Дапорин таблетки 60 мг

Үлбірлі қабықпен қапталған 1 таблетканың құрамында белсенді зат - 33.581 мг (30.000 мг дапоксетинге баламалы) және 67.162 мг (60.000 мг дапоксетинге баламалы) дапоксетин гидрохлориді. қосымша заттар: лактоза моногидраты, микрокристалды целлюлоза, натрий кроскармеллозасы, сусыз коллоидты кремнийдің қостотығы, магний стеараты, қабығы Opadry® grey II 32K275005: гипромеллоза, лактоза моногидраты, титанның қостотығы (Е 171), триацетин, темірдің (III) қара тотығы (Е 172), темірдің (III) қызыл тотығы (Е 172), темірдің (III) сары тотығы (Е 172). Сыртқы түрінің, иісінің, дәмінің сипаттамасы Ашық-сұр түсті үлбірлі қабықпен қапталған, бір жақ беті дөңес, басқа жақ беті жазық, таблетканың дөңес жақ бетіндегі үш бұрыштың ішінде “30” өрнегі бар дөңгелек пішінді таблеткалар (30 мг доза үшін). Ашық-сұр түсті үлбірлі қабықпен қапталған, бір жақ беті дөңес, басқа жақ беті жазық, таблетканың дөңес жақ бетіндегі үш бұрыштың ішінде “60” өрнегі бар дөңгелек пішінді таблеткалар (60 мг доза үшін).

Препарат 18-ден 64 жасқа дейінгі еркектерде ерте эякуляцияны (ЕЭ) емдеуде қолданылады. Препарат төменде көрсетілген барлық критерийлерге сәйкес келетін пациенттерге ғана тағайындалуы мүмкін: - қынапішілік эякуляцияның латентті уақыты (IELT) екі минуттан аз; - жыныстық қатынас алдында, кезінде немесе жыныстық қатынастан кейін көп ұзамай ең төменгі сексуалдық стимуляциядан кейінгі персистирлеуші немесе реккурентті және пациент қалаған уақыттан ерте басталатын эякуляция; - ПЭ салдарынан жеке басының дистресі немесе тұлғааралық қарым-қатынастың қиындауы; - эякуляцияның басталуын жеткіліксіз бақылау; - алдыңғы 6 айда жыныстық қатынас жасаудың көптеген әрекеттерінде мерзімінен бұрын эякуляция. Препаратты тек қажет болғанда болжамды жыныстық қатынас алдында ем ретінде ғана қолдану керек. ПЭ диагнозы қойылмаған еркектерде эякуляцияны кідірту үшін препаратты тағайындауға болмайды.

Әсер ету механизмі Дапоксетин ТК50 1,12 нМ серотонинді кері қармайтын күшті селективті тежегіші (СКҚСТ) болып табылады, ал адамның негізгі метаболиттері - десметилдапоксетин (ТК50 < 1,0 нМ) және дидесметилдапоксетин (ТК50 = 2,0 нМ) сондай немесе төмен белсенділікке ие (дапоксетин-N-оксид (ТК50 = 282 нМ)). Адамның эякуляциясы негізінен симпатикалық жүйке жүйесімен реттеледі. Эякуляцияны мидың бірқатар ядролары (медиальді преоптикалық және паравентрикулярлық ядролар) бастапқы әсер ететін ми жүйесінің қатысуымен жұлын рефлекторлық орталығы іске қосады. Мерзімінен бұрын эякуляция кезінде дапоксетиннің әсер ету механизмі нейрондармен серотонинді кері қармаудың тежеуімен және пре- және постсинапсистік рецепторларға нейротрансмиттердің кейінгі әсерінің күшеюімен байланысты. Егеуқұйрықтарда дапоксетин эякуляциялық рефлексті тежейді, бүйірлік парагигантты жасуша ядроларының (LPGi) ішіндегі супраспинальді деңгейде әрекет етеді. Эякуляцияға жету үшін ұрықтық қуықшаларды, ұрық шығаратын өзекті, қуық асты безін, уретра бұлшықетін және қуықты иннервациялайтын постганглионарлы симпатикалық талшықтар олардың үйлестірілген жиырылуын тудырады.

