Гидроферол капсулы 0.266 мг

Бір капсуланың құрамында белсенді зат-0,266 мг кальцифедиол қосымша заттар-сусыз этанол, орташа тізбекті триглицеридтер (Miglyol 812N), капсула қабығының құрамы: желатин, глицерин (≥99% глицерин), сорбитол (70% к/к), титанның қостотығы (Е171), күн батар түстес сары бояғыш S (Е-110), тазартылған су. Сыртқы түрінің, иісінің, дәмінің сипаттамасы Ұзындығы 15.5 + 0.5 мм және диаметрі 9.2 + 0.4 мм бойлық тігісі бар қызғылт сары түсті жұмсақ желатинді капсулалар. Капсулалардың ішіндегісі - мөлдір, тұтқырлығы төмен және құрамында бөгде бөлшектер жоқ сұйықтық.

Ересектерде D дәрумені тапшылығын (яғни 25-ОН-холекальциферол деңгейі <25 нмоль/л) емдеу. D дәрумені тапшылығы қаупі анықталған ересектерде, мысалы мальабсорбция синдромы, минералды-сүйек бұзылыстарымен созылмалы бүйрек ауруы (МСБ-СБА) немесе басқа да белгілі қауіптері бар пациенттерде D дәрумені тапшылығы профилактикасы. D дәруменінің тапшылығы бар немесе оның жеткіліксіздігі қаупі бар пациенттерде остеопорозды спецификалық емдеуге қосымша ретінде.

Әсер ету механизмі D дәруменінің екі негізгі түрі бар: D2 (эргокальциферол) және D3 (холекальциферол). D3 дәрумені күн сәулесінің (ультракүлгін сәулелену) әсерінен теріде синтезделеді, оны тамақпен алуға да болады. D3 дәрумені белсенді болу үшін екі сатылы метаболизмдік үдерістен өтуі тиіс; бірінші кезең бауырдың микросомалық фракциясында жүреді, мұнда D дәрумені 25 күйге гидроксилденеді (25-гидроксихолекальциферол немесе кальцидиол); екінші кезең бүйректе жүреді, мұнда 1,25-дигидроксихолекальциферол немесе кальцитриол 25-гидроксихолекальциферол-1-гидроксилаза ферментінің белсенділігі арқылы түзіледі; 1,25-дигидроксихолекальциферолға түрлену өзінің концентрациясымен, паратироидты гормонымен (ПТГ) және қан сарысуындағы кальций мен фосфат концентрациясымен реттеледі. Функциясы белгісіз басқа метаболиттер де бар. 1,25-дигидроксихолекальциферол бүйректен нысан-тінге (ішек, сүйек, бүйрек және қалқанша маңы бездері болуы мүмкін) спецификалық плазма ақуыздарымен байланысу арқылы тасымалданады. Фармакодинамикалық әсері D дәрумені ішекте кальций мен фосфордың сіңірілуін арттырады және сүйектердің қалыпты қалыптасуы мен минералдануын жақсартады және үш деңгейде әсер етеді: Ішек: D дәрумені аш ішекте кальций мен фосфордың сіңірілуін күшейтеді. Сүйек: кальцитриол кальций мен фосфат деңгейін жоғарылату арқылы сүйек түзілуін күшейтеді және остеобласттардың әсерін стимуляциялайды. Бүйрек: кальцитриол кальцийдің өзекшелік реабсорбциясын күшейтеді. Қалқанша маңы бездері: D дәрумені паратиреоидты гормон секрециясын бәсеңдетеді. Клиникалық тиімділік және қауіпсіздік 266 мкг дозамен жұмсақ капсула түріндегі кальцифедиол моногидратының тиімділігі мен қауіпсіздігі 25(OH)D сарысулық деңгейі <50 нмоль/л менопаузадан кейінгі әйелдерде рандомизацияланған салыстырмалы жасырын зерттеуде бағаланды. 