Дексаметазон-Аджио раствор 4 мг/мл

Бір ампуланың ішінде белсенді зат – 4.400 мг дексаметазон натрий фосфаты, 4.000 мг дексаметазон фосфатына баламалы қосымша заттар: метилгидроксибензоат, пропилгидроксибензоат, динатрий эдетаты, натрий цитраты, лимон қышқылы моногидраты, натрий гидроксиді (пеллеттер), инъекцияға арналған су Сыртқы түрінің, иісінің, дәмінің сипаттамасы Түссізден бозғылт-сары түске дейінгі мөлдір ерітінді.

Жүйелі қолдану - ми ісігінен туындаған мидың ісінуі, нейрохирургиялық емшаралар, церебральді абсцесс, бактериялық менингит (мысалы, туберкулез, іш сүзегі, бруцеллез) - әр түрлі жарақаттармен шок / жарақаттан кейінгі респираторлық дистресс-синдромның профилактикасы - бронх демікпесінің ауыр жедел ұстамасы - эритродермия, тұрпайы сулы бөртпе, жедел экзема сияқты таралған, жедел, ауыр тері ауруларын бастапқы парентеральді емдеу - жүйелі қызыл жегі (әсіресе висцеральді түрлері) сияқты аутоиммундық ауруларды бастапқы парентеральді емдеу - ауыр үдемелі ағымы бар белсенді ревматоидты артрит, мысалы, жылдам өтетін деструктивті түрлері және / немесе буыннан тыс көріністер - қатерлі жаңа түзілімдердің паллиативті емі - операциядан кейінгі немесе цитостатиктер туындатқан құсудың құсуға қарсы емдеу сызбаларының құрамында профилактика және емдеу - уытты ағымы бар ауыр жұқпалы аурулар (туберкулез, сүзек, бруцеллез) тек бір мезгілде инфекцияға қарсы ем жүргізгенде - коронавирустық ауру (COVID-19) қосымша оттегімен қанықтыруды қажет ететін ересектер мен жасөспірімдерде (кемінде 12 жаста және дене салмағы кемінде 40 кг) Жергілікті қолдану - буынішілік инъекциялар: буындардың созылмалы қабыну ауруларын жалпы емдеуден кейін бір немесе бірнеше буындардың персистирленетін қабынуы, белсенді остеоартрит, иық буынының периартропатиясының жедел түрлері - жергілікті инфильтрация (қатаң көрсетілімдер болған кезде): бактериялық емес тендинит және бурсит, периартропатия, инсерциялық тендинопатия - офтальмология: инфекциялық емес кератоконьюнктивитте, склеритте (некроздық склериттен басқа), алдыңғы және аралық увеит кезінде субконъюнктивальді енгізу

Дексаметазон көмірсулар, ақуыздар мен май алмасуына әсер ететін айқын аллергияға қарсы, қабынуға қарсы және жарғақшаны тұрақтандыратын қасиеттері бар монофторланған глюкокортикостероидты препарат болып табылады. Дексаметазон преднизолонмен және преднизонмен салыстырғанда шамамен 7,5 есе үлкен глюкокортикоидты әсерге иеленген, ал тиімділігі жағынан гидрокортизоннан минералокортикоидты қасиеттерін көрсетпестен 30 есе артық. Дексаметазон сияқты глюкокортикостероидтар кортикостероидтарға сезімтал гендердің транскрипциясын белсендіру арқылы өздерінің биологиялық әсерін тигізеді. Қабынуға қарсы, иммуносупрессиялық және антипролиферативті әсерлер қабыну медиаторларының пайда болуының, босап шығуының және белсенділігінің төмендеуіне, нақты функциялардың тежелуіне және қабыну жасушаларының миграциясына байланысты. Сонымен қатар, кортикостероидтардың көмегімен сенсибилизацияланған Т-лимфоциттері мен макрофагтардың нысан-жасушаларға әсерін болдырмауға болады. Кортикостероидтармен ұзақ емдеу қажеттілігі кезінде транзиторлы бүйрек үсті безінің жеткіліксіздігін индукциялау мүмкіндігін ескеру қажет. Гипоталамус-гипофиз-бүйрек үсті өсін бәсеңдету, сондай-ақ жекелеген факторларға байланысты болады. COVID-19 емдеу үшін RECOVERY зерттеуі (COVID-19 терапиясын кездейсоқ бағалау)1 – бұл зерттеушінің бастамасымен жеке кездейсоқ таңдалған, бақыланатын, COVID-19-бен ауруханаға жатқызылған пациенттерге ықтимал емдеу әдістерінің әсерін бағалауға арналған бейімдеу платформасы бар ашық сынақ. Зерттеу Ұлыбританияның 176 ауруханасында жүргізілді. 6425 пациент дексаметазон (2104 пациент) немесе стандартты терапия (4321 пациент) алу үшін кездейсоқ таңдалды. Пациенттердің 89%-ында зертханалық расталған SARS-CoV-2 инфекциясы болды. Кездейсоқ таңдау барысында пациенттердің 16% -ы инвазивті жасанды желдетуді немесе экстракорпоральды мембрананы оттегімен қамтамсыз етуді, 60% -ы тек оттегіні(инвазивті емес вентиляциямен немесе онсыз алды) және 24% -ы ешқандай респираторлы қолдауды алмаған. Науқастардың орташа жасы 66,1±15,7 жасты құрады. Науқастардың 36%-ы әйелдер. Пациенттердің 24% -ында қант диабеті, 27% -ында жүрек-қан тамырлары аурулары, 21% -ында созылмалы өкпе ауруы болған.