Дозалау режимі 18 жастан 64 жасқа дейінгі ересек еркектер Барлық пациенттер үшін ұсынылатын бастапқы доза 30 мг құрайды және қажет болғанда болжамды жыныстық қатынасқа дейін шамамен 1-3 сағат бұрын қабылданады. Препаратпен емдеуді 60 мг дозадан бастауға болмайды. Препарат тұрақты күнделікті қабылдауға арналмаған. Дапорин препаратын болжамды жыныстық қатынас жағдайында ғана қабылдау керек. Препаратты 24 сағат ішінде бір реттен жиі қабылдауға болмайды. 30 мг дозаға жеке жауап жеткіліксіз болғанда және пациентте естен танудың ықтимал дамуын болжауға мүмкіндік беретін орташа немесе ауыр жағымсыз реакциялар немесе продромальді симптомдар болмағанда доза болжамды жыныстық қатынасқа дейін шамамен 1-3 сағат бұрын қабылданатын ең жоғары ұсынылған 60 мг дозаға дейін ұлғайтылуы мүмкін. Жағымсыз реакциялардың жиілігі мен ауырлық дәрежесі 60 мг дозада жоғары. Егер пациент бастапқы дозада ортостаздық реакцияларды сезінсе, дозаны 60 мг дейін арттырмау керек. Дәрігер препаратпен емдеуді жалғастырудың орындылығын анықтау үшін емдеудің алғашқы төрт аптасынан кейін (немесе препаратты 6 рет қабылдағаннан кейін) препаратты қолданған кезде пайда мен қауіптің жеке арақатынасын мұқият бағалауы тиіс. Дапорин препаратын қолданудың тиімділігі мен қауіпсіздігі туралы деректер 24 аптадан астам шектеулі. Емдеуді жалғастырудың клиникалық орындылығы және препаратты қолданған кезде пайда мен қауіп арақатынасы кемінде алты ай сайын қайта қаралуы тиіс. Пациенттердің ерекше топтары Егде жастағы пациенттер Препараттың тиімділігі мен қауіпсіздігі 65 жастағы және одан асқан пациенттерде зерттелмеген. Балалар мен жасөспірімдер Препарат балалар мен 18 жасқа дейінгі жасөспірімдерде қолдануға арналмаған. Бүйрек жеткіліксіздігі бар пациенттер Бүйрек функциясы жеңіл немесе орташа дәрежеде бұзылған пациенттерде сақ болу ұсынылады. Дапорин препараты бүйрек функциясы ауыр дәрежеде бұзылған пациенттерде қолдануға ұсынылмайды. Бауыр жеткіліксіздігі бар пациенттер Препарат бауыр функциясы орташа және ауыр дәрежеде бұзылған пациенттерде қолдануға қарсы көрсетілімде (Чайлд-Пью шкаласы бойынша В және С кластары). Баяу CYP2D6 метаболизаторының генотипі анықталған пациенттер немесе күшті CYP2D6 тежегіштерін қабылдайтын пациенттер CYP2D6 баяу метаболизаторының генотипі анықталған пациенттерде немесе бір мезгілде CYP2D6 күшті тежегіштерін қабылдайтын пациенттерде препарат дозасын 60 мг дейін арттырған кезде сақ болу ұсынылады. Орташа немесе күшті CYP3A4 тежегіштерін қабылдайтын пациенттер CYP3A4 күшті тежегіштерін бір мезгілде қолдануға болмайды. Дапорин препаратын CYP3A4 орташа тежегіштерімен бір мезгілде қабылдаған кезде сақтық таныту керек және препараттың дозасы 30 мг дейін төмендетілуі тиіс. Енгізу жолы және тәсілі Препарат ішке қабылдауға арналған. Ащы дәмді сезінбеу үшін таблеткаларды толығымен жұту керек. Таблеткаларды кемінде бір стақан сумен ішу ұсынылады. Дапорин препаратын тамақтануға қарамастан қабылдауға болады. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Дәрілік препаратты қолдану туралы сұрақтар туындаған жағдайда дәрігермен кеңесу керек.

- белсенді затқа немесе препараттың кез келген қосымша заттарына аса жоғары сезімталдық; - жүрек тарапынан айқын патология: • Нью-Йорк кардиологиялық қауымдастығының (NYHA) жіктемесі бойынша II-IV дәрежедегі жүрек жеткіліксіздігі; • жүрек өткізгіштігінің бұзылуы (атриовентрикулярлық блокада немесе синус түйінінің әлсіздік синдромы); • жүректің айқын ишемиялық ауруы; • жүрек клапандарының айқын ақауы; • анамнездегі естен тану; - анамнездегі мания немесе ауыр депрессия; - моноаминоксидаза тежегіштерімен (МАОТ) бір мезгілде қолдану немесе МАОТ қолдануды тоқтатқаннан кейін 14 күн ішінде қабылдау (Дапорин препаратын қабылдауды тоқтатқаннан кейін МАОТ 7 күн ішінде қабылдауға болмайды); - тиоридазинмен бір мезгілде қолдану немесе тиоридазинді қолдануды тоқтатқаннан кейін 14 күн ішінде қабылдау (препаратты қабылдауды тоқтатқаннан кейін 7 күн ішінде тиоридазинді қабылдауға болмайды); - серотонинді кері қармайтын тежегіштермен (серотонинді кері қармайтын селективті тежегіштер (СКҚСТ), серотонинді-норадреналинді кері қармайтын тежегіштер (СНКҚТ), трициклдік антидепрессанттар) немесе серотонинергиялық әсері бар бассқа дәрілік препараттармен/фитопрепараттармен (L-триптофан, триптан, трамадол, линезолид, литий, шайқурай препараттары (Hypericum perforatum) сияқты) немесе осы препараттарды қабылдағаннан кейін 14 күн ішінде (Дапорин препаратын қабылдауды тоқтатқаннан кейін 7 күн ішінде мұндай дәрілік препараттарды / фитопрепараттарды қабылдауға болмайды) бір мезгілде қолдану; - кетоконазол, итраконазол, ритонавир, саквинавир, телитромицин, нефазодон, нелфинавир, атазанавир және т.б. сияқты CYP3A4 күшті тежегіштерімен бір мезгілде қолдану; - бауырдың орташа және ауыр дәрежедегі жеткіліксіздігі.

