Глюкоза раствор 10 %

1 л препараттың құрамында белсенді зат - 50.0 г немесе 100.0 г сусыз глюкоза қосымша зат - инъекцияға арналған су. Сыртқы түрінің, иісінің, дәмінің сипаттамасы Түссіз мөлдір сұйықтық.

5% глюкоза ерітіндісі - көмірсулар мен сұйықтық тапшылығын емдеуге арналған - сонымен қатар парентеральді енгізуге арналған үйлесімді дәрілік заттар үшін тасымалдаушы және еріткіш ретінде қолданылады 10% глюкоза ерітіндісі - жеке немесе қажет болған жағдайда көмірсулармен қамтамасыз ету үшін парентеральді қоректендіру кезінде - гипогликемияның профилактикасы және емі - көмірсуларға қажеттілігі жоғары пациенттерде регидратация және сусыздану жағдайларында - үйлесімді дәрілік заттарды сұйылту. Дәрілік препаратты қолданудың басталуына дейінгі қажетті мәліметтер тізбесі

Қан және қан түзу ағзалары. Қан алмастырғыштар және перфузиялық ерітінділер. Вена ішіне енгізуге арналған ерітінділер. Парентеральды қоректендіруге арналған препараттар. Көмірсулар. Глюкоза ATX коды B05BA03 5% глюкоза ерітіндісі 5% глюкоза шамамен осмолярлығы 278 мОсм/л болатын изоосмостық ерітінді. Бұл ерітіндінің фармакодинамикалық қасиеттері жасушалық метаболизмдегі негізгі энергия көзі болып табылатын глюкозаға ұқсас. 5% глюкоза парентеральды қоректендіру кезінде көмірсулардың көзі ретінде тағайындалады. 5% глюкоза ерітіндісі 200 ккал/л калория тұтынуды қамтамасыз етеді. Сонымен қатар, инфузияға арналған глюкоза ерітіндісі иондық қосымша заттарсыз cулы қосымша заттарды енгізуге мүмкіндік береді. Қосымша заттардың фармакодинамикасы қолданылатын препараттың сипатына байланысты. 10% глюкоза ерітіндісі 10% глюкоза шамамен осмолярлығы 598 мОсм/л болатын гипертониялық ерітінді. Бұл ерітіндінің фармакодинамикалық қасиеттері жасушалық метаболизмдегі негізгі энергия көзі болып табылатын глюкозаға ұқсас. Глюкоза көмірсулардың көзі ретінде бөлек немесе қажет болған жағдайда парентеральды қоректендіру арқылы енгізіледі. Сонымен қатар, инфузияға арналған глюкоза ерітіндісі иондық қосымша заттарсыз сулы қосымша заттарды енгізуге мүмкіндік береді. Қосымша заттардың фармакодинамикасы қолданылатын препараттың сипатына байланысты.

