Глюкофаж XR таблетки 750 мг

Босап шығуы ұзаққа созылатын 750 мг бір таблетканың құрамында белсенді зат - 750 мг метформин гидрохлориді, ол 753,8 мг метформин негізіне сәйкес, қосымша заттар: натрий кармеллозасы (натрий карбоксиметилцеллюлоза), гипромеллоза 100 000 сР (гидроксипропилметилцеллюлоза 2208), магний стеараты, тазартылған су Босап шығуы ұзаққа созылатын 1000 мг бір таблетканың құрамында белсенді зат - 1000 мг метформин гидрохлориді, ол 1005,0 мг метформин негізіне сәйкес, қосымша заттар: натрий кармеллозасы (натрий карбоксиметилцеллюлоза), гипромеллоза 100 000 сР (гидроксипропилметилцеллюлоза 2208), магний стеараты, тазартылған су Сыртқы түрінің, иісінің, дәмінің сипаттамасы Босап шығуы ұзаққа созылатын 750 мг таблеткалар: таблетканың бір жағында "750" және таблетканың екінші жағында "Merck" нақышталған, екі беті дөңес, ақ түстен ақ дерлік түске дейінгі капсула пішінді таблеткалар; Босап шығуы ұзаққа созылатын 1000 мг таблеткалар: таблетканың бір жағында "1000" және таблетканың екінші жағында "Merck" нақышталған, екі беті дөңес, ақ түстен ақ дерлік түске дейінгі капсула пішінді таблеткалар.

• Салмағы шамадан тыс, глюкозаға толеранттылығы бұзылған және/немесе ашқарында гликемиясы бұзылған, және/немесе гликилденген гемоглобин деңгейі жоғарылаған мына ересек пациенттерде 2 типті қант диабетінің қаупін төмендетуге және кейінге қалдыру жүргізуге: • 2 типті қант диабеті дамуының жоғары қаупі бар • 3-6 ай бойы өмір салтын белсенді өзгеруіне қарамастан, 2 типті қант диабеті үдеген • Ересек пациенттерде, әсіресе салмағы шамадан тыс, диетамен емдеу және дене жүктемелері тиісінше гликемиялық бақылауға әкелмейтін пациенттерде 2 типті қант диабетін емдеу үшін. Глюкофаж XR монотерапия түрінде немесе диабетке қарсы басқа оральді дәрілермен немесе инсулинмен біріктіріліп қолданылуы мүмкін.

Әсер ету механизмі Метформин гидрохлориді гипергликемияға қарсы әсері бар бигуанид, қандағы глюкозаның базалық та, постпрандиальді да деңгейлерін төмендетеді. Ол инсулин секрециясын стимуляцияламайды және, осыған байланысты, гипогликемияны туындатпайды. Метформин гидрохлоидінің 3 түрлі әсер ету механизмі бар: • глюконеогенез бен гликогенолизді тежеудің есебінен глюкозаның бауырдан өндіріліп шығарылуын төмендетеді • инсулинге сезімталдықтың артуы есебінен бұлшықеттердегі шеткері глюкозаның қамтылуын және утилизациясын жақсартады • глюкозаның ішекте сіңуін кідіртеді. Метформин гидрохлориді гликогенсинтазаға әсер ете отырып, жасушаішілік гликоген синтезін стимуляциялайды. Метформин гидрохлориді глюкозаның жарғақшалық тасымалдаушыларының (GLUT) барлық типтерінің қабілетін жақсартады. Фармакодинамикалық әсері Клиникалық зерттеулерде метформиннің негізгі гликемиялық емес әсері салмақты тұрақтандыру немесе салмақтың орташа төмендеуі болып табылады. Жылдам босап шығатын метформин гидрохлориді адамдарда гликемияға әсер етуіне қарамастан липидтердің алмасуына жағымды әсер етеді. Бұл әсер бақыланатын орта мерзімді