303 сыналатындарда рандомизацияланды, ал 298 тағайындалған еммен қауым критерийлеріне сәйкес келді. Пациенттер кальцифедиол моногидратын айына 266 мкг (N=200) немесе холекальциферолды (N=98) айына 625 мкг (25000 ХБ) дозада қабылдады. Кальцифедиол тобында 98 пациент 4 ай бойы ем қабылдады, қалған пациенттер (N=102) және холекальциферол тобы 12 ай бойы ем қабылдады. 1 айдан кейін кальцифедиол моногидратын қабылдаған пациенттердің 13,5% 25(OH)D деңгейіне 30 нг/мл-ден (75 нмоль/л) асқанда жетті, ал 4 айдан кейін бұл көрсеткіш 35% - ға дейін артты. Кальцифедиол моногидратын қабылдаған кезде 25(OH)D ең жоғары деңгейіне 4 ай емдеуден кейін қол жетті, бұл жинақталмайтын әсерді растайды. Төмендегі кестеде орташа мәндер (СОт) түріндегі нг/мл бастапқы деңгеймен салыстырғанда 25(OH)D концентрациясының жоғарылауы көрсетілген. Кальцифедиол 266 мкг — Холекальциферол 625 мкг Бастапқы деңгей — 12,8 (3,9) — 13,2 (3,7) Бастапқы деңгеймен салыстырғанда жоғарылау: 1 ай — 9,7 (6,7) — 5,1 (3,5) 4 ай — 14. 9 (8,1) — 9,9 (5,7) 12 ай — 11,4 (7,4) — 9,2 (6,1) *Нәтижелер орташа мән (СОт) ретінде ұсынылған

Дозалау режимі D дәруменін тағаммен алу және күн сәулесінің әсері пациенттерде әр түрлі, сондықтан бұл факторлар кальцифедиол сияқты D дәруменінің аналог-препараттарының тиісті дозасын есептеу кезінде ескерілуі тиіс. Емдеу дозасы, жиілігі және ұзақтығы қан плазмасындағы 25-ОН-холекальциферол деңгейіне, пациенттің типі мен жай-күйіне және семіздік, мальабсорбция синдромы, кортикостероидтармен емдеу сияқты басқа қатарлас ауруларға байланысты анықталады. Қабылданған доза қан сарысуындағы кальций деңгейін 9-10 мг/дл аралығында қамтамасыз етуі тиіс. Плазмадағы 25-ОН-холекальциферолды анықтау D дәрумені тапшылығын диагностикалаудың ең қолайлы тәсілі болып саналады. Қан сарысуындағы 25-ОН-холекальциферол деңгейі <20 нг/мл болғанда D дәрумені тапшылығы бар деп саналады, ал қан сарысуындағы 25-ОН-холекальциферол деңгейі 20 мен 24 нг/мл аралығында болса, D дәруменінің жеткіліксіздігі қарастырылады. Қалыпта адамдарда қан сарысуындағы 25-ОН-холекальциферолдың орташа концентрациясы 25-тен 40 нг/мл-ге дейін болады. Ұсынылатын доза айына бір рет бір капсуланы (0,266 мг кальцифедиол) құрайды. • D дәруменінің жеткілісіздігі: 2 ай бойы айына бір капсуланы (0,266 мг кальцифедиол) қабылдау ұсынылады. • D дәруменінің тапшылығы: 4 ай бойы айына бір капсуладан (0,266 мг кальцифедиол) қабылдау ұсынылады. • D дәруменінің тапшылығы бар пациенттерде остеопорозды қосымша емдеу ретінде 3-4 ай бойы айына бір капсуладан (0,266 мг кальцифедиол) қабылдау ұсынылады. D дәрумені тапшылығы қаупі жоғары пациенттер топтарында, тапшылық дәрежесін аналитикалық тексеруден кейін және қан сарысуындағы 25-ОН-холекальциферол деңгейін тұрақты мониторингілеу кезінде едәуір жоғары дозаларды қабылдау немесе ұзағырақ қабылдау қажет болуы мүмкін: • Бүйрек остеодистрофиясы: бір капсула (0,266 мг кальцифедиол) апта сайын немесе екі аптада бір рет. • Кортикостероидты препараттарды қабылдаудан туындаған сүйек аурулары: бір капсуладан (0,266 мг кальцифедиол) айына бір рет. • D дәруменінің тапшылығы жоғары немесе мальабсорбция синдромы бар пациенттер: емдеу басталғаннан кейін бір аптадан кейін бастапқы дозаны қайта қабылдау, содан кейін төрт ай бойы бір капсуладан айына бір рет, қан плазмасындағы 25-ОН-холекальциферол концентрациясын бақылаумен. 