ГЕРЦИТЕМ таблетки 10 мг

Үлбірлі қабықпен қапталған бір таблетканың құрамында белсенді зат – мацитентан, 10 мг, қосымша заттар: лактоза моногидраты (Фарматоза 200М), натрий крахмалы гликоляты, А типі (Primojel), повидон (Коллидон 30), полисорбат 80 (Crillet 4), натрий стеарилфумараты, тазартылған су, қабық құрамы: Opadry AMB White (OY-B-28920) (поливинил спирті, титанның қостотығы, тальк, лицетин (соя), ксантан шайыры), тазартылған су. Сыртқы түрінің, иісінің, дәмінің сипаттамасы Дөңгелек пішінді, екі беті дөңес, бір жағында «НМ» және екінші жағында «21» өрнегі бар ақ түсті үлбірлі қабықпен қапталған таблеткалар.

ГЕРЦИТЕМ монотерапия ретінде немесе біріктірілген ем құрамында ДДҰ жіктеуі бойынша II-III функционалдық класына (ФК) жататын ересек пациенттерде өкпенің артериялық гипертензиясын (ӨАГ) ұзақ уақыт емдеу үшін көрсетілген. Емдеу тиімділігі идиопатиялық және тұқым қуалайтын ӨАГ, дәнекер тін ауруларымен астасқан ӨАГ және жүректің туа біткен компенсацияланған қарапайым ақауымен астасқан ӨАГ қоса, ӨАГ бар пациенттер қауымында көріністелді.

ATХ коды C02KX04 Әсер ету механизмі Эндотелин (ЕТ)-1 және оның рецепторлары (ЕТА және ЕТВ) вазоконстрикция, фиброз, пролиферация, гипертрофия және қабыну сияқты алуан түрлі әсерлер делдалдары болып табылады. ӨАГ сияқты патологиялық жай-күйлерде ЕТ жергілікті жүйесі аса жоғары белсенді жағдайда болады және тамыр гипертрофиясын дамытуға және ағзаларды зақымдауға қатысады. Мацитентан in vitro ЕТВ рецепторларымен салыстырғанда, ЕТА рецепторларына қатысты 100 есе дерлік ауқымды селективтілік иеленетін және әрі ЕТА, әрі ЕТВ рецепторларына да әсер ететін, пероральді қабылдау кезінде белсенді болатын эндотелинге рецепторлар антагонисі болып табылады. Мацитентан жоғары афинділік иеленеді және адамдағы өкпе артерияларының тегіс бұлшықет жасушаларында ЕТ рецепторларын ұзақ уақыт бойы бөгейді. Бұл әсері тегіс бұлшықет жасушаларының вазоконстрикциясына және пролиферациясына әкелетін екіншілік мессенджерлер жүйесінің эндотелин арқылы белсендірілуін болдырмайды. Клиникалық тиімділігі және қауіпсіздігі ӨАГ бар пациенттердегі тиімділігі Рандомизацияланған, салыстырмалы жасырын, көп орталықтық, плацебо-бақыланатын, қатар топтардағы клиникалық оқиғалар бағаланатын 3 фазаның зерттеуінде (AC-055-302/SERAPHIN) асқынулар немесе өлімге ұшырау жиілігіне қатысты ұзақ мерзімді әсерін бағалау мақсатында симптоматикалық ӨАГ бар 742 пациент 3 топқа (плацебо [250 пациент]; мацитентан 3 мг [250 пациент] және мацитентан 10 мг [242 пациент] күніне бір рет) рандомизацияланды. Бастапқы деңгейде зерттеуге қосылған пациенттердің көпшілігі (64%) ӨАГ емдеуіне арналған спецификалық препараттың тұрақты дозасын