Гликлада СР таблетки 60 мг

Бір таблетканың құрамында белсенді зат - гликлазид 60 мг, қосымша заттар: гипромеллоза 100 mPa.s/тип 2208, лактоза моногидраты, сусыз коллоидты кремнийдің қостотығы, магний стеараты Сыртқы түрінің, иісінің, дәмінің сипаттамасы Сопақша пішінді екі жақ беті дөңес ақ немесе ақ дерлік түсті таблеткалар.

- диетотерапия, дене жүктемелері мен дене салмағын төмендету тиімділігі жеткіліксіз болған кездегі 2 типті қант диабетінде

Әсер ету механизмі Гликлада СР бұл сульфонилмочевинаның туындысы, ішке қабылдауға арналған гипогликемиялық препарат, ол ұқсас препараттардан эндоциклді байланысы бар N-гетероциклді сақинаның болуымен ерекшеленеді. Гликлада СР Лангерганс аралшықтар жасушаларының инсулин β-секрециясын стимуляциялау арқылы қандағы глюкоза концентрациясын төмендетеді. Постпрандиальді инсулин мен С-пептид деңгейінің жоғарылауы 2 жылдық емнен кейін сақталады. Метаболизмдік қасиеттерден басқа, гликлазид гемоваскулярлық әсерге ие. Фармакодинамикалық әсерлері Инсулин секрециясына әсері 2 типті қант диабетінде Гликлада СР глюкозаның түсуіне жауап ретінде инсулин секрециясының ерте шыңын қалпына келтіреді және инсулин секрециясының екінші фазасын күшейтеді. Инсулин секрециясының едәуір жоғарылауы тамақ немесе глюкозадан туындаған стимуляцияға жауап ретінде байқалады. Гемоваскулярлық әсерлер Гликлада СР қант диабеті кезіндегі асқынулардың дамуына себеп болатын екі механизммен ұсақ тамырлы тромбоз қаупін азайтады: • тромбоциттердің агрегациясы мен адгезиясын ішінара тежеу және тромбоциттердің концентрациясы мен белсендіру факторларының төмендеуі (бета-тромбоглобулин, тромбоксан В2) • тамырлы эндотелийдің фибринолитикалық белсенділігіне әсері және плазминоген тіндік активаторының белсенділігін арттыру.

Препарат тек ересектерді емдеуге арналған. Қантты азайтатын кез келген басқа дәрі сияқты, Гликлада СР препаратының дозасы қандағы глюкоза мен HbA1с концентрациясына байланысты жеке таңдалуы тиіс. Дозалау режимі Тәуліктік доза таңғы ас кезінде тәулігіне 30-дан 120 мг-ға дейін ауытқуы мүмкін. Бастапқы доза Бастапқы ұсынылатын доза (оның ішінде егде жастағы пациенттер үшін, 65 жас) - тәулігіне 30 мг (1 таблетка Гликлада, әсер етуі ұзақ таблеткалар, 30 мг). Қандағы глюкозаны бақылау жағдайында препаратты осы дозада демеуші ем үшін қолдануға болады. Қандағы глюкозаны жеткіліксіз бақылау кезінде препараттың дозасын біртіндеп күніне 60, 90 немесе 120 мг-ға дейін арттыруға болады. Қандағы глюкоза концентрациясы екі аптадан кейін төмендемейтін пациенттерді қоспағанда, әрбір дозаның ұлғаюы арасындағы аралық 1 айдан ерте болмауы тиіс. Мұндай жағдайларда препараттың дозасын емдеудің екінші аптасының соңында арттыруға болады. Ең жоғары ұсынылған тәуліктік доза - 120 мг (Гликлада СР босап шығуы модификацияланған 2 таблетка). Босап шығуы модификацияланған Гликлада СР бір таблеткасы әсер етуі ұзаққа созылатын екі 30 мг Гликлада таблеткасына баламалы. 