Декстемп таблетки 400 мг

Бір таблетка құрамында белсенді зат – дексибупрофен 200 мг немесе 400 мг; қосымша заттар: микрокристалды целлюлоза, кальций карбоксиметилцеллюлозасы, гидроксипропилметилцеллюлоза, сусыз коллоидты кремнийдің қостотығы, тальк; қабығы: Opadry II White үлбірлі жабынға арналған қоспа: гипромеллоза, лактоза моногидрат, титанның қостотығы (Е 171), полиэтиленгликоль (макрогол). Сыртқы түрінің, иісінің, дәмінің сипаттамасы 200 мг таблеткалар: екі жақ беті дөңес дөңгелек пішінді, ақ немесе ақ дерлік түсті үлбірлі қабықпен қапталған таблеткалар. 400 мг таблеткалар: екі жақ беті дөңес ұзынша пішінді, ақ немесе ақ дерлік түсті үлбірлі қабықпен қапталған, екі жағында сызығы бар таблеткалар.

Симптоматикалық емдеу үшін: - остеоартрит/артроз кезіндегі ауырсыну және қабыну; - етеккір кезіндегі ауырсыну (бастапқы дисменорея); - тірек-қимыл аппаратының ауыруы, бас ауыруы немесе тіс ауыруы, жарақаттан кейін ауырсынып ісіну және қабыну сияқты жеңіл немесе орташа ауырсыну; Қысқа мерзімді симптоматикалық емдеу үшін: - ревматоидты артрит, егер емнің басқа да ұзаққа созылатын әдістері (негізгі ем: ревматизмге қарсы препараттар) ескерілмейтін болса. Қолдану басталғанға дейін қажетті мәліметтер тізбесі

Дексибупрофен - рацемиялық ибупрофеннің фармакологиялық белсенді изомері, ол қабынуға қарсы стероидты емес дәрілерге (ҚҚСП) жатады. Оның әсер ету механизмі простагландиндер синтезін басумен байланысты. Препарат қызуды басатын, анальгетикалық және қабынуға қарсы қасиеттерге ие. Салыстырмалы клиникалық зерттеулер нәтижелері бойынша ақпарат бар, остеоартрит, дисменорея, ауыру (соның ішінде тістің) емдеу кезінде дексибупрофен ибупрофенге қарағанда 2 есе аз дозада ұқсас тиімділікке ие. Эксперименттік деректер ибупрофен ацетилсалицил қышқылының төмен дозасының тромбоциттер агрегациясына әсерін осы препараттарды бір мезгілде қолданған кезде бәсекелі түрде басуы мүмкін екенін көрсетеді. Фармакодинамиканың кейбір зерттеулері ибупрофеннің 400 мг бір реттік дозаларын дереу босап шығатын ацетилсалицил қышқылын (81 мг) қолданғанға дейін 8 сағат шегінде қолданғаннан кейін 30 минут шегінде пайдаланған кезде ацетилсалицил қышқылының (аспириннің) тромбоксан түзілуіне немесе тромбоциттер агрегациясына әсерінің төмендеуі байқалғанын көрсетті. Бұл деректерді клиникалық жағдайға экстраполяциялауға қатысты белгісіздік болса да, ибупрофенді тұрақты ұзақ қолдану ацетилсалицил қышқылының төмен дозаларының кардиопротекторлық әсерін төмендетуі мүмкін деген ықтималдылықты жоққа шығаруға болмайды. Ибупрофенді жүйелі қолданбаған кезде мұндай клиникалық маңызды әсер екіталай деп саналады.

