ГЕНФЕРОН® ЛАЙТ суппозитории 125000 МЕ

Бір суппозиторийдің құрамында белсенді заттар – адамның рекомбинатты альфа-2b интерфероны (арИФН-альфа2b)** - 125 000 ХБ, 250 000 ХБ, таурин – 0,00500 г. қосымша заттар: декстран 60000, макрогол 1500, полисорбат 80, эмульгатор Т2, натрий гидроцитраты (натрийдің номиналды мөлшері ммольдегі бір дозада – 0,00042), лимон қышқылы, тазартылған су, суппозиторий массасын алу үшін қатты май. ** - «Адамның рекомбинатты альфа-2b интерфероны (арИФН-альфа2b)» субстанциясына «БИОКАД» ЖАҚ ФСП сәйкес қосымша заттар кіреді, Ресей: натрий хлориді (ЕФ*), натрий ацетаты тригидраты (ЕФ*), сірке қышқылы (мұзды) (ЕФ*), инъекцияға арналған су (ЕФ*). Сыртқы түрінің, иісінің, дәмінің сипаттамасы Ұшы үшкір келген цилиндр түріндегі, ақ немесе сарғыш реңді ақ түсті, ұзына бойы қимасында біртекті суппозиторийлер. Қимасында кеуектік өзекшесінің немесе құйғы тәрізді қуыс болуына жол беріледі.

- кешенді ем компоненті ретінде - балаларда жедел респираторлы вирустық инфекцияны және басқа бактериялық және вирустық этиологиядағы инфекциялық ауруларды емдеу үшін, - кешенді емнің компоненті ретінде – 3 жастан 6 жасқа дейінгі жиі және ұзақ ауыратын балалардағы жедел респираторлық вирустық инфекциялардың қайталанатын көріністерін емдеу және профилактикасы үшін, - балаларда және әйелдерде, оның ішінде жүктілерде, дәрігермен тағайындалған және бақыланатын спецификалық ем аясында урогенитальді жолдың инфекциялық-қабыну ауруларын емдеу үшін.

Әсер ету механизмі ГЕНФЕРОН ЛАЙТ - біріктірілген препарат, әсері оның құрамына кіретін құрамдас компонеттеріне байланысты. Жергілікті және жүйелі әсер етеді. ГЕНФЕРОН ЛАЙТ препаратының құрамына Escherichia coli бактериялық штамдарымен өндірілетін адамның рекомбинантты альфа-2b интерфероны кіреді, оған гендік инженерия әдісі арқылы адамның альфа-2b интерферонының гені енгізіледі. Фармакодинамикалық әсерлері Интерферон альфа-2b вирусқа қарсы, иммуномодуляциялаушы, антипролиферациялық және бактерияға қарсы әсер етеді. Вирустарға қарсы әсері вирустар репликациясын тежейтін жасушаішілік ферменттері қатарларының белсенділігіне байланысты. Иммуномодуляциялаушы әсері ең алдымен иммунды жүйе жасушалармен байланысты реакциясын күшейту арқылы көрініс береді, ол ісікке трансформацияланған вирустар, жасушаішілік паразиттер және жасушаларға қатысты иммунды жауаптың тиімділігін жоғарылатады. Бұған CD8+ Т-киллерлер, NK-жасушалар (табиғи киллерлер) белсенділенуінің, В-лимфоциттер дифференциясының күшеюі және олардың антиденелер өндіруінің, моноциттік-макрофагтық жүйе және фагоцитоз белсенділенуінің, сонымен қатар I типті гистоүйлесімділіктің басты кешені молекулалары экспрессиясының артуы есебінен қол жеткізіледі, бұл иммундық жүйе жасушаларының инфекция жұқтырған жасушаларды ажырату ықтималдығын арттырады. Шырышты қабықтың барлық қабаттарында болатын лейкоциттер интерферонының әсер етуінен болатын белсенділену олардың патологиялық ошақтарды жоюға белсенді қатысуын қамтамасыз етеді; бұдан бөлек, интерферон ықпалы есебінен секрециялық иммуноглобулин А өндірілуінің қалыпқа келуіне жетуге болады. Бактерияға қарсы әсері интерферон ықпалымен күшейтілген иммундық жүйе реакцияларымен жүзеге асады. Таурин метаболизмдік үдерістердің және тіндер регенерациясының қалыпқа түсуіне ықпал етеді, жарғақша тұрақтандырғыш және иммуномодуляциялаушы әсерге ие болады. Күшті антиоксидант бола отырып, таурин шамадан тыс жиналуы патологиялық үдерістердің дамуына ықпал ететін оттегінің белсенді түрлерімен тікелей өзара әрекеттеседі. Таурин препаратты қолданудың емдік әсерін күшейтіп, интерферонның биологиялық белсенділігінің сақталуына ықпал етеді. Клиникалық тиімділігі және қауіпсіздігі Қолданылмайды.