Дозалау режимі Доза аурудың сипатына, ауырлығына және пациенттің жүргізілетін емделуге жеке реакциясына байланысты. Әдетте салыстырмалы түрде жоғары бастапқы дозалар енгізіледі және созылмалы ауруларға қарағанда жедел ауыр түрлерінде елеулі жоғары болуы тиіс. Егер өзгеше тағайындалмаса, дозалау бойынша мынадай ұсынымдар қолданылады: Жүйелі қолдану - Мидың ісінуі Ересектер: аурудың этиологиясына және ауырлығына байланысты бастапқы доза вена ішіне 8-10 мг (80 мг дейін), содан кейін тәулігіне 16-24 мг (48 мг дейін) вена ішіне, 4-8 күн бойы 3-4 (6) жеке дозаларға бөлінген. Сәулелік ем жүргізу және мидың операция жасалмайтын ісіктерін консервативті емдеу кезінде дексаметазонды едәуір төмен дозаларда ұзақ енгізу қажет болуы мүмкін. - Бактериялық менингит салдарынан мидың ісінуі: 4 күн бойы әрбір 6 сағат сайын дене салмағына 0,15 мг/кг, балаларға - 2 күн бойы әрбір 12 сағат сайын дене салмағының 0,4 мг/кг; препаратты енгізу антибиотикотерапияға дейін басталады. Ауыр жағдайлар, уытты жай-күйлер (мысалы, туберкулез, іш сүзегі; тек қатарлас микробқа қарсы ем кезінде): доза вена ішіне тәулігіне 4-20 мг құрайды, жекелеген жағдайларда (мысалы, іш сүзегі) бастапқыда 200 мг дейін. Инфекциялық ауруларды емдеу кезінде кортикостероидты емді қолдану жөніндегі ресми нұсқаулықтарды назарға алған жөн. - Жарақаттан кейінгі шок / жарақаттан кейінгі респираторлық дистресс-синдромның профилактикасы Бастапқы доза вена ішіне 40-100 мг (балаларда - 40 мг) құрайды, қайталанатын доза 12 сағаттан кейін немесе 16-40 мг доза 2-3 күн бойы әрбір 6 сағат сайын енгізіледі. - Демікпенің ауыр ұстамасы: ересектер: мүмкіндігінше ертерек вена ішіне 8-20 мг. Балалар: дене салмағының 0,15-0,3 мг/кг вена ішіне. Қажет болған жағдайда көрсетілген дозаларды енгізуді пациенттің жеке реакциясына және клиникалық көрінісіне байланысты қайталау керек. - Жедел тері аурулары: күнделікті, аурудың сипаты мен ауырлық деңгейіне байланысты: тәуліктік дозалар вена ішіне 8-40 мг құрайды, ауыр жағдайларда 100 мг дейін. Әрі қарай емдеу кезінде дозаны азайту керек. - Ревматизмдік жүйелі аурулардың асқынуы: жүйелі қызыл жегі - тәулігіне 6-16 мг. - Ауыр үдемелі ағымы бар белсенді ревматоидты артрит: тез жүретін деструктивті түрлерінде доза тәулігіне 12-16 мг, буыннан тыс көріністерде - тәулігіне 6-12 мг құрайды. - Қатерлі жаңа түзілімдерді паллиативті емдеу: бастапқы доза тәулігіне 8-16 мг, ұзақ емдеу кезінде - тәулігіне 4-12 мг құрайды. - Құсуға қарсы схема құрамында цитостатикалық терапиядан туындаған құсудың алдын алу және емдеу: химиотерапия басталғанға дейін в/і 10-20 мг, одан әрі дозада – қажет болған жағдайда 1-3 күн ішінде тәулігіне 2-3 рет 4-8 мг (орташа құсумен бірге жүретін химиотерапия) немесе 6 күнге дейін (айқын құсумен бірге жүретін химиотерапия). – Операциядан кейінгі құсудың алдын алу және емдеу: операцияға дейін бір реттік дозасы 8-20 мг в/і; 2 жастан асқан балаларда: дене салмағының 0,1-0,5 мг/кг (ең жоғары доза 16 мг құрайды). - COVID-19 емдеуде: ересектерге вена ішіне күніне бір рет 6 мг-нан 10 күнге дейін. Жергілікті қолдану Жергілікті инфильтрация және инъекциялар әдетте 4-8 мг дозада жүргізіледі; кіші буындарға буынішілік инъекция