Дозалау режимі Дозалау режимін дәрігер ауыру синдромының қарқындылығын ескере отырып, жеке белгілейді. Ересектер әдетте тамақтан кейін күніне 3 рет 1-2 таблеткадан (200-400 мг дексибупрофен) тағайындайды. Ұсынылатын бастапқы доза 200 мг дексибупрофенді құрайды. Ұсынылатын тәуліктік доза 3 қабылдауға бөлінген 600-900 мг дексибупрофенді құрайды. Ең жоғары бір реттік доза – 400 мг, ең жоғары тәуліктік доза – 1200 мг. Остеоартрит/артроз және ревматоидты артрит ұсынылатын доза 3 қабылдауға бөлінген, күніне 600-ден 900 мг дейін дексибупрофенді құрайды, мысалы, күніне 2 рет 400 мг немесе күніне 2-3 рет 300 мг*. Жедел симптомдары бар пациенттер үшін доза күніне 1200 мг дексибупрофенге дейін уақытша ұлғайтылуы мүмкін. Бастапқы дисменорея ұсынылатын доза 3 қабылдауға бөлінген, күніне 600-ден 900 мг дейін дексибупрофенді құрайды, мысалы, күніне 2 рет 400 мг немесе күніне 2-3 рет 300 мг*. Жеңіл немесе орташа ауырсыну ұсынылатын доза 3 қабылдауға бөлінген тәулігіне 600 мг дексибупрофенді құрайды. Тамақтану кезінде қабылдаған жөн. Енгізу әдісі мен жолы Препаратты тамақтан кейін немесе тамақтану кезінде қабылдау керек. * дексибупрофенді тиісті дозада қолдану ұсынылады. Емдеу ұзақтығы Препарат ауырсынуды симптоматикалық түрде басуға арналған, бірақ егер аурудың симптомдары 3 күннен ұзақ уақытқа созылса, жоғары температурамен, бас ауыруымен немесе басқа құбылыстармен қатар жүрсе, диагнозды нақтылау және емдеу режимін қосымша түзету қажет. Пациенттердің ерекше топтары Балалар Препарат балалар мен 18 жасқа дейінгі жасөспірімдерде қарсы көрсетілімді. Бауыр мен бүйрек функциясы бұзылған пациенттер Бауыр мен бүйрек функциясының орташа бұзылулары бар пациенттерге дәрілік затты қолдануды азайтылған дозалардан бастаған жөн. Дексибупрофенді бауыр немесе бүйрек функциясының ауыр бұзылулары бар пациенттерге қолдануға болмайды. Егде жастағы пациенттер Егде жастағы пациенттерге емді төмен дозалардан бастау ұсынылады. Дозаны дәрілік заттың жақсы жағымдылығы анықталғаннан кейін ғана ұсынылатын тәуліктік дозаға дейін арттыруға болады. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Препаратты қолданар алдында емдеуші дәрігермен кеңесіңіз.

- дексибупрофенге, басқа ҚҚСП-ға немесе қосымша заттардың кез келгеніне аса жоғары сезімталдық; - ацетилсалицил қышқылы және басқа да ҚҚСП сияқты әсер ету механизмі ұқсас заттар бронх демікпесінің, бронх түйілу, жедел ринит ұстамаларын туындататын немесе мұрында полиптердің дамуына, есекжемге немесе ангионевроздық ісінуге әкелетін пациенттердің қолдануы; - ҚҚСП қолданумен байланысты анамнезінде ас қорыту жолында қан кету немесе тесілу; - ойық жара ауруының белсенді фазасы/ас қорыту жолында қан кету, анамнезінде ойық жара ауруы/ас қорыту жолында қан кету (ойық жара немесе қан кетудің кемінде расталған екі фактісі); - Крон ауруы немесе белсенді фазадағы спецификалық емес ойық жаралы колит; - цереброваскулярлық қан кету немесе белсенді фазадағы басқа қан кетулер; - қан түзудің немесе қанның ұюының бұзылуы; - бауырдың, бүйректің және жүректің ауыр жеткіліксіздігі; - жүктіліктің соңғы триместрі.

