ГЕНФЕРОН® суппозитории 55 мг + 1 000 000 МЕ + 10 мг

Бір суппозиторийдің құрамында белсенді заттар: адамның рекомбинантты альфа-2b интерфероны (арИФН- альфа2b) 500 000 ХБ, 1 000 000 ХБ, 0.010 г таурин, 0.055 г бензокаин, қосымша заттар: қатты май, декстран 60000, макрогол 1500, полисорбат 80, эмульгатор Т2, натрий гидроцитраты, лимон қышқылы, тазартылған су. Сыртқы түрінің, иісінің, дәмінің сипаттамасы Ұшы үшкір келген цилиндр түріндегі, ақ немесе сарғыш реңді ақ түсті, бөлінген жерінде біртекті суппозиторийлер. Бөлінген жерінде ауа стержені немесе шұңғыма тәрізді қуысқа жол беріледі.

Ересектерде урогенитальді жолдардың инфекциялық-қабынбалы аурулары кезінде кешенді ем құрамында: - генитальді герпесте - хламидиозда - уреаплазмозда - микоплазмозда - қынаптық кандидоздың қайталануында - гарднереллезде - трихомонозда - папилломавирусты инфекцияда - бактериялық вагинозда - жатыр мойнының эрозиясында - цервицитте - вульвовагинитте - бартолинитте - аднекситте - простатитте - уретритте.

Әсер ету механизмі ГЕНФЕРОН – біріктірілген препарат, әсері оның құрамына кіретін құрамдас бөліктеріне байланысты. Жергілікті және жүйелі әсер етеді. ГЕНФЕРОН препаратының құрамына гендік инженерия әдістерімен альфа-2b адам интерфероны гені енгізілген Escherichia coli бактериясы штаммынан өндірілетін адамның рекомбинантты альфа-2b интерфероны кіреді. Альфа-2b интерфероны вирусқа қарсы, иммуномодуляциялайтын, антипролиферативтік және бактерияға қарсы әсер етеді. Фармакодинамикалық әсерлері Альфа-2b интерферонның вирусқа қарсы әсері вирустар репликациясын тежейтін жасушаішілік ферменттер қатарын белсенділендірумен байланысты. Иммуномодуляциялайтын әсері ең алдымен иммундық жүйенің жасушалар арқылы реакциясын күшейтумен көрініс береді, ол вирустар, жасушаішілік паразиттер және, ісіктік трансформациясын өткерген жасушалар жөніндегі иммундық жауаптың тиімділігін жоғарылатады. Бұған CD8+ Т-киллерлерді, NK-жасушаларды (табиғи киллерлерді) белсенділендіру, В-лимфоциттер дифференцациялануын және олармен антиденелер өндірілуін күшейту, моноцитарлы-макрофагальді жүйе мен фагоцитозды белсендіру, сондай-ақ иммундық жүйе жасушаларының инфекция жұқтырған жасушаны тану ықтималдығын арттыратын 1 типті гистоүйлесімділіктің бас кешені молекулалары экспрессиясын жоғарылату есебінен қол жеткізіледі. Шырышты қабық құрамындағы лейкоциттердің белсенділігін интерферонның әсерімен белсендіру олардың патологиялық ошақты жоюға белсенді қатысуын қамтамасыз етеді және А иммунглобулині сөлінісінің өнімін қайта қалпына келуін қамтамасыз етеді. Бактерияға қарсы әсері интерферон әсерінен күшейетін иммундық жүйенің реакцияларына байланысты. Таурин метаболизмдік үдерістердің қалпына келуіне және тіндердің регенерациясына ықпал етеді, жарғашқа тұрақтандырушы және иммуномодуляциялайтын әсерге ие. Антиоксидант бола отырып, таурин артық жинақталуы патологиялық үдерістердің дамуына ықпал ететін оттегінің белсенді түрлерімен тікелей өзара байланысады. Препаратты қолданудың емдік әсерін күшейте отырып, таурин интерферонның биологиялық белсенділігінің сақталуына ықпал етеді. Бензокаин (анестезин) жергілікті анестетик болып саналады. Натрий иондары үшін жасуша жарғақшаларының өткізгіштігін азайтады, жарғақшаның ішкі беткейінде орналасқан рецепторлардан кальций иондарын ығыстырады. Сезімтал жүйке ұштарында ауыру импульстерінің пайда болуына және олардың жүйке талшықтары арқылы өтуіне кедергі болады. Жүйелі қан ағымында сіңбей тек қана жергілікті әсер етеді.

