ДЕКС таблетки 25 мг

Бір таблетканың құрамында белсенді зат – 25.0 мг декскетопрофен (36.9 мг декскетопрофен трометамолы түрінде); қосымша заттар: натрий крахмалгликоляты (А типі), магний стеараты, микрокристалды целлюлоза, қабықтың құрамы Опадрай II 85F18422 ақ: поливинил спирті, титанның қостотығы (Е171), полиэтиленгликоль, тальк. Сыртқы түрінің, иісінің, дәмінің сипаттамасы Дөңгелек екі беті дөңес ақ түсті қабықпен қапталған таблеткалар.

Жеңіл немесе орташа қарқындылықтағы ауыруды, мысалы, бұлшықет-қаңқаның ауыруы, альгодисменорея, тіс ауыруы жағдайында симптоматикалық қысқа мерзімді емдеу.

ATX коды M01AE17 Фармакодинамикалық әсерлері Дексетопрофен трометамолы, ДЕКС дәрілік препаратының әсер етуші заты, ауыруды басатын, қабынуға қарсы және қызуды түсіретін әсері бар қабынуға қарсы стероидты емес дәрілерге (ҚҚСП) жатады. Декскетопрофеннің әсер ету механизмі циклооксигеназа деңгейінде простагландиндер синтезін тежеуге негізделген (ЦОГ-1 және ЦОГ-2). Декскетопрофен-кетопрофеннің белсенді стереоизомері. Бұл инновация (әсер етуші изомердің селективті бөлінуі) тиімділікті сақтай отырып және жағымсыз әсерлер қаупін азайта отырып, кетопрофенмен салыстырғанда әсер етуші заттың дозасын екі есе азайтуға мүмкіндік берді. Ауыруды басатын әсер дәрілік препаратты пероральді қабылдағаннан кейін 30 минуттан кейін пайда болады, емдік әсерінің ұзақтығы 4-6 сағатты құрайды.

Дозалау режимі Ауыру синдромының сипатына мен қарқындылығына байланысты ересектерге ұсынылатын доза әрбір 8 сағат сайын 25 мг декскетопрофенді құрайды. Ең жоғарғы тәуліктік доза - 75 мг. Пациенттердің ерекше топтары 65 жастағы және одан асқан пациенттер Егде жастағы пациенттер ДЕКС дәрілік препаратын ең төмен ұсынылған дозадан бастап қабылдау керек. Ең жоғары тәуліктік доза 50 мг құрайды. Жағымдылығы жақсы болған жағдайда қарапайым пациенттерге ұсынылған дозаларды қолдануға болады. Бауыр жеткіліксіздігі бар пациенттер Ауырлығы жеңіл және орташа дәрежелі бауыр жеткіліксіздігі бар пациенттерге ДЕКС дәрілік препаратын ұсынылған ең төмен дозадан бастап және дәрігердің қатаң бақылауымен қабылдау керек. Ең жоғары тәуліктік доза 50 мг құрайды. Бауырдың ауыр дәрежелі жеткіліксіздігі бар пациенттерде ДЕКС дәрілік препаратын қолдануға болмайды. Бүйрек жеткіліксіздігі бар пациенттер Бүйректің жеңіл дәрежелі жеткіліксіздігі бар пациенттер үшін (креатинин клиренсі 60-89 мл/мин) бастапқы дозаны тәулігіне 50 мг дейін азайту керек. ДЕКС препараты орташа және ауыр дәрежелі бүйрек дисфункциясы (креатинин клиренсі ≤59 мл/мин) бар пациенттерге қолдануға болмайды. Балалар мен жасөспірімдер Декскетопрофеннің балалар мен жасөспірімдерге әсерін зерттеу жүргізілген жоқ. Осылайша, ДЕКС балалар мен жасөспірімдерде пайдаланылмауы тиіс, өйткені оның қауіпсіздігі мен тиімділігі анықталмаған. Енгізу әдісі және жолы Ішке қабылдау үшін. Таблетканы судың жеткілікті мөлшерін іше отырып жұту керек. Бір мезгілде тамақтану декскетопрофеннің сіңуін баяулатады, сондықтан жедел ауыру жағдайында дәрілік препаратты тамақ ішуден кемінде 30 минут бұрын қолдану ұсынылады. Емдеу ұзақтығы Егер дәрілік препаратты ең төмен тиімді дозада симптомдарды бақылау үшін қажетті барынша қысқа уақыт аралығы ішінде қабылдаса, жағымсыз реакциялар көріністерінің қаупін азайтуға болады. ДЕКС дәрілік препараты ұзақ қолдануға арналмаған. Қабылдау ұзақтығы ауыруды жою үшін қажетті кезеңмен шектелуі тиіс. Дәрілік препараттың бір немесе бірнеше дозасын жіберіп алғанда қажетті шаралар Дозаны өткізіп алған жағдайда дәрігер ұсынған режимге сәйкес әдеттегі уақытта келесі дозаны қабылдау қажет. Өткізіп алған дозаны толтыру үшін қосарлы дозаны қабылдауға болмайды.