80 мг гликлазид таблеткаларынан әсер етуі ұзаққа созылатын 30 мг Гликлада таблеткаларына көшу. 80 мг гликлазидтің бір таблеткасы әсер етуі ұзаққа созылатын 30 мг Гликлада бір таблеткасына тең болып келеді. Таблеткалардың бір түрінен екіншісіне ауысу қандағы глюкоза концентрациясын мұқият бақылау арқылы жүргізілуі керек. Диабетке қарсы басқа препараттармен емнен Гликлада СР босап шығуы модификацияланған таблеткалармен емдеуге ауысу Гликлада СР таблеткаларын ішке қабылдауға арналған диабетке қарсы басқа препараттардың орнына қолдануға болады. Гликлада СР таблеткаларын қабылдауға ауысқан кезде басқа препараттың дозасы мен жартылай шығарылу кезеңін ескеру керек және пациент дәрігердің бақылауында болуы керек. Өтпелі кезең әдетте қажет емес. Гликлазидтің бастапқы тәуліктік дозасы 30 мг (1 таблетка Гликлада, әсер етуі ұзаққа созылатын, 30 мг) құрауы тиіс, содан кейін қандағы глюкозаның концентрациясына байланысты титрленуі тиіс. Жартылай шығарылу кезеңі үлкен сульфонилмочевина туындысымен қантты төмендететін дәрімен емнен ауысқан кезде екі препарат әсерінің әлеуеттену салдарынан гипогликемиялық жай-күйді болдырмау үшін бірнеше күн емделмеу қажет болуы мүмкін. Препараттың бастапқы дозасы да 30 мг құрайды және қажет болған жағдайда, жоғарыда сипатталғандай одан әрі жоғарылауы мүмкін. Диабетке қарсы басқа дәрілермен біріктірілген ем Гликлазидті бигуанидтермен, α-глюкозидаза тежегіштерімен немесе инсулинмен біріктіріп қолдануға болады. Инсулинмен бір мезгілде емдеу мұқият медициналық бақылау жағдайында басталуы керек. Пациенттердің ерекше топтары Балалар Балалар мен 18 жасқа дейінгі жасөспірімдерде препаратты қолданудың тиімділігі мен қауіпсіздігі туралы деректер жоқ. Егде жастағы пациенттер (65 жастан асқан) Препарат 65 жастан кіші пациенттерге қолданылатын дозада қолданылады. Бүйрек жеткіліксіздігі бар пациенттер Бүйрек функциясының жеңіл немесе орташа бұзылулары бар пациенттерге препаратты әдеттегі дозаларда қолданады. Гипогликемия қаупі бар пациенттер • гипогликемияның даму қаупі тобына жататын пациенттерде (жеткіліксіз немесе теңгерімсіз тамақтану) • ауыр немесе нашар компенсацияланған эндокриндік бұзылулар (гипофиз және бүйрекүсті безінің жеткіліксіздігі, гипотиреоз) • глюкокортикостероидтарды (ГКС) ұзақ уақыт қабылдағаннан және/немесе жоғары дозаларда қабылдағаннан кейін тоқтату • жүрек-қантамыр жүйесінің ауыр аурулары - жүректің ауыр ишемиялық ауруы, ұйқы артерияларының ауыр атеросклерозы, ауқымды атеросклероз, препараттың ең аз дозасын (30 мг) қолдану ұсынылады. Енгізу әдісі мен жолы Препараттың ұсынылатын дозасын ішке, тәулігіне 1 рет, дұрысы таңғы ас кезінде қабылдаған жөн. Таблеткаларды шайнамай және ұсақтамай тұтастай жұту ұсынылады. Дәрілік препараттың бір немесе бірнеше дозасын өткізіп алған кезде қажетті шаралар Препараттың бір немесе одан да көп тәсілдерін өткізіп алған кезде келесі қабылдауға анағұрлым жоғары дозаны қабылдауға болмайды, өткізіп алған дозаны келесі күні қабылдау керек. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Осы дәрілік препаратты қолдану бойынша қосымша сұрақтар туындаған жағдайда дәрігерге немесе фармацевтке кеңес алу керек.