немесе ұзақ мерзімді клиникалық зерттеулерде терапиялық дозалар үшін көрсетілді: метформин гидрохлориді жылдам босап шығуымен холестериннің жалпы деңгейін, ТТЛП холестеринін (тығыздығы төмен липопротеиндер) және триглицеридтер деңгейін төмендетеді. Осындай әсер баяу босап шығатын дәрілік түрмен көрсетілмеді, кешкі қабылдаудан болуы мүмкін, сондай-ақ триглицеридтер деңгейі жоғарылауы мүмкін. Клиникалық тиімділік және қауіпсіздік 2 типті қант диабетінің даму қаупін төмендету "Диабеттік профилактика бағдарламасы" рандомизацияланған мультиорталықты клиникалық зерттеу ересектерде өмір салтын қарқынды модификациялау тиімділігін бағалау немесе қант диабетін профилактикалау үшін метформинді қабылдау жүргізілді. Қосылған критерийлер: жасы ≥25 жас, ДСИ≥24 кг/м2, глюкозаға төзімділіктің бұзылуы, аш қарынға гликемия деңгейі-5,3-6,9 ммоль/л. Қосу критерийлері: жасы ≥25 жас, ДСИ≥24 кг/м2, глюкозаға төзімділіктің бұзылуы, аш қарынға гликемия деңгейі – 5,3 – 6,9 ммоль/л. Мынадай емде болған пациенттер: өмір салтын өзгерту немесе өмір салтын түзетумен 850 мг х 2 рет метформин, немесе өмір салтын түрлендірумен бірге плацебо. Зерттеуге қатысушылардың орташа мәндері (2 жыл бойы n=3234): жасы 50,6±10,7 жыл, аш қарынға гликемия деңгейі 5,9±0,46 ммоль/л, тамақтан кейін 2 сағаттан соң гликемия деңгейі 9,1±0,9 ммоль/л, ДСИ 34,0±6,7 кг/м2. Өмір салтына қарқынды араласу, сондай-ақ метформинді қолдану плацебомен салыстырғанда диабеттің даму қаупін айтарлықтай азайтты, тиісінше 58% (95% СА 48-66%) және 31% (95% СА 17-43%).

Дозалану режимі Бүйрек функциясы қалыпты (ШСЖ ≥ 90 мл/мин) ересек пациенттер Қант диабеті даму қаупінің төмендеуі Метформин 3-6 ай бойы өмір сүру салтын түрлендіру гликемияны адекватты бақылауға әкелмейтін жағдайларда ғана тағайындалуы тиіс. - емдеу кешкі тамақтану кезінде тәулігіне 1 рет 500 мг дозадан басталуы тиіс. - емдеуді бастағаннан кейін 10-15 күннен соң гликемия деңгейіне баға беру ұсынылады (глюкозатолерантты тест және/немесе ашқарындағы гликемия деңгейі және/немесе гликирленген гемоглобин қалып шегінде болуы тиіс). Дозаны баяу арттыру асқазан-ішекке жағымдылығының жақсаруына мүмкіндік бере алады. Ең жоғары ұсынылатын тәуліктік доза кешкі тамақтану кезінде тәулігіне 4 таблетканы (2000 мг) құрайды. - гликемиялық статусқа (глюкозатолерантты тестке, ашқарындағы гликемияға, гликирленген гемоглобинге баға беру), ұдайы мониторинг (әрбір 3-6 ай сайын) ұсынылады. - емдеуді жалғастыруға қайталап баға беру жөнінде шешім, егер пациент өмір сүру салтын және тамақтануды модификацияласа, қабылдануы мүмкін. Монотерапия және диабетке қарсы пероральді басқа дәрілермен біріктірілген ем: Босап шығуы ұзаққа созылатын 750 мг таблеткалар Глюкофаж® XR 750 мг метформин таблеткаларын (ұзаққа созылатын немесе дереу босап шығатын) бұрын алған пациенттерге арналған. Глюкофаж® XR 750 мг дозасы метформин таблеткаларының (ұзаққа созылатын немесе дереу босап шығатын) тәуліктік дозасына эквивалентті болуы тиіс, ең көп дегенде 1500 мг-ге дейін кешкі аспен ішу керек. 