Дозалану режимі 5% глюкоза ерітіндісі Ересектер, егде адамдар және балалар: Инфузияға арналған 5% глюкоза ерітіндісінің концентрациясы мен дозасы пациенттің жасын, дене салмағын және клиникалық жағдайын қоса алғанда, бірнеше факторлармен анықталады. Қан сарысуындағы глюкоза концентрациясын мұқият бақылау қажет болуы мүмкін. Сұйықтық теңгерімін, қан сарысуындағы глюкозаны, қан сарысуындағы натрийді және басқа электролиттер деңгейін, әсіресе вазопрессиннің осмостық емес босап шығарылуы жоғары пациенттерде (антидиуретикалық гормонның талапқа сай емес секреция синдромы, SIADH) және гипонатриемия қаупіне байланысты вазопрессин агонистерін бір мезгілде қабылдайтын пациенттерде енгізгенге дейін және енгізу кезінде бақылау керек. Қан сарысуындағы натрий мөлшерін бақылау әсіресе физиологиялық гипотониялық сұйықтықтар үшін маңызды. Инфузияға арналған 5% глюкоза ерітіндісі организмдегі глюкозаның метаболизміне байланысты енгізгеннен кейін өте гипотониялық болуы мүмкін. Көмірсулар мен сұйықтық тапшылығын емдеу үшін ұсынылатын доза: - ересектер үшін: тәулігіне 500 мл-ден 3 литрге дейін. - сәбилер мен балалар үшін: - дене салмағы 0-10 кг: - дене салмағы 10-20 кг: - дене салмағы > 20 кг: — 100 мл/кг/24 сағат 1000 мл + 50 мл/кг, 10 кг/24 сағаттан артық 1500 мл + 20 мл/кг 20 кг/24 сағаттан артық Инфузия жылдамдығы пациенттің клиникалық жағдайына байланысты. Инфузия жылдамдығы гипергликемияны болдырмау үшін пациенттің глюкозаны тотықтыру қабілетінен аспауы тиіс. Сондықтан ең жоғары доза жасына және жалпы дене салмағына байланысты ересектер үшін 5 мг/кг/мин сәбилер мен балалар үшін 10-18 мг/кг/мин ауытқиды. Тасымалдаушы немесе сұйылтқыш ретінде пайдаланған кезде ұсынылатын доза дәрілік заттың енгізілетін дозасы үшін 50-ден 250 мл-ге дейін құрайды. 5% глюкоза басқа инъекциялық препараттар үшін еріткіш ретінде қолданылған кезде, дозасы мен инфузия жылдамдығы негізінен тағайындалған препараттың сипаты мен дозалау режиміне байланысты анықталады. Педиатриялық популяция: Инфузияның жылдамдығы мен көлемі пациенттің жасына, дене салмағына, клиникалық және метаболизмдік жағдайларына, қатарлас терапияға байланысты және оны балаларда венаішілік инфузиялық терапияда тәжірибесі бар дәрігер-кеңесші анықтауы тиіс. 10% глюкоза ерітіндісі Инфузияға арналған 10% глюкоза ерітіндісінің дозасы мен енгізу жылдамдығы пациенттің қолдану көрсеткіштерін, жасын, дене салмағын және клиникалық жағдайын қоса алғанда, бірнеше факторлармен анықталады. Сұйықтық теңгерімін, қан сарысуындағы глюкозаны, қан сарысуындағы натрийді және басқа электролиттер деңгейін, әсіресе вазопрессиннің осмостық емес босап шығарылуы жоғары пациенттерде (антидиуретикалық гормонның талапқа сай емес секреция синдромы, SIADH) және гипонатриемия қаупіне байланысты вазопрессин агонистерін бір мезгілде қабылдайтын пациенттерде енгізгенге дейін және енгізу кезінде бақылау керек. Қан сарысуындағы натрий мөлшерін бақылау әсіресе физиологиялық гипотониялық сұйықтықтар үшін маңызды. Инфузияға арналған 10% глюкоза ерітіндісі организмдегі глюкозаның метаболизміне байланысты енгізгеннен кейін өте гипотониялық болуы мүмкін. Ересектер мен егде адамдар: 1 кестеде келтірілген ұсынылған дозалар салмағы шамамен 70 кг болатын орташа ересек адам үшін бағдар ретінде қызмет етеді. 