үшін немесе субконьюнктивальді инъекция үшін 2 мг дозада дексаметазон енгізу жеткілікті болып табылады. Пациенттердің ерекше топтары Егде жастағы науқастар Бүйрек немесе бауыр жеткіліксіздігі бар егде жастағы пациенттерге дозаны түзету қажет емес. Балаларда қолдану Балалардың өсу кезеңінде терапияның пайда-қауіп арақатынасын мұқият өлшеу керек. Қолдану тәсілі Парентеральді қолдану Инъекцияға арналған ерітінді вена ішіне немесе бұлшықет ішіне, сондай-ақ венаішілік инфузиялар түрінде (глюкозамен немесе физиологиялық ерітіндімен) енгізіледі. Венаішілік инъекция немесе инфузия кезінде Дексаметазон-Аджио ерітіндіні баяу (2-3 минуттан артық) енгізу керек, бірақ веноздық қолжетімділікпен проблема және қан айналымы жеткіліксіз болғанда препаратты бұлшықет ішіне де енгізуге болады. Дексаметазон-Аджио препараты буынішілік немесе субконьюнктивальді енгізу үшін, сондай-ақ жергілікті инфильтрация үшін де қолданылуы мүмкін. Емнің ұзақтығы көрсетілімдерге байланысты. Гипотиреоз немесе бауыр циррозы кезінде төмен дозаларды енгізу жеткілікті болуы мүмкін немесе препарат дозасын төмендету қажет болуы мүмкін. Буынішілік инъекцияны жүргізу ашық буындағы емшара ретінде қарастырылуы және қатаң асептикалық жағдайларда жүргізілуі керек. Бірреттік буынішілік инъекция әдетте симптомдарды тиімді жеңілдету үшін жеткілікті. Қайта инъекция қажет болған жағдайда препаратты енгізуді 3-4 аптадан ерте жүргізбеген жөн. Бір буынға енгізуді өмір бойы 3 немесе 4 реттен артық жүргізбеу керек. Буынды, әсіресе қайта инъекциялардан кейін медициналық тексеруден өткізу керек. Жергілікті инфильтрация: дексаметазон ең үлкен ауыру аймағына немесе сіңір бекітілген жерге енгізіледі. Сақ болыңыз, сіңірге инъекцияны енгізуге болмайды! Жиі инъекциялардан аулақ болу керек және асептиканың қатаң шараларын сақтау керек. Жоғары дозаларды бір реттік емдеу үшін қолдану қажет болған жағдайда, барынша жоғары дозалы/көлемді дексаметазон препараттарын қолдану мүмкіндігін қарастыру керек. Пайдалануға жарамдылығы Препараттың тек мөлдір ерітіндісін пайдалану керек. Ампуланың ішіндегісі бір рет қолдануға арналған. Препараттың қалған пайдаланылмаған ерітіндісін жою керек. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Осы дәрілік препаратты қолдану бойынша қосымша сұрақтар пайда болған кезде дәрігердің немесе фармацевттің кеңесіне жүгіну керек.

- әсер етуші затқа немеcе қосымша заттардың кез келгеніне аса жоғары сезімталдық - жедел вирустық, бактериялық және жүйелі зеңді инфекцияларда (спецификалық ем болмаған кезде) Буынішілік инъекция үшін қарсы көрсетілімдері • емдеуге жататын буынның ішінде немесе оған тікелей жақын жерде инфекцияның болуы • бактериялық артрит • емдеуге жататын буынның тұрақсыздығы • қан кетуге бейімділік (өздігінен немесе антикоагулянтты препараттарды қолдану салдарынан) • периартикулярлық кальцификация • сүйектің аваскулярлық некрозы • сіңірдің үзілуі • Шарко табаны Қосымша этиотропты емсіз жергілікті инфильтрацияны жүргізу енгізу саласында инфекция болған жағдайда, сондай-ақ көздің вирустық, бактериялық және зеңді аурулары, мөлдір қабықтың жарақаттары мен ойық жаралары кезінде субконьюнктивальді енгізу кезінде қарсы көрсетілген.