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥1/10), жиі (≥1/100-ден <1/10-ға дейін), жиі емес (≥1/1000-нан <1/100-ге дейін), сирек (≥1/10000-нан <1/1000-ға дейін), өте сирек (<1/10000), белгісіз (қолда бар деректер негізінде бағалау мүмкін емес). Өте жиі Диспепсия, іштің ауыруы. Жиі Ұйқышылдық, бас ауыруы, вертиго, бас айналу; диарея, жүрек айнуы, құсу; бөртпе; қатты қажу, қатты терлеу. Жиі емес Ұйқысыздық, мазасыздық, үрейлену; көрудің бұзылуы (оның ішінде көзге қос көріну); құлақтағы шуыл; ринит, бронх түйілуі; ангионевроздық ісіну; есекжем, терінің қышынуы; пурпура (аллергиялық пурпураны қоса); асқазан-ішек ойық жаралары мен қан кетулер, гастрит, ойық жаралы стоматит, мелена. Сирек Анафилаксиялық реакциялар; уақытын ұлғайту қан ұю, тромбоцитопения, лейкопения, гранулоцитопения, панцитопения, агранулоцитоз, апластты анемия, гемолитикалық анемия; психоздық реакциялар, депрессия, ашушаңдық, елестеулер, бағдардан адасу, сананың шатасуы, қозу; қайтымды уытты амблиопия; естудің бұзылуы; бауыр функциясының бұзылуы, гепатит, сарғаю; асқазан-ішек жолдарының тесілуі, метеоризм, іш қату, эзофагит, эзофагеальді стриктуралар, дивертикулиттің асқынуы, спецификалық емес геморрагиялық колит, ойық жаралы колит, Крон ауруы. Асқазан-ішектен қан кету дамыған жағдайда анемия мен гематомезис дамуы мүмкін; Өте сирек Қабыну инфекциялық процестерінің асқынуы (некроздалған фасциит); аса жоғары сезімталдықтың жайылған реакциялары, оның ішінде бронх демікпесі, тахикардия, артериялық гипотензия, шок, бөртулері бар қызба, іштің ауыруы, бас ауыруы, жүрек айнуы, құсу, асептикалық менингит (асептикалық менингиттің даму жағдайларының көпшілігі аутоиммунды аурулардың алуан түрлері сияқты қауіп факторлары бар пациенттерде байқалды); интерстициальді нефрит, некроздалған синдром, бүйрек жеткіліксіздігі; мультиформалы эритема, Стивенс-Джонсон синдромы, уытты эпидермальді некролиз (Лайелл синдромы), жүйелі қызыл жегі және басқа коллагеноздар, алопеция, фотосезімталдық реакциялар, аллергиялық васкулит, Белгісіз Эозинофилиямен және жүйелі симптомдармен дәрілік реакция (DRESS синдромы); жедел жайылған экзантематозды пустулез (AGEP). ҚҚСД қолдану кезінде сондай-ақ ісіну, жүрек жеткіліксіздігінің дамуы, артериялық қысымның жоғарылауы, сұйықтықтың іркілуі, әсіресе артериялық гипертензиясы немесе бүйрек жеткіліксіздігі бар науқастарда хабарланды. Зерттеулердің деректері ибупрофенді қолдану (әсіресе тәулігіне 2400 мг жоғары дозаларда) және ұзақ мерзімді емдеу артериялық тромбоздық асқынулардың (мысалы, миокард инфарктісі немесе инсульт) бірнеше жоғары қаупімен байланысты болуы мүмкін екенін көрсетеді. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Дексибупрофен төмен жедел уыттылықпен сипатталады. Көп жағдайда артық дозалану симптомсыз өтеді. Симптомдардың даму қаупі 80-100 мг/кг ибупрофенді (бұл 40-50 мг/кг дексибупрофенге баламалы) қолданғанда пайда болады. Симптомдары: іштің ауыруы, жүрек айнуы, құсу, сылбырлық, ұйқышылдық, бас ауыруы, нистагм, құлақтағы шуыл, атаксия, сирек жағдайларда – асқазан-ішектен қан кету, артериялық гипотензия, гипотермия, метаболизмдік ацидоз, құрысулар, бүйрек функциясының бұзылуы, кома, ересектердің респираторлық дистресс-синдромы, өтпелі апноэ ұстамалары. Емі: симптоматикалық ем, спецификалық антидот жоқ. Артық дозаланған жағдайда белсендірілген көмірді қабылдап, асқазанды шаюды жүзеге асырған жөн (уланудан кейінгі алғашқы сағат ішінде ғана). Қарқынды диурез, гемодиализ, гемоперфузия дексибупрофенді қан ақуыздарымен байланыстырудың жоғары дәрежесіне байланысты тиімсіз.