- гликлазидке, сульфонилмочевинаның басқа туындыларына, сульфаниламидтерге немесе қосымша заттардың кез келгеніне аса жоғары сезімталдық -1 типті қант диабеті -диабеттік кетоацидоз, диабеттік прекома, диабеттік кома -бүйрек немесе бауырдың ауыр жеткіліксіздігі (мұндай жағдайларда инсулинді қолдану ұсынылады) -миконазолмен емдеу - жүктілік және бала емізу кезеңі - балалар мен 18 жасқа дейінгі жасөспірімдер

Гипогликемия Гипогликемия гликлазидтің анағұрлым жиі кездесетін жағымсыз реакция болып табылады. Сульфонилмочевина тобының басқа препараттары сияқты, гликлазидпен емдеу тұрақты емес тамақтану жағдайында, әсіресе тамақ қабылданбаған жағдайда гипогликемияны туындатуы мүмкін. Гипогликемияның ықтимал симптомдары: бас ауыруы, қатты ашығу сезімі, жүрек айнуы, құсу, қатты қажу, ұйқының бұзылуы, ашуланшақтық, қозу, зейін қоюдың төмендеуі, кешеуілдеген реакция, депрессия, сананың шатасуы, көру және сөйлеу қабілетінің бұзылуы, афазия, тремор, парездер, қабылдаудың бұзылуы, бас айналу, әлсіздік, өзін-өзі бақылауды жоғалту, сандырақтау, құрысулар, тыныс алудың бұзылуы, брадикардия, ұйқышылдық және команың ықтимал дамуымен, тіпті өліммен аяқталуға дейін естен айырылу. Сонымен қатар, адренергиялық реакциялар пайда болуы мүмкін: қатты терлеу, «жабысқақ» тері, мазасыздық, тахикардия, артериялық гипертензия, жүрек қағысы, стенокардия және жүрек аритмиясы. Әдетте, гипогликемия симптомдары көмірсулар (қант) қабылдау арқылы тоқтатылады. Қант алмастырғыштарды қабылдау тиімсіз. Сульфонилмочевинаның басқа туындылары аясында сәтті тоқтатылғаннан кейін гипогликемияның қайталануы байқалды. Ауыр немесе ұзаққа созылған гипогликемия кезінде шұғыл медициналық көмек көрсетіледі, ауруханаға жатқызу, тіпті көмірсулар қабылдаудың әсері болса да. Басқа жағымсыз әсерлер Асқазан-ішек жолы тарапынан бұзылуы: іштің ауыруы, жүрек айнуы, құсу, диспепсия, диарея, іш қату. Таңғы ас кезінде препаратты қабылдау бұл симптомдарды болдырмауға немесе азайтуға мүмкіндік береді. Төмендегі жағымсыз әсерлер аз байқалады: Тері және тері асты шелінің тарапынан бұзылулар: бөртпе, қышыну, есекжем, Квинке ісінуі, эритема, макуло-папулезді бөртпе, буллездік реакциялар (Стивенс-Джонсон синдромы және уытты эпидермальді некролиз және аутоиммунды буллездік аурулар) және ерекше жағдайларда эозинофилиясы және жүйелі көріністері бар дәрілік бөртпе (DRESS синдром). Қан және лимфа жүйесі тарапынан бұзылулар: гематологиялық бұзылулар (анемия, лейкопения, тромбоцитопения, гранулоцитопения), эритроцитопения, агранулоцитоз, панцитопения. Әдетте, бұл құбылыстар емді тоқтатқан жағдайда қайтымды болады. Бауыр және өт шығару жолдары тарапынан бұзылулар: бауыр ферменттері деңгейінің жоғарылауы (аспартатаминотрансфераза (АСТ), аланинаминотрансфераза (АЛТ), сілтілі фосфатаза), сирек жағдайларда - гепатит. Холестаздық сарғаю пайда болған кезде емді тоқтату керек. Бұл құбылыстар әдетте емді тоқтатқан жағдайда қайтымды болады. Көру мүшесі тарапынан бұзылулар: әсіресе емнің басында қандағы глюкоза деңгейінің өзгеруінен туындаған өтпелі көру бұзылыстары пайда болуы мүмкін. Сульфонилмочевина туындысына тән жағымсыз әсерлер Сульфонилмочевинаның