- декскетопрофенге немесе дәрілік препараттың кез келген басқа компонентіне және басқа ҚҚСП аса жоғары сезімталдық; - ұқсас әсер ету механизмі бар заттар (мысалы, ацетилсалицил қышқылы және басқа да ҚҚСП) демікпе ұстамаларын, бронх түйілуін, жедел ринитті, мұрын полиптерінің пайда болуын, есекжемді немесе ангионевроздық ісінуді туындатуы мүмкін екендігі анықталған пациенттерге тағайындау; - асқазанның ойық жарасы / белсенді немесе қайталанатын асқазан-ішектен қан кету (ойық жаралану немесе қан кетудің екі немесе одан да көп расталған жағдайы), созылмалы диспепсия; - алдыңғы ҚҚСП қолданумен байланыстыны қоса, анамнездегі асқазан-ішектен қан кетулер немесе тесілу; - басқа белсенді қан кету немесе қанайналым жүйесі тарапынан басқа да бұзылулар; - асқыну сатысындағы ішектің қабыну аурулары (Крон ауруы, ойық жаралы колит); - бауырдың ауыр дәрежелі жеткіліксіздігі (Чайлд-Пью шкаласы бойынша 10-15 балл); - анамнездегі бронх демікпесі; - бүйрек функциясының бұзылуы: орташа немесе ауыр дәрежелі (креатинин клиренсі ≤59 мл/мин); - жүректің ауыр жеткіліксіздігі (NYHA жіктемесі бойынша III-IV класс); - геморрагиялық диатез және қан ұюының басқа да бұзылулары; - 18 жасқа дейінгі балалар мен жасөспірімдер (тиімділік және қауіпсіздік бойынша деректердің болмауына байланысты); - ауыр дегидратация (құсу, диарея немесе сұйықтықты жеткіліксіз тұтыну салдарынан); - анамнезінде кетопрофен немесе фибраттарды қабылдау салдарынан фотоаллергиялық немесе фотоуытты реакциялар; - жүктіліктің үшінші триместрі, лактация кезеңі.