Электролиттердің өзгеруі, ісінудің пайда болуы, артериялық қысымның жоғарылауы ықтимал, жүректің тоқтауы, жүрек ырғағының бұзылуы немесе құрысулар, сондай-ақ қысқа мерзімді емдеу кезінде байқалуы мүмкін инфекциялардың клиникалық көріністері байқалатын парентеральді жоғары дозалы емді қоспағанда, дексаметазонмен қысқа мерзімді емдеу кезінде жағымсыз әсерлердің даму қаупі төмен болып табылады. Асқазан мен ішектің ықтимал ойық жараларының болуына назар аудару керек (көбінесе стресстен туындаған), өйткені кортикостероидтармен емдеу симптомдардың көріністерін азайтып, глюкозаға төзімділікті төмендетуі мүмкін. Дозаға және емдеу ұзақтығына айқын тәуелділігі бар мынадай жағымсыз әсерлердің дамуы мүмкін, сондықтан олардың жиілігін анықтау мүмкін емес. Инфекциялар және инвазиялар Инфекцияларды бүркемелеу, вирустық инфекциялардың, зеңді инфекцияларының, бактериялық, паразиттік және оппортунистік инфекциялардың байқалуы және асқынуы, стронгилоидоздың белсенуі. Қан және лимфа жүйесі тарапынан бұзылулар Қалыпты лейкоцитоз, лимфоцитопения, эозинопения, полицитемия. Иммундық жүйенің бұзылулары Аса жоғары сезімталдық реакциялары (мысалы, дәрі-дәрмектік экзантема), аритмия, бронх түйілуі, гипо- немесе гипертензия, қан айналымы жеткіліксіздігі, жүректің тоқтауы, иммунитеттің төмендеуі сияқты ауыр анафилаксиялық реакциялар. Эндокриндік жүйе тарапынан бұзылулар Кушинг синдромы (тән симптомдары: ай тәрізді бет, орталық типті семіздік, артық салмақ), бүйрек үсті безі функциясының бәсеңдеуі. Зат алмасу және тамақтанудың бұзылулары Ісіну кезінде натрийдің іркілуі, калий экскрециясының жоғарылауы (аритмияның даму қаупі), дене салмағының артуы, глюкозаға төзімділіктің төмендеуі, қант диабеті, гиперхолестеринемия және гипертриглицеридемия, тәбеттің жоғарылауы. Психика тарапынан бұзылулар Депрессия, ашушаңдық, эйфория, құштарлық, психоз, мания, елестеулер, эмоциональді тұрақсыздық, үрейлену, ұйқының бұзылуы, суицидтік мінез-құлық. Жүйке жүйесі тарапынан бұзылулар Мидың жалған туморы, латентті эпилепсияның көрінісі, манифестті эпилепсия кезінде құрысулық дайындықтың жоғарылауы. Көру ағзасы тарапынан бұзылулар Катаракта, әсіресе артқы субкапсулярлық бұлыңғырлану кезінде, глаукома, мөлдір қабықтың ойық жаралануымен байланысты симптомдардың асқынуы, көздің вирустық, зеңді және бактериялық инфекцияларының пайда болуының жиілеуі, мөлдір қабықтың бактериялық инфекцияларының асқынуы, птоз, мидриаз, хемоз, ақ қабықтың ятрогенді тесілуі, хориоретинопатия. Дексаметазонды субконъюнктивалық қолданғаннан кейін қайтымды экзофтальмның сирек жағдайлары, сондай-ақ герпестік кератит, бұрыннан бар кератит жағдайында мөлдір қабықтың тесілуі, анық көрмеу. Жүрек тарапынан бұзылулар Шала туылған нәрестелердегі гипертрофиялық кардиомиопатия (Қолдану кезіндегі қажетті сақтандыру шаралары бөлімін қараңыз). Қантамырлар тарапынан бұзылулар Артериялық гипертензия, атеросклероз бен тромбоздың жоғары даму қаупі, васкулит (ұзақ емнен кейін тоқтату синдромы сияқты), капиллярлардың жоғары үзілгіштігі. Асқазан-ішек жолының тарапынан бұзылулар Асқазан мен он екі елі ішектің ойық жаралары, асқазан-ішектен қан кету, панкреатит, асқазан аймағындағы жайсыздық, ықылық. Тері және тері асты тіндері тарапынан бұзылулар Стриялар, атрофия, телеангиэктазиялар, петехиялар, экхимоз, гипертрихоз, стероидиндукцияланған безеу, розацеа тәрізді (периоральді) дерматит, тері пигментациясының өзгеруі. Тірек-қимыл аппараты және дәнекер тіндер тарапынан бұзылулар Миопатия, атрофия және бұлшықет әлсіздігі, остеопороз (дозаға тәуелді, қысқа мерзімді қолданғанда да мүмкін), асептикалық сүйек некрозы, сіңір аурулары, тендинит, сіңірдің үзілуі, эпидуральді липоматоз, балалардағы өсудің бәсеңдеуі. Ұрпақ өрбіту жүйесі және сүт бездері тарапынан бұзылулар Жыныстық гормондар секрециясының бұзылуы (нәтижесінде: аменореяға дейінгі тұрақсыз етеккір, гирсутизм, импотенция). Жалпы бұзылыстар және енгізу орнындағы реакциялар Жарақаттың баяу жазылуы. Жергілікті қолдану: жергілікті тітіркену мен жақпаушылық реакциялары болуы мүмкін (ысыну сезімі, ұзақ уақыт бойы ауыру), әсіресе офтальмологияда қолданған кезде. Егер кортикостероидтар буын қуысына абайлап енгізілмесе, тері атрофиясын және инъекция орнындағы тері асты шелінің атрофиясын жоққа шығаруға болмайды. Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: дексаметазонмен жедел уыттану белгісіз. Созылмалы артық дозаланған жағдайда жағымсыз әсерлердің, атап айтқанда эндокриндік, метаболизмдік және электролиттік әсерлердің күшеюін күтуге болады. Емі: препаратты тоқтатып, симптоматикалық ем тағайындау керек. Спецификалық антидоты жоқ.

