Глюкофаж® таблетки 850 мг

Бір таблетканың құрамында белсенді зат - 500 мг, 850 мг немесе 1000 мг метформин гидрохлориді, қосымша заттар: повидон, магний стеараты, үлбірлі қабық құрамы - гидроксипропилметилцеллюлоза, 1000 мг таблеткаларда – опадрай таза YS-1-7472 (гидроксипропилметилцеллюлоза, макрогол 400, макрогол 8000). Сыртқы түрінің, иісінің, дәмінің сипаттамасы Дөңгелек, екі жағы дөңес, ақ түсті үлбірлі қабықпен қапталған таблеткалар (500 мг және 850 мг доза үшін). Сопақша, екі жағы дөңес, ақ түсті үлбірлі қабықпен қапталған, екі жағында сындыруға арналған сызығы және бір жағында «1000» таңбасы бар таблеткалар (1000 мг доза үшін).

Глюкофаж 2 типті қант диабетін емдеуге көрсетілген, әсіресе артық салмақты пациенттерде тек диета емі және дене жүктемелері жеткілікті гликемиялық бақылауды қамтамасыз етпеген жағдайда. • Глюкофаж ересектерде монотерапия түрінде, диабетке қарсы басқа пероральді дәрілермен немесе инсулинмен біріктірілімде қолданылуы мүмкін; • Глюкофаж балаларда 10 жастан бастап монотерапия түрінде немесе инсулинмен біріктірілімде қолданылуы мүмкін.

Әсер ету механизмі Метформин – гипергликемияға қарсы әсері бар бигуанид, қан плазмасындағы глюкозаның базалық та, постпрандиальді да деңгейлерін төмендетеді. Ол инсулин секрециясын стимуляцияламайды және осыған байланысты гипогликемия туғызбайды. Метформиннің 3 түрлі әсер ету механизмі бар: • глюконеогенез бен гликогенолизді тежеудің есебінен глюкозаның бауырдан өндіріліп шығарылуын төмендетеді; • инсулинге сезімталдықты арттырудың есебінен бұлшықеттердегі шеткері глюкозаның қамтылуы мен утилизациясын жақсартады; • глюкозаның ішекте сіңуін баяулатады. Метформин гликогенсинтазаға әсер ете отырып, жасушаішілік гликоген синтезін стимуляциялайды. Сондай-ақ ол глюкозаның жарғақшалық тасымалдаушыларының (GLUT) барлық типтерінің қабілетін жақсартады. Фармакодинамикалық әсері Клиникалық зерттеулерде метформинді қабылдау дене салмағына әсер етпеді немесе оны біршама төмендетті. Өзінің гликемияға әсеріне қарамастан, метформин липидтік метаболизмге оң әсер етеді. Бақыланатын клиникалық емдік дозалар қолданылатын зерттеулер кезінде метформиннің жалпы холестериннің, тығыздығы төмен липопротеиндер мен триглицеридтердің құрамын төмендететіні анықталды. Клиникалық тиімділігі Проспективті рандомизацияланған зерттеуде (UKPDS) 2 типті қант диабетімен ересек пациенттерде қандағы глюкоза деңгейін қарқынды бақылауға қатысты ұзақ мерзімді тиімділігі анықталды. Диетаның тиімсіздігі расталғаннан кейін метформинді қабылдаған артық салмағы бар пациенттерде алынған талдаудың нәтижелері төмендегілерді көрсетті: • метформин тобындағы (29,8 құбылыс/1000 пациент-жылға) қант диабеті асқынуларының абсолюттік қаупі дамуының тек диетамен салыстырғанда (43,3 құбылыс/1000 пациент-жылға), p=0,0023, сондай-ақ сульфонилмочевинамен біріктірілген топтардың монотерапиясы және инсулинді (40,1 құбылыс/1000 пациент-жылға) салыстырғанда статистикалық елеулі азаюы, p=0,0034. • қант диабетімен байланысты өлімнің абсолюттік қаупі дамуының статистикалық елеулі азаюы: метформинді қабылдау аясында 7,5 құбылыс/1000 пациент-жылға, тек қана диетамен 12,7 құбылыс/1000 пациент-жылға; p=0,017; • жалпы өлімнің статистикалық елеулі азаюы: метформин аясында 13,5 құбылыс/1000 пациент-жыл, тек қана диетамен 20,6 құбылыс/1000 пациент-жыл (p=0.011) салыстырғанда және сульфонилмочевинамен біріктірілген топтардың монотерапиясы мен инсулинді салыстырғанда 18,9 құбылыс/1000 пациент-жыл (p=0,021); • миокард инфарктісі дамуының абсолюттік қаупінің статистикалық елеулі азаюы: метформинді қабылдау аясында 11 құбылыс/1000 пациент-жылға, тек диета аясында 18 құбылыс/1000 пациент-жылға (p=0,01). Метформинді екінші желінің емі ретінде сульфонилмочевина препараттарымен біріктіріп пайдаланған кезде клиникалық нәтижеге қатысты артықшылық табылған жоқ. 1 типті қант диабеті кезінде жекелеген пациенттерде метформин мен инсулиннің біріктірілімі қолданылды, алайда бұл біріктірілімнің клиникалық артықшылықтары ресми анықталған жоқ. Балалар 10-16 жас аралығымен шектелген балалар популяциясындағы бақыланатын клиникалық зерттеулер деректері балалардағы гликемияны бақылауға қатысты жауап ересек пациенттердегі жауапқа ұқсас болғанын көрсетеді.