Жағымсыз реакциялар жиілігінің параметрлері былайша анықталады: өте жиі (≥ 1/10); жиі (≥ 1/100, бірақ < 1/10); сирек (≥ 1/1000, бірақ < 1/100); сирек (≥ 1/10000, бірақ < 1/1000); өте сирек (< 1/10000); жиілігі белгісіз (қолда бар деректер бойынша бағалау мүмкін емес). Өте жиі - бас айналуы, бас ауыруы - жүрек айнуы Жиі - мазасыздық, ажитация, мазасыздық, ұйқысыздық, ерекше түс көру, либидоның төмендеуі - ұйқышылдық, зейін қоюдың бұзылуы, тремор, парестезия - көру айқындығының бұзылуы - құлақтың шыңылдауы - қан «кернеуі» - мұрынның бітелуі, есінеу - диарея, құсу, іш қату, іштің ауыруы, іштің жоғарғы жағының ауыруы, диспепсия, метеоризм, асқазандағы жайсыздық, іш кебуі, ауыздың құрғауы - гипергидроз - эректильді дисфункция - шаршау, ашушаңдық - артериялық қысымның жоғарылауы Жиі емес - депрессия, депрессиялық көңіл-күй, эйфория күйі, көңіл-күйдің өзгеруі, күйгелектік, немқұрайлылық, апатия, сананың шатасуы, бағдардан адасу, патологиялық ойлау, аса қырағылық, ұйқының бұзылуы, инициалдық инсомния, интрасомния, қорқынышты түстер көру, бруксизм, либидоның болмауы, аноргазмия - естен тану, вазовагальді естен тану, постуральді бас айналуы, акатизия, дисгевзия, гиперсомния, летаргия, седативті жай-күй, сананың бәсеңдеуі - мидриаз, көздің ауыруы, көрудің бұзылуы - вертиго - синустық түйіннің блокадасы, синустық брадикардия, тахикардия - гипотензия, систолалық гипертензия, ысынудың «кернеуі» - іштегі жайсыздық, эпигастрий аумағындағы жайсыздық - қышыну, суық тер - эякуляцияның болмауы, оргазмның бұзылуы, еркектердегі жыныс мүшелерінің парестезиясы - астения, қызу сезімі, үрей сезімі, дімкәстік сезімі, масаю сезімі - жүрек қағу жиілігінің жоғарылауы, диастолалық артериялық қысымның жоғарылауы, ортостаздық артериялық қысымның жоғарылауы. Сирек - дене жүктемесіндегі бас айналуы, кенеттен ұйықтап кету - дефекацияға императивтік қысылу. 9 айлық кеңейтілген ұзақ мерзімді ашық зерттеуде хабарланған жағымсыз реакциялар салыстырмалы жасырын зерттеулерде байқалған реакцияларға сәйкес келді және қосымша жағымсыз реакциялар анықталған жоқ. Жекелеген жағымсыз реакциялардың сипаттамасы Холтерлік мониторингілеуді жүргізу кезінде пациенттерде естен айрылумен, брадикардиямен немесе синустық түйіннің блокадасымен жүретін естен тану байқалды және клиникалық зерттеулерде тіркелді. Бұл жағымсыз реакциялар дапоксетинді қолданумен байланысты деп бағаланды. Мұндай жағдайлардың көпшілігі дапоксетинді қабылдағаннан кейінгі алғашқы 3 сағат ішінде, бірінші дозаны қабылдаған соң орын алды немесе клиникалық жағдайларда зерттеу процедураларын (мысалы, қан үлгісін алу, ортостаздық сынамалар жүргізу, артериялық қысымды өлшеу сияқты) жүргізумен байланысты болды. Естен тангу алдында продромальді симптомдар жүрді. Естен тану жағдайларының және ықтимал продромальді симптомдардың жиілігі дозаға байланысты, бұл 3 фазадағы клиникалық зерттеулерде ұсынылған дозаларға қарағанда дапоксетиннің анағұрлым жоғары дозаларын алған пациенттерде осы реакциялардың жоғары жиілігімен көрсетілді. Пациенттердің басқа да ерекше топтары CYP2D6 күшті тежегіштерін қабылдайтын пациенттерде препараттың дозасын 60 мг дейін арттырған кезде немесе әлсіз CYP2D6 метаболизаторының генотипі бар пациенттерде дозаны 60 мг дейін арттырған кезде сақ болу ұсынылады. Тоқтату синдромы Созылмалы депрессиялық бұзылыстарды емдеу үшін ұзақ уақыт қолданылатын серотонинді кері қармайтын селективті тежегіштерді кенеттен тоқтатқан кезде мынадай симптомдар байқалды: көңіл-күйдің төмендеуі, ашушаңдық, қозу, бас айналуы, сезімталдықтың бұзылуы (мысалы, электр тогымен соққандай сезім түріндегі парестезия), мазасыздық, сананың шатасуы, бас ауыруы, ұйқышылдық, эмоциялық тұрақсыздық, ұйқысыздық, гипомания. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

СКҚСТ артық дозалану симптомдарына серотонинергиялық реакциялар, соның ішінде ұйқышылдық, асқазан-ішек аурулары (жүрек айнуы, құсу), тахикардия, тремор, қозу және бас айналуы жатады. Артық дозаланғанда қажет болса стандартты демеуші ем жүргізген жөн. Препараттың қан плазмасы ақуыздарымен едәуір байланыстырылуына және дапоксетин гидрохлоридінің көп таралуына байланысты үдемелі диурез, диализ, гемоперфузия және қан құю тиімді болуы екіталай. Спецификалық антидоты белгісіз.