Дексаметазон-Аджио препаратын қолданған кезде қан айналымының бұзылуымен, жүрек жеткіліксіздігімен, жүректің тоқтауымен, аритмиямен, бронх түйілуімен және / немесе гипотензиямен немесе артериялық гипертензиямен ауыр анафилаксиялық реакциялардың жекелеген жағдайлары байқалды. Иммуносупрессия есебінен дексаметазонмен емдеу бактериялық, вирустық, паразиттік, шартты-патогенді және зеңді инфекциялардың пайда болу қаупінің артуына әкелуі мүмкін. Бұл бұрыннан бар немесе дамып келе жатқан инфекцияның симптомдарын бүркемелеуі мүмкін, мұнымен аурудың диагностикасын қиындатады. Туберкулез немесе В гепатиті сияқты жасырын инфекциялар болған жағдайда аурудың реактивациясы мүмкін. Ерекше физикалық стресс жағдайларында (жарақат, операция, босану және т.б.) дексаметазонмен емдеу кезінде дозаны уақытша арттыру қажет болуы мүмкін. Дексаметазонмен емдеуді өте қатаң көрсетілімдер болған жағдайда ғана тағайындаған жөн және қажет болған жағдайда мынадай жағдайлардың кез келгені болған жағдайда инфекцияға қарсы мақсатты емдеуді қосымша қолданған жөн: - жедел вирустық инфекциялар (В гепатиті, белдемелі герпес, қарапайым герпес, желшешек, герпестік кератит) - HBsAG-оң созылмалы белсенді гепатит - тірі вакциналармен вакцинациядан кейін шамамен 8-ден 2 аптаға дейін уақыт аралығында - жүйелі микоздар және паразитоздар (мысалы, нематодтар) - стронгилоидоз (жіпше құрттармен инфекциялану) күдігі бар немесе расталған пациенттер, глюкокортикостероидтар осы паразиттердің белсенуіне және жаппай көбеюіне әкелуі мүмкін - полиомиелит - БЦЖ вакцинациясынан кейінгі лимфаденит - жедел және созылмалы бактериялық инфекциялар - анамнезінде туберкулезі бар пациенттерде тек туберкулостатикалық қорғанысты қамтамасыз ететін препараттармен қолдануға болады Бұдан басқа, дексаметазонмен емдеуді қатаң көрсетілімдер болған кезде ғана жүргізу керек, сондай-ақ қажет болған жағдайда мынадай жағдайларда қосымша спецификалық емдеу қарастырылуы тиіс: - асқазан-ішек жолдарының ойық жаралары - остеопороз - ауыр жүрек жеткіліксіздігі - бақыланбайтын артериялық гипертензия - бақылануы қиын қант диабеті - суицидтік мінез-құлықты қоса, психикалық бұзылулар (анамнезде болуы): неврологиялық немесе психиатриялық бақылау ұсынылады - ашық бұрышты және жабық бұрышты глаукома: офтальмологиялық мониторинг және қосымша ем ұсынылады - мөлдір қабықтың ойық жаралары мен жарақаттары: офтальмологиялық мониторинг және қосымша ем ұсынылады Көрудің бұзылуы Кортикостероидтарды жүйелі және жергілікті қолданғанда көрудің бұзылуы байқалуы мүмкін. Егер пациентте анық көрмеу немесе көрудің басқа да бұзылулары сияқты симптомдар байқалса, жүйелі және жергілікті кортикостероидтарды қолданғаннан кейін хабарланған катаракта, глаукома немесе орталық серозды хориоретинопатия (ОСХРП) сияқты сирек ауруларды қамтуы мүмкін себептерді бағалау үшін офтальмологтың кеңесі туралы мәселені қарастыру керек. Ішектің тесілу қаупіне байланысты Дексаметазон-Аджио препаратын тек шұғыл көрсетілімдер бойынша және келесі жағдайларда қатаң бақылау кезінде қолдануға болады: - перитонеальді симптомдарсыз тесілу қаупі бар ауыр ойық жаралы колит - дивертикулит - энтероанастомоз (бірден операциядан кейін) Асқазан-ішек жолының тесілуінен кейін ішперденің тітіркену белгілері глюкокортикостероидтардың жоғары дозаларын алатын пациенттерде болмауы мүмкін. Қант диабеті бар пациенттерде Дексаметазон-Аджио қолданған кезде инсулинге немесе пероральді гипогликемиялық препараттарға неғұрлым жоғары қажеттіліктің пайда болуын ескеру