ГЕНФЕРОН® ЛАЙТ спрей 50000 МЕ/доза + 1 мг/доза

Бір құтының ішінде белсенді заттар:адамның рекомбинантты альфа-2b (арИФН-α2b) интерфероны * - 50 000 ХБ, таурин – 1,0 мг; * Рекомбинантты ДНҚ технологиясы бойынша Escherichia coli жасушаларын пайдалану арқылы алынған. қосымша заттар: динатрий эдетаты дигидраты, глицерол, декстран 40000, полисорбат 80, натрий хлориді, калий хлориді, натрий гидрофосфаты додекагидраты, калий дигидрофосфаты, бұрыш жалбызы майы, метилпарагидроксибензоат (Е218), инъекцияға арналған су. Сыртқы түрінің, иісінің, дәмінің сипаттамасы Мөлдір түссіз немесе ақшыл-сары түсті, көзге көрінетін механикалық қосылыстары жоқ сұйықтық.

ГЕНФЕРОН® ЛАЙТ препараты 18 жастан асқан ересек пациенттерде тұмау мен жедел респираторлық вирустық инфекциялардың (ЖРВИ) профилактикасы мен емі үшін қолдануға арналған.

Әсер ету механизмі және фармакодинамикалық әсерлері ГЕНФЕРОН ЛАЙТ препаратының құрамына гендік инженерия әдістерімен адамның альфа-2b интерферон гені енгізілген, Escherichia coli бактериясының штаммы өндіретін, адамның рекомбинантты альфа-2b интерфероны кіреді. Альфа-2b интерфероны вирусқа қарсы, иммуномодуляциялайтын, антипролиферативті және бактерияға қарсы әсерге ие. Вирусқа қарсы әсер вирустардың репликациясын тежейтін бірқатар жасушаішілік ферменттерді белсендіру арқылы жүзеге асырылады. Иммуномодуляциялайтын әсері, ең алдымен, иммундық жүйенің жасушаға байланысты реакцияларының күшеюімен көріністеледі, бұл вирустарға, жасушаішілік паразиттерге және ісік трансформациясынан өткен жасушаларға қарсы иммундық жауаптың тиімділігін арттырады. Бұған CD8+Т-киллерлерді, NK- жасушаларды (табиғи киллерлер) белсендіру, В-лимфоциттердің дифференциациясын және олардың антиденелер өндірілуін күшейту, моноциттік-макрофагтық жүйені және фагоцитозды белсендіру, сондай-ақ I типті негізгі гистоүйлесімділік кешені молекулаларының экспрессиясын арттыру арқылы қол жеткізіледі, бұл иммундық жүйе жасушаларының инфекция жұқтырған жасушаларды тану ықтималдығын арттырады. Шырышты қабықтың барлық қабаттарында кездесетін лейкоциттер интерфероны әсерінен белсендіру олардың патологиялық ошақтарды жоюға белсенді қатысуын қамтамасыз етеді; сонымен қатар, интерферонның әсерінен секреторлық иммуноглобулин А өндірілуін қалпына келтіруге қол жеткізіледі. Бактерияға қарсы әсері интерферонның әсерінен күшейетін, иммундық жүйенің реакциялары арқылы жүзеге асырылады. Таурин метаболизмдік процестерді қалпына келтіруге және тіндердің регенерациясына ықпал етеді, жарғақша тұрақтандырғыш және иммуномодуляциялайтын әсерге ие. Күшті антиоксидант бола отырып, таурин оттегінің белсенді түрлерімен тікелей өзара әрекеттеседі, олардың артық жинақталуы патологиялық процестердің дамуына ықпал етеді. Таурин препаратты қолданудың емдік әсерін күшейте отырып, интерферонның биологиялық белсенділігін сақтауға ықпал етеді.