Ортостаздық гипотензия Емдеуді бастар алдында дәрігер ортостаздық реакцияларға қатысты анамнез жинауды қоса, пациентті мұқият тексеруі тиіс. Емді бастар алдында ортостаздық сынама (артериялық қысымды және арқада жатқан және тұрған күйде пульс жиілігін өлшеу) жүргізу қажет. Анамнезінде расталған немесе болжамды ортостаздық реакциялар жағдайында Дапорин препаратымен емдеуден аулақ болу керек. Дәрігер пациентке ықтимал продромальді симптомдар, мысалы, дененің тік күйге ауысуы кезіндегі бас айналуы пайда болғанда бас денеден төмен болатындай жатуды немесе басты екі тізенің ортасына түсіріп, осы қалыпта симптомдар жоғалғанға дейін оттыруды алдын ала хабарлауы тиіс. Одан өзге, сіз пациентке жатқан қалыпта немесе отырған күйде ұзақ болғаннан кейін кенеттен тұрудан аулақ болу қажеттілігі туралы хабарлануы керек. Арнайы ескертулер Жалпы нұсқаулар Препарат «Қолданылуы» бөлімінде көрсетілген критерийлерге сәйкес мерзімінен бұрын эякуляциясы бар еркектерге ғана арналған. Препаратты мерзімінен бұрын эякуляция диагнозы қойылмаған еркектерге тағайындауға болмайды. Ерте эякуляциясы жоқ ерлерде препаратты қолдану қауіпсіздігі анықталмаған, эякуляцияның кідіруіне қатысты тиімділік туралы деректер жоқ. Жыныстық бұзылыстардың басқа түрлері Емдеуді бастар алдында, жыныстық бұзылыстардың басқа түрлеріне, соның ішінде эректильді дисфункцияға шалдыққан пациенттер, мұқият медициналық тексеруден өтуі керек. 5 типті фосфодиэстераза тежегіштерін (ФДЭ5) қабылдайтын эректильді дисфункциясы бар пациенттер Дапорин препаратын қабылдамауы тиіс. Суицид/суицидтік ойлар Қысқа мерзімді зерттеулерде антидепрессанттар, соның ішінде СКҚСТ, плацебоға қарағанда, үлкен депрессиялық және басқа да психикалық ауытқулары бар балалар мен жасөспірімдерде суицидтік ойлар мен суицидтік мінез-құлық қаупін арттырды. 24 жастан асқан ересектерде қысқа мерзімді зерттеулерде антидепрессанттарды қолдану кезінде плацебомен салыстырғанда суицидтік мінез-құлықтың пайда болу қаупінің артуы анықталған жоқ. Дапоксетинді мерзімінен бұрын эякуляцияны емдеу үшін қолданудың клиникалық зерттеулерінде Колумбиялық суицидті бағалау жіктемесіне (C-CASA), Монтгомери-Асберг депрессиясын бағалау шкаласына немесе Бек-II депрессиясын бағалау шкаласына сәйкес айқындалатын жағымсыз реакцияларды бағалау кезінде суицидтік мінез-құлықтың туындауының айқын дәлелдері алынған жоқ. Естен тану Пациенттерге естен тану немесе бас айналуы немесе естен тану алдындағы жағдай сияқты басқа да продромальді симптомдар дамыған кезде автомобиль жүргізуді және қауіпті тетіктерді басқаруды қоса, ықтимал жарақаттану қаупі бар жағдайлардан аулақ болу қажеттігі туралы ескерту керек. Плацебо тобымен салыстырғанда дапоксетин қабылдаған пациенттерде жүрек айнуы, бас айналуы/естен тану алдындағы жағдай және қатты терлеу сияқты продромальді симптомдар жиі байқалды. Клиникалық зерттеулерде брадикардиямен немесе синустық түйіннің блокадасымен жүретін естен айрылумен сипатталатын және холтерлік мониторинг аясында пациенттерде байқалған естен тану жағдайлары вазовагальді этиологиясы бар деп есептелді. Мұндай жағдайлардың көпшілігі дапоксетинді қабылдағаннан кейінгі алғашқы 3 сағат ішінде, бірінші дозаны қабылдаған соң орын алды немесе клиникалық жағдайларда әр түрлі зерттеулер жүргізумен байланысты болды (мысалы, қан үлгісін алу, ортостаздық сынамалар, артериялық қысымды өлшеу). Мүмкін продромальді симптомдар, мысалы, жүрек айнуы, бас айналуы, естен тану алдындағы жағдай, пальпитация, астения, сананың шатасуы және шамадан тыс терлеу, әдетте, препаратты қабылдағаннан кейінгі алғашқы 3 сағатта байқалды және көбінесе есінен танудан бұрын болды. Пациенттер препаратпен емдеу кезеңінде кез келген уақытта продромальді симптомдары бар немесе симптомдарсыз естен танудың дамуы мүмкін екендігі туралы хабардар болуы тиіс. Дәрігер пациентті жеткілікті мөлшерде суды тұтынудың маңыздылығы туралы хабардар етуі керек және естен айрылу салдарынан құлағанда ауыр жарақат алу қаупін азайту үшін продромальді симптомдар мен әлсіздік белгілерін тануға кеңес беруі тиіс. Ықтимал продромальді симптомдар пайда болған кезде пациент бірден басын денеден төмен етіп жатуы керек немесе басын тізенің арасына түсіріп отыруы керек және симптомдар жойылғанша осы қалыпта қалуы керек. Жүрек-қантамыр ауруларының қауіп факторлары бар пациенттер Жүрек-қантамыр аурулары бар пациенттер 3 фазадағы клиникалық