10-15 күннен кейін қандағы глюкозаны өлшеу арқылы Глюкофаж® XR 750 мг дозасы жеткілікті екенін тексеру ұсынылады. Босап шығуы ұзаққа созылатын 1000 мг таблеткалар Глюкофаж® ХR 1000 мг кешкі ас ішумен күніне бір рет қабылдау керек, бұл ретте ұсынылатын ең жоғары доза күніне 2 таблетканы құрайды. Глюкофаж® ХR 1000 мг қазіргі уақытта 1000 мг немесе 2000 мг метформин гидрохлоридін қабылдайтын пациенттерге демеуші ем үшін қарастырылған. Ауысқанда Глюкофаж® ХR препаратының тәуліктік дозасы метформин гидрохлоридінің ағымдағы тәуліктік дозасына баламалы болуы тиіс. Күніне 2000 мг астам дозада метформин гидрохлоридін алатын пациенттерге Глюкофаж® ХR препаратына ауысу ұсынылмайды. Егер, күніне бір рет 2000 мг-де Глюкофаж® ХR препаратының ең жоғары дозасын қабылдаған кезде гликемиялық бақылауға қол жеткізу мүмкін болмаса, онда қабылдау режимі, екі доза да тамақпен, таңғы және кешкі ас ішу кезінде күніне екі рет қабылдау қарастырылуы керек. Егер гликемиялық бақылауға қол жеткізу мүмкін болмаса, пациенттерді күніне 3000 мг ең жоғары тәуліктік дозасы бар метформин гидрохлоридінің стандартты таблеткаларына аустыуға болады. Оральді диабетке қарсы басқа дәріден ауысқан жағдайда, дозаны титрлеуді жоғарыда көрсетілгендей, Глюкофаж® ХR 750 мг немесе Глюкофаж® ХR 1000 мг-ге ауысар алдында Глюкофаж® ХR 500 мг-ден бастау керек. Инсулинмен біріктіру: Метформин гидрохлоридін және инсулинді қандағы глюкоза деңгейін неғұрлым барабар бақылауға қол жеткізу үшін біріктірілген емде қолдануға болады. Глюкофаж® ХR препаратының әдеттегі бастапқы дозасы күніне бір рет 500 мг құрайды және оны кешкі ас ішумен қабылдайды, ал инсулин дозасын қандағы глюкоза деңгейін өлшеу негізінде түзетеді. Титрлеуден кейін Глюкофаж® ХR 750 мг немесе Глюкофаж® ХR 1000 мг-ға ауысуды қарастыру керек. Егде жастағы адамдар: Егде жастағы адамдарда бүйрек функциясының әлеуетті нашарлауына байланысты метформин гидрохлоридінің дозасын бүйрек функциясын ескере отырып түзету керек. Бүйрек функциясына ұдайы баға беріп отыру қажет. 2 типті қант диабетінің бастау қаупін төмендетудің пайдасы анықталмағандықтан, метформин 75 жастан асқан пациенттерге ұсынылмайды. Бүйрек функциясы бұзылған пациенттер: Метформинмен емдеуді бастар алдында және әрі қарай жыл сайын шумақтық сүзілу жылдамдығын (ШСЖ) анықтау қажет. Бүйрек функциясының үдеу қаупі жоғарылаған пациенттерде және егде жастағыларда пациенттерде бүйрек функциясына әрбір 3-6 ай сайын баға беріп отырған жөн. ШСЖ (мл/мин) — Ең жоғары тәуліктік доза — Қосымша қорытынды 60-89 — 2000 мг — Бүйрек функциясының төмендеуіне сәйкес дозаны төмендету 45-59 — 2000 мг — Метформинді тағайындағанға дейін лактоацидоз қаупін арттыратын факторларға баға беруі тиіс 30-44 — 1000 мг — Бастапқы доза ең жоғары дозаның жартысынан төмен құрайды <30 — - — Метформинді тағайындауға болмайды Балалар: Тиісті деректер жоқ болғандықтан, Глюкофаж XR препаратын балаларға қолдануға болмайды.