Арнайы ескертулер Дексибупрофенді қолдану кезінде туындайтын жағымсыз реакцияларды қысқа уақыт кезеңі ішінде симптомдарды емдеу үшін қажетті ең төмен тиімді дозаны қолдану арқылы азайтуға болады. Дексибупрофенді ұзақ уақыт қолданған кезде пациенттер бүйрек, бауыр және гематологиялық функцияларға тұрақты мониторинг жүргізуі керек. Дексибупрофенді циклооксигеназа-2 (ЦОГ-2) селективті тежегіштерін қоса, басқа ҚҚСП-мен бір мезгілде қолданудан аулақ болу керек. Асқазан-ішек жолына әсері ҚҚСП емдеудің кез келген кезеңінде пайда болған, алдын алу симптомдарының болуына немесе анамнезінде ас қорыту жолы тарапынан ауыр бұзылуларға қарамастан, асқазан-ішектен қан кету, тесілу, ойық жаралар, кейде өліммен аяқталған жағдайлар туралы хабарланды. Егде жастағы пациенттерде ҚҚСП-ға жағымсыз реакциялардың, әсіресе асқазан-ішек қан кетулерінің және өлімге әкелуі мүмкін тесілулердің жоғары жиілігі байқалады. Асқазан-ішектен қан кету, тесілу, ойық жара қаупі ҚҚСП дозалары ұлғайған кезде, анамнезінде ойық жарасы бар пациенттерде, әсіресе, егер ол қан кетумен немесе тесілумен асқынған болса, алкоголизммен ауыратын пациенттерде және егде жастағы пациенттерде артады. Бұл пациенттер емдеуді ең төменгі дозалардан бастауы тиіс. ҚҚСП-ны ішектің созылмалы қабыну аурулары (ойық жаралы колит, Крон ауруы) бар пациенттерге сақтықпен қолдану керек, өйткені бұл жағдайлар өршуі мүмкін. ҚҚСП-ны пероральді кортикостероидтар, антикоагулянттар (мысалы, варфарин), серотонинді кері қармаудың селективті тежегіштері немесе тромбозға қарсы дәрілер (мысалы, ацетилсалицил қышқылы) сияқты ойық жаралардың немесе қан кетулердің пайда болу қаупін арттыратын, қатар жүретін дәрілерді алатын пациенттерге сақтықпен қолдану керек. Осы пациенттер үшін, сондай-ақ анамнезінде ойық жарасы бар пациенттер үшін, әсіресе, егер ол қан кетумен немесе тесілумен асқынған болса, алкоголизммен ауыратын пациенттер және егде жастағы пациенттер үшін дәрігер мизопростолмен немесе протонды помпа тежегіштерімен біріктірілген емнің орындылығын қарауы тиіс. Анамнезінде асқазан-ішек бұзылулары бар пациенттерге, ең алдымен егде жастағы пациенттерге асқазан-ішек жолы тарапынан кез келген әдеттен тыс симптомдар (негізінен қан кету) туралы, әсіресе емнің басында асқазан-ішектен қан кету туралы хабарлау керек. Асқазан-ішектен қан кету немесе ойық жара дамыған жағдайда дексибупрофенді қолдануды дереу тоқтату керек. Жүрек-қантамыр жүйесіне әсері Анамнезінде артериялық гипертензиясы және/немесе жүрек жеткіліксіздігі (жеңіл және ауырлығы орташа дәрежедегі) бар пациенттерге емдеуді сақтықпен бастау керек (дәрігердің кеңесі қажет), өйткені ҚҚСП емдеу кезінде сұйықтықтың іркілу және ісіну жағдайлары туралы хабарланған. Зерттеулердің деректері ибупрофенді қолдану (әсіресе тәулігіне 2400 мг жоғары дозаларда) және ұзақ мерзімді емдеу артериялық тромбоздық асқынулардың (мысалы, миокард инфарктісі немесе инсульт) бірнеше жоғары қаупімен байланысты болуы мүмкін екенін көрсетеді. Зерттеу деректері ибупрофеннің төмен дозасы (мысалы тәулігіне ≤ 1200 мг) миокард инфарктісі қаупінің жоғарылауына әкелуі мүмкін деп болжамайды. Дексибупрофенді қолдану кезінде бұл қауіпті болдырмау үшін деректер жеткіліксіз. Бақыланбайтын артериялық гипертензиясы, жүректің ишемиялық ауруы, шеткері артериялар ауруы және/немесе цереброваскулярлық аурулары бар пациенттерге ұзақ мерзімді емдеуді дәрігер мұқият талдаудан кейін ғана тағайындай алады. Жүрек-қантамыр асқынуларының қауіп факторлары айқын пациенттерге (мысалы, артериялық гипертензия, гиперлипидемия, қант диабеті, шылым шегу) ҚҚСП ұзақ емдеуді мұқият ойластырғаннан кейін ғана тағайындау керек. Қан жүйесіне әсері Басқа ҚҚСП сияқты, дексибупрофен тромбоциттер агрегациясын қайтымды тежеуі және қан кету уақытын ұзартуы мүмкін. Геморрагиялық диатезі, коагуляцияның басқа да бұзылулары бар пациенттерге және дексибупрофенді пероральді антикоагулянттармен бір мезгілде қолданғанда сақтықпен қолдану керек. Зерттеулердің деректері бір мезгілде қолданған кезде ибупрофен ацетилсалицил қышқылының тромбоциттер агрегациясына төмен дозаларда әсерін бәсеңдетуі мүмкін екендігін көрсетеді. Алайда, бұл деректердің шектелуі және ex vivo деректерін клиникалық жағдайға экстраполяциялауға қатысты белгісіздік ибупрофенді тұрақты қолдануға қатысты түпкілікті қорытынды жасауға мүмкіндік бермейді; ибупрофенді жүйелі қолданбаған кезде әсерлердің ықтималдылығы аз деп саналады. Несеп шығару жүйесіне әсері Простагландин синтезінің басқа ингибиторлары сияқты, дексибупрофен бүйрек функциясына теріс әсер етуі мүмкін, бұл шумақтық немесе интерстициальді нефритке, бүйрек папиллярлық некрозға, нефроздық синдромға және жедел бүйрек жеткіліксіздігіне әкелуі мүмкін. Басқа NSAID сияқты, дексибупрофен қан плазмасындағы креатинин мен мочевина азотының концентрациясын жоғарылатуы мүмкін. Бүйрек функциясының бұзылуы бар пациенттерге дексибупрофенді ең төмен тиімді дозада сақтықпен қолданған жөн, сұйықтықтың іркілуі, ісіну және бүйрек функциясының нашарлау қаупін ескерген жөн және бүйрек функциясының тұрақты мониторингін жүзеге асырған жөн. Анальгетиктерді үнемі қолдану, әсіресе әртүрлі ауырсынуды басатын дәрілердің біріктірілімі бүйрек жеткіліксіздігінің дамуымен бүйректің ауыр зақымдалуына әкелуі мүмкін (анальгетикалық нефропатия). Гепатобилиарлық жүйеге әсері Басқа ҚҚСП қолданғандағыдай, бауырдың кейбір функционалдық параметрлерінің шамалы ұлғаюы, сондай-ақ АСТ және АЛТ айтарлықтай ұлғаюы мүмкін. АЛТ және АСТ деңгейлері айтарлықтай жоғарылаған жағдайда дексибупрофенді қолдануды тоқтату керек. Бауыр функциясының бұзылуы бар пациенттерге дексибупрофенді ең төмен тиімді дозада сақтықпен қолдану және бауыр функциясының тұрақты мониторингін жүзеге асыру. Теріге және тері асты шеліне әсері Қабынуға қарсы стероидты емес дәрілерді пайдаланумен байланысты эксфолиативтік дерматитті, Стивенс–Джонсон синдромын және уытты эпидермальді некролизді қоса алғанда, өлімге әкелуі мүмкін сирек күрделі тері реакциялары туралы хабарланды. Емнің басында осы реакциялардың қаупі жоғары. Реакцияның басталуы көп