зерттеулерден шығарылды. Жүректің фондық органикалық аурулары бар пациенттерде (мысалы, анамнезінде бар жүректен қан ағу жолдарының обструкциясы, жүректің клапандық ақауы, күретамырының стенозы, коронарлық артериялардың атеросклерозы) естен танудың жағымсыз жүрек-қантамыр салдарларының (жүрек арқылы естен тану және шығу тегі басқа естен тану) қаупі артады. Қатарлас жүрек-қан тамыр аурулары бар пациенттерде вазовагальді естен тану қаупінің жоғары екендігін анықтау үшін қолда бар деректер жеткіліксіз. Рекреациялық препараттармен бірге қолдану Пациенттерге препаратты рекреациялық препараттармен бірге қабылдауға болмайды. Препаратты серотонинергиялық белсенділігі бар препараттармен, мысалы кетаминмен, метилендиоксиметамфетаминмен (МДМА) және лизергин қышқылының диэтиламидімен (ЛСД) бір мезгілде қабылдау потенциалды күрделі реакцияларға әкелуі мүмкін. Бұл реакцияларға аритмия, гипертермия, серотонин синдромы жатады, бірақ олармен шектелмейді. Дапорин препаратын седативті қасиеттері бар психоактивті заттармен, мысалы, есірткі заттарымен немесе бензодиазепиндермен бір мезгілде қолдану ұйқышылдық пен бас айналуды арттыруы мүмкін. Этанол Пациенттерге препаратты алкогольмен бірге қолданудан бас тарту ұсынылады. Алкогольдің дапоксетинмен үйлесуі алкогольден туындаған нейрокогнитивті әсерлерді және естен тану сияқты нейрокардиогенді жағымсыз реакцияларды күшейтуі мүмкін, бұл кездейсоқ жарақат алу қаупін арттырады. Сондықтан пациенттерге препаратты қабылдау кезеңінде алкогольді қабылдаудан бас тарту ұсынылады. Тамыр кеңейтетін қасиеттері бар дәрілік препараттар Дапоринді тамыр кеңейтуші қасиеттері бар препараттарды (α-адренорецепторлардың антагонистері және нитраттар сияқты) қабылдайтын пациенттерге ортостаздық төзімділіктің төмендеуі мүмкіндігіне байланысты сақтықпен тағайындау керек. CYP3A4 орташа тежегіштері Орташа CYP3A4 тежегіштерін қабылдайтын пациенттерде сақ болу және препарат дозасын 30 мг дейін төмендету қажет. CYP2D6 күшті тежегіштері CYP2D6 күшті тежегіштерін қабылдайтын пациенттерде препарат дозасын 60 мг дейін арттырған кезде немесе CYP2D6 баяу метаболизатор генотипі бар пациенттерде дозаны 60 мг дейін арттырған кезде сақтық таныту ұсынылады, өйткені бұл ретте дозаға тәуелді жағымсыз реакциялардың жиілігі мен ауырлығын тиісінше ұлғайта отырып, препараттың жүйелі әсер ету деңгейі жоғарылауы мүмкін. Мания Дапоринді анамнезінде мания/гипомания немесе биполярлық бұзылысы бар пациенттерде қолдануға болмайды. Осы аурулардың симптомдары пайда болған кезде препаратты қабылдауды тоқтату керек. Құрысу СКҚСТ құрысуға дайындық шегін төмендету қабілетіне байланысты тұрақсыз эпилепсиямен ауыратын пациенттерге Дапорин препаратын тағайындаудан аулақ болу керек. Құрысу пайда болған кезде препаратты тоқтату керек. Бақыланатын эпилепсиямен ауыратын пациенттерді мұқият бақылау қажет. Балалар мен жасөспірімдер Препаратты балалар мен 18 жасқа дейінгі жасөспірімдерде қолдануға болмайды. Депрессия және/немесе психикалық бұзылыстар Пациентте депрессия белгілері мен симптомдары болған кезде дапорин препаратын қолдануды бастағанға дейін диагностикаланбаған депрессиялық бұзылыстың болуын болдырмау үшін тексеру жүргізу қажет. Препаратты антидепрессанттармен, соның ішінде СКҚСТ және СНКҚСТ бір мезгілде қабылдауға болмайды. Дапоринмен емдеуді бастау үшін депрессияны немесе мазасыздықты емдеуді тоқтату ұсынылмайды. Препарат психикалық бұзылыстарды емдеуге арналмаған және осындай бұзылыстары бар (мысалы, шизофрения) немесе қатар жүретін депрессиясы бар ер адамдарда қолданылмауы тиіс, өйткені депрессия симптомдарының күшеюін жоққа шығаруға болмайды (бұл фондық психикалық аурудың салдары немесе препаратпен емдеу нәтижесі болуы мүмкін). Дәрігерге кез-келген мазасыз ойлар мен сезімдер туралы дереу хабарлау керек. Емдеу барысында депрессияның белгілері мен симптомдары пайда болған кезде Дапорин препаратын тоқтату керек. Қан кету СКҚСТ қолданған кезде қан кету жағдайлары сипатталған. Препаратты тромбоциттер функциясына әсер ететін препараттармен (мысалы, атипті нейролептиктермен, фенотиазиндермен, ацетилсалицил қышқылымен, қабынуға қарсы стероидты емес препараттармен (ҚҚСП), антиагреганттармен) немесе антикоагулянттармен (мысалы, варфаринмен), сондай-ақ анамнезінде қан кетуі немесе қан ұюының бұзылуы бар пациенттерде бір мезгілде қабылдаған кезде сақ болу ұсынылады. Бүйрек функциясының бұзылуы