Глиолан® порошок

белсенді зат - 5-аминолевулин қышқылы гидрохлориді - 1.5 г (5-аминолевулин қышқылына шаққанда - 1.17 г). Сыртқы түрінің, иісінің, дәмінің сипаттамасы Ақ немесе дерлік ақ түсті жентектелген масса.

Глиоланды ересек пациенттерде қатерлі глиоманы алып тастау бойынша хирургиялық операция кезінде қатерлі тінді визуализациялау үшін тағайындайды (ДДҰ жіктеуі бойынша III және IV дәрежелі).

Әсер ету механизмі 5-аминолевулин қышқылы гемнің табиғи биохимиялық ізашары болып табылады, ол кейбір эпителий тіндерінде және ісіктерде бірқатар ферменттік реакциялар нәтижесінде флуоресцентті порфириндерге, атап айтқанда РРІХ-ға метаболизденеді. 5-аминолевулин қышқылының метаболизмі теріс кері байланыс механизмі арқылы жасушаішілік бос гем пулымен реттеледі. Экзогендік 5-аминолевулин қышқылының артық мөлшерін енгізу теріс кері байланысты бақылаудан аулақ болады, ал нысана-тіндерде РРІХ жинақталады. Көрінетін жарықтың әсерінен РРIX флуоресценциясы (фотодинамикалық әсер) белгілі бір нысана-тіндерде ісік тіндерін флуоресцентті визуализация үшін қолданылуы мүмкін. Фармакодинамикалық әсерлері 5-аминолевулин қышқылын енгізу порфириндердің жасушалық метаболизмінің шамадан тыс жүктелуіне және әртүрлі эпителий мен ісік тіндерінде РРІХ жиналуына әкеледі. Қатерлі глиома тіндері (ДДҰ жіктемесі бойынша III және IV дәреже, мысалы, глиобластома, глиосаркома немесе анапластикалық астроцитома) 5-аминолевулин қышқылын енгізуге жауап ретінде порфириндерді синтездейтіні және сақтайтыны анықталды. РРІХ концентрациясы ми қыртысы мен ісікке қарағанда ақ затта айтарлықтай төмен. Бұл жағдайда ісікті қоршап тұрған тіндер, сондай-ақ мидің сау тіндері де қатысуы мүмкін. Алайда, 5-аминолевулин қышқылымен индукцияланған РРІХ түзілуі мидің сау тіндеріне қарағанда қатерлі ісік тіндерінде айтарлықтай жоғары. Керісінше, қатерлілігі төмен дәрежелі ісіктерде (ДДҰ жіктемесі бойынша I және II , мысалы, медуллобластома, олигодендроглиома) 5-аминолевулин қышқылын қабылдағаннан кейін тіндердің флуоресценциясы байқалмайды. Мидағы метастаздар тұрақсыз флуоресценцияны көрсетеді немесе оны мүлдем көрсетпейді. ДДҰ классификациясы бойынша III және IV дәрежелі қатерлі глиомаларда РРІХ жинақталу феномені ісік тінінің 5-аминолевулин қышқылының жоғары сіңуімен немесе ісік жасушаларында гемоглобин биосинтезіне қатысатын ферменттердің (мысалы, феррохелатазаның) экспрессиясының немесе белсенділігінің өзгеруімен түсіндіруге болады. 5-аминолевулин қышқылының күшті сіңуінің себептері гематоэнцефалдық бөгеттің бұзылуы, күшейтілген неоваскуляризация, сондай-ақ глиома тіндеріндегі жарғақшалық тасымалдаушылардың шамадан тыс экспрессиясы болуы мүмкін. Көк жарықтың әсерінен (λ = 400-410 нм) РРІХ өте флуоресцентті болады (λ = 635 нм кездегі шыңы) және оны сәйкесінше өзгертілген стандартты нейрохирургиялық микроскоп арқылы көруге болады. Флуоресценция қарқынды (қатты) қызыл (өміршең тығыз ісік тініне сәйкес келеді) немесе сәл қызғылт (сау тіндердің ісік жасушаларының инфильтрациясына сәйкес келеді) болуы мүмкін, ал мидің сау тінінде РРІХ деңгейінің жоғарылауысыз, күлгін-көгілдір флуоресценцияға ие және көгілдір болып көрінеді. Тиімділіктің дозаға тәуелділігінің I/II фазасын зерттеуде 21 пациенттің қатысуымен флуоресценция сапасы мен қарқындылығының препарат дозасына тәуелділігі анықталды: 5-аминолевулин қышқылының жоғары дозалары флуоресцентті бейнелеусіз стандартты монотонды типті ақ жарықта ісік шекараларын анықтаумен салыстырғанда ісік негізінің флуоресценциясының сапасы мен дәрежесін арттырды. Ең жоғары доза (дене салмағының 20 мг/кг) ең тиімді екендігі анықталды. Тіндердің флуоресценциясының оң болжамдық мәні 84.8% деңгейінде анықталды (90% сенімділік аралығы: 70.7 – 93.8%). Бұл мән әлсіз және күшті флуоресценция аймақтарынан алынған барлық биоптаттарда ісік жасушаларының оң идентификациясы бар пациенттердің пайызы ретінде анықталды. Күшті флуоресценцияның оң болжамдық мәні әлсіз флуоресценцияға қарағанда жоғары болды (100.0%; 90% сенімділік аралығы: 91.1% - 100.0%) (83.3%; 90% сенімділік аралығы: 68.1% - 93.2%). Нәтижелер 20 мг/кг дозада 5-аминолевулин қышқылы гидрохлоридімен емделген 33 пациенттің қатысуымен II фазалық зерттеуде алынды. Алынған флуоресценция осы ісіктерді хирургиялық резекциялау тиімділігін арттыру мақсатында қатерлі глиома тінінің интраоперациялық маркері ретінде пайдаланылды. III фазалық зерттеуде контрастты ісіктің толық резекциясына жататын қатерлі глиомаға күдікті 349 пациент (МРТ мәліметтері бойынша) дене салмағының 20 мг/кг дозасында 5-аминолевулин қышқылы гидрохлоридін қолдана отырып, интраоперациялық флуоресцентті визуализациямен резекция тобына немесе интраоперациялық флуоресцентті визуализациясыз жарық астында әдеттегі резекция тобына рандомизацияланды. Контрастты ісік резекциясы (МРТ мәліметтері бойынша) зерттеу тобындағы пациенттердің 64% -да жүргізілді, ал бақылау тобындағы 38%-бен салыстырғанда (p <0.0001). Ісік резекциясынан кейін алты айдан кейін бақылау кезінде 5-аминолевулин қышқылы тобындағы пациенттердің 20.5%-ында және стандартты операция жасалған пациенттердің 11% -ында аурудың өршуі байқалмады. Айырмашылық хи-квадрат критерийі (p = 0.015) бойынша статистикалық тұрғыдан сенімді болып табылады. Зерттеу жалпы өмір сүрудің айтарлықтай өсуін көрсетпеді, соның ішінде осы зерттеудің дизайны мұндай айырмашылықтарды анықтауға мүмкіндік бермеді.