1 кесте. Ересек адамға енгізу үшін ұсынылатын доза (70 кг) (*) Қолданылуы — Бастапқы тәуліктік доза — Енгізу жылдамдығы — Ұсынылатын емдеу ұзақтығы Жеке немесе қажет болған жағдайда көмірсулармен қамтамасыз ету үшін парентеральді қоректендіру кезінде — 500 мл – 3000 мл/тәу (7 – 40 мл/кг/тәу) — Ұсынылатын ең жоғары енгізу жылдамдығы пациенттегі глюкозаның тотығу жылдамдығынан аспауы керек, өйткені бұл гипергликемияны тудыруы мүмкін: 5 мг/кг/мин (3 мл/кг/сағ) — Ұзақтығы бойынша шектеулер жоқ - пациенттің клиникалық жағдайына байланысты Гипогликемияның профилактикасы және емі Көмірсуларға қажеттілігі жоғары пациенттерде регидратация және дегидратация жағдайларында Үйлесімді дәрілік заттарды сұйылту. — Бір дозада 50-ден 250 мл-ге дейін — Қосымша заттардың сипатына байланысты — Қосымша заттардың сипатына байланысты * Гемодилюцияны болдырмау үшін ұсынылған доза шегіндегі ең көп көлемді 24 сағат ішінде енгізу керек. Педиатриялық популяция: 2-кестеде келтірілген ұсынылатын дозалар дене салмағына және жасына байланысты педиатриялық популяция үшін бағдар ретінде қызмет етеді. 2 кесте. Педиатриялық популяцияға ұсынылатын енгізу дозасы * Инфузияның жылдамдығы мен көлемі пациенттің жасына, дене салмағына, клиникалық және метаболизмдік жағдайларына, қатарлас терапияға байланысты және оны балаларда венаішілік инфузиялық терапияда тәжірибесі бар дәрігер-кеңесші анықтауы тиіс. Қолданылуы — Бастапқы тәуліктік доза — Бастапқы енгізу жылдамдығы* Шала туған немесе мерзімі жетіп туған балалар — Сәбилер мен бөбек жасындағы балалар (1-23 ай) — Балалар (2-11 жас) — Жасөспірімдер (12-ден 16-18 жасқа дейін) Жеке немесе қажет болған жағдайда көмірсулармен қамтамасыз ету үшін парентеральді қоректендіру кезінде — - дене салмағы (ДС) 0-10 кг 100 мл/кг/тәу - дене салмағы (ДС) 10-20 кг 1000 мл + 50 мл дене салмағының әр кг үшін >10 кг/тәу - дене салмағы (ДС) >20 кг 1500 мл + 20 мл дене салмағының әр кг үшін >20 кг/тәу — 6-11 мл/кг/сағ (10-18 мг/кг/мин) — 5-11 мл/кг/сағ (9-18 мг/кг/мин) — 4-8 мл/кг/сағ (7-14 мг/кг/мин) — 4 мл/кг/сағ (7-8,5 мг/кг/мин) Гипогликемияның профилактикасы және емі Көмірсуларға қажеттілігі жоғары пациенттерде регидратация және дегидратация жағдайларында Үйлесімді дәрілік заттарды сұйылту. — Бастапқы доза: бір дозаға 50-ден 100 мл-ге дейін. Жасына байланысты емес. Енгізу жылдамдығы: қосымша заттардың сипатына байланысты. Жасына байланысты емес. ЕСКЕРТПЕ. Гемодилюцияны болдырмау үшін ұсынылған доза шегіндегі ең көп көлемді 24 сағат ішінде енгізу керек. Енгізудің ең жоғары жылдамдығы пациенттегі глюкозаның тотығу жылдамдығынан аспауы керек, өйткені бұл гипергликемияны тудыруы мүмкін. Пациенттің клиникалық жағдайына байланысты жағымсыз осмостық диурез қаупін төмендету үшін ұсынылғаннан төмен енгізу жылдамдығын қолдануға болады. Вена ішіне енгізу үшін үйлесімді емдік заттарды сұйылту немесе жеткізу үшін қолданылған кезде, қосымша емдік заттарды қолдану жөніндегі нұсқаулар әр терапия үшін тиісті көлемді анықтайды. Енгізу әдісі және жолы 5% глюкоза ерітіндісі Ерітінді вена ішіне енгізуге арналған (шеткері немесе орталық венаға). Вена ішіне инфузия арқылы енгізу үшін қосымша емдік заттарды сұйылту және жеткізу үшін қолданылған кезде, қосымша емдік заттарды қолдану бағыты әр терапия үшін тиісті көлемді белгілейді. Глюкоза, инфузияға арналған 5% ерітінді изоосмостық ерітінді болып табылады. 10% глюкоза ерітіндісі Инфузия әдетте шеткері немесе орталық вена арқылы жүзеге асырылады. Глюкоза, инфузияға арналған 10% ерітінді гипертониялық ерітінді болып табылады. Соңғы аралас инфузиялық ерітіндінің осмолярлығын шеткері енгізу кезінде ескеру қажет. Құрамында глюкозасы бар препараттарды енгізуді бастаған кезде енгізу жылдамдығының біртіндеп артуын ескеру керек.