қабылдады: фосфодиэстеразаның пероральді тежегіштері (61%) және/немесе ингаляциялық/пероральді простаноидтар (6%). Зерттеудің бастапқы соңғы нүктесі салыстырмалы жасырын емдеудің аяқталуына дейінгі кезеңде ауруға шалдығудың немесе өлімге ұшыраудың алғашқы жағдайының пайда болу уақыты болды. Ондай жағдайларға өлім, артериялық септостомия, өкпені трансплантациялау немесе вена ішіне (в/і) немесе тері астына (т/к) простаноидтар енгізудің басталуы немесе өзге де ӨАГ нашарлауы жатады. ӨАГ ағымындағы «басқа нашарлау» дегеніміз келесі элементтердің үшеуінің түгел болуын білдіреді: бастапқы деңгейден, кем дегенде, 15% 6 минутта (6MWD) өтетін қашықтықтың тұрақты төмендеуі; ӨАГ симптомдарының өршуі (ДДҰ ФК нашарлауы немесе жүректің оң жақ бөлімдерінің жеткіліксіздігі) және ӨАГ емдеуі үшін жаңа препаратты қосу қажеттілігі. Барлық жағдайларды емдеу типі бойынша жасырын өткізілетін тәуелсіз сараптама комитеті растады. Пациенттердің өмір сүру статусын қадағалау зерттеу аяқталуына (ЗА) дейін жалғасты. ЗА тиімділіктің негізгі критерийіне сәйкес келетін оқиғалардың алдын ала белгіленген санына жетуден кейін жүзеге асырылды. Емдеудің аяқталуынан (ЕА) бастап ЗА дейінгі кезеңде пациенттердің мацитентанды 10 мг дозада ашық режимде немесе ӨАГ емдеуге арналған баламалы препаратты алуы мүмкін болды. Жалпы салыстырмалы жасырын емдеу ұзақтығының медианасы 115 аптаға созылды (мацитентанды, көп дегенде, 188 аптаға дейін қолдану). Барлық пациенттердің орта жасы 46 жаста болды (12-ден 85 жасқа дейін, оның ішінде 18 жасқа дейін 20 пациент, 18-ден 74 жасқа дейін 706 пациент және 75 жастағы және одан асқан 16 пациент); пациенттердің көпшілігін еуропалық нәсілді тұлғалар (55%) құрады, басым бөлігі әйелдер (77%) болды. Дүниежүзілік денсаулық сақтау ұйымының (ДДҰ) жіктеуі бойынша ӨАГ функционалдық класы (ФК), тиісінше, пациенттердің 52%, 46% және 2% бөлігінде II, III және IV болып белгіленді. Зерттелетін қауымдағы ең көп жиі этиология идиопатиялық немесе тұқым қуалайтын ӨАГ (57%) болды, екінші орында - дәнекер тін аурулары себеп болатын ӨАГ (31%), жүректің компенсацияланған қарапайым туа біткен ақауымен байланысты ӨАГ (8%) және басқа этиологиялық факторлармен (дәрілік препараттар мен уыттар [3%] және АИТВ [1%]) астасқан ӨАГ (1%). Талданатын соңғы нүктелер Мацитентанмен 10 мг дозада емдеу, плацебомен салыстырғанда, ЕА дейінгі кезеңдегі асқынулардың/өлімге ұшыраудың құрамдас көрсеткіші қаупінің 45% төмендеуіне (қауіп қатынасы [ҚҚ] 0.55; 97.5% СА: 0.39-0.76; біржақты лог-ранг критерий мәні р < 0.0001) әкелді [1 сурет және 1 кесте]. Емдеу әсері ерте анықталды және тұрақты сипатта болды. Негізгі бағалау көрсеткішіне қатысты 10 мг дозадағы мацитентан тиімділігі жасы, жынысы, этностық тегі, географиялық аймағы, ауру этиологиясы және оларда монотерапия немесе ӨАГ емдеуге арналған басқа препараттармен біріктірілімде ем жүргізілу-жүргізілмеуі бойынша ерекшеленген қосалқы топтарда, сондай-ақ ДДҰ ФК әртүрлі қосалқы топтарда (I/II және III/IV) тұрақты сипатта болды. 