• метформинге немесе кез келген қосымша затқа аса жоғары сезімталдық • метаболизмдік ацидоздың кез келген түрі (лактоацидоз, диабеттік кетоацидоз) • диабеттік прекома • бүйрек функциясының ауыр жеткіліксіздігі (ШСЖ < 30 мл/мин) • бүйрек жеткіліксіздігі немесе бүйрек функциясының бұзылуы (креатинин клиренсі < 30 мл/мин) • бүйрек функциясының айтарлықтай өзгерісі бар жедел аурулар, олар: сусыздану, ауыр инфекция, шок • тіндердің гипоксиясыны әкелетін жедел немесе созылмалы аурулар, олар: жүрек немесе тыныс алу жеткіліксіздігі, жақын арада бастан кешірген миокард инфарктісі, шок • бауыр жеткіліксіздігі, алкогольмен қатты улану, маскүнемдік

Емдеуді бастау кезінде ең жиі жағымсыз реакциялар жүрек айнуы, құсу, диарея, іштің ауруы және тәбеттің жоғалуы болып табылады, ол көп жағдайларда өздігінен қайтады. Глюкофаж® ХR қабылдаған кезде мынадай жағымсыз реакциялар пайда болуы мүмкін. Жиілігі мынадай түрде анықталады: өте жиі: ≥1/10; жиі ≥1/100, <1/10; жиі емес ≥1/1 000, <1/100; сирек ≥1/10 000, <1/1 000; өте сирек <1/10 000. Жиіліктердің әрбір тобында жағымсыз реакциялар қауіптілікті төмендету тәртібімен берілген. Зат алмасуының және тамақтанудың бұзылуы Жиі • В12 витаминінің төмендеуі/тапшылығы Өте сирек • лактоацидоз Жүйке жүйесінің бұзылулары Жиі • дәмнің бұзылуы Асқазан-ішек бұзылулары Өте жиі • асқазан-ішектің бұзылулары, мыналар сияқты • жүрек айнуы • құсу • диарея • іштің ауыруы және • тәбеттің болмауы Көрсетілген жағымсыз әсерлер емнің басында жиі пайда болады және көп жағдайларда өздігінен өтеді. Сондай-ақ, асқазан-ішек жолдары үшін төзімділікті дозаны баяу арттыру арқылы жоғарылатуға болады. Гепатобилиарлы жүйенің бұзылулары Өте сирек • бауыр функциясын зерттеудің аномальді нәтижелері • гепатит Бұл реакциялар метформинді қабылдауды тоқтатқаннан кейін рұқсат етілді. Тері және тері асты шелмайы тарапынан бұзылулар Өте сирек • тері реакциясы сияқты • эритема • қышыну • есекжем Жағымсыз реакциялар туралы хабарлама Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) жөніндегі ақпараттық дерекқорға тікелей жүгіну қажет: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдар: метформин гидрохлоридін 85 г-ге дейінгі дозада қабылдаған кезде, мұндай жағдайларда лактоацидоз дамығанымен, гипогликемия байқалмады. Елеулі артық дозалануы немесе метформин гидрохлоридінің қатар жүретін қауіп факторлары лактоацидозға әкелуі мүмкін. Емі: Лактоацидоз шұғыл жағдай болып табылады және оны стационарда емдеу қажет. Лактат пен метформиннің шығарылуының ең тиімді тәсілі гемодиализ болып табылады

Қатысты емес Қолдану кезіндегі қажетті сақтандыру шаралары ЦОГ-2 тежегіштері, ангиотензин II рецепторларының блокаторлары, АӨФ тежегіштері, диуретиктер, әсіресе ілмектік диуретиктерді қоса, ҚҚСД сияқты кейбір дәрілік заттар, бүйрек функциясына олардың потенциалды теріс әсер етуі салдарынан, лактатацидоздың туындау қаупін арттыруы мүмкін. Гипергликемиялық белсенділігіне тән дәрілік препараттар Мысалы, глюкокортикоидтар (енгізу жолы жүйелі және жергілікті кезде) және симпотомиметиктер. Қандағы