Дезаминоокситоцин таблетки 50 МЕ

Бір таблетканың құрамында белсенді зат – 50 ХБ демокситоцин, қосымша заттар: сахароза, лактоза моногидраты, метилцеллюлоза, кальций стеараты, картоп крахмалы. Сыртқы түрінің, иісінің, дәмінің сипаттамасы Дөңгелек, жалпақ цилиндр тәрізді, бір жағында ойығы мен сызығы бар ақ түсті таблеткалар

- бастапқы және қайталама әлсіздік кезінде босану әрекетінің қозуы және күшеюі - босанғаннан кейінгі кезеңде лактацияны көтермелеу.

Химиялық құрылымы бойынша демокситоцин окситоцинге, гипофиздің артқы бөлігінің гормонына жақын болып табылады. Оны окситоциннің синтетикалық аналогы ретінде қарастыруға болады. Демокситоцин мен окситоциннің әсер ету механизмі мен фармакологиялық қасиеттері ұқсас. Демокситоцин тегіс бұлшықет жасушаларында кальций иондарының құрамын жоғарылату арқылы оның жиырылуын арттыра отырып, жасуша жарқақшасының өткізгіштігіне әсер етеді. Препараттар жатырдың тегіс бұлшықеттерінің жиырылуын көтермелейді, сонымен қатар сүт безінің миоэпителийлік жасушаларын азайта отырып, сүт секрециясын арттырады. Жатырды көтермелеу үшін Дезаминокситоцинді трансбуккальді қолдану кезінде жатырдың барабар жиырылуы 20-40 (ең көбі 50-60) минуттан кейін басталады. Әсері дозаға байланысты болады және 180 минутқа дейін созылады. Препараттың утеротоникалық белсенділігі окситоцин белсенділігінен екі есе жоғары. Босанғаннан кейінгі кезеңде демокситоцин жатырдың инволюциясын тездетеді және босанғаннан кейінгі қан кету уақытын қысқартады. Демокситоциннің лактогендік әсері препараттың ферментативті әсерсізденуге төзімділігі салдарынан окситоцинмен салыстырғанда ертерек, анағұрлым айқын және ұзақ басталады. Демокситоцин сүттің түзілуі мен шығарылуын көтермелейді, лактация процесін қалыпқа келтіреді және емшектің қатаюына және маститтің пайда болуына жол бермейді. Препарат айқын вазопрессорлық және антидиуретикалық белсенділікке ие емес, сондықтан оны гипертензиясы, жүктіліктің кеш токсикозы және бүйрек функциясының бұзылуы бар әйелдерге қолдануға болады.

Дозалау режимі Босану әрекетін қоздыру және босануды көтермелеу үшін әдетте әр 30 минут сайын 50 ХБ (1 таблеткадан) қолданылады; препараттың қажетті мөлшері жеке анықталады. Тұрақты және күшті толғақтар пайда болған кезде келесі бір реттік дозалар екі есе азайтылады (½ таблеткадан қолданылады) немесе босану әрекетін демеу үшін бір реттік дозалар арасындағы аралық (1 сағатқа дейін) ұлғайтылады. Ең жоғары доза әдетте 500 ХБ (10 таблетка), сирек жағдайларда - 900 ХБ және одан да көпті құрайды. Әсер болмаған кезде рұқсат етілген жағдайда препаратты 24 сағаттан кейін қайта қолдануға болады. Лактацияны көтермелеу үшін дезаминокситоцинді тәулігіне 2 реттен 4 ретке дейін баланы емізгенге дейін 5 минут босанғаннан кейінгі 2-ші күннен 6-шы күнге дейін 25-50 ХБ (½- 1 таблеткадан) қолданады. Балалар Балаларға қолдануға арналған демокситоциннің тиісті көрсеткіштері жоқ. Енгізу әдісі мен жолы Препарат трансбуккальді түрде қолданылады: таблетка ұрттың оң және сол жағына кезекпен ауыстырыла отырып, шайналмай немесе жұтылмай, толық сорылғанға дейін дейін сақталады. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Бұл препаратты қабылдау алдында емдеуші дәрігермен, акушермен немесе мейіргермен кеңесіңіз. Күмән туындаса, емдеуші дәрігермен кеңесіңіз.

- демокситоцинге және/немесе препараттың кез келген қосымша заттарына жоғары сезімталдық - жатырдың гипертониялық жиырылуы, босану жолдарының механикалық кедергілері, шарана гипоксиясы - шарана пен жамбас көлемінің сәйкес келмеуі, шарананың көлденең немесе қиғаш орналасуы, плацентаның алда жатуы немесе кіндік тамырларының алда жатуы, плацентаның мерзімінен бұрын ажырауы, жүктіліктің көп болуына байланысты жатырдың жыртылуына қауіп төндіретін кіндіктің түсуі, қағанақ суының көп болуы, жүктіліктің көп болуы және операциядан кейін жатыр қабырғасында тыртықтардың болуы, соның ішінде кесар тілігі - препаратты ауыр преэклампсиялық токсикоз және жүрек пен қан тамырларының күрделі аурулары кезінде, сондай-ақ әлсіздік жағдайында немесе жатырдың жиырылуы болмағанда (демокситоцин/окситоцинге резистентілік) ұзақ уақыт қолдануға болмайды.

