Граммидин® спрей 0.06 мг + 0.1 мг/доза

Препараттың бір дозасында белсенді заттар – грамицидин С (дигидрохлорид түрінде) – 0,06 мг, цетилпиридиний хлориді – 0,10 мг қосымша заттар: этанол, сукралоза, глицерол, жалбыз хош иістендіргіші, лимон қышқылы моногидраты, натрий цитраты, полисорбат 80, метилпарагидроксибензоат (метилпарабен), пропилпарагидроксибензоат (пропилпарабен), тазартылған су. Сыртқы түрінің, иісінің, дәмінің сипаттамасы Өзіне тән жалбыз иісі бар мөлдір немесе бозаңданатын түссіз немесе сарғыш ерітінді.

• ауыз қуысы мен тамақтың инфекциялық-қабыну ауруларын симптоматикалық емдеу: фарингит, тонзиллит, пародонтит, гингивит, стоматит Қолдана бастауға дейінгі қажетті мәліметтер тізбесі

AТХ коды R02AA20 Әсер ету механизмі Тамақ пен ауыз қуысының инфекциялық-қабыну ауруларын емдеуге арналған біріктірілген препарат. Препараттың құрамына микробқа қарсы грамицидин С және антисептикалық дәрі – цетилпиридиний хлориді кіреді. Грамицидин С әсер ету механизмі микроб жасушасының цитоплазмалық жарғақшасы өткізгіштігін жоғарылатумен байланысты, оның төзімділігін бұзады және жойылуын тудырады. Грамицидин С кең ауқымда грамоң және грамтеріс микроорганизмдерге қатысты бактерияларға қарсы әсер етеді. Цетилпиридиний хлориді антисептикалық дәріге жатады, ауыз қуысы мен тамақтың инфекциялық аурулары қоздырғыштарының өсуі мен көбеюін басады. Фармакодинамикалық әсерлері Препарат микробқа қарсы әсер көрсетеді, қабынуды азайтады, тамақтағы жағымсыз сезінуді жұмсартып, жұтынуды жеңілдетеді.

Дозалау режимі Ересектерге арналған доза: бір қолдануға 4 бүркуден. 6 жастан 18 жасқа дейінгі балаларға арналған доза: бір қолдануға 2 бүркуден. Енгізу әдісі мен жолы Жергілікті, ауыз қуысы мен тамақтың шырышты қабығына бүрку арқылы. Ол тамақтан кейін қолданылады. Препаратты қолданғаннан кейін бірден 1 сағат ішінде тамақ пен сусын ішуден бас тарту керек. Қабылдау уақыты көрсетілген қолдану жиілігі Күніне 3 рет. Емдеу ұзақтығы 7 күн ішінде. Дәрілік препараттың бір немесе бірнеше дозасын өткізіп алған кезде қажетті шаралар Жекелеген дозаларды өткізіп алған жағдайда препараттың екі есе дозасын қабылдауға болмайды. Тоқтату симптомдары қаупінің болуын көрсету Осы кезге дейін тоқтату симптомдарының жағдайлары туралы хабарланған жоқ.

• әсер етуші заттарға немесе қосымша заттардың кез келгеніне аса жоғары сезімталдық • жүктілік (I триместр) • бала емізу кезеңі • 6 жасқа дейінгі балалар

Жағымсыз әсерлердің жиілігін анықтау келесі критерийлерге сәйкес жүргізіледі: өте жиі (≥1/10), жиі (≥1/100-ден <1/10-ға дейін), жиі емес (≥1/1000-нан <1/100-ге дейін), сирек (≥1/10000-нан <1/1000-ға дейін), өте сирек (<1/10000), белгісіз (қолда бар деректер негізінде бағалау мүмкін емес). Белгісіз • Препараттың компоненттеріне аллергиялық реакциялар болуы мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: препаратты ұсынылғаннан жоғары дозада қолдану асқазан-ішек жолы тарапынан бұзылуға әкелуі мүмкін: жүрек айнуы, құсу, диарея. Емі: препаратты қолдануды тоқтату керек.

Жүктілік (II-III триместр). Препаратты ауыз қуысында ашық жаралар болған кезде қолдануға болмайды, өйткені цетилпиридиний хлориді жараның жазылуын баяулатады. Арнайы ескертулер Қосымша заттар Глицерол Глицеролдың құрамына байланысты бас ауыруы, асқазан-ішек жолының бұзылулары, диарея дамуы мүмкін. Метилпарагидроксибензоат, пропилпарагидроксибензоат Бұл дәрілік препараттың құрамында метилпарагидроксибензоат (метилпарабен) және пропилпарагидроксибензоат (пропилпарабен) бар, олар баяулаған типтегі аллергиялық реакцияларды, бронх түйілуін тудыруы мүмкін. Этанол Препараттың бір дозасында 19,0 мг этанол бар. Препараттың көлік құралын немесе ықтимал қауіпті механизмдерді басқару қабілетіне әсер ету ерекшеліктері Препарат ерекше назар аударуды және реакциялардың жылдамдығын қажет ететін қызметтің ықтимал қауіпті түрлерін орындау қабілетіне әсер етпейді (автомобиль және басқа көлік құралдарын басқару, қозғалмалы механизмдермен жұмыс, диспетчер мен оператордың жұмысы және т.б.).

Жүктілік кезінде препаратты қолдану бойынша талапқа сай бақыланатын зерттеулер жүргізілген жоқ. Препаратты жүктіліктің I триместрінде қолдануға болмайды. Препаратты жүктіліктің II–III триместрінде, егер анасы үшін ықтимал пайдасы шарана үшін ықтимал қауіптен асып кетсе, қолдануға болады. Препарат компоненттерінің емшек сүтіне енуі туралы деректер жоқ. Егер лактация кезеңінде препаратты қолдану қажет болса, бала емізуді тоқтату керек.

Қазіргі кезде басқа дәрілік заттармен клиникалық маңызды өзара әрекеттесу жағдайлары сипатталмаған.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамада 25 °С-ден аспайтын температурада сақтау керек. Балалардың қолы жетпейтін жерде сақтау керек! Босатылу шарттары Рецептісіз.