Ықтимал жағымсыз әсерлер Дүниежүзілік денсаулық сақтау ұйымының жіктемесіне сәйкес пайда болу жиілігінің төмендеуі бойынша төменде ұсынылған: өте жиі (≥10), жиі (≥1/100 <1/10 дейін), жиі емес (≥1/1000 <1/100 дейін), сирек (≥1/10000 <1/1000 дейін), өте сирек (<1/10000), жиілігі белгісіз (қолда бар деректер негізінде бағалау мүмкін емес). Жиі - жүрек айнуы, құсу, іштің ауыруы, диспепсия, диарея Жиі емес - бас ауыруы, бас айналу, ұйқышылдық - ұйқысыздық, мазасыздық сезімі - вертиго - жүректің соғу сезімі, ысыну сезімі, тері жабындысының гиперемиясы - гастрит, іш қату, ауыздың құрғауы, метеоризм - тері бөртпесі - қатты қажу, астения, қалтырау, жалпы дімкәстік Сирек - көмейдің ісінуі - парестезия - синкопальді жай-күйлер (өтпелі қысқа мерзімді естен тану) - артериялық қысымның жоғарылауы - брадипноэ - асқазан-ішек жолының (АІЖ) эрозиялық-ойық жаралы зақымдануы, ойық жарадан қан кету немесе оның тесілуі - гепатит, «бауыр» ферменттері (AЛT, ACT) белсенділігінің жоғарылауы - полиурия, бүйректің жедел жеткіліксіздігі - әйелдерде – етеккір циклының бұзылуы, ерлерде – ұзақ уақыт қолданғанда қуықасты безі функциясының өтпелі бұзылуы - арқаның ауыруы - есекжем, безеулі бөртпе, қатты терлеу - анорексия Өте сирек - нейтропения, тромбоцитопения - анафилаксиялық реакциялар, анафилактикалық шокты қоса - құлақтағы шуыл - көрудің бұлыңғырлануы - тахикардия, артериялық қысымның төмендеуі - бронх түйілуі, ентігу - панкреатит - бауырдың зақымдануы - нефрит немесе нефроздық синдром - терінің ауыр реакциялары (Стивенс-Джонсон синдромы, уытты эпидермалық некролиз (Лайелл синдромы)), ангионевроздық ісіну, беттің ісінуі, аллергиялық дерматит, фотосенсибилизация, терінің қышынуы - шеткері ісінулер Жиілігі белгісіз (қолда бар деректер негізінде бағалау мүмкін емес) - Коунис синдромы деп аталатын әлеуетті ауыр аллергиялық реакцияның белгісі болуы мүмкін кеудедегі ауырсыну - терінің қызаруы мен ісінуінің дөңгелек немесе сопақша жерлерін, күлдіреуіктер мен қышынудың пайда болуын қамтуы мүмкін тұрақты дәрілік бөртпе ретінде белгілі терінің аллергиялық реакциясы. Сондай-ақ зақымданған жерлерде терінің кұңгірттенуі байқалуы мүмкін, ол жазылғаннан кейін сақталуы мүмкін. Тұрақты дәрілік бөртпе әдетте сол жерде (орындарда) қайталанады, егер дәрі қайтадан қабылданса. Басқа ҚҚСП қолдану кезіндегідей мынадай жағымсыз әсерлер дамуы мүмкін: негізінен жүйелі қызыл жегі немесе дәнекер тінінің басқа да жүйелік аурулары бар пациенттерде дамитын асептикалық менингит, гематологиялық бұзылулар (тромбоцитопениялық пурпура, аплазиялық және гемолиздік анемия, сирек жағдайларда – агранулоцитоз және сүйек кемігінің гипоплазиясы). Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану симптомдары белгісіз. Ұқсас дәрілік препараттардың артық дозалануы келесі симптомдарды туындатады: асқазан-ішек жолы (құсу, анорексия, іштің ауыруы) және жүйке жүйесі тарапынан бұзылулар (бас ауыруы, бас айналу, бағдардан адасу, ұйқышылдық). Емі: ересек немесе дене салмағының 5 мг/кг астам бала декскетопрофенді қабылдағанда симптоматикалық ем - қабылдағаннан кейін бірінші сағат ішінде белсендірілген көмірді қабылдау. Декскетопрофен трометамолы организмнен диализ көмегімен шығарылады.

