. 1. Еріткіш ретінде тек 0,9% натрий хлориді ерітіндісі (консерванттарсыз) қолданылады. 2. Ерітіндіні дайындау үшін в/і енгізуге арналған ерітінділерді дайындау талаптарын сақтау қажет. 3.Парентеральды енгізу алдында дайындалған ерітіндіде механикалық қоспалардың бар-жоғын және түсінің өзгерістерін көзбен шолып, тексеру қажет. Онда бөлшектер анықталған жағдайда, ерітіндіні енгізуге тыйым салынады. Утилизациялау Барлық қалған дәрілік препараттар мен қалдықтарды ұлттық заңнамада белгіленген талаптарға сәйкес жою керек. Арнайы сақтандырулар ГЕМТЕРО препаратымен емдеуді ісікке қарсы препараттармен емдеу бойынша тәжірибесі бар дәрігердің бақылауымен ғана жүргізуге болады. Препаратпен жұмыс істегенде цитоуытты препараттармен жұмыс істеудің жалпы қауіпсіздік ережелерін сақтау қажет. Инфузия ұзақтығы мен препаратты енгізу жиілігінің артуы уыттылықтың артуына әкеледі. Гематологиялық уыттылық ГЕМТЕРО лейкопения, тромбоцитопения және анемия түрінде көрініс табатын сүйек кемігінің белсенділігін тежеуі мүмкін. ГЕМТЕРО қабылдайтын пациенттер әр дозаны енгізер алдында тромбоциттер, лейкоциттер және гранулоциттер санына тексеруден өтуге тиіс. Препараттың әсерінен сүйек кемігі функциясының бәсеңдеуі анықталған жағдайда емдеудің дозалық режимін тоқтата тұру немесе өзгерту керек. Сүйек кемігі функциясының бәсеңдеуі қысқа мерзімді сипатқа ие және әдетте дозаны азайтуды қажет етпейді және емді тоқтатуға сирек әкеледі. Гемцитабин енгізуді тоқтатқаннан кейін шеткері қан көрсеткіштері нашарлауы мүмкін. Сүйек кемігінің функциясы әлсіреген пациенттерді емдеуді аса сақтықпен бастау керек. Басқа цитоуытты препараттарды қолдану сияқты, гемцитабинді химиотерапияның басқа түрлерімен бірге қолданғанда сүйек кемігі функциясының жинақталған бәсеңдеу қаупін ескеру қажет. Тері және тері астындағы шел аурулары Гемцитабинмен емдеуге байланысты өмірге қауіп төндіруі немесе өлімге әкелуі мүмкін Стивенс-Джонсон синдромын, уытты эпидермалық некролиз және жедел жайылған экзантематозды пустулезді қоса, терінің ауыр жағымсыз реакциялары туралы хабарланды. Пациенттер белгілер мен симптомдар туралы хабарлы болуы және тері реакцияларына мұқият бақылауда болуы тиіс. Осы реакцияларды білдіретін белгілер мен симптомдар пайда болған кезде гемцитабинді дереу тоқтату керек. Бауыр және бүйрек жеткіліксіздігі ГЕМТЕРО препараты пациенттердің осы популяциясында препараттың қауіпсіздігі мен тиімділігі туралы ақпарат жеткіліксіз болуына байланысты бауыр немесе бүйрек функциясы бұзылған пациенттерді емдеуде аса сақтықпен қолданылуы тиіс. Бауырдың қатар жүретін метастаздары немесе гепатиті бар, маскүнемдіктен зардап шегетін немесе анамнезінде бауыр циррозы бар пациенттерде ГЕМТЕРО қолдану бауыр функциясының бұзылуының асқынуына әкелуі мүмкін. Мезгіл-мезгіл бүйрек және бауыр функциясының зертханалық көрсеткіштерін (вирусологиялық тесттерді қоса) бағалау қажет. Қатар жүргізілетін сәулемен емдеу Қатар жүргізілетін сәулемен емдеу (гемцитабинді енгізумен бір мезгілде немесе емдеуді бастағанға дейін 7 күннен аз) сәулелік реакциялардың даму қаупін арттырады. Тірі вакциналар Гемцитабинмен емдеу кезінде сары безгекке қарсы вакцинаны және басқа тірі әлсіреген вакциналарды қолдану ұсынылмайды. Қайтымды артқы энцефалопатия синдромы Гемцитабинді монотерапия ретінде немесе біріктірілген химиотерапиямен бірге қабылдаған пациенттерде ықтимал ауыр салдары бар қайтымды артқы энцефалопатия синдромы (ҚАЭС) байқалды. ҚАЭС бар пациенттердің көпшілігінде гемцитабинді қолдану аясында артериялық қысымның жедел жоғарылауы мен құрысулар туралы хабарланды, алайда бұл синдром бас ауыруы, летаргия, сананың шатасуы және соқырлық түрінде де көрінуі