25-ОН-холекальциферол деңгейіне байланысты дозаны немесе қабылдау жиілігін арттыру қажет болуы мүмкін. Мән қалыпты диапазонда тұрақтанғаннан кейін қабылдауды тоқтату немесе басқа қабылдау сызбасын анықтау керек. Жалпы алғанда, симптомдар жақсарған кезде дозаны азайту керек, өйткені сүйек тіндері қалпына келтірілгеннен кейін D дәруменінің аналог-препараттарын қолдану қажеттілігі азаяды. Қажетті немесе таңдаулы диапазонда (30-60 нг/мл) екеніне көз жеткізу үшін 3 ай емдеуден кейін қан сарысуындағы 25-ОН холекальциферол концентрациясын тексеру керек. Мәнді көрсетілген диапазонда тұрақтандырғаннан кейін препаратпен емдеуді тоқтату немесе оны қабылдау жиілігін төмендету керек. Бала жасындағы пациенттер Балаларда қолданған жағдайда препараттың басқа түрлерін едәуір төмен дозада пайдалану ұсынылады. Енгізу әдісі және жолы Пероральді

• белсенді затқа немесе 6.1-бөлімде атап көрсетілген қосымша заттардың кез келгеніне аса жоғары сезімталдық • гиперкальциемия (қан сарысуындағы кальций > 10,5 мг/дл), гиперкальциурия (кальцийдің несеппен экскрециясының жоғарылауы) • кальций литиазы • гипервитаминоз D • 18 жасқа дейінгі балалар мен жасөспірімдер

Кальцифедиолға жағымсыз реакциялар әдетте жиі емес (≥1/1, 000-ден <1/100-ге дейін), бірақ кейде орташа айқын. Едәуір елеулі жағымсыз әсер D дәруменін шамадан тыс тұтыну болып табылады, яғни бұл артық дозаланумен немесе ұзақ уақыт емдеумен жиі байланысты, әсіресе кальцийдің жоғары дозаларымен бірге. Гипервитаминозды емдеуге қажетті D дәрумені аналогтарының дозалары пациенттер арасында елеулі ерекшеленеді. Едәуір таралған жағымсыз реакциялар гиперкальциемияға байланысты, ол бастапқыда немесе одан кейінгі кезеңде пайда болуы мүмкін. Иммундық жүйе тарапынан бұзылулар: Жиілігі белгісіз: Аса жоғары сезімталдық реакциялары (анафилаксия, ангионевроздық ісіну, ентігу, бөртпе, шектеулі ісіну / жергілікті ісіну және эритема). Эндокриндік жүйе тарапынан бұзылулар: панкреатит, гиперкальциемияның кеш симптомдары арасында Тамақтану және зат алмасу бұзылулары: Жиілігі белгісіз: қандағы мочевина азотының концентрациясының жоғарылауы (BUN), альбуминурия, гиперхолестеринемия, гиперкальциемия және гиперкальциурия Жүйке жүйесі тарапынан бұзылулар: орташа гиперкальциемия кезінде келесі симптомдар пайда болуы мүмкін: әлсіздік, шаршау, ұйқышылдық, бас ауыруы, ашушаңдық. Көру мүшесі тарапынан бұзылулар: Сирек: өте жоғары дозаларда көздің қарығуы және мөлдір қабықтың кальцификациясымен конъюнктивит пайда болуы мүмкін. Жүрек тарапынан бұзылулар: гиперкальциемия кезінде жүрек ырғағының бұзылуы пайда болуы мүмкін. Асқазан-ішек жолы тарапынан бұзылулар: жүрек айнуы, құсу, ауыздың құрғауы, іш қату, дәмнің бұзылуы, металл дәмі, іштің түйілуі. Гиперкальциемияның