Анамнезінде аллергиялық реакциялары бар пациенттерге сақтықпен қолдану керек. Декскетопрофенді басқа ҚҚСП, оның ішінде циклооксигеназа-2 селективті тежегіштерімен бір мезгілде қолданудан аулақ болу қажет. Жағымсыз жанама әсерлерді ауыру синдромын басу үшін қажетті ең аз қолдану ұзақтығымен дәрілік препаратты ең аз тиімді дозада қолданған кезде барынша азайтуға болады. Асқазан-ішек жолының тарапынан бұзылулар Асқазан-ішектен қан кету, ойық жаралану немесе тесілу, кейбір жағдайларда өліммен аяқталуы мүмкін, ескертуші симптомдарының болуына немесе АІЖ тарапынан анамнезде күрделі патологияның болуына қарамастан, емдеудің әртүрлі кезеңдерінде барлық ҚҚСП қабылдаған кезде байқалады. ДЕКС дәрілік препаратын қабылдау аясында асқазан-ішектен қан кету дамыған жағдайда, оны қабылдауды тоқтату керек Асқазан-ішектен қан кетудің, ойық жараның пайда болуының немесе тесілуінің пайда болу қаупі анамнезінде ойық жарасы бар пациенттерде, әсіресе қан кету немесе тесілу түріндегі асқынулармен, сондай-ақ егде жастағы пациенттерде ҚҚСП дозасын арттырған кезде артады, сондықтан пациенттердің осы санатын емдеуді ең төмен ұсынылған дозадан бастаған жөн. Анамнезінде эзофагит, гастрит және/немесе ойық жаралы ауруы бар пациенттер декскетопрофенді қолданар алдында, басқа ҚҚСП қабылдаған жағдайдағыдай, бұл аурулардың ремиссия фазасында екендігіне көз жеткізу керек. Ас қорыту жолы патологиясының айқын симптомдары бар және анамнезінде ас қорыту жолы аурулары бар пациенттерде дәрілік препаратты қабылдау кезінде ықтимал бұзылуларды, әсіресе бұл асқазан-ішектен қан кетуге қатысты, анықтау мақсатында ас қорыту жолының жай-күйін бақылау қажет ДЕКС дәрілік препаратын анамнезінде асқазан-ішек аурулары (ойық жаралы колит, Крон ауруы) бар пациенттерде сақтықпен қолдану керек, өйткені бұл аурулар өршуі мүмкін. Жоғарыда аталған санаттағы пациенттерге, сондай-ақ ацетилсалицил қышқылының төмен дозаларын немесе АІЖ тарапынан асқынулардың пайда болу қаупін арттыратын басқа да препараттарды бір мезгілде қолдануды қажет ететін пациенттерге қосымша гастропротекторларды (мизопростол немесе протонды помпа блокаторлары) бір мезгілде қолдану ұсынылады. Дәрілік препаратты антиагреганттарды (мысалы, ацетилсалицил қышқылы) немесе антикоагулянттарды (мысалы, варфарин), кортикостероидтарды, серотонинді кері қармайтын селективті тежегіштерді бір мезгілде қабылдайтын пациенттерге сақтықпен тағайындау керек, өйткені асқазан-ішектен қан кетудің немесе ойық жараның пайда болу қаупі артады. Бүйрек тарапынан бұзылулар Бүйрек функциясының бұзылулары бар пациенттерге дәрілік препаратты сақтықпен тағайындау керек, өйткені ҚҚСП қабылдау аясында бүйрек функциясының нашарлауы, организмдегі сұйықтықтың іркілуі және ісіну болуы мүмкін. Диуретиктерді бір мезгілде қолданатын пациенттерде және нефроуыттылықтың жоғары қаупіне байланысты гиповолемияның дамуы мүмкін пациенттерде дәрілік препаратты қолдану кезінде сақ болу керек. Емдеу кезінде организм сусыздануды болдырмау үшін жеткілікті сұйықтықты алуы керек, бұл бүйрекке уытты әсердің күшеюіне әкелуі мүмкін. Басқа ҚҚСП сияқты, ДЕКС дәрілік препараты қан плазмасындағы креатинин мен азот концентрациясының жоғарылауына әкелуі мүмкін. Простагландиндер синтезінің басқа тежегіштері сияқты, ДЕКС дәрілік препараты несеп шығару жүйесіне жағымсыз әсер етуі мүмкін, бұл гломерулонефриттің, интерстициялық нефриттің, папиллярлық некроздың, нефроздық синдромның және жедел бүйрек жеткіліксіздігінің дамуына әкелуі мүмкін. Бүйрек функциясының