басқа туындыларын қабылдау аясында келесі жағымсыз әсерлер байқалды: эритроцитопения, агранулоцитоз, гемолиздік анемия, панцитопения, аллергиялық васкулит, гипонатриемия. «Бауыр» ферменттерінің белсенділігінің жоғарылауы, бауыр функциясының бұзылуы (мысалы, холестаз бен сарғаюдың дамуымен) және гепатит байқалды; сульфонилмочевина препараттарын тоқтатқаннан кейін уақыт өте келе көріністер азайды, бірақ кейбір жағдайларда өмірге қауіп төндіретін бауыр жеткіліксіздігіне әкелді. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: ауырлық деңгейі орташадан ауырға дейінгі гипогликемия. Ауыр дәреже комамен, құрысумен және басқа неврологиялық бұзылулармен бірге жүреді. Емі: гипогликемияның орташа симптомдары көмірсулар қабылдау, дозаны таңдау және/немесе диетаны өзгерту арқылы түзетіледі. Пациенттің жай-күйін мұқият бақылауды пациенттің денсаулығы үшін қауіп толық жойылғанға дейін жалғастыру қажет. Ауыр жағдайларда жедел медициналық көмек көрсету және дереу ауруханаға жатқызу қажет. Егер гипогликемиялық комаға күдіктенсе немесе диагноз қойылса, пациентке 50 мл 20-30% глюкоза ерітіндісін вена ішіне енгізу керек. Содан кейін 1 г/л гликемия деңгейін ұстап тұратын жылдамдықпен 10% глюкоза ерітіндісін вена ішіне тамшылатып енгізеді. Мұқият мониторинг кем дегенде келесі 48 сағат ішінде жүргізілуі керек. Болашақта пациенттің жағдайына байланысты өмірлік функцияларын одан әрі бақылау қажеттілігі туралы мәселені шешу қажет. Диализ тиімсіз.

Гипогликемия Препаратты тұрақты тамақтану режимі (таңғы асты қоса алғанда) бар пациенттерге ғана тағайындау керек. Көмірсулардың үнемі тұтынылуы өте маңызды, өйткені кеш тамақтану кезінде оның жеткіліксіз мөлшері немесе онда көмірсулардың жеткіліксіз мөлшері гипогликемияның даму қаупін арттырады. Гипогликемияның даму ықтималдығы төмен калориялы диетаны ұстанған кезде, ұзақ немесе қарқынды физикалық күш салғаннан, алкогольді тұтынғаннан немесе басқа гипогликемиялық дәрілерді бір уақытта қабылдағаннан кейін жоғары болады. Сульфонилмочевина туындыларын қабылдағаннан кейін гипогликемия дамуы мүмкін. Кейбір жағдайларда бұл ауыр және ұзаққа созылуы мүмкін, пациентті ауруханаға жатқызуды және бірнеше күн ішінде глюкозаны вена ішіне енгізуді қажет етеді. Гипогликемияның дамуын болдырмау үшін пациенттерге препараттарды мұқият іріктеу және дозалау режимі, сондай-ақ пациентке ұсынылатын емдеу туралы толық ақпарат беру қажет. Гипогликемия даму қаупін арттыратын факторлар: • пациенттің (әсіресе егде жастағы адамдардың) дәрігердің тағайындауларын орындаудан бас тартуы немесе қабілетсіздігі және өзінің жай-күйін бақылауы • жеткіліксіз және тұрақты емес тамақтану, тамақты өткізіп жіберу, ашығу және диетаны өзгерту • дене жүктемесі мен көмірсулардың мөлшері арасындағы теңгерімсіздік • бүйрек жеткіліксіздігі • бауырдың ауыр жеткіліксіздігі - Гликлада СР, 60 мг, босап шығуы модификацияланған таблеткалар препаратының артық дозалануы - кейбір эндокриндік бұзылулар: қалқанша безінің аурулары, гипофиз және бүйрекүсті безінің жеткіліксіздігі - кейбір дәрілік заттарды бір мезгілде қабылдау Бүйрек және бауыр жеткіліксіздігі Бауыр немесе бүйректің ауыр жеткіліксіздігі бар