үдеуі анорексияның дамуына себеп болуы мүмкін. Бауыр мен өт шығару жолы тарапынан бұзылулар: Кальциемияның жоғары деңгейі трансаминазаның (AСT және AЛT) жоғарылауына әкелуі мүмкін. Қаңқа-бұлшықет және дәнекер тіндер тарапынан бұзылулар: сүйектер мен бұлшықеттердің ауыруы гиперкальциемияның ерте кезеңдерінде пайда болуы мүмкін, жұмсақ тіндерде кальцификация. Бүйрек және несеп шығару жолы тарапынан бұзылулар: гиперкальциемияның көріністері: нефрокальциноз және бүйрек функциясының нашарлауы (полиурия, полидипсия, ноктурия және протеинуриямен бірге). Жалпы сипаттағы асқынулар және енгізу орнындағы реакциялар: Гиперкальциемияның едәуір кеш симптомдарына мыналар жатады: ринорея, қышыну, гипертермия, либидоның төмендеуі. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: D дәруменін жоғары дозада немесе ұзақ уақыт бойы қабылдау гиперкальциемия, гиперкальциурия, гиперфосфатемия және бүйрек жеткіліксіздігін туындатуы мүмкін. Артық дозаланудың ерте симптомдары ретінде әлсіздік, шаршау, ұйқышылдық, бас ауыруы, анорексия, ауыздың құрғауы, металл дәмі, жүрек айну, құсу, іштің түйілуі, полиурия, полидипсия, ноктурия, іш қату немесе диарея, бас айналу, құлақтағы шуыл, атаксия, бөртпе, гипотония (әсіресе балаларда), бұлшықет немесе сүйек ауыруы, сондай-ақ ашушаңдық пайда болуы мүмкін. Гиперкальцемияның едәуір кеш симптомдарына мыналар жатады: тұмау, қышыну, либидоның төмендеуі, нефрокальциноз, бүйрек жеткіліксіздігі, ересектердегі остеопороз, балалардың өсуінің іркілуі, салмақ жоғалту, анемия, кальцификациямен конъюнктивит, фотофобия, панкреатит, қандағы мочевина азотының жоғарылауы (BUN), альбуминурия, гиперхолестеринемия, трансаминазалардың жоғарылауы (AЛТ және AСТ), гипертермия, тамырлардың жайылған кальцификациясы, құрысулар, жұмсақ тіндердің кальцификациясы. Пациенттерде гипертония немесе психоздық симптомдар сирек дамуы мүмкін; қан сарысуындағы сілтілі фосфатаза төмендеуі мүмкін; Орташа ацидозбен бірге электролиттер теңгерімсіздігі жүрек ырғағының бұзылуына әкелуі мүмкін. Қан сарысуындағы кальций мөлшері 12 мг/дл-ден асатын едәуір күрделі жағдайларда естен тану, метаболизмдік ацидоз және кома болуы мүмкін. Артық дозалану симптомдары әдетте қайтымды болуына қарамастан, артық дозалану бүйрек немесе жүрек жеткіліксіздігіне әкелуі мүмкін. Қан сарысуындағы 25-ОН-холекальциферолдың деңгейі 150 нг/мл-ден жоғары болса, жағымсыз әсерлер жиілігінің артуына әкелуі мүмкін деп саналады. Қандағы кальций, фосфат, альбумин және мочевина азотының, сондай-ақ холестерин мен қан трансаминазаларының жоғарылауы кальцифедиолдың артық дозалануына тән. Емдеу: Кальцифедиолдың артық дозалануын емдеу мыналарды қамтиды: • Қабылдауды (кальцифедиол) және қабылданатын кез келген құрамында кальций бар қоспаны тоқтату. • Кальций мөлшері төмен диетаны ұстану. Кальцийдің экскрециясын жақсарту үшін сұйықтықтың көп мөлшерін пероральді және парентеральді қабылдаған жөн. Қажет болса, фуросемид сияқты ілмекті диуретиктерді қолдана отырып, стероидтар