Дозалау режимі • 5-аминолевулин қышқылы гидрохлоридінің ұсынылатын дозасы дене салмағына 20 мг/кг құрайды. • Жекелеген пациент үшін ұсынылатын дозаны қабылдауға арналған препарат ерітіндісінің көлемін келесі формула бойынша есептеуге болады: Қабылдауға арналған препарат ерітіндісінің көлемі (мл) = — Пациенттің салмағы (кг) х 20 мг / кг 30 мг/мл • Жеке пациент үшін ұсынылатын дозаны қабылдау үшін қажетті құтылардың жалпы саны формулаға сәйкес есептелуі мүмкін (тұтас құтыға жақын дөңгелектенген): Құтылар саны = — Пациенттің салмағы (кг) 75 кг/құты • Пациенттердің ерекше топтары • Бүйрек және бауыр жеткіліксіздігі бар пациенттер • Клиникалық мәнді бауыр немесе бүйрек жеткіліксіздігі бар пациенттердің қатысуымен зерттеулер жүргізілген жоқ. Сондықтан мұндай пациенттерге осы дәрілік препаратты сақтықпен қолдану керек. • Егде жастағы пациенттер • Ағзалар функциясы қалыпты егде жастағы пациенттерде препаратты қолдану жөнінде арнайы ұсынымдар жоқ. • Балаларда қолдану • 18 жасқа дейінгі балалар мен жасөспірімдерде 5-аминолевулин қышқылы гидрохлоридін қолданудың қауіпсіздігі мен тиімділігі анықталмаған. Қолдану тәсілі Ерітіндіні анестезия жүргізуді бастағанға дейін үш сағат бұрын (2-ден 4 сағатқа дейінгі ауқымда) ішке қабылдау керек. Егер операция 12 сағаттан артық уақытқа кешіктірілсе, оны келесі күнге немесе одан кейінгі уақытқа ауыстыру керек. Бұл препараттың келесі дозасын анестезия басталғанға дейін 2–4 сағат бұрын қабылдауға болады. • 5-аминолевулин қышқылын препарат клиникалық зерттеулер барысында қолданылғандардан ерекшеленетін көрсеткіштер бойынша қолдану белгісіз тәуекелге әкеледі. Ішу үшін ерітінді дайындау және дәрілік препаратпен жұмыс істеу ережесі Пероральді қабылдауға арналған ерітінді бір құтыдағы ұнтақты 50 мл ауыз суға еріту арқылы дайындалады. 1 мл дайындалған ерітіндіде 30 мг 5-аминолевулин қышқылы гидрохлориді бар. 50 мл ауыз суда ерітілген Глиоланның бір құтысы 1500 мг 5-аминолевулин қышқылы гидрохлоридіне сәйкес келеді. Қалпына келтірілген ерітінді түссізден сәл сарғыш түске дейінгі мөлдір сұйықтық болып табылады. • Глиолан тек бір рет қолдануға арналған, және бірінші қолданғаннан кейін қалғанның барлығын жою қажет. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар • Дәрілік препаратты қолдануды қатерлі глиомаларды хирургиялық жолмен алып тастау тәжірибесі және мидың функционалдық анатомиясы туралы терең білімі бар, сондай-ақ интраоперациялық флуоресцентті визуализациямен ісіктерді хирургиялық алып тастау бойынша оқу курсынана өткен білікті нейрохирургтардың бақылауымен ғана жүзеге асырылуы тиіс.