Дозалану режимі Бүйрек функциясы қалыпты (ШСЖ ≥ 90 мл/мин) ересек пациенттер Монотерапия және диабетке қарсы басқа пероральді дәрілермен біріктірілген емде: Глюкофаж препаратының әдеттегі бастапқы дозасы тәулігіне 2-3 рет тамақ ішу кезінде немесе одан кейін 500 немесе 850 мг құрайды. 10-15 күн ем басталғаннан кейін қандағы глюкозаны өлшеу нәтижесі негізінде препарат дозасына түзету жасау керек. Дозаны баяу арттыру асқазан-ішек жағымдылығын жақсартуы мүмкін. Метформин гидрохлоридінің жоғары дозаларын қабылдайтын пациенттерде (тәулігіне 2-3 г) 500 мг дозадағы Глюкофаж препаратының екі таблеткасын 1000 мг дозадағы Глюкофаж препаратының бір таблеткасына ауыстыруға болады. Диабетке қарсы басқа дәріден ауысуды жоспарлаған жағдайда: басқа дәріні қабылдауды тоқтату керек және Глюкофаж препаратын жоғарыда көрсетілген дозада қабылдауды бастау керек. Инсулинмен біріктірілімі: Қандағы глюкозаны жақсырақ бақылауға қол жеткізу үшін Глюкофаж және инсулинді біріктірілген ем ретінде қолдануға болады. Глюкофаж препаратының әдеттегі бастапқы дозасы тәулігіне 2-3 рет 500 мг немесе 850 мг құрайды, бұл арада қандағы глюкозаны өлшеу нәтижесінде инсулин дозасын таңдайды. Егде жастағы пациенттер Егде жастағы адамдарда бүйрек функциясының төмендеуі мүмкіндігінен Глюкофаж препаратының дозасын бүйрек функциясының параметрлері негізінде таңдау керек. Бүйрек функциясына ұдайы бағалау жүргізу керек. Бүйрек функциясы бұзылуы Метформинмен ем бастар алдында және одан әрі қарай - жыл сайын шумақтық сүзіліс жылдамдығын (ШСЖ) анықтау керек. Бүйрек жеткіліксіздігі үдеуінің қаупі жоғары пациенттерде және егделердегі бүйрек функциясын әр 3-6 айда бағалау керек. ШСЖ (мл/мин) — Ең жоғары тәуліктік доза — Қосымша қорытынды 60-89 — 3000 мг — Бүйрек функциясы төмендеуіне сәйкес доза төмендеуі 45-59 — 2000 мг — Метформинді тағайындағанға дейін лактоацидоз қаупін арттыратын факторлар бағалануы тиіс Бастапқы доза ең жоғары дозаның жартысынан астамын құрайды 30-44 — 1000 мг <30 — - — Метформин тағайындау қарсы көрсетілімде Балалар және жасөспірімдер: Балаларда 10 жастан бастап Глюкофаж препараты монотерапияда да, сондай-ақ инсулинмен үйлесімде де қолданылуы мүмкін. Әдеттегі бастапқы доза тамақ ішу кезінде немесе одан кейін тәулігіне бір рет 500 мг немесе 850 мг құрайды. 10-15 күн ем жүргізілгеннен кейін қандағы глюкоза өлшеу нәтижесі негізінде препарат дозасына түзету жасау керек. Дозаны баяу арттыру асқазан-ішек жағымдылығын жақсартуы мүмкін. Қабылдау уақыты көрсетілген қолдану жиілігі Ересектер үшін тамақтану кезінде немесе кейін ең жоғары ұсынылатын доза Глюкофаж препаратының тәулігіне үш рет қабылдауға бөлінген 3 г құрайды. Балаларда тамақтану кезінде немесе кейін ең жоғары ұсынылатын доза Глюкофаж препаратының тәулігіне 2-3 рет қабылдауға бөлінген 2 г құрайды.