мен индукцияланған күшейген диурезді тағайындайды. • Егер препаратты қабылдағаннан кейін 2 сағаттан артық уақыт кетпесе, асқазанды босатып, құстыру ұсынылады. Егер D дәрумені асқазаннан өтіп кеткен болса, іш жүргізетін дәріні (парафин немесе минералды май) пайдалануға болады. D дәруменінің абсорбциясы кезінде кальцийсіз диализ ерітіндісімен гемодиализ немесе перитонеальді диализ жасауға болады. Кальцифедиолды ұзақ уақыт бойы қабылдаудан туындаған гиперкальциемия, емдеуді тоқтатқаннан кейін шамамен 4 апта бойы сақталады. Гиперкальциемияның белгілері мен симптомдары әдетте қайтымды. Алайда, метастаздық кальцификация күрделі бүйрек немесе жүрек жеткіліксіздігіне, тіпті өлімге әкелуі мүмкін.

Гиперкальциемия және гиперфосфатемия Қан сарысуындағы 25-ОН-холекальциферол деңгейі пациентте D дәруменінің статусын көрсетеді. Алайда, кальцифедиолды пероральді қабылдауға тиісті клиникалық жауап алу үшін тағаммен кальцийді тиісті тұтыну қажет. Сондықтан емдік әсерді бақылау мақсатында қан сарысуындағы 25-OH-холекальциферолдың деңгейін анықтауға қосымша келесі параметрлерге мониторинг жүргізу қажет: қан сарысуындағы кальций, фосфор және сілтілі фосфатаза, сондай-ақ 24 сағат ішінде несептегі кальций мен фосфор. Әдетте, гиперкальциемия пайда болғанға дейін қан сарысуындағы сілтілі фосфатаза деңгейінің төмендеуі байқалады. Параметрлер тұрақтанғаннан кейін және пациент демеуші емде болғаннан кейін, жоғарыда аталған талдаулар жүйелі түрде жүргізілуі керек, әсіресе бұл қан сарысуындағы 25-ОН-кальциферол мен кальций деңгейін анықтауға қатысты. Бауыр немесе өт қабы функциясының бұзылуы Бауыр жеткіліксіздігі жағдайында өт қышқылының тұздары өндірілмегендіктен кальцифедиолды сіңіру проблемалары байқалуы мүмкін. Бүйрек функциясының бұзылуы Сақтықпен қолдану керек. Бұл препаратты бүйректің созылмалы ауруы бар пациенттерде қолдану қан сарысуындағы кальций мен фосфор деңгейін мерзімді мониторингілеумен, сондай-ақ гиперкальциемияның профилактикасымен қатар жүруі тиіс. Кальцитриолға трасформация бүйректе жүреді; осылайша, бүйректің ауыр жеткіліксіздігі жағдайында (креатинин клиренсі 30 мл/мин-ден кем) фармакологиялық әсерлердің өте елеулі төмендеуі байқалуы мүмкін. Жүрек жеткіліксіздігі Ерекше күтім қажет. Пациенттің қан сарысуындағы кальций мөлшерін үнемі бақылау керек, әсіресе дигиталистегі пациенттерде, өйткені гиперкальциемия пайда болуы және аритмия пайда болуы мүмкін. Емдеудің басында аптасына екі рет бақылау жүргізу ұсынылады. Гипопаратиреоз Паратиреоидты гормон 1-альфа-гидроксилаза ферментін белсендіреді. Нәтижесінде қалқанша маңы безінің жеткіліксіздігі кезінде кальцифедиолдың белсенділігі төмендеуі мүмкін. Бүйректегі тастар Кальцемияны мониторингілеуді жүргізу қажет, өйткені D дәрумені кальцийдің сіңірілуін арттырады және жағдайды нашарлатуы мүмкін. Бұл пациенттерде D дәрумені қоспаларын оны қабылдаудың пайдасы қауіптен жоғары болған жағдайда ғана тағайындау керек. Ұзақ иммобилизация Ұзақ иммобилизациясы бар пациенттерде