пациенттерде гликлазидтің фармакокинетикалық және/немесе фармакодинамикалық қасиеттері өзгеруі мүмкін. Осы пациенттерде дамитын гипогликемия жеткілікті ұзақ болуы мүмкін; мұндай жағдайларда тиісті ем жүргізу қажет Пациентке арналған ақпарат Пациент пен оның отбасы мүшелеріне гипогликемияның қауіп факторларын, оның симптомдарын, емін түсіндіруі және гипогликемияның дамуына ықпал ететін жағдайлар туралы хабарлау қажет. Сондай-ақ, пациентке тамақтану бойынша ұсынымдарды сақтау маңыздылығын, үнемі дене жүктемелері мен қандағы глюкоза деңгейін үнемі бақылау қажеттілігін түсіндіру керек. Қандағы глюкоза деңгейін жеткіліксіз бақылау Диабетке қарсы ем қабылдайтын пациенттің қандағы глюкоза концентрациясын бақылау тиімділігі мынадай факторлардың әсерінен төмендеуі мүмкін: шайқурай препараттарын (Hypericum perforatum) қабылдау, жоғары температура, жарақаттар, инфекциялар немесе хирургиялық араласым. Осы жағдайларда пациентті инсулинге ауыстыру қажеттілігі туындауы мүмкін. Көптеген пациенттерде уақыт өте келе пероральді гипогликемиялық препараттың тиімділігі төмендеуі мүмкін. Бұл қант диабеті ауырлығының өршуіне және емдеуге реакцияның төмендеуіне байланысты болуы мүмкін. Бұл құбылыс препараттың салдарлы дәрілік резистенттілігі ретінде белгілі, ол бастапқы резистенттіліктен ерекшеленеді (препарат бастапқыда тиімсіз болған кезде). Емнің салдарлы резистенттілігі туралы шешім қабылдар алдында пациенттің диетаны ұстанатынына және қолданылатын дозалардың талапқа сай екеніне көз жеткізу қажет. Қандағы глюкоза деңгейінің қалыптан ауытқуы Фторхинолондармен бір мезгілде ем қабылдайтын диабетпен ауыратын пациенттерде, әсіресе егде жастағы пациенттерде қандағы глюкоза деңгейінің қалыптан ауытқуы, оның ішінде гипогликемия және гипергликемия байқалды. Бір мезгілде 60 мг Гликлада СР және фторхинолондар тобының препаратын алатын барлық пациенттерге қандағы глюкоза деңгейін мұқият бақылау ұсынылады. Зертханалық параметрлер Қандағы глюкозаны бақылау сапасын бағалау үшін гликозилденген гемоглобин деңгейін (немесе ашқарынға плазмадағы глюкоза мөлшерін) тұрақты түрде анықтау қажет. Сондай-ақ, қандағы глюкоза деңгейіне өзіндік бақылауды қолданған жөн. Гематологиялық әсерлері Глюкоза-6-фосфатдегидрогеназа (G6PD) тапшылығы бар пациенттерді сульфонилмочевина туындыларымен емдеу гемолиздік анемияның дамуына әкелуі мүмкін. Гликлазид сульфонилмочевинаның химиялық класына жататындықтан, оны G6PD тапшылығы бар пациенттерде сақтықпен қолдану керек және балама сульфонилмочевина емес дәріні қарастыру керек. Порфириясы бар пациенттер Басқа сульфонилмочевина туындыларын қолданған кезде порфириясы бар пациенттерде жедел порфирия жағдайлары тіркелген. Арнайы ескертулер Педиатрияда қолдану Балалар мен 18 жасқа дейінгі жасөспірімдерде препаратты қолданудың тиімділігі мен қауіпсіздігі туралы деректер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Бұл препараттың автокөлік жүргізу және машина жабдықтарын пайдалану қабілетіне әсері жоқ немесе елеусіз. Дегенмен, пациенттер гипогликемия симптомдарын тани білуі және автокөлікті немесе басқа механизмдерді басқару кезінде, әсіресе емдеудің басында сақтық танытуы тиіс.