1 сурет. SERAPHIN зерттеуіндегі алғашқы ауруға шалдығу – өлімге ұшырау жағдайы үшін Каплан-Мейер қисықтары Емдеу басталуынан бергі айлар Суретте: – жағдайлар болмаған пациенттер % (Каплан-Мейер) Қауіп тобындағы пациенттер саны ГЕРЦИТЕМ 10 мг 242 208 187 171 155 91 41 Плацебо 250 188 160 135 122 64 23 Жағдайлар нәтижелеріне қысқаша шолу 1 кесте. Соңғы нүктелер және статистикалық деректер Құбылыстары бар пациенттер Зерттелетін препараттарды салыстыру: 10 мг мацитентан, плацебомен салыстырғанда Плацебо (N = 250) Мацитентан 10 мг (N = 242) Қауіптің абсолютті төмендеуі Қауіптің салыстырмалы төмендеуі (97.5% СА) HRa (97.5% СА Лог-ранг-критерий, p мәні Асқыну/өлім құбылысыb 53% 37% 16% 45% (24%; 61%) 0.55 [0.39; 0.76]. <0.0001 Өліммен аяқталған оқиғаларc n (%) 19 (7.6%) 14 (5.8%) 2% 36% (-42%; 71%) 0.64 [0.29; 1.42]. 0.20 ӨАГ ағымының нашарлауы n (%) 93 (37.2%) 59 (24/4%) 13% 49% (27%; 65%) 0.51 [0.35; 0 73]. <0.0001 Простаноидтарды в/і – т/а енгізуді бастау n (%) 6 (2.4%) 1 (0.4%) 2% a = Кокс пропорционалды қауіптер моделі негізінде b = 36 айдан өткен соң осы жағдаймен пациенттер % = 100 × (1 - KM критерийі) c= Алдыңғы нашарлауға қарамастан ЗА дейін кез келген себептен болатын өлім. Мацитентанмен 10 мг дозада емдеу аясында ЗА дейінгі кез келген себеппен өлім жағдайларының саны, плацебо тобындағы 44-пен салыстырғанда, 35 болды (ҚҚ 0.77; 97.5% СА: 0.46-1.28). Мацитентанды 10 мг дозада қабылдаған пациенттерде ЕА дейін ӨАГ себеп болатын өлім мен ӨАГ себебінен ауруханаға түсу қаупі, плацебомен салыстырғанда (84 жағдай), 50% (50 жағдай) төмендеді (ҚҚ 0.50; 97.5% СА: 0.34-0.75; лог-рангтік p < 0.0001). 36 ай өткен соң, плацебо тобындағы пациенттердің 44.6%-ы және 10 мг дозада мацитентан алған топтағы пациенттердің 29.4%-ы (қауіптің абсолюттік төмендеуі = 15.2%) ӨАГ себебімен ауруханаға жатқызылды немесе ӨАГ ауруымен байланысты себептерден қайтыс болды. Симптоматикалық соңғы нүктелер — 135 — 122 — 64 — 23 ГЕРЦИТЕМ 10 мг 242 — 208 — 187 — 171 — 155 — 91 — 41 Плацебо 250 — 188 — 160 — 135 — 122 — 64 — 23 Жағдайлар нәтижелеріне қысқаша шолу 1 кесте. Соңғы нүктелер және статистикалық деректер — Құбылыстары бар пациенттер — Зерттелетін препараттарды салыстыру: 10 мг мацитентан, плацебомен салыстырғанда Плацебо (N = 250) — Мацитентан 10 мг (N = 242) — Қауіптің абсолютті төмендеуі — Қауіптің салыстырмалы төмендеуі (97.5% СА) — HRa (97.5% СА — Лог-ранг-критерий, p мәні Асқыну/өлім құбылысыb — 53% — 37% — 16% — 45% (24%; 61%) — 0.55 [0.39; 0.76]. — <0.0001 Өліммен аяқталған оқиғаларc n (%) — 19 (7.6%) — 14 (5.8%) — 2% — 36% (-42%; 71%) — 0.64 [0.29; 1.42]. — 0.20 ӨАГ ағымының нашарлауы n (%) — 93 (37.2%) — 59 (24/4%) — 13% — 49% (27%; 65%) — 0.51 [0.35; 0 73]. — <0.0001 Простаноидтарды в/і – т/а енгізуді бастау n (%) — 6 (2.4%) — 1 (0.4%) — 2% a = Кокс пропорционалды қауіптер моделі негізінде b = 36 айдан өткен соң осы жағдаймен пациенттер % = 100 × (1 - KM критерийі) c= Алдыңғы нашарлауға қарамастан ЗА дейін кез келген себептен болатын өлім. Физикалық жүктемені көтеру қабілеті екінші соңғы нүкте ретінде бағаланды. Мацитентанмен 10 мг дозада 6 ай емделуден кейін плацебоға түзетумен 6 MWD, орта есеппен, 22 метр ұзаруы байқалды (97.5% СА: 3 - 41; p = 0.0078). Функционалдық класына сәйкес 6 MWD бағалау III/IV ФК бар пациенттерде плацебо-түзетілген қашықтықтың, орта есеппен, 37 метр (97.5% СА: 5-тен 69 дейін) және I/II ФК бар пациенттерде 12 метр (97.5% СА: 8-ден 33 дейін) ұзаруымен қатар жүрді. Зерттеу барысында мацитентанды қолдану есебінен жеткен 6MWD ұзаруы тұрақты сипатта болды. Мацитентанмен 10 мг дозада 6 ай бойы емдеу ДДҰ ФК 74% плацебоға қатысты жақсаруына әкелді (қауіп қатынасы 1.74; СА 97.5%: 1.10-нан 2.74 дейін; р = 0.0063). Мацитентан 10 мг дозада SF-36 сауалнамасы бойынша бағаланған өмір сүру сапасын жақсартуға ықпал етті. Гемодинамикалық соңғы нүктелер Гемодинамикалық көрсеткіштерді бағалау 6 айлық емдеуден кейін пациенттердің қосалқы тобында (плацебо [N = 67], мацитентан 10 мг [N = 57]) жүргізілді. Мацитентан 10 мг қабылдаған пациенттерде өкпелік тамыр кедергісінің төмендеу медианасы 36.5% (97.5% СА: 21.7-ден 49.2% дейін) құрады, ал жүрек индексінің артуы, плацебомен салыстырғанда, 0.58 л/мин/м2 (97.5% СА: 0.28-0.93 л/мин/м2) сәйкес келеді. ӨAГ бойынша ұзақ мерзімді деректер SERAPHIN зерттеуінің салыстырмалы жасырын фазасында 10 мг дозада мацитентан қабылдаған 242 пациентті ұзақ мерзімді қадағалау кезінде, олардың 182-сі ашық режимдегі кеңейтілген зерттеуде (SERAPHIN OL) мацитентанмен емделуді жалғастырды (салыстырмалы жасырын/ашық режимдегі қауым), 1, 2, 5, 7 және 9 жыл өткен соң Каплан-Мейер тіршілік қабілетінің қисығы, тиісінше, 95%, 89%, 73%, 63% және 53% құрады. Орташа қадағалау уақыты 5,9 жылға созылды. Балалар Еуропалық дәрілік заттар жөніндегі агенттік педиатриялық қауымның бір немесе бірнеше қосалқы жиынында өкпелік артериялық гипертензиясын емдеу кезінде мацитентан зерттеулерінің нәтижелерін ұсыну міндеттемесін кейінге қалдырды (балаларда қолдану жөніндегі ақпарат үшін 4.2 бөлімін қараңыз).