гиперкальциемияны болдырмау үшін препараттың дозасын төмендету қажеттілігі пайда болуы мүмкін. Кейбір аурулар ішектің D дәруменін сіңіру қабілетін төмендетеді, мысалы, мальабсорбция синдромы немесе Крон ауруын жатқызуға болады. Саркоидоз, туберкулез және басқа гранулематозды аурулар Сақтықпен тағайындау керек, өйткені бұл аурулар D дәруменінің әсеріне үлкен сезімталдыққа, сондай-ақ дозалар ұсынылғаннан төмен болған жағдайда жағымсыз әсерлер қаупінің жоғарылауына әкеледі. Бұл пациенттерде қан сарысуындағы және несептегі кальций концентрациясын бақылау қажет. Артық дозаланудың алдын алу мақсатында пациенттерге, олардың отбасы мүшелеріне және/немесе күтімді іске асыратын адамдарға белгіленген дозаны сақтаудың маңыздылығы және диета мен кальций қоспаларын қатарлас қабылдауға қатысты ұсынымдар туралы хабардар болуы тиіс. Зертханалық талдау нәтижелеріне әсері Кальцифедиол холестеринге талдау нәтижелеріне әсер етуі мүмкін (Златкис-Зак әдісі бойынша), бұл оның қан сарысуындағы деңгейінің жалған жоғарылауына әкеледі. Арнайы сақтандырулар Егде жастағы пациенттер Егде жастағы адамдарда әдетте терінің 7-дегидрохолестериннен холекальциферол өндіру қабілетінің төмендеуіне, сондай-ақ күн сәулесінің азаюына, бүйрек функциясының өзгеруіне немесе Д дәруменінің сіңірілуін қысқартатын ас қорыту бұзылыстарына байланысты D дәрумені қажеттілігі артады. Қосымша заттар Бұл препараттың бір жұмсақ капсуласының құрамында 4,98 мг спирт (этанол) бар. Препараттың 1 капсуласының құрамындағы бұл мөлшер 1 мл сыраға немесе 1 мл шарапқа сәйкес келеді. Бұл дәрілік препараттың құрамындағы алкоголь елеусіз мөлшерде, ешқандай елеулі әсер етпейді. Осы дәрілік препараттың бір жұмсақ капсуласының құрамында 31,30 мг сорбитол (70% к/к) бар. Тұқым қуалайтын фруктоза жақпаушылығы проблемалары бар пациенттер бұл препаратты қабылдамауы керек. Бұл дәрілік препарат құрамында аллергиялық реакциялар туындатуы мүмкін «күн батар түстес» сары (E-110) бояғышы бар. Кальцифедиолдың дозасын анықтау үшін халықаралық бірліктер (ХБ) пайдаланылмауы тиіс, себебі бұл артық дозалануға әкелуі мүмкін. Оның орнына Қолдану жөніндегі ұсынымдарда берілген дозалау бойынша ұсынымдарды ұстану керек. Жүктілік Жүкті әйелдерде кальцифедиолға бақыланатын зерттеулер жүргізілген жоқ. Жануарларды зерттеу барысында препараттың репродуктивті жүйеге қатысты уыттылығы көрсетілді. Кальцифедиолды жүктілік кезінде қолданбаған жөн. Лактация Кальцифедиол емшек сүтіне енеді. Жаңа туған нәрестелер/сәбилер үшін қауіпті жоққа шығару мүмкін емес. Анасының кальцифедиолды жоғары дозада қабылдауы сүттегі кальцитриол деңгейінің жоғарылауына әкелуі және нәрестелерде гиперкальциемияны туындатуы мүмкін. Бұл препаратты бала емізу кезінде қабылдамаған жөн. Фертильділік Кальцифедиолдың адамның фертильділігіне әсері туралы деректер жоқ. Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері Препарат көлік құралдарын басқару және механизмдерге қызмет көрсету қабілетіне әсер етпейді немесе елеусіз әсер етеді.