Препарат бүйрек функциясы ауыр дәрежеде бұзылған пациенттерде қолдануға ұсынылмайды. Препаратты бүйрек функциясы жеңіл немесе орташа дәрежеде бұзылған пациенттерде қолданғанда сақ болу ұсынылады. Тоқтату синдромы Созылмалы депрессиялық бұзылыстарды емдеу үшін ұзақ уақыт қолданылатын СКҚСТ кенеттен тоқтатқан кезде мынадай симптомдар байқалды: көңіл-күйдің төмендеуі, ашушаңдық, қозу, бас айналуы, сезімталдықтың бұзылуы (мысалы, электр тогымен соққандай сезім түріндегі парестезия), мазасыздық, сананың шатасуы, бас ауыруы, ұйқышылдық, эмоциялық құбылмалылық, ұйқысыздық, гипомания. ПЭ бар пациенттерде 60 мг дозада (күн сайын немесе қажетіне қарай) 62 күн қолданғаннан кейін дапоксетинді тоқтату әсерін бағалау үшін жүргізілген салыстырмалы жасырын клиникалық зерттеуде тоқтату синдромының белгілері анықталған жоқ. Пациенттерді плацебоға ауыстырғаннан соң дапоксетинді күнделікті қабылдағаннан кейін пайда болу жиілігі жоғары ұйқысыздық және жеңіл және орташа дәрежедегі бас айналу түрінде аздаған тоқтату симптомдары байқалған. Көру ағзасы тарапынан бұзылулар Препаратты қолданған кезде көру ағзалары тарапынан мидриаз және көздің ауыруы сияқты жағымсыз реакциялар байқалды. Препаратты жоғары көзішілік қысымы бар пациенттерде немесе жабық бұрышты глаукоманың даму қаупі бар пациенттерде сақтықпен қолдану керек. Қосымша заттар Лактоза жақпаушылығы Галактоза жақпаушылығымен, лактаза жеткіліксіздігімен немесе глюкоза-галактоза мальабсорбциясымен байланысты сирек тұқым қуалайтын проблемалары бар пациенттерге препаратты қолдануға болмайды. Натрий Препарат таблеткада 1 ммоль (23 мг) натрийден аз, яғни іс жүзінде «құрамында натрий жоқ». Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат автокөлік жүргізу және механизмдерді басқару қабілетіне аздаған немесе орташа әсер етеді. Клиникалық зерттеулерде дапоксетин қабылдаған пациенттерде бас айналуы, көңіл қоюдың бұзылуы, естен тану, бұлыңғыр көру және ұйқышылдық байқалды. Сондықтан пациенттерге автокөлік жүргізу және қауіпті механизмдерді басқаруды қоса, жарақат алуы мүмкін жағдайларды болдырмау қажеттігі туралы ескерту керек. Препаратты алкогольмен бірге қолдану нейрокогнитивті әсерлерді және естен тану сияқты нейрокардиогенді жағымсыз реакцияларды күшейтуі мүмкін, бұл кездейсоқ жарақат алу қаупін арттырады. Сондықтан препаратпен емдеу кезеңінде алкоголь қабылдаудан бас тарту ұсынылады.

Препарат әйелдерде қолдануға арналмаған. Клиникаға дейінгі зерттеулерде дапоксетин фертильділікке, жүктілікке немесе эмбриофетальді дамуға қатысты тікелей немесе жанама жағымсыз әсерлерді анықтаған жоқ. Дапоксетиннің немесе оның метаболиттерінің емшек сүтімен бөлінетіні белгісіз.

Моноаминоксидаза тежегіштерімен ықтимал өзара әрекеттесу СКҚСТ және моноаминоксидаза тежегішін (МАОТ) бір мезгілде қабылдаған пациенттерде ауыр, кейде өлімге әкелетін реакциялар сипатталған, оларға гипертермия, сіресу, миоклонус, вегетативті жүйке жүйесінің бұзылуы, өмірлік маңызды функциялар көрсеткіштерінің ықтимал тез өзгеруі, сондай-ақ психикалық жағдайдың өзгеруі, соның ішінде делирий мен комаға дейін өршитін қатты қозу кіреді. Бұл реакциялар жақында СКҚСТ қабылдауды тоқтатқан және МАОТ емдеуді бастаған пациенттерде де байқалды. Кейбір жағдайларда симптомдар қатерлі нейролептикалық синдромға ұқсас болды. Жануарларда СКҚСТ мен МАОТ бірге қолдану туралы мәліметтер бұл препараттар артериялық қысымды синергетикалық тұрғыда жоғарылатып, қозуды тудыруы мүмкін деп болжайды. Сондықтан Дапорин препаратын МАОТ-мен бір мезгілде және оларды қабылдау тоқтатылғаннан кейін 14 күн ішінде қабылдауға болмайды. Сол сияқты, МАОТ Дапорин препаратын қабылдауды тоқтатқаннан кейін 7 күн ішінде қабылдауға болмайды. Тиоридазинмен ықтимал өзара әрекеттесу Тиоридазинді қабылдау QTс аралығының ұзаруын тудырады, бұл айқын қарыншалық аритмиямен қатар жүреді. CYP2D6 изоферментін бәсеңдететін Дапоринге ұқсас препараттар тиоридазин метаболизмін тежейтін сияқты. Осыған байланысты тиоридазин деңгейінің жоғарылауы QTс аралығының ұзаруына әкеледі деп күтілуде. Дапорин препаратын тиоридазинмен бір мезгілде немесе оны қабылдауды тоқтатқаннан кейін 14 күн ішінде қабылдауға болмайды. Сол сияқты, Тиоридазинді Дапорин препаратын қабылдауды тоқтатқаннан кейін 7 күн ішінде қабылдауға болмайды. Серотонинергиялық әсері бар дәрілік препараттар/фитопрепараттар Басқа СКҚСТ жағдайындағыдай, Дапорин препаратын