ГЕРЦИТЕМ препаратын ӨАГ емдеу тәжірибесі бар дәрігер ғана тағайындауы тиіс. ГЕРЦИТЕМ препаратын үнемі емдеуші дәрігер ұсынымдарына дәл сәйкестікте қабылдаңыз. Күмән туындаған жағдайда емдеуші дәрігермен кеңесу қажет. Дозалау режимі ГЕРЦИТЕМ препаратының ұсынылатын дозасы - күніне бір рет 10 мг 1 таблеткадан. Енгізу әдісі және жолы Таблетканы бір стақан су іше отырып, тұтастай жұтыңыз, таблетканы шайнамаңыз және ұсақтамаңыз. ГЕРЦИТЕМ препаратын ас ішу кезінде де, тамақтанудан тыс та қабылдауға болады. Таблетканы күнделікті белгілі бір уақытта қабылдау қажет. Дәрілік препараттың бір немесе бірнеше дозасын өткізіп алу кезіндегі қажетті шаралар Егер ГЕРЦИТЕМ препаратын қабылдауды ұмытып кетсеңіз, бұл жөнінде еске түсірген бойда препараттың кезекті дозасын қабылдаңыз, одан кейін таблетканы әдеттегі сызба бойынша қабылдауды жалғастырыңыз. Өткізіп алған таблетканың орнын толтыру үшін ГЕРЦИТЕМ препаратының қосарлы дозасын қабылдамаңыз. Тоқтату симптомдары қаупінің болуына көрсетілім ГЕРЦИТЕМ - бұл ӨАГ бақылауы үшін қажетті препарат. ГЕРЦИТЕМ препаратын қабылдауды, оны емдеуші дәрігермен келісіп алмай, тоқтатпаңыз. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Егер ГЕРЦИТЕМ препаратын қолдану жөнінде сұрақтар болса, емдеуші дәрігерге хабарлау қажет.

- әсер етуші затқа, сояға немесе қосымша заттардың кез келгеніне аса жоғары сезімталдық - жүктілік - жүктілікті жоспарлап жүрген әйелдерде препаратты қолдану - контрацепцияның сенімді әдістерін пайдаланбайтын әйелдерде препаратты қолдану - бала емізу - бауыр ауруы немесе қандағы бауыр ферменттері мөлшерінің күрт жоғарылауы. Жоғарыда аталғандардың кез келгеніне қатысты болса, ГЕРЦИТЕМ препаратын қабылдауды бастау алдында емдеуші дәрігермен кеңесу қажет.

Барлық дәрілік препараттар сияқты, ГЕРЦИТЕМ препараты, олар әрқайсысында туындай бермесе де, жағымсыз әсерлер тудыруы мүмкін. Өте жиі (≥ 1/10) - анемия (қызыл қан жасушаларының төмен саны) немесе гемоглобин деңгейінің төмендеуі - бас ауыру - бронхит (тыныс жолдарының қабынуы) - назофарингит (тамақ және мұрын жолдарының қабынуы) - ісіну (ісіп кету), әсіресе, тобық және табан аумағында Жиі (< 1/10) - фарингит (тамақтың қабынуы) - тұмау (тұмау тәрізді синдром) - несеп шығару жолдарының инфекциясы (қуық инфекциясы) - гипотензия (төмен қан қысымы) - мұрын бітелуі (мұрынмен дем алудың бұзылуы) - бауыр тестілері деңгейінің жоғарылауы - лейкопения (лейкоциттер санының төмендеуі) - тромбоцитопения (тромбоциттер төмен саны) Жиі емес (<1/100) - аллергиялық реакциялар (көз, бет, ерін, тіл немесе көмей маңының ісінуі, қышыну және/немесе бөртпе) Осы белгілердің кез келгені пайда болса, кідіріссіз емдеуші дәрігерге хабарлау қажет. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Егер ГЕРЦИТЕМ препаратының таблеткаларын тағайындалуынан көп мөлшерде қабылдап қойсаңыз, бас ауыру, жүрек айну немесе құсу пайда болуы мүмкін. Ондай жағдайда емдеуші дәрігермен кеңесу керек.