5% глюкоза ерітіндісі - компенсацияланбаған диабет - глюкоза жақпайтын басқа белгілі жағдайлары (мысалы, метаболизмдік стресс жағдайлары) - гиперосмолярлы кома - гипергликемия және гиперлактатемия - әсер етуші затқа жоғары сезімталдық - өкпе ісінуі, мидың ісінуі. 10% глюкоза ерітіндісі - компенсацияланбаған диабет және қантсыз диабет - гиперосмолярлы кома - гемодилюция және жасушадан тыс гипергидратация немесе гиперволемия - гипергликемия және гиперлактатемия - бүйректің ауыр жеткіліксіздігі (олигурия/ануриямен) - компенсацияланбаған жүрек жеткіліксіздігі - жалпы ісіну (өкпе және мидың ісінуін қоса) және асциттік цирроз - глюкоза жақпайтын басқа белгілі жағдайлары (мысалы, метаболизмдік стресс жағдайлары) - әсер етуші затқа жоғары сезімталдық. Глюкоза ерітіндісіне қосылған кез келген қосымша затпен байланысты қарсы көрсеткіштерді ескеру қажет.

Постмаркетингтік бақылау деректері бойынша глюкозаны қабылдаған пациенттерде байқалған жағымсыз әсерлер төменде келтірілген. Жағымсыз реакциялардың жиілігін анықтау мынадай критерийлер бойынша жүргізіледі: өте жиі (≥ 1/10), жиі (≥1/100 – 1/10), жиі емес (≥1/1000 1/100), сирек (≥1/10000 - 1/1000), өте сирек (1/10000), белгісіз (қолда бар деректер негізінде анықтау мүмкін емес) Жағымсыз реакциялар тізімі Белгісіз: - анафилаксиялық реакция*, аса жоғары сезімталдық* - электролиттер теңгерімсіздігі, гипокалиемия, гипомагнемия, гипофосфатемия, гипергликемия, сусыздану, гиперволемия, ауруханаішілік гипонатриемия** - гипонатриемиялық энцефалопатия** - бөртпе - веналық тромбоз, флебит - полиурия - қалтырау*, пирексия*, инфузия орнындағы инфекция, инфузия орнындағы тітіркену, мысалы, эритема, экстравазация, жергілікті реакция, жергілікті ауырсыну * Жүгеріге аллергиясы бар пациенттерде потенциалды көріністер. **Ауруханаішілік гипонатриемия, жедел гипонатриемиялық энцефалопатияның дамуы салдарынан мидың қайтымсыз зақымдануына және өлімге әкелуі мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жағымсыз әсерлердің айқын симптомдары. Гипергликемия пайда болуы мүмкін. Глюкоза мөлшері жоғарылағанда (55 ммоль/л-ден жоғары, кейде 100 ммоль/л-ге дейін және жоғары) гиперосмолярлы кома және шок туындауы мүмкін. Бұл жағдайлардың патогенезінде су және электролиттердің қан ағымына осмостық ығысуы, сондай-ақ полиурия маңызды рөл атқарады. Мұнда күрт дегидратация және жасушалық сусыздану, гемоконцентрация, қан коагуляциясы жүйесінің белсенділенуі дамиды, ол артериялар мен веналарда жергілікті және диссеминацияланған тромб түзілуін жиі туындатады. Емі: симптоматикалық.