• метформинге немесе кез келген қосымша заттарға жоғары сезімталдық • метаболизмдік ацидоздың кез келген түрі (лактоацидоз, диабеттік кетоацидоз) • диабеттік прекома • бүйректің ауыр жеткіліксіздігі (ШСЖ < 30 мл/мин); • 10 жасқа дейінгі балалар • бүйрек функциясының бұзылуына әкелетін жедел жай-күй: дегидратация, ауыр инфекция, шок • тіндер гипоксиясымен қатар жүретін жедел немесе созылмалы аурулар: декомпенсацияланған жүрек жеткіліксіздігі, тыныс алу жеткіліксіздігі, жақында өткерген миокард инфарктісі, шок • бауыр жеткіліксіздігі • жедел алкогольдік уыттану, алкоголизм

Емдеудің басында жиі кездесетін жағымсыз реакциялар-жүрек айну, құсу, диарея, іштің ауыруы және тәбеттің жоғалуы, олар көп жағдайда өздігінен кетеді. Көрсетілген симптомдардың дамуын алдын алу үшін дозаны біртіндеп арттыра отырып, Глюкофажды 2 немесе 3 дозада қабылдау ұсынылады. Глюкофаж препаратымен емдеу жүргізгенде мынадай жағымсыз реакциялар байқалуы мүмкін. Мұндай реакциялар жиілігі мынадай тәсілмен жіктеледі: өте жиі (≥1/10), жиі (≥1/100, <1/10), жиі емес (≥1/1 000, <1/100), сирек (≥1/10 000, <1/1 000), өте сирек (<1/10 000). Жиіліктердің әрбір тобында жағымсыз реакциялар қауіптілікті төмендету тәртібімен берілген. Зат алмасуының және тамақтанудың бұзылуы Жиі • В12 витаминінің төмендеуі/тапшылығы Өте сирек • лактоацидоз Жүйке жүйесі тарапынан бұзылулар Жиі • дәм сезудің бұрмалануы Асқазан-ішек тарапынан бұзылулары Өте жиі • жүрек айнуы, құсу, диарея, іштің ауыруы, тәбеттің болмауы сияқты АІЖ бұзылулары. Көбіне бұл жағымсыз реакциялар емнің басында пайда болады, кейіннен өздігінен жойылады. Көрсетілген симптомдар дамуының профилактикасы үшін Глюкофаж препаратын дозасын баяу ұлғайтумен 2 немесе 3 рет тамақ ішу кезінде немесе одан кейін қабылдау керек. Бауыр және өт шығару жолдары тарапынан Өте сирек • метформинді қолдануды тоқтатқаннан кейін функционалдық бауыр сынамаларында немесе гепатиттерде ауытқулардың бірлі-жарым жағдайлары байқалды Тері және тері асты тіндері тарапынан бұзылулар Өте сирек • эритема, қышыну, есекжем сияқты тері реакциялары Балалар жасындағы пациенттер: Балалардағы жағымсыз әсерлер сипаты және ауырлығы бойынша ересектерде анықталған әсерлеріне ұқсас болды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Глюкофаж препаратын 85 г дозада қолданғанда гипогликемия дамуы байқалмады. Алайда бұл жағдайда лактоацидоз дамығаны байқалды. Метформинмен елеулі артық дозалануы немесе қатарлас қаупі болуы лактоацидоз дамуына алып келуі мүмкін. Лактоацидоз ауруханаға жатқызуды талап ететін, шұғыл медициналық жай-күй болып табылады. Емі: лактат пен метформинді организмнен шығарудың анағұрлым тиімді шарасы гемодиализ болып табылады. Тоқтату белгілері қатерінің болуын көрсету