мүмкін. Диагноз магнитті-резонансты томография (МРТ) арқылы сенімді түрде расталады. Әдетте, ҚАЭС тиісті емдік шараларды жүргізу кезінде қайтымды болады. Егер емдеу кезінде ҚАЭС дамитын болса, гемцитабинді қабылдауды толығымен тоқтатып, демеуші емді, соның ішінде артериялық қысымды бақылауды, сондай-ақ құрысуға қарсы емдеуді жүргізу қажет. Жүрек-қантамыр жүйесі Гемцитабинді қабылдаудан туындайтын жүрек және/немесе қантамыр бұзылуларының даму қаупіне байланысты, анамнезінде жүрек-қантамыр аурулары бар пациенттерді емдеу ерекше сақтықпен жүргізілуі тиіс Капиллярлар өткізгіштігінің жоғарылауы синдромы Гемцитабинді монотерапия ретінде немесе басқа химиотерапиялық препараттармен біріктірілімде қабылдаған пациенттерде капиллярлар өткізгіштігінің жоғарылауы синдромының (КӨЖС) дамығаны туралы хабарланды. Бұл синдром, диагноз ерте анықталған және тиісті ем тағайындалған кезде емделеді, дегенмен, өлімге соқтырған жағдайлар туралы да хабарланды. Бұл жағдай қантамырлар өткізгіштігінің жоғарылауымен және тамырішіндегі сұйықтық пен ақуыздардың интерстициялық кеңістікке өтуімен сипатталады. Клиникалық симптомдарға жайылған ісіну, дене салмағының жоғарылауы, гипоальбуминемия, ауыр гипотония, бүйректің жедел жеткіліксіздігі және өкпенің ісінуі кіреді. Капиллярлар өткізгіштігінің жоғарылауы синдромы дамыған жағдайда гемцитабинмен емдеуді тоқтатып, симптоматикалық емдеуді бастау керек. Емдеудің кешірек циклдарында туындайтын капиллярлар өткізгіштігінің жоғарылауы синдромы, әдебиет деректері бойынша ересектердегі респираторлық дистресс-синдроммен байланысты болуы мүмкін. Өкпе аурулары Кейбір жағдайларда ауыр болуы мүмкін өкпе асқынулары (өкпе ісінуі, интерстициялық пневмонит немесе ересектердегі респираторлық дистресс-синдромы (ЕРДС) сияқты) гемцитабинмен емдеу аясында дамуы мүмкін. Мұндай асқынулар дамыған кезде гемцитабинмен емдеуді тоқтату керек. Симптоматикалық емдеуді уақтылы жүргізу пациенттер жағдайын жақсартуға ықпал етуі мүмкін. Бүйрек аурулары Гемолиздік уремиялық синдром Гемцитабин қабылдаған пациенттердегі сирек жағдайларда (постмаркетингтік деректер) гемолиздік-уремиялық синдромға (ГУС) сәйкес келетін клиникалық деректер. Өмірге зор қауіп төндіретін жағдай болып табылатын гемолиздік уремиялық синдром (ГУС). Гемцитабинді енгізу қатар жүретін тромбоцитопениямен гемоглобин деңгейінің қарқынды түрде төмендеуі, билирубин, сарысу креатинині, қандағы мочевина азоты немесе ЛДГ деңгейінің жоғарылауы сияқты микроангиопатиялық гемолиздік анемияның алғашқы белгілері пайда болғанда тоқтатылуы тиіс. Емдеуді тоқтату бүйректің жедел жеткіліксіздігінің дамуын алдын-алу үшін жеткіліксіз болуы мүмкін, сондықтан, мұндай жағдайларда диализ жүргізу қажет болуы мүмкін. Натрий Дозасы 200 мг ГЕМТЕРО дәрілік препаратының әрбір құтысында 1 ммольден (23 мг) аз натрий, 1 г дозасы бар әрбір құтыда 1 ммольден (23 мг) аз натрий бар. Бұны препаратты натрий шектелген диетадағы пациенттерге тағайындағанда ескеру керек. Бала туу жасындағы әйелдер / ерлер мен әйелдердегі контрацепция Гемцитабиннің гендік уытты ықтималдығына байланысты, бала туу жасындағы әйелдер гемцитабинмен емдеу кезінде және емдеуді тоқтатқаннан кейін 6 ай ішінде контрацепцияның тиімді әдістерін қолдануы тиіс. Еркектерге контрацепцияның тиімді әдістерін қолдануды және гемцитабинмен емдеу кезінде және оны тоқтатқаннан кейін 3 ай ішінде балалы болмауды ұсыну керек. Жүктілік Жүкті әйелдерде гемцитабинді қолдану туралы жеткілікті деректер жоқ. Жануарларға жүргізілген зерттеулерде репродуктивті функцияға уытты әсер байқалды. Жануарларға жүргізілген зерттеулердің нәтижелері мен гемцитабиннің әсер ету механизмі негізінде бұл препаратты