Дозалау режимі Аурудың алғашқы белгілерінде ГЕНФЕРОН® ЛАЙТ препаратын күніне 3 рет әр мұрын жолына (бір доза 50 000 ХБ интерферон альфа құрайды, тәуліктік доза 500 000 ХБ аспауы керек) бір дозадан (дозаторға бір рет басу) 5 күн бойы мұрын ішіне енгізеді. ЖРВИ-мен ауыратын науқаспен қарым-қатынаста болғанда және/немесе салқын тигенде препаратты көрсетілген сызба бойынша күніне 2 рет 5-7 күн бойы енгізеді. Қажет болса, профилактикалық курстарды қайталайды. Пациенттердің ерекше топтары Бауыр және бүйрек жеткіліксіздігі бар пациенттер Бүйрек және бауыр жеткіліксіздігі бар пациенттерде ГЕНФЕРОН® ЛАЙТ препаратын қолдану зерттелмеген ("Арнайы ескертулер" бөлімін, "Бауыр және бүйрек жеткіліксіздігі" тармағын қараңыз). Енгізу әдісі мен жолы Интраназальді. Спрейді қолдану жөніндегі нұсқау: • Қорғағыш қалпақшасын алып тастаңыз. • Алғаш рет пайдаланар алдында дозаторға жіңішке ағын пайда болғанша бірнеше рет басыңыз. • Пайдаланған кезде құтыны тік қалпында ұстаңыз. • Дозаторға бір рет басу арқылы препаратты мұрын жолына кезек-кезек шашыратыңыз. • Қолданғаннан кейін дозаторды қорғаныш қалпақшасымен жабыңыз. Инфекцияның таралуына жол бермес үшін дозаторды препаратпен жекелей пайдалану ұсынылады.

- әсер етуші заттарға немесе қосымша заттардың кез келгеніне аса жоғары сезімталдық; - балалар мен 18 жасқа дейінгі жасөспірімдер.

Қауіпсіздік бейінінің түйіндемесі Осы уақытқа дейін ауыр немесе өмірге қауіп төндіретін жағымсыз реакциялар байқалған жоқ. Төменде препаратты қолдану кезінде анықталған жағымсыз реакциялар көрсетілген. Жағымсыз реакциялардың кестелік түйіндемесі Жағымсыз реакциялар пайда болу жиілігінің келесі жіктеуін қолдана отырып ағза жүйелерінің әрқайсысына қатысты жүйеленеді: өте жиі (≥1/10), жиі (≥1/100, бірақ <1/10), жиі емес (≥1/1000, бірақ <1/100), сирек (≥1/10000, бірақ <1/1000), өте сирек (<1/10000). Әдетте, бұл реакциялардың сипаты жеңіл әрі қосымша дәрілік ем жүргізуді қажет етпейді. Жүйелік-ағзалық класс — Жиілігі — Реакцияның атауы Тыныс алу жолдары, кеуде қуысының ағзалары және көкірек ортасы тарапынан — Жиі — Мұрыннан қан аралас бөліністер Жалпы бұзылулар және енгізу орнындағы реакциялар — Жиі — Енгізу орнындағы аса жоғары сезімталдық* * Енгізу орнындағы аса жоғары сезімталдық реакциялары жергілікті аллергиялық реакциялармен (күйдіріп ашу сезімі, қышыну) көріністелді. Бұл құбылыстар қайтымды және препаратты қолдануды тоқтатқаннан кейін 72 сағат ішінде өздігінен жоғалады. Дәрігермен кеңескеннен кейін ғана емдеуді жалғастыруға болады. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК https://www.ndda.kz

ГЕНФЕРОН® ЛАЙТ препаратымен артық дозалану жағдайлары тіркелген жоқ.

Мұрыннан қан кетуден зардап шегетін пациенттерге сақтықпен тағайындау керек. Арнайы ескертулер Бауыр және бүйрек жеткіліксіздігі Бауыр мен бүйрек функциясының бұзылулары бар адамдарда препаратты қолданудың жеке клиникалық зерттеулері жүргізілген жоқ. Мұрын ішіне қолдану кезінде препараттың төмен жүйелік сіңуіне байланысты теориялық тұрғыдан пациенттердің аталған топтарында препараттың дозасын өзгерту үшін жеткілікті негіздер жоқ. Қосымша заттар Метилпарагидроксибензоат (E218) аллергиялық реакцияларды туындатуы мүмкін (соның ішінде кешеуілдеген).

Жүктіліктің барлық кезеңінде қолдануға рұқсат етіледі. Препараттың бала емізу кезеңінде қолдануға шектеулері жоқ. Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері ГЕНФЕРОН® ЛАЙТ препараты көлік құралдарын басқару және механизмдермен жұмыс істеу қабілетіне әсер етпейді.

Интраназальді тамыр тарылтатын препараттарды бір мезгілде қолдану ұсынылмайды, себебі бұл мұрынның шырышты қабығының қосымша кебуіне ықпал етеді.

Сақтау мерзімі 2,5 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде 2-ден 8 °C-ге дейінгі температурада сақтау керек. Балалардың қолы жетпейтін жерде сақтау керек!