Арнайы ескертулер Лактоацидоз Лактоацидоз – өте сирек, бірақ күрделі метаболизмдік асқыну, ол бәрінен жиі бүйрек функциясының жедел нашарлауы аясында, жүрек-өкпе ауруларында немесе сепсис кезінде туындайды. Метформиннің жинақталуы бүйрек жеткіліксіздігінің жедел үдеуі аясында туындайды, бұл лактоацидоз қаупін жоғарылатады. Дегидратация жағдайында (ауыр диарея, құсу, қызба, сұйықтықты аз тұтыну), метформин қабылдауды уақытша тоқтату керек және емдеуші дәрігермен байланысу керек. Метформин қабылдайтын пациенттерге бүйрек функциясына әсер ететін гипертензияға қарсы, диуретиктер, ҚҚСД сияқты препараттарды тағайындағанда сақ болу керек. Лактоацидоз дамуының басқа да қауіпті факторлары: алкогольді шамадан тыс қолдану, бауыр жеткіліксіздігі, нашар бақыланатын қант диабеті, кетоз, ұзақ уақыт ашығу, гипоксияға байланысты кез келген жай-күй, лактоацидоз дамуына ықпал ететін дәрілік заттармен бірге тағайындау. Пациенттер және/немесе пациенттерді күтетін тұлғалар лактоацидоз туындау қаупі туралы хабардар болуы тиіс. Лактоацидоз ацидоздық ентігу, іш ауыруы, бұлшықеттердің құрысулары, астения және кома алдындағы гипотермиямен сипатталады. Күдік болған симптомдар анықталған жағдайда пациент метформин қабылдауды тоқтатуы тиіс және медициналық көмекке жүгінуі тиіс. Диагностикалық тексерулерде қанда PH (< 7.35) төмендегені, қандағы лактат деңгейі (> 5 ммоль/л) және аниондар деңгейі жоғарылауы, сондай-ақ лактат/пируват арақатынасы артқаны анықталды. Бүйрек функциясы Глюкофаж препаратымен емдеуді бастар алдында және емделу кезінде жүйелі түрде ШСЖ көрсеткіші анықталуы тиіс. Метформин ШСЖ <30 мл/мин пациенттерде қарсы көрсетілімде және бүйрек функциясы бұзылуына байланысты жай-күйлер туындағанда уақытша тоқтатылуы тиіс. Жүрек функциясы Жүрек жеткіліксіздігі бар пациенттер гипоксияның қаупіне және бүйрек жеткіліксіздігіне бейімділігі басым. Тұрақты созылмалы жүрек жеткіліксіздігі бар пациенттерге метформинді бүйрек және жүрек функциясын ұдайы мониторинг жүргізумен ғана қолдануға болады. Жедел және тұрақсыз жүрек жеткіліксіздігі бар пациенттерге Глюкофаж қарсы көрсетілімде. Құрамында йод бар контрастылы заттарды енгізу Рентгенологиялық зерттеулерде құрамында йод бар контрастылы заттарды тамыр ішіне енгізу бүйрек жеткіліксіздігіне әкелуі мүмкін. Ол метформин жинақталуына және лактоацидоз қаупіне әкелуі мүмкін. Метформин қолдануды құрамында йод бар контрастылы дәрілерді қолданумен жүргізілетін зерттеулерге дейін немесе оның кезінде тоқтату керек және зерттеуден кейін 48 сағат өткеннен кейін ғана және тек бүйрек функциясы қайталап талданғаннан кейін және соңынан нашарламайтыны анықталғаннан кейін ғана жаңғырту керек. Хирургиялық араласулар Глюкофаж препаратын қабылдауды жалпы, спинальді немесе эпидуральді анестезиямен жүргізілетін жоспарлы хирургиялық араласулардан кезінде тоқтату керек. Әдетте Глюкофаж® препаратымен емді хирургиялық араласулардан кейін немесе тамақ ішу жаңғыртылғаннан кейін 48 сағаттан кейін ғана, сондай-ақ қалыпты нәтиже көрсеткен бүйрек функциясына қайта баға бергеннен кейін жаңғыртуға болады. Басқа сақтық шаралары Пациенттерге көмірсулардың күні бойғы тұтынылуын дұрыс реттестіре отырып, диета ұстану талап етіледі. Артық дене салмағы бар адамдарға калориясы төмен диета ұстану керек. Зертханалық талдауларды ауру барысын мониторингтеу үшін ұдайы жүргізу керек. Глюкофаж препаратын қолдану гипогликемия туындата