бұзылуының ең көп саны егде жастағы пациенттерде пайда болады. Бауыр тарапынан бұзылулар Бауыр функциясының бұзылуы бар пациенттерге сақ болу керек. Басқа ҚҚСП қолдану кезіндегідей, ДЕКС дәрілік препаратымен емдеу аясында «бауыр» ферменттері белсенділігінің аздап өтпелі жоғарылауы байқалуы мүмкін. Егде жастағы пациенттерде бауыр мен бүйрек функциясын бақылау қажет. Тиісті көрсеткіштер елеулі жоғарылаған жағдайда ДЕКС дәрілік препаратын қолдануды тоқтату керек. Жүрек-қантамыр жүйесі және ми қан айналымы тарапынан бұзылулар Дәрілік препарат организмде сұйықтықтың іркілуін туындатуы мүмкін, сондықтан анамнезінде артериялық гипертензиясы, бүйрек және/немесе жүректің ауырлық деңгейі жеңілден орташаға дейінгі жеткіліксіздігі бар пациенттерде ДЕКС дәрілік препаратын ерекше сақтықпен қолдану керек. Жай-күйі нашарлаған жағдайда ДЕКС дәрілік препаратын қолдануды тоқтату қажет. Бақыланбайтын артериялық гипертензиясы, жүректің ишемиялық ауруы, жүректің іркілісті жеткіліксіздігі, шеткері артериялардың аурулары және/немесе цереброваскулярлық аурулары бар пациенттерде дәрілік препаратты сақтықпен қолдану керек. Осындай тәсіл жүрек-қантамыр ауруларының (артериялық гипертензия, гиперлипидемия, қант диабеті, темекі шегу) даму қаупі факторлары бар пациенттерге де қолданылады. ДЕКС дәрілік препаратын анамнезінде жүрек-қантамыр аурулары бар пациенттерге, әсіресе жүрек жеткіліксіздігі бар пациенттерге, үдеудің ықтимал қаупіне байланысты тағайындағанда сақ болу қажет. Клиникалық зерттеулер мен эпидемиологиялық деректер ҚҚСП, әсіресе жоғары дозаларда және ұзақ уақыт қолданғанда, жедел миокард инфарктісінің немесе инсульттің дамуының елеусіз қаупіне әкелуі мүмкін деген қорытынды жасауға мүмкіндік береді. Декскетопрофенді қолдану кезінде осы оқиғалардың қаупін болдырмау үшін деректер жеткіліксіз. Селективті емес ҚҚСП тромбоциттер агрегациясын төмендетуге және простагландиндер синтезін тежеу есебінен қан кету уақытын ұлғайтуға қабілетті. Сондықтан гемостазға әсер ететін дәрілік препараттарды, мысалы, варфарин немесе басқа кумариндер немесе гепариндер қабылдайтын пациенттерге декскетопрофенді тағайындау ұсынылмайды. Егде жастағы пациенттер әсіресе жүрек-қантамыр жүйесінің функциясына дәрілік препараттардың әсеріне бейім. Декскетопрофенді қолдану кезінде осы препаратқа аллергиялық реакция белгілері, оның ішінде тыныс алудың қиындығы, бет пен мойынның ісінуі (ангионевроздық ісіну), кеуденің ауыруы байқалды. ДЕКС препаратын қабылдауды дереу тоқтатыңыз және егер сіз осы белгілердің бірін байқасаңыз, дереу дәрігерге немесе шұғыл медициналық қызметке жүгініңіз. Тері тарапынан реакциялар ҚҚСП қолдану кезінде тері реакцияларының сирек жағдайларының (эксфолиативті дерматит, Стивенс-Джонсон синдромы, уытты эпидермалық некролиз сияқты) пайда болуы туралы деректер бар. Тері бөртпесінің алғашқы көріністерінде, шырышты қабықтардың зақымдануында немесе аллергиялық реакцияның басқа белгілерінде ДЕКС дәрілік препаратын қабылдауды дереу тоқтатып, дәрігерге жүгіну керек. Басқа ақпарат Дәрілік препаратты порфирин метаболизмінің туа біткен бұзылуы бар пациенттерге, сусыздануы бар пациенттерге, сондай-ақ тікелей елеулі хирургиялық араласулардан кейін тағайындау кезінде сақ болу қажет. Декскетопрофенді ұзақ уақыт қолданған жағдайда бауыр мен бүйрек функцияларын үнемі бақылап отыру керек. Өте сирек жағдайларда аса жоғары сезімталдықтың (мысалы, анафилаксиялық шок) ауыр реакцияларының дамуы мүмкін. ДЕКС дәрілік препаратын қабылдағаннан кейін