5%, 10% глюкоза ерітіндісі Парентеральді енгізуге арналған дәрілік препараттарды ерітінді мен контейнер мүмкіндік берген кезде, енгізу алдында қатты бөлшектердің бар-жоғын және түсінің өзгеруін визуалды тексеру керек. Ерітінді мөлдір, көрінетін бөлшектерсіз және контейнер зақымдалмаған жағдайда ғана қолданылады. Инфузиялық жүйені енгізгеннен кейін дереу енгізеді. Ерітіндіні асептика ережелерін сақтай отырып, стерильді инфузиялық жүйемен енгізу керек. Ауаның кіруіне жол бермеу үшін инфузиялық жүйені ерітіндімен толтыру керек. Электролиттерді қосу пациенттің клиникалық қажеттіліктеріне сәйкес көрсетілуі мүмкін. Қосымша заттар инъекция орны арқылы инфузияға дейін немесе инфузия кезінде енгізілуі мүмкін. Қосымша заттарды енгізу кезінде ерітінділердің соңғы осмолярлығын тексеру қажет. Гиперосмолярлы ерітінділерді енгізу тамырлардың тітіркенуі мен флебитті тудыруы мүмкін. Кез-келген қосымша заттарды мұқият және сақтықпен асептикалық араластыру міндетті болып табылады. Құрамында қосымша заттар бар ерітінділерді дереу пайдалану керек және сақтамаған жөн. 10% глюкоза ерітіндісі Алынған қоспаны оның соңғы осмолярлығына байланысты орталық немесе шеткері веналық желі арқылы енгізу керек. Арнайы сақтандырулар Глюкозаның вена ішілік инфузиясы әдетте изотониялық ерітінділер болып табылады. Дегенмен, организмдегі глюкоза бар сұйықтықтар глюкозаның жылдам метаболизміне байланысты физиологиялық тұрғыдан өте гипотониялық болуы мүмкін. Сарысу электролиттерін сұйылту және басқа әсерлері Ерітіндінің тонусына, инфузияның көлемі мен жылдамдығына, сондай-ақ пациенттің негізгі клиникалық жағдайына және глюкозаның метаболизмдік қабілетіне байланысты вена ішіне глюкозаны енгізу келесі жағдайларды тудыруы мүмкін: • гиперосмолярлық, осмостық диурез және дегидратация • гипоосмолярлық • электролиттік бұзылулар, мысалы: - гипо- немесе гиперосмостық гипонатриемия, - гипокалиемия, - гипофосфатемия, - гипомагниемия, - гипергидратация/гиперволемия, мысалы, іркіліс құбылыстары, өкпедегі іркіліс пен ісінуді қоса. Жоғарыда көрсетілген әсерлер құрамында электролиттер жоқ сұйықтықты енгізу нәтижесінде ғана емес, глюкозаны енгізу нәтижесінде де пайда болады. Гипонатриемия: Вазопрессиннің осмостық емес босап шығуы бар пациенттер (мысалы, жедел ауру, ауырсыну, операциядан кейінгі стресс, инфекциялар, күйіктерде және ОЖЖ ауруы), жүрек, бауыр, бүйрек аурулары бар пациенттер және вазопрессин агонистерінің әсеріне ұшыраған пациенттер гипотониялық сұйықтық инфузиясы кезінде жедел гипонатриемияның ерекше қаупіне ұшырайды. Жедел гипонатриемия бас ауыруы, жүрек айну, құрысулар, сылбырлық және құсумен сипатталатын жедел гипонатриемиялық энцефалопатияға (мидың ісінуі) әкелуі мүмкін. Мидың ісінуі бар пациенттер мидың ауыр, қайтымсыз және өмірге қауіпті зақымдануының ерекше қаупіне ұшырайды. Балалар, ұрпақ өрбіту жасындағы әйелдер және церебральді берілгіштігі төмен пациенттер (мысалы, менингит, бассүйекішілік қан кету және бас миының соғылуы) жедел гипонатриемиядан туындаған мидың ауыр және өмірге қауіпті ісінуінің ерекше қаупіне ұшырайды. Ұзақ мерзімді парентеральді ем кезінде немесе пациенттің жағдайы немесе енгізу жылдамдығы бағалауды қажет