Дозалау режимі Енгізу тәсілі, дозасы және курс ұзақтығы жасқа және нақты клиникалық жағдайларға байланысты болады. Ересектерге және 7 жастан асқан балаларға ГЕНФЕРОН® ЛАЙТ препаратын альфа-2b интерферонының 250 000 ХБ дозасында бір суппозиторий түрінде қолданады. 7 жасқа дейінгі балаларда препаратты альфа-2b интерферонының 125 000 ХБ дозасында суппозиторий түрінде қолдану қауіпсіз болып табылады. Жүктіліктің 13-40 аптасындағы әйелдерде препарат альфа-2b интерферонының 250 000 ХБ дозасында суппозиторий түрінде қолданылады. Енгізу әдісі мен жолы Препаратты ересектерде қынап ішіне де және ректальді түрде де қолдануға болады: балаларда – тек ректальді! Қабылдау уақыты көрсетілген қолдану жиілігі Ұсынылатын дозалар және емдеу режимі: Балаларда жедел респираторлы вирустық инфекцияларда және басқа жедел вирустық сипаттағы ауруларда: 1 суппозиторийден ректальді күніне 2 рет 12-сағаттық аралықпен негізгі еммен қатар 5 күн бойы жүргізіледі. Егер 5 күндік емдеу мерзімі өткеннен кейін ауру симптомы азаймаса немесе айқынырақ бола түссе, пациент дәрігерге қаралуы тиіс. Клиникалық көрсетілімдер бойынша емдеу курсын 5 күндік үзілістен кейін қайталауға болады. 3 жастан 6 жасқа дейінгі жиі және ұзақ ауыратын балалардағы жедел респираторлық вирустық инфекцияларда: 1 суппозиторийден (125 000 ХБ) ректальді тәулігіне 2 рет 12 сағат аралықпен стандартты еммен қатар 10 күн бойы жүргізіледі. Жедел респираторлық вирустық инфекцияны емдеудің негізгі кезеңі аяқталғаннан кейін, профилактикалық сызбаға көшуге болады: 3 апта бойы күнара 1 рет түнге қарай 1 суппозиторийден (125 000 ХБ) ректальді. 7 жастан асқан балаларда вирусты этиологиядағы созылмалы инфекциялық-қабыну ауруларында: 1 суппозиторийден (250 000 ХБ) ректальді күніне 2 рет 12 сағаттық аралықпен стандартты еммен қатар 10 күн бойы жүргізіледі. Одан кейін 1-3 ай бойы – күнара түнге қарай 1 суппозиторийден ректальді. Балаларда урогенитальді жолдың жедел инфекциялық-қабыну ауруларында: дәрігермен тағайындалған және бақыланатын спецификалық ем аясында ректальді 10 күн бойы 12 сағаттық аралықпен күніне 2 рет 1 суппозиторийден. Жүктілерде урогенитальді жолдың инфекциялық-қабыну ауруларында: дәрігермен тағайындалған және бақыланатын спецификалық ем аясында қынап ішіне 10 күн бойы 12 сағаттық аралықпен күніне 2 рет 1 суппозиторийден (250 000 ХБ). Әйелдерде урогенитальді жолдың инфекциялық-қабыну ауруларында: дәрігермен тағайындалған және бақыланатын спецификалық ем аясында қынап ішіне немесе ректальді (аурудың сипатына байланысты) 10 күн бойы 12 сағаттық аралықпен күніне 2 рет 1 суппозиторийден (250 000 ХБ). Аурудың созылған түрінде 1-3 ай бойы аптасына күнара 1 суппозиторийден 3 рет. Емдеу ұзақтығы Курстың дозасы мен ұзақтығы жасқа, нақты клиникалық жағдайға байланысты және емдеуші дәрігер анықтайды. Дәрілік препараттың бір немесе бірнеше дозасын өткізіп алған кездегі қажетті шаралар Егер дәріні өткізіп алсаңыз, өз дәрігерге айтыңыз. Тоқтату симптомдары қаупінің болуын көрсету Дәрігермен алдын-ала кеңес алмай, препаратты қолдануды тоқтатпау керек. Дәрілік препаратты қолдану тәсілін түсіндіру үшін медициналық қызметкер кеңесіне жүгіну бойынша ұсынымдар Егер пациентте осы дәріні пайдалануға қатысты қандай да бір қосымша сұрақтар болса, онда ол өз дәрігеріне қаралуы қажет.

