ГЛЮТИОН порошок 600 мг

Бір құтының ішінде белсенді зат - 643 мг натрий глютатионы (600 мг глютатионға баламалы). Еріткіші бар бір ампуланың ішінде қосымша зат - инъекцияға арналған су. Сыртқы түрінің, иісінің, дәмінің сипаттамасы Гигроскопиялық ақ түсті ұнтақ

- цисплатин немесе ұқсас препараттар қолданып жүргізілген химиотерапиядан индукцияланған, нейропатия профилактикасы. Қолдану басталғанға дейін қажетті мәліметтер тізбесі

Глютатион барлық тіндердің, ағзалар мен жүйелердің жасушаларында кездесетін трипептидтерге жатады. Бұл заттың кең таралуы биологиялық функцияларының едәуір кең ауқымына байланысты. Сонымен қатар, глютатион көптеген биохимиялық және метаболизмдік процестерде өте маңызды. Глютатионның цистеин компонентінің сульфгидрил тобы жоғары нуклеофильді сипатына байланысты химиялық заттардың немесе олардың реактивті метаболиттерінің электрофильді шабуылының негізгі нысаны болып табылады, бұл ықтимал уытты экзогендік заттардың белсенділігі жойылуын тудырады. Осылайша, зат негізгі нуклеофильді бөліктерде қорғаныс әсеріне ие, олардың шабуылы жасушаның зақымдану процесіне әкеледі. Сонымен қатар, тотыққан органикалық метаболиттердің көп мөлшерімен қалпына келтірілген глютатион (GSH) реакциясында аз уытты конъюгацияланған қосылыстар пайда болады, олар ағзадан меркаптур қышқылдары түрінде шығарыла отырып, одан әрі оңай метаболизденеді. Осыған байланысты, глютатион процесс осы механизмдерге негізделген гепатоуыттылықтың барлық жағдайларында көрсетілген, атап айтқанда этилдің немесе дәрілік заттардың әсерімен шартталған гепатоуыттылық немесе детоксикацияның өзгертілген механизмдерімен байланысты патогенез кезінде қолдануға арналған.

Дозалау режимі Цисплатинмен және ұқсас қосылыстармен химиотерапия алатын пациенттер үшін әдетте ұсынылатын препараттың тәуліктік дозасы 1,5 г/м² құрайды (бұл 2,5 г сәйкес келеді). Доза, алайда, науқастың жасына, салмағына және клиникалық жағдайына, сондай-ақ химиотерапиялық препараттардың дозасы мен енгізу кестесіне байланысты. Глютатион мен химиотерапиялық дәріні бір мезгілде қолданған жағдайда, глютатионның вена ішіне инфузиясы химиотерапия басталғанға дейін 15-30 минут бұрын орындалуы тиіс. Ұзақ емдеу жағдайында препараттың дозасын төмендетуге болады (600 мг немесе 300 мг). Енгізу әдісі мен жолы Бұлшықет ішіне немесе вена ішіне баяу. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Препаратты қолдану тәсілін түсіндіру үшін медицина қызметкеріне жүгіну ұсынылады.

- әсер етуші затқа немесе қосымша заттардың кез келгеніне аса жоғары сезімталдық

Жиі емес - қызбалық реакциялар - веналық тромбоз немесе флебит және инъекция орнының қанталап кетуі Сирек - емдеуді тоқтатқаннан кейін жоғалып кететін тері бөртпесі - инъекция орнындағы орташа ауырсыну - жүрек айнуы, құсу және бас ауыруы Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды ұлттық сараптау орталығы» ШЖҚ РМК http://www.ndda.kz

Нұсқаулықта көрсетілмеген.

Арнайы ескертулер Вена ішіне енгізгенде жағымсыз реакциялар болған жағдайда препаратты қолдануды дереу тоқтату керек. Ескерту: парентеральді қолдануға арналған препаратта бөлшектердің болуын немесе препарат түсінің ауытқуын мүмкіндігінше анықтау үшін қолданар алдында көзбен қарап тексеру жүргізу керек. Бұлыңғыр және шөгінді болған жағдайда қолдануға болмайды. Педиатрияда қолдану 18 жасқа дейінгі балалар мен жасөспірімдерде дәрілік заттың қауіпсіздігі мен тиімділігі жөніндегі деректер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Глютион көлік құралдарын басқару және механизмдерді пайдалану қабілетіне өте төмен әсер етеді немесе ешқандай әсер етпейді. Қолдану бойынша ұсыныстар

Эксперименттік зерттеулерде глютатионның эмбрион мен ұрыққа уытты әсер ету белгілерінің болмауына қарамастан, оны жүктілік кезінде және бала емізу кезінде, кез-келген жаңа препаратты қолданған жағдайдағыдай қолдану ұсынылмайды.

Деректер жоқ.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25 С-ден аспайтын температурада сақтау қажет. Балалардың қолы жетпейтін жерде сақтау керек!