ауыр аллергиялық реакцияның алғашқы белгілері кезінде емдеу тоқтатылуы тиіс. Созылмалы ринитпен, созылмалы синуситпен және/немесе мұрын полиптерімен бірге демікпеден зардап шегетін пациенттер басқа тұрғындарға қарағанда ацетилсалицил қышқылына және/немесе ҚҚСП аллергиясына жоғары қауіпке бейім. Осы дәрілік препаратты енгізу, әсіресе ацетилсалицил қышқылына немесе ҚҚСП аллергиясы бар пациенттерде демікпе ұстамаларын немесе бронх түйілуін туындатуы мүмкін. Кейбір жағдайларда желшешек аясында тері мен жұмсақ тіндердің ауыр инфекциялық асқынуларының дамуы мүмкін. Бүгінгі таңда ҚҚСП осындай инфекциялық асқынулардың дамуымен өзара байланысы ықтималдығын толығымен жоққа шығару мүмкін емес. Сондықтан, желшешекте ДЕКС дәрілік препаратын қолданудан аулақ болу керек. Қан түзудің бұзылуы, жүйелі қызыл жегі және дәнекер тіннің аралас аурулары бар пациенттерге ДЕКС сақтықпен қолдану керек. Басқа ҚҚСП сияқты, декскетопрофен инфекциялық аурулардың симптомдарын бүркемелеуі мүмкін. Арнайы ескертулер Педиатрияда қолдану Балаларда қолданудың тиімділігі мен қауіпсіздігі туралы деректердің болмауына байланысты дәрілік препаратты балаларға тағайындауға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері ДЕКС дәрілік препаратын қабылдау бас айналу мен шаршауды туындатуы мүмкін, сондықтан көлік құралдарын басқару және механизмдермен жұмыс істеу қабілетіне әлсіз немесе орташа әсер етуі мүмкін.

ДЕКС дәрілік препаратын жүктіліктің үшінші триместрінде және лактация кезеңінде қолдануға болмайды. Жүктілік Простагландиндер синтезінің бәсеңдеуі жүктілік барысына және/немесе шарананың дамуына күрделі түрде әсер етуі мүмкін. Эпидемиологиялық зерттеулердің нәтижелеріне сәйкес, простагландиндердің синтезін басатын дәрілік препараттарды қолдану кезінде жүктіліктің ерте кезеңінде түсік тастау, шаранада жүрек ақауының пайда болуы және іштің алдыңғы қабырғасының болмауы қаупі артады. Жүрек-қантамыр жүйесі ауытқуларының дамуының абсолюттік қаупі <1% - дан шамамен 1.5% - ға дейін артты. Мұндай құбылыстардың пайда болу қаупі дәрілік препарат дозасының жоғарылауымен және емнің ұзақтығымен артады деп саналады. Жүктіліктің соңғы үш айында ДЕКС препаратын қабылдамаңыз, себебі бұл туылмаған нәрестеге зиянын тигізуі немесе босану кезінде қиындықтар тудыруы мүмкін. Бұл туылатын нәрестеде бүйрек және жүрек ауруларын тудыруы мүмкін. Ана мен баланың қан кетуге бейімділікке әсер етуі және мерзімінен асып кеткен жүктіліктің (кешіктірілген босану) немесе созылып кеткен (ұзақ) босанудың себебі болуы мүмкін. Жүктіліктің алғашқы 6 айында, өте қажет болған және дәрігердің ұсынысымен жағдайларды қоспағанда, ДЕКС қабылдауға болмайды. Егер осы уақыт кезеңінде ДЕКС қабылдау қажет болса немесе пациент жүкті болуды жоспарлап жүрсе, ең аз дозаны ең аз қысқа мерзімде қолдану керек. Жүктіліктің 20-шы аптасынан бастап ДЕКС препаратын бірнеше күннен артық қолдану туылмаған нәрестеде бүйрек ауруларын тудыруы, бұл шарананы қоршап тұрған қағанақ суының мөлшерінің төмендеуіне (су аздық) әкелуі мүмкін. Егер пациентке бірнеше күннен артық емдеу қажет болса, дәрігер қосымша мониторинг ұсынуы мүмкін. Лактация кезеңі Декскетопрофен трометамолының емшек сүтіне өтуі туралы деректер жоқ. Фертильділік Басқа ҚҚСП сияқты, декскетопрофен әйелдердің фертильділігіне әсер етеді, сондықтан оны жүктілікті жоспарлайтын әйелдерге қолдану ұсынылмайды. Бала көтеру проблемалары болған немесе бедеулікке күдікке байланысты тексеруден өткен әйелдерде декскетопрофен қабылдауды тоқтату керек.