ГЕРЦИТЕМ препаратын қабылдауды бастамас бұрын емдеуші дәрігермен кеңесу қажет. Емдеуші дәрігер кейбір қан талдауларын жасауды тағайындауы мүмкін. Емдеуші дәрігер ГЕРЦИТЕМ препаратымен емдеу басталғанша және емдеу кезінде: - анемия (эритроциттердің төмен мөлшері) бар-жоғын; - бауырдың дұрыс жұмыс істеуін тексеру үшін қан талдауларын тағайындайды. Егер анемия (эритроциттердің төмен мөлшері) болса, келесі симптомдар сезілуі мүмкін: • бас айналу • қажу / дімкәстану / әлсіреу • жүректің жиі соғуы; • бозару. Осы белгілердің кез келгені пайда болса, емдеуші дәрігерге хабарлау қажет. Бауырдың талапқа сай жұмыс істемеуі мүмкін екенін көрсететін белгілер: • жүрек айну • құсу • қызба • іштің (құрсақ қуысы) ауыруы • тері жабындарының немесе көз ақуыздарының сарғыштануы (сарғаю) • несептің қара түске боялуы; • терінің қышынуы • әдеттен тыс қажу немесе күштің сарқылуы (сылбырлық немесе шаршау); • тұмау тәрізді синдром (қызба аясындағы буын және бұлшықет ауыруы). Осы белгілердің кез келгені пайда болса, кідіріссіз емдеуші дәрігерге хабарлау қажет. ГЕРЦИТЕМ препаратын қабылдау басталуына дейін бүйрек кінәратының бар-жоғын емдеуші дәрігерге хабарлау қажет. Бүйрек аурулары бар пациенттерде мацитентан қан қысымының өте айқын төмендеуіне және гемоглобин деңгейінің түсіп кетуіне әкелуі мүмкін. Өкпенің вена-окклюзиялық ауруы (өкпе веналарының обструкциясы) бар пациенттерде ГЕРЦИТЕМ препаратын қоса, ӨАГ емдеуіне арналған препараттарды қолдану өкпе ісінуін тудыруы мүмкін. Егер ГЕРЦИТЕМ препаратын қолдану кезінде өкпе ісінуінің белгілері, мысалы, ентігудің кенет және айқын күшеюі және оттегі деңгейінің төмендеуі пайда болса, кідіріссіз емдеуші дәрігерге хабарлау қажет. Емдеуші дәрігер қосымша тестілер өткізуді тағайындауы мүмкін және ең қолайлы емдеу режимін белгілейді. Арнайы сақтандырулар ГЕРЦИТЕМ препаратының құрамында лактоза, соя бұршағының лецитині және натрий бар. ГЕРЦИТЕМ препаратының құрамында лактоза деп аталатын қант бар. Егер кейбір қанттар жақпаушылығы болса, аталған препаратты қабылдауға дейін емдеуші дәрігермен кеңесу қажет. ГЕРЦИТЕМ препаратының құрамында соя бұршағынан алынған лецитин бар. Егер сояға аллергия болса, ГЕРЦИТЕМ препаратын қабылдамаңыз. ГЕРЦИТЕМ препаратының бір реттік дозасында 1 ммоль мөлшерінен аз натрий (23 мг) бар, яғни ол натрийден бос препарат болып саналады. Педиатрияда қолдану ГЕРЦИТЕМ препаратын балалар мен 18 жасқа дейінгі жасөспірімдерде қолдануға болмайды, өйткені аталған жас тобында осы препаратты қолдану зерттелмеген. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері ГЕРЦИТЕМ препараты көлік құралын басқару қабілетіне әсер етуі мүмкін бас ауыру және төмен артериялық қысым сияқты жағымсыз әсерлер тудыруы мүмкін; ауру симптомдары көлік жүргізу кезінде де қиындықтар тудыруы мүмкін.