глюкозаны, әсіресе емнің басында, жиірек анықтау талап етілуі мүмкін. Қажет болғанда, басқа препаратпен емдегенде және оны қабылдауды тоқтатқанда метформин дозасын түзету керек. Органикалық катионды тасымалдаушылар (ОКТ) Метформин ОКТ1 және ОКТ2 тасымалдаушылардың екеуі үшін де субстрат болып табылады. Метформинді мыналармен бірге қолдану: - ОКТ1 (верапамил) тежегіштерімен – метформиннің тиімділігі төмендеуі мүмкін; - ОКТ 1 индукторлары (рифампицин) – АІЖ-ден сіңірілуі және метформиннің тиімділігі жоғарылауы мүмкін; - ОКТ 2 тежегіштері (циметидин, долутегравир, ранолазин, триметоприм, вандетамиб, изавуконазол) метформиннің бүйректік элиминациясын төмендетуі мүмкін және соның салдарынан плазмадағы метформиннің жоғарылауына әкелуі мүмкін; - ОКТ1 және ОКТ2 тежегіштері (кризотиниб, олапариб) метформиннің тиімділігіне және бүйрекпен шығарылуына әсер етуі мүмкін. Плазмадағы метформиннің концентрациясы жоғарылауы мүмкін болғандықтан, әсіресе бүйрек жеткіліксіздігі бар пациенттерде, метформинді басқа дәрілік заттармен бірге қолданғанда сақтық таныту қажет. Арнайы сақтандырулар Лактоацидоз Лактоацидоз – өте сирек, бірақ күрделі метаболизмдік асқыну, ол көбіне бүйрек функциясының жедел нашарлауы аясында, жүрек-өкпе ауруларында немесе сепсис кезінде жиі туындайды. Метформиннің жинақталуы бүйрек функциясы жеткіліксіздігінің жедел үдеуі аясында туындайды, бұл лактоацидоз қаупін арттырады. Дегидратация жағдайында (ауыр диарея, құсу, қызба, сұйықтықты тұтынудың азаюы) метформин қабылдауды уақытша тоқтату және емдеуші дәрігермен байланыс жасау керек. Метформин қабылдап жүрген пациенттерге бүйрек функциясына әсер ететін гипертензияға қарсы, диуретиктер, ҚҚСД сияқты препараттарды тағайындағанда сақ болу қажет. Лактоацидоздың даму қаупінің басқа да факторлары: алкогольді бақыланбайтындай шамадан тыс қолдану, бауыр функциясының жеткіліксіздігі, адекватты емес бақыланатын қант диабеті, кетоз, ұзақ уақыт ашығу, гипоксияға байланысты кез келген жай-күй, лактоацидоз дамуына мүмкіндік беретін дәрілік заттармен бірге тағайындау. Пациенттер және/немесе пациенттерді күтім жасайтын адамдар лактоацидоздың туындау қаупі туралы хабардар болуы тиіс. Лактоацидоз ацидоздық ентігу, іштің ауыруы, бұлшықеттердің құрысулары, астения және кома алдындағы гипотермиямен сипатталады. Күдік тудыратын симптомдар анықталған жағдайда пациент метформин қабылдауды тоқтатуы және медициналық көмекке жүгінуі тиіс. Диагностикалық тексерулерде қанда рH (< 7.35) төмендегені, қандағы лактат деңгейінің (> 5 ммоль/л) және аниондар деңгейінің жоғарылағаны, сондай-ақ лактат/пируват арақатынасының артқаны білінді. Бүйрек функциясы Глюкофаж XR препаратымен емдеуді бастар алдында және емделу кезінде ШСЖ көрсеткіші жүйелі түрде анықталуы тиіс. ШСЖ <30 мл/мин пациенттерде метформинді қолдануға болмайды және бүйрек функциясы бұзылуына байланысты жай-күйлер туындағанда уақытша тоқтатылуы тиіс. Жүрек функциясы Жүрек функциясының жеткіліксіздігі бар пациенттер гипоксия қаупіне және бүйрек функциясының жеткіліксіздігіне