жағдайда, емдеудің бірінші айында пайда болады. Сондай-ақ препаратты қолданғаннан кейін пайда болған жедел жайылған экзантематозды пустулез жағдайы туралы хабарланды. Дексибупрофенді терінің алғашқы зақымдану белгілері мен симптомдары пайда болған кезде, мысалы, тері бөртпесі, шырышты зақымдану немесе басқа да аса жоғары сезімталдық белгілері пайда болған кезде тоқтату керек. Әйелдердің фертильділігіне әсері Циклооксигеназа/простагландин синтезін тежейтін дәрілік заттар фертильділікке әсер етуі мүмкін және жүкті болуға тырысып жүрген әйелдерге ұсынылмайды деген шектеулі деректер бар. Жүктіліктің басталуына байланысты қиындықтарға тап болған немесе бедеулік себебінен тексеруден өтіп жүрген әйелдерге, дексибупрофен қабылдауды тоқтату керек. Иммундық жүйеге әсері Басқа ҚҚСП қолдану кезіндегідей аллергиялық реакциялар, оның ішінде анафилаксиялық /анафилактоидты реакциялар дамуы мүмкін. Бронх демікпесі, маусымдық аллергиялық ринит, полиптер, өкпенің созылмалы обструктивті ауруы, анамнезіндегі созылмалы распираторлық инфекциялары бар пациенттерде ҚҚСП бронх түйілуін туындатуы мүмкін. Жүйке жүйесі мен бүйрек тарапынан жағымсыз реакциялардың, оның ішінде асептикалық менингиттің даму қаупінің жоғары болуына байланысты жүйелі қызыл жегі бар және дәнекер тіннің аралас ауруларына шалдыққан пациенттерге дексибупрофенді сақтықпен қолдану керек. Жасырын инфекциялар симптомдарының бүркемеленуі Басқа ҚҚСП сияқты, дексибупрофен инфекциялық аурулардың симптомдарын бүркемелеуі мүмкін, бұл тиісті емнің басталуын кешіктіріп, аурудың ағымын қиындатады. Бұл бактериялық ауруханадан тыс пневмонияда және желшешектің бактериялық асқынуы кезінде байқалды. Препарат дене температурасының жоғарылауымен немесе инфекция кезінде ауырсынуды жеңілдету үшін қолданылған кезде, инфекциялық ауруды бақылау ұсынылады. Желшешек тері мен жұмсақ тіндердің ауыр инфекциялық асқынуларының себебі ретінде сирек болуы мүмкін. Қазіргі уақытта ҚҚСП-ның осы инфекциялардың ауырлығын төмендетудегі рөлін жоққа шығаруға болмайды. Осының салдарынан желшешекпен ауыратын пациенттерге дексибупрофенді қолданудан аулақ болу ұсынылады. Кез-келген ауырсынуды ұзақ уақыт қолданған кезде бас ауыруы пайда болуы мүмкін, оны дәрілік заттың дозасының жоғарылауымен емдеуге болмайды. Қосымша заттар Дәрілік препараттың құрамында лактоза бар, сондықтан галактоза көтере алмаушылығы, Лапп лактаза тапшылығы немесе глюкоза-галактоза мальабсорбциясының бұзылуы сияқты сирек тұқым қуалайтын ауруларға шалдыққан пациенттерге осы дәрілік препаратты қолдануға болмайды. Педиатрияда қолдану Препарат балалар мен 18 жасқа дейінгі жасөспірімдерде қарсы көрсетілімді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Дозалауға және емдеу ұзақтығына қатысты ұсынымдар орындалған жағдайда дәрілік зат автокөлікті немесе басқа механизмдерді басқару кезіндегі реакция жылдамдығына әсер етпейді. Алайда, бас айналу, қатты қажу, ұйқышылдық, бағдардан адасу немесе көрудің бұзылуы жағдайында автокөлікті немесе басқа механизмдерді басқарудан бас тарту керек.