керек. Препаратпен емдеу кезінде, әсіресе артериялық гипертензиясы қиын бақыланатын пациенттерде Дексаметазон-Аджио анағұрлым жоғары дозаларын қолданған кезде артериялық қысымға тұрақты мониторинг жүргізу қажет. Жай-күйдің нашарлау қаупіне байланысты ауыр жүрек жеткіліксіздігі бар пациенттер мұқият бақылауда болуы тиіс. Дексаметазонның жоғары дозаларын қолдану брадикардияны туындатуы мүмкін. Ауыр анафилаксиялық реакциялардың дамуы мүмкін. Фторхинолондар мен глюкокортикоидтарды бір мезгілде қолданған кезде сіңір аурулары, тендинит және сіңірлердің үзілу қаупі артады. Дексаметазонмен емдеу қатарлас миастенияның асқынуын туындатуы мүмкін. Әдетте белсенділігі жойылған вакциналармен егу жүргізу мүмкін. Алайда, иммундық жауап, демек, кортикостероидтардың анағұрлым жоғары дозаларын енгізген кезде вакцинаның әсері өзгеруі мүмкін екенін ескеру керек. Жоғары дозаларды қолданған кезде калийді жеткілікті мөлшерде қабылдауды және натрийді шектеуді қамтамасыз ету, сондай-ақ қан сарысуындағы калий деңгейін бақылау қажет. Шамамен 10 күннен кейін емдеуді күрт тоқтату негізгі аурудың асқынуына немесе қайталануына және бүйрек үсті безінің жедел жеткіліксіздігіне / кортизонды тоқтату синдромына әкелуі мүмкін; сондықтан емдеуді тоқтатқан кезде дозаны баяу төмендету керек. Кейбір вирустық аурулар (желшешек, қызылша) глюкокортикостероидтарды қабылдаған пациенттерде ауыр түрде өтуі мүмкін. Иммунитеті төмен, желшешек немесе қызылшаға шалдықпаған пациенттер, осы қауіпке әсіресе бейім. Егер бұл пациенттер қызылша немесе желшешек жұқтырған адамдармен дексаметазонмен емдеу кезінде байланыста болса, қажет болған жағдайда профилактикалық ем жүргізу керек. Маркетингтен кейінгі кезеңде монотерапия түрінде немесе басқа химиотерапиялық препараттармен біріктірілімде дексаметазонды қолданғаннан кейін қанның қатерлі аурулары бар пациенттерде ісік лизисі синдромының (ІЛС) дамуы туралы хабарланды. Пролиферация жылдамдығы жоғары, жоғары ісік жүктемесі және цитоуытты препараттарға жоғары сезімталдығы бар пациенттер сияқты ІЛС қаупі жоғары пациенттерді мұқият бақылап, тиісті сақтық шараларын қабылдаған жөн. Венаішілік инъекция жүргізген кезде препаратты баяу (2-3 минуттан артық) енгізу керек, өйткені тез енгізген кезде жағымсыз шаншу немесе парестезия сияқты жағымсыз әсерлер пайда болуы мүмкін. Дексаметазон-Аджио препараты қысқа мерзімді қолдануға арналған. Ұзақ уақыт бойы дұрыс қолданбаған кезде құрамында глюкокортикостероидтар бар дәрілік заттарды ұзақ мерзімді қолдану үшін сипатталған қосымша ескертулер мен сақтық шараларын ескерген жөн. Потенциалды жүйелі жағымсыз әсерлердің дамуын, сондай-ақ препаратты жергілікті қолданғаннан кейінгі өзара әрекеттесуді ескеру қажет. Глюкокортикостероидтарды буынішілік енгізу буын инфекцияларының даму қаупін арттырады. Глюкокортикостероидтарды ірі буындарға ұзақ уақыт енгізу және қайталанатын инъекция жүктемеден туындаған буындардың өзгерістерін күшейтуі мүмкін. Бұл, ауыру немесе аурудың басқа симптомдары жойылғаннан кейін зақымданған буындарға жүктеменің артуымен байланысты болуы ықтимал. Жедел бүйрек үсті безінің жеткіліксіздігі Дексаметазон фосфатын қабылдауды 10 күннен астам уақытқа кенеттен тоқтату негізгі аурудың өршуіне немесе қайталануына және жедел бүйрек үсті безі жеткіліксіздігінің пайда болуына әкелуі мүмкін. Сондықтан дозаны біртіндеп азайту керек. Феохромоцитомалық криз Жүйелік кортикостероидтарды енгізгеннен кейін өлімге әкелуі мүмкін феохромоцитомалық криз туралы хабарланды. Кортикостероидтарды күдікті немесе