көбіне бейім келеді. Жүрек функциясының тұрақты созылмалы жеткіліксіздігі бар пациенттерге метформинді бүйрек және жүрек функциясына ұдайы мониторинг жүргізе отырып қана қолдануға болады. Жүрек функциясының жедел және тұрақсыз жеткіліксіздігі бар пациенттерге Глюкофаж XR препаратын қолдануға болмайды. Егде жастағы пациенттер 2 типті қант диабетінің даму қаупін төмендетудің емдік тиімділігі жөнінде деректер шектеулі болғандықтан, 75 жастан асқан пациенттерге метформин ұсынылмайды. Құрамында йод бар контрастылы заттарды енгізу Рентгенологиялық зерттеулерде құрамында йод бар контрастылы заттарды тамыр ішіне енгізу бүйрек функциясының жеткіліксіздігіне әкелуі мүмкін. Ол метформиннің жинақталуына және лактоацидоз қаупіне әкелуі мүмкін. Метформин қолдануды құрамында йод бар контрастылы дәрілерді қолданып жүргізілетін зерттеулерге дейін немесе зерттеу кезінде тоқтату керек және зерттеуден кейін кем дегенде 48 сағат өткен соң және бүйрек функциясы қайталап талданғаннан кейін және соңынан нашарламайтыны анықталғанда ғана қайта жаңғырту керек. Хирургияда Метформинді қабылдауды жалпы жұлын немесе эпидуральді анестезиямен жоспарлы операция жүргізілгенге дейін 48 сағат бұрын тоқтату керек. Емді операциядан кейін кемінде 48 сағаттан кейін немесе бүйректің қалыпты қызметі анықталған жағдайда ішу арқылы тамақтануды қайта бастағанда жаңғыртуға болады. Басқа сақтық шаралары Пациенттерге көмірсуларды күні бойы пайдалану дұрыс реттелген диетаны ұстану қажет болады. Дене салмағы шамадан тыс адамдар калориясы төмен диетаны ұстанғандары жөн. Ауру барысын мониторингілеу үшін зертханалық талдауларды жүйелі түрде жүргізіп отыру қажет. Метформин қан сарысуындағы В12 дәрумені деңгейін төмендетуі мүмкін. В12 дәрумені деңгейінің төмен болу қаупі Метформин дозасының жоғарылауымен, B12 дәрумені тапшылығын тудыратын белгілі қауіп факторлары бар пациенттерде емдеу ұзақтығымен артады. В12 дәрумені тапшылығына күдік туындаған жағдайда (мысалы, анемия немесе нейропатия кезінде) қан сарысуындағы В12 дәрумені деңгейін бақылау керек. В12 дәрумені жетіспеушілігінің қауіп факторлары бар пациенттерде В12 дәруменінің мерзімді мониторингі қажет болуы мүмкін. Метформинмен емдеуді ол жақсы төзімді және қарсы көрсетілімдері жоқ болғанша жалғастыру керек, ал В12 витаминінің тапшылығын тиісті түзетуші емдеу қолданыстағы клиникалық ұсынымдарға сәйкес жүргізіледі. Метформинмен монотерапия ешқашан гипогликемияны тудырмайды, бірақ ол инсулинмен немесе басқа да диабетке қарсы оральді дәрілермен (мысалы, сульфонилмочевина туындылары немесе меглитинидтермен) бірге қолданылғанда сақтық шараларын сақтау ұсынылады. Таблетка қабығы нәжісте болуы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Метформинмен монотерапия гипогликемия тудырмайды, демек, автомобиль мен механизмдерді басқару қабілетіне әсер етпейді. Алайда, пациенттерге метформин диабетке қарсы басқа дәрілермен (мысалы, сульфонилмочевина туындылары, инсулинмен немесе меглитинидтермен) бірге қабылданғанда гипогликемия қаупіне қатысты қырағылық танытуы керек.