Жүктілік кезінде гликлазидті қолдану тәжірибесі жоқ. Жүктілік кезінде сульфонилмочевинаның басқа туындыларын қолдану туралы деректер шектеулі. Туа біткен ақаулардың даму қаупін азайту үшін қант диабетін оңтайлы бақылау (тиісті терапия жүргізу) қажет. Жүктілік кезінде пероральді гипогликемиялық препараттар қолданылмайды. Инсулин жүкті әйелдердегі қант диабетін емдеуге арналған препарат болып табылады. Пероральді гипогликемиялық препараттарды қабылдауды жоспарланған жүктілік жағдайында да, егер жүктілік препаратты қабылдау аясында болса да инсулинмен емдеуге ауыстыру ұсынылады. Бала емізу Гликлазидтің емшек сүтіне түсуі туралы деректердің болмауын, сондай-ақ неонатальді гипогликемияның даму қаупін назарға ала отырып, препаратпен емдеу кезінде бала емізуге болмайды. Фертильділік Егеуқұйрықтардың еркектері мен ұрғашыларының фертильділігіне немесе репродуктивті функциясына әсері анықталған жоқ. Қосымша заттар Гликлада СР құрамында лактоза бар. Сирек тұқым қуалайтын галактоза көтере алмаушылығы, Lapp (ЛАПП)-лактаза ферментінің тапшылығы, глюкоза - галактоза мальабсорбциясы бар пациенттерге бұл препаратты қабылдау ұсынылмайды.

Гипогликемия қаупін арттыратын препараттар Қарсы көрсетілімді біріктірілімдер: Миконазол (жүйелі қолдануға арналған түрінде және ауыз қуысының шырышты қабығына арналған гель) гипогликемия және тіпті кома симптомдарының даму ықтималдығымен қантты төмендететін әсерді күшейтеді, сондықтан бірге қолдануға болмайды. Ұсынылмайтын біріктірілімдер: Фенилбутазон (жүйелі қолданған кезде) сульфонилмочевина туындыларының қантты төмендететін әсерін күшейтеді (оларды плазма ақуыздарымен байланыстан ығыстырады және/немесе олардың шығарылуын баяулатады). Қабынуға қарсы басқа препараттарды қолданған дұрыс немесе пациентті гликемия деңгейін жиі бақылау қажеттілігі туралы хабардар еткен жөн. Мүмкіндігінше қабынуға қарсы дәрілермен емдеуге дейін және одан кейін гликлазид дозасын түзету қажет. Алкоголь гипогликемиялық реакцияларды күшейтеді (компенсаторлық қорғаныс механизмдерін тежейді), бұл гипогликемиялық команың дамуына әкелуі мүмкін. Этанол мен алкогольді тұтынуды қамтитын дәрілік заттарды қабылдаудан бас тарту керек. Сақтық шараларын қажет ететін біріктірілімдер Гликлазидті кейбір дәрілік заттармен біріктірілімде қабылдау: басқа гипогликемиялық дәрілермен (инсулинмен, акарбозамен, метформинмен, тиазолидинидиондармен, дипептидилпептидаза-4 тежегіштерімен, ГПП-1 агонистерімен); бета-адреноблокаторлармен, флуконазолмен; ангиотензин-өзгертуші фермент тежегіштері - каптоприлмен, эналаприлмен; Н2-гистаминді рецепторлардың блокаторларымен; моноаминооксидаза