Жүктілік Простагландин синтезін басу жүктілікке және/немесе эмбрионның/ұрықтың дамуына теріс әсер етуі мүмкін. Егер пациент үшін әлеуетті пайда шарана үшін әлеуетті қауіптен аспаса, жүктіліктің I және II триместрінде дексибупрофенді қолданудан аулақ болу керек. Жүктіліктің I немесе II триместрі ішінде қолданған жағдайда барынша қысқа уақыт кезеңі ішінде ең аз тиімді дозаны қолдану керек. Жүктіліктің 6-шы айының басынан бастап дексибупрофенді қолдануға болмайды. Лактация Дексибупрофен емшек сүтіне өте төмен концентрацияда өтеді. Бала емізу кезеңінде қолдану қысқа уақыт кезеңі ішінде төмен дозаларда ғана мүмкін болады. Егер ұзақ қолдану немесе жоғары дозалар тағайындалса, бала емізуді тоқтату керек. Фертильділігі ҚҚСП қолдану фертильділікке әсер етуі мүмкін және жүкті болуға тырысып жүрген әйелдерге ұсынылмайды.

Дексибупрофенді мынадай дәрілік заттармен бір мезгілде қолдану ұсынылмайды: Антикоагулянттар: ҚҚСП варфарин сияқты антикоагулянттардың әсерін күшейте алады. Бір мезгілде қолданған жағдайда коагуляция процестеріне мониторинг жүргізу және қажет болған жағдайда антикоагулянттардың дозасын түзету ұсынылады. Басқа ҚҚСП, оның ішінде ацетилсалицил қышқылы (тәулігіне 100 мг дозада): басқа ҚҚСП, оның ішінде ЦОГ-2 селективті тежегіштерін бір мезгілде қолдану асқазан-ішек жолында ойық жара және қан кету қаупін арттыруы мүмкін. Литий: ҚҚСП қан плазмасындағы литий деңгейін бүйрек клиренсін азайту арқылы жоғарылатуы мүмкін. Бір мезгілде қолданған жағдайда қан плазмасындағы литий деңгейіне жиі мониторинг жүргізу және қажет болған жағдайда дозаны азайту мүмкіндігін қарастыру керек. Метотрексат аптасына 15 мг және одан көп дозада қолданғанда: метотрексатты қабылдағанға дейін немесе қабылдағаннан кейін 24 сағат ішінде ҚҚСП қолданғанда бүйрек клиренсінің төмендеуіне байланысты қан плазмасындағы соңғысының деңгейі жоғарылауы және уытты әсері артуы мүмкін. Дексибупрофенді мынадай дәрілік заттармен бір мезгілде қолдануды сақтықпен жүзеге асырған жөн: Аминогликозидтер, такролимус, сиролимус, циклоспорин: ҚҚСП-мен бір мезгілде қолданған кезде простагландиндер синтезінің төмендеуі есебінен нефроуыттылық қаупінің жоғарылауы мүмкін. Бір мезгілде қолданған жағдайда, әсіресе егде жастағы пациенттерде бүйрек функциясының тұрақты мониторингін жүзеге асырған жөн. Гипертензияға қарсы дәрілер: ҚҚСП бета-блокаторлардың тиімділігін тамыр тарылтатын простагландиндерінің синтезін басу арқылы төмендетуі мүмкін. ҚҚСП-ны ангионтензин-өзгертетін фермент (АӨФ) тежегіштерімен немесе ангиотензин ІІ рецепторларының антагонистерімен бір мезгілде қолдану, әсіресе бүйрек функциясының бұзылуы бар пациенттерде, егде жастағы және дегидратациясы бар пациенттерде жедел бүйрек жеткіліксіздігінің даму қаупін арттыруы мүмкін. Емдеудің басында бүйрек функциясына мониторинг жүргізу керек. Тромбозға қарсы дәрілер, серотонинді кері қармаудың селективті тежегіштері: ҚҚСП-мен бір мезгілде қолданғанда асқазан-ішектен қан кету қаупі артады. Ацетилсалицил қышқылы (тәулігіне 100 мг төмен дозада): ҚҚСП-мен бір мезгілде қолдану ацетилсалицил қышқылының төмен дозаларының тромбоциттер агрегациясын басу қабілетін нашарлатуы мүмкін. Дигоксин: ҚҚСП қан плазмасындағы дигоксин деңгейін жоғарылатып, оның уыттылығын күшейтуі мүмкін. Қан плазмасындағы калий деңгейін жоғарылататын дәрілер (мысалы, калий сақтайтын диуретиктер, АӨФ тежегіштері, ангиотензин II антагонистері, циклоспорин, такролимус триметоприм, гепарин): ҚҚСП қан плазмасындағы калий деңгейін арттыруы мүмкін. Бір мезгілде қолданған жағдайда қан плазмасындағы калий деңгейіне мониторинг жүргізу ұсынылады. Зидовудин: ҚҚСП мен зидовудинді бір мезгілде қолданған кезде гемофилиямен ауыратын науқастарда гемартроз және гематома қаупі артады. Калий сақтайтын, ілмектік және тиазидті диуретиктер: ҚҚСП-мен бір мезгілде қолданғанда бүйрек қан ағымының төмендеуі салдарынан бүйрек жеткіліксіздігі қаупінің жоғарылауы мүмкін. Кортикостероидтар: ҚҚСП-мен бір мезгілде қолданғанда асқазан-ішектен қан кету және ойық жара қаупінің жоғарылауы мүмкін. Метотрексат аптасына 15 мг кем дозада қолданғанда: дексибупрофен қан плазмасындағы метотрексат деңгейін арттыруы мүмкін. Дексибупрофенді және метотрексаттың төмен дозаларын (аптасына 15 мг кем) бір мезгілде қолданған жағдайда, әсіресе емнің басында пациенттің қан көрсеткіштерінің мониторингін жүзеге асырған жөн. Біріктірілімді бүйрек функциясы бұзылған пациенттерге (тіпті орташа дәрежеде), атап айтқанда егде жастағы пациенттерде аса сақтықпен қолдану және бүйрек функциясының тұрақты мониторингін жүзеге асыру керек. Пеметрексед: ҚҚСП жоғары дозалары қан плазмасындағы пеметрекседтің деңгейін арттыруы мүмкін. Бүйрек функциясы бұзылған пациенттерге пеметрекседті қабылдағаннан кейін 2 күн бұрын және 2 күн ішінде ҚҚСП қолданудан аулақ болу керек. Пероральді диабетке қарсы дәрілер: ҚҚСП-ны сульфонилмочевинамен бір мезгілде қолдану қан плазмасындағы глюкоза деңгейінің ауытқуына әкелуі мүмкін. Қан плазмасындағы глюкоза деңгейін бақылау қажет болуы мүмкін. Тромболитиктер, антиагреганттар: дексибупрофен тромбоциттер агрегациясын бәсеңдету жолымен соңғысының тромбозға қарсы әсерін күшейтеді. Фенитоин: кейбір ҚҚСП қан плазмасындағы фенитоин деңгейін жоғарылатып, оның уыттылығын арттыруы мүмкін. Бір мезгілде қолданған жағдайда қан плазмасындағы фенитоин деңгейіне мониторинг жүргізу және қажет болған жағдайда оның дозасын түзету керек. Фенитоин, фенобарбитал, рифампицин: бір мезгілде қолданған кезде дексибупрофеннің тиімділігі төмендеуі мүмкін. Алкоголь: ҚҚСП қолданған кезде алкогольді шамадан тыс тұтыну ас қорыту жүйесінің жағымсыз әсерлерінің қаупін арттыруы мүмкін.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқа қаптамада 25 ºС-ден аспайтын температурада сақтау керек. Балалардың қолы жетпейтін жерде сақтау керек!