Гербион® наурызгүл шәрбаты сироп

5 мл шәрбаттың құрамында белсенді зат - 3,08 г наурызгүл (бәйшешек) (Primula veris L. және/немесе Primula elator (L.) Hill) тамыры және жебіршөп (Thymus vulgaris L. және/немесе Thymus zygis L.) шөбі қоспасының сұйық сулы экстрактісі (0,22 г – 0,51 г наурызгүл тамырына және 0,62 г жебіршөп шөбіне баламалы) қосымша заттар: левоментол, сахароза, метилпарагидроксибензоат Сыртқы түрінің, иісінің, дәмінің сипаттамасы Өзіне тән иісі мен дәмі бар қоңыр түсті шәрбат. Табиғи субстанцияларға тән, елеусіз шөгінді байқалуы мүмкін.

Препарат қақырықтың түсуін жеңілдету үшін қолданылады: • бөлінуі қиын, қою қақырықпен қатар жүретін тыныс алу жолдарының қабыну аурулары (бронхит, фарингит) кезінде • жөтелмен қатар жүретін суық тию және тұмау кезінде

Әсер ету механизмі Гербион наурызгүл шәрбатының құрамында наурызгүл (Primula veris L. және/немесе Primula elatior Hill) тамырының, бақша тасшөбі (Thymus vulgaris L.) шөбінің сулы экстрактісі бар. Бұл компоненттердің белсенді заттары тыныс алу жолдарының қабыну аурулары, суық тию және тұмау кезінде жоғарғы тыныс жолдарының шырышты қабығы секреторлық бөлінісінің мөлшерін арттырады. Препарат қақырық түсіретін, қабынуға қарсы, микробқа қарсы әсерге ие, қақырықты сұйылтуға және оның шығарылуын тездетуге көмектеседі. Фармакодинамикалық әсерлері Сапониннің жоғары құрамына байланысты наурызгүл тамыры экспекторант ретінде қолданылады. Сапониндер асқазанның шырышты қабығын стимуляциялайды және вагусты рефлекс арқылы бронхтың секрециясын күшейтеді, бронх шырышын сұйылтады және оның шығарылуына ықпал етеді. Жебіршөп шөбінің экстрактісі оның құрамында негізгі бөлігі өкпе арқылы шығарылатын эфир майы болуына байланысты қақырық түсіретін және бронхоспазмолитикалық әсері бар. Өкпеге өту кезінде шырыштың бөлінуін күшейтеді және оның шығарылуына ықпал етеді, бұл ретте тыныс алу жолдарының тегіс бұлшықеттеріне жеңіл спазмолитикалық әсер көрсетеді, осылайша түйілуді азайтады. Жебіршөп эфир майының негізгі компоненті - тимол да антисептикалық әсерге ие.

Дозалау режимі Ересектер мен 16 жастан асқан балалар - 2 өлшеуіш қасықтан күніне 3-4 рет 10 жастан 16 жасқа дейінгі балалар – 1-2 өлшеуіш қасықтан күніне 3 рет. 4 жастан 10 жасқа дейінгі балалар- шәрбаттың 1 өлшеуіш қасығынан күніне 3 рет. Емдеу курсы 5-7 күн. Пациенттердің ерекше топтары Балалар 4 жасқа дейінгі балаларда қолдану тәжірибесі жоқ. Енгізу әдісі мен жолы Ішуге арналған. Емдеу кезінде шай немесе жылы сұйықтықты көп ішу ұсынылады, бірақ шәрбатты қабылдағаннан кейін бірден емес. Пайдаланар алдында шайқау керек! Дәрілік препараттың бір немесе бірнеше дозасын өткізіп алған кездегі қажетті шаралар Өткізіп алған дозаны толықтыру үшін қосарлы дозаны қабылдауға болмайды. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсынымдар Осы дәрілік препаратты қолдану бойынша қосымша сұрақтар туындаған жағдайда дәрігерге немесе фармацевтке кеңес алу үшін жүгінген жөн.

- әсер етуші заттарға немесе қосымша заттардың кез келгеніне аса жоғары сезімталдық - тұқым қуалайтын фруктоза көтере алмаушылығы, глюкоза-галактоза мальабсорбциясы синдромы және туа біткен сахараза-изомальтаза жеткіліксіздігі • асқазанның шырышты қабығының қабынуы (гастрит) және асқазанның ойық жарасы • 4 жасқа дейінгі балалар • жүктілік және лактация кезеңі • бастан өткерген жедел обструктивті ларингиттен (қыспақ) кейін балалар • бронх демікпесі

Сирек (≥1/10,000, <1/1,000) • аллергиялық реакциялар (терінің қышынуы, бөртпе) Өте сирек (<1/10,000) • жүрек айнуы, құсу, диарея Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласуыңыз керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препараттың артық дозалануы туралы хабарламалар жоқ. Құрамында сапониндер немесе сапониндер экстрактісі бар препараттарды үлкен дозада ішке қабылдаған кезде жүрек айнуы, құсу және диарея түрінде байқалатын асқазан-ішек жолының бұзылуын туындатуы мүмкін. Емі: белсендірілген көмірді қолдану, асқазанды шаю.

Гербион® наурызгүл шәрбатын жөтелге қарсы препараттармен және қақырық түзілуін азайтатын дәрілік заттармен бір мезгілде қолдануға болмайды, себебі олар сұйылған қақырықты жөтеліп шығаруды қиындатады. Қант диабеті Шәрбаттың құрамында сахароза бар, сондықтан қант диабетіне шалдыққан пациенттерге ұсынылмайды. Арнайы ескертулер Кейбір ингредиенттер туралы арнайы ақпарат Гербион® наурызгүл шәрбатының құрамында сахароза бар. Фруктоза көтере алмаушылығы, глюкоза-галактоза мальабсорбциясы немесе сахароза-изомальтаза тапшылығы сияқты сирек тұқым қуалайтын бұзылулары бар пациенттерге бұл препаратты қабылдауға болмайды. Метилпарагидроксибензоат (E218) аллергиялық реакцияларды (мүмкін кешіктірілген түрін) туындатуы ықтимал. Педиатрияда қолданылуы Препаратты 4 жасқа дейінгі балаларға қолдану бойынша деректер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Жүктілік немесе бала емізу кезінде Гербион® наурызгүл шәрбаты препаратын қолдану туралы деректер жоқ. Осы кезеңде препаратты қолдану қарсы көрсетілімді.

Препараттың басқа дәрілік заттардың ықпалына әсері туралы деректер жоқ. Препараттың ықпалына тағамның әсері туралы хабарланған жоқ.

Сақтау мерзімі 3 жыл. Құтыны ашқаннан кейінгі қолдану мерзімі – 3 ай. Жарамдылық мерзімі өткеннен кейін қолдануға болмайды! Сақтау шарттары 30 °C-ден аспайтын температурада сақтау керек. Ашылмаған және ашылған түрде құтыны тоңазытқышта сақтауға болмайды. Балалардың қолы жетпейтін жерде сақтау керек!