серотонергиялық дәрілік препараттармен/фитопрепараттармен (МАОТ, L-триптофанды, триптандарды, трамадолды, линезолидті, СКҚСТ, СНКҚСТ, литий және шайқурай препараттарын (Hypericum perforatum) қоса) бір мезгілде қолдану серотонергиялық жағымсыз реакциялардың жиілігін арттыруы мүмкін. Дапорин препаратын басқа СКҚСТ, МАОТ-мен немесе басқа серотонинергиялық дәрілік препараттармен/фитопрепараттармен бір мезгілде немесе осы препараттарды қабылдау тоқтатылғаннан кейін 14 күн ішінде қабылдауға болмайды. Сол сияқты, мұндай препараттарды Дапорин препаратын қабылдауды тоқтатқаннан кейін 7 күн ішінде қабылдауға болмайды. ОЖЖ әсер ететін дәрілік препараттар Дапорин препаратын ОЖЖ-ға әсер ететін препараттармен (мысалы, эпилепсияға қарсы препараттармен, антидепрессанттармен, антипсихотикалық препараттармен, ансиолитиктермен, седативті әсері бар ұйықтататын препараттармен) бір мезгілде қолдану мерзімінен бұрын эякуляциясы бар пациенттерде жүйелі бағалауға ұшырамаған. Сондықтан Дапорин препаратын осындай препараттармен бір мезгілде қабылдау қажет болған кезде сақ болу ұсынылады. Фармакокинетикалық өзара әрекеттесулер Дапоксетиннің фармакокинетикасына қатысты бір мезгілде қолданылатын дәрілік препараттың әсері Адамның бауыр, бүйрек және ішек микросомаларын пайдалана отырып, in vitro зерттеулер дапоксетиннің негізінен CYP2D6, CYP3A4 және құрамында флавин бар монооксигеназа 1 метаболизденетінін көрсетті. Сондықтан осы ферменттердің тежегіштері дапоксетин клиренсін төмендетуі мүмкін. CYP3A4 тежегіштері CYP3A4 күшті тежегіштері Кетоконазолды (7 күн ішінде тәулігіне 2 рет 200 мг) қабылдау C max және AUCinf дапоксетинді (бір рет 60 мг) тиісінше 35% және 99% арттырды. Белсенді фракцияның байланыссыз дапоксетин мен десметилдапоксетиннің Cmax үлесін ескере отырып, шамамен 25% ұлғаюы мүмкін, белсенді фракцияның AUC CYP3A4 күшті тежегіштерін бір мезгілде қабылдаған кезде екі есе артуы мүмкін. Белсенді фракцияның Cmax және AUC мәндерінің бұл артуы CYP2D6 функционалдық белсенді ферменті жоқ, яғни CYP2D6 баяу метаболизаторларында, сондай-ақ CYP2D6 күшті тежегіштерін бір мезгілде қабылдаған кезде пациенттердің субпопуляциясында едәуір айқын болуы мүмкін. Демек, препаратты және кетоконазол, итраконазол, ритонавир, саквинавир, телитромицин, нефазодон, нелфинавир және атазанавир сияқты CYP3A4 күшті тежегіштерін бір мезгілде қолдануға болмайды. Грейпфрут шырыны да CYP3A4 күшті тежегіші болып табылады және оны препаратты қабылдағанға дейін 24 сағат ішінде тұтынудан аулақ болу керек. CYP3A4 орташа тежегіштері Орташа CYP3A4 тежегіштерін (мысалы, эритромицин, кларитромицин, флуконазол, ампренавир, фосампренавир, апрепитант, верапамил, дилтиазем) бір мезгілде қабылдау, әсіресе баяу CYP2D6 метаболизаторларында дапоксетин мен десметилдапоксетиннің жүйелі әсер ету деңгейін едәуір арттыруы мүмкін. Дапоксетиннің ең жоғары дозасы, егер дапоксетин осы препараттардың кез келгенімен бірге қолданылса, 30 мг құрауы тиіс. Егер гено- немесе фенотиптеу арқылы пациенттің CYP2D6 белсенді метаболизаторы болып табылатындығы расталмаса, бұл екі шара барлық пациенттерге қолданылады. Оларға қатысты олардың CYP2D6 белсенді метаболизаторлары болып табылатындығы расталған пациенттерде, егер дапоксетин CYP3A4 күшті тежегішімен бірге пайдаланылса, 30 мг препараттың ең жоғары дозасын қолдану ұсынылады және орташа CYP3A4 тежегішімен бір мезгілде тағайындау жағдайында 60 мг препарат дозасын қабылдау кезінде сақ болу қажет. CYP2D6 күшті тежегіштері Дапоксетиннің Cmax және AUCinf мәндері (бір рет 60 мг) тиісінше флуоксетиннің қатысуымен (7 күн ішінде тәулігіне 60 мг) 50% және 88% жоғарылады. Байланыссыз дапоксетин мен десметилдапоксетиннің үлесін ескере отырып, белсенді фракцияның C max шамамен 50% ұлғаюы мүмкін, ал белсенді фракцияның AUC күшті CYP2D6 тежегіштерімен бір мезгілде қабылдаған кезде екі есе артуы мүмкін. Белсенді фракцияның Cmax және AUC осы ұлғаюы баяу CYP2D6 метаболизаторларында күтілетінге жақын және дозаға тәуелді жағымсыз реакциялардың жиілігі мен ауырлығының артуына әкелуі мүмкін. ФДЭ5 тежегіштері Дапоринді ортостаздық төзімділіктің төмендеуі мүмкіндігіне байланысты ФДЭ5 тежегіштерімен бір мезгілде тағайындауға болмайды. Дапоксетиннің фармакокинетикасы (60 мг) тадалафилмен (20 мг) және силденафилмен (100 мг) бірге бір дозалы айқаспалы зерттеуде бағаланды. Тадалафил дапоксетиннің фармакокинетикасына әсер еткен