жүктілік кезінде айқын қажеттіліксіз қолдануға болмайды. Әйелдерге гемцитабинмен емделу кезінде жүктілікті болдырмау, егер бұл орын алған жағдайда, дереу емдеуші дәрігерге хабарлау ұсынылады. Лактация Гемцитабиннің емшек сүтімен бөлініп-бөлінбейтіні белгісіз және еметін балалар үшін жағымсыз әсерлерді жоққа шығаруға болмайды. Гемцитабинмен емделу кезінде бала емізуді тоқтату керек. Фертильділік Фертильділік зерттеулерінде гемцитабин аталық-тышқандарда гипосперматогенезді тудырды. Сондықтан гемцитабинмен ем қабылдайтын ер адамдарға емделу кезінде және одан кейін 3 ай бойы балалы болмау, сондай-ақ гемцитабинмен байланысты белсіздік ықтималдығына орай емдеуді бастамас бұрын шәуетті криоконсервациялау туралы қосымша ақпаратты алу ұсынылады. Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Гемцитабиннің автокөлік құралдарын және басқа механизмдерді басқару қабілетіне әсері туралы зерттеулер жүргізілген жоқ. Дегенмен, гемцитабиннің әсіресе алкогольмен бірге тұтынғанда айқындығы жеңілден орташа дәрежеге дейінгі ұйқышылдықты тудыруы мүмкін екені белгілі. Пациенттерге ұйқысы келгенде механизмдерді басқарудан сақтану керектігін ескерту керек.

Нұсқаулықта көрсетілмеген.

Өзара әрекеттесу бойынша арнайы зерттеулер жүргізілген жоқ Сәулемен емдеу Бір мезгілде (бірге немесе 7 күннен аз аралықпен) қолдану: осындай мультимодальді еммен астасқан уыттылық, көптеген түрлі факторларға байланысты: гемцитабиннің дозалары, гемцитабинді енгізу жиіліктері, сәулемен емдеудің дозалары, сәулемен емдеуді жоспарлау техникалары, сәуле берілетін тіннің типтері мен көлемдері. Клиникаға дейінгі және клиникалық зерттеулер, гемцитабиннің радиосенсибилизациялайтын әсерге ие екенін көрсетті. Гемцитабин 1000 мг/м2 дозада 6 апта бойы кеуде қуысының емдік сәулеленуімен бір мезгілде енгізген жалғыз зерттеуінде өкпенің ұсақ жасушалы емес обыры бар пациенттерде шырышты қабықтың ауыр және өмірге зор қауіп төндіретін қабынуы ретінде, негізінен эзофагит, сонымен қатар әсіресе, тіндерге көп сәуле қабылдайтын (сәулелену көлемінің медианасы 4795 см3) пациенттерде пневмонит түрінде айтарлықтай уыттылық тіркелді; Кейінірек жүргізілген зерттеулер (өкпенің ұсақ жасушалы емес обырының II фазалық зерттеулері) болжамды уыттылықпен қатар жүретін сәулемен емдеудің төмен дозаларында гемцитабинді енгізудің орындылығын көрсетті. Кеуде аймағын сәулемен емдеу (СОД 66 Гр) 6 апта ішінде 600 мг/м2 (4 енгізу) дозада гемцитабин және 80 мг/м2 (2 енгізу) дозада цисплатин химиотерапиясымен бір мезгілде жүргізілді. Сәулемен емдеудің емдік дозаларымен гемцитабинді қауіпсіз енгізудің оңтайлы режимі жаңа түзілімдердің барлық түрлері үшін әлі анықталған жоқ. Бірізді қолдану (7 күннен астам аралық): гемцитабинді сәулемен емдеуге дейін немесе одан кейін 7 күннен артық енгізген кезде сәулелік реакциядан басқа, уыттылықтың жоғарылауы тіркелген жоқ. Бұл деректер гемцитабинді сәулемен емдеуден бір апта кейін немесе сәулемен емдеудің жедел салдары басылғаннан кейін енгізуге болатынын көрсетеді. Гемцитабинді сәулелік емдеумен бір мезгілде қолданғанда және бірізді қолданғанда сәуле қолданылған тіндердің сәулелік зақымдануы (мысалы, эзофагит, колит және пневмонит) тіркелді. Басқалары Өлімге соқтыруы ықтимал жүйелі ауру қаупіне байланысты әсіресе, иммуносупрессиясы бар пациенттерде сары қызбаға қарсы тірі вакциналармен және басқа тірі вакциналармен бірге қолдану ұсынылмайды.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25°С-ден аспайтын температурада сақтау керек. Қалпына келтірілген ерітіндіні 25 ºС-ден аспайтын температурада 24 сағаттан асырмай сақтау керек. Мұздатып қатыруға болмайды. Балалардың қолы жетпейтін жерде сақтау керек!