феохромоцитома анықталған пациенттерге қауіп пен пайда арақатынасын тиісті бағалаудан кейін ғана қолдану керек. Гипертрофиялық кардиомиопатия Шала туған нәрестелерде кортикостероидтарды, дексаметазонды қоса, жүйелі енгізгеннен кейін гипертрофиялық кардиомиопатия туралы хабарланды. Тіркелген жағдайлардың көпшілігінде бұл емдеуді тоқтатқан кезде қайтымды болды. Дексаметазонмен жүйелі ем алатын шала туған нәрестелерде диагностикалық бағалау және жүректің қызметі мен құрылымына мониторинг жүргізу керек. Офтальмологияда жергілікті қолдану Дексаметазонды жүйелі сіңірілу кезінде офтальмологияда қарқынды немесе ұзақ емдеу барысында CYP3A4 тежегіштерін (ритонавир мен кобицистатты қоса) алған балалар мен пациенттерді қоса, бейім пациенттерде Кушинг синдромы және/немесе бүйрек үсті бездерінің супрессиясы пайда болуы мүмкін. Бұл жағдайларда емдеуді біртіндеп тоқтату керек. Стероидтарды субконьюнктивальді енгізу кезінде сақ болу ұсынылады, өйткені бұл ақ қабықтың жұқаруы немесе жұмсаруы потенциалды қаупімен байланысты болуы мүмкін. Балалар және жасөспірімдер Шала туған балалар Қолда бар деректер күніне екі рет 0,25 мг/кг бастапқы дозаларда өкпенің созылмалы аурулары бар шала туған балаларды ерте емдегеннен кейін (туғаннан кейін < 96 сағат) жүйке жүйесі тарапынан ұзақ жағымсыз құбылыстар туралы куәландырады. Дексаметазонды өсу кезеңінде балаларда қолданған кезде осы емдеудің пайдасы мен қаупінің арақатынасын мұқият таразылау керек. Егде жастағы пациенттер Егде жастағы пациенттердің остеопороздың дамуының жоғары қаупіне бейім екенін ескере отырып, дексаметазонды қолданған кезде осы емдеудің пайдасы мен қаупінің арақатынасын мұқият таразылау керек. Дексаметазонды қолдану допинг-бақылау жүргізу кезінде оң нәтижелерге әкелуі мүмкін. Арнайы ескертулер Қосымша заттар туралы ерекше ақпарат «Метилгидроксибензоат» және «пропилгидроксибензоат» баяу типтегі аллергиялық реакцияларды тудыруы мүмкін. ¶ Препарат құрамында натрий бар. Бұл препарат құрамында дозасына 1 ммоль мөлшерінен аз (23 мг) натрий бар, яғни, құрамында натрий жоқ дерлік. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Дексаметазонның көлік құралдарын және қауіптілігі зор механизмдерді басқару қабілетіне әсері туралы ақпарат жоқ.

Дексаметазон плацента арқылы өтеді. Жүктілік кезінде, әсіресе бірінші триместрде, бұл препаратты пайда мен қауіп арақатынасын мұқият бағалағаннан кейін ғана қолдану керек. Жүктілік кезінде глюкокортикостероидтармен ұзақ емдеу кезінде шарана өсуінің бұзылуын жоққа шығаруға болмайды. Буаз жануарларға кортикостероидтарды енгізу таңдайдың жарығын, құрсақішілік өсудің тежелуін қоса, ұрықтың дамуындағы ауытқуларды туындатуы, сондай-ақ мидың өсуі мен дамуына әсер етуі мүмкін. Кортикостероидтарды қолдану адамдарда таңдай/ерін бөлінуі сияқты туа біткен ауытқулардың жоғары жиілігіне әкеледі деген дәлелдер жоқ. Жүктілік кезеңінің соңында глюкокортикостероидтарды қолданғанда, шарананың бүйрек үсті безі қыртысының атрофиясы қаупі бар, бұл жаңа туған нәрестеде алмастыру емін қажет етуі мүмкін, оны одан әрі баяу төмендету қажет. Зерттеулер дексаметазонды қоса, кортикостероидтарды қысқа мерзімді пренатальді қолданудан кейін неонатальді гипогликемия қаупінің жоғарылағанын көрсетті. Дексаметазон емшек сүтімен шығарылады. Емшек еметін жастағы балаларға жағымсыз әсер ету жағдайлары белгісіз. Дегенмен, лактация кезеңінде препаратты қатаң көрсетілімдер бойынша қолдану керек. Егер ауру кезінде едәуір жоғары дозаны қолдану қажет болса, емшек емізуді тоқтату керек.