жоқ. Силденафил клиникалық маңыздылығы күтілмейтін дапоксетин фармакокинетикасының аздаған өзгерістерін (AUC inf 22% ұлғаюы және C max 4% ұлғаюы) туындатты. Препаратты ФДЭ5 тежегіштерімен бір мезгілде қолдану ортостаздық гипотензияға әкелуі мүмкін. Эякуляциясы тез болатын және эректильді дисфункциясы бар пациенттерде Дапорин препаратын және ФДЭ5 тежегіштерін бірге қолданудың тиімділігі мен қауіпсіздігі зерттелмеген. Бір мезгілде қолданылатын дәрілік заттардың фармакокинетикасына қатысты дапоксетиннің әсері Тамсулозин Күн сайын тамсулозин алатын пациенттердің бір реттік дозада немесе көп реттік дозаларда 30 мг және 60 мг дапоксетинді бір мезгілде қабылдауы тамсулозин фармакокинетикасының өзгеруіне әкелмеді. Тамсулозинге дапоксетиннің қосылуы да ортостаздық бейінді өзгертпеді және тамсулозинді 30 немесе 60 мг дапоксетинмен немесе тек тамсулозинмен біріктіріп қабылдаған кезде ортостаздық әсерлердегі айырмашылықтар байқалмады. Дегенмен, препаратты ортостаздық төзімділіктің төмендеуі мүмкіндігіне байланысты α-адренорецепторлардың антагонистерін қабылдайтын пациенттерге сақтықпен тағайындау керек. CYP2D6 метаболизденетін дәрілік препараттар Дапоксетинді көп реттік дозаларда (6 күн ішінде тәулігіне 60 мг) қабылдау, кейіннен 50 мг дезипраминнің бір реттік дозасын қабылдаумен дезипраминнің Cmax және AUCinf тек дезипраминді қабылдаумен салыстырғанда шамамен 11% және 19% ұлғайтты. Дапоксетин қан плазмасындағы және CYP2D6 метаболизденетін басқа препараттардың концентрациясын осыған ұқсас арттыруы мүмкін. Мұның клиникалық маңыздылығы үлкен емес болуы ықтимал. CYP3A4 метаболизденетін дәрілік препараттар Дапоксетинді көп рет қабылдау (6 күн ішінде тәулігіне 60 мг) мидазоламның AUCinf (бір рет 8 мг) шамамен 20% (диапазоны -60%-дан +18%-ға дейін) азайтты. Пациенттердің көпшілігінде мидазоламға қатысты бұл әсердің клиникалық маңыздылығы шамалы. Алайда, CYP3A белсенділігінің жоғарылауы негізінен CYP3A метаболизденетін және емдік әсерінің тар диапазондағы препараттарды бір мезгілде қабылдайтын кейбір пациенттерде клиникалық мәнге ие болуы мүмкін. CYP2C19 метаболизденетін дәрілік препараттар Дапоксетинді бірнеше рет қабылдау (6 күн ішінде тәулігіне 60 мг) омепразолдың 40 мг бір реттік дозасының метаболизмін тежемеді. Дапоксетиннің басқа CYP2C19 субстраттарының фармакокинетикасына әсер етуі екіталай. CYP2C9 метаболизденетін дәрілік препараттар Дапоксетинді көп реттік дозаларда (6 күн ішінде тәулігіне 60 мг) қабылдау глибенкламидті 5 мг бір рет қабылдағанда фармакокинетикаға немесе фармакодинамикаға әсер етпеді. Дапоксетиннің басқа CYP2C9 субстраттарының фармакокинетикасына әсер етуі екіталай. Варфарин және қанның ұюына және/немесе тромбоциттер функциясына әсер ететін дәрілік препараттар Варфаринді дапоксетинмен бір мезгілде ұзақ қолданудың әсері туралы деректер жоқ. Сондықтан ұзақ уақыт варфарин қабылдайтын пациенттерге дапоксетинді тағайындағанда сақ болу ұсынылады. Фармакокинетиканы зерттеуде дапоксетин (6 күн ішінде тәулігіне 60 мг) варфариннің фармакокинетикасына немесе фармакодинамикасына (протромбиндік уақыт және халықаралық қалыптасқан қатынас) бір рет 25 мг қабылдағанда әсер етпеді. СКҚСТ қабылдауға байланысты қан кету туралы хабарланды. Этанол Этанолды бір реттік 0,5 г/кг дозада (немесе шамамен 2 доза) бір мезгілде қабылдау дапоксетиннің фармакокинетикасына (бір рет 60 мг) әсер етпеді. Алайда, этанолмен біріктірілген дапоксетин ұйқышылдықты арттырды және пациенттердің жеке бағалауы бойынша қырағылықты едәуір әлсіретті. Когнитивті бұзылулардың фармакодинамикалық өлшеулері (цифрларды тану тестіндегі және цифрлық символдарды ауыстыру тестіндегі реакция жылдамдығы) дапоксетинді этанолмен бір мезгілде қолданғанда аддитивті әсерін көрсетті. Этанол мен дапоксетинді бір мезгілде қабылдау бас айналуы, ұйқышылдық, рефлекстердің баяулауы, жағдайды дұрыс бағалау қабілетінің бұзылуы сияқты жағымсыз реакциялардың жиілігін немесе ауырлығын арттырады. Алкогольдің дапоксетинмен үйлесуі алкогольді қабылдауға байланысты осы әсерлерді күшейтуі мүмкін, сондай-ақ естен тану сияқты нейрокардиогенді жағымсыз реакцияларды күшейтуі мүмкін, бұл кездейсоқ жарақат алу қаупін арттырады. Сондықтан Дапоринмен емдеу кезінде алкогольді ішуден бас тарту ұсынылады.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 25ºС-ден аспайтын температурада сақтау керек. Балалардың қолы жетпейтін жерде сақтау керек!