ететін кез келген жағдайда су теңгерімінің, электролит концентрациясының және қышқыл-негіз теңгерімінің өзгеруін бақылау үшін клиникалық бағалау және мезгіл-мезгіл зертханалық зерттеулер қажет болуы мүмкін. Бос судың ұлғаюымен, гипергликемиямен немесе, мүмкін, инсулинді енгізу қажеттілігімен күрделене түсетін су-электролиттік бұзылу қаупі жоғары пациенттерге ерекше сақтық ұсынылады. Гипергликемия • глюкоза ерітінділерін жылдам енгізу айқын гипергликемияны және гиперосмолярлық синдромды туындатуы мүмкін • гипергликемия пайда болған кезде инфузия жылдамдығын түзету және/немесе инсулин енгізу керек • қажет болған жағдайда құрамында калий бар заттар парентеральді енгізіледі • глюкоза ерітіндісін пациенттерге сақтықпен вена ішіне енгізу керек, мысалы: - глюкозаға толеранттылықтың бұзылуы (мысалы, қант диабеті, бүйрек жеткіліксіздігі немесе сепсис, жарақат немесе шок болған кезде) - қоректендірудің ауыр жеткіліксіздігі (қайта қоректендіру синдромының даму қаупі) - тиамин тапшылығы, мысалы, созылмалы алкоголизммен ауыратын пациенттерде (пируваттың тотығу метаболизмінің бұзылуына байланысты ауыр лактоацидоз қаупі) - ишемиялық инсульт немесе ауыр бассүйек-ми жарақаты бар пациенттер Бас жарақатынан кейінгі алғашқы 24 сағат ішінде инфузиядан аулақ болу керек. Қандағы глюкоза деңгейін мұқият бақылау керек, өйткені ерте гипергликемия бассүйек-мидың ауыр жарақаты бар пациенттерде қолайсыз нәтижелермен байланысты. - жаңа туған нәрестелер Инсулин секрециясына әсері Глюкозаны ұзақ уақыт вена ішіне енгізу және осыған байланысты гипергликемия глюкоза стимуляциялайтын инсулин секрециясы жылдамдығының төмендеуіне әкелуі мүмкін. Аса жоғары сезімталдық реакциялары • глюкоза ерітінділерін қолдану кезінде анафилаксиялық/анафилактоидты реакцияларды қоса, аса жоғары сезімталдық реакциялары/инфузиялық реакциялар туралы хабарланды. Сондықтан құрамында глюкоза бар ерітінділерді, жүгеріге немесе жүгері өнімдеріне белгілі аллергиясы бар пациенттерде, егер қолдану қажет жағдайда, сақтықпен қолдану керек. - аса жоғары сезімталдық реакциясына күдіктенудің кез келген белгілері немесе симптомдары пайда болған кезде инфузияны дереу тоқтату керек. Клиникалық көрсеткіштер бойынша тиісті терапиялық қарсы шаралар қабылдануы тиіс. Қайта қоректену синдромы • қайта қоректену тамақтанудың ауыр жеткіліксіздігі бар пациенттерде қайта қоректену синдромына әкелуі мүмкін, бұл пациент анаболикке айналған кезде жасушаішілік калий, фосфор және магний деңгейінің ығысуымен сипатталады. Тиамин тапшылығы және сұйықтықтың іркілуі де дамуы мүмкін. Мұқият бақылау және қоректік заттарды тұтынудың біртіндеп артуы, сонымен бірге артық тамақтанудан аулақ болу бұл асқынулардың алдын алады. Педиатриялық популяция Инфузияның жылдамдығы мен көлемі пациенттің жасына, дене салмағына, клиникалық және метаболизмдік жағдайларына, қатарлас терапияға байланысты және оны балаларда вена ішілік инфузиялық терапияда тәжірибесі бар дәрігер-кеңесші анықтауы тиіс. Жаңа туған нәрестеге вена ішіне енгізілетін сұйықтықтардың потенциалды өлімге әкелетін шамадан тыс инфузиясын болдырмау үшін енгізу тәсіліне ерекше назар аудару қажет. Жаңа туған нәрестелерге сұйықтықтарды немесе