• әсер етуші затқа және порфириндерге аса жоғары сезімталдық • порфирияның жедел немесе созылмалы түрі • жүктілік және лактация кезеңі • 18 жасқа дейінгі балалар мен жасөспірімдер

Глиоманы хирургиялық алып тастау кезінде қатерлі тіндерді флуоресцентті визуализация үшін осы препаратты қабылдау кезінде байқалатын жағымсыз реакциялар екі санатқа бөлінеді: • анестезия басталғанға дейін препаратты пероральді қабылдағаннан кейін бірден пайда болатын реакциялар (= белсенді затқа тән жағымсыз реакциялар); • 5-аминолевулин қышқылын қабылдау, анестезия жүргізу және ісікті хирургиялық алып тастау салдарынан біріктірілген реакциялар (= хирургиялық араласулармен байланысты жағымсыз реакциялар). Ең ауыр жағымсыз реакцияларға анемия, тромбоцитопения, лейкоцитоз, неврологиялық бұзылулар және тромбоэмболия жатады. Басқа жиі байқалатын жағымсыз реакциялар құсу, жүрек айнуы және билирубиннің, аланинаминотрансферазаның, аспартатаминотрансферазаның, гамма-глутамилтрансферазаның және қандағы амилазаның жоғарылауы болып табылады. Төменде пайда болу жиілігіне байланысты келесі жіктемеге сәйкес жағымсыз реакциялар келтірілген: өте жиі (1/10); жиі (1/100 - <1/10); жиі емес (1/1000 - <1/100); сирек (1/10000 - </1000); өте сирек (<1/10000 жеке хабарламаларды қосқанда), белгісіз (жиілікті қолда бар мәліметтер негізінде анықтау мүмкін емес). Әрбір жиілік тобында жағымсыз реакциялар ауырлықты азайту тәртібімен ұсынылған. 5-аминолевулин қышқылына тән жағымсыз реакциялар: Жиі емес • гипотензия • жүрек айнуы • фотосезімталдық реакциясы, фотодерматоз Хирургиялық араласыммен байланысты жағымсыз реакциялар: Процедураға байланысты неврологиялық жағымсыз реакциялардың дәрежесі мен жиілігі мидағы ісіктің орналасуына және мидың элоквентті аймақтарында жатқан ісік тінінің резекция дәрежесіне байланысты. Өте жиі • анемия, тромбоцитопения, лейкоцитоз • билирубин, аланинаминотрансфераза, аспартатаминотрансфераза, гамма глутамилтрансфераза, қандағы амилаза деңгейінің жоғарылауы Жиі • неврологиялық бұзылыстар (мысалы, гемипарез, афазия, құрысулар, гемианопсия) • тромбоэмболия • құсу, жүрек айнуы Жиі емес • мидың ісінуі • гипотензия Өте сирек • гипестезия • диарея Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: тыныс алу жеткіліксіздігі, бет эритемасы (бір пациенттен алынған мәліметтер бойынша). Емі: өкпенің жасанды желдетуі, жарқын жарық көздерінен жеткілікті қорғаныс (мысалы, тікелей күн сәулесінен), қажет болған жағдайда ілеспе терапия.