- әсер етуші заттарға немесе препараттың қосымша заттарының кез келгеніне аса жоғары сезімталдық - жүктіліктің I триместрі

Науқастарға препараттың жағымдылығы жақсы. Өте сирек (жиілігі 10000 жағдайға 1 аз) - аллергиялық реакциялар (бірлі-жарым хабар) Бұл құбылыстар қайтымды және енгізуді тоқтатқаннан кейін 72 сағат ішінде қайтады. Емдеу ұзақтығы дәрігердің кеңесінен кейін болуы мүмкін. Осы уақытқа дейін жағымсыз әсерлерінің өмірге қауіпті немесе ауыр түрі байқалмаған. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлері) бойынша тікелей ақпараттық дерекқорға жүгіну керек. Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

ГЕНФЕРОН® ЛАЙТ препаратының артық дозалануы туралы хабарлар жоқ. Дәрігердің тағайындауынан өзгеше абайсызда суппозиторийдің көп мөлшерін бір мезгілде енгізген кезде ары қарайғы енгізуді 24 сағатқа тоқтату керек, одан кейінгі емдеуді сызба бойынша көрсетілгендей етіп бастауға болады.

Препаратты ересектерде қынап ішіне де және ректальді түрде де қолдануға болады: балаларда – тек ректальді! Арнайы ескертулер Аллергиялық және аутоиммунды аурулар асқынған кезде сақтықпен қолдану керек.

Жүктіліктің 13-40 аптасында жүрген әйелдерде ГЕНФЕРОН® ЛАЙТ препаратын қолданудың қауіпсіздігі мен тиімділігі клиникалық зерттеулерде дәлелденген. Жүктіліктің I триместрінде қолдануға болмайды Лактация кезеңінде қолдануға шектеулер жоқ. Дәрілік заттың автокөлік құралдарын немесе қауіптілігі зор механизмдерді басқару қабілетіне әсер ету ерекшеліктері ГЕНФЕРОН® ЛАЙТ препараты ерекше назар аударуды және жылдам реакцияларды қажет ететін қауіпті қызмет түрлеріне әсер етпейді.

ГЕНФЕРОН® ЛАЙТ кешенді ем компоненті ретінде айтарлықтай тиімдірек. Бактерияларға қарсы, фунгицидті және вирустарға қарсы препараттармен үйлестірген кезде әсерінің өзара күшеюі байқалған, ол жоғары қосынды емдік әсер алуға мүмкіндік береді.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары 2-ден 8 °С-ге дейінгі температурада сақтау керек. Балалардың қолы жетпейтін жерде сақтау керек!