алмайды, бірақ пациенттерге оны инсулинмен немесе сульфонилмочевина туындыларымен біріктірілімде қабылдағанда сақ болу ұсынылады. Балалар жасындағы пациенттер Глюкофаж препаратымен ем бастағанға дейін 2 типті қант диабеті диагнозын растау керек. Ұзақтығы бір жылдық зерттеулерде метформиннің балалардың бойы өсуіне және жыныстық дамуына әсері анықталмады, бірақ ұзақ уақытқа арналған деректер де жоқ. Сондықтан балаларда, әсіресе препубертатты кезеңде осы көрсеткіштерге метформин әсерін бақылау ұсынылады. 10 жастан 12 жасқа дейінгі жастағы балалар Бақыланатын клиникалық зерттеулерге 10-12 жастағы тек 15 бала ғана қосылған. 12 жастан кіші балалардағы метформин тиімділігі мен қауіпсіздігі осындай үлкен жастағы балалар мен жасөспірімдердегіден айырмашылықсыз болса да, 10 жастан 12 жасқа дейінгі жастағы балаларға метформин тағайындағанда бәрібір сақ болу керек. В12 Дәрумені Метформин қан сарысуындағы В12 дәрумені деңгейін төмендетуі мүмкін. В12 дәрумені деңгейінің төмен болу қаупі Метформин дозасының жоғарылауымен, B12 дәрумені тапшылығын тудыратын белгілі қауіп факторлары бар пациенттерде емдеу ұзақтығымен артады. В12 дәрумені тапшылығына күдік туындаған жағдайда (мысалы, анемия немесе нейропатия кезінде) қан сарысуындағы В12 дәрумені деңгейін бақылау керек. В12 дәрумені жетіспеушілігінің қауіп факторлары бар пациенттерде В12 дәруменінің мерзімді мониторингі қажет болуы мүмкін. Метформинмен емдеуді ол жақсы төзімді және қарсы көрсетілімдері жоқ болғанша жалғастыру керек, ал В12 витаминінің тапшылығын тиісті түзетуші емдеу қолданыстағы клиникалық ұсынымдарға сәйкес жүргізіледі.

Жүктілік Жүктілік алдындағы кезеңде және жүктілік кезінде бақыланбайтын гипергликемия туа біткен патологиялардың, түсік түсірудің, жүктіліктен туындаған гипертензияның, преэклампсияның және перинаталды өлімнің жоғарлау қаупімен байланысты. Ана мен бала үшін гипергликемиямен байланысты қолайсыз нәтижелер қаупін азайту үшін жүктілік кезінде қандағы глюкоза деңгейін қалыпты деңгейге дейін сақтау маңызды. Метформин плацента арқылы ана сияқты жоғары болуы мүмкін концентрацияларда өтеді. Жүкті әйелдерде метформинді қолдану деректерінің жеткілікті көлемі туа біткен бұзылулар қаупінің жоғарылауын немесе ұрықтану алдындағы кезеңде және/немесе жүктілік кезінде метформиннің әсерінен кейін фето/неонаталдық уыттылығын көрсетпейді. Жүкті әйелдерде метформинді қолдану бойынша шектеулі деректер туа біткен бұзылулар қаупінің жоғарылауын көрсетпейді. Метформиндердің шектеулі деректерінің негізіне жүктілік кезінде метформиннің әсеріне ұшыраған 4 жасқа дейінгі балалардың қимыл-қозғалыс және әлеуметтік дамуына әсер етпейді. Клиникалық қажеттілік кезінде метформинді қолдану жүктілік кезінде және ұрықтану алдындағы кезеңде инсулинге қосымша немесе балама ретінде қаралуы мүмкін. Лактация кезеңі Метформин емшек сүтіне өтеді. Ондай емшек еметін нәрестелерде/сәбилерде ешқандай жағымсыз әсерлер, байқалмаған. Алайда мәліметтер шектеулі болғандықтан, Глюкофаж препаратымен емдеу уақытында баланы емізу ұсынылмайды. Баланы емізудің пайдасын және бала үшін жағымсыз реакцияларының потенциалды қаупін ескере отырып, емізуді үзуге қатысты шешім қабылдау керек. Ұрпақ өрбіту функциясы Метформин оны тәулігіне 600 мг/кг дозада қолданғанда егеуқұйрықтардың аналықтары мен аталықтарының тұқым өрбіту функциясына әсер етпеген, бұл дене сыртының ауданын ескеріп есептелген, адамға ұсынылатын ең жоғары тәуліктік дозадан шамамен үш есе артық. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Глюкофаж препаратымен монотерапия жасау гипогликемия туындатпайды және сондықтан автомобиль басқару және механизмдермен жұмыс істеу қабілетіне әсер етпейді. Алайда пациенттер Глюкофаж препаратын диабетке қарсы басқа дәрілік заттармен (сульфонилмочевина туындылары, инсулин немесе меглитинидтер) біріктірілімде қолданғанда гипогликемия туындау мүмкіндігін естен шығармауы тиіс.

Ұсынылмайтын біріктірілімдері Алкоголь: жедел алкогольдік уыттану кезінде, әсіресе ашыққан, жеткіліксіз тамақтанған жағдайда немесе бауыр функциясының бұзылыстар жағдайында лактоацидоздың даму қаупі бар. Құрамында йод бар контрастылы заттар: Метформин қолдануды құрамында йод бар контрастылы дәрілерді қолданумен жүргізілетін зерттеулерге дейін немесе оның кезінде тоқтату керек және зерттеуден кейін 48 сағат өткеннен кейін ғана және тек бүйрек функциясы қайталап талданғаннан кейін және соңынан нашарламайтыны анықталғаннан кейін ғана жаңғырту керек. Сақтықты талап ететін біріктірілімдер ЦОГ-2 тежегіштері, ангиотензин II рецепторларының блокаторлары, диуретиктер, әсіресе ілмектікті қоса, ҚҚСД сияқты кейбір дәрілік заттар олардың бүйрек функциясына потенциалды теріс әсері салдарынан лактоацидоз туындауының қаупін арттыруы мүмкін. Гипергликемиялық әсері бар дәрілік препараттар (глюкокортикоидтар (жүйелі және жергілікті әсер ететін) және симпатомиметиктер): қандағы глюкозаны, әсіресе емнің басында, жиірек анықтау талап етілуі мүмкін. Қажет болғанда, метформин дозасын тиісті дәрілік препараттармен соңғысын тоқтатқанша түзету керек. Органикалық катион тасымалдағыштары (ОКТ) Метформин ОКТ1 және ОКТ2 субстраттардың екеуі үшін де субстрат болып табылады. Метформинмен бірге қолдану: - ОКТ1 (верапамил) тежегіштерімен – метформин тиімділігі төмендеуі мүмкін; - ОКТ 1 индукторлары (рифампицин) – АІЖ сіңірілуі және метформин тиімділігі артуы мүмкін; - ОКТ 2 тежегіштері (циметидин, долутегравир, ранолазин, триметоприм, вандетамиб, изавуконазол) метформиннің бүйрек элиминациясын төмендетуі мүмкін және соның салдарынан плазмадағы метформиннің жоғарылауына әкелуі мүмкін; - ОКТ1 және ОКТ2 тежегіштері (кризотиниб, олапариб) метформиннің тиімділігіне және шығарылуына әсер етуі мүмкін. Метформинді, плазмадағы метформиннің концентрациясы жоғарылауы мүмкіндігінен әсіресе бүйрек жеткіліксіздігі бар пациенттерде басқа дәрілік заттармен бірге қолданғанда сақ болу керек.

Сақтау мерзімі 5 жыл (500 мг және 850 мг доза үшін) 3 жыл (1000 мг доза үшін) Жарамдылық мерзімі өткеннен кейін қолдануға болмайды! Сақтау шарттары 25 С-ден аспайтын температурада сақтау керек. Балалардың қолы жетпейтін жерде сақтау керек!