Жүктілік немесе бала емізу жағдайында немесе жүкті болып қалу күмәні туындаса немесе жүктілікті жоспарлау кезінде ГЕРЦИТЕМ препаратын қабылдау басталғанша емдеуші дәрігермен кеңесу қажет. ГЕРЦИТЕМ препараты емдеуге дейін, ем кезінде немесе одан кейін тез арада балаларға зиян келтіруі мүмкін. - Егер жүкті болып қалу ықтималдығы болса, ГЕРЦИТЕМ препаратын қабылдау кезінде сенімді контрацепция әдісін пайдаланыңыз. Оны емдеуші дәрігермен талқылау қажет. - Жүктілік жағдайында немесе бала көтеруді жоспарласаңыз, ГЕРЦИТЕМ препаратын қабылдамаңыз. - Егер ГЕРЦИТЕМ препаратын қабылдау кезінде немесе оны тоқтатудан кейін тез арада (1 айға дейін) бала көтеріп қалсаңыз немесе жүктілік басталуына күмән пайда болса, дереу емдеуші дәрігерге қаралыңыз. Емдеуші дәрігер ГЕРЦИТЕМ препаратымен емдеуді бастар алдында бала көтеруге қабілетті әйелдерге жүктілікке тест өткізуді және осы препаратты қабылдау кезінде оны жүйелі (ай сайын) қайталауды тағайындайды. ГЕРЦИТЕМ емшек сүтіне өту-өтпеуі белгісіз. ГЕРЦИТЕМ препаратын қабылдау кезеңінде баланы емшек сүтімен қоректендірмеңіз. Оны емдеуші дәрігермен талқылау қажет. Фертильділік ГЕРЦИТЕМ препаратын қабылдау ерлерде сперматозоидтар мөлшерін төмендетуі мүмкін. Егер осы себепті қандай да бір сұрақтар немесе алаңдаушылық болса, емдеуші дәрігерге баяндау қажет.

Егер қандай да бір басқа дәрілік препараттарды қабылдап жүрсеңіз, таяуда қабылдаған болсаңыз немесе қабылдауыңыз мүмкін болса, емдеуші дәрігерге хабарлау қажет. ГЕРЦИТЕМ препараты басқа дәрілік препараттармен өзара әрекеттесуге қабілетті. ГЕРЦИТЕМ препаратын, төменде атап көрсетілген препараттарды қоса, басқа препараттармен бірге қолдану кезінде ГЕРЦИТЕМ препаратының немесе басқа препараттардың тиімділігі өзгеруі мүмкін. Егер төменде көрсетілген препараттардың кез келгенін қабылдап жүрсеңіз, емдеуші дәрігерге хабарлау қажет: - рифампицин, кларитромицин, ципрофлоксацин, эритромицин, телитромицин (инфекцияларды емдеуге пайдаланылатын антибиотиктер); - фенитоин (құрысу ұстамаларын емдеуге пайдаланылады); - карбамазепин (депрессия мен эпилепсияны емдеуге пайдаланылады); - шайқурай (өсімдік препараты, депрессияны емдеуге пайдаланылады); - ритонавир, саквинавир (АИТВ инфекциясын емдеуге пайдаланылады); - нефазодон (депрессияны емдеуге пайдаланылады); - кетоконазол (сусабыннан басқа), флуконазол, итраконазол, миконазол, вориконазол (зеңді инфекцияларды емдеуге пайдаланылатын препараттар); - амиодарон (жүрек соғуын бақылау үшін); - циклоспорин (трансплантациядан кейін ағзалардың қабылданбай ажырауын болдырмау үшін пайдаланылады); - дилтиазем, верапамил (жоғары қан қысымын немесе жүректің өзіне тән кінәраттарын емдеу үшін). ГЕРЦИТЕМ препаратын тамақпен бірге қабылдау Пиперинді тағамдық қоспа ретінде қабылдау, ГЕРЦИТЕМ препаратын қоса, кейбір дәрілік препараттарға организм реакциясын өзгертуі мүмкін. Егер осылай болса, емдеуші дәрігерге мәлімдеу қажет.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде 25°C-ден аспайтын температурада сақтау керек. Балалардың қолы жетпейтін жерде сақтау керек!