Төмендегі өзара әрекеттесулер барлық ҚҚСП тән. Жағымсыз біріктірілімдер Жоғары дозадағы (тәулігіне 3 г-ден астам) салицилаттарды қоса, басқа ҚҚСП бірге: синергиялық әсер салдарынан бірнеше ҚҚСП бір мезгілде қолдану асқазан-ішектен қан кету мен ойық жараның даму қаупін арттырады. Антикоагулянттармен бірге: декскетопрофен, басқа ҚҚСП сияқты, қан плазмасы ақуыздарымен жоғары байланысу дәрежесіне, тромбоциттер агрегациясын тежеуге және асқазан-ішек жолы шырышты қабығының зақымдануына байланысты варфарин сияқты антикоагулянттардың әсерін күшейтуі мүмкін. Бір мезгілде қолдану қажет болған жағдайда пациенттің жай-күйін мұқият бақылау және зертханалық көрсеткіштерге тұрақты мониторинг жүргізу қажет. Гепаринмен бірге: бір мезгілде қолданған кезде қан кетудің даму қаупі артады (тромбоциттер агрегациясын тежеуге және асқазан-ішек жолының шырышты қабығына зақымдайтын әсеріне байланысты). Бір мезгілде қолдану қажет болған жағдайда пациенттің жай-күйін мұқият бақылау және зертханалық көрсеткіштерге тұрақты мониторинг жүргізу қажет. Глюкокортикостероидтармен бірге: бір мезгілде қолданған кезде асқазан-ішек жолының ойық жаралы зақымдануы және қан кету қаупі артады. Литий препараттарымен бірге: ҚҚСП қан плазмасындағы литий концентрациясын уытты концентрацияға дейін арттырады, осыған байланысты бұл көрсеткішті декскетопрофенмен бір мезгілде қолданғанда, дозасын өзгерткенде, сондай-ақ ҚҚСП тоқтатқаннан кейін бақылау қажет. Метотрексатпен жоғары дозаларда (15 мг/апта және одан астам): ҚҚСП бір мезгілде қолданғанда оның бүйректік клиренсінің төмендеуіне байланысты метотрексаттың гематологиялық уыттылығы артуы мүмкін. Гидантоиндер мен сульфонамидтермен: олардың уытты әсері күшеюі мүмкін. Сақтықты қажет ететін біріктірілімдер Диуретиктермен, ангиотензин өзгертуші фермент (АӨФ) тежегіштерімен, аминогликозидтер тобының антибиотиктерімен, ангиотензин-II рецепторларының антагонистерімен: ҚҚСП бір мезгілде қолдану сусызданған пациенттерде бүйректің жедел жеткіліксіздігінің даму қаупімен (простагландиндер синтезінің төмендеуіне байланысты шумақтық сүзілістің төмендеуі) байланысты. ҚҚСП бір мезгілде қолданған кезде кейбір дәрілік препараттардың гипертензияға қарсы әсерін азайтуы мүмкін. Декскетопрофен мен диуретиктерді бір мезгілде қолданған кезде пациентте сусыздану белгілерінің жоқтығына көз жеткізу, сондай-ақ бір мезгілде қолданудың басында бүйрек функциясын бақылау қажет. Метотрексатпен төмен дозаларда (аптасына 15 мг кем): метотрексаттың гематологиялық уыттылығы ҚҚСП бір мезгілде қолдану аясында оның бүйрек клиренсінің төмендеуіне байланысты жоғарылауы мүмкін. Бір мезгілде қолдануды бастағанда қан жасушаларын есептеу қажет. Егер тіпті жеңіл дәрежелі бүйрек функциясының бұзылуы бар болса, сондай-ақ егде жастағы адамдарда, мұқият медициналық бақылау қажет. Пентоксифиллинмен бірге : қан кету қаупінің жоғарылауы мүмкін. Мұқият клиникалық мониторинг және