5-аминолевулин қышқылымен индукцияланған ми тінінің флуоресценциясы тіндердің негізгі неврологиялық қызметі туралы ақпарат бермейді. Сондықтан осы тіндердің неврологиялық қызметін ескере отырып, флуоресцентті тіндердің резекция мүмкіндігін міндетті түрде бағалау қажет. Ісік маңызды неврологиялық орталықтарға тікелей жақын орналасқан және ошақтық симптомдары (мысалы, афазия, көрудің бұзылуы және парез) бар, бұл ретте кортикостероидтармен емдеу кезінде олардың жай-күйі жақсармаған пациенттерге қатысты ерекше сақ болу керек. Мұндай пациенттерде интраоперациялық флуоресцентті визуализация резекциясы критикалық неврологиялық тапшылықтың даму қаупінің жоғары болуына әкелетіні анықталды. Флуоресценция болуына қарамастан, ми қыртысының элоквентті өрістеріне және қыртысасты құрылымдарға дейін кемінде 1 см қауіпсіз қашықтықты сақтау қажет. Операцияға дейін немесе операция кезінде маңызды неврологиялық орталықтардың жанында ісігі бар барлық пациенттер үшін қауіпсіз қашықтықты сақтау үшін ісікке қатысты осы орталықтарды оқшаулау үшін арнайы шаралар қабылдануы керек. Қатерлі глиоманы интраоперациялық флуоресцентті визуализация үшін 5-аминолевулин қышқылын қолданғанда жалған теріс және жалған оң нәтижелерді алуға болады. Операциялық өрісте флуоресцентті емес тін глиомасы бар пациенттерде ісіктің болуын жоққа шығармайды. Екінші жағынан, флуоресценцияны мидың қалыптан тыс тіндерінің аймақтарында (мысалы, реактивті астроциттер, атипті жасушалар), некролилдік тіндерде, қабыну, инфекциялар болған кезде (мысалы, зеңдік немесе бактериялық инфекциялар мен абсцесс), ОЖЖ лимфомасында немесе ісіктердің басқа түрлерінен метастаздарда байқауға болады. Осы дәрілік препаратты қолданғаннан кейін 24 сағат бойы пациенттердің көзіне және терісіне күшті жарық көздерінің (мысалы, операциялық бөлмедегі жарық, тікелей күн сәулесі немесе үй-жай ішіндегі жарық фокусталған жарықтандыру) әсерін болдырмау керек. Глиоланды басқа ықтимал фотоуытты препараттармен (мысалы, тетрациклиндермен, сульфаниламидтермен, фторхинолондармен, гиперицин экстрактілерімен) бір мезгілде қабылдауға жол бермеу керек. Глиоланды қолданудан кейін 24 сағат бойы басқа ықтимал гепатоуытты дәрілік препараттарды пайдаланудан аулақ болу қажет. Анамнезінде жүрек-қантамыр аурулары бар пациенттерге препаратты сақтықпен тағайындау керек, себебі жарияланған мәліметтерге сәйкес оны қолдану систолалық және диастолалық артериялық қысымның, өкпе артериясындағы систолалық және диастолалық қысымның, сондай-ақ өкпе тамырлары резистенттілігінің төмендеуіне әкеледі. Арнайы ескертулер Утилизация • Дәрілік препараттың кез келген қалдықтары, сондай-ақ пайдаланылған материалдар емдеу мекемеде бекітілген ережелерге сәйкес утилизациялануы тиіс. • Жүктілік • Жүкті әйелдерде 5-аминолевулин қышқылын қолдану туралы деректер жоқ немесе шектеулі. Сондықтан Глиоланды жүктілік кезінде қолдануға болмайды. • Лактация кезеңі • 5-аминолевулин қышқылы немесе оның метаболиті фотопорфирин IX (РРIX) емшек сүтіне бөлінетіні туралы мәліметтер жоқ. Осы дәрілік препаратты қабылдаған кезде емізуді 24 сағатқа тоқтату керек. • Фертильділік • 5-аминолевулин қышқылының фертильділікке әсері туралы мәліметтер жоқ. Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері Ми ісігінің резекциясы өздігінен операциядан кейінгі кезеңде көлік құралдарын және қауіптілігі зор механизмдерді басқару мүмкіндігін жоққа шығарады.

Нұсқаулықта көрсетілмеген.

Пациенттер Глиоланды қабылдағаннан кейін 2 апта бойы кез келген фотосенсибилизациялық дәрілерді қолданудан аулақ болу керек. Үйлесімділік зерттеулерінің болмауына байланысты бұл дәрілік препаратты басқа препараттармен араластыруға болмайды.

Сақтау мерзімі 4 жыл Ішуге арналған дайындалған ерітінді Дайындалған ерітінді 25°C температурада 24 сағат бойы физикалық және химиялық тұрақты. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде 25 °С-ден аспайтын температурада түпнұсқалық қаптамасында сақтау керек. Балалардың қолы жетпейтін жерде сақтау керек!