тежегіштерімен; сульфаниламидтермен; кларитромицинмен және қабынуға қарсы стероидты емес препараттармен) гипогликемиялық әсердің күшеюімен және гипогликемия қаупімен қатар жүреді. Қандағы глюкоза деңгейін жоғарылататын (гликлазидтің әсерін төмендететін) препараттар Ұсынылмайтын біріктірілімдер Даназолдың диабетогенді әсері бар. Егер оны қолданудан аулақ болу мүмкін болмаса, пациентке қандағы және несептегі глюкоза деңгейін жиі бақылау қажеттілігі туралы ескерту қажет. Даназолмен емдеу кезінде және одан кейін диабетке қарсы дәрінің дозасын өзгерту қажет болуы мүмкін. Сақтық шараларын қажет ететін біріктірілімдер Тәулігіне 100 мг артық дозадағы хлорпромазин (нейролептик) қандағы глюкоза мөлшерін арттырады (инсулин секрециясын азайтады). Пациентті гликемия деңгейін тұрақты бақылау қажеттігі туралы хабардар ету керек. Препараттарды бірге қабылдау қажет болған жағдайда нейролептикті қабылдау кезінде де, оны тоқтатқаннан кейін де гипогликемиялық препараттың дозасын таңдау ұсынылады. Глюкокортикоидтар (жүйелі және жергілікті қолданғанда, оның ішінде буын ішіне, тері және трансректальді) және тетракозактид кетоздың даму ықтималдығымен қандағы глюкоза құрамын арттырады (глюкокортикоидтарды қолдануға байланысты көмірсулардың жағымдылығын төмендетеді). Мұқият гликемиялық бақылау ұсынылады, әсіресе емдеудің басында. Препараттарды бірге қабылдау қажет болған кезде ГКС қабылдау кезінде де, оларды тоқтатқаннан кейін де гипогликемиялық дәрінің дозасын түзету қажет болуы мүмкін. Ритодрин, сальбутамол, тербуталин (вена ішіне қолданғанда) бета-2-адреномиметикалық белсенділік есебінен қандағы глюкоза мөлшерін арттырады. Гликемия деңгейін үнемі бақылау қажет. Қажет болған жағдайда пациентті инсулинмен емдеуге ауыстыру керек. Шайқурай препараттарымен (Hypericum perforatum): шайқурай (Hypericum perforatum) гликлазид концентрациясын төмендетеді. Қажет болса, қандағы глюкоза деңгейін бақылауды ұсынады. Қандағы глюкоза деңгейінің қалыптан ауытқуына ықпал ететін препараттар Сақтықты қажет ететін біріктірілімдер Фторхинолондармен: фторхинолондармен бір мезгілде қолданған кезде пациентті қандағы глюкоза деңгейінің қалыптан ауытқу мүмкіндігі туралы ескерткен жөн және қандағы глюкоза деңгейін бақылау ұсынылады. Ескерілуі тиіс біріктірілімдер Антикоагулянттар (мысалы, варфарин), сульфонилмочевина туындылары бір мезгілде қабылдау кезінде ұйытуға қарсы әсерді күшейте алады. Бұл ретте антикоагулянт дозасын өзгерту қажет болуы мүмкін.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 °С-ден аспайтын температурада сақтау керек. Балалардың қолы жетпейтін жерде сақтау керек!