қан кету уақытын (қанның ұю уақытын) үнемі тексеру қажет. Зидовудинмен бірге: ҚҚСП қолдану басталғаннан кейін бір аптадан соң ауыр анемияның дамуымен ретикулоциттерге әсер етуден туындаған эритроциттерге уытты әсердің күшеюі қаупі бар. ҚҚСП емдеу басталғаннан кейін 1-2 аптадан соң ретикулоциттер санын есептей отырып, жалпы қан талдауын жүргізу қажет. Пероральді гипогликемиялық препараттармен: ҚҚСП қан плазмасы ақуыздарымен байланысатын жерлерден сульфонилмочевинаны ығыстыру салдарынан сульфонилмочевина дәрілік препараттарының гипогликемиялық әсерін күшейтуі мүмкін. Назарға алу қажетті біріктірілімдер β-адреноблокаторлармен: ҚҚСП бір мезгілде қолданған кезде простагландиндер синтезінің тежелуі салдарынан β-адреноблокаторлардың гипертензияға қарсы әсері төмендеуі мүмкін. Циклоспоринмен және такролимуспен бірге: ҚҚСП нефроуыттылықты арттыруы мүмкін, бұл ренальді простагландиндердің әсеріне түрткі болуы мүмкін. Бір мезгілде қолданған кезде бүйрек функциясын бақылау қажет. Тромболитиктермен бірге: қан кету қаупі артады. Серотонинді кері қармайтын тежегіштермен бірге (циталопрам, флуоксетин, сертралин) және антикоагулянттармен бір мезгілде қолданғанда АІЖ қан кетудің даму қаупі артады. Пробенецидпен бірге: қан плазмасындағы ҚҚСП концентрациясының жоғарылауы мүмкін, бұл бүйрек тубулярлық секрециясына және/немесе глюкурон қышқылымен конъюгацияға пробенецидтің тежейтін әсеріне байланысты болуы мүмкін; ҚҚСП дозасын түзету қажет болуы мүмкін. Жүрек гликозидтерімен бірге: ҚҚСП бір мезгілде қолдану қан плазмасындағы жүрек гликозидтерінің концентрациясының жоғарылауына әкелуі мүмкін. Мифепристонмен бірге: простагландиндер синтезі тежегіштерінің әсерінен мифепристон тиімділігінің өзгеруінің теориялық қаупіне байланысты ҚҚСП мифепристонды тоқтатқаннан кейін 8-12 тәуліктен ерте қолданбаған жөн. Хинолондармен бірге: ҚҚСП жоғары дозаларда хинолондармен бір мезгілде қолдану кезінде құрысулар дамуының жоғары қаупі. Тенофовирмен бірге: ҚҚСП бірге қолдану қан плазмасында мочевина азоты мен креатининді арттыруы мүмкін, бүйрек функциясына потенциалды синергиялық әсерді басқару үшін бүйрек функциясын бақылау қажет. Деферазирокспен бірге: ҚҚСП бірге қолдану асқазан-ішек уыттылығы қаупін арттыруы мүмкін. Деферазироксты осы заттармен біріктірген кезде қатаң клиникалық бақылау талап етіледі. Пеметрекседпен бірге: ҚҚСП бірге қолдану пеметрекседтің шығарылуын азайтуы мүмкін, сондықтан ҚҚСП неғұрлым жоғары дозаларын қолданған кезде сақ болу қажет. Бүйректің жеңіл немесе орташа жеткіліксіздігі бар пациенттерде (креатинин клиренсі 45-тен 79 мл/минутқа дейін) пеметрекседті ҚҚСП бірге қолданудан пеметрекседті қабылдағанға дейін 2 күн және одан кейін 2 күн ішінде аулақ болу қажет.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Ылғалдан және жарықтан қорғалған жерде, 25°C-ден аспайтын температурада сақтау керек. Балалардың қолы жетпейтін жерде сақтау керек!