Жиі (10 адамның көп дегенде 1-де пайда болуы мүмкін): - жүрек айнуы, құсу; - бас ауыруы; - жүрек соғу жиілігінің үдеуі немесе баяулауы; - қан кету. Сирек (100 адамның көп дегенде 1-де пайда болуы мүмкін): - жүрек ырғағының бұзылуы. Сирек (1000 адамның көп дегенде 1-де пайда болуы мүмкін): - терідегі бөртпе; - естен тану, бас айналу, әлсіздік немесе тыныс алудың қиындауына әкелетін ауыр аллергиялық реакциялар; - бала туылғаннан кейінгі қан ұйындылары. Кейбір пациенттерде тіпті препараттың аз мөлшері жатырдың бұлшықеттерінің түйілуін туындатуы мүмкін. Артық дозаланған кезде тетаникалық жиырылу, жатырдың жыртылуы, тіндердің зақымдануы орын алуы мүмкін. Бұл тұншығу арқылы өлімге әкелуі мүмкін баланың денсаулығына қауіп төндіруі мүмкін. Жаңа туылған нәрестелерде сарғаю, көз торқабығында қан құйылуы мүмкін. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша ақпараттық дерекқорға тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылауды бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану жағдайлары туралы әлі де деректер жоқ. Ішке қабылдаған кезде демокситоцин асқазан-ішек жолында жылдам әсерсізденеді. Жоғары дозаларды трансбуккальді қолданғанда ауыр жағымсыз реакциялар болуы мүмкін. Артық дозаланған жағдайда препаратты қолдануды дереу тоқтату керек. Емдеу симптоматикалық.

Босануды дәрі-дәрмекпен көтермелеу кезінде босанған әйелді мұқият бақылап, жатырдың жиырылу қарқындылығын, жүректің соғуын, шарананың жағдайын және қажет болған жағдайда дозаны таңдай отырып, пациенттің демокситоцин препаратына жеке реакциясын бақылау қажет. Тым күшті босану әрекеті кезінде препаратты қолдануды тоқтату керек. Келесі жағдайларда аса сақ болу керек: - егер шарана мен ана жамбасы көлемінің сәйкес келмеу қаупі болса (егер қауіп едәуір болса, демокситоцинді қолдануға болмайды), - босану әрекетінің қайталама әлсіздігі болғанда, - жүктілік салдарынан артериялық гипертензия, жүрек ауруы болғанда, - 35 жастан асқан жүкті әйелдерге, - егер анамнезінде жатырдың төменгі сегментіндегі кесарь тілігі болса, - егер шарананың құрсақішілік өлімі немесе құрамында меконий бар қағанақ суының болуы анықталса (қағанақ суымен эмболия пайда болуы мүмкін). Простагландиндерді бір мезгілде қолданған кезде (өте мұқият бақылау қажет), сондай-ақ каудальді анестезия кезінде (симпатомиметикалық және вазопрессорлық препараттардың гипертензиялық әсері күшеюі мүмкін) демокситоцин әсері күшейеді. Босану әрекетін қоздыру үшін демокситоцин аналогын, окситоцинді қолдану сирек кездесетін босанғаннан кейінгі диссеминацияланған тамырішілік ұю (ДТҰ) қаупін арттыруы мүмкін деген деректер бар. Бұл қауіп 35 жастан асқан әйелдерде, сондай-ақ жүктіліктігі асқынған немесе жүктіліктің ұзақтығы 40 аптадан асатын әйелдерде көбірек байқалады. Мұндай жағдайларда окситоцинді және оның аналогтарын сақтықпен қолдану керек және дәрігер ДТҰ көріністеріне (яғни фибринолиз) қатысты сақ болуы тиіс. Арнайы ескертулер Қосымша заттар Дезаминокситоцин таблеткаларында сахароза және лактоза моногидраты бар. Бұл препаратты туа біткен сирек фруктоза жақпаушылығы, глюкоза-галактоза мальабсорбциясы немесе сахароза-изомальтаза жеткіліксіздігі бар пациенттерге, сондай-ақ туа біткен сирек галактоза жақпаушылығы немесе лактаза тапшылығы бар пациенттерге қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралдарын немесе қауіптілігі зор механизмдерді басқару қабілетіне әсерін бағалау бойынша зерттеулер жүргізілген жоқ.

Жүктілік кезінде босанатын әйел мен шаранада асқыну қаупінің жоғары болуына байланысты демокситоцинді сақтықпен қолдану керек. Демокситоцин емшек сүтіне аз мөлшерде енуі мүмкін. Асқынулары белгісіз. Препарат баланың асқазан-ішек жолында ериді.

Ингаляциялық анестетиктер (циклопропан, галотан) демокситоцин әсерін азайтуы мүмкін (сондай-ақ, гипотензивті әсерді және аритмияның даму қаупін арттырады). Простагландиндер утеротоникалық әсерді арттыратын болғандықтан, демокситоцинді простагландиндерді қынаптық қолданғаннан кейін 6 сағат ішінде қолдануға болмайды. Каудальді анестезия кезінде демокситоцин тамырды тарылтатын және симпатомиметикалық заттардың вазопрессорлық әсерін арттыруы мүмкін.

Сақтау мерзімі 5 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°С –ден аспайтын температурада сақтау керек. Балалардың қолы жетпейтін жерде сақтау керек!