дәрілерді вена ішіне енгізу үшін инфузиялық жүйені пайдаланған кезде, сұйықтық құйылған құтыны шприцке бекітіп қалдыруға болмайды. Инфузиялық жүйені пайдалану кезінде жүйені алу немесе ажырату алдында барлық қысқыштар жабылуы тиіс. Бұл жүйеде еркін ағыннан қорғауға арналған құрылғы бар-жоғына қарамастан қажет. Вена ішілік инфузия жүйесін және енгізуге арналған жабдығын жиі бақылап отыру керек. Балалар гликемиясына байланысты проблемалар Жаңа туған нәрестелерде, әсіресе шала туған және туғанда дене салмағы төмен нәрестелерде гипо - немесе гипергликемияның даму қаупінің бейімділігі жоғары, сондықтан потенциалды ұзақ мерзімді жағымсыз әсерлердің алдын алу үшін талапқа сай гликемиялық бақылауды қамтамасыз ету үшін венаішілік глюкоза ерітінділерімен емдеу кезінде мұқият бақылауды қажет етеді. Жаңа туған нәрестелердегі гипогликемия ұзаққа созылған құрысуды, команы және мидың зақымдалуын тудыруы мүмкін. Гипергликемия қарыншаішілік қан құйылумен, бактериялық және зең инфекциясының кеш басталуымен, шала туған нәрестелердің ретинопатиясымен, некроздаушы энтероколитпен, бронх-өкпелік дисплазиямен, ауруханада ұзақ жатумен және өліммен байланысты. Нәресте гипонатриемиясына байланысты проблемалар • балалар (жаңа туған нәрестелер мен үлкен жастағы балаларды қоса) гипоосмостық гипонатриемияның, сондай-ақ гипонатриемиялық энцефалопатияның даму қаупіне бейімділігі жоғары. • электролиттердің плазмадағы концентрациясын балаларда мұқият бақылау керек. • гипоосмостық гипонатриемияны жылдам түзету потенциалды қауіпті (ауыр неврологиялық асқынулардың қаупі). • дозаны, енгізу жылдамдығы мен ұзақтығын балаларда вена ішілік инфузиялық терапияда тәжірибесі бар дәрігер анықтауы тиіс. Гериатриялық қолдану • егде жастағы пациенттер үшін инфузиялық ерітіндінің түрін және инфузия көлемін/жылдамдығын таңдағанда, егде жастағы пациенттерде әдетте жүрек, бүйрек, бауыр және басқа аурулар немесе қатар жүретін дәрі-дәрмектік терапияның болу ықтималдығы жоғары екенін ескеру қажет. Қан • глюкозаны (сулы, яғни электролиттері жоқ глюкоза ерітіндісін), қанды бір инфузиялық желі арқылы бір мезгілде, оның алдында немесе одан кейін енгізуге болмайды, өйткені бұл гемолизге және псевдоагглютинацияға әкелуі мүмкін. Басқа препараттарды қосу немесе енгізудің дұрыс емес техникасын қолдану, пирогендердің ықтимал енгізілуіне байланысты қызбалық реакциялардың пайда болуын тудыруы мүмкін. Жағымсыз реакциялар туындаған жағдайда инфузияны дереу тоқтату керек. Ауа эмболиясының қаупі • бірізді қосылыс үшін пластикалық контейнерлерді пайдаланбаңыз. Мұндай пайдалану екінші контейнерден сұйықтықты енгізу аяқталғанға дейін негізгі контейнерден қалдық ауаны сорып алу салдарынан ауа эмболиясына әкелуі мүмкін. • енгізу жылдамдығын арттыру үшін иілгіш пластикалық контейнерлердегі вена ішілік ерітінділердің қысымын жоғарылату, егер енгізу алдында контейнердегі қалдық ауа толығымен жойылмаса, ауа эмболиясына әкелуі мүмкін. • ашық желдеткіші бар вена ішіне енгізуге арналған желдетілетін жинақты пайдалану ауа эмболиясына әкелуі мүмкін. Ашық клапанды вена ішіне енгізуге арналған желдетілетін жиынтықтарды иілгіш пластикалық контейнерлермен пайдалануға болмайды.