Нұсқаулықта көрсетілмеген.

• фенитоин, фенобарбитал, примидон және ферменттердің басқа индукторлары: фермент индукторлары қан плазмасындағы кальцифедиол концентрациясын төмендетіп, бауыр метаболизмін индукциялай отырып, оның әсерін тежеуі мүмкін. Осы себепті, әдетте, оларды бірге қолдану мүмкіндігін қарастыру үшін CYP3A4 индукторлары болып табылатын эпилепсияға қарсы препараттармен кальцифедиолды қолданған кезде плазмадағы 25-ОН-холекальциферол деңгейін бақылау ұсынылады. • жүрек гликозидтері: кальцифедиол гиперкальциемияны туындатуы мүмкін, бұл өз кезегінде жүрек аритмиясын туындата отырып, дигоксиннің инотропты әсерін және оның уыттылығын күшейтуі мүмкін. • холестирамин, колестипол немесе орлистат сияқты кальцидиолдың сіңірілуін төмендететін препараттар, бұл оның әсерінің төмендеуіне әкелуі мүмкін. Осы препараттар мен D дәрумені қоспаларын қабылдау арасындағы аралық кем дегенде 2 сағатты құрауы ұсынылады. • парафин және минералды май: кальцидиолдың майда ерігіштігіне байланысты өнім парафинде еруі мүмкін, сондықтан ішекте сіңірілуі төмендеуі мүмкін. Іш жүргізетін дәрілердің басқа түрлерін пайдалану немесе дозаны қабылдау арасында аралық жасау ұсынылады. • тиазидті диуретик: Гипопаратиреозы бар пациенттерде тиазидті диуретикті (гидрохлоротиазидті) D дәрумені қоспаларымен бірге бір мезгілде тағайындау гиперкальциемияға әкелуі мүмкін, ол уақытша болуы мүмкін немесе D дәрумені аналогымен емдеуді тоқтатуды қажет етуі мүмкін. • пенициллин, неомицин және хлорамфеникол сияқты кейбір антибиотиктер кальцийдің сіңірілуін арттыруы мүмкін. • магний тұздары сияқты фосфатты байланыстыратын дәрілер: гипермагниемия пайда болуы мүмкін, өйткені D дәрумені ішекте, бүйректе және сүйекте фосфаттардың тасымалдануына әсер етеді. Қан сарысуындағы фосфат концентрациясына сүйене отырып, фосфатты байланыстыратын препараттардың дозасын түзету қажет. • верапамил: кейбір зерттеулер олардың әсерінің антагонизміне байланысты антиангинальды әсердің потенциалды тежелуін көрсетеді. • D дәрумені: D дәруменінің кез-келген аналогын бір уақытта қолданудан аулақ болу керек, өйткені аддитивті әсерлер мен гиперкальциемия пайда болуы мүмкін. • кальций қоспалары: құрамында кальций бар қосымша препараттарды бақылаусыз қабылдаудан аулақ болу керек. • кортикостероидтар: олар кальцифедиол сияқты D дәруменінің аналог-препараттарының әсеріне қарсы тұрады. Тамақпен және сусындармен өзара әрекеттесуі Құрамында D дәрумені бар тағамдық қоспаларды ескеру керек, өйткені әдеттену әсері пайда болуы мүмкін.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!