Жүктілік алдындағы кезеңде және жүктілік кезінде бақыланбайтын гипергликемия туа біткен патология, түсік түсіру, жүктіліктен туындаған гипертензия, преэклампсия және перинаталды өлім қаупінің жоғарылауымен байланысты. Ана мен бала үшін гипергликемиямен байланысты қолайсыз нәтижелер қаупін азайту үшін жүктілік кезінде қандағы глюкоза деңгейін қалыпты деңгейге жақын ұстау маңызды. Метформин плацента арқылы ана сияқты жоғары болуы мүмкін концентрацияларда өтеді. Жүкті әйелдерде метформинді қолдану деректерінің жеткілікті көлемі туа біткен бұзылулар қаупінің жоғарылауын немесе ұрықтану алдындағы кезеңде және/немесе жүктілік кезінде метформиннің әсерінен кейін фето/неонаталдық уыттылығын көрсетпейді. Жүкті әйелдерде метформинді қолдану бойынша шектеулі деректер туа біткен бұзылулар қаупінің жоғарылауын көрсетпейді. Шектелген деректер негізінде метформин жүктілік кезінде метформинге ұшыраған 4 жасқа дейінгі балалардың қимыл-қозғалыс және әлеуметтік дамуына әсер етпейді. Клиникалық қажеттілік кезінде метформинді қолдану жүктілік кезінде және ұрықтану алдындағы кезеңде инсулинге қосымша немесе балама ретінде қаралуы мүмкін.Метформин емшек сүтімен бөлінеді. Емшек сүтімен қоректенетін жаңа туғандарда/сәбилерде ешқандай жағымсыз құбылыстар анықталған жоқ. Алайда, тек шектеулі деректер болғандықтан, метформинмен емдеу кезінде емшек емізу ұсынылмайды. Емшекпен емізуді тоқтату туралы шешім емшекпен емізудің пайдасы мен адамға жағымсыз әсер етудің ықтимал қауіп-қатерін бағалауды ескере отырып қабылдануы тиіс Ұрпақ өрбіту функциясы Метформин оны тәулігіне 600 мг/кг дозада қолданғанда егеуқұйрықтардың аналықтары мен аталықтарының тұқым өрбіту функциясына әсер етпеген, бұл дене сыртының ауданын ескеріп есептелген, адамға ұсынылатын ең жоғары тәуліктік дозадан шамамен үш есе артық.

Ұсынылмайтын біріктірілімдер Алкоголь Алкогольмен қатты улану кезінде лактоацидоздың даму қаупімен астасқан алкогольмен қатты улану, әсіресе мынадай: • ашығу немесе жеткіліксіз тамақтану • бауыр жеткіліксіздігі Құрамында йод бар контрастылы заттар: • Метформин қолдануды құрамында йод бар контрастылы дәрілерді қолдануға зерттеулер жүргізгенге дейін немесе жүргізу кезінде тоқтату керек және зерттеуден кейін кем дегенде 48 сағат өткен соң ғана және тек бүйрек функциясы қайталап талданғаннан кейін және соңынан нашарламайтыны анықталған соң ғана қайта жаңғырту қажет.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25С-ден аспайтын температурада сақтау керек. Балалардың қолы жетпейтін жерде сақтау керек!