5%, 10% глюкоза ерітіндісі Дәрілік затты қосқан кезде препараттың сипатын және оны жүктілік және лактация кезеңінде қолдануды жеке қарастыру қажет. Анасының босану кезінде глюкозаның вена ішілік инфузиясы шарананың гипергликемиясы мен метаболизмдік ацидоздың, сондай-ақ жаңа туған нәрестеде гипогликемияның қайталану қаупімен бірге шаранада инсулин өндіруге әкелуі мүмкін. Глюкоза ерітіндісін жүктілік кезінде қолдануға болады. Дегенмен, глюкоза ерітіндісін құрсақ ішіне қолданғанда сақ болу керек. 5% глюкозаны жүкті әйелдерге босану кезінде, әсіресе гипонатриемия қаупіне байланысты окситоцинмен біріктірілімде аса сақтықпен енгізу керек. 5% глюкозаның фертильділікке әсері туралы жеткілікті деректер жоқ. Дегенмен фертильділікке әсер етуі күтілмейді. Лактация кезінде глюкоза ерітіндісін қолдану туралы жеткілікті деректер жоқ. Дегенмен лактацияға әсер етуі күтілмейді. Лактация кезінде 5% глюкозаны қолдануға болады. Дәрілік заттардың көлік құралдарын жүргізуге немесе қауіпті механизмдерді басқару қабілетіне әсер ету ерекшеліктері Әсер етпейді.

Гликемиялық бақылауға немесе сұйықтық және/немесе электролит теңгеріміне әсер ететін басқа заттарды қабылдайтын пациенттерде глюкозаны қолданғанда гликемиялық әсерді де, сұйықтық пен электролит теңгеріміне әсерін де ескеру керек. Катехоламиндер мен стероидтарды бір мезгілде енгізу глюкозаның сіңуін төмендетеді. Вазопрессин әсерін күшейтуге әкелетін препараттар Төменде аталған препараттар вазопрессиннің әсерін күшейтеді, ол су электролиттерінен бос бүйрек экскрециясының төмендеуіне және венаішілік сұйықтықтармен дұрыс теңгерілмеген емдеуден кейін ауруханаішілік гипонатриемия қаупінің артуына әкеледі. • вазопрессиннің босап шығуын стимуляциялайтын препараттар, мысалы: хлорпропамид, клофибрат, карбамазепин, винкристин, серотонинді кері қармаудың селективті тежегіштері, 3,4-метилендиокси-N-метамфетамин, ифосфамид, нейролептиктер, есірткілер • вазопрессиннің әсерін күшейтетін препараттар, мысалы: хлорпропамид, СҚҚП (стероидты емес қабынуға қарсы препараттар), циклофосфамид • вазопрессиннің аналогтары, мысалы: десмопрессин, окситоцин, терлипрессин Гипонатриемия қаупін арттыратын басқа дәрілік заттарға жалпы диуретиктер және окскарбазепин сияқты эпилепсияға қарсы дәрілер де жатады. Өзара әрекеттесу бойынша зерттеулер жүргізілген жоқ.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!