Дозалану режимі Әйелдердегі урогенитальді жолдардың инфекциялық-қабынбалы ауруларында. Қынапқа (аурудың ауырлығына байланысты 500 000 ХБ немесе 1000 000 ХБ) немесе ректальді түрде (ауру сипатына байланысты) күн сайын 10 күн бойы тәулігіне 1 суппозиторийден 2 рет. Аурудың созылған түрінде 1-3 ай бойы аптасына күнара 1 суппозиторийден 3 рет. Қынаптағы айқын инфекциялық-қабыну үдерісінде қынап ішіне таңертең 500 000 ХБ 1 суппозиторийден қолданылуы мүмкін, кешке ректальді 1 000 000 ХБ 1 суппозиторийден қынапқа құрамында бактерияға қарсы/фунгицидті агент бар суппозиторий енгізумен бір уақытта қолданылуы мүмкін. Еркектердегі урогенитальді жолдардың инфекциялық-қабынбалы ауруларында. Ректальді түрде 10 күн бойы тәулігіне 1 суппозиторийден 2 рет (аурудың ауырлығына байланысты 500 000 ХБ немесе 1 000 000 ХБ). Енгізу тәсілі және жолы Қынап ішіне және ректальді енгізуге арналған

- интерферонға және препарат құрамына кіретін басқа да заттарды жеке көтере алмаушылықта. Қолдану кезіндегі керекті сақтық шаралары • аллергиялық және аутоиммунды аурулар асқынған кезде сақтықпен қолдану керек. Қынаптағы күйдіріп ашыту сияқты аллергиялық реакциялар қайтымды және енгізуді тоқтатқаннан кейін 72 сағаттан соң кетеді. Ем дәрігер кеңесінен соң жалғастырылуы мүмкін.

Өте сирек (< 1/10000) - аллергиялық реакциялар (қынапта ашытып күйдіру сезімін сезіну). Альфа-2b интерферонының барлық түрін қолданғанда қалтырау, температураның жоғарылауы, қажу, тәбеттің болмауы, бұлшықет және бас ауыруы, буындардың ауыруы, тершеңдік, сондай-ақ лейко- және тромбоцитопения сияқты құбылыстар туындауы мүмкін, бірақ олар көбіне тәуліктік дозаны 10 000 000 ХБ аса жоғарылатқанда кездеседі. Осы уақытқа дейін ауыр жағымсыз әсерлер анықталмаған. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

ГЕНФЕРОН® препаратының артық дозалану жағдайлары туралы хабарлар жоқ. Симптомдары: препараттың жағымсыз реакциялар симптомдары пайда болуы мүмкін. Шұғыл емдеу шаралар: дәрігер ұсынғаннан көп суппозиторийді кездейсоқ бір уақытта енгізген жағдайда, одан кейінгі енгізуді 24 сағатқа тоқтату керек, содан кейін емді жазып көрсетілген сызба бойынша жаңғыртады. Дәрілік препаратты қолдану тәсілі түсіндіру үшін медициналық маманның кеңесіне жүгіну ұсынылады

Арнайы сақтандырулар Оны енгізгеннен кейін температура жоғарылаған жағдайда интерферон альфа-2b препаратының басқа кез келген түрлеріндегідей парацетамолды 500 мг дозада бір рет қабылдауға болады. Урогенитальді реинфекцияны болдырмау үшін жыныстық серіктесті бір уақытта қоса емдеу мәселесі ұсынылады. Препаратты етеккір кезінде қолдануға рұқсат етіледі. Педиатрияда қолдану 18 жасқа дейінгі балаларда қолданудың тиімділігі және қауіпсіздігі анықталмаған.

Жүктіліктің 13-40 апта мерзімінде жергілікті иммунитет көрсеткіштерін қалыпқа келтіру үшін генитальді герпес, хламидиоз, уреаплазмоз, микоплазмоз, цитомегаловирусты инфекция, папилломавирусты инфекция, урогенитальді жолдың төменгі бөліктері аймағында қышынумен, жайсыздық және ауыру сезімдерімен бірге бактериальді вагинозда кешенді ем құрамында қолдану көрсетілген. ГЕНФЕРОН® препаратын 250 000 ХБ дозада жүктіліктің 13-40 апта мерзімінде қынап ішіне қолданудың қауіпсіздігі клиникалық зерттеулермен дәлелденген. Препараттың жүктіліктің I триместрінде қолданылу қауіпсіздігі зерттелмеген. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері ГЕНФЕРОН® препараты ерекше назар аударуды және реакциялар жылдамдығын талап ететін қауіптілігі зор (көлік құралдарын, машина жабдықтарын басқару) қызмет түрлерін орындауға әсер етпейді.

ГЕНФЕРОН® урогенитальді ауруларды емдеуге арналған дәрілік препараттармен үйлестіргенде (антибиотиктерді және басқа да микробқа қарсы препараттарды қосқанда) тиімдірек. Есірткілік емес анальгетиктер және антихолинэстеразалық дәрілік заттар бензокаин әсерін күшейтеді. Бензокаин сульфаниламидтердің бактерияға қарсы белсенділігін төмендетеді.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары 2-ден 80С-ге дейінгі температурада сақтау керек. Балалардың қолы жетпейтін жерде сақтау керек!