Эстрогендер (мысалы, пероральді контрацептивтер): глюкокортикоидтардың жартылай шығарылу кезеңі ұзаруы мүмкін. Сондықтан кортикостероидтардың әсері күшеюі мүмкін. Рифампицин, фенитоин, карбамазепин, барбитураттар және примидон сияқты CYP3A4 индукциялайтын препараттар: кортикостероидтардың әсері төмендеуі мүмкін. CYP3A4 тежегіштері (кетоконазолды, итраконазолды, ритонавирді және кобицистатты қоса) дексаметазон клиренсін төмендетуі мүмкін, бұл бүйрек үсті бездері функциясының/Кушинг синдромының күшеюіне және бәсеңдеуіне әкелуі мүмкін. Емдеудің пайдасы кортикостероидтардың жүйелі жағымсыз әсерлерінің жоғары даму қаупінен асып түсетін жағдайларды қоспағанда, осы біріктірілімнен аулақ болу керек. Бұл жағдайда пациенттер кортикостероидтардың жүйелі әсерінің пайда болу мәніне бақылауда болуы тиіс. Эфедрин: глюкокортикоидтардың метаболизмі жеделдетілуі мүмкін, сондықтан олардың тиімділігі төмендейді. АӨФ тежегіштері: қан көрсеткіштерінің өзгеру қаупі жоғары. Жүрек гликозидтері: гликозидтердің әсері калий тапшылығы кезінде күшеюі мүмкін. Салуретиктер/іш жүргізетін дәрілер: калий экскрециясының жоғарылауы мүмкін. Гипогликемиялық препараттар: гипогликемиялық әсердің төмендеуі мүмкін. Кумарин туындылары: антикоагулянтты әсердің төмендеуі немесе артуы мүмкін. Бірге қолданған кезде антикоагулянт дозасын түзету қажет болуы мүмкін. Қабынуға қарсы стероидты емес препараттар (ҚҚСП), салицилаттар және индометацин: асқазан-ішек ойық жаралары мен қан кетудің даму қаупі артады. Деполяризацияламайтын миорелаксанттар: миорелаксантты әсердің ұзаруы мүмкін. Атропин, басқа антихолинергиялық препараттар: бір мезгілде қолданған кезде көзішілік қысымның қосымша жоғарылауы мүмкін. Празиквантел: кортикостероидтар қандағы празиквантел концентрациясының төмендеуін туындатуы мүмкін. Хлорохин, гидроксихлорохин, мефлохин: миопатия мен кардиомиопатияның даму қаупі жоғары. Протирелин: протирелинмен емдеу кезінде тиреотропты гормон (ТТГ) деңгейінің төмендеуі мүмкін. Иммуносупрессиялық препараттар: инфекцияларға сезімталдықтың жоғарылауы және латентті инфекциялардың асқыну немесе белсенуі мүмкін. Сонымен қатар, циклоспорин үшін: қандағы циклоспорин мөлшерінің жоғарылауы: құрысулардың жоғары қаупі бар. Фторхинолондар сіңір ауруларының даму қаупін арттыруы мүмкін. Зерттеу әдістеріне әсері: аллергиялық тесттерді жүргізу кезінде тері реакцияларының айқындылық деңгейінің төмендеуі. Үйлесімсіздік Препаратты глюкоза ерітіндісінен және физиологиялық ерітіндіден басқа препараттармен араластыруға болмайды. Дексаметазонды хлорпромазинмен, дифенгидраминмен, доксапраммен, доксорубицинмен, даунорубицинмен, идарубицинмен, гидроморфонмен, ондансетронмен, прохлорперазинмен, галлий нитратымен және ванкомицинмен араластырған кезде тұнбаның болуы байқалады. Шамамен 16% дексаметазонның 2,5% глюкоза және 0,9% NaCl ерітіндісінде амикацинмен ыдырауы байқалды. Кейбір препараттарды, мысалы, лоразепамды дексаметазонмен шыны құтыларда араластыру керек, бірақ пластикалық пакеттерде емес (ерітінді бөлме температурасында поливинилхлоридті пакеттерде 3-4 сағаттан кейін лоразепамның концентрациясы 90% - дан аз төмендеді). Дексаметазонды кейбір препараттармен, мысалы, метараминолмен араластырған кезде үйлесімсіздік 24 сағат ішінде баяу дамиды. Дексаметазон және гликопирролат: ерітіндінің соңғы рН 6,4 құрайды, бұл тұрақтылық ауқымының шегінен шығады.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25°С-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!