Глутаргин таблетки 0.75 г

Бір таблетканың құрамында белсенді зат - 100 % затқа шаққанда аргинин глутаматы 0,75 г, қосымша заттар: микрокристалды целлюлоза, кросповидон, кальций стеараты. Сыртқы түрінің, иісінің, дәмінің сипаттамасы Сызығы бар, екі беті дөңес, ұзынша пішінді ақ түсті таблеткалар.

Кешенді ем құрамында: • шығу тегі әр түрлі жедел және созылмалы гепатиттерде, оның ішінде гепатотропты улармен (бозғылт арамқұлақ, химиялық және дәрілік заттармен) улануда, бауыр циррозы, лептоспироз кезінде • гипераммониемиямен қатар жүретін бауыр энцефалопатиясы • жеңіл және орташа ауырлықтағы жедел алкогольді уыттануда, уыттанудан кейінгі бұзылыстар

Глутаргин аргинин мен глутамин қышқылының қосылысы болып табылады, олар биохимиялық үдерістерді бейтараптандыруды және азотты заттар зат алмасуының жоғары уытты метаболиті – аммиактың организмнен шығарылуын қамтамасыз етуде маңызды рөл атқарады. Препараттың гипоаммониемиялық әсерлері мочевина синтезінің орнитин циклінде аммиакты залалсыздандыруды белсендіру, аммиакты уытты емес глутаминге байланыстыру, аммиактың орталық жүйке жүйесінен шығарылуын және оны организмнен шығарылуын күшейту жолымен жүзеге асырылады. Нәтижесінде аммиактың жалпы уыттылығы, оның ішінде нейроуытты әсерлері төмендейді. Глутаргин антиоксидантты, гипоксияға қарсы және жарғақша тұрақтандырғыш қасиеттерге ие бола отырып, гепатопротекторлы әсер көрсетеді, гепатоциттерде энергиямен қамтамасыз ету үрдістеріне оң әсер етеді. Алкогольмен уыттану кезінде Глутаргин бауырдың монооксигеназа жүйесінде алкоголь утилизациясын стимуляциялайды, этанол утилизациясының бас ферменті – алкогольдегидрогеназа басылуының алдын алады; янтарь қышқылының түзілуі және тотығуы артуының нәтижесінде этанол метаболизмінің уытты өнімдері белсенділігінің жойылуы мен шығарылуын жеделдетеді; глутамин қышқылы қоздыратын нейромедиаторлық қасиеттері есебінен алкогольдің ОЖЖ-ға бәсеңдетуші әсерін төмендетеді. Осы қасиеттерге байланысты Глутаргин уыттануға қарсы және айықтыру әсерлерін көрсетеді. Жүктілік патологиясы кезінде эндотелийпротекторлық әсерінің нәтижесінде Глутаргин тамырлардың бұзылған өткізгіштігі мен тромборезистенттілігін азайтады, гиперкоагуляцияның алдын алып, жайылған вазоспазмды туындататын тамыр тарылтатын агенттерге (эндотелин, ангиотензин, тромбоксан) тамырлар сезімталдығын төмендетеді. Аргинин азот тотығына алдын ала биотрансформациядан кейін тамырды кеңейтетін әсер көрсетеді, қанның ұюына және айналымдағы қан элементтерінің функционалдық қасиеттеріне оң әсер етеді. Глутаргиннің тамырды кеңейтетін және гипоксияға қарсы әсерлерінің нәтижесінде ана-шарана гемодинамикасы жақсарады, шарананың құрсақішілік гипоксиясы төмендейді. Жүктілік патологиясы кезінде препарат уыттылыққа қарсы және гепатоқорғаныш белсенділігін көрсетеді, зат алмасу үдерістерінің спецификалық емес метаболизмдік реттегіші ретінде әрекет етеді. Глутаргиннің осы қасиеттерінің арқасында жүктілік кезеңінде қан айналымындағы иммундық кешендердің деңгейі төмендейді, «метаболизмдік» уыттану синдромы мен иммунотоксикоздың айқындылығы азаяды және организмнің компенсаторлық-бейімделу реакциясы артады. Глутаргин эмбриоуытты, гонадоуытты және мутагенді әсер көрсетпейді, аллергиялық және иммуноуытты реакцияларды тудырмайды.

Дозалау режимі Гепатиттер, гипераммониемия. Ас қабылдауға байланыссыз, 15 күн бойы тәулігіне 1 таблеткадан 3 рет тағайындайды. Қажет болған кезде препарат дозасы және емдеу курсы 20 күнге дейін арттырылуы мүмкін. Ең жоғарғы бір реттік доза 2,5 таблетканы, ең жоғарғы тәуліктік доза – 10,5 таблетканы құрайды. Жедел алкогольдік уыттану. 1-2,5 сағаттық аралықпен күніне 1 таблеткадан 4 рет, келесі 2-3-ші күндері – тәулігіне 1 таблеткадан 2 рет тағайындайды. Ауыр дәрежеде алкогольмен уланған кезде Глутаргин инъекциялық препараттарымен емдеу курсынан кейін 20 күн бойы тәулігіне 1 таблеткадан (750 мг) 2 рет тағайындайды. Алкогольдік уыттану профилактикасы үшін – алкогольді қабылдағанға дейін 60-120 минут бұрын 2,5 таблетка. Енгізу әдісі мен жолы Препарат ересектерге ішке тағайындалады. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Егер препаратты қабылдау бойынша сұрақтар туындаса, емдеуші дәрігеріңізге жүгініңіз.

• амин қышқылдарына (аргинин және глутамин қышқылы) және қосымша заттардың кез келгеніне аса жоғары сезімталдық • қызба • жоғары қозғыштық • бүйректің сүзу (азот бөлу) функциясының ауыр бұзылулары

Сирек • асқазан-ішек жолы аймағында жеңіл жайсыздық сезімі • жүрек айнуы Өте сирек • аллергиялық реакциялар (есекжем, гиперемия, қышыну, ангионевротиқалық ісік) Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: глутамин қышқылына тән көкірек тұсының ауыруы, атриовентрикулярлық блокада болуы мүмкін. Емі: симптоматикалық. Клиникалық симптомдардың айқындылығына байланысты – белсенділендірілген көмір қабылдау, қажет болса – кортикостероидтарды вена ішіне енгізу.

Арнайы ескертулер Эндокриндік бездер функциясы бұзылған пациенттерге курспен тағайындау кезінде препараттың инсулин мен өсу гормондары секрециясын стимуляциялайтынын ескеру керек. Педиатрияда қолдану Балаларға қолданудың тиімділігі мен қауіпсіздігі зерттелмеген. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Жүктілік кезінде және бала емізу кезінде препаратты клиникалық қолданудың қауіпсіздігі зерттелмеген. Бала емізу кезеңінде препаратты қолдану қажет болса, бала емізуді тоқтату керек.

Бір мезгілде қолданған кезде аминофиллин қандағы эндогенді инсулин мөлшерінің Глутаргинмен индуцияланып жоғарлауын күшейтеді. Глутаргин агрегацияға қарсы дәрілердің (дипиридамол және б.) әсерін күшейтуі мүмкін. Изониазидті қолданған кезде нейроуытты құбылыстардың алдын алады және бәсеңдетеді, винбластиннің әсерін әлсіретеді

Сақтау мерзімі 5 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында 25 ºС-ден аспайтын температурада сақтау керек. Балалардың қолы жетпейтін жерде сақтау керек!